ಗೊತ್ತು ನನ್ನ ಅಗತ್ಯ ನಿನಗಿಲ್ಲ,
ಆದರೆ ನನಗೋ ಇದು ಬಿಟ್ಟು ಬೇರೇನೂ ಗೊತ್ತಿಲ್ಲ/
ಇನ್ನೆಲ್ಲೂ ಹರಿದಾಡದಲ್ಲ ಕಳ್ಳ ಮನಸು,
ಯಾವಾಗಲೂ ನಿನ್ನದೇ ಅಂತೆ ಅದಕ್ಕೆ ಕಳ್ಳ ಕನಸು//
ನಕ್ಕಾಗ ಇರುಳಲ್ಲಿ ನಕ್ಷತ್ರ,
ಹಗಲ ಹೊಸ್ತಿಲಲ್ಲಿ ಬೆಳಗಿ ಬಣ್ಣದ ಚಿತ್ತಾರ/
ಚಳಿಗೆ ಮುದುಡಿ ಚಡಪಡಿಸುವಾಗ ನಾನು,
ನೆನಪಾಗಿದ್ದು ಕೇವಲ ನೀನು//
ಪದಕ್ಕೆ ಪದ ಪೋಣಿಸಿ ಕವನ ಕಟ್ಟಿ ಗೆದ್ದೆ,
ಅಕ್ಷರದ ಖಜಾನೆಗೆ ಕನ್ನ ಹಾಕಿ ಚೂರಾದರೂ ಕದ್ದೆ/
ಆದರೆ...ನಿನ್ನೊಲವ ಗೆಲ್ಲಲಾಗಲಿಲ್ಲ,
ನಿನ್ನ ಮನದ ಭಂಡಾರ ದೋಚಲಾಗಲಿಲ್ಲ//
No comments:
Post a Comment