24 November 2010

ನನ್ನ ಬಳಿ ನೀನೀಗಿಲ್ಲ...

ಬೆಳಕಿಲ್ಲದ ಹಾದಿಯ ಜೊತೆಗೆ ಕನಸೂಗಳೂ ಇಲ್ಲದ ಹಾದಿಯಲ್ಲಿ ತಡವರಿಸುತ್ತಾ ಸಾಗುತ್ತಿದ್ದೇನೆ,
ಎಡವಿ ಬಿದ್ದರೆ ಕೈ ಹಿಡಿದೆತ್ತಲು ನಿನ್ನಾಸರೆಯಿಲ್ಲ/
ಬದುಕಿನ ಈ ದೀರ್ಘಯಾನದಲಿ ಸೋತು ಸೊರಗಿ ಹೋದರೆ,
ತಲೆಯಾನಿಸಿ ಆಸರೆ ಪಡೆಯಲು ನಿನ್ನ ಹೆಗಲ ಮೆತ್ತೆಯಿಲ್ಲ//

ಬದುಕಿದ್ದೇನೆ ಕೇವಲ ಸತ್ತಂತೆ.
ಮಾತೀಗ ಮಿತ ಎಲ್ಲರೊಂದಿಗೆ...
ನೀನಿಲ್ಲದೆ ಜೊತೆ ತುಂಬಿದ ಸಂತೆಯಲಿ ಮಗುವೊಂದು ಒಂಟಿಯಾದಂತೆ/
ಬೆದರಿ ಬೆಚ್ಚಿ ದಿಕ್ಕುಗಾಣದ ಮನಸಿನ ವೇದನೆಗೆ ಕೊನೆಯೆ ಇಲ್ಲ,
ನಾನು ನಿಜವಾಗಿಯೂ ಒಂಟಿ ನನ್ನ ಬಳಿ ನೀನೀಗಿಲ್ಲ//

No comments: