11 July 2010

ಸನ್ನಿಧಿ...

ಮಾತು ಮರೆತ ಮೇಲೆ..ಮೌನದಲೇ ಬರೆದೆ ಓಲೆ...
ನಿನ್ನ ಸನಿಹ-ಸ್ಪರ್ಶ ಸುಳಿದು ಬಂತು ನೆನಪಿನಲ್ಲಿ/
ಭಾವಗಳು ಕರಗಿ ಹನಿಗಳಲಿ ಅಡಗಿ ನಯನಗಳ ತುಂಬಿದವು..
ನೋವೆಲ್ಲೋ ಅಡಗಿ ಮನದೊಡಲು ತೋಯ್ದು ನಗುವನೆ ಚಲ್ಲಿದವು,
ಕಣ್ಣು ಕರೆಯುತಿದೆ..ಒಲವು ಹುಡುಕುತಿದೆ...ನೀನು ಎಲ್ಲಿ?//

ನಿನ್ನೆದೆ ಮಿಡಿತದ ಖಜಾನೆ ತುಂಬಿ ತುಳುಕುತಿದೆ,
ನನ್ನೊಲವ ಖಾತೆಯಲೂ ಏನೂ ಬರವಿಲ್ಲ/
ಹೀಗಿದ್ದೂ ನಾನು ಪರಮ ಭಿಕಾರಿ,
ಇನ್ನೂ ನಿರೀಕ್ಷೆಯ ಪಾವತಿ ಪತ್ರಕ್ಕೆ ನಿನ್ನ ಸಹಿ ಬಿದ್ದಿಲ್ಲ//

ನೀ ನನ್ನೆದೆಯ ಹಾಡು,
ನಿನ್ನದೇ ತಾನೇ ನನ್ನೊಳಗಿರುವ ಮನ ಮಿಡಿಯುವ ಒಲವ ರಾಗ?/
ದಿನರಾತ್ರಿ ನವೆದು ಹಣ್ಣಾದ ನನಗೆ,
ದಯವಿಟ್ಟು ಇನ್ನೊಮ್ಮೆ ಕೇಳಿಸುತ್ತೀಯ ಆ ಪಲುಕುಗಳನ್ನೊಮ್ಮೆ ಈಗ?//

1 comment:

"NRK" said...

ತುಂಬಾ ಚೆನ್ನಾಗಿದೆ , ಸೂಪರ್