11 November 2015

ವಲಿ - ೨೫








ಸ್ವಂತ ಬಲದ ಮೇಲೆ ನಡೆಯಲು ಅಸಮರ್ಥನಾಗಿದ್ದ, ಯುದ್ಧ ಗಾಯಾಳುವಾಗಿದ್ದ ಸಾದ್ ಇಬ್ನ್ ಮಾಆದನನ್ನು ಮುಸಲ್ಮಾನರು ಅಕ್ಷರಶಃ ಎತ್ತಿಕೊಂಡು ತಂದು ನ್ಯಾಯಪೀಠದ ಮೇಲೆ ಕೂರಿಸಿದರು. ವಿಚಾರಣೆ ಆರಂಭವಾಯಿತು. ಅವನು ಕೂತಿದ್ದ ಸ್ಥಳದ ಅಕ್ಕಪಕ್ಕಗಳಲ್ಲಿ ಸೆರೆಯಾಳುಗಳನ್ನ ತಂದು ನಿಲ್ಲಿಸಲಾಗಿತ್ತು. ಎಡಗಡೆ ಎಂಟುನೂರಕ್ಕೂ ಹೆಚ್ಚಿನ ದುಗುಡದ ಮುಖ ಹೊತ್ತ ಆತಂಕಿತ ಯುವಕರನ್ನ ಕೈ ಹಿಂದೆ ಕಟ್ಟಿ ಬಿಗಿದು ನಿಲ್ಲಿಸಲಾಗಿದ್ದರೆ, ಬಲಗಡೆ ಮಹಿಳೆಯರು ಹಾಗೂ ಮಕ್ಕಳನ್ನ ಪ್ರತ್ಯೇಕವಾಗಿ ತಂದು ನಿಲ್ಲಿಸಲಾಗಿತ್ತು. ಅವರೆಲ್ಲಾ ಮ್ಲಾನಗೊಂಡ ಮೊಗದೊಂದಿಗೆ ದುಮ್ಮಾನ ಹೊತ್ತು ಮುದುಡಿದಂತೆ ಒತ್ತೊತ್ತಾಗಿ ನಿಂತಿದ್ದರು. ನ್ಯಾಯಾಧೀಶನ ಹಿಂದೆ ಲೂಟಿಗೆ ಹಾಗೂ ಆತನಿಂದ ಯಾವುದೆ ಆಜ್ಞೆ ಹೊರಟರೆ ಅದನ್ನ ನೆರವೇರಿಸುವುದಕ್ಕೆ ನವ ಧರ್ಮಿ ಮುಸಲ್ಮಾನರು ತಯ್ಯಾರಾಗಿ ನಿಂತಿದ್ದರು.




ಏಕಪಕ್ಷೀಯವಾಗಿದ್ದ ವಿಚಾರಣೆ ಹೆಚ್ಚು ಹೊತ್ತು ಸಾಗದೆ ಬಹು ಬೇಗನೆ ಪೂರ್ವ ನಿರ್ಧರಿತ ಶಿಕ್ಷೆಯ ಪ್ರಮಾಣವನ್ನು ನ್ಯಾಯಾಧೀಶನಾಗಿದ್ದ ಸಾದ್ ಘೋಷಿಸುವುದರೋಂದಿಗೆ ಕಲಾಪವನ್ನ ಮುಗಿಯಿತು. ವಿಚಾರಣೆ ಎನ್ನುವ ನಾಟಕ ಮುಗಿದೊಡನೆ ಹೇಗೆ ತಂದು ಅಲ್ಲಿ ಕೂರಿಸಿದ್ದರೋ ಅಂತೆಯೆ ಅಲ್ಲಿಂದ ಹೊತ್ತು ಅವನನ್ನು ಅವನ ಮನೆಗೆ ಮುಟ್ಟಿಸಿ ಬರಲಾಯಿತು. ಸಾದ್ ಕೊಟ್ಟ ತೀರ್ಪು ಹೀಗಿತ್ತು. ಎಲ್ಲಾ ಪುರುಷರಿಗೆ ಮರಣ ದಂಡನೆ! ಮಹಿಳೆಯರು ಹಾಗೂ ಮಕ್ಕಳಿಗೆ ಅಜನ್ಮ ಪರ್ಯಂತ ಗುಲಾಮಗಿರಿ!! ಹಾಗೂ ಯಹೂದಿಗಳ ಸೊತ್ತನ್ನೆಲ್ಲಾ ಸಂಪೂರ್ಣ ಗೆದ್ದ ಪಕ್ಷದವರು ಲೂಟಿ ಹೊಡೆದು ಕೊಳ್ಳೆಯಲ್ಲಿ ಐದನೆ ಒಂದು ಪಾಲನ್ನ ಪ್ರವಾದಿ ಮಹಮದನಿಗೆ ಅರ್ಪಿಸಿ ಉಳಿದ್ದನ್ನ ಸಮಾನವಾಗಿ ಹಂಚಿಕೊಳ್ಳುವುದು!!! ಈ ಅರಣ್ಯ ನ್ಯಾಯವನ್ನು ಆಲಿಸಿದ ಯಹೂದಿಗಳು ಭೀಕರವಾಗಿ ಎದೆ ಬಡಿದುಕೊಂಡು ಗೋಳಿಟ್ಟರು. ಯಾವುದೆ ಪ್ರಶ್ನಾವಳಿ - ಹೇಳಿಕೆ ಇದ್ದಿರದಿದ್ದ ಇದೆಂತಹ ವಿಚಾರಣೆ? ಎನ್ನುವ ಆಕ್ಷೇಪಭರಿತ ಪ್ರತಿರೋಧವನ್ನು ಅವರು ಧ್ವನಿಯಲ್ಲಿ ತೋರಿಸಿದರು. ಆದರೆ ಅವರ ಈ ಪ್ರಯತ್ನವೆಲ್ಲಾ ಕೇವಲ ಗಾಳಿಯಲ್ಲಿ ಗುದ್ದಾಡಿದ ಹಾಗಿತ್ತು ಅಷ್ಟೆ. ನ್ಯಾಯಾಧೀಶನೆಂದರೆ ಪ್ರತ್ಯಕ್ಷ ದೇವರಿದ್ದಂತೆ! ಅವನ ನುಡಿ ದೈವವಾಣಿಗೆ ಸಮ ಎಂದನ್ನುತ್ತಾ ಈ ವಿರೋಧವನ್ನೆಲ್ಲಾ ಮಹಮದ್ ಸರಾಸಗಟಾಗಿ "ಇದು ದೇವರು ನೀಡಿದ ನ್ಯಾಯ?!" ಎಂಬ ಒಂದೆ ಮಾತಿನಲ್ಲಿ ತಿರಸ್ಕರಿಸಿದ ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ ತನ್ನ ಕೃತಿ 'ಸೀಲ್ಡ್ ನೆಕ್ಟರ್'ನ ಪುಟ ಸಂಖ್ಯೆ ಆರುನೂರಾ ಮೂವತ್ತೊಂದರಲ್ಲಿ.



ಎಲ್ಲಾ ಸೆರೆಯಾಳುಗಳನ್ನ ಮದೀನಾ ನಗರದೊಳಗೆ ಎಳೆದೊಯ್ಯಲಾಯಿತು. ನಿಷ್ಕರುಣೆಯಿಂದ ಮಕ್ಕಳೆಲ್ಲರನ್ನ ತಾಯಂದಿರಿಂದ ಬೇರ್ಪಡಿಸಿ ಪ್ರತ್ಯೇಕವಾಗಿಡಲಾಯಿತು. ಇನ್ನು ನಾಳೆ ಸಾಯಲಿಕ್ಕಿರುವ ಪುರುಷರನ್ನೂ ಕುರಿಗಳಂತೆ ಒಟ್ಟಿ ಪ್ರತ್ಯೇಕವಾಗಿ ಕೂಡಿ ಹಾಕಲಾಯಿತು. ಪ್ರೇತ ಕಳೆಯನ್ನ ಅದಾಗಲೆ ಮುಖದಲ್ಲಿ ಹೊತ್ತಂತಿದ್ದ ಅವರೆಲ್ಲರೂ ಮೂಕ ಪಶುಗಳಂತೆ ತಮ್ಮ ದುರ್ವಿಧಿಯನ್ನ ನೆನೆಯುತ್ತಾ ಚಡಪಡಿಕೆಯಿಂದಲೆ ಇರುಳನ್ನ ಕಳೆದರು. ಮದೀನಾದ ಮುಖ ಮಾರಾಟ ಸ್ಥಳದಲ್ಲಿ ಆಳವಾದ ಗುಂಡಿಯನ್ನ ಶಿಕ್ಷೆ ಜಾರಿಗೆಂದೆ ವಿಶೇಷವಾಗಿ ತೋಡಲಾಯಿತು. ವ್ಯವಸ್ಥೆಯ ಪರಿಶೀಲನೆಗೆ ಸ್ವತಃ ಮಹಮದನೆ ಬಂದು ಎಲ್ಲವೂ ಸರಿಯಾಗಿ ಮಾಡಲಾಗಿದೆಯೆ? ಎನ್ನುವ ಮೇಲುಸ್ತುವಾರಿಯನ್ನ ವಹಿಸಿದ. ಆರು ಮಂದಿ ಪುರುಷರನ್ನ ಒಂದು ತಂಡವಾಗಿ ತಂದು ಹೊಂಡದ ಅಂಚಿನಲ್ಲಿ ಕೂರಿಸಲಾಗುತ್ತಿತ್ತು. ಒಬ್ಬೊಬ್ಬರ ತಲೆಯನ್ನೂ ಒಂದೆ ಏಟಿಗೆ ಕಡಿದು ರುಂಡ ಹಾಗೂ ಮುಂಡವನ್ನ ಗುಂಡಿಗೆ ಒದ್ದು ತಳ್ಳಲಾಗುತ್ತಿತ್ತು. ತನ್ನ ಅದೆ ಕೃತಿಯ ಮುಂದಿನ ಅರುನೂರಾ ಮುವತ್ತೆರಡನೆ ಪುಟದಲ್ಲಿ ಇತಿಹಾಸಕಾರಕಾರ ಅಲ್ ಮುಬಾರಖಿ ಈ ಭೀಕರ ಹಾಗೂ ಬೀಭತ್ಸ ಹತ್ಯಾಕಾಂಡದ ವರದಿಯನ್ನ ವಿವರವಾಗಿ ಕೊಟ್ಟಿದ್ದಾನೆ.



ಕೊಲ್ಲಲಾದ ಸೆರೆಯಾಳುಗಳೆಲ್ಲ ಪುರುಷರೆ ಆಗಿದ್ದರೂ ಸಹ, ಕಡೆಯಲ್ಲಿ ಆದರಲ್ಲಿ ಒಬ್ಬ ಮಹಿಳೆಯನ್ನೂ ಸೇರಿಸಲಾಯಿತು. ಆಕೆ ಮುಸಲ್ಮಾನ ಯೋಧನ ತಲೆಯ ಮೇಲೆ ಕೋಟೆಯ ಮೇಲಿಂದ ಕಲ್ಲು ಗುಂಡನ್ನ ಎಸೆದು ಕೊಂದಿದ್ದ ಯಹೂದಿ ಹೆಂಗಸಾಗಿದ್ದಳು. ಅವಳ ಪತಿಯ ಹತ್ಯೆಯನ್ನು ಕಣ್ಣಾರೆ ಕಂಡ ನಂತರ ಆಕೆಯೆ ಮುಂದೆ ಬಂದು ಆ ಘಟನೆಯನ್ನ ವಿವರಿಸಿ ತಾನು ಇನ್ನು ಗಂಡನಿಲ್ಲದೆ ಬದುಕಿ ಪ್ರಯೋಜನವಿಲ್ಲ, ಹೀಗಾಗಿ ನನ್ನನ್ನೂ ಸಹ ಕೊಲ್ಲಿರಿ ಎಂದು ಪ್ರಾರ್ಥಿಸಿ ಬಯಸಿ ಬಯಸಿ ಕತ್ತಿಗೆ ಆಹುತಿಯಾದಳು. ಮಹಮದ್ ಅವಳ ಮನವಿಯನ್ನು ಮನಸಾರೆ ಒಪ್ಪಿದನು. ಆಗ ಅವನಿಗೆ ಇದು ದೇವರ ತೀರ್ಪಾಗಿದ್ದು ಅದರ ವಿರುದ್ಧ ಕ್ರಮ ಕೈಗೊಳ್ಳಲು ತನಗೆ ಅಧಿಕಾರ ಇಲ್ಲ ಎನ್ನುವ ಅಂಶ ಮರೆತು ಹೋಗಿತ್ತು!.



ಇದೇ ರೀತಿ ಗುಂಪಿನಲ್ಲಿದ್ದ ಒಬ್ಬ ವಯೋವೃದ್ಧ ಯಹೂದಿ ಅಝ್ ಝಾಬಿರ್ ಎಂಬಾತನನ್ನು ಉಳಿಸಲು ಅನೇಕರು ಬಹಳ ಪ್ರಯತ್ನ ಪಟ್ಟರು. ಅದಕ್ಕೊಂದು ಖಚಿತ ಕಾರಣವೂ ಇತ್ತು. ದಯಾಳುವಾಗಿದ್ದ ಆತ ತನ್ನ ಸ್ವಭಾವ ಸಹಜವಾಗಿ ಹಿಂದಿನ ಅನೇಕ ಯುದ್ಧಗಳಲ್ಲಿ ಅನೇಕ ಅರಬ್ಬಿಗಳನ್ನ ಕಡೆಕ್ಷಣದಲ್ಲಿ ಜೀವದಾನ ಮಾಡಿ ಪಾರು ಮಾಡಿದ್ದನು. ಅವನ ಆ ಸೇವೆಯನ್ನ ಗುರುತಿಸಿ ಅವನಿಗೆ ಹಾಗೂ ಅವನ ಕುಟುಂಬದವರಿಗೆ ಅವರ ಆಸ್ತಿ ಹಾಗೂ ಪ್ರಾಣ ಭಿಕ್ಷೆಯನ್ನ ನೀಡುವುದು ಒಳ್ಳೆಯದು ಎನ್ನುವುದು ಹಾಗವನ ಪರವಾಗಿ ವಾದಿಸಿದವರ ಅಭಿಪ್ರಾಯವಾಗಿತ್ತು. ಆದರೆ ಆತ ಮಾತ್ರ ಮಾನಸಿಕವಾಗಿ ಮರಗಟ್ಟಿ ಹೋಗಿದ್ದ. ತನ್ನ ಜನಾಂಗದ ಎಲ್ಲರೂ ಸತ್ತು ಹೋಗುತ್ತಿರುವಾಗ ತಾನೊಬ್ಬ ಕುಟುಂಬದೊಂದಿಗೆ ನಿರರ್ತಕವಾಗಿ ಉಳಿದು ಮಾಡುವುದಾದರೂ ಏನು? ಅವರಿಗೆ ಬಂದದ್ದೆ ತನ್ನ ಪಾಲಿಗೂ ಇರಲಿ! ಎಂದು ಆತ ಈ ದಯಾಭಿಕ್ಷೆಯನ್ನ ಅದು ಸಿಗುವ ಮೊದಲೆ ಸರಾಸಗಟಾಗಿ ತಿರಸ್ಕರಿಸಿದ.



ಸಾಲದ್ದಕ್ಕೆ ತಾನೆ, ತನ್ನದೆ ಸ್ವಂತ ಕತ್ತಿಯನ್ನ ಮಹಮದನ ಯೋಧರಿಗೆ ತೋರಿಸುತ್ತಾ ಇದು ನಿಮ್ಮದಕ್ಕಿಂತ ಹರಿತವಾಗಿದೆ, ಇದರಿಂದಲೆ ಒಂದೆ ಏಟಿಗೆ ನನ್ನ ಕತ್ತನ್ನ ಕಡಿದು ಕೊಲ್ಲಿರಿ ಎಂದು ಆಗ್ರಹಿಸಿದ. ಅದನ್ನ ಪರಿಗಣಿಸಿದ ಮಹಮದನ ಅಳಿಯ ಅಲಿ ತನ್ನ ನೆಚ್ಚಿನ ಭಂಟನ ಕೈಗೆ ಅದನ್ನ ದಾಟಿಸಿ ಆ ವೃದ್ಧನ ಕೊನೆಯಾಸೆಯನ್ನು ಕ್ಷಣ ಮಾತ್ರದಲ್ಲಿ ನೆರವೇರಿಸುವಂತೆ ನೋಡಿಕೊಂಡ!



ಬೆಳಗ್ಯೆ ಆರಂಭವಾದ ಈ ಕಡೆದುರುಳಿಸುವ ಆಟ ಇಳಿ ರಾತ್ರಿಯವರೆಗೂ ನಿರಂತರವಾಗಿ ಸಾಗಿತು. ಸುರಿದ ನೆತ್ತರಿನ ಓಕುಳಿಗೆ ಮಾರುಕಟ್ಟೆಯ ನೆಲ ಕೆಸರುಗಟ್ಟಿತು. ಅವರೆಲ್ಲರ ಶವವನ್ನೂ ಗುಂಡಿಗೆಸೆದು ಎಂಟುನೂರ ಒಂದು ಹೆಣಗಳು ತುಂಬಿದ್ದ ಆ ಗುಂಡಿಯನ್ನ ಮಟ್ಟಸವಾಗಿ ಮುಚ್ಚಿಸಿ ಮಹಮದ್ ತನ್ನ ಮನೆಗೆ ಬಂದು ಮುಟ್ಟಿದಾಗ ನಡು ರಾತ್ರೆ ಮುಗಿದು ಒಂದು ಜಾವವಾಗಿತ್ತು. ಮೊದಲೆ ನಿರ್ಧರಿಸಿದಂತೆ ಸೆರೆಯಾಳು ಸುಂದರಿ ರೆಹಾನಾಳನ್ನು ಪ್ರತ್ಯೇಕವಾಗಿ ಕಂಡು ತನ್ನನ್ನ ಮದುವೆಯಾಗುವಂತೆ ಮಹಮದ್ ಕೇಳಿಕೊಂಡ.


ಆದರೆ ಆಕೆ ತನ್ನ ಮಾತೃ ಧರ್ಮವನ್ನ ಬಿಟ್ಟು ಇಸ್ಲಾಮನ್ನ ಒಪ್ಪಲು ಸಿದ್ಧಳಿರಲಿಲ್ಲ. ಬೇಕಿದ್ದರೆ ಯಹೂದಿಯಾಗಿಯೇ ಉಳಿದು ಆತನ ಸೂಳೆ ಆಗುವೆ ಎಂಡಳು. ಮಹಮದ್ ಆ ಕೊಡುಗೆಯನ್ನ ಮರು ಮಾತಿಲ್ಲದೆ ಒಪ್ಪಿಕೊಂಡು ಕಾಫಿರಳಾಗಿದ್ದರೂ ಆಕೆಯನ್ನ ಪ್ರತ್ಯೇಕ ಬಿಡಾರವೊಂದರಲ್ಲಿ ತನ್ನ ಇನ್ನಿತರ ಹೆಂಡತಿಯರಂತೆಯೆ ಅವಳನ್ನೂ ಉಳಿಸುವ ಏರ್ಪಾಡು ಮಾಡಿದ. ಅದು ಅಧರ್ಮಿ ನಡುವಳಿಕೆ. ಅವಿಶ್ವಾಸಿಯೊಬ್ಬಳನ್ನ ಎಂದೆಂದಿಗೂ ಕೂಡಬಾರದು ಅನ್ನುವ ನೈತಿಕತೆ ಅವನನ್ನ ಆ ಕ್ಷಣ ಕಾಡಲೆ ಇಲ್ಲ. ಆಕೆ ಮಹಮದ್ ಸಾಯುವ ಒಂದು ವರ್ಷದ ಹಿಂದಿನವರೆಗೂ ಯಹೂದಿಯಾಗಿಯೆ ಬಾಳಿ ಬದುಕಿ ಸಹಜ ಸಾವನ್ನ ಸತ್ತಳು ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ ತನ್ನ ಕೃತಿ 'ಸೀಲ್ಡ್ ನೆಕ್ಟರ್'ನ ಪುಟ ಸಂಖ್ಯೆ ಆರುನೂರಾ ಮೂವತ್ತನಾಲ್ಕರಲ್ಲಿ.




ತನ್ನ ಕೃತಿ "ದ ಸೋರ್ಸಸ್ ಆಫ್ ಇಸ್ಲಾಂ"ನ ಪುಟ ಸಂಖ್ಯೆ ತೊಂಬತ್ತೆಂಟರಲ್ಲಿ ಇತಿಹಾಸಕಾರ್ತಿ ಸೆಂಟ್ ಕ್ಲೇರ್ ಟಿಸ್ಟಲ್ ಹೇಳುವ ಪ್ರಕಾರ ಮದೀನಾದ ಮೇಲಿನ ಖುರೈಷಿಗಳ ಆಕ್ರಮಣ ಹಾಗೂ ಅದೆ ಕಾರಣಕ್ಕೆ ತಾನು ಯಹೂದಿ ಬೆನ್ ಕೊರೈಝ್'ರ ಮೇಲೆ ನಡೆಸಿದ್ದ ಕ್ರೂರ ಹತ್ಯಾಕಾಂಡವನ್ನ ಮಹಮದ್ ಬಲವಾಗಿ ಸಮರ್ಥಿಸಿಕೊಂಡಿದ್ದ. ಅವಿಶ್ವಾಸಿಗಳು ತೋರಿದ ಸಂಚಿನ ನಡುವಳಿಕೆ ಹಾಗೂ ಅವರ ಪುಕ್ಕಲು ಸ್ವಭಾವದ ಹೇಡಿತನವನ್ನ ಆತ ಕಟು ಶಬ್ದಗಳಲ್ಲಿ ತನ್ನ ದೈವಾವಾಣಿಯ ಮೊಹರೊತ್ತಿ ಟೀಕಿಸಿದ. ಖುರ್ಹಾನಿನ ಸುರಾ ಸಂಖ್ಯೆ ೩೩/೯, ೩೮/೯-೨೭ಗಳಲ್ಲಿ ಈ ದಯೆ ಇಲ್ಲದ ಇಂತಹ ಟೀಕೆಗಳನ್ನ ಕಾಣಬಹುದು ಎನ್ನುತ್ತರವರು. ಈ ಕಗ್ಗೊಲೆ ಜರುಗಿಸಿದ ನಂತರ ಸಹಜವಾಗಿಯೆ ಮದೀನಾದಲ್ಲಿ ಮಹಮದನ ಪ್ರತಿಷ್ಠೆ ಗರಿಗೆದರಿತು. ಮದೀನಾದ ಮೂಲ ನಿವಾಸಿಗಳಲ್ಲಿ ಹಲವರು ಈ ಬಗ್ಗೆ ಅಸಮ್ಮತಿ ಸೂಚಕ ನಿಲುವನ್ನ ಹೊಡಿದ್ದು, ಒಳಗೊಳಗೆ ಅಸಂತುಷ್ಟರಾಗಿದ್ದರೂ ಸಹ ಆತನ ತೋಳ್ಬಲ ಹಾಗೂ ಆತನ ಬಗ್ಗೆ ಮೂಡಿದ್ದ ಆಂತರಿಕ ಭಯ ಅವರನ್ನೆಲ್ಲಾ ತೆಪ್ಪಗಾಗಿಸಿತ್ತು. ಈ ಮೂಲಕ ಅನಧಿಕೃತವಾಗಿ ಆತ ಮದೀನಾದ ಒಡೆಯನಾದಂತಾಗಿ ಆತ ಅಲ್ಲಿನ ಪ್ರವಾದಿ ಆದನಷ್ಟೆ ಅಲ್ಲ - ಅಲ್ಲಿನ ಆಡಳಿತ ನಡೆಸುವ ಪ್ರಭುವಾಗಿಯೂ ಬದಲಾದ. ಈಗ ಅವನನ್ನ ಪ್ರಶ್ನಿಸುವ ಧೈರ್ಯ ಅಲ್ಲಿನ ಇನ್ಯಾರಲ್ಲೂ ಉಳಿದಿರಲಿಲ್ಲ.




ಬೆನ್ ಕೊರೈಝಾರ ಮೂಲಕ ಯಹೂದಿಗಳ ಕೊನೆ ಬುಡಕಟ್ಟು ಸಹ ಮದೀನಾ ಸುತ್ತಮುತ್ತಲಿನಿಂದ ಬುಡ ಸಹಿತ ನಿರ್ನಾಮವಾಗಿ ಹೋಗಿ ಧಾರ್ಮಿಕವಾಗಿ ಹಾಗೂ ರಾಜಕೀಯವಾಗಿ ಸರ್ವಾಧಿಕಾರಿಯಾಗಲು ಅವನಿಗೆ ಯಾವ ಅಡೆತಡೆಗಳೂ ಮದೀನದ ಪ್ರಾಂತ್ಯದಲ್ಲಿ ಉಳಿದಿರಲಿಲ್ಲ. ಮಾತೆತ್ತಿದರೆ ತನ್ನ ಎಲ್ಲಾ ಕೃತ್ಯಗಳು ದೈವ ಪ್ರೇರಿತವಾಗಿವೆ ಎನ್ನುತ್ತಿದ್ದ ಅವನ ಯಾವುದೇ ಅ ಕೃತ್ಯವನ್ನು ಸಹ ಪ್ರಶ್ನಿಸುವ ಛಾತಿ ಅಲ್ಲಿ ಯಾರಿಗೂ ಉಳಿದಿರಲಿಲ್ಲ. ಕುಚೋದ್ಯವೆಂದರೆ ಅವನ ಅಂಧಾ ದರ್ಬಾರನ್ನು ಹಾಡಿ ಹೊಗಳುವ ಹೊಸತೊಂದು ಭಕ್ತಾದಿಗಳ ಪಡೆಯೆ ಹುಟ್ಟಿಕೊಂಡು ಎಲ್ಲಾ ಅ ಕೃತ್ಯಗಳನ್ನೂ ಸಹ ದೈವಲೀಲೆ ಎಂಬಂತೆ ಬಿಂಬಿಸುವಲ್ಲಿ ಅವು ಸಫಲವಾದವು. ಈ ನಡುವೆ ಬೆನ್ ಕೊರೈಝ್'ರ ಮಾರಣಹೋಮದ ನ್ಯಾಯದ ತೀರ್ಪಿತ್ತಿದ್ದ ಸಾದ್ ಎಂಬ ಸೋಗಲಾಡಿ ನ್ಯಾಯಾಧೀಶ ಯುದ್ಧ ಗಾಯದಿಂದಾದ ವೃಣಗಳಿಂದ ನಂಜೇರಿ ಸತ್ತ. ಓಡಾಡಲೆ ತ್ರಾಸ ಪಡುತ್ತಿದ್ದ ಆ ಬ್ರಹತ್ ದೇಹಿಯನ್ನ ಬಲು ಕಷ್ಟದಿಂದ ಅಂದು ಹೊತ್ತು ತಂದು ನ್ಯಾಯಾಧಿಕಾರಿಯ ಪೀಠದಲ್ಲಿ ಕೂರಿಸಿದ್ದವರು. ಅವನ ಕಲಾಪ ಮುಗಿದ ನಂತರ ಹಾಗೆಯೆ ಎತ್ತಿ ಕತ್ತೆಯ ಮೇಲೆ ಕೂರಿಸಿ ಅವನ ಹೆಂಡತಿ ರುಫೈದ್'ಳ ಗುಡಾರಕ್ಕೆ ತಂದು ಮುಟ್ಟಿಸಿದ್ದರು.


ಅಲ್ಲಿ ಅವನನ್ನು ಹಾಸಿಗೆಯ ಮೇಲೆ ಮಲಗಿಸುತ್ತಿದ್ದಂತೆ ಹೊಲೆದಿದ್ದ ಅವನ ಗಾಯದ ಹೊಲಿಗೆ ಕಿತ್ತು ಹೋಗಿ ವಿಪರೀತ ರಕ್ತಸ್ರಾವವಾಯಿತು. ಮುಂದೆ ಅದೆ ವೃಣವಾಗಿ ವಿಪರೀತ ಕೀವಾಗಿ ನಂಜೇರಿತು. ನರಳುತ್ತಾ ಸಾಯುವ ಹಂತದಲ್ಲಿ ಆತನಿದ್ದ ಈ ಸುದ್ದಿ ಅರಿತ ಮಹಮದ್ ಅವನ ಹಾಸಿಗೆಯ ಬಳಿ ಬಂದು ಅವನನ್ನ ಬಿಗಿದಪ್ಪಿಕೊಂಡು ಸಂತೈಸಿದ. ಆತನ ತಲೆಯನ್ನ ತನ್ನ ತೊಡೆಯ ಮೇಲೆಳೆದು ಕೊಂಡು ಆರ್ತ ಧ್ವನಿಯಲ್ಲಿ "ಹೇ ಪ್ರಭೂ! ಓ ದೇವರೆ!! ಸಾದ್ ಕೇವಲ ತನ್ನ ಕರ್ತವ್ಯವನ್ನು ಮಾತ್ರ ನಿರ್ವಹಿಸಿದ್ದಾನೆ, ಇದರಲ್ಲಿ ಅವನ ಪಾಪವೇನೇನೂ ಇಲ್ಲ!! ಆತ ನಿಮ್ಮ ಹಾಗೂ ನಿಮ್ಮ ಪ್ರವಾದಿಯ ಒಳಿತಿಗಾಗಿ ಮಾತ್ರ ಈ ಕಾರ್ಯವನ್ನು ಒಪ್ಪಿಕೊಂಡು(?) ನೆರವೇರಿಸಿದ! ತಾವು ಅವನ ಆತ್ಮವನ್ನು ಅದೆಲ್ಲಿಗೆ ಕೊಂಡೊಯ್ಯುವಿರೋ ಅಲ್ಲಿ ಅವನನ್ನ ಹಾರ್ದಿಕವಾಗಿ ಸ್ವಾಗತಿಸುವಂತವರಾಗಿ." ಎಂದು ಬೇಡುತ್ತಾ ದೇವರಲ್ಲಿ ಮೊರೆಯಿಟ್ಟ. ಅವನ ಈ ಪ್ರಲಾಪವನ್ನು ಆಲಿಸಿದ ಸಾದ್ "ಮಮದ್ ನೀನು ನಿಜವಾಗಿಯೂ ದೇವರ ಪ್ರವಾದಿ!" ಎನ್ನುತ್ತಾ ತನ್ನ ಕೊನೆಯುಸಿರನ್ನೆಳೆದ.




ಆತನ ತಾಯಿ ಇದನ್ನ ನೋಡಿ ಭಾವುಕಳಾಗಿ ಕಣ್ಣೀರಿಟ್ಟಳು. ಹುಟ್ಟಾ ಕವಯತ್ರಿಯಾಗಿದ್ದ ಅವಳು ಸತ್ತ ತನ್ನ ಮಗನ ಪೌರುಷ ಹಾಗೂ ಗುಣವನ್ನು ಭಾವಪೂರ್ಣವಾಗಿ ಹಾಡುತ್ತಾ ಗೋಳಿಟ್ಟಳು. ಅದನ್ನು ಸ್ಥಳದಲ್ಲಿಯೆ ಆಕ್ಷೇಪಿಸಿದ ಕೆಲವರನ್ನ ಮಹಮದ್ ತನ್ನ ಕಣ್ಸನ್ನೆಯಿಂದಲೆ ಸುಮ್ಮನಾಗಿಸಿದ. ಅವಳನ್ನು ಎದೆ ತುಂಬಿ ಹಾಡಲು ಬಿಟ್ಟ. ಅಷ್ಟು ದಡೂತಿಯಾಗಿದ್ದ ಸಾದನ ಹೆಣ ಹೊರುವಾಗ ಮಾತ್ರ ಹತ್ತಿಯಂತೆ ಹಗುರಾಗಿ ಭಾಸವಾದದ್ದನ್ನ ಕಂಡು ಕೆಲವರು ವಿಸ್ಮಯ ಪಟ್ಟರು. ಅದನ್ನ ಅವಿಶ್ವಾಸಿಗಳು "ಸಾದ್ ಯಹೂದಿಗಳ ಬಗ್ಗೆ ಅನ್ಯಾಯವಾಗಿ ನಡೆದುಕೊಂಡು ಕಠೋರ ನ್ಯಾಯ ನೀಡಿದ ಕಾರಣ ಹೀಗಾಗಿದೆ!" ಎಂದು ಮೊದಲಿಸಿದರು. ಆದರೆ ಮಹಮದ್ ಮಾತ್ರ ಶವಕ್ಕೆ ದೇವಲೋಕದ ಯಕ್ಷರೂ ಸಹ ಬಂದು ಹೆಗಲು ಕೊಟ್ಟ ಕಾರಣ ಅದು ಹಗುರಾಯಿತು ಎಂದು ಹಾಡಿ ಹೊಗಳಿದ. ಅದೇನೆ ಇದ್ದರೂ ಆತನ್ನ ಹೊತ್ತು ಹೂತು ಅಲ್ಲಿ ಸಮಾಧಿಯನ್ನ ಕಟ್ಟಲಾಯಿತು. ಇದೆಲ್ಲಾ ಮುಗಿಯುವವರೆಗೂ ಮಹಮದ್ ಸ್ಮಶಾನದಲ್ಲಿಯೆ ಇದ್ದು ಅನಂತರ ಮನೆಗೆ ಮರಳಿ ಬಂದ.



ಕೊರೈಝ್ ಬುಡಕಟ್ಟಿನ ಕಗ್ಗೊಲೆ ನಡೆಸುವ ಹೊತ್ತಿನಲ್ಲಿ ಸಲ್ಲಮ್ ಎನ್ನುವ ಇನ್ನೊಬ್ಬ ವಿದ್ರೋಹಿ ಸಹ ಮಹಮದನ ಕೆಂಗಣ್ಣಿಗೆ ಗುರಿಯಾಗಿದ್ದ. ಆದರೆ ಅದು ಹೇಗೋ ಮದೀನಾದಿಂದ ಪಾರಾಗಿ ತಪ್ಪಿಸಿಕೊಂಡಿದ್ದ ಆತ ಖೈಬರ್'ನಲ್ಲಿ ಅಡಗಿದ್ದ. ಆದರೆ ಈ ಎಲ್ಲಾ ರಗಳೆ ಮುಗಿದ ನಂತರ ತನ್ನ ಬೇಹುಗಾರರ ಮೂಲಕ ಈ ಜಾಡು ಹಿಡಿದ ಮಹಮದ್ ಐದು ಮಂದಿ ನುರಿತ ಹಂತಕರನ್ನ ಸಲ್ಲಮ್ ಕಥೆ ಮುಗಿಸಲು ಖೈಬರ್'ಗೆ ಕಳುಹಿಸಿದ. ಅವರು ಆತ ಅಲ್ಲಿರುವ ಸ್ಥಳವನ್ನ ಪತ್ತೆ ಹಚ್ಚಿ ಮೈಮರೆತು ರಾತ್ರಿ ಮಲಗಿದ್ದಾಗ ಕೊಚ್ಚಿ ಕೊಂದು ಬಂದರು ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ ತನ್ನ ಕೃತಿ 'ಸೀಲ್ಡ್ ನೆಕ್ಟರ್'ನ ಪುಟ ಸಂಖ್ಯೆ ಆರುನೂರಾ ಮೂವತ್ತೈದರಲ್ಲಿ.


ಖೈಬರ್ ಪ್ರಾಂತ್ಯದಲ್ಲಿ ಆಗ ಯಹೂದಿಗಳು ನೆಲೆಸಿದ್ದರು. ಸಲ್ಲಮ್'ಗಾದ ಅವಸ್ಥೆ, ದುರ್ಗತಿ ತಮಗೂ ಮುಂದೊಮ್ಮೆ ಬಂದೀತು ಎನ್ನುವ ಭೀತಿ ಅವರಲ್ಲಿ ಆವರಿಸಿತು. ತಾವೆಲ್ಲಾ ಸಮಸ್ತ ಅರೇಬಿಯಾದ ಯಹೂದಿ ಬುಡಕಟ್ಟುಗಳನ್ನ ಒಗ್ಗೂಡಿಸಿ ಮಹಮದನ ಮದೀನವನ್ನೇಕೆ ಧೂಳಿಪಟ ಮಾಡಬಾರದು ಎಂದವರು ಚಿಂತಿಸಿದರಾದರೂ ಅದೆಲ್ಲಾ ಕೇವಲ ಉತ್ತರನ ಒಲೆ ಮುಂದಿನ ಪೌರುಷದಂತಿತ್ತು. ಹಾಗೆ ಬುಡಕಟ್ಟುಗಳನ್ನ ಸಂಘಟಿಸುವ ಧೈರ್ಯ ಹಾಗೂ ಸಾಮರ್ಥ್ಯ ಅವರಲ್ಲಿ ಯಾರ್ಯಾರಿಗೂ ಇರಲಿಲ್ಲ. ಸೂಕ್ತ ನಿರ್ಧಾರವನ್ನ ಕೈಗೊಳ್ಳುವ ಮೊದಲೆ ಹೇಡಿತನಕ್ಕೆ ಅವರೆಲ್ಲಾ ಬಲಿಯಾಗಿದ್ದರು.


ಮದೀನಾಕ್ಕೆ ಮಹಮದ್ ಬಂದು ವಾಸಿಸಲಾರಂಭಿಸಿ ಆಗಲೆ ನಾಲ್ಕು ವರ್ಷದ ಮೇಲೆ ಕಾಲ ಸವೆದಿತ್ತು. ಸುತ್ತಲಿನ ಯಹೂದಿಗಳನ್ನ ಸೆಳೆಯುವ ಆತನ ಪ್ರಯತ್ನ ನಿರಂತರವಾಗಿ ಜಾರಿಯಲ್ಲಿತ್ತು. ಕಾಲಕಾಲಕ್ಕೆ ಅವರಿಗೆಲ್ಲರಿಗೂ ಖುರ್ಹಾನಿನ ಮೂಲಕ ತನಗೆ ಲಭ್ಯವಾದ ದೈವವಾಣಿಗಳನ್ನು ಸಾರಿ ತನ್ನ ಪ್ರವಾದಿತ್ವದ ಖಚಿತತೆಯನ್ನು ಅವರ ಮನದಲ್ಲಿ ಬಿತ್ತಲು ಮಹಮದ್ ಪ್ರಯತ್ನಿಸುತ್ತಿದ್ದ. ತನ್ನ ನೂತನ ಧರ್ಮವಾಗಿದ್ದ ಇಸ್ಲಾಮಿಗೆ ಶರಣಾಗಿ ಮುಸಲ್ಮಾನರಾಗುವಂತೆ ಅವರನ್ನ ಆಗ್ರಹಿಸುತ್ತಲೂ ಇದ್ದ. ಅವರ ಮನ ಸೆಳೆಯುವ ಉದ್ದೇಶದಿಂದಲೆ ಆತ ಬೈಬಲ್ಲಿನ ಹಳೆಯ ಒಡಂಬಡಿಕೆಯ ಭಾಗದಿಂದ ಹಲವಾರು ದೃಷ್ಟಾಂತ ಕಥೆಗಳನ್ನು ಖುರ್ಹಾನಿನಲ್ಲಿಯೂ ಯಥಾವತ್ತಾಗಿ ಮರು ಬಳಿಸಿದ ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ.


ಆದರೆ ಯಹೂದಿಗಳು ಮಹಮದನ ಯಾವ ಮಾತಿಗೂ ಅಥವಾ ಬೆದರಿಕೆಗೂ ಬಗ್ಗದೆ ಆತನ ಯಾವುದೆ ನುಡಿಗಳಿಗೂ ಮರುಳಾಗದೆ ಹಾಗೆಯೆ ತಟಸ್ಥರಾಗಿ ತಮ್ಮ ಮಾತೃಧರ್ಮದಲ್ಲಿಯೆ ಉಳಿದರು. ತಾನು ಅಂತಿಮ ಪ್ರವಾದಿ ಎನ್ನುವ ಆತನ ಬೊಗಳೆಗೆ ಅವರ್ಯಾರೂ ಸೊಪ್ಪು ಹಾಕಲಿಲ್ಲ. ಎಲ್ಲೋ ಅಲ್ಲೊಬ್ಬರು ಇಲ್ಲೊಬ್ಬರು ಯಹೂದಿಗಳು ಅನುಕೂಲ ಸಿಂಧು ಕಾರಣಗಳಿಗೋಸ್ಕರ ಮಾತ್ರ ಇಸ್ಲಾಮಿಗೆ ಮತಾಂತರಗೊಂಡು ಆತನ ಹಿಂಬಾಲಕರಾದರು. ಈ ಅಸಹಕಾರ ಹಾಗೂ ತಿರಸ್ಕಾರ ಯಹೂದಿಗಳೊಂದಿಗೆ ಮೊದಮೊದಲಿಗೆ ವಾಕ್ ಸಮರಕ್ಕೆ ದೂಡಿತು ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ. ಅವರ ಅವಿಶ್ವಾಸ, ಅಪನಂಬಿಕೆಗಳನ್ನು ಮಹಮದ್ ಖುರ್ಹಾನಿನ ಸುರಾಗಳ ಮೂಲಕ ಹರಿಹಾಯ್ದು ತನ್ನ ಸಿಟ್ಟನ್ನ ತೋರ್ಪಡಿಸಿದ ಎನ್ನುತ್ತಾನೆ ಇತಿಹಾಸಕಾರ ಡೋಝಿ. ಈ ದೂಷಣೆ ಹಾಗೂ ಬೈಗುಳದ ನಮೂನೆಗಳಿರುವ ಸುರಾದ ಉದ್ದ ಪಟ್ಟಿಯನ್ನೆ ಡೋಝಿ ನೀಡಿದ್ದಾನೆ.



( ಇನ್ನೂ ಇದೆ.)

04 November 2015

ವಲಿ - ೨೪







ಉತ್ತರೋತ್ತರ ಮಹಮದನ ರಾಜಕೀಯ ಏಳಿಗೆಯನ್ನ ಸಹಿಸಲು ಮೆಕ್ಕಾದ ಖುರೈಷಿಗಳಿಗೆ ಆಗಲಿಲ್ಲ. ಆತನ ಉನ್ನತಿ ಕ್ರಮೇಣ ಅವರ ಕಣ್ಣನ್ನ ಕೆಂಪಾಗಿಸುತ್ತಾ ಬಂತು. ಪರಿಣಾಮ ಅವರು ಅವನನ್ನ ಮಟ್ಟ ಹಾಕಲು ಯುದ್ಧ ಸಿದ್ಧತೆಯಲ್ಲಿ ನಿರತರಾದರು. ಕ್ರಿಸ್ತಶಕ ೬೨೭ರ ಮಾರ್ಚ್ ತಿಂಗಳಿನಲ್ಲಿ ಅವರಿಂದ ಜರುಗಿದ ಈ ಪ್ರಯತ್ನ ನಿಜಕ್ಕೂ ಗಂಭೀರವಾಗಿತ್ತು. ಅವರ ಪಡೆ ಹತ್ತು ಸಾವಿರ ಯೋಧರಿಗಿಂತ ಹೆಚ್ಚಿತ್ತು. ಅವರ ಕುದುರೆ ಒಂಟೆ ಸಜ್ಜಿತ ಸೈನ್ಯದ ಜೊತೆಗೆ ಅರೇಬಿಯಾದ ಅಲೆಮಾರಿ ಸಮುದಾಯ ಬೆದಾವಿನ್ನರೂ ಸೇರಿದ್ದರು. ಇದರ ಹಿಂದೆ ಹಲವಾರು ಯಹೂದಿ ಗುಂಪುಗಳ ಒತ್ತಾಸೆಯೂ ಅಡಗಿತ್ತು. ಹುಯ್ಯೆ ಎಂಬ ಯಹೂದಿ ನಾಯಕ ಇದರಲ್ಲಿ ಅಗ್ರಗಣ್ಯನಾಗಿದ್ದ. ಅವರೆಲ್ಲಾ ಒಂದಲ್ಲೊಂದು ಕಾಲದಲ್ಲಿ ನಿಷ್ಕಾರಣವಾಗಿ ಮಹಮದನಿಂದ ಪೆಟ್ಟು ತಿಂದವರೆ ಆಗಿದ್ದು ಈ ಸಾರಿ ಖುರೈಷಿಗಳ ಜೊತೆಗೂಡಿ ತಾವೂ ಯುದ್ಧ ಸನ್ನದರಾದರು.



ಇದರ ಸುದ್ದಿ ಮದೀನಾದಲ್ಲಿದ್ದ ಮಹಮದನ ಕಿವಿಗೆ ಬೀಳಲು ಹೆಚ್ಚು ಹೊತ್ತಾಗಲಿಲ್ಲ. ಮದೀನಾದ ಪ್ರಜೆಗಳು ಈ ಒಗ್ಗಟ್ಟಿನ ವೈರಿಗಳ ಪಡೆಯ ಕಥೆ ಕೇಳಿಯೆ ಅದುರಿಹೋದರು. ಇಷ್ಟೊಂದು ಬೃಹತ್ ಪ್ರಮಾಣದ ಸೇನೆ ಮದೀನಾದ ಮೇಲೆ ಬಿದ್ದರೆ ಕಥೆಯೇನು ಎಂದು ಮಹಮದ್ ಸಹ ಮದೀನಾ ವಾಸಿಗಳಷ್ಟೆ ಚಿಂತಾಕ್ರಾಂತನಾದ. ಅಪಾರ ಸಂಖ್ಯೆಯಿಂದ ಕೂಡಿದ್ದ ಖುರೈಷಿಗಳ ಮೇಲೆ ಈ ಮೊದಲು ಮಾಡಿದ್ದಂತೆ ತಾನೆ ಮೊದಲಾಗಿ ಮುಗಿ ಬೀಳುವುದು ಸಹ ಅಪಾಯಕಾರಿ ಭಂಡಾಟವಾಗುತ್ತಿತ್ತು. ಆದರೆ ಇಲ್ಲಿ ಆತ ಜಾಣತನದಿಂದ ನಡೆದುಕೊಂಡ. ತನ್ನ 'ಸೀಲ್ಡ್ ನೆಕ್ಟರ್' ಕೃತಿಯ ಪುಟ ಸಂಖ್ಯೆ ಆರುನೂರಾ ಹತ್ತರಲ್ಲಿ ಐತಿಹಾಸಕಾರ ಅಲ್ ಮುಬಾರಖಿ ಹೇಳುವಂತೆ ಅರಬ್ಬರಿಗಿಂತ ಹೆಚ್ಚು ಯುದ್ಧ ನಿಷ್ಣಾತರಾಗಿದ್ದ ಹಾಗೂ ವಿಶೇಷ ಯುದ್ಧ ಕೌಶಲ್ಯವನ್ನ ಹೊಂದಿದ್ದ ಮದೀನಾದಲ್ಲಿದ್ದ ಪರ್ಷಿಯನ್ ಸಂಜಾತ ಸಲ್ಮಾನ್ ಎಂಬ ಯೋಧನ ಸಹಾಯವನ್ನು ಆತ ಈ ವೇಳೆ ಪಡೆದ.



ಮೊದಲು ಅವನ ಸಲಹೆಯಂತೆ ನಗರದ ಸುತ್ತಲೂ ಹದಿನೈದಡಿಯ ಕಲ್ಲಿನ ಕೋಟೆ ನಿರ್ಮಿಸಿಕೊಂಡು ಭದ್ರ ಪಡಿಸಲಾಯಿತು. ಇದರ ನಿರ್ಮಾಣಕ್ಕೆ ನಗರದ ಸರ್ವರೂ ಶ್ರಮದಾನ ಮಾಡಿದರು. ಹೆಚ್ಚು ಖರ್ಚಿಲ್ಲದೆ ಇದು ಕೆಲವೆ ದಿನಗಳಲ್ಲಿ ಎದ್ದು ನಿಂತಿತು. ಹೊರ ಭಾಗದಲ್ಲಿ ಒಂದು ಹತ್ತಡಿ ಆಳದ ಕಂದಕವನ್ನು ನಗರದ ಸುತ್ತಲೂ ತೋಡಲಾಯಿತು. ಆರಡಿ ಅಗಲವೂ ಇದ್ದ ಅದನ್ನ ಯಾರೂ ಹಾರಿ ದಾಟುವುದು ಸುಲಭ ಸಾಧ್ಯವಿರಲಿಲ್ಲ. ಇಷ್ಟು ಖಚಿತ ಪಡಿಸಿಕೊಂಡ ಮಹಮದನ ಪಡೆಗಳು ಕಲ್ಲು ಗೋಡೆಯ ಹಿಂದೆ ಕಾವಲಿನಂತೆ ನಿಂತವು. ಊರ ಹೊರಗಿದ್ದ ಕೆಲವರನ್ನ ಊರೊಳಗೆ ಸ್ಥಳಾಂತರಿಸಲಾಯಿತು.


ಖುರೈಷಿಗಳ ಸೈನ್ಯ ಮದೀನಾ ನಗರವನ್ನು ಮುತ್ತಿಗೆ ಹಾಕಲು ಬರುತ್ತಿದ್ದಂತೆ ಈ ಆಳದ ಕಂದಕವನ್ನು ನೋಡಿ ಬೆಕ್ಕಸ ಬೆರಗಾಯಿತು. ಈ ರಕ್ಷಣಾ ವ್ಯವಸ್ಥೆ ಅವರ ಪಾಲಿಗೆ ಹೊಸತಾಗಿತ್ತು. ಸದಾ ಬಯಲಿನಲ್ಲಿ ಕಾದಾಡಿ ಗೆದ್ದ ಅಥವಾ ಸೋತ ಅನುಭವವಿದ್ದ ಅವರಿಗೆ ಹೀಗೆ ಕೃತಕ ಗೋಡೆ ಹಾಗೂ ಕಂದಕ ನಿರ್ಮಿಸಿ ಯುದ್ಧ ಜಾಲ ಹಣೆಯುವುದನ್ನು ಕಂಡು ವಿಸ್ಮಯವಾಯಿತು. ಈ ಜಾಲ ಬೇಧಿಸುವುದು ಅಂದುಕೊಂಡಷ್ಟು ಸುಲಭವಾಗಿರಲಿಲ್ಲ. ಹೀಗಾಗಿ ದಾರಿ ತೋಚದೆ ಅವರು ಕಂದಕದಾಚೆಗೆ ಠಿಕಾಣಿ ಹೂಡಿದರು.


ಈ ನಡುವೆ ಊರ ಹೊರಗೆ ಕೊಂಚ ದೂರದಲ್ಲಿ ವಾಸವಿದ್ದ ಬೆನ್ ಕೊರೈಝ್ ಯಹೂದಿ ಬುಡಕಟ್ಟಿನವರನ್ನ ಓಲೈಸಿ ತಮ್ಮ ಕಡೆ ಮಾಡಿಕೊಳ್ಳುವುದರಲ್ಲಿ ಖುರೈಷಿ ನಾಯಕ ಅಬು ಸಫ್ಯಾನ್ ಸಫಲಗೊಂಡ. ಮಹಮದನ ಜೊತೆಗೆ ಶಾಂತಿ ಒಪ್ಪಂದ ಮಾಡಿಕೊಂಡು ಅದನ್ನ ಪಾಲಿಸುತ್ತಿದ್ದ ಕಟ್ಟ ಕಡೆಯ ಯಹೂದಿ ಬುಡಕಟ್ಟು ಬೆನ್ ಕೊರೈಝರದ್ದಾಗಿತ್ತು. ಯಹೂದಿ ನಾಯಕ ಹುಯ್ಯೆ ಮೆಕ್ಕಾದವರ ಪರವಾಗಿ ಅವರೊಂದಿಗೆ ಯಶಸ್ವಿ ಸಂಧಾನ ನಡೆಸಿದ. ಈ ಸಂಗತಿ ಮಹಮದನ ಗಮನಕ್ಕೆ ಬರುತ್ತಿದ್ದಂತೆ ತನ್ನ ಬೇಹುಗಾರರನ್ನ ನಿಜಸ್ಥಿತಿ ಅರಿತು ಬರಲು ಆತ ಹೊರಗೆ ಅಟ್ಟಿದ. ಕತ್ತಲಿನಲ್ಲಿ ಹೊರ ಬಂದ ಅವರು ಶತ್ರು ಪಾಳಯದಲ್ಲಿ ಓಡಾಡಿ ಸುದ್ದಿಯನ್ನ ನೂರಕ್ಕೆ ನೂರು ಖಚಿತ ಪಡಿಸಿಕೊಂಡು ಮರಳಿ ಮದೀನಾ ಸೇರಿಕೊಂಡರು. ವಿಷಯ ಅರಿತ ಮಹಮದ್ ನಿಜಕ್ಕೂ ಹೆದರಿ ಹೋದ ಎನ್ನುತ್ತಾನೆ ಅಲ್ ಮುಬಾರಖಿ ತನ್ನ ಕೃತಿ 'ಸೀಲ್ಡ್ ನೆಕ್ಟರ್'ನ ಪುಟ ಸಂಖ್ಯೆ ಆರುನೂರಾ ಹದಿನೆಂಟರಲ್ಲಿ.



ಮದೀನಾದ ಇನ್ನಿತರ ಪ್ರಜೆಗಳಿಗೂ ಅಪಾಯದ ಮುನ್ಸೂಚನೆ ಸಿಕ್ಕಿತು. ಮಹಮದನ ದಬ್ಬಾಳಿಕೆ ನೀತಿಗೆ ಬಲಿಯಾಗಿದ್ದ ಯಹೂದಿ ಬುಡಕಟ್ಟುಗಳೆಲ್ಲಾ ಒಂದಾಗಿದ್ದಾವೆ! ಅವರೆಲ್ಲಾ ಇನ್ನೇನು ಊರಿನ ಒಳಗೆ ಧಾಳಿ ಇಟ್ಟರೆ ತಮಗೆ ಉಳಿಗಾಲವಿಲ್ಲವೆನ್ನುವ ವಾಸ್ತವವನ್ನವರು ಮನಗಂಡರು. ಹೀಗಾಗಿ ಪೂರ್ತಿ ಮುಸಲ್ಮಾನರ ಹುಂಬತನವನ್ನೆ ನಂಬದೆ ರಕ್ಷಣಾ ಠಾಣೆಗಳನ್ನ ಇನ್ನಷ್ಟು ಬಲಪಡಿಸಿಕೊಂಡರವರು. ಕಂದಕ ದಾಟಲು ಭಂಡ ಧೈರ್ಯ ಮಾಡಿ ಒಂದೆರಡು ಕಡೆ ಖುರೈಷಿ ಪಡೆ ಒಳ ನುಗ್ಗಲು ಯತ್ನಿಸಿತ್ತಾದರೂ ತೀವೃ ಪ್ರತಿರೋಧ ತೋರುತ್ತಾ ಅವರನ್ನ ಮುನ್ನಡೆಯಲಾಗದಂತೆ ಹಿಮ್ಮೆಟ್ಟಿಸಲಾಯಿತು. ಸುತ್ತಲೂ ಕಂದಕ ಆವರಿಸಿರೋದರಿಂದ ಏಕ ಪ್ರಮಾಣದಲ್ಲಿ ಮುನ್ನುಗ್ಗಲಾರದೆ ಸಹಜವಾಗಿ ಬೃಹತ್ ಪಡೆ ಹೊಂದಿರುವ ಖುರೈಷಿಗಳು ನಿಸ್ಸಹಾಯಕರಾಗಿದ್ದರು. ಈಗ ಪಡೆಯ ಬುಡಕಟ್ಟುಗಳಲ್ಲಿ ಒಡಕು ಮೂಡಿಸುವುದರ ಹೊರತು ಬೇರೆ ಇನ್ನೇನೂ ಉಪಾಯ ಉಳಿದಿರಲಿಲ್ಲ.



ಮಹಮದನೂ ಈ ಕುಟಿಲೋಪಾಯದ ಮಾರ್ಗವನ್ನೆ ಆಯ್ದುಕೊಂಡ. "ಎಷ್ಟಾದರೂ ಯುದ್ಧ ಒಂದು ಮೋಸದಾಟವಷ್ಟೆ!" ಎಂದು ಉದ್ಘರಿಸಿದ ಆತ ಇದಕ್ಕಾಗಿ ತನ್ನ ಪಡೆಯಲ್ಲಿದ್ದ ನೋಯಿಮ್ ಎಂಬಾತನ ಸೇವೆಯನ್ನ ಬಳಿಸಿದ ಎನ್ನುತ್ತಾರೆ ಇತಿಹಾಸಕಾರ ಸಲಾಮ್ ಫಯಾದ್ ತನ್ನ "ಲೈಫ್ ಆಫ್ ಮಹಮದ್" ಕೃತಿಯ ಪುಟ ಸಂಖ್ಯೆ ನೂರಾ ಅರವತ್ತೆಂಟರಲ್ಲಿ. ನೋಯಿಮ್ ಗುಪ್ತವಾಗಿ ಬೆನ್ ಕೊರೈಝ್ ಮುಖಂಡರನ್ನ ಸಂಧಿಸಿ ಹೇಗಾದರೂ ಸರಿ ನೀವು ಖುರೈಷಿ ಒತ್ತೆಯಾಳುಗಳನ್ನ ಹಿಡಿದಿಟ್ಟುಕೊಳ್ಳಿ ಎಂದು ಪುಸಲಾಯಿಸಿ ಮನ ಒಲಿಸಿದ. ಅದಕ್ಕೆ ಆತ ಕೊಟ್ಟ ಕಾರಣವೂ ಒಪ್ಪಲಾರ್ಹವಾಗಿತ್ತು. ಒಂದು ವೇಳೆ ಮಹಮದ್ ಗೆದ್ದು ಖುರೈಷಿಗಳಿಗೆ ಸೋಲುಂಟಾದರೆ ಆಗ ಅಪಾಯ ನಿಮಗೆ. ಎಷ್ಟಾದರೂ ನೀವು ಇಲ್ಲಿಯೇ ಬಾಳಿ ಬದುಕ ಬೇಕಾದವರು. ಆಗೊಮ್ಮೆ ಮಹಮದನ ಆಕ್ರೋಶ ನಿಮ್ಮ ಮೇಲೆ ತಿರುಗಿದರೆ ಖುರೈಷಿಗಳು ನಿಮ್ಮ ಸಹಾಯಕ್ಕೆ ಧಾವಿಸ ಬೇಡವೆ? ಅವರ ಒತ್ತೆಯಾಳುಗಳು ನಿಮ್ಮ ಬಳಿ ಇದ್ದರೆ ಖಂಡಿತವಾಗಿಯೂ ಅವರು ಹಿಂತೆಗೆಯದೆ ಅಂತಹ ಸಂದರ್ಭಗಳಲ್ಲಿ ಸಹಾಯಕ್ಕೆ ಧಾವಿಸಿ ಬಂದೆ ಬರುತ್ತಾರೆ ಎಂದಾತ ಪುಸಲಾವಣೆಯ ದನಿಯಲ್ಲಿ ಹೇಳಿದ ಉಪಾಯವನ್ನ ಈ ಬೆಪ್ಪ ಬೆನ್ ಕೊರೈಝರು ಹೆಡ್ಡರಂತೆ ಒಪ್ಪಿಕೊಂಡು ಬಿಟ್ಟರು!



ಇದನ್ನ ಯಶಸ್ವಿಯಾಗಿ ಮಾಡಿ ಮುಗಿಸಿದ ನೋಯಿಮನೆಂಬ ನಾರದನ ಸವಾರಿ ಈಗ ಖುರೈಷಿಗಳ ಬಿಡಾರ ಹೊಕ್ಕಿತು. ಅಬು ಸಫ್ಯಾನನನ್ನು ತಾನೆ ಖುದ್ದಾಗಿ ದೂತನ ಅವತಾರದಲ್ಲಿ ಭೇಟಿಯಾದ ಅವನು ಇನ್ನೇನು ಬೆನ್ ಕೊರೈಝಾರು ನಿಮ್ಮಲ್ಲಿ ಧಾವಿಸಿ ಒತ್ತೆಯಾಳುಗಳನ್ನ ಕೇಳಲಿಕ್ಕಿದ್ದಾರೆ ಅನ್ನುವ ಸುದ್ದಿ ಬಂದಿದೆ! ಹಾಗೇನಾದರೂ ಅವರ ಆ ಕರಾರಿಗೆ ಬದ್ಧರಾಗಿ ನೀವು ಒತ್ತೆಯಾಳುಗಳನ್ನ ಬಿಟ್ಟುಕೊಟ್ಟರೆ ಕೆಟ್ಟಿರಿ. ಜಗತ್ತಿನಲ್ಲಿಯೆ ಅತಿ ಕೆಟ್ಟವರಾದ(?) ಆ ಜನರು ಆ ಎಲ್ಲಾ ಒತ್ತೆಯಾಳುಗಳನ್ನ ಮಹಮದನಿಗೆ ಒಪ್ಪಿಸಿ ಕ್ರೂರವಾಗಿ ಅವರ ಹತ್ಯೆ ಮಾಡಿಸಿ ಅನಂತರ ಮಹಮದನ ಪಡೆಯೊಂದಿಗೆ ಶಾಮೀಲಾಗಿ ನಿಮ್ಮ ಬುಡಕ್ಕೆ ಬಿಸಿನೀರು ಕಾಯಿಸಿಯೆ ತೀರುತ್ತಾರೆ ಎಂದು ಹೆದರಿಸಿದ. ಬೇಕಿದ್ದರೆ ಈಗಲೆ ಇದನ್ನು ಪರೀಕ್ಷಿಸಿ ನೋಡಬಹುದು, ಕೂಡಲೆ ಯುದ್ಧ ಘೋಷಣೆಯಾಗಿದೆ ಸಹಾಯಕ್ಕೆ ಧಾವಿಸಿ ಬನ್ನಿ ಎನ್ನುವ ಸುದ್ದಿ ಅವರಿಗೆ ಕಳಿಸಿ ನೋಡಿ ಬೇಕಾದರೆ ಎಂದು ಬತ್ತಿ ಇಟ್ಟು ತಾನು ಅವರ ಮರ್ಯಾದೆ ಗಿಟ್ಟಿಸಿ ಸುರಕ್ಷಿತನಾಗಿ ಮದೀನಾ ಹೊಕ್ಕು ಬಿಟ್ಟ ನೋಯೀಮ್.



ಖುರೈಷಿಗಳಿಗೆ ಅವನ ಮಾತಿನಲ್ಲಿ ಪೂರ್ತಿ ನಂಬಿಕೆ ಹುಟ್ಟದಿದ್ದರೂ ಸಹ ಒಮ್ಮೆ ಪರೀಕ್ಷಿಸಿ ನೋಡಲು ಅವನು ಹೇಳಿದಂತೆಯೆ ಮಾಡಿದರು. ಅಂದು ಶುಕ್ರವಾರವಾಗಿದ್ದು ಮರುದಿನ ಯಹೂದಿಗಳ ವಾರದ ಸಬ್ಬತ್ ದಿನವಾಗಿತ್ತು. ಶನಿವಾರದಂದು ದೇವರ ಧ್ಯಾನ ಹಾಗೂ ವಾರದ ಪ್ರಾರ್ಥನೆಗೆ ಮೀಸಲಾಗಿರುವುದರಿಂದ ಪ್ರವಾದಿ ಮೋಸೆಸ್ ವಿಧಿಸಿದ ಕಟ್ಟಳೆಗಳನ್ನ ಮೀರುವಂತಿಲ್ಲ ಹೀಗಾಗಿ ನಾಳೆಯೆ ಯುದ್ಧ ಕಣಕ್ಕೆ ಧುಮುಕುವುದು ಸಾಧ್ಯವಿಲ್ಲ ಎನ್ನುವ ಉತ್ತರ ಅತ್ತಲಿನಿಂದ ಬಂತು. ನೋಯಿಮನ ಚಾಡಿಗೆ ಖುರೈಷಿಗಳಲ್ಲಿ ಈ ರೀತಿಯಾಗಿ ಬೆಲೆ ಬಂತು!



ಈ ಬೆನ್ ಕೊರೈಝಾರನ್ನು ನಂಬುವಂತಿಲ್ಲ ಏಕಕಾಲದಲ್ಲಿ ನಮಗೂ ಮಾತುಕೊಟ್ಟು ಅದೆ ಹೊತ್ತಿನಲ್ಲಿ ಮಹಮದನೊಂದಿಗೂ ಅವರ ಸಂಧಾನ ಸಾಗಿದೆ ಎಂದು ಅವರು ಸಂಶಯ ಪಟ್ಟರು. ಹಾಗೇನಾದರೂ ಅವರು ಬೆನ್ನಿಗೆ ಬಾಕು ಹಾಕುವಂತೆ ಹಿಂದಿನಿಂದ ದಾಳಿ ಎಸಗಿದರೆ ತಾವು ಕೆಟ್ಟೆವು ಎಂದು ಅವರಿಗೆ ಅನ್ನಿಸಿತು. ಎರಡು ದಿನದಿಂದ ಕಾದರೂ ಪೂರ್ಣ ಪ್ರಮಾಣದ ಯುದ್ಧಾರಂಭ ಸಾಧ್ಯವಾಗಿರಲಿಲ್ಲ. ಮಹಮದನ ಕಂದಕ ತಂತ್ರದಿಂದ ಖುರೈಷಿಗಳು ಕೆಂಗೆಟ್ಟಿದ್ದರು. ಅದನ್ನ ದಾಟಿ ಪೂರ್ಣಪ್ರಮಾಣದ ಯುದ್ಧಾರಂಭ ಮಾಡಲು ಅವರಿಗೆ ಧೈರ್ಯ ಸಾಲದಾಗಿತ್ತು. ಇತ್ತ ಬೆನ್ ಕೊರೈಝರ ಬಗ್ಗೆ ಮೂಡಿದ್ದ ಅಪನಂಬಿಕೆ. ತಮ್ಮ ಸಹಾಯಕ್ಕೆ ಸ್ಥಳಿಯರು ಬಾರದಿದ್ದರೆ ಸೋಲುವ ಭೀತಿ, ಅಲ್ಲದೆ ತಮ್ಮ ಪಡೆಯ ಜಾನುವಾರುಗಳಿಗೆ ಬೇಕಾದಷ್ಟು ಮೇವು ಹಾಗೂ ನೀರು ಸಿಗದೆ ಉಂಟಾದ ಕೃತಕ ಆಹಾರದ ಕೊರತೆ ಇವೆಲ್ಲದರಿಂದ ಅವರು ಹೈರಾಣಾಗುತ್ತಿದ್ದರೆ, ರಾತ್ರಿ ವಿಪರೀತ ಬಿರುಗಾಳಿ ಸಹಿತ ಮಳೆ ಸುರಿದು ಅವರ ಯುದ್ಧ ಉತ್ಸಾಹವೆಲ್ಲ ನಂದಿ ಹೋದಂತಾಯಿತು.



ಅಬು ಸಫ್ಯಾನ ಮಂತ್ರಾಲೋಚನೆ ನಡೆಸಿ ಇಂತಹ ವ್ಯತಿರಿಕ್ತ ಪರಿಸ್ಥಿತಿಯಲ್ಲಿ ಯುದ್ಧ ಮಾಡುವುದು ಕಷ್ಟ ಸಾಧ್ಯ ಎನ್ನುವ ಸರ್ವ ಸಮ್ಮತಿಯನ್ನ ಒಪ್ಪಿದ್ಸ. ಹೀಗಾಗಿ ಮೆಕ್ಕಾದ ಸೈನ್ಯಕ್ಕೆ ಮರಳಿ ಮನೆಗೆ ಧಾವಿಸಲು ಆದೇಶಿಸಿ ತಾನು ತನ್ನ ಒಂಟೆಯನ್ನೇರಿ ಊರಿನ ಹಾದಿಯತ್ತ ದೌಡಾಯಿಸಿದ. ಇತ್ತ ಇದೆಲ್ಲಾ ತಾನು ದೇವರೊಂದಿಗೆ ಮಾಡಿಕೊಂಡ ಪ್ರಾರ್ಥನೆಯ ಫಲವೆಂದು ಮಹಮದ್ ಜಂಭ ಕೊಚ್ಚಿಕೊಂಡ. ದೇವರ ಒಳ ಸಹಕಾರ ತನ್ನ ಪರವಾಗಿದ್ದುದರಿಂದಲೆ ಹೆದರಿ ಖುರೈಷಿಗಳು ಓಡಿ ಹೋದರು ಸರ್ವಶಕ್ತನಿಗೆ ಸ್ತುತಿ ಎಂದಾತ ಬಡಾಯಿ ಕೊಚ್ಚಿಕೊಂಡ. ವಾಸ್ತವದಲ್ಲಿ ಆ ಸಂಧರ್ಭದಲ್ಲಿ ಎಲ್ಲರ ಪಾಲಿನ ಅಲ್ಲಾಹ ಯುದ್ಧ ತಪ್ಪಿಸಿದ ಕುತಂತ್ರಿ ನಾರದ ನೋಯಿಮನೆ ಆಗಿದ್ದ!



ನಿಟ್ಟುಸಿರು ಬಿಡುತ್ತಾ ಒಳಗೊಳಗೆ ಖುಷಿ ಹಾಗೂ ಸಮಾಧಾನ ಪಟ್ಟಿಕೊಂಡು ಆತ ತನ್ನ ಮನೆಗೆ ಮರಳಿ ಬಂದೊಡನೆ ಆತನಿಗೆ ಅಲ್ಲಿ ಯಕ್ಷ ಗ್ರಾಬ್ರಿಯಲ್ಲನ ತುರ್ತು ಸಂದೇಶ ಕಾದಿತ್ತು. ಒಡನೆಯೆ ಬೆನ್ ಕೊರೈಝಾರ ಮೇಲೆ ಮುಗಿ ಬೀಳುವಂತೆ ದೇವರು ಅವನಿಗೆ ಆದೇಶಿಸಿದ್ದ! ಎಷ್ಟಾದರೂ ದೈವಾಜ್ಞೆಯನ್ನ ಮೀರುವಂತಿರಲಿಲ್ಲ!! ಪಾಪ, ಹಗಲು ಕಂಡ ಬಾವಿಯಲ್ಲಿ ಮೂರ್ಖ ಬೆನ್ ಕೊರೈಜರು ನಿಚ್ಚಳ ಹಗಲಿನಿಲ್ಲಿಯೆ ಬಿದ್ದಿದ್ದರು?! ಕೂಡಲೆ ಅವರನ್ನ ಸುತ್ತುವರೆಯುವಂತೆ ಮಹಮದ್ ತನ್ನ ಮುಸಲ್ಮಾನ ಪಡೆಗಳಿಗೆ ಆಜ್ಞಾಪಿಸಿದ. ಯಾವುದೆ ಯುದ್ಧ ಸೂಚನೆಯಿಲ್ಲದೆ ಆರಾಮವಾಗಿದ್ದ ಬೆನ್ ಕೊರೈಝರು ಏಕಾಏಕಿ ಎರಗಿದ ಮುಸಲ್ಮಾನ ಪಡೆಗಳನ್ನ ಎದುರಿಸಲಾಗದೆ ಕೆಂಗೆಟ್ಟರು. ಬಾಣಗಳ ಮಳೆಗೈದು ಅವರನ್ನ ಕೆಂಗೆಡಿಸಲಾಯಿತು. ತಮ್ಮ ಕುಲದ ಇನ್ನಿತರ ಬುಡಕಟ್ಟುಗಳಿಗೆ ಬಂದೊದಗಿದ್ದ ಇಂತಹದ್ದೆ ದುಸ್ಥಿತಿಯನ್ನ ಈ ಹಿಂದೆ ಕಂಡು ಅರಿತಿದ್ದರೂ ಸೂಕ್ತ ಮುಂಜಾಗ್ರತೆ ವಹಿಸದ ಕಾರಣ ಈಗ ಅವರು ಬೃಹತ್ ಬೆಲೆಯನ್ನೆ ತೆರಬೇಕಾಗಿ ಬಂದಿತ್ತು.



ಹಿಂದೆ ಯಹೂದಿಗಳನ್ನ ಮಹಮದ್ ಹಿಂಸೆ ಮಾಡಿ ಕೊಂದ ಬಗ್ಗೆ ಅವರಿಗೆ ಈಗ ಪಶ್ಚಾತಾಪವಾಯಿತು, ಆಗ ಅವರ ಸಹಾಯಕ್ಕೆ ತಾವು ಧಾವಿಸಬೇಕಿತ್ತು ಅನ್ನುವ ಅರಿವು ಮೂಡಿತು. ಆದರೆ ಏನು ಮಾಡುವುದು ಈಗ ಕಾಲ ಮಿಂಚಿ ಹೋಗಿತ್ತು ಹಾಗೂ ಚಿಂತಿಸಿ ಮೂರು ಕಾಸಿನ ಪ್ರಯೋಜನವಿರಲಿಲ್ಲ. ಮುಸಲ್ಮಾನರ ಹಾವಳಿಯಿಂದ ರೋಸತ್ತು ತಮ್ಮ ಕೋಟೆ ಸುತ್ತ ನೆರೆದು ಹಿಂಸಾಚಾರಕ್ಕೆ ಇಳಿದ ಮುಸಲ್ಮಾನ ಯೋಧರಲ್ಲೊಬ್ಬನನ್ನು ಯಹೂದಿ ಮಹಿಳೆಯೊಬ್ಬಳು ಮೇಲಿನಿಂದ ಕಲ್ಲುಗುಂಡು ಎತ್ತಿ ಹಾಕಿ ಕೊಂದಳು.



ಕೋಟೆಯೊಳಗೆ ಅವಿತು ಹೋರಾಡುವ ಸಮರದಿಂದ ಸಮಯ ಮಾರ್ತ ವ್ಯರ್ಥ ಅನ್ನುವುದು ಅವರಿಗೆ ಎದುರಾಗಲಾರಂಭಿಸಿದ ಆಹಾರ ಹಾಗೂ ಮೇವಿನ ಕೊರತೆಯಿಂದ ಅರಿವಾಗತೊಡಗಿತು. ಶರಣಾಗತಿ ಸೂಚಿಸದೆ ಅನ್ಯ ಮಾರ್ಗವೆ ಉಳಿದಿರಲಿಲ್ಲ. ಹೀಗಾಗಿ ಈ ಹಿಂದೆ ಮಾಡಿದ್ದಂತೆ ತಮಗೂ ಕ್ಷಮಾದಾನ ನೀಡಿ ಬಿಟ್ಟರೆ ತಾವು ಆ ವಸತಿಯನ್ನೆ ತೊರೆದು ದೂರ ದೇಶಕ್ಕೆ ಸಾಗುವ ಭರವಸೆಯ ಸಂದೇಶವನ್ನು ಅವರು ಮಹಮದನಿಗೆ ಕಳಿಸಿದರು. ಆದರೆ ಈ ಬಾರಿ ಹೆಚ್ಚು ಕಠಿಣನಾಗಿದ್ದ ಮಹಮದ್ ಇದಕ್ಕೆ ಒಪ್ಪಲಿಲ್ಲ. ಯಹೂದಿಗಳು ಕಾಡಿ ಬೇಡಿ ತಾವು ಅರಬ್ಬರ ಔಸ್ ಬುಡಕಟ್ಟಿನವರೊಂದಿಗೆ ಹೆಚ್ಚು ಅನ್ಯೋನ್ಯವಾಗಿದ್ದ ಸಂಗತಿಯನ್ನ ನೆನಪಿಸಿ ಗೋಳಿಟ್ಟರೂ ಮಹಮದನ ಎದೆ ಮಾತ್ರ ಕರಗಲಿಲ್ಲ. ಅವರಿಗೆ ಅತಿ ಕಠಿಣ ಶಿಕ್ಷೆ ನೀಡುವ ಸನ್ನಾಹದಲ್ಲಿ ಅವನಿದ್ದ.



ಅವರು ಔಸ್ ಬುಡಕಟ್ಟಿನ ಅರಬ್ಬರ ಮುಖಂಡ ಅಬು ಲುಬಾಬನನ್ನ ಮಧ್ಯಸ್ಥಿಕೆ ವಹಿಸಲು ಪ್ರಾರ್ಥಿಸಿದರು. ಅವರ ಹೆಂಗಸರು ಮಕ್ಕಳ ಗೋಳು ಸಂಕಟ ನೋಡಲಾರದೆ ಅಬು ಲುಬಾಬ್ ಮೊದಲು ಸಂಧಾನಕ್ಕೆ ಸಮ್ಮತಿಸಿದನಾದರೂ ಮಹಮದನ ಕ್ರೌರ್ಯದ ನುಡಿಗಳನ್ನ ಕೇಳಿದವ ತೆಪ್ಪಗಾದ. ಮರಳಿ ಕೊರೈಝರ ಬಿಡಾರ ಮುಟ್ಟಿ ಕತ್ತಿಯಿಂದ ತನ್ನ ಕತ್ತನ್ನೆ ಕಡಿದುಕೊಳ್ಳುವಂತೆ ನಟಿಸುತ್ತಾ ಸಾಂಕೇತಿಕವಾಗಿ ಹೋರಾಡಿ ಸಾಯುವುದೆ ಲೇಸು ಎಂದವನು ಅವರೆಲ್ಲರಿಗೂ ಬೋಧಿಸಿದ. ಆತ ಪ್ರಾಮಾಣಿಕವಾದ ಸಂಧಾನ ಪ್ರಯತ್ನಗಳನ್ನು ಮಾಡಿದ್ದ. ಯುದ್ಧ ಎಷ್ಟಾದರೂ ಮೋಸದಾಟವಷ್ಟೆ ಎಂದು ಆತ ಮಹಮದನ ಮುಂದೆ ವಾದಿಸಿದ್ದ. ಮಹಮದ ಕಠಿಣನಾದಷ್ಟೂ ಆತ ತಾನು ಅಮಾಯಕ ಯಹೂದಿಗಳಿಗೆ ಯುದ್ಧ ಮಾಡಿ ಸಾಯಲು ತಿಳಿಸಿ ವಂಚಿಸಿದೆ, ಅವರ ನೋವಿಗೆ ನಾನೆ ಕಾರಣನಾಗಿ ಹೋದೆ, ದೇವರ ಶಾಪಕ್ಕೆ ಗುರಿಯಾಗಲಿದ್ದೇನೆ ಎಂದು ಹಲುಬಿದ.



ಕೊನೆಗೆ ಬೇರೆ ಉಪಾಯ ಕಾಣದೆ ತನ್ನನ್ನ ತಾನು ಮದೀನಾದ ಮುಖ ಮಸೀದಿಯ ಬಳಿ ಮರವೊಂದಕ್ಕೆ ಹಗ್ಗಗಳಿಂದ ಬಿಗಿದುಕೊಂಡು ಅನೇಕ ದಿನ ಅನ್ನ ನೀರಿಲ್ಲದೆ ನಿಂತ. ಇದನ್ನ ಕಂಡು ಮೊದಮೊದಲು ಉಪೇಕ್ಷಿಸಿದರೂ ವಾರದ ನಂತರ ಮಹಮದ್ ಅವನನ್ನ ಅಲ್ಲಿಂದ ಬಿಡಿಸಿ ಅವನ ಸ್ವಯಂ ಪ್ರೇರಿತ ಶಿಕ್ಷೆಯಿಂದ ಪಾರು ಮಾಡಿದ ಎನ್ನುತ್ತಾನೆ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ತನ್ನ 'ಲೈಫ್ ಆಫ್ ಮಹಮ್ದ್' ಕೃತಿಯ ಪುಟ ಸಂಖ್ಯೆ ಮುನ್ನೂರಾ ಹದಿನೈದರಲ್ಲಿ.



ಇತ್ತ ಔಸರ ಮಧ್ಯಸ್ಥಿಕೆಗೆ ಒಪ್ಪುವಂತೆ ಬೆನ್ ಕೊರೈಝರು ಸಂದೇಶಗಳನ್ನ ಮೇಲಿಂದ ಮೇಲೆ ಕಳಿಸುತ್ತಲೆ ಇದ್ದರು. ಕಡೆಗೂ ಇದನ್ನ ಒಪ್ಪಿದಂತೆ ಈಗ ಮಹಮದ್ ನಟಿಸಿದ. ಅವರಿಗೆ ಶರಣಾದರೆ ಗಡಿಪಾರು ಮಾಡಲಾಗುವುದು ಎಂದು ತಿಳಿಸಲಾಯಿತು. ಅವರು ಅದಕ್ಕೆ ಒಪ್ಪಿ ಕೋಟೆ ಬಾಗಿಲು ತೆರೆದು ಸರ್ವ ಶರಣಾಗತಿ ಸೂಚಿಸಿದರು. ಅವರ ಎರಡು ಸಾವಿರ ಗಂಡಸರನ್ನ ಹೆಂಗಸರು ಹಾಗೂ ಮಕ್ಕಳಿಂದ ಬೇರ್ಪಡಿಸಿ ಬೆನ್ನ ಹಿಂದಕ್ಕೆ ಅವರೆಲ್ಲರ ಕೈಯನ್ನ ಬಿಗಿದು ಕಟ್ಟಿ ಕೋಟೆಯಿಂದ ಹೊರಗೆ ಎಳೆದು ತರಲಾಯಿತು. ಮಹಿಳೆಯರಿಂದ ಮತ್ತೆ ಮಕ್ಕಳನ್ನ ಬೇರ್ಪಡಿಸಿ ಗುಲಾಮರನ್ನಾಗಿಸಲು ಎರಡು ಗುಂಪಾಗಿಸಲಾಯಿತು. ಅವರೆಲ್ಲರನ್ನೂ ಮಹಮದನ ಮುಂದೆ ತಂದಾಗ ಯಹೂದಿ ಸುಂದರಿ ರೆಹಾನಾ ತನ್ನ ರೂಪರಾಶಿಯಿಂದ ಮಹಮದ ರಸಿಕ ಮನಸ್ಸನ್ನ ಸೆಳೆದಳು. ಅವಳನ್ನ ತನ್ನವಳನ್ನಾಗಿಸಿಕೊಳ್ಳಲು ಅವನು ನಿರ್ಧರಿಸಿದ. ಯಹೂದಿಗಳ ಸಕಲ ಆಸ್ತಿಪಾಸ್ತಿಗಳನ್ನೂ ಮುಟ್ಟುಗೋಲು ಹಾಕಿಕೊಳ್ಳಲಾಯಿತು.



ಔಸ್ ಬುಡಕಟ್ಟಿನ ಮುಖಂಡರು ಈಗ ನ್ಯಾಯ ಪಂಚಾಯ್ತಿಗೆ ಬಂದಾಗ, ತಲೆತಲಾಂತರದ ಶಾಂತಿ ಒಪ್ಪಂದ ಮುರಿದು ಬೀಳುವ ಹಂತದಲ್ಲಿನ ಕ್ರಮದಂತೆ ಅವರೆಲ್ಲರನ್ನೂ ಎಲ್ಲಾ ಕಿತ್ತುಕೊಂಡು ಗಡಿಪಾರು ಮಾಡಲು ಅಡ್ಡಿಯಿಲ್ಲ ಎಂಬುದನ್ನ ಮಹಮದನ ಗಮನಕ್ಕೆ ತರಲಾಯಿತು. ಆದರೆ ಅದಕ್ಕೂ ಮೊದಲು ಒಂದು ವಿಚಾರಣೆಯ ನಾಟಕವನ್ನಾಡಲು ಮಹಮದ್ ನಿರ್ಧರಿಸಿದ. ಸಾದ್ ಇಬ್ನ್ ಮಅದ್ ಎನ್ನುವ ಮುಸಲ್ಮಾನ ಮುಖಂಡನನ್ನು ನ್ಯಾಯಾಧೀಶನಾಗಿ ನೇಮಿಸಿ ವಿಚಾರಣೆ ಆರಂಭಿಸಲಾಯಿತು. ವಾಸ್ತವದಲ್ಲಿ ಗಡಿಪಾರು ಮಾಡುವ ಉದ್ದೇಶ ಮಾತ್ರವಿದ್ದಿದ್ದರೆ ಈ ವಿಚಾರಣೆ ಎನ್ನುವ ಪ್ರಹಸನವೆ ಅನಗತ್ಯವಾಗಿತ್ತು. ಮಹಮದ ಹೆಣೆದ ಬಲೆಗೆ ಮೊದಲ ದಿನವೆ ಬಿದ್ದಿದ್ದ ಬೆನ್ ಕೊರೈಝರು ವಾಸ್ತವದಲ್ಲಿ ನಿರಪರಾಧಿಗಳೆ ಆಗಿದ್ದರು.




ಆದರೆ ಕುತಂತ್ರಿ ಮಹಮದನ ಮೆದುಳು ಬೇರೇನನ್ನೋ ನಿರ್ಧರಿಸಿ ಆಗಿತ್ತು. ನ್ಯಾಯಾಧೀಶನ ನೇಮಕದಲ್ಲಿಯೆ ಅವನ ಪ್ರಾಮಾಣಿಕತೆ ಅನಾವರಣಗೊಂದಿತು. ಈ ಸಾದ್ ಕೆಲವೆ ದಿನಗಳ ಹಿಂದೆ ಕೊರೈಝಾರ ಕೋಟೆಯ ಲಗ್ಗೆ ಕಾರ್ಯದಲ್ಲಿ ಅವರಿಂದ ಮಾರಣಾಂತಿಕ ಕತ್ತಿಯೇಟು ತಿಂದ ಒಬ್ಬ ಯೋಧನಾಗಿದ್ದ. ಪ್ರತಿಕಾರದಿಂದ ಕುದಿಯುತ್ತಿದ್ದ ಅವನ ಮನಸ್ಸಿನಲ್ಲಿ ನಿಶ್ಪಕ್ಷಪಾತದ ನಡುವಳಿಕೆಗೆ ಪ್ರೇರಣೆ ಹುಟ್ಟುವುದಂತೂ ಸಾಧ್ಯವೆ ಇರಲಿಲ್ಲ. ದೇಹದ ಮೇಲಿನ ಗಾಯವೆ ಇನ್ನೂ ಮಾಯ್ದಿರಲಿಲ್ಲ ಇನ್ನು ಅವನ ಮನಸ್ಸಿನ ಗಾಯ ಮಾಯುವುದಾದರೂ ಹೇಗೆ ಸಾಧ್ಯ? ಅಷ್ಟಕ್ಕೂ ಅವನಿಗೆ ನ್ಯಾಯ ವಿಚಾರಣೆಯ ಗಂಧ ಗಾಳಿಯೂ ಇರಲಿಲ್ಲ. ಅಲ್ಲದೆ ಯುದ್ಧದ ಕಾಲಾಳುವಾದ ಆತ ಸಮಚಿತ್ತದ ವಿಚಾರಣೆ ನಡೆಸಲು ಸಂತನೂ ಆಗಿರಲಿಲ್ಲ.



( ಇನ್ನೂ ಇದೆ.)

03 November 2015

ವಲಿ - ೨೩







ಇದೆ ವೇಳೆಯಲ್ಲಿ ಮಹಮದನ ಎಳೆ ಪತ್ನಿ ಆಯೇಷಾ ಬಗ್ಗೆ ಜರುಗಿದ ಒಂದು ಘಟನೆಯನ್ನು ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ವಿವರಿಸುತ್ತಾರೆ. ಬೆನ್ ಮುಸ್ತಲಿಕ್'ರ ವಿರುದ್ಧದ ಯುದ್ಧಾಗಂಣಕ್ಕೆ ಆಯೇಷಾ ಕೂಡಾ ಮಹಮದನ ಜೊತೆಯಲ್ಲಿ ಹೋಗಿದ್ದಳು. ಸಾಮಾನ್ಯವಾಗಿ ಹೀಗೆ ಎಲ್ಲಾದರೂ ಮಹಮದನ ಪತ್ನಿಯರು ಆತನೊಂದಿಗೆ ಪರಿವಾರವಾಗಿ ಹೊರ ಊರುಗಳಿಗೆ ಹೋಗುವುದಾದರೆ ಅವರನ್ನ ಡೋಲಿಯೊಂದರಲ್ಲಿ ಕೂರಿಸಿ ಅದನ್ನ ಒಂಟೆಯ ಮೇಲೆ ಸಾಗಿಸಲಾಗುತ್ತಿತ್ತು. ಸಾರ್ವಜನಿಕರ ದೃಷ್ಟಿಗೆ ಬೀಳದಂತಿರಲು ಅದನ್ನು ಪರದೆಯಿಂದ ಮುಚ್ಚಿಡಲಾಗುತ್ತಿತ್ತು. ಒಂಟೆಯ ಮೇಲಿನಿಂದ ಕೆಳಗಿಳಿಸುವ ಮೇನೆಗಳನ್ನ ನೇರವಾಗಿ ಅವರು ತಂಗ ಬೇಕಾದ ಬಿಡಾರಗಳ ಮುಂದೆ ಕೊಂಡು ಹೋಗಿ ನಿಲ್ಲಿಸಲಾಗುತ್ತಿತ್ತು. ಅದರ ಮೂಲಕ ಪರದೆ ಸರಿಸಿ ಬಿಡಾರ ಹೊಕ್ಕುವ ಅವರ ಖಾಸಗಿತನವನ್ನು ಅತ್ಯಂತ ನಿಖರವಾಗಿ ಕಾಪಾಡಿಕೊಳ್ಳಲಾಗುತ್ತಿತ್ತು.


ಆದರೆ ಈ ಬಾರಿ ಮದೀನಾಕ್ಕೆ ಹಿಂದಿರುಗುವಾಗ ಮಾತ್ರ ಒಂದು ಎಡವಟ್ಟಾಯಿತು! ಯುದ್ಧ ಮುಗಿದು ಲೂಟಿಗೈದ ಎಲ್ಲಾ ವಸ್ತುಗಳ ಸಹಿತ ಸೆರೆಯಾದ ಶತ್ರುಪಡೆಯ ಹೆಂಗಸರು ಹಾಗೂ ಮಕ್ಕಳನ್ನ ಕೈಕಟ್ಟಿ ಮಹಮದ್ ಹಾಗೂ ಅವನ ಸೈನ್ಯ ಮರಳಿ ಮದೀನಾಕ್ಕೆ ಬಂದು ಮುಟ್ಟಿದರು. ಅವರ ಜೊತೆಯೆ ಅಯೇಷಾಳ ಮೇನೆಯನ್ನು ಹೊತ್ತಿದ್ದ ಒಂಟೆ ಸಹ ಮರಳಿ ಬಂತು, ಆದರೆ ಒಂಟೆಯನ್ನು ನಡೆಸಿಕೊಂಡು ಬಂದ ಸೇವಕ ಅವಳ ಮನೆ ಬಾಗಿಲಿನತ್ತ ಅದನ್ನ ನಡೆಸಿ, ಅದನ್ನ ಇನ್ನಿತರರು ಹೊತ್ತು ಸರಿಯಾಗಿ ಮನೆಯ ಬಾಗಿಲಿಗೆ ಹೊಂದಿಸಿ ಪರದೆ ಎತ್ತಿ ಹಿಡಿದರಾದರೂ ಅಯೇಷಾ ಅದೆಷ್ಟು ಹೊತ್ತು ಕಾದರೂ ಹೊರ ಬಂದು ಮನೆ ಹೊಕ್ಕಲೆ ಇಲ್ಲ! ವಾಸ್ತವಾಗಿ ಮೇನೆಯೊಳಗೆ ಅವಳು ಇರಲೆ ಇಲ್ಲ. ಇದಾಗಿ ಗೊಂದಲದ ಮನಸ್ಥಿತಿಯಲ್ಲಿ ಎಲ್ಲರೂ ಹುಡುಕಾಡಲು ಪರದಾಡುತ್ತಿದ್ದಾಗಲೆ ಸಫ್ಯಾನ್ ಎನ್ನುವ ಒಬ್ಬ ದಾರಿಹೋಕ ವಲಸೆಗಾರ ಅಲ್ಲಿ ಪ್ರತ್ಯಕ್ಷನಾದ. ಆತ ಹಿಡಿದು ತಂದ ಒಂಟೆಯ ಮೇಲೆ ಆಯೇಷಾ ಕೂತಿದ್ದಳು!


ಆತ ಅದಕ್ಕೆ ನೀಡಿದ ಕಾರಣ ಕುತೂಹಲಕರವಾಗಿತ್ತು ಹಿಂದಿನ ರಾತ್ರಿ ಹಿಂದಿರುಗಿ ಹೋಗುವ ಆಲೋಚನೆ ನಡೆಯುತ್ತಿದ್ದಾಗ ಯಾರಿಗೂ ಅರಿವಿಗೆ ಬಾರದಂತೆ ಆಯೇಷಾ ಒಬ್ಬಳೆ ತನ್ನ ಬಿಡಾರದಿಂದ ಕೊಂಚ ಹೊರ ಹೋಗಿದ್ದಳು. ಅಲ್ಲಿ ನಡೆದಾಡುವಾಗ ತನ್ನ ಕತ್ತಿನಲ್ಲಿದ್ದ ಮುತ್ತಿನಹಾರವನ್ನ ಅಲ್ಲೆಲ್ಲೋ ಕಳೆದು ಕೊಂಡಳಂತೆ! ವಾಪಾಸು ಬಿಡಾರ ಬಂದು ಮುಟ್ಟಿದಾಗ ಆದ ಪ್ರಮಾದದ ಅರಿವಾಯಿತು. ಹೀಗಾಗಿ "ಬಿಟ್ಟು ಬಂದಿದ್ದ" ಹಾರವನ್ನ ಪಡೆಯಲು ಮತ್ತೆ ಅಲ್ಲಿಗೆ ಮರಳಿದಳಂತೆ!. ಆದರೆ ಇದರ ಯಾವುದೆ ಸುಳಿವಿಲ್ಲದ ಮುಸಲ್ಮಾನರು ತಮ್ಮ ಸಹಜ ಪದ್ಧತಿಯಂತೆ ಆಕೆ ಮೇನೆಯೊಳಗೆ ಮಲಗಿರಬಹುದು ಎಂದು ಭಾವಿಸಿ ಅದನ್ನ ಎತ್ತಿ ಒಂಟೆಯ ಬೆನ್ನಿಗೆ ಬಿಗಿದರು. ಆಕೆ ಇನ್ನೂ ಹದಿಹರೆಯದ ಪುಟ್ಟ ಹುಡುಗಿಯಾಗಿದ್ದರಿಂದ ಆಕೆಯ ತೂಕವೆ ಅವರಿಗ್ಯಾರಿಗೂ ಅರಿವಾಗಲಿಲ್ಲ.


ಹೀಗಾಗಿ ಖಾಲಿ ಮೇನೆ ಹೊತ್ತ ಒಂಟೆ ಪಡೆಯೊಂದಿಗೆ ಮದೀನಾದತ್ತ ಸಾಗಿತು. ಇತ್ತ ಆಯೆಷಾ ಮರಳಿ ಬಿಡಾರವಿದ್ದ ಜಾಗಕ್ಕೆ ಬಂದಾಗ ಅಲ್ಲಿ ನರ ಮನುಷ್ಯರ ಸುಳಿವನ್ನ ಕಾಣದೆ ಕಂಗಾಲಾದಳು. ಅವಳಿಗೆ ವಿಪರೀತ ಗಾಬರಿಯಾಯಿತಂತೆ. ಈ ನಾಟಕೀಯ ಬದಲಾವಣೆ ಕಂಡು ಆಶ್ಚರ್ಯ ಪಟ್ಟ ಆಕೆ ಬೇರೆ ಉಪಾಯಗಾಣದೆ ತನ್ನ ಬಳಿ ಇದ್ದ ಬದ್ದ ಬಟ್ಟೆಗಳನ್ನೆಲ್ಲಾ ಮುಚ್ಚಿಕೊಂಡು ಅಲ್ಲಿಯೆ ಮಲಗಿ ನಿದ್ರಿಸಿದಳಂತೆ. ಮೇನೆಯಲ್ಲಿ ತನ್ನನ್ನ ಕಾಣದೆ ಜನ ಖಂಡಿತಾ ತನ್ನನ್ನು ಹುಡುಕಿಕೊಂಡು ಬಂದಾರು ಎಂದವಳು ಎಣಿಸಿದ್ದಳಂತೆ. ಆದರೆ ಆಕೆಯ ಭೇಟಿ ಮರುದಿನ ದಾರಿತಪ್ಪಿ ಆ ಹಾದಿಯಾಗಿ ಅಲೆದಾಡುತ್ತಿದ್ದ ಸಫ್ಯಾನನ ಜೊತೆಗಾಯಿತು. ಆಕೆಯ ಕಥೆ ಕೇಳಿ ಆಶ್ಚರ್ಯಚಕಿತನಾದ ಆತ ಆಕೆಯನ್ನ ಗೌರವಾದರಗಳಿಂದ ಒಂಟೆಯ ಮೇಲೆ ಕೂರಿಸಿ ತಾನು ಆಕೆಯ ಘನತೆಗೆ ಧಕ್ಕೆ ತಾರದಂತೆ ಹಾಗೂ ಗೌಪ್ಯತೆ ಕಾಪಾಡುವಂತೆ ಆಕೆಯತ್ತ ಮುಖ ಮಾಡದೆ ಗೌರವಾದಾರಗಳಿಂದ ಮದೀನಕ್ಕೆ ತಂದು ಮುಟ್ಟಿಸಿದನಂತೆ. ಇಷ್ಟು ಪ್ರವರ ಹೇಳಿ ಆತ ನಿಟ್ಟುಸಿರು ಬಿಟ್ಟ.



ಮದೀನಾ ಮುಟ್ಟುವಾಗ ನಿಚ್ಚಳ ಹಗಲಾಗಿದ್ದು ಬೀದಿಯುದ್ದ ಜನರ ಕಣ್ಣಿಗೆ ಇವರಿಬ್ಬರೂ ಬಿದ್ದರು. ಗುಸುಗುಸು ಶುರುವಾಯಿತು. ಸ್ಥಳಿಯ ಅರಬ್ಬರ ಬಾಯಿಗೆ ಬಿದ್ದ ಈ ಸುದ್ದಿ ಮಹಮದನಿಗೆ ಬಂದು ಮುಟ್ಟಿದಾಗ ಆತ ಕಸಿವಿಸಿಗೊಂಡ. ಆಗಿನ್ನೂ ಕೇವಲ ಹದಿನಾಲ್ಕು ವರ್ಷ ಪ್ರಾಯದವಳಾಗಿದ್ದ ಆಯೇಷಾ ಈ ಕಾರಣದಿಂದ ಪತಿಯ ಅಸಡ್ಡೆಗೆ ಗುರಿಯಾಗಬೇಕಾಯಿತು. ಇದರಿಂದ ಮನನೊಂದ ಆಯೇಷಾ ತನ್ನ ತವರುಮನೆಯನ್ನ ಹೋಗಿ ಸೇರಿಕೊಂಡಳು. ಈ ವಿಷಯ ಖಚಿತವಾಗುತ್ತಲೆ ಆಡಿಕೊಳ್ಳುವವರ ಬಾಯಿಗೆ ಇದರಿಂದ ರಸಗವಳ ಸಿಕ್ಕಂತಾಗಿ ಓತಪ್ರೋತವಾದ ವದಂತಿಗಳು ಅಲ್ಲಿಲ್ಲಿ ಹರಿದಾಡ ಹತ್ತಿದವು. ಇದು ಕೇವಲ ಸಾಮಾನ್ಯ ಮಂದಿಗಷ್ಟೇ ಸೀಮಿತವಾಗಿರಲಿಲ್ಲ. ಮದೀನಾದ ಅರಬ್ಬಿ ಗಣ್ಯ ಅಬ್ದುಲ್ಲಾ ಇಬ್ನ್ ಒಬೈ, ಕವಿ ಹಸ್ಸನ್, ಝೈನಬ್'ಳ ತಮ್ಮ ಹಮ್ಝಾ ಇವರೆಲ್ಲಾ ಇದಕ್ಕೆ ಕೊಂಚ ಮಸಾಲೆ ಸೇರಿಸಿ ರೆಕ್ಕೆ ಪುಕ್ಕ ಕಟ್ಟಿದ ವದಂತಿಯ ಹಕ್ಕಿಗಳನ್ನ ನಾಲ್ಕು ಜನ ಸೇರಿದ್ದಲ್ಲಿ ಆಡುವ ಮೂಲಕ ಹಾರಿ ಬಿಟ್ಟರು. ಮಹಮದನ ಪ್ರತಿಷ್ಠೆಗೆ ಧಕ್ಕೆ ತರುವ ರೀತಿಯಲ್ಲಿ ಅದು ಶೀಘ್ರವಾಗಿ ಅತ್ತಿತ್ತ ಹರಿದಾಡ ಹತ್ತಿತು. ಇದರಿಂದ ಮಹಮದ್ ಅತೀವ ಚಿಂತಿತನಾದ.



ಮಹಮದನ ವಿರುದ್ಧ ಟೀಕೆ ಟಿಪ್ಪಣಿ ಮಾಡುವವರಿಗೆ, ಆತನ ಪ್ರವಾದಿತನದ ಹೇಳಿಕೆಯನ್ನು ವಿಡಂಬನೆ ಮಾಡುತ್ತಿದ್ದವರಿಗೆ, ಆತನ ನಡತೆ ಹಾಗೂ ಅಭಿಪ್ರಾಯಗಳನ್ನು ಹಾಸ್ಯ ಮಾಡಿ ಹಂಗಿಸುತ್ತಿದ್ದವರಿಗೆ ಆಯೆಷಾಳ ಕಥೆ ಒಂದು ರಂಗುರಂಗಿನ ಸುದ್ದಿಯಾಗಿ ಪರಿಣಮಿಸಿತ್ತು. ಆವರೆಲ್ಲಾ ಮಹಮದ್ ಈ ಬಗ್ಗೆ ಯಾವ ಕ್ರಮ ಕೈಗೊಂಡಾನು? ಹೇಗೆ ತಾನೆ ಈ ಝಂಜಡದಿಂದ ಪರಿಹಾರ ಕಂಡಾನು ಎನ್ನುವ ಕೆಟ್ಟ ಕುತೂಹಲ ಇದ್ದೇ ಇತ್ತು. ಹಾಗೊಮ್ಮೆ ಆಕೆಯನ್ನ ಆದ ಪ್ರಮಾದಕ್ಕಾಗಿ ಶಿಕ್ಷಿಸಿದರೆ ತನ್ನ ನೆಚ್ಚಿನ ಬಂಟ, ಅನುಯಾಯಿ, ಮಿತ್ರ ಹಾಗೂ ಮಾವನೂ ಆಗಿದ್ದ ಅಬು ಬಕರನ ವಿರೋಧ ಕಟ್ಟಿಕೊಳ್ಳಬೇಕಾಗುತ್ತಿತ್ತು. ಹಾಗಂತ ಒಂದು ವೇಳೆ ಆಕೆಯನ್ನ ಕ್ಷಮಿಸಿ ಬಿಟ್ಟು ಬಿಟ್ಟರೆ ಕೆಟ್ಟ ಸಂಪ್ರದಾಯವೊಂದಕ್ಕೆ ನಾಂದಿ ಹಾಡಿದಂತಾಗಿ ಕಂಡವರ ಹಾಸ್ಯ ಹಾಗೂ ಗೇಲಿಗೆ ಬಲಿಯಾಗ ಬೇಕಾಗುತ್ತಿತ್ತು. ಒಟ್ಟಿನಲ್ಲಿ ಅತ್ತ ದರಿ ಇತ್ತ ಪುಲಿ ಅನ್ನುವ ಪರಿಸ್ಥಿತಿಯಲ್ಲಿ ಆಗ ಅವನಿದ್ದ. ಅದೆರಡೂ ಬೇಡ ತಾನು ತಟಸ್ಥನಾಗಿರೋಣ ಅಂದರೆ ಅದೆ ಕಾರಣಕ್ಕೆ ನಗರದಲ್ಲಿ ಅಂತಃಕಲಹ ಭುಗಿಲೆದ್ದು ರಕ್ತಪಾತವಾಗಿ ಹಾದಿಬೀದಿಯ ರೋಷದ ಮಾತು"ಕಥೆ"ಗಳು ಹಿಂಸಾಚಾರಕ್ಕೆ ತಿರುಗುವ ಲಕ್ಷಣಗಳೂ ಕೂಡಾ ಕಂಡು ಬಂತು. ಇದೆಲ್ಲದರ ಪರಿಣಾಮ ಕವಿಗಳು ಆ ಬಗ್ಗೆ ಕುಕವಿತೆ ರಚಿಸಿ ಹಾಡಿಯಾರು ಎನ್ನುವ ಭಯ ಸಹ ಆತನನ್ನ ಆವರಿಸಿತು.



ಹೀಗಾಗಿ ಈ ಲೋಕಾಪವಾದದಿಂದ ತಪ್ಪಿಸಿಕೊಳ್ಳಲು ಆತ ಮುಂದಾದ. ತಾನೆ ಮಸೀದಿಯ ಪ್ರಾರ್ಥನಾ ಸಭೆಯ ವೇಳೆ ಗದ್ದುಗೆ ಏರಿ ಕೂತಿದ್ದಾಗ ಜನರನ್ನ ಉದ್ದೇಶಿ ಸಿಅವರೆಲ್ಲರಿಗೂ ತನ್ನ, ಅಂದರೆ ಪ್ರವಾದಿಯ ಕುಟುಂಬದ ಬಗ್ಗೆ ಹಾದಿಬೀದಿಗಳಲ್ಲಿ ಹಗುರಾಗಿ ಹರಟಿ ವಿನಃ ಕಾರಣ ಗುಲ್ಲೆಬ್ಬಿಸಿದ ಅಧರ್ಮಿಗಳೆಂದು ಛೀಮಾರಿ ಹಾಕಿದ. ಇದನ್ನ ಆಶ್ಚರ್ಯಕರವಾಗಿ ಕೆಲವರು ಪ್ರತಿಭಟಿಸಿದರು! ಮಾತುಕತೆಯ ನಡುವೆ ವಾಗ್ವಾದಗಳಾಗಿ ಅದು ಮಾರಾಮಾರಿಗೆ ತಿರುಗುವ ಲಕ್ಷಣ ಕಂಡು ಬಂದಾಗ ಎಚ್ಚೆತ್ತ ಮಹಮದ್ ತಾನೆ ಮಧ್ಯ ಪ್ರವೇಶಿಸಿ ಅವರನ್ನ ಸಮಾಧಾನಗೊಳಿಸಿದ! ಮಸೀದಿಯಿಂದ ಕೆಲವರೊಡನೆ ಕೂಡಿ ನೇರ ಮಾವ ಅಬುಬಕರನ ಮನೆಗೆ ಆತ ತೆರಳಿದ. ಅಲ್ಲಿ ತನ್ನ ಹಿತೈಶಿಗಳಾದ ಅಲಿ ಹಾಗೂ ಒಸಾಮರೊಡನೆ ಸಮಾಲೋಚನೆ ನಡೆಸಿದ. ಅದರ ಅನುಸಾರ ಎಳೆ ಪತ್ನಿ ಆಯೆಷಾಳ ಕೋಣೆಗೆ ತೆರಳಿ "ದೇವರಿಗೆ ಹೆದರು! ನೀನು ತಪ್ಪು ಮಾಡಿರೋದೆ ಹೌದಾದರೆ ಆತನ ಮುಂದೆ ಅದನ್ನ ಒಪ್ಪಿ ಕ್ಷಮೆ ಕೇಳು" ಎಂದ.


ಅವನ ಆ ಮಾತುಗಳನ್ನ ಆಲಿಸಿದ ಆಯೇಷಾ ಬಿಕ್ಕಿಬಿಕ್ಕಿ ಅತ್ತಳು. ಅವಳ ಸ್ವಾಭಿಮಾನಕ್ಕೆ ಇದರಿಂದ ಧಕ್ಕೆಯಾಗಿತ್ತು. "ದೇವರ ಕ್ಷಮೆ ಕೇಳಲಿಕ್ಕೆ ನಾನೇನೂ ತಪ್ಪು ಮಾಡಿಲ್ಲ, ನಾನು ತಪ್ಪು ಮಾಡಿಲ್ಲ ಅನ್ನುವುದರ ಬಗ್ಗೆ ದೇವರಿಗೆ ಮಾತ್ರ ಅರಿವಿದೆ. ಸುಳ್ಳು ಸುಳ್ಳು ತಪ್ಪೊಪ್ಪಿಕೊಂಡರೂ ಅವನಿಗೆ ನನ್ನ ಸತ್ಯವಂತಿಕೆಯ ಅರಿವಿದ್ದೇ ಇರುತ್ತದೆ. ತಪ್ಪನ್ನ ನಾನು ಒಪ್ಪದಿದ್ದರೆ ನೀವ್ಯಾರೂ ಒಪ್ಪದಿರುವಂತೆಯೂ ಕಾಣುತ್ತಿಲ್ಲ! ಹೀಗಾಗಿ ನಾನು ಈಗ ಜೋಸಫ್'ನ ತಂದೆ ಹೇಳಿದಂತೆ 'ಸೈರಣೆ ಮಾತ್ರ ನನ್ನನ್ನು ಕಾಪಾಡುತ್ತದೆ, ದೇವರೆ ನನಗೆ ದಿಕ್ಕು'" ಎಂದು ಗಳಗಳನೆ ಅತ್ತಳು.



ಅವಳ ಮಾತುಗಳನ್ನ ಕೇಳಿ ನೆರೆದ ಎಲ್ಲರೂ ಸ್ತಬ್ಧರಾದರು. ಇದನ್ನ ಅಲಿಸುತ್ತಿದ್ದಂತೆ ಮಹಮದ್ ಬವಳಿ ಬಂದವನಂತೆ ಕೆಳಕ್ಕುರುಳಿದ. ಅವನಿಗೆ ಬಟ್ಟೆ ಹೊದೆಸಿ ತಲೆಗೆ ದಿಂಬು ಕೊಟ್ಟು ಉಪಚರಿಸಿದರು. ಹಾಗೆಯೆ ಅವನನ್ನ ಕೆಲ ಹೊತ್ತು ಬಿಟ್ಟ ನಂತರ ಹಟಾತ್ತಾಗಿ ಅವನ ಚರ್ಯೆಯಲ್ಲಿ ನಾಟಕೀಯ ಬದಲಾವಣೆ ಕಂಡು ಬಂತು. ಆತ ನಿದ್ದೆಯಿಂದ ಎದ್ದೆವನಂತೆ ಕಣ್ಣು ಬಿಟ್ಟ. ಬೆವರಿನ ಹನಿಗಳು ಆತನ ಹಣೆಯ ಮೇಲೆ ಮೂಡಿದ್ದವು. ಉದ್ವೇಗಿತನಾಗಿ "ಆಯೇಷಾ ಸಂತೋಷ ಪಡು! ನಾನು ದೇವರನ್ನ ಸಂದರ್ಶಿಸಿ ಬಂದೆ! ಆತ ನಿನ್ನನ್ನ ನಿರಪರಾಧಿ ಎಂದು ಘೋಷಿಸಿದ್ದಾನೆ!" ಎಂದು ಬಹಿರಂಗವಾಗಿ ಸಾರಿದ. ಆತ ಅಂದು ಸಾರಿದ ಖುರ್ಹಾನಿನ ಸುರಾವೆ ಇಂದಿಗೂ ವ್ಯಭಿಚಾರದ ಕುರಿತು ಮುಸಲ್ಮಾನರು ಅನುಸರಿಸುತ್ತಿರುವ ಕಟ್ಟಳೆಯ ಸುರಾವಾಗಿದೆ ಎನ್ನುತ್ತಾರೆ ಸರ್ ಮ್ಯೂರ್ ತಮ್ಮ 'ಲಫ್ ಆಫ್ ಮಹಮದ್' ಕೃತಿಯ ಪುಟ ಸಂಖ್ಯೆ ಮುನ್ನೂರಾ ಒಂದು ಹಾಗೂ ಎರಡರಲ್ಲಿ.



ಹೀಗೆ ಹದಿನಾಲ್ಕು ವರ್ಷ ಪ್ರಾಯದ ಎಳೆ ಪತ್ನಿ ತನ್ನ ಪತಿಗಾಗಲಿ, ತಂದೆ ತಾಯಿಯರಿಗಾಗಲಿ ಮಣಿಯದೆ ಕೇವಲ ಅಲ್ಲಾಹನಿಗೆ ಮಾತ್ರ ಮಣಿದಳು.  ಆಕೆಯ ಭಕ್ತಿ ಹಾಗೂ ಗೌರವ ಕೇವಲ ಸರ್ವಶಕ್ತನಿಗೆ ಮಾತ್ರ ಸಂದಿತು. ಈ ಸಂದರ್ಭ ಕಳೆದ ನಂತರ ಮಹಮದ್ ತನ್ನ ಎಳೆಯ ಹೆಂಡತಿಯ ನಡತೆಯ ಬಗ್ಗೆ ಗುಲ್ಲೆಬ್ಬಿಸಿದ ವ್ಯಕ್ತಿಗಳನ್ನ ವಿಚಾರಣೆಗೆ ಒಳ ಪಡಿಸಿ ಕಠಿಣವಾಗಿ ಶಿಕ್ಷಿಸಿದ. ತನ್ನ ಇನ್ನೊಬ್ಬ ಹೆಂಡತಿ ಝೈನಬ್'ಳ ತಮ್ಮ ಹಮ್ಝಾ ಸಹ ಶಿಕ್ಷೆಯಿಂದ ಹೊರತಾಗಿರಲಿಲ್ಲ! ಅವರೆಲ್ಲರಿಗೂ ನಲವತ್ತು ಛಡಿ ಏಟಿನ ಶಿಕ್ಷೆ ವಿಧಿಸಲಾಯಿತು ಎನ್ನುತ್ತಾರೆ ಇತಿಹಾಸಕಾರ ಕ್ಯಾರನ್ ಅರ್ಮಸ್ಟ್ರಾಂಗ್ ತಮ್ಮ 'ಮಹಮದ್' ಕೃತಿಯ ಪುಟ ಸಂಖ್ಯೆ ೧೭೫ರಲ್ಲಿ.



ಆದರೆ ಮದೀನಾದ ಗಣ್ಯ ಪ್ರಜೆ ಸಿರಿವಂತ ಅಬ್ದುಲ್ಲ ಇಬ್ನ್ ಒಬೈ ಹಾಗೂ ಕವಿ ಹಸ್ಸನ್ ಮಾತ್ರ ಈ ಶಿಕ್ಷೆಗೆ ಗುರಿಯಾದವರ ಪಟ್ಟಿಯಲ್ಲಿ ಇರಲಿಲ್ಲ. ಹೀಗೆಯೆ ಆತ ಅಯೇಷಾಳನ್ನು ತಂದು ಬಿಟ್ಟಿದ್ದ ಸಫ್ಯಾನ್ ಗುಲ್ಲೆಬ್ಬಿಸಿದ್ದಕ್ಕೆ ಸಿಟ್ಟಿಗೆದ್ದು ಕವಿ ಹಸ್ಸನ್'ನನ್ನು ಕತ್ತಿಯಿಂದ ಗಾಯಗೊಳಿಸಿ ಹಲ್ಲೆ ಮಾಡಿದ್ದನ್ನು ಪರಿಗಣಿಸಿ ಆತನನ್ನು ಸಂತೈಸಿ ಜಮೀನು ಹಾಗೂ ಆಸ್ತಿಯನ್ನ ಪರಿಹಾರ ರೂಪದಲ್ಲಿ ನೀಡಿ ಅವನನ್ನ ಸಂತೈಸಲಾಯಿತು. ಇದರಿಂದ ಸಂತೋಷಗೊಂಡ ಆ ಕವಿ ಮಹಾಶಯ ಯಾವ ನಾಲಗೆಯಿಂದ ಆಯೇಶಾಳನ್ನು ಹೀಗಳೆದು ಕವಿತೆ ಕಟ್ಟಿ ಹಾಡಿದ್ದನೋ ಅದೆ ಎಲುಬಿಲ್ಲದ ನಾಲಗೆಯಿಂದ ಆಕೆಯ ಅಂದ ಚೆಂದ ಹಾಗೂ ಸೌಂದರ್ಯವನ್ನ ಹಾಡಿ ಹೊಗಳಿ ಅಕೆಯ ಅಭಿಮಾನ ಗಳಿಸಿಕೊಂಡ!


( ಇನ್ನೂ ಇದೆ.)

02 November 2015

ವಲಿ - ೨೨







ಮದೀನಕ್ಕೆ ಕ್ಷೇಮದಿಂದ ಹಿಂದಿರುಗಿದ ಮಹಮದ್ ಕೆಲ ಕಾಲ ಸುಖದಿಂದ ಕಾಲ ಕಳೆದ. ಆ ವೇಳೆಯಲ್ಲಿಯೆ ತನ್ನ ಅಂತಃಪುರಕ್ಕೆ ಇಬ್ಬರು ಹೆಂಡತಿಯರನ್ನ ಬರ ಮಾಡಿಕೊಂಡ. ಈ ಹಿಂದೆಯೆ ಆತನಿಗೆ ಮೂವರು ಹೆಂಡತಿಯರಿದ್ದರು. ಹಿರಿಯಳಾದ ನಾಲ್ಕನೆಯ ಹೆಂಡತಿ ಖತೀಜಾ ತೀರಿಕೊಂಡಿದ್ದಳು. ಈಗ ಯುದ್ಧದಲ್ಲಿ ಹೋರಾಡಿ ಮಡಿದ ಒಬೈದನ ವಿಧವೆ ಝೈನಬ್'ಳನ್ನು ಮಹಮದ್ ಮರು ವಿವಾಹವಾದ. ಅದರ ಬೆನ್ನಿಗೆ ಇನ್ನೊಂದು ತಿಂಗಳ ಅವಧಿಯೊಳಗೆ ಉಮ್ ಸಲ್ಮಾಳನ್ನು ಸಹ ಲಗ್ನವಾದ. ಆಕೆ ಅದಕ್ಕೂ ಮೊದಲು ಅಬು ಸಲ್ಮಾನನ ಹೆಂಡತಿಯಾಗಿದ್ದಳು. ದಂಪತಿಗಳಿಬ್ಬರೂ ಅಬಿಸೀನಿಯಾಕ್ಕೆ ಉತ್ತಮ ಬದುಕನ್ನ ಅರಸಿ ವಲಸೆ ಹೋಗಿದ್ದವರು ಮರಳಿ ಮದೀನಾ ಬಂದು ಮುಟ್ಟಿದ್ದರು. ಆದರೆ ಮಹಮದನ ಪರ ಓಹೋದ್ ಯುದ್ಧದಲ್ಲಿ ಕಾದಾಡಿ ಪ್ರಾಣಾಂತಿಕವಾಗಿ ಗಾಯಗೊಂಡಿದ್ದ ಅಬು ಅದೆಷ್ಟೆ ಉಪಚರಿಸಿದರೂ ಕೂಡಾ ಬದುಕುವ ಭಾಗ್ಯವಿಲ್ಲದೆ ಕೊನೆಯುಸಿರೆಳೆದಿದ್ದ. ಆತ ಸಾವಿನ ಅಂಚಿನಲ್ಲಿದ್ದಾಗ ಅವನನ್ನು ಕಾಣಲು ಮಹಮದ್ ಅವರ ಮನೆಗೆ ಹೋಗಿದ್ದಾಗ ಆತನ ಹೆಂಡತಿ ಹಾಗೂ ಮಕ್ಕಳು ಗೋಳುಗರೆಯುವ ದೃಶ್ಯ ನೋಡಿ ನೊಂದು ಸಾಂತ್ವಾನದ ನಾಲ್ಕಾರು ನುಡಿಗಳನ್ನ ಆಡಿ ಹಿಂದಿರುಗಿದ್ದ. ಅಂತಿಮ ಕ್ಷಣದಲ್ಲಿ ಆ ತನ್ನ ಗೆಳೆಯನ ತಾಪ ಇಂದಿಗೆ ಕೊನೆಯಾಗಲಿ ಎಂದು ಹಾರೈಸಿ, ಆತನಿಗೆ ಸ್ವರ್ಗಾರೋಹಣ ಮಾಡಿಸುವಂತೆ ದೇವರನ್ನು ಬೇಡಿಕೊಂಡು ತಾನೆ ತನ್ನ ಕೈಯಾರೆ ಮೃತನ ಕಣ್ಣು ಮುಚ್ಚಿ ಮರಳಿದ್ದನಾತ.


ಗೆಳೆಯ ಸತ್ತು ನಾಲ್ಕು ತಿಂಗಳು ಸತ್ತ ನಂತರ ವಿಧವೆ ಸುಂದರಿ ಸಲ್ಮಾಳನ್ನು ಮದುವೆಯಾಗುವ ಇಚ್ಛೆ ವ್ಯಕ್ತಪಡಿಸಿ ಆಕೆಯ ಸಮ್ಮತಿ ಕೇಳಿದ. ಆದರೆ ಆಕೆ ಅಸಮ್ಮತಿಸಿದಳು. ಮಹಮದ್ ಪಟ್ಟು ಬಿಡದೆ ತನಗೂ ಕೂಡಾ ವಯಸ್ಸಾಗುತ್ತಾ ಬಂದಿದ್ದು ತಾನು ಅವಳಿಗೂ ಅವಳ ಅನಾಥ ಮಕ್ಕಳಿಗೂ ಆಸರೆಯಾಗಿರುವೆ ಎಂದು ಪುಸಲಾಯಿಸಿ ಕಡೆಗೂ ಆಕೆಯನ್ನ ಒಲಿಸಿಕೊಂಡ. ಅದೆ ವರ್ಷದ ಜೂನಿನಲ್ಲಿ ಆತ ತನ್ನ ಸಾಕು ಮಗ ಝೈದ್'ನ ಹೆಂಡತಿ ಝೈನಬಳನ್ನೂ ಸಹ ಮದುವೆಯಾದ.


ತನ್ನ ಕೃತಿ "ಫೂಟ್ ನೋಟ್ಸ್ ಆಫ್ ಮಹಮದ್"ನ ಪುಟ ಸಂಖ್ಯೆ ೨೯೧ರಲ್ಲಿ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ಈ ಪ್ರಕರಣವನ್ನ ಈ ಬಗೆಯಲ್ಲಿ ವರ್ಣಿಸಿದ್ದಾರೆ. ಒಮ್ಮೆ ಕೆಲಸವೊಂದರ ನಿಮಿತ್ತ ಮಹಮದ್ ತನ್ನ ಸಾಕು ಮಗ ಝೈದ್'ನ ಮನೆಗೆ ಬಂದು ಬಾಗಿಲು ಬಡಿದ. ಝೈದ್ ಹೊರಗೆ ಹೋಗಿದ್ದ ಕಾರಣ ಝೈನಬ್ ಬಂದು ಬಾಗಿಲು ತೆರೆದಳು. ಆಕೆಗೆ ಆಗ ಮೂವತ್ತು ವರ್ಷ ಪ್ರಾಯವಾಗಿದ್ದು ಆಕೆ ಅರೇಬಿಯಾದ ಸಮಕಾಲೀನ ಸುರ ಸುಂದರಿಯರಲ್ಲಿ ಒಬ್ಬಳಾಗಿದ್ದಳು. ಮನೆಯೊಳಗೆ ಮಾವನನ್ನವಳು ಆಹ್ವಾನಿಸಿದಳು. ಆಷ್ಟರಲ್ಲಿ ಆತ ಆಕೆಯ ದೈಹಿಕ ಚೆಲುವನ್ನ ನೋಡಿ ಅವಾಕ್ಕಾಗಿ "ದಯಾಪರನಾದ ದೇವರೆ! ಓ ನನ್ನ ದೇವರೆ!! ಮನುಷ್ಯನ ಹೃದಯಗಳನ್ನ ನೀನು ಬುಡಮೇಲು ಮಾಡುತ್ತೀಯಾ?!" ಎಂದು ಭಾವುಕನಾಗಿ ನುಡಿದು ಒಳಬಾರದೆ ಬಂದ ದಾರಿ ಹಿಡಿದು ಮರಳಿ ಹೋದ. ಆ ಭಾವಪೂರ್ಣ ಉದ್ಘಾರವನ್ನು ಝೈನಬ್ ಸರಿಯಾಗಿ ಆಲಿಸಿದ್ದಳು.



ಪತಿ ಮನೆಗೆ ಬಂದಾಗ ಮಾವ ಬಂದು ಹೋದ ವಿಷಯವನ್ನು ಅರುಹಿ ಜೊತೆಗೆ ಆತನ ಮೆಚ್ಚುಗೆಯ ಉದ್ಗಾರವನ್ನ ಹೆಮ್ಮೆಯಿಂದ ಹೇಳಿಕೊಂಡಳು. ಅದನ್ನ ಕೇಳಿದ್ದೆ ಝೈದ್ ಹಟಾತ್ತಾಗಿ ಮಹಮದನ ಮನೆಯತ್ತ ಧಾವಿಸಿದ. ಆತನ ಸೂಕ್ಷ್ಮ ಮನಸ್ಸಿಗೆ ಮಹಮದನಿಗೆ ತನ್ನ ಸೊಸೆಯ ಮೇಲೆ ಮನಸ್ಸಾಗಿರುವ ವಿಚಾರ ಖಚಿತವಾಗಿತ್ತು. ಹೀಗಾಗಿ ಆತ ತಾನು ಆಕೆಗೆ ವಿಚ್ಛೇದನ ನೀಡುವುದಾಗಿಯೂ, ದಯವಿಟ್ಟು ಮಹಮದ್ ಆಕೆಯನ್ನ ಮರುಮದುವೆ ಮಾಡಿಕೊಳ್ಳಬೇಕೆಂದೂ ವಿನಂತಿಸಿದ! ಮಹಮದ್ ಆರಂಭದಲ್ಲಿ ಇದನ್ನ ಒಪ್ಪಲಿಲ್ಲ. ಆದರೆ ಈ ಸಮ್ಮತಿಯನ್ನ ಪರಿಗಣಿಸದೆ ಝೈದ್ ನಿಂತ ನಿಲುವಿನಲ್ಲಿಯೆ ಝೈನಬಳಿಗೆ ತಲ್ಲಾಖ್ ಘೋಷಿಸಿದ. ತಡ ಮಾಡದೆ ಮಹಮದ್ ಆಕೆಯನ್ನ ಮಡದಿಯನ್ನಾಗಿಸಿ ಮನೆ ತುಂಬಿಸಿಕೊಂಡ! ಬಂಧು ಮಿತ್ರರಿಗೆಲ್ಲಾ ಭರ್ಜರಿ ಔತಣಕೂಟವನ್ನ ಮದುವೆ ಖುಷಿಗಾಗಿ ಏರ್ಪಡಿಸಲಾಯಿತು. ಝೈನಬ್ ಎನ್ನುವ ಹೆಸರಿನ ಇಬ್ಬಿಬ್ಬರು ಹೆಂಗಸರು ಏಕಕಾಲದಲ್ಲಿ ಅವನ ಮಡದಿಯರಾಗಿದ್ದುದು ಅಪರೂಪದ ಸಂಗತಿಯೆಂದು ಇತಿಹಾಸಕಾರ ಅಬ್ದುಲ್ ಹಮೀದ್ ಸಿದ್ಧಿಖಿ ತಮ್ಮ ಕೃತಿ "ಲೈಫ್ ಆಫ್ ಮಹಮದ್'ನ ಪುಟ ಸಂಖ್ಯೆ ೨೨೧ರಲ್ಲಿ ಗಮನ ಸೆಳೆಯುತ್ತಾರೆ.


ಆದರೆ ಮಹಮದನ ಈ ನಡುವಳಿಕೆಯನ್ನ ಮದೀನಾದ ಸಮಾಜ ಸುಲಭವಾಗಿ ಒಪ್ಪಿಕೊಳ್ಳಲಿಲ್ಲ. ಸ್ವಂತ ಸಾಕು ಮಗನ ಹೆಂಡತಿಯನ್ನ ಮಾವನೆ ಮದುವೆಯಾಗುವುದು ಅರಬ್ಬಿ ಸಂಸ್ಕೃತಿಗೆ ವಿರುದ್ಧ ಎನ್ನುವ ಗುಲ್ಲೆದ್ದಿತು. ಆದರೆ ತನ್ನ ಈ ಹೊಸ ನಡೆಗೆ ಅಧಿಕೃತತೆಯ ಮುದ್ರೆಯೊತ್ತಿ, ತಾನು ಸರಿ ಇದ್ದೇನೆ ಎಂದು ಸಾಧಿಸಲು ಮಹಮದ್ ದೈವವಾಣಿಯ ಮೊರೆ ಹೋದ! ತನ್ನ ಪ್ರತಿಷ್ಠೆಯನ್ನು ಉಳಿಸಿಕೊಳ್ಳಲು ಆತನಿಗೆ ದೈವವಾಣಿ ಸುಲಭವಾಗಿ ಒದಗಿಯೂ ಬಂತು(?!). ಖುರ್ಹಾನಿನ ಸುರಾ ೩೩/೧-೭ರ ಮೂಲಕ ದೇವರು ಮಹಮದನ ಸಹಾಯಕ್ಕೆ ಧಾವಿಸಿಬಂದ! ದೇವರಿಗೆ ಸಾಕು ಮಗನ ಹೆಂಡತಿಯನ್ನೆ ತನ್ನ ಪ್ರವಾದಿ ಲಗ್ನವಾಗಿರುವುದು ತಪ್ಪು ಎಂದು ಅನ್ನಿಸಿರಲಿಲ್ಲ. ಅದಕ್ಕೆ ಯಾವುದೆ ವಿರೋಧ ಇರಕೂಡದು ಎಂದು ಈ ಸುರಾದ ಮೂಲಕ ಅಲ್ಲಾಹ ಸಾರಿದ. ಜೊತೆಗೆ ಪ್ರವಾದಿಯ ನಡೆ ನುಡಿಯ ವಿರುದ್ಧ ಯಾವುದೆ ಶಂಕೆ ಅಥವಾ ಅನುಮಾನಗಳನ್ನ ಏಳಿಸಕೂಡದು ಎನ್ನುವ ತಾಕೀತನ್ನೂ ಸಹ ಆ ಭಗವಂತ ಮಹಮದನ ಬಾಯಿಯ ಮೂಲಕವೆ ದೈವೋಕ್ತಿಯನ್ನ ದಾಟಿಸಿ ಮಾಡಿದ!


ಅವತ್ತೀರ್ಣ - ಮದೀನಾದಲ್ಲಿ ಪರಮ ದಯಾಮಯನೂ ಕರುಣಾನಿಧಿಯೂ ಆದ ಅಲ್ಲಾಹನ ನಾಮದಿಂದ.


೧, ಓ ಪೈಗಂಬರರೆ ಅಲ್ಲಾಹನನ್ನು ಭಯ ಪಡಿರಿ ಹಾಗೂ ಸತ್ಯ ನಿಷೇಧಿಗಳ ಹಾಗೂ ಇನ್ಯಾರೆ ಕಪಟಿಗಳ ಅನುಸರಣೆಯನ್ನು ಮಾಡಬೇಡಿರಿ. ವಾಸ್ತವದಲ್ಲಿ ಸರ್ವಜ್ಞನೂ, ಯುಕ್ತಿ ಪೂರ್ಣನೂ ಅಲ್ಲಾಹನೆ ಆಗಿರುತ್ತಾನೆ.

೨, ನಿಮ್ಮ ಪ್ರಭುವಿನ ಕಡೆಯಿಂದ ನಿಮಗೆ ನೀಡಲಾಗುತ್ತಿರುವ ಬೋಧನೆಯನ್ನು ಅನುಸರಿಸಿ. ಅಲ್ಲಾಹನು ನೀವು ಮಾಡುತ್ತಿರುವ ಪ್ರತಿಯೊಂದು ಕಾರ್ಯದ ಕುರಿತೂ ಅರಿವುಳ್ಳವನಾಗಿರುತ್ತಾನೆ. ಅಲ್ಲಾಹನ ಮೇಲೆ ಮಾತ್ರ ಭರವಸೆಯನ್ನಿಡಿರಿ. ಕಾರ್ಯ ನಿರ್ವಾಹಕನಾಗಲು ಕೇವಲ ಅಲ್ಲಾಹನೆ ಸಾಕು.


೩, ಅಲ್ಲಾಹ ಯಾವ ಮನುಷ್ಯನ ಶರೀರದೊಳಗೂ ಎರಡೆರಡು ಹೃದಯಗಳನ್ನಿರಿಸಿಲ್ಲ. ನೀವೆ ಝಿಹಾರ್* ಮಾಡುವ ನಿಮ್ಮ ಪತ್ನಿಯರನ್ನು ಆತ ನಿಮ್ಮ ತಾಯಂದಿರನ್ನಾಗಿ ಮಾಡಲೂ ಇಲ್ಲ. ಅವನು ನಿಮ್ಮ ದತ್ತುಪುತ್ರರನ್ನು ಹೀಗಾಗಿಯೆ ನಿಮ್ಮ ಸ್ವಂತ ಪುತ್ರನನ್ನಾಗಿ ಮಾಡಿರುವುದಿಲ್ಲ. ಇವೆಲ್ಲಾ ಪ್ರಾಪಂಚಿಕರೆ ಆದ ನೀವು ನಿಮ್ಮ ಬಾಯಿಂದ ಹೊರಡಿಸುವ ಮಾತುಗಳು. ಆದರೆ ಅಲ್ಲಾಹನು ಕೇವಲ ಯಥಾರ್ಥವಾದುದನ್ನೆ ಹೇಳುತ್ತಾನೆ. ಅವನೆ ಸನ್ಮಾರ್ಗದ ಕಡೆಗೆ ಮಾರ್ಗದರ್ಶನವನ್ನೂ ಸಹ ನೀಡುತ್ತಾನೆ.

೪, ದತ್ತು ಮಕ್ಕಳನ್ನು ಅವರ ಜೈವಿಕ ತಂದೆಯ ಉಪನಾಮದಿಂದಲೆ ಕರೆಯಿರಿ, ಅಲ್ಲಾಹನ ಬಳಿ ಇದು ಹೆಚ್ಚು ನ್ಯಾಯೋಚಿತ ವಿಷಯವಾಗಿದೆ. ಒಂದು ವೇಳೆ ನಿಮಗೆ ಅವರ ತಂದೆ ಯಾರೆಂಬ ಅರಿವಿಲ್ಲದಿದ್ದರೆ ಆಗ ಅವರು ನಿಮ್ಮ ಧರ್ಮಬಂಧು ಹಾಗೂ ಮಿತ್ರ ಮಾತ್ರನಾಗಿರುತ್ತಾರೆ. ನೀವು ತಿಳಿಯದೆ ಇವ ನನ್ನ ಮಗ ಎಂದು ಹೇಳಿದ ಮಾತಿಗಾಗಿ ನಿಮ್ಮ ಮೇಲೆ ದೋಷವಿಲ್ಲ. ಆದರೂ ನೀವು ಉದ್ದೇಶಪೂರ್ವಕವಾಗಿ ಹೇಳಿದ ಆ ಮಾತಿನ ಬಗ್ಗೆ ಖಂಡಿತಾ ದೋಷವಿದ್ದೆ ಇದೆ. ಅಲ್ಲಾಹನು ಕ್ಷಮಾಶೀಲನೂ, ಕರುಣಾನಿಧಿಯೂ ಆಗಿರುತ್ತಾನೆ.

೫, ನಿಶ್ಚಯವಾಗಿಯೂ ಪ್ರವಾದಿಯು ಸತ್ಯವಿಶ್ವಾಸಿಗಳಿಗೆ ಅವರ ಸ್ವಂತ ಅಸ್ತಿತ್ವಕ್ಕಿಂತಲೂ ಪ್ರಧಾನರಾಗಿದ್ದಾರೆ! ಹಾಗೂ ಪ್ರವಾದಿಯ ಪತ್ನಿಯರು ಅವರ ಮಾತೆಯರಾಗಿದ್ದಾರೆ! ಆದರೆ ದೇವಗ್ರಂಥದ ದೃಷ್ಟಿಯಿಂದ ಸಾಮಾನ್ಯ ಸತ್ಯ ವಿಶ್ವಾಸಿಗಳು ಹಾಗೂ ಮುಹಾಝಿರರಿಗಿಂತಲೂ ಸಂಬಂಧಿಕರು ಪರಸ್ಪರರ ಪಾಲಿಗೆ ಅಧಿಕ ಹಕ್ಕುದಾರರಾಗಿರುತ್ತಾರೆ. ಆದರೆ ತಮ್ಮ ಮಿತ್ರರೊಂದಿಗೆ ತಾವೇನಾದರೂ ಒಳಿತು ಮಾಡಲಿಚ್ಛಿಸುವಿರಾದರೆ ಮಾಡಬಹುದು, ಆ ಆಜ್ಞೆಯೂ ದೇವಗ್ರಂಥದಲ್ಲಿ ಸ್ಪಷ್ಟವಾಗಿ ಬರೆದಿದೆ.


ಖುರ್ಹಾನ್ ಕನ್ನಡಾನುವಾದ ಸುರಾ ೩೩.


ಮದೀನಾದ ವಾಸಿಗಳು ಇದರ ನಂತರ ಅದೂವರೆಗೂ ಮಹಮದನ ಮಗನೆಂದು ಕರೆಯಲಾಗುತ್ತಿದ್ದ ಝೈದ್'ನನ್ನು ಮುಂದೆ ಹಾರಿಥ್'ನ ಮಗನೆಂದು ಕರೆಯ ತೊಡಗಿದರು. ಹಾರಿಥ್ ಅವನ ಹೆತ್ತ ಅಪ್ಪನಾಗಿದ್ದ. ಇದರೊಂದಿಗೆ ದತ್ತು ಸ್ವೀಕಾರ ಅಧಿಕೃತವಾಗಿ ಇಸ್ಲಾಮಿನಲ್ಲಿ ನಿಷೇಧಗೊಂಡಿತು ಎನ್ನುತ್ತಾರೆ ಇತಿಹಾಸಕಾರ ಸಲೀಮ್ ಫಾದ್ ತನ್ನ ಕೃತಿ 'ಲೈಫ್ ಆಫ್ ಪ್ರಾಪೆಟ್ ಮಹಮದ್'ನ ಪುಟಸಂಖ್ಯೆ ೧೮೧ರಲ್ಲಿ.


ಈಗ ಮಹಮದನ ಅಂತಃಪುರದಲ್ಲಿ ಒಟ್ಟು ಆರು ಪತ್ನಿಯರಿದ್ದು ಅವರಲ್ಲಿ ಎಳೆಯ ಚೆಲುವೆ ಆಯೆಷಾಳೂ ಸೇರಿ ಇನ್ನಿತರ ಸುಂದರಿಯರೂ ಸೇರಿದ್ದರು. ತನ್ನ ಮನೆಗೆ ಬಂದು ಹೋಗುವವರ ಸಂಖ್ಯೆ ವೃದ್ಧಿಸಿದ ಹಾಗೆ ಅವರನ್ನ ಹೊರಗಿನವರು ನೋಡದ ವ್ಯವಸ್ಥೆಯನ್ನು ಮಾಡುವ ಅಗತ್ಯದ ಬಗ್ಗೆ ಮಹಮದ್ ಮನಗಂಡ. ಅವರು ಹೊರಗಿನವರ ಕಣ್ಣಿಗೆ ಬೀಳುವುದನ್ನ ತಪ್ಪಿಸುವ ವ್ಯವಸ್ಥೆ ಮಾಡಿದ. ಯಾರೂ ತನ್ನ ಅನುಮತಿ ಇಲ್ಲದೆ ಅಂತಃಪುರದ ಒಳಗೆ ಹೋಗುವಂತಿಲ್ಲ ಎಂದು ಆಜ್ಞಾಪಿಸಿದ. ತುರ್ತು ಸಂದರ್ಭಗಳಲ್ಲಿ ಹಾಗೊಮ್ಮೆ ಮಾತನಾಡಿಸಲೇ ಬೇಕಾಗಿ ಬಂದರೆ ಅಡ್ಡ ಪರದೆಯಿಂದಾಚೆ ನಿಂತು ಮೆಲು ಮಾತುಗಳಿಂದಷ್ಟೆ ಪರರ ನುಡಿಗಳನ್ನ ಆಲಿಸುವ ಏರ್ಪಾಡನ್ನು ಸಹ ಮಾಡಿಟ್ಟ. ಅವರು ಯಾವುದೆ ಕಾರಣಕ್ಕೂ ತನಗೆ ವಿಚ್ಛೇಧನ ಕೊಡುವುದನ್ನ ಹಾಗೂ ತಾನು ಸತ್ತ ಮೇಲೆ ಮರು ಮದುವೆಯಾಗುವುದನ್ನು ಸಹ ದೈವವಾಣಿಯ ಮೊಹರೊತ್ತಿ ಅಧಿಕೃತವಾಗಿಯೆ ನಿರ್ಬಂಧಿಸಿದ. ಸುರಾ ೩೩/೧-೪ರಲ್ಲಿ ಸ್ಪಷ್ಟವಾಗಿ ಇದನ್ನ ನೋಡಬಹುದು. ಹೀಗಾಗಿ ಅನಿವಾರ್ಯವಾಗಿ ಅವರನ್ನೆಲ್ಲಾ ಮುಸ್ಲೀಮರು 'ಇಸ್ಲಾಮಿನ ಮಾತೆಯರು' ಎಂದು ಕರೆದರು!


ಮಹಮದ್ ತನ್ನ ಮತಬಾಂಧವರ ಮಹಿಳೆಯರಿಗೆ ದೈವವಾಣಿಯ ಮುಖಾಂತರ ತಮ್ಮ ಮಾನ ಮರ್ಯಾದೆ ಹಾಗೂ ಸತ್ ಚರಿತ್ರೆಯನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ತಮ್ಮ ದೇಹ ಸೌಂದರ್ಯವನ್ನು ಸಂಪೂರ್ಣವಾಗಿ ಅನಾಕರ್ಷಕ ಬಣ್ಣದ ಉದ್ದ ನಿಲುವಂಗಿಗಳಿಂದ ಮುಚ್ಚಿಕೊಳ್ಳುವಂತೆ ಕಟ್ಟಳೆ ಹೊರಡಿಸಿದ. ಮಹಿಳೆಯರು ತಾವು ಧರಿಸುವ ಉಡುಪು ಹಾಗೂ ಆಭರಣಗಳನ್ನು ಇನ್ನಿತರರಿಂದ ಮುಚ್ಚಿಕೊಳ್ಳುವ ಸಲುವಾಗಿ ಈ ನಿಯಮವನ್ನು ರೂಪಿಸಲಾಯಿತು ಎನ್ನಲಾಗುತ್ತದೆಯಾದರೂ ಕೇವಲ ಪತಿ, ತಂದೆ ಹಾಗೂ ತಾಯಿಯ ಮುಂದೆ ಮಾತ್ರ ಈ ನಿರ್ಬಂಧಕ್ಕೆ ಸಡಿಲಿಕೆ ಕೊಡಲಾಯಿತು. ಸುರಾ ೨೪/೩೩ರಲ್ಲಿ ಇದರ ವಿವರಣೆಯನ್ನು ಕಾಣಬಹುದು.



ಆರು ಜನ ಹೆಂಡತಿಯರನ್ನು ಹೊಂದಿದ್ದು, ಅವರಿಗೆ ಆರು ಪ್ರತ್ಯೇಕ ವಸತಿಯನ್ನೂ ಸಹ ಕೊಟ್ಟು, ಅವರ್ಯಾರರ ನಡುವೆಯೂ ತಾರತಮ್ಯ ಮಾಡದೆ ಪ್ರತಿ ರಾತ್ರಿ ಒಬ್ಬೊಬ್ಬ ಹೆಂಡತಿಯೊಂದಿಗೆ ಕಳೆಯುವ ಏರ್ಪಾಡನ್ನ ಮಾಡಿಕೊಂಡಿದ್ದರೂ ಮಹಮದ್ ತನ್ನ ಪತ್ನಿಯರ ಹೊಟ್ಟೆಕಿಚ್ಚಿನ ಉರಿಯನ್ನ ಎದುರಿಸಬೇಕಾಯಿತು. ಅದಕ್ಕೆ ಕಾರಣಳಾದದ್ದು ಎಳೆಯ ಪತ್ನಿ ಆಯೆಷಾ ಹಾಗೂ ಆತ ಆಕೆಯೊಂದಿಗೆ ಅತಿ ಹೆಚ್ಚು ಕಾಲವನ್ನು ಅನ್ಯೋನ್ಯತೆಯಿಂದ ಕಳೆಯುತ್ತಿದ್ದುದು. ಅದಕ್ಕೂ ಮಹಮದ್ ದೈವವಾಣಿಯ ಮೊರೆ ಹೋದ! ಕೇಳಿದ ಕೂಡಲೆ ಆ ದೈವವಾಣಿ ಸುಲಭದಲ್ಲಿ ಸಿಕ್ಕಿತು ಸಹ. ಅದರ ಅನುಸಾರ ದೇವರು ಆತನಿಗೆ ತನ್ನ ಇಚ್ಛೆಯನುಸಾರ ಯಾವ ಪತ್ನಿಯೊಂದಿಗೆ ಎಷ್ಟು ಸಮಯ ಬೇಕಾದರೂ ಕಳೆಯುವ ಸಮ್ಮತಿ ದೊರಕಿತು. ಇದನ್ನ ಖುರ್ಹಾನಿನ ಸುರಾ ಸಂಖ್ಯೆ ೩೩/೫೦-೫೧ರಲ್ಲಿ ಗಮನಿಸಬಹುದು.


ಕ್ರಿಸ್ತಶಕ ೬೨೬ರ ಡಿಸೆಂಬರ್ ತಿಂಗಳಿನಲ್ಲಿ ಮಹಮದನಿಗೆ ಬೆನ್ ಮುಸ್ತಲಿಕ್ ಬುಡಕಟ್ಟಿನವರು ಮದೀನಾದ ಮೇಲೆ ಧಾಳಿ ಮಾಡಲಿರುವ ವಿಚಾರ ತನ್ನ ಗೂಢಚರರ ಮೂಲಕ ಅರಿವಾಯಿತು. ಅವರು ಮೆಕ್ಕಾದ ಖುರೈಷಿಗಳ ಆಪ್ತ ವಲಯದಲ್ಲಿದ್ದು ಸಹಜವಾಗಿ ಮಹಮದನ ಪಡೆಯ ವಿರೋಧಿಗಳಾಗಿದ್ದರು. ಖುರೈಷಿಗಳೊಂದಿಗೆ ಸ್ನೇಹ ಸಂಬಂಧ ಇರಿಸಿಕೊಂಡಿದ್ದ ಅವರು  ಖುರೈಷಿ ಪಡೆಗಳೊಂದಿಗೆ ಜಂಟಿಯಾಗಿ ಮದೀನಾದ ಮೇಲೆ ಮುಗಿಬೀಳುವ ಸನ್ನಹದಲ್ಲಿದ್ದರು. ಅದಕ್ಕಾಗಿ ಅವರು ಯುದ್ಧ ಸನ್ನಾಹದಲ್ಲಿರುವ ವಿಚಾರ ತಿಳಿದೊಡನೆ ತಾನೆ ಅವರನ್ನ ಎದುರಿಸಿ ನಿಲ್ಲಲು ಮಹಮದ್ ತೀರ್ಮಾನಿಸಿದ. ಶತ್ರುಗಳಿಗೆ ಬಲಿತು ಬೆಳೆಯಲು ಬಿಟ್ಟು ಆಮೇಲೆ ಅಪಾಯವನ್ನ ಮೈಮೇಲೆ ಎಳೆದುಕೊಳ್ಳುವುದಕ್ಕಿಂತ ತಾನೆ ಮುಂದಾಗಿ ಅವರ ಹುಟ್ಟಡಗಿಸುವುದು ಜಾಣತನ ಎನ್ನುವುದು ಹಿಂದಿನ ಅನುಭವಗಳಿಂದ ಆತ ಕಲಿತ ಪಾಠವಾಗಿತ್ತು.



ಸಿಹಿ ನೀರಿನ ಒರತೆಗಳು ಹಾಗೂ ಬಾವಿಗಳಿದ್ದ ಸಮುದ್ರ ತೀರ ಸಮೀಪದ ಅಲ್ ಮೊರೈಸ್ ಎನ್ನುವ ಜಾಗದ ಬಳಿ ಮುಸಲ್ಮಾನ ಪಡೆ ಹೋಗಿ ಬೀಡುಬಿಟ್ಟಿತು. ಮಹಮದನೆ ಸೈನ್ಯದ ಮುಖಂಡತ್ವ ವಹಿಸಿದ್ದು ಆತನೊಂದಿಗೆ ಮಡದಿಯರಾದ ಉಮ್ ಸಲ್ಮಾ ಹಾಗೂ ಆಯೇಷಾ ಸಹ ಇದ್ದರು. ಮಹಮದನ ಪಡೆ ಬೆನ್ ಮುಸ್ತಾಲಿಕರನ್ನು ಅಟ್ಟಿಸಿಕೊಂಡು ಹೋಗಿ ಅನಿರೀಕ್ಷಿತವಾದ ಧಾಳಿ ನಡೆಸಿದರು. ಯುದ್ಧದ ನಿರೀಕ್ಷೆ ಇದ್ದಿರದಿದ್ದ ಅವರೆಲ್ಲಾ ದಿಕ್ಕಾ ಪಾಲಾಗಿ ಓಡಿ ಪಾರಾದರು. ಅವರು ಪಲಾಯನದ ನಂತರ ದೊಡ್ಡ ನಿಧಿಯೆ ಮಹಮದನಿಗೆ ದೊರಕಿತು. ಇನ್ನೂರು ಕುಟುಂಬಗಳು ಗುಲಾಮರಾಗಿ, ಎರಡು ಸಾವಿರ ಒಂಟೆಗಳು ಹಾಗೂ ಐದು ಸಾವಿರ ಕುರಿ ಮೇಕೆಗಳು ಅವನ ಪಾಲಿಗೆ ಅಲ್ಲಿ ನಸೀಬಾಗಿದ್ದವು. ಸೆರೆ ಹಿಡಿದ ಮಂದಿಯಲ್ಲಿ ಬೆನ್ ಮುಸ್ತಾಲಿಕ್ ಬುಡಕಟ್ಟಿನ ನಾಯಕನ ಪತ್ನಿ ಝುವೈರಿಯಾ ಎನ್ನುವ ಸುಂದರ ಸ್ತ್ರೀ ಸಹ ಇದ್ದಳು.


ಅರೇಬಿಯಾದ ವಾಡಿಕೆಯಂತೆ ಸೆರೆಯಾದ ಮನುಷ್ಯರನ್ನ ಬಿಡಿಸಿಕೊಳ್ಳಲು ಬೆನ್ ಮುಸ್ತಾಲಿಕರು ನಿಯೋಗ ಹೊತ್ತು ಒತ್ತೆ ಹಣದ ಚೌಕಾಸಿ ನಡೆಸಲು ಬಂದರು. ಬಹುಪಾಲು ಎಲ್ಲಾ ಗುಲಾಮರಾಗಿದ್ದ ಮಂದಿಯನ್ನ ಬಿಡಿಸಿಕೊಳ್ಳಲಾಯಿತಾದರೂ ಸುಂದರಿ ಝುವೈರಿಯಾಳನ್ನು ಬಿಡಿಸಿಕೊಳ್ಳಲು ಯಾರೂ ಮುಂದಾಗಲಿಲ್ಲ. ಕಾರಣ ಸರಳ, ಅವಳ ಸೌಂದರ್ಯವೆ ಅವಳ ಬೆಲೆ ಏರಿಕೆಗೆ ಕಾರಣವಾಗಿ ಅಷ್ಟು ಹೆಚ್ಚು ಹಣ ತೆರುವ ಸಾಮರ್ಥ್ಯ ಬಂದ ಯಾರಿಗೂ ಇದ್ದಿರಲಿಲ್ಲ! ಇದರಿಂದ ಅವಳು ದುಃಖಿತಳಾಗಿದ್ದಳು. ಹೇಗಾದರೂ ಸರಿ ಬೇಡಿಯಾದರೂ ಬೆಲೆ ಇಳಿಕೆಗಾಗಿ ಪ್ರಯತ್ನಿಸಿ ನೋಡುವ ಎಂದಾಕೆ ಮಹಮದನ ಬಿಡಾರದತ್ತ ಹೊರಟಳು. ಅವಳ ಅಹವಾಲನ್ನು ಆಲಿಸಿದ ನಂತರ ಮಹಮದ್ ಆಕೆಯ ಮುಂದೆ ಒಂದು ಪ್ರಸ್ತಾವನೆಯನ್ನು ಇಟ್ಟ. ಇದಕ್ಕಿಂತ ಉತ್ತಮವಾದದ್ದನ್ನು ಕೊಡ ಮಾಡಿದರೆ ಒಪ್ಪಿಗೆಯೆ? ಎಂದಾತ ಆಕೆಯನ್ನ ಪ್ರಶ್ನಿಸಿದ. ಆಶ್ಚರ್ಯದಿಂದ ಅದೇನು! ಎಂಡಳವಳು. ನಿನ್ನ ಬಂಧುಗಳಿಗೆ ಸೂಕ್ತ ತೆರ ತೆತ್ತು ನಾನೆ ನಿನ್ನನ್ನ ಮದುವೆ ಆಗುವೆನೆಂದ ಮಹಮದ್. ಯೋಚಿಸಿ ಆಕೆಯೂ ಅದಕ್ಕೆ ಸಮ್ಮತಿ ಸೂಚಿಸಿದಳು. ಅದೆ ಪ್ರಕಾರ ಇಸ್ಲಾಮಿಗೆ ಮತಾಂತರ ಮಾಡಿ ಆಕೆಯನ್ನೂ ಸಹ ಕೈ ಹಿಡಿದ ಮಹಮದ್ ತನ್ನ ಅಂತಃಪುರದ ಏಳನೆ ಅರಸಿಯನ್ನಾಗಿಸಿಕೊಂಡ. ಸರ್ ವಿಲಿಯಂ ಮ್ಯೂರರ "ಲೈಫ್ ಆಫ್ ಮಹಮದ್" ಕೃತಿಯ ೨೯೮ರಲ್ಲಿ ಇದರ ವಿವರಣೆಯನ್ನು ಗಮನಿಸಬಹುದು.



ಅಲ್ ಮೊರೈಸ್'ನಲ್ಲಿ ಮುಸಲ್ಮಾನ ಯುವಕರು ಹೊಸತೊಂದು ನಿಲುವನ್ನ ರೂಢಿಸಿಕೊಳ್ಳಲಾರಂಭಿಸಿದ್ದರು. ಅದರ ಪ್ರಕಾರ ಬಲಿಷ್ಠರಾಗಿದ್ದವರು ದುರ್ಬಲರನ್ನು ಹೊಡೆದೋಡಿಸಬಹುದು ಎಂದವರು ನಂಬಿ ಕೂತಿದ್ದರು. ಅವರ ನಡೆನುಡಿಗಳಲ್ಲಿ ಅದು ಆಗಾಗ ವ್ಯಕ್ತವಾಗುತ್ತಿತ್ತು. ಆದರೆ ಎಲ್ಲರಲ್ಲೂ ಇದಕ್ಕೆ ಸಹ ಸಮ್ಮತಿ ಇರಲಿಲ್ಲ. ಪುಂಡಾಟಿಕೆ ಅತಿಯಾದಾಗ ಓಮರ್ ಕತ್ತಿ ಬಳಸಿ ಅದನ್ನ ಕೆಲವು ಸಲ ನಿಯಂತ್ರಿಸಲು ಮುಂದಾದ. ಆದರೆ ಮಹಮದ್ ಬೇರೆಯದೆ ಒಂದು ಪರಿಹಾರವನ್ನಿದಕ್ಕೆ ಹುಡುಕಿದ. ತತ್ ತಕ್ಷಣವೆ ಆತ ತನ್ನ ಪಡೆಯನ್ನ ಮದೀನಕ್ಕೆ ಹಿಂದಿರುಗುವಂತೆ ಆಜ್ಞಾಪಿಸಿದ. ಬೇಕಂತಲೆ ಸುಡು ಬಿಸಿಲ ಹಗಲಿನಲ್ಲಿ ಅವರನ್ನೆಲ್ಲಾ ನಡೆಸಿಕೊಂಡು ಮದೀನದತ್ತ ಚಲಿಸುವಂತೆ ಮಾಡಲಾಯಿತು. ಆ ಬಿಸಿಲ ಬೇಗೆಗೆ ಬಳಲಿ ಸುಸ್ತಾದ ಅವರು ತಮ್ಮ ಆಂತರಿಕ ಜಗಳ ಮರೆತು ಶೀಘ್ರ ಮನೆ ಸೇರಲು ಹಂಬಲಿಸಿಯಾರು ಎಂದಾದ ಹಂಚಿಕೆ ಹಾಕಿದ.


ಇದೆ ಸಮಯದಲ್ಲಿ ಮಹಮದನ ಕಟ್ಟರ್ ಬಂಟ ಓಮರ್ ತನ್ನ ಅವಿಶ್ವಾಸಿ ಮೂರ್ತಿಪೂಜಕ ತಂದೆಯ ತಲೆ ತೆಗೆಯಲು ಮಹಮದನ ಒಪ್ಪಿಗೆ ಯಾಚಿಸಿದ. ಧರ್ಮದ ಉಳಿವಿಗಾಗಿ ಅವಿಶ್ವಾಸಿಗಳ ಹತ್ಯೆ ಜರುಗಿಸಬಹುದು ಎನ್ನುವ ಮಹಮದನ ಅಣಿಮುತ್ತನೆ ಉದಹರಿಸಿ ಆತ ಅನುಮತಿ ಬಯಸಿದ. ಆದರೆ ಮಹಮದ್ ಹಾಗೆ ಮಾಡಬೇಕಿಲ್ಲ, ಆತನ ಮನಃ ಪರಿವರ್ತನೆಗೆ ಇನ್ನಷ್ಟು ಕಾಲ ಕೊಡಬಹುದು ಎಂದಾಗ, ತನ್ನ ತಂದೆಗೆ ಈ ವಿಷಯವನ್ನು ಅರುಹಿ ಅಕ್ಷರಶಃ ಮಹಮದನ ಕಾಲು ತೊಳೆದ ನೀರನ್ನು ಆತನಿಗೆ ಕುಡಿಸಿ ಆತನನ್ನೂ ಇಸ್ಲಾಮಿನತ್ತ ತಿರುಗುವಂತೆ ಮಾಡಿದ.



( ಇನ್ನೂ ಇದೆ.)



(* ಝಿಹಾರ್ ಎಂದರೆ ಹೆಂಡತಿಯನ್ನು ತಾಯಿಯಂತೆ ಕಾಣುವುದು.)

01 November 2015

ವಲಿ - ೨೧







ಮಾರನೆಯ ದಿನ ಮಸೀದಿಯಲ್ಲಿ ಪ್ರಾರ್ಥನಾ ವಿಧಿಗಳನ್ನ ಪೂರೈಸಿ ಆದ ನಂತರ ಮಹಮದ್ ತನ್ನವರ ಹತ್ಯೆಗೈದ ದುರುಳರನ್ನ ದೇವರು ಅತ್ಯಂತ ಕಠಿಣವಾಗಿ ದಂಡಿಸಬೇಕೆಂದು ಬಹಿರಂಗವಾಗಿ ಬಿನ್ನವಿಸಿದ. ಆ ನಲವತ್ತರ ತಂಡದಲ್ಲಿ ಇಬ್ಬರು ಮಾತ್ರ ಆಕಸ್ಮಿಕವಾಗಿ ಉಳಿದುಕೊಂಡಿದ್ದರಲ್ಲ, ಅವರಲ್ಲಿ ಒಬ್ಬನಾಗಿದ್ದ ಅಮೀರ್ ಒಬ್ನ್ ಒಮೈರ್. ಆತ ಕದ್ದು ಜೀವ ಉಳಿಸಿಕೊಂಡು ಮದೀನಕ್ಕೆ ಓಡಿ ಬರುವಾಗ ಬೆನ್ ಅಮೀರ್ ಬುಡಕಟ್ಟಿನ ವ್ಯಕ್ತಿಗಳಿಬ್ಬರು ದಾರಿಯಲ್ಲಿ ಮಲಗಿರುವುದನ್ನು ಕಂಡು ರೋಷ ತಾಳಲಾಗದೆ ಅವರಿಬ್ಬರನ್ನೂ ಕೊಂದೆಸೆದ. ಆದರೆ ಮದೀನಾಕ್ಕೆ ಮರಳಿ ಈ ವಿಷಯವನ್ನು ಮಹಮದನಿಗೆ ಅರುಹಿದಾಗ ಆತ ಕೋಪದಿಂದ ಒಮೈರನ ಮೇಲೆ ಸಿಡಿದೆದ್ದ. ವಾಸ್ತವದಲ್ಲಿ ಆ ಇಬ್ಬರೂ ಹಿಂದಿನ ದಿನ ಮಹಮದನನ್ನು ಮುಖತಃ ಭೇಟಿಯಾಗಿ ಇಸ್ಲಾಮಿಗೆ ಮತಾಂತರವಾಗಿ ಮರಳಿ ತಮ್ಮ ಊರಿನತ್ತ ಹೊರಟಿದ್ದರು! ಇದರ ಸುಳಿವಿಲ್ಲದ ಒಮೈರ್ ಅವರನ್ನ ಕಡಿದಿದ್ದ. ಹೀಗಾಗಿ ಅರಿವಿನ ಕೊರತೆಯಿಂದಾದ ಈ ಘೋರ ಪಾತಕಕ್ಕೆ ಬದಲಾಗಿ ಮಹಮದನ ಕಡೆಯಿಂದ ಸತ್ತವರ ಕುಟುಂಬಕ್ಕೆ ಅರೇಬಿಯಾದ ಸಾಮಾಜಿಕ ಪದ್ಧತಿಯ ಅನುಸಾರ 'ರಕ್ತ ಧನ'ವನ್ನು ಪರಿಹಾರ ರೂಪದಲ್ಲಿ ಕೊಡಲು ತೀರ್ಮಾನಿಸಲಾಯಿತು.


ಈ ಕಾರಣಕ್ಕಾಗಿ ಆತ ಬೆನ್ ಅಲ್ ನದಿರ್ ಕುಲದ ಯಹೂದಿಗಳ ಸಹಾಯ ಪಡೆಯಲು ಇಚ್ಛಿಸಿದ. ಅದಕ್ಕೂ ಕಾರಣ ಇತ್ತು. ಈ ಸತ್ತು ಹೋದವರ ಕುಲ ಬೆನ್ ಅಮೀರರೊಂದಿಗೆ ಬೆನ್ ಅಲ್ ನದೀರರ ಬಾಂಧವ್ಯ ಸೌಹಾರ್ದಯುತವಾಗಿತ್ತು. ಮಹಮದ್ ತಾನೆ ಖುದ್ದಾಗಿ ಯಹೂದಿಗಳ ವಸತಿಯತ್ತ ಸಾಗಿ ಯಹೂದಿ ಮುಖಂಡರ ಸಹಾಯವನ್ನ ಅಪೇಕ್ಷಿಸಿದಾಗ ಅವರೂ ಸಹ ಹೆಚ್ಚು ಕೊಸರಾಡದೆ ಒಪ್ಪಿಕೊಂಡರು. ಮದೀನಾದಿಂದ ಬಂದ ಈ ಅತಿಥಿಗೆ ಔತಣ ನೀಡಲು ಯಹೂದಿಗಳು ಸಿದ್ಧತೆ ನಡೆಸುತ್ತಿದ್ದರು. ಆದರೆ ಮಾತುಕತೆಯ ನಡುವೆ ಏಕಾಏಕಿ ಮಹಮದ್ ದಿವಾನಖಾನೆಯಿಂದ ಎದ್ದು ಹೊರ ನಡೆದ. ಬಹು ಹೊತ್ತು ಕಾದರೂ ಅವನು ಮರಳಿ ಬರಲಿಲ್ಲ. ಸುತ್ತಮುತ್ತಲೂ ಸಹ ಅವನ ಸುಳಿವು ಯಾರಿಗೂ ಸಿಗಲಿಲ್ಲ. ಅವನು ಮದೀನಕ್ಕೆ ಮರಳಿದ್ದ. ಇದನ್ನ ಕೇಳಿ ಯಹೂದಿಗಳು ಕಾರಣವೆ ಇಲ್ಲದೆ ಹೀಗೆ ಮಾತುಕತೆ ಮೊಟಕುಗೊಳಿಸಿ ಓಡಿ ಹೋದ ಮಹಮದನ ನಡತೆಯ ಬಗ್ಗೆ ಸಂಶಯಪಟ್ಟರು. ಇತ್ತ ಮದೀನಾದಲ್ಲಿ ಆ ಯಹೂದಿಗಳು ತನಗೆ ಕೇಡು ಬಯಸಿದ್ದರು, ಅದರ ಸೂಚನೆ ದೇವರಿಂದ ಸಿಕ್ಕ ಕಾರಣ ತತ್ ತಕ್ಷಣ ನಾನಲ್ಲಿಂದ ಹೊರಟು ಬಂದೆ ಎಂದ ಮಹಮದ್.


ಆದರೆ ಆತನ ಪ್ರಲಾಪ ಅಷ್ಟಕ್ಕೆ ನಿಲ್ಲಲಿಲ್ಲ. ಮದೀನಾ ಹೊರವಲಯದಲ್ಲಿರುವ ಆ ಯಹೂದಿಗಳು ಪರಮ ಕೇಡಿಗರಾಗಿದ್ದು ಇನ್ನು ಹತ್ತು ದಿನದಲ್ಲಿ ತಿರುಗಿ ನೋಡದೆ ಅಲ್ಲಿಂದ ಅವರು ಹೊರಟು ಹೋಗಬೇಕೆಂದು ಏಕಪಕ್ಷೀಯವಾದ ಫರ್ಮಾನನ್ನ ಸಹ ಆತ ಹೊರಡಿಸಿದ. ಇದು ಯಹೂದಿಗಳಿಗೆ ಅಘಾತ ತಂದಿತು. ಸುಖಾಸುಮ್ಮನೆ ಸಹಾಯ ಕೇಳಿಕೊಂಡು ಬಂದವನಿಂದ ತಮಗಾಗುತ್ತಿರುವ ಅನ್ಯಾಯ ಅವರಿಗೆ ಅಸಹನೀಯ ಅನ್ನಿಸಿತು. ಹಾಗೊಂದು ವೇಳೆ ಅವರು ಅಲ್ಲಿಂದ ಕಾಲ್ತೆಗೆಯದೆ ಹಟ ಕಟ್ಟಿ ಅಲ್ಲಿಯೆ ಉಳಿದರೆ ಅವರೆಲ್ಲರನ್ನೂ ಹತ್ಯೆಗೈಯಲಾಗುವುದು ಎನ್ನುವ ತನ್ನ ನಿರ್ಧಾರವನ್ನು ಬೆನ್ ನದೀರ್ ಯಹೂದಿಗಳಿಗೆ ಸಾರಲು ತನ್ನ ದೂತನೊಬ್ಬನನ್ನು ಮಹಮದ್ ಅವರ ವಸತಿಯತ್ತ ಕಳುಹಿಸಿದ. ಇದರಿಂದ ಹತಾಶರಾದ ಯಹೂದಿಗಳು ಒಂದು ನಿಯೋಗ ಕಟ್ಟಿಕೊಂಡು ಬಂದು ಮಹಮದನನ್ನೆ ಕಂಡು ತಾವು ತಲೆಮಾರುಗಳಿಂದ ಅರಬ್ಬರೊಂದಿಗೆ ಸುಖ ಶಾಂತಿ ಹಾಗೂ ನೆಮ್ಮದಿಯಿಂದ ಇರುವ ಸಂಗತಿಯನ್ನ ಹೇಳಿಕೊಂಡರು. ಆದರೆ ಮಹಮದ್ ಕಲ್ಲಾಗಿದ್ದ. ಅವರ ಪ್ರಾರ್ಥನೆಗಳಿಗೆಲ್ಲ ಕಿವುಡನಂತೆ ವರ್ತಿಸಿದ ಆತ "ಈಗ ಹೃದಯ ಬದಲಾಗಿದೆ!" ಎನ್ನುವ ಒಂದೆ ಮಾತನ್ನ ನಿಷ್ಠುರವಾಗಿ ನುಡಿದು ಎದ್ದು ಒಳ ನಡೆದ.



ಈಗ ಅವರ ಸಹಾಯಕ್ಕೆ ಯಾರೂ ಬಾರದಿರುವ ಸನ್ನಿವೇಶ ಸೃಷ್ಟಿಯಾಗಿತ್ತು. ಅಂತಹ ಕತ್ತಲಿನಲ್ಲೂ ಆಶಾಕಿರಣದಂತೆ ಅವರಿಗೆ ಒದಗಿ ಬಂದವನು ಮದೀನಾದ ಗಣ್ಯ ವ್ಯಕ್ತಿ ಅಬ್ದುಲ್ಲ ಇಬ್ನ್ ಒಬೈ. ಆತ ಮಹಮದನ ಈ ಗೂಂಡಾಗಿರಿಯನ್ನ ಕಿಂಚಿತ್ತೂ ಸಹಿಸಲಿಲ್ಲ. ಮಹಮದ್ ತಮ್ಮೂರಿಗೆ ಬರುವವರೆಗೂ ನಾವೆಲ್ಲಾ ಅಕ್ಕಪಕ್ಕದ ಯಹೂದಿಗಳೊಂದಿಗೆ ಹಿತವಾಗಿಯೆ ಇದ್ದೆವಲ್ಲ! ಎಂದಾತ ವಾದಿಸಿದ. ಕೂಡಲೆ ಇಂತಹ ಹೀನ ಆಜ್ಞೆಯನ್ನ ಹಿಂತೆಗೆದುಕೊಳ್ಳಬೇಕು ಎಂದಾತ ಮಹಮದನನ್ನು ಆಗ್ರಹಿಸಿದ. ಹೀಗೆಲ್ಲಾ 'ವಿಶ್ವಾಸಘಾತ'ದ ಕುಂಟು ನೆಪ ಹೂಡಿ ಸ್ಥಳಿಯ ಸಾಮಾಜಿಕ ಅನುಬಂಧಗಳನ್ನ ಹಾಗೂ ಸಮರಸ್ಯವನ್ನ ಕದಡಬಾರದು ಎನ್ನುವ ಅಬ್ದುಲ್ಲಾನ ಮನವಿಯನ್ನ ಮಹಮದ್ ಉದ್ದೇಶಪೂರ್ವಕವಾಗಿ ಉಪೇಕ್ಷಿಸಿದ. ಹೀಗಾಗಿ ಉಪಾಯವಿಲ್ಲದೆ ಯಹೂದಿಗಳು ಊರು ಬಿಡಲು ಅನಿವಾರ್ಯವಾಗಿ ನಿರ್ಧರಿಸಿದರು.



ಆದರೆ ಅವರಿಗೆ ಮಹಮದನ ಉಪಟಳದ ಅಸಲಿಯತ್ತಿನ ಅರಿವು ಇನ್ನೂ ಆಗಿರಲಿಲ್ಲ. ತಮ್ಮ ಪಾಡಿಗೆ ತಾವು ನೆಲೆ ಬದಲಿಸುವ ಸನ್ನಾಹದಲ್ಲಿದ್ದರೂ ಸಹ ಅವರನ್ನ ಬೆದರಿಸಿ ಓಡಿಸಲು ಮಹ್ಮದ್ ನಿರ್ಧರಿಸಿದ. ಅವರ ವಸತಿಗಳಿಗೆ ಮಹಮದನ ಪುಂಡ ಮುಸಲ್ಮಾನ ಪಡೆಯನ್ನು ಇವರೆ ಏಕಪಕ್ಷೀಯವಾಗಿ ವಿಧಿಸಿದ್ದ ಹತ್ತು ದಿನಗಳ ಗಡುವಿನ ಅವಧಿ ಮುಗಿಯುವ ಮುನ್ನವೆ ಲಗ್ಗೆ ಹಾಕಿ ಕೂತರು! ಆಗ ಅವರ ರಕ್ಷಣೆಗೆ ಅಬ್ದುಲ್ಲ ಇಬ್ನ ಒಬೈ ಸಹ ಇರಲಿಲ್ಲ. ಆತ ಪರವೂರಿಗೆ ವ್ಯಾಪಾರಕ್ಕಾಗಿ ಕ್ಯಾರವಾನಿನೊಂದಿಗೆ ಸಾಗಿದ್ದ. ಇತ್ತ ಇನ್ನೊಂದು ಹತ್ತಿರದಲ್ಲಿಯೆ ವಾಸವಿದ್ದ ಯಹೂದಿ ಬುಡಕಟ್ಟು ಬೆನ್ ಕೊರೈಝಾರು ಕೂಡಾ ಅವರ ಸಹಾಯಕ್ಕೆ ಬರಲಿಲ್ಲ. ಅವರಿಗೂ ಮಹಮದನ ಮುಸಲ್ಮಾನ ಪಡೆಗಳಿಗೂ ನಡುವೆ ಯುದ್ಧ ಒಪ್ಪಂದವೊಂದು ಆಗಿದ್ದು ಅದರ ಪ್ರಕಾರ ಅವರು ತಟಸ್ಥರಾಗಿ ಉಳಿದರು. ಆದರೆ ಈ ತಾಟಸ್ಥ್ಯದ ಘೋರ ಪ್ರತಿಫಲವನ್ನು ಅತಿ ಶೀಘ್ರದಲ್ಲಿ ನಾವೂ ಸಹ ಉಣ್ಣಲಿಕ್ಕಿದ್ದೇವೆ ಅನ್ನುವ ಕನಿಷ್ಠ ಅರುವು ಸಹ ಅವರಿಗೆ ಇರಲಿಲ್ಲ.


ತನ್ನ ಆಜ್ಞೆಯನ್ನ ಮೀರಿದ ಆರೋಪ ಹೊತ್ತ ಬೆನ್ ನದೀರರರೊಡನೆ ಹೋರಾಡಲು ತನ್ನ ಪಡೆಗಳಿಗೆ ಆಜ್ಞಾಪಿಸಿದ ಮಹಮದನ ಯೋಧರೊಂದಿಗೆ ಯಹೂದಿಗಳೂ ಸಹ ಅನಿವಾರ್ಯವಾಗಿ ಕಾದಾಡ ತೊಡಗಿದರು. ಇದರಿಂದ ರೋಷಗೊಂಡ ಮಹಮದನ ಪಡೆ ಬೆನ್ ನದೀರರ ಖರ್ಜೂರದ ತೋಟಗಳಿಗೆ ಲಗ್ಗೆ ಇಟ್ಟು ನಿರ್ದಾಕ್ಷಿಣ್ಯವಾಗಿ ಫಲ ಭರಿತ ವೃಕ್ಷಗಳ್ನ್ನು ಕಡಿದುರುಳಿಸ ತೊಡಗಿದರು. ಇದರಿಂದ ಕೆಂಗೆಟ್ಟ ಯಹೂದಿಗಳು ಇದು ಅನ್ಯಾಯವೆಂದು ರೋಧಿಸುತ್ತಲೆ ಪ್ರವಾದಿ ಮೋಸೆಸ್ ಕಾಲದಿಂದಲೂ ಹೀಗೆ ಫಲ ಹೊತ್ತ ಸಸ್ಯಗಳನ್ನ ಕಡಿದು ಕೆಡವುವುದು ಯುದ್ಧ ನೀತಿಗೆ ವಿರುದ್ಧ ಎನ್ನುವುದನ್ನ ಗಟ್ಟಿ ಧ್ವನಿಯಲ್ಲಿ ಜ್ಞಾಪಿಸ ಹತ್ತಿದರು. ಆದರೆ ತನ್ನ ಈ 'ಅನೈತಿಕ ಹಾಗೂ ಅನಾಚಾರದ ವಿಧ್ವಂಸಕ ಕಾರ್ಯ'ವನ್ನ 'ದೈವವಾಣಿಯಾಗಿದೆ' ಎಂದು ಚುಟುಕಾಗಿ ಉತ್ತರಿಸಿ ಮಹಮದ ಮುಂದುವರೆಸಲು ಮುಸಲ್ಮಾನ ಯೋಧರಿಗೆ ಸೂಚನೆ ಕೊಟ್ಟ. ಹೀಗೆ ಅನ್ಯಾಯದ ಅನೀತಿಯ ನಡೆಗಳಿಗೂ ಸಹ ಆತ ದೈವವಾಣಿಯ ಮೊಹರನ್ನ ಒತ್ತಿ ಅಧಿಕೃತಗೊಳಿಸಿಬಿಟ್ಟ ಎನ್ನುತ್ತಾನೆ ತನ್ನ 'ಸೀಲ್ಡ್ ನೆಕ್ಟರ್' ಕೃತಿಯ ಐನೂರಾ ತೊಂಬತ್ತೈದನೆ ಪುಟದಲ್ಲಿ ಇತಿಹಾಸಕಾರ ಅಲ್ ಮುಬಾರಖಿ. ಐಡಿಐಬಿಯ ಕೃತಿ ಸಹ ಈ ಹೀನಾಯ ಕಾರ್ಯದ ಚಿತ್ರಣವನ್ನ ಓದುಗರಿಗೆ ನೀಡುತ್ತದೆ. 



ಹೀಗೆ ತಮ್ಮದೆ ಧರ್ಮಕ್ಕೆ ಸೇರಿದ ಇನ್ನೊಂದು ಬುಡಕಟ್ಟಿನ ಜನರ ಆಕ್ರಂದನ ಮುಗಿಲು ಮುಟ್ಟುತ್ತಿದ್ದರೂ ಅವರ ಸಹಾಯಕ್ಕಾಗಿ ಧಾವಿಸದೆ ನಪುಂಸಕರಂತೆ ಚೆಂದ ನೋಡುತ್ತಾ ಕುಳಿತ ಸುತ್ತಲಿನ ಇನ್ನಿತರ ಯಹೂದಿಗಳ ಹೇಡಿತನವನ್ನ ವಿವರವಾಗಿ ಇತಿಹಾಸಕಾರ ಮಾರ್ಗೋಲಿಯತ್ ವರ್ಣಿಸಿದ್ದಾನೆ. ಈ ಅನಾಚಾರದ ಮುತ್ತಿಗೆ ಸುಮಾರು ಮೂರು ವಾರಗಳವರೆಗೆ ನಿರಂತರವಾಗಿ ಮುಂದುವರೆದಾಗ ಅನಿವಾರ್ಯವಾಗಿ ಯಹೂದಿಗಳು ಶರಣಾದರು. ತಮ್ಮ ಖರ್ಜೂರದ ತೋಟಗಳೂ ಸಹ ಹಾಳು ಬಿದ್ದು ಹೋಗಿರುವಾಗ ಇನ್ನು ಅಲ್ಲಿದ್ದು ತಾನೆ ಏನು ಪ್ರಯೋಜನ? ಅಲ್ಲಿಂದ ತೆರಳಿ ನೆಮ್ಮದಿಯ ತಾಣ ಅರಸುವುದೆ ಕ್ಷೇಮ ಅನ್ನುವ ನಿಲುವಿಗೆ ಅವರು ಬಂದರು. ಅದನ್ನ ಮಹಮದನಿಗೆ ತಿಳಿಸಿದಾಗ ಅದಕ್ಕಾಗಿಯೆ ಕಾದು ಕುಳಿತಿದ್ದ ಆತ ಮುಗುಳ್ನಕ್ಕ. ಅವರಿಗೆ ಕ್ಷಮಾದಾನವನ್ನಿತ್ತು ಅಲ್ಲಿಂದ ಪೇರಿ ಕೀಳಲು ಅವಕಾಶ ಕಲ್ಪಿಸಿಕೊಟ್ಟ. ಅವರೆಲ್ಲರೂ ನಿಸ್ಸಹಾಯಕರಾಗಿ ತಮ್ಮ ಗಂಟು ಮೂಟೆ ಕಟ್ಟಿಕೊಂಡು ಸಿರಿಯಾದತ್ತ ಚಲಿಸಿ ಕಣ್ಮರೆಯಾದರು.


ಈ ಬೆನ್ ನದೀರರ ಆಸ್ತಿಪಾಸ್ತಿಗಳೆಲ್ಲಾ ಪುಗಸಟ್ಟೆಯಾಗಿ ಮಹಮದನಿಗೆ ವರದಾನದಂತೆ ದೊರಕಿತು. ಅವರ ವಾಸದ ಸ್ಥಳ ಜಮೀನು ಇವೆಲ್ಲಾ ಪುಕ್ಕಟೆಯಾಗಿ ಯಾವುದೆ ಶ್ರಮವಿಲ್ಲದೆ ಮುಸಲ್ಮಾನರ ಕೈವಶವಾಗಿತ್ತು. ಆಗ ಮಹಮದ್ ತನಗೆ ಆ ಹಿಂದೆ ಆಸ್ತಿ ಹಂಚಿಕೆಯ ವಿಷಯದಲ್ಲಿ ಸಿಕ್ಕಿದ್ದ ದೈವವಾಣಿಯನ್ನ ಸಂಪೂರ್ಣವಾಗಿ ನಿರ್ಲಕ್ಷ್ಯಿಸಿ ಹೊಸತಾಗಿ ಒಂದು ನಿಯಮವನ್ನ ರೂಪಿಸಿಕೊಂಡ. ಪ್ರತ್ಯೇಕವಾಗಿ ಇದಕ್ಕೂ ಒಂದು ದೈವವಾಣಿಯನ್ನ ಪಡೆದು ಅದರ ಅನುಸಾರ ಅದರಲ್ಲಿ ದೊಡ್ದ ಪಾಲೊಂದನ್ನ ತಾನು ವಶಪಡಿಸಿಕೊಂಡು ಉಳಿದಿದ್ದನ್ನ ತನ್ನ ಸಂಗಡಿಗರಿಗೆ ಹಂಚಿದ. ಆಶ್ಚರ್ಯಕರವಾಗಿ ಹೀಗೆ ಫಲಾನುಭವಿಗಳಾದ ನಿರಾಶ್ರಿತರ ಜೊತೆಗೆ ಇಬ್ಬರು ಮದೀನಾ ವಾಸಿಗಳೂ ಸಹ ಸೇರಿದ್ದರು. ಈ ಪ್ರಕರಣದ ದೈವವಾಣಿಗಳನ್ನ ಆಸಕ್ತರು ಖುರ್ಹಾನಿನ ಸುರಾ ಸಂಖ್ಯೆ ೫೯/೬-೨೪ರಲ್ಲಿ ಗಮನಿಸಬಹುದು. ಇದರಲ್ಲಿ ತಾನು ಯಹೂದಿ ಬೆನ್ ನದಿರ್ ಬುಡಕಟ್ಟಿನ ಮೇಲೆ ನಡೆಸಿದ ಹಲ್ಲೆ ಕಾಳಗ ಹಾಗೂ ಅವರ ತೋಟಗಳನ್ನ ಹಾಳುಗೆಡವಿದ್ದಕ್ಕೆಲ್ಲಾ ದೈವವಾಣಿಯ ಹೆಸರಿನಲ್ಲಿ ಸಮರ್ಥನೆ ನೀಡಲಾಗಿದೆ.



ಈ ನತದೃಷ್ಟ ಯಹೂದಿಗಳಲ್ಲಿ ಕೇವಲ ಇಬ್ಬರು ಮಾತ್ರ ಇಸ್ಲಾಮಿನ ಅನುಯಾಯಿಗಳಾಗಲು ಒಪ್ಪಿದ್ದರಿಂದ ಅವರನ್ನ ಅಲ್ಲಿಯೆ ಉಳಿಯಲಿಕ್ಕೆ ಅನುಮತಿಸಲಾಯಿತು. ಬೆನ್ ಅನ್ ನದೀರರನ್ನ ಓಡಿಸಿದ್ದರಿಂದ ಮಹಮದನಿಗೆ ಇನ್ನೊಂದು ದೊಡ್ದ ಮಟ್ಟಿನ ಲಾಭವೂ ಸಹ ಆಗಿತ್ತು. ಅವರು ತಲೆತಲಾಂತರಗಳಿಂದ ಇನ್ನಿತರ ಅರೇಬಿಯನ್ ಬುಡಕಟ್ಟುಗಳ ಮುಸಲ್ಮಾನೇತರರೊಂದಿಗೆ ಇಟ್ಟುಕೊಂಡಿದ್ದ ಸ್ನೇಹ ಸಂಬಂಧ ಅವರ ವಲಸೆಯೊಡನೆ ಕೊನೆಗೊಂಡಿತ್ತು. ಹೀಗಾಗಿ ತನ್ನ ನೂತನ ಧರ್ಮದ ಪ್ರಚಾರಕ್ಕೆ ಇದನ್ನ ಮಹಮದ್ ಸಶಕ್ತರಾಗಿ ಬಳಸಿಕೊಳ್ಳಲು ಸಾಧ್ಯವಾಯಿತು. ಹೀಗೆ ಅವನಿಗೆ ಹಾಗೂ ಅವನ ಅನುಚರರಿಗೆ ಇದ್ದ ಸಣ್ಣಪುಟ್ಟ ಅಡ್ಡಿ ಆತಂಕಗಳೆಲ್ಲ ಮರೆಯಾಗಿ ಹೋಗಿ ಅವರೆಲ್ಲ ಸುಖ ಶಾಂತಿ ನೆಮ್ಮದಿ ಕಂಡರು. ಮಹಮದನಿಗೆ ದೊರೆತ ಈ ಜಯ, ಆತಂಕ ನಿವಾರಣೆ ಹಾಗೂ ದೇವರ ಶಕ್ತಿ ಸಾಮರ್ಥ್ಯದ ವರ್ಣನೆ ಖುರ್ಹಾನಿನಲ್ಲಿ ವಿವರವಾಗಿ ಮೂಡಿಬಂದಿದೆ ಎನ್ನುತ್ತಾನೆ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ತನ್ನ ತನ್ನ 'ಲೈಫ್ ಆಫ್ ಮಹಮದ್' ಕೃತಿಯ ಪುಟ ಸಂಖ್ಯೆ ಇನ್ನೂರಾ ಎಂಬತ್ತ ನಾಲ್ಕರಲ್ಲಿ.


ಬೆನ್ ಅನ್ ನದೀರರ ಪ್ರಕರಣ ಮುಗಿದ ನಂತರದ ಒಂದೂವರೆ ವರ್ಷಗಳು ಯಾವುದೆ ಯುದ್ಧದ ಸೊಲ್ಲಿಲ್ಲದೆ ಮದೀನದಲ್ಲಿ ಸುಖ ಶಾಂತಿ ನೆಲೆಸಿತ್ತು. ಆದರೆ ಇತ್ತ ಮೆಕ್ಕಾದ ಅಬು ಸಫ್ಯಾನ ಮಾತ್ರ ತನ್ನ ಹಳೆಯ ಒಂದು ವರ್ಷದ ನಂತರ ಸಂಧಿಸುವ ಯುದ್ಧದ ಪಂಥಾಹ್ವಾನವನ್ನ ಮರೆತಿರಲಿಲ್ಲ. ಒಂದು ವರ್ಷ ಸರಿದು ಹೋಗಿ ಬಹಳ ಸಮಯವೆ ಆಗಿದ್ದರೂ ಸಹ ಮರಳಿ ತಾನು ಯುದ್ಧಕ್ಕೆಣಿಸಲು ಆತ ನಿರ್ಧರಿಸಿದ. ಬದರ್ ಯುದ್ಧ ಭೂಮಿಯಲ್ಲಿ ಮತ್ತೆ ಯುದ್ಧವನ್ನ ಮುಂದುವರೆಸುವ ಮಾಹಿತಿಯನ್ನಾತ ಮಹಮದನಿಗೆ ದೂತರ ಮೂಲಕ ಮುಟ್ಟಿಸಿದ. ಆದರೆ ಕ್ರಿಸ್ತಶಕ ಆರುನೂರಾ ಇಪ್ಪತ್ತೈದರಲ್ಲಿ ಅರೇಬಿಯಾದಲ್ಲಿ ಬರಗಾಲ ತಾಂಡವವಾಡಿದ್ದರಿಂದ ಈ ಯುದ್ಧವನ್ನ ಇತ್ತಂಡಗಳೂ ಸ್ವಲ್ಪ ಕಾಲಕ್ಕಾಗಿ ಮುಂದೂಡಿದವು.


ಆದರೆ ಮೆಕ್ಕಾದವರು ಮತ್ತೆ ಯುದ್ಧಾಹ್ವಾನ ಕಳಿಸಿದ ನಂತರ ಮದೀನಾದವರು ವಿಪರೀತ ಗಾಬರಿಗೊಂಡರು. ಮಹಮದ್ ಯಾವುದೆ ಬಗೆಯಲ್ಲಿ ಎದೆ ಗುಂದಲಿಲ್ಲ ಬದರ್'ನತ್ತ ಸುಮಾರು ಸಾವಿರದೈನೂರು ಯೋಧರ ಪಡೆಯೊಂದನ್ನು ಆತ ಹೊರಡಿಸಿದ. ಒಟ್ಟು ಎಂಟು ದಿನ ಅಲ್ಲಿ ಮಹಮದನ ಪಡೆ ಠಿಕಾಣಿ ಹೂಡಿದರೂ ಸಹ ಮೆಕ್ಕಾದ ಖುರೈಷಿಗಳ ಸುಳಿವಿರಲಿಲ್ಲ. ಒಟ್ಟು ಎಂಟು ದಿನಗಳವರೆಗೆ ಅಬು ಸಫ್ಯಾನನ ಪಡೆಯನ್ನ ಕಾಯುತ್ತಾ ಇರಿಸಿ, ಜೊತೆಗೆ ತಾನು ತಂದಿದ್ದ ಸರಕಿನ ಸಂತೆ ಏರ್ಪಡಿಸಿ ಅಪಾರ ಲಾಭಗಳಿಸಿಕೊಂಡು ಬದರ್'ನಿಂದ ಮರಳಿ ಖುಷಿಯಿಂದಲೆ ಮಹಮದ್ ಮದೀನಾ ಮುಟ್ಟಿದ. ಯಾವುದೆ ಹಾನಿಯನ್ನ ಎದುರಿಸದೆ ಆತನ ಈ ಎರಡನೆ ಬದರ್ ಯಾತ್ರೆ ಸಹ ಸಫಲವಾಗಿತ್ತು. ಈ ಸರಳ ಯಾತ್ರೆಯ ಸಂತಸವನ್ನ ದೈವವಾಣಿಯ ರೂಪದಲ್ಲಿ ಮಹಮದ್ ಖುರ್ಹಾನಿನ ೩/೧೬೬ನೆ ಸುರಾದಲ್ಲಿ ಹಂಚಿಕೊಂಡಿದ್ದಾನೆ ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ.


ಕ್ರಿಸ್ತಶಕ ೬೨೬ರಲ್ಲಿ ಮಹಮದನ ಇನ್ನೊಂದು ದಂಡಯಾತ್ರೆ ನಡೆಯಿತು. ಬೆನ್ ಘಟಾಫನ್ ಬುಡಕಟ್ಟಿನವರು ಸಂಶಯ ಹುಟ್ಟಿಸುವ ರೀತಿಯಲ್ಲಿ ಮದೀನಾಕ್ಕೆ ಸಮೀಪ ನೆರೆದಿದ್ದನ್ನ ತನ್ನ ಗೂಢಚರರ ಮೂಲಕ ಅರಿತ ಮಹಮದ್ ಸುಮಾರು ನಾಲ್ಕುನೂರು ಯೋಧರ ಪಡೆಯೊಂದಿಗೆ ಅವರ ವಸತಿಯ ಮೇಲೆ ಯಾವುದೆ ಪೂರ್ವ ಸೂಚನೆ ಕೊಡದೆ ಮುಗಿಬಿದ್ದ. ಈ ಅನಿರೀಕ್ಷಿತ ದಾಳಿಯ ಹೊಡೆತ ತಾಳಲಾರದೆ ಗಂಡಸರೆಲ್ಲ ಬೆಟ್ಟ ಗುಡ್ಡಗಳ ಕೊರಕಲುಗಳನ್ನ ಏರಿ ತಲೆತಪ್ಪಿಸಿಕೊಂಡರು. ಅವರ ಬಿಡಾರದಲ್ಲಿ ಉಳಿದ ಮಹಿಳೆಯರನ್ನ ಹಾಗೂ ಮಕ್ಕಳನ್ನ ಮಹಮದ್ ಮದೀನಾಕ್ಕೆ ಹೊತ್ತು ತರುವಂತೆ ಪಡೆಗೆ ಆಜ್ಞಾಪಿಸಿದ. ಇದೆ ಸಮಯ ಆತ ಹೊಸತೊಂದು ಕಾನೂನನ್ನ ಜಾರಿಗೆ ತಂದ. ಅದನ್ನ "ಅಪಾಯದ ಕಾನೂನು" ಎಂದು ಕರೆಯಲಾಯಿತು. ಒಂದು ವೇಳೆ ಶತ್ರು ಸೇನೆ ತಮ್ಮ ಹೆಂಗಸರನ್ನ ಉಳಿಸಿಕೊಳ್ಳಲು ಮುಗಿಬಿದ್ದರೆ ಅವರನ್ನ ಎದುರಿಸಿ ಹೋರಾಡಲು ಪ್ರತ್ಯೇಕ ಪಡೆಯೊಂದನ್ನ ಸಜ್ಜುಗೊಳಿಸಿ ಅವರನ್ನು ಮುಖ್ಯ ಪಡೆಯಿಂದ ಬೇರ್ಪಡಿಸಿರಿಸಿದ. ಸಾರ್ವಜನಿಕ ಪ್ರಾರ್ಥನಾ ವಿಧಿಯನ್ನ ಮಾರ್ಪಡಿಸಿ ಎರಡೆರಡು ಬಾರಿ ಪ್ರಾರ್ಥಿಸುವ ಅವಕಾಶವನ್ನಿದು ಪಡೆಗಳಿಗೆ ಕಲ್ಪಿಸುತ್ತಿತ್ತು. ಒಂದು ಪಡೆ ಪ್ರಾರ್ಥಿಸುವಾಗ ಇನ್ನೊಂದು ಪಡೆ ಕಾವಲು ಕಾಯುವಂತೆ ವ್ಯವಸ್ಥೆ ರೂಪಿಸಲಾಯಿತು. ಇದನ್ನೂ ಸಹ ಖುರ್ಹಾನಿನ ಸುರಾದ ಮೂಲಕ ಅಧಿಕೃತಗೊಳಿಸಲಾಯಿತು.



ಅದೆ ವರ್ಷದ ಜುಲೈ ತಿಂಗಳಲ್ಲಿ ಆತನ ಇನ್ನೊಂದು ದಂಡಯಾತ್ರೆ ನಡೆಯಿತು. ಸಿರಿಯಾದ ಗಡಿಯಲ್ಲಿಂದ ಹಿಡಿದು ಕೆಂಪು ಸಮುದ್ರದ ಹಾಗೂ ಪರ್ಷಿಯನ್ ಕೊಲ್ಲಿಯ ನಡುವಿನ 'ದೂಮಾ' ಎನ್ನುವ ಓಯಸಿಸ್ ಈ ಬಾರಿ ಮುಸಲ್ಮಾನರ ಧಾಳಿಗೆ ತುತ್ತಾಯಿತು. ಆ ಓಯಸಿಸ್ಸಿನ ಜನರು ವಾಸ್ತವದಲ್ಲಿ ದರೋಡೆಕೋರರಾಗಿದ್ದರು. ಅ ಹಾದಿಯಲ್ಲಿ ಸಾಗುವ ಕ್ಯಾರವಾನ್'ಗಳನ್ನ ಅವರು ಲೂಟಿ ಹೊಡೆಯುವುದನ್ನೆ ಕಾಯಕ ಮಾಡಿಕೊಂಡಿದ್ದರು. ಅವರನ್ನ ಹೀಗೆ ಬಿಟ್ಟರೆ ಮುಂದೆ ಮದೀನಾ ನಗರದ ಮೇಲೂ ಅವರು ಧಾಳಿ ಮಾಡುವ ಭೀತಿ ಇತ್ತು. ಆದರೆ ಮಹಮದನ ಸುಸಜ್ಜಿತ ಪಡೆ ದೂಮಾದತ್ತ ಚಲಿಸುವ ಸುದ್ದಿ ಅರಿತ ಆ ದರೋಡೆಕೋರ ಜನಾಂಗ ಕೂಡಲೆ ಅಲ್ಲಿಂದ ಕಾಲ್ಕಿತ್ತರು. 



ದುಮಾತಲ್ ಝಂಡಾಲ್ ದಂಡಯಾತ್ರೆಯ ಯಶಸ್ಸು ಒಂದು ರೀತಿಯಲ್ಲಿ ಮಹಮದ್ ಹಾಗೂ ಮುಸಲ್ಮಾನರಿಗೆ ಮಹತ್ವಪೂರ್ಣದ್ದಾಗಿತ್ತು. ದೂರದ ಸಿರಿಯಾದವರೆಗೂ ಸಾಗಿ ಬಂದ ಅವನ ಪಡೆಯ ಧೈರ್ಯ ಕಂಡು ಅರಿತ ಅನೇಕರಲ್ಲಿ ಆತನ ಕೀರ್ತಿ ಸಾಹಸಗಳ ಕಥೆ ಹಬ್ಬಿತು. ಆತನ ಶಕ್ತಿಯ ಅರಿವಾದವರ ಮನದಲ್ಲಿ ಭೀತಿ ಸಹ ಹರಡಿತು. ಜೊತೆಗೆ ಆತನ ಪಡೆಗೂ ಅತಿ ದೂರದ ದಂಡಯಾತ್ರೆಗಳಿಂದ ಆಗುವ ಆರ್ಥಿಕ ಲಾಭದ ಅನುಭವವಾಯಿತು.



( ಇನ್ನೂ ಇದೆ.)

31 October 2015

ವಲಿ - ೨೦







ಮಸೀದಿಯಲ್ಲಿ ಪ್ರಾರ್ಥನೆಯ ಹೊತ್ತಿನಲ್ಲಿ ಮಹಮದ್ ತನ್ನ ಅನುಯಾಯಿಗಳನ್ನ ಉದ್ದೇಶಿಸಿ "ಆಕ್ಷೇಪಣೆ, ಪ್ರಚೋದನೆ ಹಾಗೂ ಪ್ರೋತ್ಸಾಹ"ಗಳನ್ನೊಳಗೊಂಡ ಭಾವಪೂರ್ಣ ಪ್ರವಚನಗಳನ್ನು ನೀಡುತ್ತಿದ್ದ ಎನ್ನುತ್ತಾನೆ ಇತಿಹಾಸಕಾರ ಡೋಝಿ. ತನ್ನ ಭಾವಪೂರ್ಣ ಬೋಧನಾ ಶೈಲಿಯಿಂದ ಅವರೆಲ್ಲರನ್ನೂ ಆತ ಪರವಶಗೊಳಿಸುತ್ತಿದ್ದ. ಅವರೊಳಗಿನ ಭಾವನೆಗಳೂ ಸಹ ಈ ಸತ್ವಪೂರ್ಣ ಪ್ರವಚನಗಳಿಂದ ಉದ್ರೇಕಗೊಳ್ಳುತ್ತಿತ್ತು. ನರಕದ ಭಯಂಕರ ಜ್ವಾಲೆ ಸೂಸುವ ಬಾಗಿಲ ವರ್ಣನೆಯನ್ನ ಅವನ ಬಾಯಿಂದ ಕೇಳುವಾಗಲೆ ಅನೇಕರು ಭಯಭೀತರಾಗಿ ತತ್ತರಿಸುತ್ತಿದ್ದರು. ಸ್ವರ್ಗದ ವರ್ಣನೆ ಅವರೆಲ್ಲರ ಮನಸ್ಸಿಗೆ ಶಜವಾಗಿ ಆಹ್ಲಾದವನ್ನೀಯುತ್ತಿದ್ದವು. ಹೀಗೆ ಭಾವೋದ್ರೇಕಿಸಿ ಆತ ಅನೇಕರ ಅಭಿಮಾನ ಗಳಿಸಿಕೊಳ್ಳುವುದರಲ್ಲಿ ಸಫಲನಾಗಿದ್ದ.



ಕೇವಲ ಭಾವೋದ್ರೇಕಿಸುವುದು ಮಾತ್ರವಲ್ಲ, ಇದರೊಂದಿಗೆ ತನ್ನ ನಿರಂಕುಶ ಅಧಿಕಾರ ಚಲಾವಣೆ ಹಾಗೂ ನ್ಯಾಯ ಪಾಲನೆಯಲ್ಲೂ ಆತ ಹಿಡಿತ ಸಾಧಿಸಿದ್ದ. ಇದಕ್ಕೊಂದು ಉದಾಹರಣೆಯನ್ನ ಇತಿಹಾಸಕಾರ ಅಲ್ ಮುಬಾರಖಿ ನೀಡುತ್ತಾನೆ. ಅಲ್ ಮುಜುದ್ದೀರ್ ಎನ್ನುವ ಔಸ್ ಬುಡಕಟ್ಟಿಗೆ ಸೇರಿದ್ದ ವ್ಯಕ್ತಿಯೊಬ್ಬ ತನ್ನ ಮತಾಂತರಕ್ಕೂ ಮೊದಲು ತನ್ನ ವಿರೋಧಿ ಖಜ್'ರಝ್ ಬುಡಕಟ್ಟಿಗೆ ಸೇರಿದ್ದ ಸುವೈದ್ ಎನ್ನುವ ವ್ಯಕ್ತಿಯೊಬ್ಬನನ್ನು ಕೊಲೆ ಮಾಡಿದ್ದ. ಅರೇಬಿಯಾದ ಸಹಜ ನಾಗರೀಕ ನಡುವಳಿಕೆಯಂತೆ ಸುವೈದ್'ನ ಮಗ ಅಲ್ ಹಾರಿಥ್ ತನ್ನ ತಂದೆಯ ಸಾವಿಗೆ ತಕ್ಕ ಪ್ರತಿಕಾರ ಮಾಡಲು ಕಾತರಿಸುತ್ತಲಿದ್ದ. ಆದರೆ ಕಾಲಾಂತರದಲ್ಲಿ ಇಬ್ಬರೂ ಅನುಕ್ರಮವಾಗಿ ಇಸ್ಲಾಮನ್ನ ಸ್ವೀಕರಿಸಿದ್ದ ನಂತರ ಮುಸಲ್ಮಾನನೊಬ್ಬ ಇನ್ನೊಬ್ಬ ಮುಸಲ್ಮಾನನ ಕೊಲೆ ಮಾಡುವ ಹಾಗಿಲ್ಲ ಎನ್ನುವ ನಿಯಮಕ್ಕೆ ಇಷ್ಟವಿಲ್ಲದಿದ್ದರೂ ಬದ್ಧನಾಗುಳಿಯಬೇಕಾಯಿತು.



ಆದರೆ ದ್ವೇಷ ಎನ್ನುವ ಧಗೆ ಅವನನ್ನ ನಿತ್ಯ ಸುಡುತ್ತಿತ್ತು. ಹೀಗಾಗಿ ಅವ ಅಂತಹ ಅಪರೂಪದ ಅವಕಾಶವೊಂದಕ್ಕಾಗಿ ಪ್ರತಿಕಾರಕ್ಕಾಗಿ ಹೊಂಚು ಹಾಕಿ ಕಾದಿದ್ದ. ಅಂತಹ ಅವಕಾಶ ಅವನಿಗೆ ಸಿಕ್ಕಿತು ಕೂಡಾ. ಓಹೋದ್ ಯುದ್ಧ ಭೂಮಿಯಲ್ಲಿ ಜೊತೆಜೊತೆಯಾಗಿಯೆ ಮುಸಲ್ಮಾನ ಪಡೆಯ ಯೋಧರಾಗಿ ಅವರಿಬ್ಬರೂ ಹೋರಾಡಲು ತೆರಳಿದ್ದರು. ಅಲ್ಲಿ ಸಮಯ ಸಾಧಿಸಿ ಅಲ್ ಮಜುದ್ದಾರ್'ನನ್ನು ಹತ್ಯೆ ಮಾಡಿದ ಹಾರಿಥ್. ಆದರೆ ಅವನ ದುರಾದೃಷ್ಟಕ್ಕೆ ಇನ್ನೊಬ್ಬ ಸಹ ಯೋಧ ಅದನ್ನ ಗಮನಿಸಿ ಅದನ್ನ ಮುಂದೆ ಮಹಮದನ ಗಮನಕ್ಕೆ ತಂದ. ಹೀಗಾಗಿ ಶತ್ರು ದಾಳಿಯಿಂದ ಈ ಸಾವು ಸಹಜವಾಗಿ ಉಂಟಾಗಿದೆ ಎನ್ನುವ ಕಥೆ ಕಟ್ಟುವ ಹಾರಿಥ್ ಆಲೋಚನೆ ಹಳಿ ತಪ್ಪಿತು.


ಈ ಯುದ್ಧ ಮುಗಿಸಿ ಬರುವಾಗ ಮಹಮದ್ ಸಹ ಸೋತು ಸುಣ್ಣವಾಗಿ ದೈಹಿಕವಾಗಿಯೂ ಘಾಸಿಯಾಗಿದ್ದರಿಂದ ಈ ಬಗ್ಗೆ ವಿಚಾರಣೆ ನಡೆಸುವ ಗೋಜಿಗೆ ಹೋಗಿರಲಿಲ್ಲ. ಇನ್ನು ಮರಳಿ ಬಂಡ ನಂತರ ಹಾರಿಥ್ ಕೂಡಾ ಕೆಲಕಾಲ ಮದೀನ ಬಿಟ್ಟು ತನ್ನ ಹಳ್ಳಿಗೆ ತೆರಳಿದ್ದ. ಅಲ್ಲಿಗೆ ಹೋಗಿದ್ದವ ಮತ್ತೆ ಮರಳಿದಾಗ ತನಗೆ ವಿಪತ್ತು ಕಾದಿದೆ ಎನ್ನುವ ವಿಚಾರ ಅವನ ಅರಿವಿಗೆ ಬಂದಿತು. ಆದರೂ ಧೈರ್ಯ ಮಾಡಿ ಆತ ಮಹಮದನ ಸನ್ನಿಧಾನಕ್ಕೆ ತೆರಳಿ ತನ್ನ ಶರಣಾಗತಿಯನ್ನ ಪ್ರಕಟಿಸಿದ ಹಾಗೂ ಪ್ರಾಮಾಣಿಕವಾಗಿ ಆದ ಅಕೃತ್ಯದ ಹಿನ್ನೆಲೆ ವಿವರಿಸಿ ದೀನನಾಗಿಯೆ ಕ್ಷಮೆ ಬೇಡಿದ. ವಾಸ್ತವವಾಗಿ ಅರೇಬಿಯಾದ ಬುಡಕಟ್ಟುಗಳ ನಡುವಿನ ಗುಣ ನಡತೆಯ ನೈತಿಕತೆಯ ಮಾನದಂಡದಲ್ಲಿ ಅವನ ಈ ನಡುವಳಿಕೆಯಲ್ಲಿ ತಪ್ಪೇನೂ ಇರಲಿಲ್ಲ.



ಆದರೆ ಮಹಮದ್ ಆ ನೀತಿಯನ್ನ ಬದಲಿಸಿದ್ದ. ಹೀಗಾಗಿ ಇತ್ತ ಹಾರಿಥ್ ತಲೆ ಕಾಣುತ್ತಿದ್ದಂತೆ ಕ್ಷುದ್ರನಾದ ಆತ ಔಸ್ ಬುಡಕಟ್ಟಿನ ಮುಖಂಡ ಜಮೀಮ್'ನನ್ನು ಕಂಡು ತಕ್ಷಣ ಈ ಅಲ್ ಮುಜುದ್ದರ್ ಕೊಲೆಗಡುಕ ಅಲ್ ಹಾರಿಥ್'ನನ್ನು ಓಹೋದ್ ಯುದ್ಧದಲ್ಲಿ ಮಾಡಿದ ಕೊಲೆ ಆರೋಪದ ಕಾರಣ ಮಸೀದಿ ಬಾಗಿಲ ಬಳಿ ಕರೆದೊಯ್ದು ಇವನ ತಲೆ ಕಡೆಯಿರಿ ಎಂದು ಆಜ್ಞಾಪಿಸಿದ. ಅಲ್ ಹಾರಿಥ್ ಕ್ಷಮೆಗಾಗಿ ಪರಿಪರಿಯಾಗಿ ಯಾಚಿಸಿದ. ಇದಕ್ಕೆ ಬದಲಾಗಿ ಮಹಮದ್ ಹೂಡುವ ಯಾವುದೆ ಬೇಡಿಕೆಯನ್ನ ಪೂರೈಸಲು ತಾನು ಸಿದ್ಧನೆನ್ನುವುದನ್ನೂ ಸಹ ಆತ ಖಚಿತ ಪಡಿಸಿದ. ಆದರೆ ಮನ ಕರಗದ ಮಹಮದ್ ತನ್ನ ಮರಣದಂಡನೆಯ ಆಜ್ಞೆಯನ್ನೆ ಪುನರುಚ್ಛರಿಸಿದ. ಆತನ ಯಾವುದೆ ಯಾಚನಾಪೂರಿತ ಬೇಡಿಕೆಗಳಿಗೆ ಕವಡೆ ಕಾಸಿನ ಕಿಮ್ಮತ್ತನ್ನೂ ನೀಡಲಿಲ್ಲ. ಅದರಂತೆ ಜಮೀಮ್ ಆತನನ್ನ ಎಳೆದೊಯ್ದು ಮಸೀದಿ ಬಳಿ ತಲೆ ಕಡಿವ ಕಾರ್ಯ ನೆರವೇರಿಸಿದ.  ಇದನ್ನ ಪ್ರತ್ಯಕ್ಷವಾಗಿ ಕಂಡ ಸಾಕ್ಷಿಗಳಾದ ಸತ್ತವನ ಮಕ್ಕಳು ಹೆದರಿ ಹೌಹಾರಿದರು. ಮಹಮದನಿಗೆ ಎದುರು ಮಾತನಾಡುವ ಧೈರ್ಯ ಅವರ್ಯಾರಿಗೂ ಉಳಿದಿರಲಿಲ್ಲ. ಹೀಗೆ ಧಾರ್ಮಿಕ ನೇತಾರನಾಗಿ ತನ್ನ ಪರಮಾಧಿಕಾರವನ್ನ ಮಹಮದ್ ಸ್ಥಾಪಿಸಿದ ಎನ್ನುತ್ತದೆ "ಆಕ್ಸ್'ಫರ್ಢ್ ಎನ್'ಸೈಕ್ಲೋಪೀಡಿಯಾ ಆಫ್ ಮಾರ್ಡರ್ನ್ ಇಸ್ಲಾಮಿಕ್ ವರ್ಡ್" ಹೊತ್ತಗೆಯ ನೂರಾ ಐವತ್ತೊಂಬತ್ತನೆಯ ಪುಟದ ವಿವರಣೆ.


ಕ್ರಮೇಣ ಮಹಮದನ ಅನೇಕ ನಡೆ ನುಡಿಗಳು ಮುಸಲ್ಮಾನರ ಜೀವನದಲ್ಲಿ ಇಂದಿಗೂ ಜಾರಿಯಲ್ಲಿರುವ ಸಾಮಾಜಿಕ ಕಟ್ಟಳೆಗಳಾಗಿ ರೂಪುಗೊಂಡವು. ಕಾಲಕಾಲದಲ್ಲಿ ಉದ್ಭವಿಸಿದ ಅನೇಕ ಸಾಮಾಜಿಕ ಸಮಸ್ಯೆಗಳ ನಿರ್ವಹಣೆಗೆ ಮಹಮದ್ ತೆಳೆದ ನಿಲುವುಗಳು ಹಾಗೂ ಗೊಂದಲಗಳ ನಿವಾರಣೆಗೆ ಆತ ರೂಪಿಸಿದ ಕಟ್ಟಳೆಗಳು ದೈವವಾಣಿಯ ಮೊಹರಿನೊಂದಿಗೆ ಚಿರ ನೀತಿಗಳಾಗಿ ಚಾಲ್ತಿಗೆ ಬಂದವು. ತನ್ನ ಮಹಮದ್ ಕೃತಿಯ ಪುಟ ಸಂಖ್ಯೆ ಇನ್ನೂರಾ ನಲವತ್ತೇಳರಲ್ಲಿ ಮೌಲಾನಾ ವಾಹಿದುದ್ದೇನ್ ಖಾನ್ ಈ ಬಗ್ಗೆ ಒಂದು ದೃಷ್ಟಾಂತ ನೀಡಿದ್ದಾರೆ.



ಓಹೋದ್ ಯುದ್ಧದಲ್ಲಿ ಹೋರಾಡಿ ಮಡಿದಿದ್ದ ಮುಸಲ್ಮಾನ ಯೋಧ ಸಾಅದ್ ಎಂಬ ಯೋಧನ ಪತ್ನಿ ಮತ್ತು ಅವಳೆರಡು ಮಕ್ಕಳು ನಿರಾಶ್ರಿತರಾಗಿದ್ದರು. ಪತಿಯ ಸಾವಿನ ನಂತರ ಅವನ ಆಸ್ತಿಯನ್ನ ಆತನ ಅಣ್ಣ ಕಬಳಿಸಿ ಇವರನ್ನ ಬೀದಿಗೆ ತಳ್ಳಿ ನಿರ್ಗತಿಕರನ್ನಾಗಿಸಿ ಬಿಟ್ಟಿದ್ದ. ಅವಳು ಇದನ್ನ ಪ್ರತಿಭಟಿಸಿ ನಿಂತಳು. ಅವಳಿಗೆ ಅದು ಅನಿವಾರ್ಯವೂ ಆಗಿತ್ತು. ಸೀದಾ ಮಹಮದನ ಎದುರು ಆಕೆ ಈ ದೂರನ್ನ ಒಯ್ದು ನ್ಯಾಯಕ್ಕಾಗಿ ಪ್ರಾರ್ಥಿಸುವಂತೆಯೂ ಇರಲಿಲ್ಲ. ಲಿಂಗಾನುಸಾರ ಆಕೆಗೆ ಆ ಅಧಿಕಾರವಿರಲಿಲ್ಲ. ಹೀಗಾಗಿ ಬುದ್ಧಿವಂತಳಾದ ಅವಳೊಂದು ಉಪಾಯ ಹೂಡಿದಳು. ಮಹಮದನಿಗೆ ಆಕೆ ಊಟದ ಆಹ್ವಾನವನ್ನ ಕಳುಹಿಸಿದಳು. ಅವಳ ಆಮಂತ್ರಣವನ್ನ ಸ್ವೀಕರಿಸಿದ ಮಹಮದ ಗೊತ್ತಾದ ದಿನ ತನ್ನ ಇಪ್ಪತ್ತು ಅನುಯಾಯಿಗಳೊಂದಿಗೆ ಆಕೆಯ ಮನೆಗೆ ಬಂದು ಬಡವಿಯಾಗಿದ್ದ ಆಕೆಯ ಆತಿಥ್ಯವನ್ನು ಸ್ವೀಕರಿಸಿದ. ತನ್ನ ಪತಿಯ ಸಾವಿನ ಶೋಕವನ್ನ ಆ ಸಂದರ್ಭ ಬಳಸಿಕೊಂಡ ಆಕೆ ಹೊರ ಹಾಕಿ ಆಕ್ರಂದಿಸಿದಳು. ಕಣ್ಣೀರು ಮಿಡಿದ ಆಕೆಯನ್ನ ಕಾಣುವಾಗ ಮಹಮದನ ಮನಸ್ಸು ಸಹ ಕರಗಿತು. ತಾನೂ ಕೊಂಛ ಶೋಕಿಸಿ ಸಂತಾಪ ಸೂಚಿಸಿದ.


ಆಗ ಆಕೆ ನಡೆದ ವಾಸ್ತವವನ್ನ ಬಿಡಿಸಿಟ್ಟಳು. ತನ್ನ ಹಕ್ಕಿನ ಆಸ್ತಿಯನ್ನ ಬಾವ ಕಬಳಿಸಿ ಮಾಡಿದ ಅನ್ಯಾಯವನ್ನ ಮನಮುಟ್ಟುವಂತೆ ಬಣ್ಣಿಸಿದಳು. ಇದನ್ನು ಆಲಿಸಿದ ಆತನ ಮನ ಮಿಡಿಯಿತು. ಅದಕ್ಕಾತ 'ದೇವರು ಆಸ್ತಿ ಹಂಚಿಕೆಯ ಬಗ್ಗೆ ನಿರ್ಧಾರ ಕೈಗೊಳ್ಳುವನು, ಆದರೆ ಈವರೆಗೆ ಅಂತಹ ಯಾವುದೆ ದೈವವಾಣಿ ನನಗೆ ದೊರಕಿಲ್ಲ" ಎಂದು ಹೇಳಿ ಆಕೆಯನ್ನ ತಪ್ಪದೆ ಮರುದಿನ ತನ್ನ ಬಿಡಾರಕ್ಕೆ ಬರುವಂತೆ ಆಹ್ವಾನಿಸಿ ಹಿಂದಿರುಗಿದ.



ಆಕೆ ಮರುದಿನ ಆತನ ಹೊಸ್ತಿಲಲ್ಲಿ ಕಾಣಿಸುವಾಗಲೆ ಆತನ ಮೈ ನಡುಗಿದಂತಾಗಿ ಆತ ಆವೇಶಭರಿತನಾದ. ಆತನ ನಾಲಗೆಯಿಂದ ಸ್ಪಷ್ಟವಾಗಿ ದೈವವಾಣಿ ಮೊಳಗತೊಡಗಿತು!. ಉದ್ವೇಗದಲ್ಲಿ ಅವನ ಹಣೆ ಬೆವರುಗಟ್ಟಿಹೋಗಿತ್ತು. ತನ್ನೆದುರು ಸಾಅದನ ಅಣ್ಣನನ್ನು ಕರೆತರಲು ಆಜ್ಞಾಪಿಸಿದ ಮಹಮದ್. ಆತ ಅಲ್ಲಿಗೆ ಬಂದೊಡನೆ "ಸಾಅದ್ ಬಿಟ್ಟು ಹೋದ ಒಟ್ಟು ಆಸ್ತಿಯ ಮೂರನೆ ಎರಡು ಭಾಗಗಳನ್ನು ಅವನ ಸಂತಾನಕ್ಕೂ, ಎಂಟನೆ ಒಂದು ಭಾಗವನ್ನು ಅವನ ವಿಧವೆಗೂ ಹಾಗೂ ಉಳಿದದ್ದು ಅದೇನೆ ಇದ್ದರೂ ಅದನ್ನ ಅವನಣ್ಣನಿಗೂ ಕೊಡ ತಕ್ಕಡ್ಡು" ಎನ್ನುವ ಅಂತಿಮ ತೀರ್ಪನ್ನ ಆತ ಹೊರಡಿಸಿದ. ಇದರಿಂದ ಸಂತೃಪ್ತಳಾದ ಆಕೆ "ತಕ್ಬೀರ್" ಅಂದರೆ ದೇವರು ದೊಡ್ಡವನು ಎಂದು ಆನಂದಭರಿತಳಾಗಿ ಕೂಗಿದಳು. ಮುಂದೆ ಆಸ್ತಿಯ ಹಂಚಿಕೆ ವಿಷಯವಾಗಿ ಮಹಮದ್ ಹೊರಡಿಸಿದ ಅನೇಕ ನಿರ್ಣಯಗಳಿಗೆ ಇದು ಮೂಲವಾಯಿತು.



ಕ್ರಿಸ್ತಶಕ ೬೨೫ರ ಏಪ್ರಿಲ್ ತಿಂಗಳಿನಲ್ಲಿ ಮಹಮದ್ ಅರಬ್ಬಿಗಳೆ ಆಗಿದ್ ಬೆನ್ ಅಸದ್ ಬುಡಕಟ್ಟಿನವರೊಂದಿಗೆ ಕಾಳಗ ಜರುಗಿಸಿದ. ಈ ಬೆನ್ ಅಸದರು ಆರ್ಥಿಕವಾಗಿ ಬಲವಾಗಿದ್ದು ಖುರೈಷಿಗಳೊಂದಿಗೆ ಸ್ನೇಹಪೂರ್ಣವಾಗಿದ್ದುದೆ ಈ ಕಾಳಗ ಶುರುವಾಗಲು ಕಾರಣವಾಗಿತ್ತು. ಅರೆಬಿಯಾದ ನಡು ಭಾಗದ ಮರುಭೂಮಿ ಅವರ ಹಿಡಿತದಲ್ಲಿತ್ತು. ಅವರೂ ಕೂಡ ಖುರೈಷಿಗಳಂತೆ ಮಹಮದ್ ಎಂದರೆ ಸಿಡಿದು ಬೀಳುತ್ತಿದ್ದರು. ಆತನ ಏಳ್ಗೆ ಅವರಲ್ಲಿ ಅಸಹನೆ ಮೂಡಿಸಿತ್ತು. ಸೂಕ್ತ ಸಮಯ ಕಾದು ಅವರೊಡನೆ ಸೇರಿ ಮದೀನವನ್ನು ಆಕ್ರಮಿಸುವ ಇರಾದೆ ಅವರಿಗಿತ್ತು. ಈ ಸಂಗತಿ ತನ್ನ ಗೂಢಚರರ ಮೂಲಕ ಮಹಮದನ ಅರಿವಿಗೆ ಬಂತು. ಹೀಗಾಗಿ ಅವರ ಮೇಲೆ ತಾನೆ ಮೊದಲು ಬೀಳಲು ನಿರ್ಧರಿಸಿದ ಮಹಮದ್ ತನ್ನ ಪಡೆಯನ್ನ ಇದಕ್ಕಾಗಿ ಸಜ್ಜುಗೊಳಿಸಿದ.

ಅಬು ಸೆಲಂ ನೇತೃತ್ವದಲ್ಲಿ ಮಹಮದ್ ನೂರಾ ಐವತ್ತು ಯೋಧರ ಪಡೆಯನ್ನ ಬೆನ್ ಅಸಾದರ ಮೇಲೆ ಬೀಳಲು ಕಳುಹಿಸಿದ. ಈ ಧಾಳಿಯ ವಿಷಯವನ್ನ ಗುಪ್ತವಾಗಿಡಲಾಗಿತ್ತು. ಆದರೆ ಅವರ ದುರಾದೃಷ್ಟಕ್ಕೆ ಆಗ ಯಾವೊಬ್ಬ ಶತ್ರುವೂ ಕಾಣ ಸಿಗಲಿಲ್ಲ. ಆದರೆ ಅವರ ಒಂಟೆಗಳು ಮೇಯುತಿದ್ದವು ಇವರ ಕೈವಶವಾಯಿತು. ಆ ಒಂಟೆಗಳ ಹಿಂಡನ್ನ ಮದೀನದತ್ತ ಓಡಿಸಿಕೊಂಡು ಬಂದ ಅಬು ಸೆಲಂ ಸಂಪ್ರದಾಯದಂತೆ ಮಹಮದನಿಗೆ ದೇವರ ಹಾಗೂ ಪ್ರವಾದಿಯ ಭಾಗವಾದ ಐದನೆ ಒಂದರಷ್ಟನ್ನೊಪ್ಪಿಸಿ ಉಳಿದದ್ದನ್ನ ಎಲ್ಲರೊಂದಿಗೂ ಸರಿಸಮನಾಗಿ ಹಂಚಿಕೊಂಡ.


ಬೆನ್ ಅಸದರಂತೆಯೆ ಅಹ್ಯಾದ್ ಎನ್ನುವ ಇನ್ನೊಂದು ಅರಬ್ಬಿ ಬುಡಕಟ್ಟಿನವರೂ ಮಹಮದನ ಪಾರಮ್ಯವನ್ನ ಮುಲಾಜಿಲ್ಲದೆ ತಿರಸ್ಕರಿಸಿ ವಿರೋಧಿಸುತ್ತಿದ್ದರು. ಆವರು ಮೆಕ್ಕಾದಿಂದ ಮದೀನಾ ಹಾದಿಯಾಗಿ ಬರುವಾಗ ಎರಡು ದಿನ ಅಂತರವಾಗುವಲ್ಲಿ ತಮ್ಮ  ವಸತಿ ನಿರ್ಮಿಸಿಕೊಂಡು ಅನಾದಿ ಕಾಲದಿಂದ ವಾಸಿಸುತ್ತಿದ್ದರು. ಸುಫ್ಯಾನ್ ಇಬ್ನ್ ಖಾಲಿದ್ ಅವರ ಮುಖಂಡನಾಗಿದ್ದ. ಓಹೋದ್ ಯುದ್ಧದ ಖುರೈಷಿ ಪರ ಪಡೆಯ ಸಕ್ರಿಯ ಯೋಧನಾಗಿದ್ದ ಆತ ಮಹಮದನ ಮೇಲೆ ಮುಗಿ ಬೀಳುವ ಹಂಚಿಕೆಯೊಂದನ್ನ ಹಾಕಿದ್ದ. ಈ ಆಕ್ರಮಣದ ಯೋಜನೆಯ ಸಂಗತಿ ಪುನಃ ಗೂಢಚರರ ಮೂಲಕ ಮಹಮದನ ಅರಿವಿಗೆ ಬಂದು ಅವರಿಗಿಂತ ಮೊದಲು ತಾನೆ ಮುಗಿಬಿದ್ದು ಅಹ್ಯಾನರ ಸೊಕ್ಕಡಗಿಸಲು ಮಹಮದ್ ತೀರ್ಮಾನಿಸಿದ.



ಸುಫ್ಯಾನ್ ಇಬ್ನ್ ಖಾಲಿದ್ ಸಾಮಾಜಿಕವಾಗಿ ಅರೆಬಿಯಾದ ಆ ಕಾಲದ ಒಬ್ಬ ಬಲಿಷ್ಠ ಮುಖಂಡನಾಗಿದ್ದ. ಆತನನ್ನ ಕೊಂದು ಕೆಡವಿದರೆ ಆತನ ಬೆಂಬಲಿಗರೆಲ್ಲ ಮೆತ್ತಗಾಗಿಯೆ ಆಗುತ್ತಾರೆ ಎನ್ನುವ ಅಭಿಪ್ರಾಯ ಮಹಮದನದಾಗಿತ್ತು. ಇದಕ್ಕಾಗಿ ಆತ ತನ್ನ ನೆಚ್ಚಿನ ಬಂಟ ಅಬ್ದುಲ್ಲಾ ಇಬ್ನ್ ಓನೈಸನನ್ನು ನೇಮಿಸಿದ. ಅಬ್ದುಲ್ಲ ಮಾರುವೇಷದಲ್ಲಿ ಅಲ್ಲಿಗೆ ಸಾಗಿ ಖಾಲಿದನ ಮನೆಯಲ್ಲಿ ಆಳಾಗಿ ಕೆಲಸಕ್ಕೆ ಸೇರಿದ. ಅನಂತರ ಉಪಾಯದಿಂದ ಸಮಯ ಸಾಧಿಸಿ ಆತನ ತಲೆ ಕಡಿದು ಲಗುಬಗೆಯಿಂದ ಮದೀನದತ್ತ ದೌಡಾಯಿಸಿದ. ತನ್ನನ್ನ ಬೆನ್ನಟ್ಟಿ ಬಂದ ವಿರೋಧಿಗಳಿಂದ ಅತಿ ಚಾಣಾಕ್ಷತೆಯಿಂದ ಪಾರಾಗಿ ಸುರಕ್ಷಿತವಾಗಿ ಮುಟ್ಟಿದ.


ಅಲ್ಲಿ ಮಹ್ಮದನನ್ನು ಭೇಟಿಯಾಗಿ ತನ್ನ ಕಾರ್ಯದ ಯಶಸ್ಸನ್ನು ಅರುಹಿ ಈ ಖಾಲೀದನ ರುಂಡವನ್ನ ಸಾಕ್ಷಿಯಾಗಿ ಆತನ ಮುಂದೆ ಚೆಲ್ಲಿದ. ಆಗ ಸಂಪ್ರೀತನಾದ ಮಹಮದ್ ಓನೈಸನನ್ನು ಉದ್ದೇಶಿಸಿ "ಪುನರುತ್ಥಾನದ ದಿನ, ಇದು ನನ್ನ ಹಾಗೂ ನಿನ್ನ ನಡುವೆ ಜ್ಞಾಪಕಾರ್ತವಾಗಿ ಉಳಿಯುವುದು" ಎಂದವನನ್ನು ಕೊಂಡಾಡಿ ಆಶೀರ್ವದಿಸಿದ! ಅಬ್ದುಲ್ಲಾ ಸಹ ಆ ಖಾಲಿದನನ್ನ ಕೊಂದ ಕತ್ತಿಯನ್ನ ತನಗೆ ಸಂದ ಮೆಚ್ಚುಗೆಯ ಪದಕದಂತೆ ಕೊನೆ ತನಕ ಇಟ್ಟುಕೊಂಡಿದ್ದ. ಆತನ ಸಾವಿನ ನಂತರ ಆತನ ಅಂತಿಮ ಇಚ್ಛೆಯಂತೆ ಆತನ ಹೆಣದೊಂದಿಗೆ ಇದನ್ನೂ ಸಹ ಹೂಳಲಾಯಿತು ಎನ್ನುತ್ತಾರೆ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್.


ಹೀಗೆ ತಾನೆ ಕಳುಹಿಸಿ ಉಪಾಯವಾಗಿ ತನ್ನ ಬಂಟನ ಮೂಲಕ ಮಹಮದ್ ತನ್ನ ವೈರಿಯ ಕೊಲೆ ಮಾಡಿಸಿದ್ದು ಅರೇಬಿಯಾದ  ಯಾರೊಬ್ಬರ ವಿರೋಧವನ್ನೂ ಸಹ ಗಳಿಸದಿದ್ದುದು ಒಂದು ವಿಶೇಷ ಸಂಗತಿಯಾಗಿತ್ತು ಎನ್ನುತ್ತಾರೆ ಸರ್ ಮ್ಯೂರ್. ಆದರೆ ಬೆನ್ ಅಹ್ಯಾನರು ಮಾತ್ರ ನಿರೀಕ್ಷೆಗೆ ವಿರುದ್ಧವಾಗಿ ಸೆಟೆದು ನಿಂತರು. ಅವರಲ್ಲಿ ಪ್ರತಿಕಾರದ ಭಾವ ಕುಡಿಯೊಡೆಯಿತು. ಅವರು ಅದಕ್ಕೆ ತಕ್ಕಂತೆ ಸೇಡು ತೀರಿಸಕು ಹೊಂಚು ಹಾಕುತ್ತಿದ್ದಾಗ ಮಹಮದ್ ತನ್ನ ಆರು ಅನುಯಾಯಿಗಳನ್ನ ಮೆಕ್ಕದತ್ತ ಮತಾಂತರ ಪರಮೋದ್ದೇಶದಿಂದ ಕಳುಹಿಸಿರುವ ಸಂಗತಿ ಅವರಿಗೆ ತಿಳಿದು ಬಂತು. ಉದ್ದೇಶ ಮೆಕ್ಕಾ ಅಸುಪಾಸಿನ ಮಂದಿಯನ್ನ ಪ್ರಭಾವಿಸಿ ತನ್ನ ನೂತನ ಮತಕ್ಕೆ ಸೆಳೆಯುವುದೆ ಆಗಿದ್ದರೂ ಕೂಡ ಅವರು ಮಹಮದನ ಪರ ಬೇಹುಗಾರಿಕೆ ಮಾಡಲು ಬಂದಿರಬಹುದು ಎನ್ನುವ ಶಂಕೆಯೂ ಸಹ ಉಳಿದವರಿಗೆ ಇದ್ದೇ ಇತ್ತು.


ಹೀಗಾಗಿ ಮೆಕ್ಕಾ ಮುಟ್ಟುವ ಮುಂಚೆಯೆ ಅವರನ್ನ ಸೆರೆ ಹಿಡಿಯಲಾಯಿತು. ಯಾವ ವಿಚಾರಣೆಯೂ ಇಲ್ಲದೆ ಬರ್ಬರವಾಗಿ ಶಿಕ್ಷಿಸಿ ಅವರಲ್ಲಿ ನಾಲ್ವರನ್ನ ಸಾವಿನ ಮನೆಗೂ ದೂಡಲಾಯಿತು. ಇನ್ನುಳಿದ ಇಬ್ಬರಲ್ಲಿ ಖೊಬೈಕ್ ಹಾಗೂ ಝೈದ್ ಎನ್ನುವ ಇಬ್ಬರು ಸೇರಿದ್ದರು. ಮೆಕ್ಕಾದ ಆರಾಧನಾ ದಿವಸಗಳು ನಡೆಯುತ್ತಿದ್ದುದರಿಂದ ಅದು ಮುಗಿಯುವವರೆಗೆ ವಿನಾಯತಿ ನೀಡಿ ಅನಂತರ ಮುಲಾಜಿಲ್ಲದೆ ಅವರ ಕತ್ತನ್ನೂ ಕೂಡಾ ಕತ್ತರಿಸಿ ಹಾಕಲಾಯಿತು. ಸಾಯುವ ಮುನ್ನ ಬಡಪಾಯಿಗಳು ತಮ್ಮನ್ನ ವ್ಯಥಾ ಹಿಂಸಿಸಿ ಹತ್ಯೆ ಮಾಡಿದ ಬೆನ್ ಅಹ್ಯಾನರಿಗೆ ಹಿಡಿ ಹಿಡಿ ಶಾಪ ಹಾಕುತ್ತಲೆ ಸತ್ತರು. ಅದರಿಂದ ಭಯಬೀತರಾದ ಶಾಪಗ್ರಸ್ತರು ಮುಂದೆ ತಮ್ಮ ಮಕ್ಕಳಿಗೆ ಈ ಶಾಪದ ಪ್ರಭಾವ ತಟ್ಟಬಾರದು ಎನ್ನುವ ಉದ್ದೇಶದಿಂದ ಕುಟುಂಬದ ಕಿರಿಯರ ಕೈಗೆ ಕತ್ತಿ ನೀಡಿ ಸತ್ತವರ ದೇಹವನ್ನ ಛಿದ್ರವಾಗಿಸಿದರು ಎನ್ನುತ್ತಾರೆ ಇತಿಹಾಸಕಾರ ಮ್ಯೂರ್. ಹೀಗೆ ಮಾಡಿದರೆ ಶಾಪದ ಪ್ರಭಾವ ಇಲ್ಲವಾಗುತ್ತದೆ ಎನ್ನುವ ನಂಬಿಕೆ ಅರೆಬಿಯಾದ ಬುಡಕಟ್ಟುಗಳಲ್ಲಿತ್ತು.



ಅದೆ ತಿಂಗಳು ಇನ್ನೊಂದು ಅತಿ ಘೋರವಾದ ಘಟನೆ ಜರುಗಿತು. ನೆಝಡ್ ಪ್ರದೇಶದಲ್ಲಿ ವಾಸಿಸುತ್ತಿದ್ದ ಬೆನ್ ಅಮೀರ್ ಹಾಗೂ ಬೆನ್ ಸುಲೈಮ್ ಬುಡಕಟ್ಟಿನವರಿಗೆ ಸಂಬಂಧಿಸಿದಂತೆ ಈ ಅಘಾತಕಾರಿ ಘಟನೆ ಜರುಗಿತು. ಅವರಿಗೆ ತಲೆಮಾರುಗಳಿಂದ ಮೆಕ್ಕಾದ ಖುರೈಷಿಗಳೊಂದಿಗೆ ವೈರತ್ವವಿತ್ತು. ಹೀಗಾಗಿ ಅವರು ಖುರೈಷಿಗಳ ಹೊಸ ವೈರಿಯಾಗಿದ್ದ ಮಹಮದನ ಸ್ನೇಹಕ್ಕಾಗಿ ಹಾತೊರೆದರು. ಅವರ ಮುಖಂಡರಾಗಿದ್ದ ಅಬು ಬೇರ್ ಹಾಗೂ ಅಮೀರ್ ಇಬ್ನ್ ಅಥ್ ತೋಪೈಲ್ ಸ್ನೇಹಾಪೇಕ್ಷೆಯಿಂದ ಮಹಮದನನ್ನು ಕಾಣಲು ಬಂದರು. ಜೊತೆಗೆ ಅವರು ಸ್ನೇಹದ ಕೊಡುಗೆಯಾಗಿ ಕೆಲವು ಒಂಟೆ ಹಾಗೂ ಕುದುರೆಗಳನ್ನೂ ಸಹ ತಂದಿದ್ದರು. ಆದರೆ ಅವರು ಕೊಡಮಾಡಿದ ಆ ಕೊಡುಗೆಗಳನ್ನಾತ ಸುತಾರಂ ಸ್ವೀಕರಿಸಲು ನಿರಾಕರಿಸಿದ. ಒಂದೊಮ್ಮೆ ಅವರು ಇಸ್ಲಾಂ ಸ್ವೀಕರಿಸಿದರೆ ಆ ಬಗ್ಗೆ ಯೋಚಿಸಬಹುದು ಎಂದು ಆತ ಉತ್ತರಿಸಿದ.



ಆದರೆ ಮಹಮದನ ಈ ಸೊಕ್ಕಿನ ನಡೆಯಿಂದ ರೋಷತಪ್ತರಾದ ಅವರು ಅದಕ್ಕೊಪ್ಪದ ಅವರು ತನ್ನ ಆಪ್ತರೊಂದಿಗೆ ಈ ಬಗ್ಗೆ ಚರ್ಚಿಸಿ ಅಂತಹ ಒಂದು ನಿರ್ಧಾರಕ್ಕೆ ಬರುವುದು ಸೂಕ್ತ ಎನ್ನುವ ಸಲಹೆಯನ್ನ ಆತನಿಗೆ ಕೊಟ್ಟರು. ಅವರಾದರೂ ಮಹಮದನಿಗೆ ಬುದ್ಧಿ ಹೇಳಿಯಾರು. ಆಗಲಾದರೂ ಆತ ಇದಕ್ಕೊಪ್ಪಿಯಾನು ಎನ್ನುವ ಆಶಾವದ ಅವರದ್ದಾಗಿತ್ತು. ಆದರೆ ತೀರಾ ಅನಾಗರೀಕರಾಗಿದ್ದ ಕಾಡು ಮನುಷ್ಯರಂತಹ ನಝಡ್ ವಾಸಿಗಳ ಕ್ರೂರ ನಡುವಳಿಕೆಗಳ ಬಗ್ಗೆ ಮಹಮದನಿಗೆ ಚೆನ್ನಾಗಿ ಅರಿವಿದ್ದರೂ, ಆತ ಅವರ ಕೋರಿಕೆಯಂತೆ ತನ್ನ ಆಪ್ತರಲ್ಲಿ ಕೆಲವರನ್ನ ಸಂಧಾನಕ್ಕಾಗಿ ಅವರ ಅಪೇಕ್ಷೆಯಂತೆಯೆ ಅಲ್ಲಿಗೆ ಕಳುಹಿಸಿಲು ಒಪ್ಪಿದ. ಆದರೆ ಅವರ ಸುರಕ್ಷತೆಯ ಬಗ್ಗೆ ಸಂಶಯ ವ್ಯಕ್ತ ಪಡಿಸಿದಾಗ ಅದರ ಜವಾಬ್ದಾರಿ ತನ್ನದೆಂದು ಅಬು ಬೇರ್ ಭಾಷೆ ಕೊಟ್ಟ.


ಅವನ ಮಾತು ನಂಬಿದ ಮಹಮದ್ ಅಬು ಅಮೀರನಿಗೊಂದು ಪತ್ರ ಬರೆಸಿ ತನ್ನವರಾದ ನಲವತ್ತು ಮಂದಿಯನ್ನ ಅವನಲ್ಲಿಗೆ ಕಳುಹಿಸಿದ. ಬೀರಮಾನ್ ಎನ್ನುವ ಮಾರ್ಗ ಮಧ್ಯದ ಸ್ಥಳವೊಂದರಲ್ಲಿ ಅವರ ತಂಡ ರಾತ್ರಿ ತಂಗಿತು. ತಮ್ಮಲ್ಲಿ ಒಬ್ಬನನ್ನು ದೂತನನ್ನಾಗಿಸಿ ಅಮೀರನಲ್ಲಿಗೆ ಆ ಮಹಮದನ ಪತ್ರವನ್ನು ಕಳುಹಿಸಿದರು. ಆದರೆ ಅದಾಗಲೆ ಮಹಮದನ ನಿಲುವಿನಿಂದ ಸಿಟ್ಟಿಗೆದ್ದಿದ್ದ ಅಮೀರ ಕನಿಷ್ಠ ಆ ಪತ್ರವನ್ನು ಒಡೆದು ನೋಡುವ ಗೋಜಿಗೂ ಹೋಗದೆ ಆ ದೂತನನ್ನು ವಧಿಸುವಂತೆ ಆಜ್ಞಾಪಿಸಿದ. ಜೊತೆಗೆ ಆ ಮದೀನದ ತಂಡದ ಎಲ್ಲಾ ಮುಸಲ್ಮಾನರನ್ನೂ ಕೊಂದೆಸೆಯಲು ಆಜ್ಞಾಪಿಸಿದ. ಅವನ ಆಜ್ಞೆಯಂತೆ ದೂತರನ್ನ ಕೊಂದದ್ದು ಹೌದಾದರೂ, ಆತನ ಹಿಂಬಾಲಕರು ತಮ್ಮ ನಾಯಕ ಅಬು ಬೇರನ ಭರವಸೆಯ ವಿರುದ್ಧವಾಗಿ ಇಂತಹ ಹೀನ ಕೃತ್ಯವನ್ನೆಸಗಲು ಒಪ್ಪಲಿಲ್ಲ. ಆ ಆಜ್ಞೆಯನ್ನವರು ಧಿಕ್ಕರಿಸಿದರು. ಆಗ ಅನಿವಾರ್ಯವಾಗಿ ಅಮೀರ ಅಬು ಸಲೈಮ್ ಎಂಬಾತನ ನೆರವು ಕೋರಿದ. ಆತ ಬದರ್ ಯುದ್ಧದಲ್ಲಿ ಮಹಮದನ ಯೋಧರಿಂದ ಅಪಾರ ಪ್ರಮಾಣದಲ್ಲಿ ನಷ್ಟವನ್ನುಂಡವನಾಗಿದ್ದರಿಂದ ರೋಷದಿಂದಲೆ ಇದಕ್ಕೆ ಸಮ್ಮತಿಸಿದ.



ಮಹಮದನ ನಲವತ್ತು ಬಂಟರ ಮೇಲೂ ರಾತ್ರೋ ರಾತ್ರಿ ಮುಗಿಬಿದ್ದ ಅಬು ಸಲೈಮ್ ಪ್ರಯಾಣದ ಆಯಾಸದಿಂದ ದಣಿದು ಮಲಗಿದ್ದವರಲ್ಲಿ ಕೇವಲ ಇಬ್ಬರನ್ನ ಬಿಟ್ಟು ಉಳಿದವರೆಲ್ಲರ ರುಂಡವನ್ನ ಚೆಂಡಾಡಿದ. ಈ ಹತ್ಯಾಕಾಂಡದ ವಿಷಯ ಅರಿವಾದ ಕೂಡಲೆ ಮಹಮದನ ಮನಸ್ಸು ವ್ಯಗ್ರಗೊಂಡಿತು.



( ಇನ್ನೂ ಇದೆ.)

30 October 2015

ವಲಿ - ೧೯








ತಮ್ಮೆಡೆಗೆ ಖುರೈಷಿಗಳ ಪಡೆ ಸಾಗಿ ಬರುತ್ತಿದ್ದಂತೆ ಇತ್ತ ಮಹಮದ್ ತನ್ನ ಪ್ರಾರ್ಥನಾ ವಿಧಿಗಳನ್ನ ಪೂರೈಸಿ ತಾನೂ ಸಮರ ಸನ್ನದ್ಧನಾದ. ಅರಬ್ ಬುಡಕಟ್ಟಿನ ಯುದ್ಧ ನೀತಿ ಹಾಗೂ ಸಂಪ್ರದಾಯಕ್ಕೆ ಅನುಗುಣವಾಗಿ ದ್ವಂದ್ವ ಯುದ್ಧ ಪರಸ್ಪರ ಇಬ್ಬಿಬ್ಬರ ನಡುವೆ ಆರಂಭಗೊಂಡಿತು. ಖುರೈಷಿಗಳ ಸೇನಾನಾಯಕನಾದ ಥಲ್ಲಾ ಮೊದಲು ಪಡೆಯ ಮುಂದೆ ಸಾರಿ ಜೋರಾಗಿ ರಣ ಕಹಳೆಯನ್ನು ಊದಿದ. ಇದು ಯುದ್ಧಾರಂಭದ ಮುನ್ಸೂಚನೆಯಾಗಿತ್ತು. ಅವನ ರಣಕಹಳೆಯ ಧ್ವನಿ ಇನ್ನೂ ಅಡಗಿರಲಿಲ್ಲ ಒಮ್ಮೆಗೆ ಮುನ್ನುಗ್ಗಿದ ಅಲಿ ಅವನ ಹುಟ್ಟನ್ನೆ ಕತ್ತು ಕಡಿದು ಒಮ್ಮೆಗೆ ಅಡಗಿಸಿ ಬಿಟ್ಟ.


ಆಗ ಖುರೈಷಿಗಳ ಪಡೆಯಿಂದ ಇನ್ನೊಬ್ಬ ಯುವಕ ಒತ್ತೆಮನ್ ಮುಂದೆ ಕಣದತ್ತ ಧುಮುಕಿದ. ಅವನನ್ನ ಎದುರಿಸುವ ಆವೇಶ ಹಂಝಾನಲ್ಲಿ ಉಕ್ಕಿ ಬಂತು. ಹಂಝಾನ ವೀರಾವೇಶದೆದುರು ಒತ್ತೆಮನ್ನನ ಯಾವುದೆ ಆಟ ನಡೆಯಲಿಲ್ಲ. ನೋಡು ನೋಡುತ್ತಿದ್ದಂತೆ ಒತ್ತೆಮನ್, ಥಲ್ಲಾ, ಥಲ್ಲಾನ ಇಬ್ಬರು ಸಹೋದರರು ಹಾಗೂ ಮೂವರು ಮಕ್ಕಳು ಈ ದ್ವಂದ್ವ ಹೋರಾಟದಲ್ಲಿ ನೆಲ ಕಚ್ಚಿದರಷ್ಟೇ ಅಲ್ಲ ಕೊನೆಯುಸಿರನ್ನೂ ಸಹ ಎಳೆದರು.


ಇದನ್ನ ನೋಡುತ್ತಲೆ ಸಾಂಪ್ರದಾಯಿಕವಾದ ಕ್ರಮಕ್ಕೆ ಜೋತು ಬಿದ್ದು ಹೀಗೆ ಸೈನ್ಯದ ವೀರರನ್ನೆಲ್ಲಾ ಕಳೆದುಕೊಳ್ಳುವುದಕ್ಕಿಂತಾ ಒಮ್ಮೆಗೆ ಪಡೆಗೆ ಪಡೆಯೆ ಮುನ್ನುಗ್ಗಿ ವೈರಿ ಸೈನ್ಯವನ್ನು ಹೊಸಕಿ ಹಾಕಬಹುದಲ್ಲ! ಎನ್ನುವ ವಿವೇಕದ ಅರಿವು ಖುರೈಷಿ ಪಾಳಯಕ್ಕೆ ಮೂಡಿತು. ಅದರಂತೆಯೆ ಯುದ್ಧ ನೀತಿಯನ್ನ ಬದಲಿಸಿ ಕಾದಾಟ ಆರಂಭಿಸಲಾಯಿತು. ಪೂರ್ಣ ಪ್ರಮಾಣದ ಸಮರ ಕಳೆಗಟ್ಟಿತು. ಖುರೈಷಿಗಳ ನಾಯಕನಾಗಿದ್ದ ಖಾಲಿದ್ ಅತ್ಯಂತ ತ್ವರಿತವಾಗಿ ತಾಳ್ಮ ಹಾಗೂ ಅತಿ ಜಾಣ್ಮೆಯಿಂದ ಮಹಮದನ ನೇತೃತ್ವದ ದಳವನ್ನು ಸುತ್ತುವರೆದು ಮಹಮದನ ಹಿಂಭಾಗದಿಂದ ಘೇರಾಯಿಸಿದ. ಈ ಅನಿರೀಕ್ಷಿತವಾದ ತಮ್ಮವರಿದ್ದ ದಿಕ್ಕಿನಿಂದಲೆ ಎರಗಿಬಂದ ಮಾರಾಣಾಂತಿಕ ಹೊಡೆತವನ್ನ ತಾಳಲಾರದೆ ಮಹಮದನ ಮೆಚ್ಚಿನ ಬಂಟ ಮಸೂದ್ ಅಸುನೀಗಿದ.



ಅಬು ಸಫ್ಯಾನನ ಮಡದಿ ಪ್ರತಿಕಾರ ತಪ್ತೆ ಹಿಂದ್ ನೇಮಿಸಿದ್ದ ಯೋಧ ವಹೀಶ್ ತನ್ನ ಉದ್ದದ್ದ ಭಲ್ಲೆಯಿಂದ ಬೀಸಿ ಹೊಡೆದು ಹಂಝಾನನ್ನು ಕುದುರೆಯಿಂದ ಕೆಳಗೆ ಕೆಡವಿದ. ಅವನು ತನಗೆ ಹಿಂದ್ ಹಣ ಪಾವತಿಸಿ ವಹಿಸಿದ್ದ ಜವಾಬ್ದಾರಿಯನ್ನು ಯಶಸ್ವಿಯಾಗಿ ಪೂರೈಸಿದ್ದ. ಅವಳ ಪ್ರತಿಕಾರ ಈಗ ಬಹುಮಟ್ಟಿಗೆ ತೀರುವ ಹಂತಕ್ಕೆ ಬಂದಿತ್ತು. ಎಲ್ಲೆಲ್ಲೂ ವಿರೋಧವನ್ನೆದುರಿಸಿದ ಮಹಮದನ ಪಡೆ ಶತ್ರುಗಳ ಹೊಡೆತದ ಭೀಕರತೆ ಸಹಿಸಲಾರದೆ ಸಹಜವಾಗಿ ಹಿಮ್ಮೆಟ್ಟಿತು. ಸಿಕ್ಕ ಸಿಕ್ಕ ಹಾದಿಬೀದಿ ಹಿಡಿದು ಮುಸಲ್ಮಾನ ಯೋಧರು ಬೆಟ್ಟ ಕಣಿವೆ ಕಳ್ಳು ಬಿದ್ದು ಓಡ ತೊಡಗಿದರು. ಒಂದು ಎತ್ತರದ ಸ್ಥಳದಲ್ಲಿ ಹತಾಶನಾಗಿ ನಿಂತು ಇದನ್ನೆಲ್ಲ ವೀಕ್ಷಿಸುತ್ತಿದ್ದ ಸೇನಾನಾಯಕ ಮಹಮದ್ ಅತಿ ಚಾಣಾಕ್ಷತನದಿಂದ ಹಾಗೂ ಸಮಯಾವಧಾನದಿಂದ ಖಾಲಿದ್ ತನ್ನೆಡೆಗೆ ಮಾಡಿದ ಆಕ್ರಮಣದಿಂದ ಕೂದಲೆಳೆಯ ಅಂತರದಿಂದ ಪಾರಾದ.


ಅದರ ಅರಿವಿಲ್ಲದ ಖಾಲಿದ್ ಮರಳಿ ಅಲ್ಲೆ ಅವನ ಸುತ್ತಲೆ ಕೊಂಚ ಸಮಯ ಅಲೆದಾಡಿದರೂ ಬೋರಲು ಬಿದ್ದಂತೆ ನಟಿಸುತ್ತಿದ್ದ ಮಹಮದನ ಮುಖ ಕಾಣದೆ ಅಲ್ಲಿಂದ ಕಾಲ್ತೆಗೆದ ಕಾರಣ ಈತ ಜೀವ ಉಳಿಸಿಕೊಂಡ. ಖಾಲಿದ್ ಅತ್ತ ಸಾಗುತ್ತಲೆ ಎದ್ದ ಮಹಮದ್ ಹಿಮ್ಮೆಟ್ಟಿ ಕಂಗಾಲಾಗಿ ಓಡುತ್ತಿದ್ದ ಮುಸಲ್ಮಾನ ಯೋಧರನ್ನ ಕೂಗಿ ಕೂಗಿ ಕರೆಯುತ್ತಾ "ಎಲ್ಲಿಗೆ ಹೋಗುತ್ತೀರಿ! ಎಲ್ಲಿಗೆ ಹೋಗುತ್ತೀರಿ! ಓಡದಿರಿ ವಾಪಾಸ್ಸು ಬನ್ನಿ!! ನಾನು ದೇವರ ಪ್ರವಾದಿ!!!" ಎಂದು ಹುರಿದುಂಬಿಸುವಂತೆ ಚೀರಾಡತೊಡಗಿದ. ಆದರೆ ಪ್ರವಾದಿಯ ಕರೆಗೆ ಹೆದರಿ ಓಡುತ್ತಿದ್ದ ಯಾರೂ ಕವಡೆ ಕಾಸಿನ ಕಿಮ್ಮತ್ತನ್ನೂ ಕೊಡಲಿಲ್ಲ! ಸದ್ಯಕ್ಕೆ ಅವರೆಲ್ಲರಿಗೆ ತಮ್ಮ ಪ್ರಾಣ ಉಳಿಸಿಕೊಳ್ಳುವುದಷ್ಟೇ ಮುಖ್ಯವಾಗಿತ್ತು. ಹೀಗಾಗಿ ಉಸಿರು ಬಿಟ್ಟು ಅಲ್ಲಿಂದ ಎಲ್ಲರೂ ನಿಟ್ಟೋಟ ಹೂಡಿದರು.


ಇತ್ತ ಈ ಪ್ರಹಸನ ನಡೆಯುತ್ತಿದ್ದಂತೆ ಖುರೈಷಿಗಳ ಒಂದು ಪಡೆ ಮಹಮದನತ್ತ ನುಗ್ಗಿ ಬಂತು. ಆತನ ಸುರಕ್ಷತೆಗೆ ಸುತ್ತುವರೆದಿದ್ದ ಕೆಲವು ಮುಸಲ್ಮಾನ ಯೋಧರ ಮೇಲೆ ಬಾಣಗಳ ಸುರಿಮಳೆಗೈಯಲಾಯಿತು. ಖುರೈಷಿ ಯೋಧನಾದ ಇಬ್ನ್ ಕಮಿಯಾ ಮುನ್ನುಗ್ಗಿ ಬಂದು ಮಹಮದನೂ ಸೇರಿದಂತೆ ಅವರೆಲ್ಲರಿಗೂ ತನ್ನ ಖಡ್ಗದ ಹೊಡೆತದ ರುಚಿ ತೋರಿಸಿದ. ಮಹಮದನಿಗೂ ಹಣೆ ಹಾಗೂ ಕೆನ್ನೆಯ ಮೇಲೆ ಮಾರಾಣಾಂತಿಕ ಹೊಡೆತಗಳು ಬಿದ್ದವು. ಆತ ತನ್ನ ಕುದುರೆಯಿಂದ ಕೆಳಗುರುಳಿದ.


ಆತ ಹಾಗೆ ಕೆಳಗೆ ಬಿದ್ದರೂ ಸಹ ಮಿಸುಗಾಡದಿರುವುದನ್ನ ಕಂಡ ಇಬ್ನ್ ಕಮಿಯಾ ಸಂತೋಷದಿಂದ ಮಹಮದ್ ಸತ್ತನೆಂದು ದೊಡ್ಡ ಧ್ವನಿಯಲ್ಲಿ ಘೋಷಿಸಿದ. ತನ್ನ ಸಂಬಂಧಿಕರಿಗೆಲ್ಲಾ ಕೂಗುತ್ತಾ ಈ ಸುದ್ದಿ ಸಾರಿದ. ಖುರೈಷಿಗಳ ಉದ್ದೇಶ ಸಫಲವಾದಂತಾಗಿತ್ತು. ಹೀಗಾಗಿ ಯುದ್ಧದ ರಂಗು ಸಹಜವಾಗಿ ಬದಲಾಯಿತು. ಮಹಮದನೆ ಸತ್ತ ಮೇಲೆ ಮದೀನಾದತ್ತ ನುಗ್ಗಿ ಅದನ್ನ ದೋಚುವತ್ತ ಅವರಿಗ್ಯಾರಿಗೂ ಆಸಕ್ತಿ ಉಳಿಯಲಿಲ್ಲ. ಹೀಗಾಗಿ ಅವರು ಮದೀನಾವನ್ನು ಸೂರೆ ಹೊಡೆಯಲಿಲ್ಲ. ಇತ್ತ ಗಾಯಗೊಂಡ ಮಹಮದನನ್ನು ಎತ್ತಿಕೊಂಡ ಅವನ ಬೆಂಬಲಿಗರು ಯುದ್ಧರಂಗದಿಂದ ಕಾಲ್ಕಿತ್ತರು.


ಮಹಮದನ ಸಂಗಡಿರರು ಆತನನ್ನ ಇತರ ಗಾಯಾಳು ಸೈನಿಕರನ್ನೂ ಸಹ ಉಪಚರಿಸುತ್ತಿದ್ದ ಬೆಟ್ಟದ ಇನ್ನೊಂದು ಭಾಗಕ್ಕೆ ಕೊಂಡೊಯ್ದರು. ಅಲ್ಲಿ ಶುದ್ಧ ನೀರಿನಲ್ಲಿ ಅವನ ಕೆನ್ನೆ ಹಾಗೂ ಹಣೆಗಾಗಿದ್ದ ರಕ್ತ ಗಾಯವನ್ನು ತೊಳೆದು ತೆಗೆಯಲಾಯಿತು. ಆತ ವಿಪರೀತ ನಿತ್ರಾಣನೂ ಹತಾಶನೂ ಆಗಿದ್ದ. ಈ ಉಪಚಾರ ನಡೆಯುತ್ತಿರುವಾಗಲೆ "ದೇವರ ಪ್ರವಾದಿಯನ್ನು ಹೀಗೆ ನಡೆಸಿಕೊಂಡ ಅಧರ್ಮಿಗಳು ಅದು ಹೇಗೆ ತಾನೆ ಉದ್ಧಾರವಾದಾರು? ಪ್ರವಾದಿಯ ಮುಖವನ್ನು ಅವನ ರಕ್ತದಿಂದ ತೋಯ್ದ ಆ ಕೈಗಳು ನರಕದ ಬೆಂಕಿಯಲ್ಲಿ ಸುಡಲಿ, ಅವರ ಪಾಪಾತ್ಮಗಳನ್ನ ದೇವರ ಕ್ರೋಧಾಗ್ನಿ ದಹಿಸಲಿ!" ಎಂದು ಶಪಿಸಿದ ಎನ್ನುತ್ತಾರೆ ತಮ್ಮ 'ದ ಲೈಫ್ ಆಫ್ ಮಹಮದ್' ಕೃತಿಯ ಪುಟ ಸಂಖ್ಯೆ ಇನ್ನೂರಾ ಅರವತ್ತೆರಡರಲ್ಲಿ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್.



ಇತ್ತ ಯುದ್ಧ ಭೂಮಿಯಲ್ಲಿ ಮಹಮದನ ಶವಕ್ಕಾಗಿ ಖುರೈಷಿಗಳು ಜಾಲಾಡುತ್ತಿದ್ದರು. ಅದವರಿಗೆ ದೊರಕದೆ ಹೋದಾಗ ಸಹಜವಾಗಿ ಅವನ ಇನ್ನಿಲ್ಲವಾಗುವಿಕೆ ಸಂಶಯವಾಗಿ ಉಳಿಯಿತವರಿಗೆ. ಈ ಸಿಟ್ಟಿನಲ್ಲಿಯೆ ಸತ್ತವರ ಶವಗಳನ್ನ ಬರ್ಬರವಾಗಿ ಛಿದ್ರಗೊಳಿಸುತ್ತಾ ಸಾಗಿದರವರು. ಹಿಂದ್ ಪೂರ್ತ ಸ್ವಯ ಕಳೆದುಕೊಂಡಂತಾಗಿದ್ದಳು. ಹಂಝಾನ ಶವವನ್ನ ಹಿತ್ತು ಎಳೆದಾಡಿ ಚಿಂದಿ ಮಾಡಿ ಸುಖಿಸಿದಳು. ಸಾಲದ್ದಕ್ಕೆ ಆತನ ಯಕೃತ್ತನ್ನ ಹಸಿ ಹಸಿಯಾಗಿಯೆ ಕಿತ್ತು ಚೀಪಿ ತನ್ನ ಘನ ಘೋರ ಪ್ರತಿಜ್ಞೆಯನ್ನು ಪೂರೈಸಿಕೊಂಡಳು! ಶವದ ಬೆರಳು ಹಾಗೂ ಚರ್ಮಗಳನ್ನ ಕಿತ್ತು ತನ್ನ ತೋಳಬಂಧಿಯಂತೆ ಕಟ್ಟಿಕೊಂಡಳು. ಆ ಕ್ಷಣದಲ್ಲಿ ಅವಳ ವಿವೇಕ ಪೂರ್ತಿ ಇನ್ನಿಲ್ಲವಾಗಿತ್ತು.



ಖುರೈಷಿ ನಾಯಕ ಅಬು ಸಫ್ಯಾನ್ ಹಾಗೂ ಓಹಾದ್ ಬೆಟ್ಟದ ಬುಡದಲ್ಲಿ ನಿಂತು ಮಹಮದ್, ಅಬು ಬಕರ್ ಹಾಗೂ ಓಮರ್'ನ ಹೆಸರನ್ನ ಕೂಗಿ ಕರೆದರೂ ಕೇವಲ ತಮ್ಮದೆ ಕಂಠ ಪ್ರತಿಧ್ವನಿಸಿತಲ್ಲದೆ ಅವರ್ಯಾರಿಂದಲೂ ಯಾವುದೆ ಪ್ರತಿಕ್ರಿಯೆ ಕೇಳಿ ಬರಲಿಲ್ಲ. ಯಾವ ಮಾರುತ್ತರವನ್ನೂ ಕಾಣದೆ ಅವರೆಲ್ಲಾ ಸತ್ತರೆಂದು ಅಬು ಸಫ್ಯಾನ್ ತನ್ನ ಪಡೆಗಳಿಗೆ ಸಾರಿದ. ಆದರೆ ಆದ ಈ ಅವಮಾನವನ್ನ ತಾಳಿಕೊಳ್ಳುವ ತಾಳ್ಮೆ ಇಲ್ಲದ ಓಮರ್ ಇನ್ನೊಂದು ದಿಕ್ಕಿನಿಂದ "ನಾವ್ಯಾರೂ ಸತ್ತಿಲ್ಲ!, ನಮ್ಮನ್ನು ಕೊಲ್ಲಲು ನಿಮ್ಮಿಂದ ಸಾಧ್ಯವೂ ಇಲ್ಲ!" ಎಂದು ಮಾರುತ್ತರಿಸಿದ. ಆಗ ಅಬು ಸಫ್ಯಾನ್ ಹೌಹಾರಿ "ಹೌದಾ! ಸರಿ ಅದನ್ನ ಇದೆ ಯುದ್ಧ ಕಣದಲ್ಲಿ ಇದೆ ದಿನ ಮುಂದಿನ ವರ್ಷ ಸಂಧಿಸಿ ನಿರ್ಧರಿಸೋಣ?!" ಎಂದು ಪ್ರತಿಕ್ರಿಯಿಸಿದ. ಗೆದ್ದ ಖುರೈಷಿ ಸೈನ್ಯ ಯುದ್ಧವನ್ನ ಅಲ್ಲಿಗೆ ಮೊಟಕುಗೊಳಿಸಿ ಮೆಕ್ಕಾದತ್ತ ಪ್ರಯಾಣ ಆರಂಭಿಸಿದರು.



ಅವರ ನಿರ್ಗಮನವನ್ನು ಖಚಿತ ಪಡಿಸಿಕೊಂಡ ನಂತರ ಮಹಮದ್ ಹಾಗೂ ಸಂಗಡಿಗರು ಬೆಟ್ಟವನ್ನ ಇಳಿದು ಕೆಳಗೆ ಬಂದರು. ಅವರ ಸೋತ ಪಡೆ ಮದೀನಾಕ್ಕೆ ಮರಳಿತು. ಆದರೆ ಈ ಹೊತ್ತಿಗೆ ಖುರೈಷಿಗಳ ಗೆಲುವಿನ ಸುದ್ದಿ ಮದೀನಾ ಮುಟ್ಟಿ ಮೆಕ್ಕಾದ ಈ ವಿಜಯಿ ಪಡೆ ಒಂದು ವೇಳೆ ನಮ್ಮ ನಗರದ ಮೇಲೆ ಧಾಳಿಯಿಟ್ಟರೆ ಗತಿಯೇನು? ಎಂದು ಮದೀನಾ ನಿವಾಸಿಗಳೆಲ್ಲಾ ಆತಂಕಿತರಾಗಿದ್ದರು. ಮೆಕ್ಕಾದ ಸೇನೆ ಮರಳಿದ ಸುದ್ದಿ ಕೇಳಿದ ಅವರಿಗೆ ಅದರ ಬಗ್ಗೆ ಸಂಶಯ ಉಳಿದಿತ್ತಾದರೂ ಆತಂಕದ ನಡುವೆಯೂ ಅವರು ತುಸು ನೆಮ್ಮದಿ ಪಟ್ಟರು.


ಇಡಿ ರಾತ್ರಿ ಮಸೀದಿಯ ಬಳಿ ಹೆಂಗಸರ ರೋಧನೆ ನಡೆದಿತ್ತು. ಅದರ ಅನುರಣದ ಹಿನ್ನೆಲೆಯಲ್ಲಿ ಇರುಳಿಡಿ ಮಹಮದನೂ ಮಲಗಲಾರದೆ ಒದ್ದಾಡಿದ. ಬೆಳಗ್ಯೆ ಮಸೀದಿ ಪ್ರವೇಶಿಸುವಾಗ, ಅದ್ಯಾರು ರಾತ್ರಿ ಹಾಗೆ ರೋಧಿಸುತ್ತಿದ್ದುದು? ಎಂದು ವಿಚಾರಿಸಿದಾಗ ಹಂಝಾನ ಸಾವಿನ ಹಿನ್ನೆಲೆಯಲ್ಲಿ ಹೆಂಗೆಳೆಯರು ಹೀಗೆ ರೋಧಿಸಿದ್ದರು ಎಂದು ತಿಳಿದು ಬಂತು. ಅವರನ್ನು ಸಂತೈಸಿದ ಮಹಮದ್ ಮನೆಗೆ ಸಾಗ ಹಾಕಿದ. ಅಂದಿನಿಂದ ಮುಸಲ್ಮಾನ ಪ್ರಪಂಚದ ಸಂಪ್ರದಾಯಗಳಿಗೆ ಇದೊಂದು ಹೊಸ ಸೇರ್ಪಡೆಯಾಯಿತು ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ. ಕ್ರಮೇಣ ಯಾವ ಮುಸಲ್ಮಾನ ಸತ್ತರೂ ಸಹ ಮೊತ್ತಮೊದಲಿಗೆ ಹಂಝಾನ ಸ್ಮರಣಾರ್ಥ ರೋಧಿಸಿ ಅನಂತರ ಸತ್ತವರ ಸಂತಾಪ ಸೂಚಕವಾಗಿ ಅಳುವ ಕ್ರಮ ಜಾರಿಯಲ್ಲಿದೆ.



ಮದೀನಾದಲ್ಲಿ ಆವರಿಸಿದ್ದ ಆತಂಕ ಹಾಗೂ ತನ್ನೊಳಗೆ ಮಡುಗಟ್ಟಿದ್ದ ಪ್ರತಿಕಾರದ ಬೆಂಕಿಯನ್ನ ತಣಿಸುವ ಸಲುವಾಗಿ ಮಹಮದ್ ಮೆಕ್ಕಾದ ಖುರೈಷಿಗಳನ್ನ ಬೆನ್ನಟ್ಟುವ ನಿರ್ಧಾರಕ್ಕೆ ಬಂದ. ಇದಕ್ಕಾಗಿ ಆತ ಕೇವಲ ತನ್ನವರಲ್ಲದೆ ಇನ್ನಿತರ ಮದೀನಾ ವಾಸಿಗಳ ಸಹಾಯವನ್ನೂ ಸಹ ಅಪೇಕ್ಷಿಸಿದ. ಗಾಯಗೊಂಡು ಘಾಸಿಯಾಗಿದ್ದರೂ ಸಹ ಆತನೆ ಮುಂದಾಳತ್ವ ವಹಿಸಿಕೊಂಡು ಕುದುರೆಯೇರಿದ. ತನ್ನ ಸಂಗಡಿಗರೊಂದಿಗೆ ಆತ ಹೋಗುವಾಗ ದಾರಿಯಲ್ಲಿ ಹಮ್ರಾ ಅಲ್ ಅಸದ್ ಎನ್ನುವ ಸ್ಥಳದಲ್ಲಿ ಎರಡು ಮೃತ ದೇಹಗಳು ಕಾಣಸಿಕ್ಕವು. ಅವರಿಬ್ಬರೂ ಖುರೈಷಿಗಳ ಚಲನ ವಲನದ ಮೇಲೆ ಕಣ್ಣಿಡಲು ಕಳುಹಿಸಲಾಗಿದ್ದ ಮಹಮದನ ಗೂಢಚರರಾಗಿದ್ದರು. ಅವರ ಬಗ್ಗೆ ಸಂಶಯಗೊಂಡ ಖುರೈಷಿಗಳು ಅವರಿಬ್ಬರನ್ನೂ ಸೆರೆ ಹಿಡಿದು ಬರ್ಬರವಾಗಿ ಕೊಂದೆಸೆದು ಹೋಗಿದ್ದರು. ಸೈನ್ಯ ಆ ಸ್ಥಳದಲ್ಲಿ ಭರ್ಜರಿ ಖರ್ಜೂರದ ತೋಟಗಳನ್ನ ಕಂಡರು. ಸುಸ್ತಾಗಿದ್ದ ಅವರಿಗೆಲ್ಲಾ ಅದರ ಸೇವನೆ ತೃಪ್ತಿ ತಂದಿತು. ಎರಡು ಮೂರು ದಿನಗಳವರೆಗೆ ಅಲ್ಲಿಯೇ ಬೀಡು ಬಿಟ್ಟ ಮಹಮದನ ಸೇನೆ ತನ್ನ ಆರಂಭ ಶೂರತ್ವವನ್ನ ಅಲ್ಲಿಯೆ ಕೈಬಿಟ್ಟು ಮದೀನದತ್ತ ಮರಳಿತು.


ಹಮ್ರಾ ಅಲ್ ಅಸದ್'ನಲ್ಲಿ ಮಹ್ಮದನಿಗೂ ಒಬ್ಬ ವೈರಿ ಸೆರೆ ಸಿಕ್ಕಿದ. ಅಬು ಅಝಾ ಎನ್ನುವ ಆತ ಒಬ್ಬ ಉತ್ತಮ ಕವಿಯಾಗಿದ್ದ. ಬದರ್ ಯುದ್ಧದಲ್ಲಿ ಸೆರೆಯಾಗಿದ್ದರೂ ಅವನನ್ನ ಮಹಮದ್ ಕ್ಷಮಿಸಿ ಬಿಡುಗಡೆ ಮಾಡಿದ್ದ. ತನಗೆ ಐವರು ಪುತ್ರಿಯರಿದ್ದಾರೆಂದು ಅಂಗಲಾಚಿದ್ದಾಗ ಇನ್ನು ಮುಂದೆ ತನ್ನ ವಿರುದ್ಧ ಸೆಣೆಸ ಕೂಡದು ಎನ್ನುವ ಶರತ್ತನ್ನ ವಿಧಿಸಿ ಮಹಮದ್ ಕವಿ ಅಝಾನನ್ನು ಬಿಟ್ಟು ಕಳಿಸಿದ್ದ. ಆದರೆ ಈ ಬಾರಿ ಆತನ ನಸೀಬು ಸಂಪೂರ್ಣ ಕೆಟ್ಟಿತ್ತು. ಆತನ ಯಾವುದೆ ಆರ್ತ ಮನವಿಗೂ ಮನ್ನಣೆ ನೀಡದ ಮಹಮದ್ ಆತನ ತಲೆ ಕಡಿಯಲು ಆಜ್ಞಾಪಿಸಿದ.


ಅದೇ ಬಗೆಯಲ್ಲಿ ದುರ್ದೆಸೆ ತಂದುಕೊಂಡವ ಮತ್ತೊಬ್ಬ ಖುರೈಷಿ ಯೋಧ ಮುಆವಿಯಾ ಎಂಬಾತ. ಆತ ಮೆಕ್ಕಾಗೆ ಮರಳುವ ಹಾದಿಯಲ್ಲಿ ದಿಕ್ಕು ತಪ್ಪಿ ಮದೀನಾ ಬಂದು ತಲುಪಿದ್ದ! ಆತ ಮೂರು ದಿನಗಳ ಕಾಲ ಮಹಮದನ ಅಳಿಯ ಒತ್ತಮನ್ ಮನೆಯಲ್ಲಿ ಆಶ್ರಯ ಪಡೆದಿದ್ದ. ನಾಲ್ಕನೆ ದಿನ ಮರಳಿ ಮೆಕ್ಕಾದ ಹಾದಿ ಹಿಡಿಯುವಾಗ ಮಹಮದ ಕೈಗೆ ಸಿಕ್ಕಿ ಬಿದ್ದ. ಆತನ ಈ ವಿಸ್ತರಿಸಿದ ಮದೀನಾ ವಾಸದ ಕಥೆ ಕೇಳಿ ಕ್ರೋಧಿತನಾದ ಮಹಮದ್ ಆತನ ತಲೆ ಕಡಿಯಲು ಆಜ್ಞಾಪಿಸಿದ.


ಓಹೋದ್ ರಣರಂಗದಲ್ಲಿ ಮಡಿದ ಮುಸಲ್ಮಾನರ ಬಗ್ಗೆ ಮಹಮದ್ ಉದಾತ್ತವಾಗಿ ನುಡಿದು ಅವರೆಲ್ಲರ ಗುಣಗಾನ ಮಾಡಿದ. ಅವರೆಲ್ಲರೂ ಹುತಾತ್ಮರಾಗಿ ಸವ್ರಗ ಸೇರಿದ್ದು ಅಲ್ಲಿ ದೇವರ ಪ್ರೀತಿಯ ಕಟಾಕ್ಷಕ್ಕೆ ಪಾತ್ರರಾಗಿದ್ದಾರೆ ಎಂದು ಮಹಮದ್ ಸಾರಿದ. ಖುರ್ಹಾನಿನ ಸುರಾಗಳ ಮೂಲಕ ಓಹೋದ್ ಯುದ್ಧ ನಂತರದ ದೈವ ಸಂದೇಶಗಳನ್ನವನು ಸಾರಿದ. ಸುರಾ ೩/೧೪೪೪, ೩/೧೨೧-೧೮೦ರಲ್ಲಿ ನಾವಿದನ್ನ ಕಾಣಬಹುದು.



( ಇನ್ನೂ ಇದೆ.)