29 October 2015

ವಲಿ - ೧೮







ಕ್ರಿಸ್ತಶಕ ೬೨೪ರ ಮೇ ತಿಂಗಳಿನಲ್ಲಿ ಮಹಮದ್ ಕೆಲವು ಸಣ್ಣಪುಟ್ಟ ಕಾದಾಟಗಳಲ್ಲಿ ಭಾಗವಹಿಸಿದ. ಆದರೆ ಅದರಲ್ಲಿ ಯಾವುವೂ ಸಫಲವಾಗದೆ ಲಾಭದ ಚಿಕ್ಕಾಸು ಸಹ ಹುಟ್ಟಲಿಲ್ಲ. ಖರಝ್'ರಟ್ ಅಲ್ ಖುದರ್'ನ ಬಯಲಿನಲ್ಲಿ ಅರೇಬಿಯಾದ ಪ್ರಬಲ ಘಟಾಫನ್ ಬುಡಕಟ್ಟಿನ ಯೋಧರು ಜಮಾಯಿಸಿರುವ ಸಂಗತಿ ತಿಳಿದು ತನ್ನ ಯುದ್ಧಾಸಕ್ತ ಪಡೆಯನ್ನು ಕರೆದುಕೊಂಡು ಕಾಲು ಕೆರೆದುಕೊಂಡು ಜಗಳ ತೆಗೆಯಲು ಅಲ್ಲಿಗೂ ಮಹಮದ್ ಧಾವಿಸಿದ. ಆದರವರು ಅಲ್ಲಿರಲಿಲ್ಲ. ಅವರು ಮೇಯಲು ಬಿಟ್ಟಿದ್ದ ಐನೂರು ಒಂಟೆಗಳು ಹಾಗೂ ಅವನ್ನ ಕಾಯುತ್ತಿದ್ದ ತರುಗಾಹಿ ಹುಡುಗರನ್ನಷ್ಟೆ ಹೊತ್ತು ಮದೀನಾಕ್ಕೆ ಹಿಂದಿರುಗಬೇಕಾಯಿತು.


ಅದಾಗಿ ಒಂದು ತಿಂಗಳ ನಂತರ ಮುಸಲ್ಮಾನ ಪಡೆ ಸುಲೈಮ್ ಹಾಗೂ ಬಹ್ರಾನ್ ಬುಡಕಟ್ಟಿನವರ ಮೇಲೆ ಧಾಳಿ ಸಂಘಟಿಸಿತು. ಆದರೆ ಯುದ್ಧ ಮಾಡುವಷ್ಟು ಆರ್ಥಿಕ ಚೈತನ್ಯವಿಲ್ಲದ ಆ ಎರಡೂ ಅಲೆಮಾರಿ ಬುಡಕಟ್ಟಿನವರು ಅದರ ಸೂಚನೆಯನ್ನು ಮೊದಲೆ ಅರಿತಿದ್ದು ಬೆಟ್ಟ ಗುಡ್ಡಗಳಲ್ಲಿ ತಲೆ ತಪ್ಪಿಸಿಕೊಂಡು ಪ್ರಾಣ ಉಳಿಸಿಕೊಂಡರು. ಮೆಕ್ಕಾದ ಖುರೈಷಿಗಳಿಗೆ ಮಾತ್ರ ಆಗಾಗ ಕಿವಿಮುಟ್ಟುತ್ತಿದ್ದ ಮಹಮದನ ಇಂತಹ ಆಕ್ರಮಣದ ಸುದ್ದಿಗಳು ಮುಂದೊಮ್ಮೆ ತಮ್ಮ ಮೇಲೆ ಎರಗಬಹುದಾದ ಬೃಹತ್ ವಿಪತ್ತಿನ ರಂಗ ತಾಲೀಮಿನಂತೆ ಭಾಸವಾಗಿ ಅವರಲ್ಲಿ ಆತಂಕ ಮೂಡತೊಡಗಿತು.


ಅಲ್ಲದೆ ಅರೇಬಿಯಾದ ಪಶ್ಚಿಮ ತೀರಕ್ಕೆ ಸಾಗಬೇಕಾಗಿದ್ದ, ಅಲ್ಲಿಂದ ಹೊರದೇಶಗಳ ಗಡಿ ದಾಟಿ ಅಲ್ಲಿಗೆ ರಫ್ತಾಗಬೇಕಿದ್ದ ಅವರ ಕ್ಯಾರವಾನುಗಳಿಗೆಲ್ಲಾ ಹೆದ್ದಾರಿಯ ಮೇಲೆ ಹದ್ದಿನ ಕಣ್ಣಿಟ್ಟಿದ್ದ ಮಹಮದನ ಪಡೆಯ ದೆಸೆಯಿಂದ ಕಂಟಕ ಒದಗಿ ಬಂದಿತ್ತು. ಮದೀನಾಕ್ಕೆ ಸಮೀಪದಲ್ಲಿಯೆ ಸುಳಿದು ಹೋಗ ಬೇಕಾದ ಕ್ಯಾರವಾನುಗಳ ಸುರಕ್ಷತೆ ಹಾಗೂ ತಮ್ಮ ವ್ಯಾಪಾರಿ ಹಿತಾಸಕ್ತಿಗಳ ಕುರಿತು ಅವರೆಲ್ಲಾ ಚಿಂತಿತರಾದರು. ಈ ಸಂಕಟದಿಂದ ಪಾರಾಗಲು ಪೂರ್ವದಿಕ್ಕಿನಿಂದ ಇರಾಖ್ ಮಾರ್ಗವಾಗಿ ಸಾಗಲು ಸಾಧ್ಯವಿದ್ದಿತ್ತಾದರೂ ಮಾರ್ಗ ಮಧ್ಯೆ ವಿಪರೀತ ನೀರಿನ ಕೊರತೆ ಇದ್ದು ಅದು ಕಾರ್ಯ ಸಾಧುವಾಗಿರಲಿಲ್ಲ. ಆದರೂ ಅನಿವಾರ್ಯವಾಗಿ ಅದೆ ದಾರಿಯಲ್ಲಿ ಸಾಗಲು ಅವರು ನಿರ್ಧರಿಸಿ ಅದಕ್ಕಾಗಿ ಜೊತೆಯಲ್ಲಿ ನೀರಿನ ಚರ್ಮದ ಚೀಲಗಳನ್ನ ಹೊತ್ತ ಪ್ರತ್ಯೇಕ ಒಂಟೆಗಳನ್ನ ಕೊಂಡೊಯ್ಯಲು ನಿರ್ಧರಿಸಿದರು. ದಾರಿಯ ಪರಿಚಯ ಅಷ್ಟಾಗಿ ಇಲ್ಲದ್ದರಿಂದ ಆ ದಾರಿಯಾಗಿ ಹೋಗಿ ಬಂದು ದಾರಿಯ ಬಗ್ಗೆ ಅರಿತಿದ್ದ ಒಬ್ಬ ಅರಬ್ಬಿ ಮಾರ್ಗದರ್ಶಿಯನ್ನವರು ಹೊಸತಾಗಿ ನೇಮಿಸಿಕೊಂಡರು.

ಖುರೈಷಿಗಳ ಈ ಉಪಾಯ ಗೂಢಚರರ ಮೂಲಕ ಮಹಮದನ ಕಿವಿ ಮುಟ್ಟಲು ಹೆಚ್ಚು ಸಮಯ ತಗುಲಲಿಲ್ಲ. ಕೂಡಲೆ ಆತ ಕಾರ್ಯಪ್ರವರ್ತನಾದ. ಅವರು ಚಾಪೆ ಕೆಳಗೆ ನುಸುಳಿದರೆ ತಾನು ರಂಗೋಲಿ ಕೆಳಗೆಯೆ ನುಸುಳಲು ಆತ ನಿರ್ಧರಿಸಿದ. ತನ್ನ ನೆಚ್ಚಿನ ಬಂಟ ಝೈದ್'ನನ್ನು ಈ ಕ್ಯಾರವಾನ್ ಮೇಲೆ ಧಾಳಿ ಎಸಗಲು ನೇಮಿಸಿ ಪಡೆಯೊಂದನ್ನು ಅವನೊಂದಿಗೆ ಪೂರ್ವದ ದಾರಿಯತ್ತ ಕಳಿಸಿದ. ನೂರು ಯೋಧರನ್ನ ಹೊಂದಿದ್ದ ಝೈದ್'ನ ಈ ಪಡೆ ಕ್ಯಾರವಾನ್ ಸಾಗುವ ಹಾದಿಯಲ್ಲಿ ಹೊಂಚು ಹಾಕಿ ಕಾದಿದ್ದು ನಿಖರವಾದ ಧಾಳಿ ಸಂಘಟಿಸಿ ಯಶಸ್ವಿಯಾಗಿ ಕೊಳ್ಳೆ ಹೊಡೆದು ಲೂಟಿ ಮಾಡಿದ ಸ್ವತ್ತುಗಳೊಂದಿಗೆ ಕ್ಯಾರವನ್ನನ್ನೆ ಮದೀನದತ್ತ ತಿರುಗಿಸಿತು. ಖುರೈಷಿಗಳು ಓಡಿ ತಪ್ಪಿಸಿಕೊಂಡರಾದರೂ ಅವರ ಸ್ವತ್ತುಗಳೆಲ್ಲಾ ಮುಸಲ್ಮಾನರ ಪಾಲಾಗಿದ್ದವು. ಅಪಾರ ಪ್ರಮಾಣದ ಚಿನ್ನ, ಬೆಳ್ಳಿ, ವಸ್ತ್ರಗಳು, ಉಣ್ಣೆ ವಸ್ತುಗಳೊಂದಿಗೆ ಇನ್ನೂ ಅನೇಕ ಬೆಲೆ ಬಾಳುವ ಸ್ವತ್ತುಗಳನ್ನ ವಶಪಡಿಸಿಕೊಳ್ಳಲಾಗಿತ್ತು. ವಾಡಿಕೆಯಂತೆ ಅದರಲ್ಲಿ ಐದನೆ ಒಂದು ಭಾಗವನ್ನ ದೇವರ ಹಾಗೂ ದೇವರ ಪ್ರವಾದಿಯ ಪಾಲಿನ ಹೆಸರಿನಲ್ಲಿ ಮೀಸಲಿರಿಸಿ ಉಳಿದದ್ದನ್ನ ಆ ನೂರು ಮಂದಿಯೂ ಸರಿಸಮವಾಗಿ ಹಂಚಿಕೊಂಡರು. ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ತನ್ನ "ಲೈಫ್ ಆಫ್ ಮಹಮದ್" ಕೃತಿಯಲ್ಲಿ ಹೇಳುವ ಪ್ರಕಾರ ಅದು ಅತ್ಯಂತ ಹೆಚ್ಚು ಸಿರಿಯನ್ನ ಕೊಳ್ಳೆ ಹೊಡೆಯಲಾಗಿದ್ದ ಮೊತ್ತ ಮೊದಲ ಪ್ರಕರಣವಾಗಿತ್ತು.



ಮುಂದೆ ಸದ್ಯದ ಭವಿಷ್ಯದಲ್ಲಿ ಮಹಮದ್ ಯಾವುದೆ ದೊಡ್ಡ ಧಾಳಿಗಳನ್ನ ಸಂಘಟಿಸುವತ್ತ ಆಸಕ್ತಿ ತೋರಿಸಲಿಲ್ಲ. ಮುಸಲ್ಮಾನರ ಈ ಧಾಳಿಯ ದೆಸೆಯಿಂದ ಅವರೆಲ್ಲರ ಬಾಳ್ವೆಯಲ್ಲಿ ಚೂರು ಗೆಲುವು ಕಂಡಿತ್ತು. ಆರ್ಥಿಕವಾಗಿ ಅವರ ಬದುಕು ಸುಧಾರಣೆಯ ಹಾದಿಗೆ ಬಂದಿತ್ತು. ಹೀಗಾಗಿ ಅಂತಹ ಲೂಟಿಗೆ ಸದ್ಯೋಭವಿಷ್ಯದಲ್ಲಿ ಇಳಿಯುವ ಅಗತ್ಯ ಅವನಿಗೆ ಕಂಡು ಬರಲಿಲ್ಲ. ಆದರೆ ಈ ಹೊತ್ತಿನಲ್ಲಿ ಮಹಮದ್ ಒಂದು ಭೀಭತ್ಸವಾದ ಹಾಗೂ ಕರುಣಾಜನಕವಾದ ಕ್ರೌರ್ಯಪೂರಿತ ಕೃತ್ಯವನ್ನು ನಡೆಸಿದ. ಕಾಅಬ್ ಇಬ್ನ ಅಶ್ರಫ್ ಎನ್ನುವ ಬೆನ್ ಅನ್ ನದೀರ್ ಯಹೂದಿ ಬುಡಕಟ್ಟಿಗೆ ಸೇರಿದ್ದ ಯುವಕನೊಬ್ಬನ ದುಸ್ಥಿತಿಯ ಕಥೆಯನ್ನ ಇತಿಹಾಸಕಾರ ಅಲ್ ಮುಬಾರಖಿ ಇಲ್ಲಿ ಉಲ್ಲೇಖಿಸುತ್ತಾನೆ. ಆತ ಒಬ್ಬ ಉತ್ತಮ ಕವಿಯಾಗಿದ್ದ ನವ ಮತಾಂತರಿತ ಮುಸಲ್ಮಾನನಾಗಿದ್ದರೂ ಅವನಿಗೆ ಮಹಮದನ ಬಗ್ಗೆ ಅಂತಹ ಸದಾಭಿಪ್ರಾಯವೇನೂ ಇದ್ದಿರಲಿಲ್ಲ. ಮೊದಲು ಮಹಮದನ ನಿಷ್ಠಾವಂತನೆ ಆಗಿದ್ದರೂ ಸಹ ಯಾವಾಗ ಜುರೇಸಲಂನಿಂದ ಮೆಕ್ಕಾದ ಕಡೆಗೆ ಪ್ರಾರ್ಥನೆಯ ದಿಕ್ಕನ್ನ ಬದಲಿಸಲು ಮಹಮದ್ ಆಜ್ಞೆ ನೀಡಿದ್ದನೋ, ಅಂದಿನಿಂದ ಅವನ ಮನಸ್ಸು ಮುರಿದುಹೋಗಿತ್ತು. ಈ ಕರ್ಮಕ್ಕೆ ನಾನ್ಯಾಕೆ ಜಾತಿ ಕೆಡೆಸಿಕೊಂಡು ಕುಲದಿಂದ ಹೊರಗೆ ಹಾಕಿಸಿ ಕೊಳ್ಳಬೇಕಾಗಿತ್ತು? ಎಂದಾತ ಪರಿತಪಿಸಿದ. ಮತಾಂತರವಾದದ್ದಕ್ಕೆ ವ್ಯಥೆಪಟ್ಟ ಆತ ತನ್ನೆಲ್ಲಾ ಸಂಕಟಗಳನ್ನು ಕವನಗಳ ಮೂಲಕ ವ್ಯಕ್ತ ಪಡಿಸಿ ಅವುಗಳನ್ನ ತನ್ನ ಸುಶ್ರಾವ್ಯ ಕಂಠದಲ್ಲಿ ಹಾಡ ತೊಡಗಿದ.



ತಾನು ಮಹಮದನ ಕಣ್ಣು ತಪ್ಪಿಸಿ ಮೆಕ್ಕಾಗೆ ತೆರಳಿ ಅಲ್ಲಿ ಖುರೈಷಿಗಳನ್ನ ಮಹಮದನ ಮೇಲೆ ಯುದ್ಧಕ್ಕಾಗಿ ಪ್ರಚೋದಿಸುವಂತೆ ಹಾಡಿದ. ಗೋಳಿಟ್ಟು ರೋಧಿಸಿದ. ಒಟ್ಟಿನಲ್ಲಿ ಅವರನ್ನು ಮಹಮದನ ವಿರುದ್ಧ ಪ್ರತಿಕಾರ ತೆಗೆದುಕೊಳ್ಳಲು ಉದ್ರೇಕಿಸುವಂತೆ ಹಾಡಿಯೇ ಹಾಡಿದ. ಅಲ್ಲಿಂದ ಮರಳಿ ಧೈರ್ಯವಾಗಿಯೆ ಮದೀನಾಕ್ಕೂ ಬಂದ. ತನ್ನ ಕವಿತ್ವದ ಎಲ್ಲೆಯನ್ನ ಇನ್ನಷ್ಟು ವಿಸ್ತರಿಸಿ ಮುಸಲ್ಮಾನ ಮಹಿಳೆಯರ ದೇಹ ಸೌದರ್ಯವನ್ನೂ ಬಗೆಬಗೆಯಲ್ಲಿ ಬಣ್ಣಿಸಿ ಕವನ ರಚಿಸಿದ. ನವ ಧರ್ಮಾಚರಣೆಯನ್ನ ಬೇಕಂತಲೆ ಕೈ ಬಿಟ್ಟ. ಒಟ್ಟಿನಲ್ಲಿ ಫಕೀರನಂತೆ ತನ್ನ ನೀತಿ ನಿಯಮಗಳಿಗೆ ಬದ್ಧನಾಗಿ ಬಾಳಲು ಆರಂಭಿಸಿದ ಆತ ಮಹಮದನ ಪಾಲಿಗೆ ಮಾತ್ರ ದೊಡ್ಡ ತಲೆ ನೋವಾಗಿ ಬಿಟ್ಟ.



ಇದರಿಂದ ರೊಚ್ಚಿಗೆದ್ದ ಮಹಮದ್ ಇವನನ್ನು ಹೀಗೆ ಮುಂದುವರೆಯಲು ಬಿಡದೆ ಮೊಳಕೆಯಲ್ಲಿಯೆ ಚಿವುಟಿ ಹಾಕಲು ನಿರ್ಧರಿಸಿದ. ಹೀಗೆಯೆ ಬಿಟ್ಟರೆ ತನಗೂ ತನ್ನ ನೂತನ ಧರ್ಮಕ್ಕೂ ಕಂಟಕ ಕಾದಿದೆ ಅಂತನಿಸಿತವನಿಗೆ. ಹೀಗಾಗಿ ಅವನ ಮನೋಭಿಲಾಷೆಯಂತೆ ಒಬ್ಬ ಹಂತಕನನ್ನು ಈ ಕವಿಯನ್ನು ಕೊಲ್ಲಲು ನೇಮಕ ಮಾಡಲಾಯಿತು. ಕಾಕತಾಳೀಯವೆಂಬಂತೆ ಮುಸ್ಲಾಮನೆಂಬುವವನ ಮಗನಾಗಿದ್ದ ಆತನ ಹೆಸರೂ ಸಹ ಮಹಮದನೆಂದೆ ಇತ್ತು! ಆತ ತನ್ನ ನಾಲ್ಕು ಅನುಚರರನ್ನ ಕಟ್ಟಿಕೊಂಡು ಕವಿ ಕಾಅಬನ ಮನೆಯತ್ತ ಹೊರಟ. ವಿಚಿತ್ರ ಗಮನಿಸಿ ಕೊಲ್ಲ ಹೊರಟವನ ಹಾಗೂ ಕೊಲ್ಲ ಕಳಿಸಿದವನ ಹೆಸರು "ಮಹಮದ್" ಹಾಗೂ ಅವರು ಕೊಲ್ಲಲು ಹೊರಟ ವ್ಯಕ್ತಿಯ ಹೆಸರು "ಕಾಅಬ್"!. ಇದು ಮುಂದೊಂದು ದಿನ ನಡೆಯುವ ಐತಿಹಾಸಿಕ ಕಾಬಾ ಸ್ವಾಧೀನದ ಪ್ರಾತ್ಯಕ್ಷಿಕೆಯಂತೆಯೆ ಅನ್ನಿಸುತ್ತದೆ.


ಮೊದಲು ಕಾಅಬ್'ನ ಮಲ ಸಹೋದರ ನೈಲಾನನ್ನವರು ಸರಿಯಾಗಿ 'ವಿಚಾರಿಸಿ'ಕೊಂಡರು. ಅವನನ್ನ ಮುಂದೆ ಬಿಟ್ಟು ಅವನ ಮೂಲಕವೆ ಕಾಅಬ್'ನನ್ನು ಮನೆಯಿಂದ ಹೊರಗೆ ಕರೆಸಿ ತಕ್ಕ ಶಾಸ್ತಿ ಮಾಡುವುದು ಅವರ ಉಪಾಯವಾಗಿತ್ತು. ಅದರಂತೆಯೆ ಸುಸೂತ್ರವಾಗಿ ಉಪಾಯವನ್ನ ಜಾರಿಗೆ ತಂದು ಕಾಅಬ್'ನ ತಲೆಯನ್ನ ಕಡಿದು ಮಹಮದನ ಸನ್ನಿಧಿಗೆ ಅದನ್ನ ಒಪ್ಪಿಸಿ ವಿನೀತರಾಗಿ ನಿಂತರು. ಕಾಅಬ್ ಸಂಪಾದಿಸಿದ್ದ ಆಸ್ತಿಯೆಲ್ಲಾ ಈ ಕೃತ್ಯದ ಮೂಲಕ ನೈಲಾನ ಪಾಲಾಗಿತ್ತು. ಆದರೆ ಈ ಬಗೆಯಲ್ಲಿ ಬೆನ್ನಿಗೆ ಚೂರಿ ಹಾಕಿ ಕಾಅಬ್ ಸಂಪಾದನೆಯನ್ನೆಲ್ಲಾ ಈ ನೈಲಾ ದೋಚಿದ್ದು ಕಾಅಬ್'ನ ಸ್ವಂತ ಸಹೋದರ ಮುಹೈಸಾನಿಗೆ ಸರಿ ಎನ್ನಿಸಲಿಲ್ಲ. ಅದರ ಕುರಿತು ಆಕ್ಷೇಪವನ್ನಾತ ಮಾಡಿದಾಗ ನೈಲಾ "ಮಹಮದನೇನಾದರೂ ಕಾಅಬನ ಬದಲು ನಿನ್ನನ್ನು ಕೊಲ್ಲಲು ತಿಳಿಸಿದ್ದರೂ ಸಹ ನಾನು ಹಿಂಜರಿಯದೆ ಅದನ್ನೆ ಮಾಡುತ್ತಿದ್ದೆ!" ಎಂದಾಗ ಅವನಿಗೆ ದಿಗ್ಭ್ರಮೆಯಾಯಿತು. ಪರಮ ಪುಕ್ಕಲನಾಗಿದ್ದ ಆತ 'ನಿನ್ನ ಹೊಸ ಧರ್ಮದ ಕಥೆ ಇಲ್ಲಿಗೆ ಬಂದು ನಿಂತಿದೆಯ? ಹಾಗಿದ್ದರೆ ಇದೊಂದು ಅದ್ಭುತ ಧರ್ಮವೆ ಸರಿ!" ಅಂದವನೆ ಶರತ್ತಿಲ್ಲದೆ ಮಹಮದನ ಮುಂದೆ ಸಾಗಿ ತಾನೂ ಇಸ್ಲಾಂ ಸ್ವೀಕರಿಸಿದ ಎನ್ನುತ್ತಾರೆ ತಮ್ಮ "ದ ಲೈಫ್ ಆಫ್ ಮಹಮದ್' ಕೃತಿಯ ಇನ್ನೂರಾ ನಲವತ್ತೊಂಬತ್ತನೆಯ ಪುಟದಲ್ಲಿ ಸರ್ ವಿಲಿಯಂ ಮ್ಯೂರ್.


ಯಹೂದಿಗಳು ಕಾಲ ಕ್ರಮೇಣ ಮಹಮದನ ಆಕ್ರಮಣಕಾರಿ ಮನೋಭಾವ ಹಾಗೂ ನಡೆ-ನುಡಿಗಳಿಂದ ಜೀವ ಭಯ ಸಾರುವ ಅನೇಕ ಸಂದರ್ಭಗಳನ್ನು ಎದುರಿಸಬೇಕಾಯಿತು. ಪದೆ ಪದೆ ಮುಸಲ್ಮಾನರಿಂದ ತಮ್ಮ ಬುಡಕಟ್ಟುಗಳ ಮೇಲಾಗುತ್ತಿದ್ದ ಹಿಂಸಾಚಾರಗಳಿಂದ ಅವರೆಲ್ಲಾ ತಲ್ಲಣಿಸಿದರು. ಹೀಗಾಗಿ ಇರುಳಿನ ವೇಳೆ ತಮ್ಮ ಮನೆ ಮಠಗಳಿಂದ ಹೊರ ಬರಲೆ ಅವರೆಲ್ಲಾ ಹೆದರುವಂತಾಯಿತು. ಅಸ್ಮಾ ಹಾಗೂ ಕಾಅಬ್'ನಿಗಾದ ಗತಿ ತಮಗೂ ಬಂದರೂ ಬರ ಬಹುದು ಎನ್ನುವ ಭಯದ ವಾತಾವರಣ ಅವರ ವಸತಿಯನ್ನ ಆಕ್ರಮಿಸಿತು. ಹೀಗಾಗಿ ಇದಕ್ಕೊಂದು ತಡೆ ಒಡ್ದಲು ನಿರ್ಧರಿಸಿದ ಅವರೆಲ್ಲ ನಿಯೋಗ ಒಂದನ್ನು ಕಟ್ಟಿಕೊಂಡು ಮಹಮದನನ್ನು ಭೇಟಿಯಾಗಿ "ಹಿಂದೆ ಮಾಡಿಕೊಂಡಿದ್ದ ಶಾಂತಿ ಒಪ್ಪಂದವನ್ನು ಮುರಿದ್ದಾದರೂ ಏಕೆ? ತಮ್ಮವರಲ್ಲೊಬ್ಬನಾಗಿದ್ದ ಕಾಅಬ್'ನನ್ನು ವ್ಯಥಾ ಹತ್ಯೆ ಮಾಡಬೇಕಿತ್ತೆ?" ಎಂದು ಪ್ರಶ್ನಿಸಿದರು. ಅದಕ್ಕೆ ಮಹಮದ್ "ನನ್ನ ಮೇಲೆ ಕೆಟ್ಟ ಕೆಟ್ಟದಾಗಿ ಇಲ್ಲ ಸಲ್ಲದ್ದನೆಲ್ಲಾ ಕವನವಾಗಿ ರಚಿಸಿ ಹಾಡಿದ್ದಕ್ಕೆ ಕಾಆಬ್'ನನ್ನು ಕೊಲ್ಲಬೇಕಾಯಿತು. ಇನ್ಯಾರಾದರೂ ಅಂತಹ ಧ್ರಾಷ್ಟ್ಯಕ್ಕೆ ಇಳಿದರೆ ಅವರಿಗೂ ಮುಲಾಜಿಲ್ಲದೆ ಅದೆಶಿಕ್ಷೆ ವಿಧಿಸುವುವೆ" ಎಂದು ಉತ್ತರಿಸಿದ. ಅದೆ ಹೊತ್ತಿನಲ್ಲಿ ಕೆಲವು ಶರತ್ತುಗಳೊಡನೆ ಅವರೆಲ್ಲರೊಂದಿಗೆ ಹೊಸ ಶಾಂತಿ ಒಪ್ಪಂದವನ್ನೇನ್ನೋ ಆತ ಏರ್ಪಡಿಸಿಕೊಂಡ ಆದರೆ ಇದರಿಂದ ಯಾಹೂದಿ ಬುಡಕಟ್ಟುಗಳಲ್ಲಿ ನೆಲೆಸಿದ್ದ ಅಭದ್ರತೆ ಹಾಗೂ ಆತಂಕದ ವಾತಾವರಣ ಕರಗಲಿಲ್ಲ.


ಕ್ರಿಸ್ತಶಕ ೬೨೪ರ ನವೆಂಬರ್ ತಿಂಗಳಿನಲ್ಲಿ ಮಹಮದ್ ಮೂರನೆ ಬಾರಿ ಲಗ್ನವಾದ, ಓಮರ್'ನ ಮಗಳು ಹಫ್ಸಾ ಆತನ ನೂತನ ಮಡದಿಯಾಗಿ ಮನೆ ತುಂಬಿದಳು. ವಾಸ್ತವವಾಗಿ ಇಪ್ಪತ್ತು ವರ್ಷ ಪ್ರಾಯದ ಅವಳಿಗೂ ಇದು ಎರಡನೆ ವಿವಾಹವಾಗಿತ್ತು. ಅದೂವರೆಗೂ ಆಕೆ ಖೋನಿಸ್ ಎಂಬಾತನ ವಿಧವೆಯಾಗಿದ್ದಳು. ಖಾಯಿಲೆಯಿಂದ ನರಳಿದ್ದ ಖೋನಿಸ್ ಏಳು ತಿಂಗಳ ಹಿಂದೆ ತೀರಿ ಹೋಗಿದ್ದ. ಈ ಮದುವೆಯ ಕಾರಣ ಅಬು ಬಕರನಂತೆ ಓಮರ್ ಕೂಡಾ ಮಹಮದನ ಆಪ್ತ ವಲಯಕ್ಕೆ ಸೇರಿ ಹೋದ. ಅದಾದ ನಂತರ ಮೊದಲ ಪತ್ನಿ ಖತೀಜಾಳಿಂದ ತಾನು ಪಡೆದಿದ್ದ ಹದಿನೆಂಟು ವರ್ಷದ ಮಗಳು ಫಾತಿಮಾಳನ್ನು ತನ್ನ ದೊಡ್ಡಪ್ಪ ಅಬು ತಾಲೀಬನ ಮಗ ಅಲಿಗೆ ಕೊಟ್ಟು ಮಹಮದ್ ವಿವಾಹ ನಡೆಸಿದ. ಇತಿಹಾಸಕಾರ ಮ್ಯೂರ್ ಬಣ್ಣಿಸುವಂತೆ ಅಲಿ ಒಬ್ಬ "ಸರಳ ಸಾಧು ಹಾಗು ಆಕಾಂಕ್ಷೆಗಳಿಲ್ಲದ" ವ್ಯಕ್ತಿಯಾಗಿದ್ದ. ಮುಂದಿನ ಎರಡು ವರ್ಷಗಳಲ್ಲಿ ಆಕೆ ಎರಡು ಗಂಡು ಮಕ್ಕಳನ್ನು ಹೆತ್ತು ಮಹಮದನ ವಂಶವನ್ನು ಬೆಳೆಸಿದಳು. ಇಸ್ಲಾಮಿನ ಚರಿತ್ರಾರ್ಹ ವ್ಯಕ್ತಿಗಳಾದ 'ಹಸನ್' ಹಾಗೂ 'ಹುಸೈನ್' ಈ ಅಲಿ ಹಾಗೂ ಫಾತಿಮಾ ದಂಪತಿಗಳ ಸುಪುತ್ರರು. ಇವರದ್ದೆ ಸೈಯದ್ ವಂಶವಾಗಿ ಮುಂದೆ ಖ್ಯಾತವಾಯಿತು. ಇವರ ಅನುಯಾಯಿಗಳನ್ನೆ ಇಂದು ಶಿಯಾ ಪಂಥೀಯರು ಎಂದು ಗುರುತಿಸಲಾಗುತ್ತದೆ.


ಕ್ರಿಸ್ತಶಕ ೬೨೫ರಲ್ಲಿ ಮದೀನಾಕ್ಕೆ ವಲಸೆ ಬಂದು ಮಹಮದ್ ಮೂರು ವರ್ಷಗಳನ್ನ ಕಳೆದಾಗಿತ್ತು. ಈಗ ಆತನ ಮೇಲೆ ಖುರೈಷಿ ಪಡೆಗಳ ಪ್ರತಿಕಾರದ ಕಣ್ಣು ಮತ್ತೊಮ್ಮೆ ಬಿತ್ತು. ತಮ್ಮೊಳಗೆ ಯುದ್ಧ ನಿಷ್ಕರ್ಷಿಸಿ ಸ್ಥಳಿಯ ಬೆಂದ್'ನಿ ಬುಡಕಟ್ಟಿನವರೊಂದಿಗೂ ಯುದ್ಧ ಸಂಧಿ ಮಾಡಿಕೊಂಡ ಅವರು ಮೂರು ಸಾವಿರ ಯೋಧರ ಭರ್ಜರಿ ಪಡೆಯನ್ನೆ ಕಟ್ಟಿ ಒಂದು ದೊಡ್ಡ ಕದನದ ಸಿದ್ಧತೆಯಲ್ಲಿಯೆ ಗಂಭೀರವಾಗಿ ತೊಡಗಿದರು. ಹೀಗೆ ಸಿದ್ಧವಾಗಿ ಹೊರಟ ಖುರೈಷಿಗಳ ಪಡೆಯಲ್ಲಿ ಕೇವಲ ಪುರುಷರಷ್ಟೆ ಇಲ್ಲದೆ ಮುಖಂಡ ಅಬು ಸಫ್ಯಾನನ ಇಬ್ಬರು ಹೆಂಡಿರೂ ಸಹ ಹೊರಟಿದ್ದರು. ಹಿಂದ್ ತನ್ನ ತಂದೆಯನ್ನ ಬದರಿನಲ್ಲಿ ಕೊಂದ ಹಂಝಾನ ಹುಟ್ಟಡಗಿಸಲು ಕಾತರಳಾಗಿದ್ದು ಅದಕ್ಕಾಗಿ ಪ್ರತ್ಯೇಕವಾಗಿ ಒಬ್ಬ ಯೋಧನನ್ನು ನೇಮಿಸಿಕೊಂಡಿದ್ದಳು.



ಇವಳಿಂದ ಸ್ಪೂರ್ತಿ ಪಡೆದ ಇನ್ನೂ ಕೆಲವು ಖುರೈಷಿ ಹೆಂಗಸರು ಅವಳ ಮೇಲ್ಪಂಕ್ತಿಯನ್ನು ಅನುಸರಿಸಿ ಪಡೆಯನ್ನ ಹಿಂಬಾಲಿಸಿದರು. ನಗಾರಿ ಬಾರಿಸಿ, ವೀರ ಗೀತೆ ಹಾಡಿ, ಆಶ್ವಾಸನಾ ಪೂರಿತ ವಿಜಯದ ರಣ ಕಹಳೆಯನ್ನ ಮೊಳಗಿಸುತ್ತಾ ಅವರೆಲ್ಲಾ ಯೋಧರನ್ನ ಹುರಿದುಂಬಿಸಿದರು. ಮುಂದೆ ಕದನದಲ್ಲಿ ಗಾಯಗೊಂಡವರ ದೈಹಿಕ ಉಪಚಾರಗಳನ್ನೂ ಈ ಎಲ್ಲಾ ಮಹಿಳಾ ಮಣಿಗಳು ಯುದ್ಧಭೂಮಿಯಲ್ಲಿ ಮಾಡಿದರು. ಬಟ್ಟೆ ಬರೆ ಹೊಲೆದರು. ಅಡುಗೆ ಮಾಡಿ ಬಡಿಸಿದರು. ಗಾಯಾಳುಗಳನ್ನು ಶುಶ್ರೂಷೆ ಮಾಡಿದರು. ಕೆಳ ಬಿದ್ದ ಖುರೈಷಿ ಧ್ವಜವನ್ನ ಎತ್ತಿ ಕಟ್ಟಿದರು. ಹಿಮ್ಮೆಟ್ಟಿ ಹಿಂದೋಡುತ್ತಿದ್ದ ಸೈನಿಕರನ್ನ ಹುರಿದುಂಬಿಸಿ ಮತ್ತೆ ರಣಾಂಗಣಕ್ಕೆ ಅಟ್ಟಿದರು.



ಪಶ್ಚಿಮದ ಸಮುದ್ರ ತೀರದ ಹೆದ್ದಾರಿ ಬಳಸಿ ಸಾಗಿದ ಮೆಕ್ಕಾದ ಈ ಖುರೈಷಿಗಳ ಬೃಹತ್ ಸೈನ್ಯ ಮದೀನಾ ಹೊರ ವಲಯ ಓಹೋದ್ ಎಂಬ ವಿಶಾಲವಾದ ಬಯಲಿನಲ್ಲಿ ಬೀಡು ಬಿಟ್ಟಿತ್ತು. ಅದಕ್ಕಾಗಿ ಅವರು ಹತ್ತು ದಿನಗಳ ಪ್ರಯಾಣ ಮಾಡಿ ದಣಿದಿದ್ದರು. ಬೆಟ್ಟ ಗುಡ್ಡಗಳಿಂದ ಮದೀನಾದ ದಿಕ್ಕಿನತ್ತ ಆಕ್ರಮಣ ಎಸಗುವುದು ಅಷ್ಟು ಸುಲಭದ ಮಾತಾಗಿರಲಿಲ್ಲ. ಇತ್ತ ಪಶ್ಚಿಮಕ್ಕೆ ಸಿರಿಯಾ ದೇಶಕ್ಕೆ ಸಾಗುವ ಹೆದ್ದಾರಿಯಿದ್ದು ಅಲ್ಲಿಗೂ ಯುದ್ಧವನ್ನ ವಿಸ್ತರಿಸಿದಲ್ಲಿ ಜನನಿಬಿಡವಾಗಿದ್ದ ಆ ಪ್ರದೇಶ ಆತಂಕಕಾರಿಯಾಗಿ ಬದಲಾಗುವ ಸಾಧ್ಯತೆ ಇತ್ತು. ಹೀಗಾಗಿ ಹೇಗಾದರೂ ಸರಿ ಮಹಮದನ ಸೈನ್ಯವನ್ನೆ ಉಪಾಯದಿಂದ ಇಲ್ಲಿಗೆ ಎಳೆದು ತಂದು ಹೋರಾಡಿದಲ್ಲಿ ವಿಜಯ ನಮಗೆ ಕಟ್ಟಿಟ್ಟ ಬುತ್ತಿ ಎಂದು ಅವರೆಲ್ಲಾ ಎಣಿಕೆ ಹಾಕಿದರು.


ಇತ್ತ ಇವರ ಲಗ್ಗೆಯ ಸುದ್ದಿ ಅರಿತ ಮಹಮದ್ ತನ್ನ ಹಿತೈಷಿಗಳೊಂದಿಗೆ ಯುದ್ಧದ ಸಾಧ್ಯಾಸಾಧ್ಯತೆಗಳನ್ನ ಸಮಾಲೋಚಿಸಿದ. ಅವರೆಲ್ಲರ ಅಭಿಪ್ರಾಯ ಒಮ್ಮತದಿಂದ ಕೂಡಿತ್ತು. ನಾವು ನಗರದೊಳಗಡೆಯೆ ಇದ್ದು ಕಾದಾಡುವುದು ಕ್ಷೇಮ. ಒಂದುವೇಳೆ ಖುರೈಷಿಗಳೇನಾದರೂ ಇಲ್ಲಿಗೆ ದಾಳಿ ಇಟ್ಟರೆ ಸುಲಭವಾಗಿ ಅವರನ್ನ ಮಣಿಸಬಹುದು ಎಂದರು ಅವರೆಲ್ಲಾ. ರಕ್ಷಣೆಯ ದೃಷ್ಟಿಯಿಂದ ಇದು ನಿಜವೂ ಆಗಿತ್ತು. ಅಲ್ಲದೆ ಅಸಂಖ್ಯವಾಗಿರುವಂತೆ ಕಾಣಿಸುವ ಅವರ ಬೆನ್ನಟ್ಟಿ ಹೋದಲ್ಲಿ ನಷ್ಟ ನಮಗೆ ಹೊರತು ಅವರಿಗಲ್ಲ ಎನ್ನುವ ಹಿತನುಡಿಯನ್ನೂ ಕೆಲವರು ಹೇಳಿದರು. ಆದರೆ ಅವರ ಈ ನಿಲುವು ಕೆಲವು ಯುವಕರಿಗೆ ಸರಿಬರಲಿಲ್ಲ. ಹಾಗೊಂದು ವೇಳೆ ಶತ್ರುವನ್ನ ನಾವೆ ಹೇಡಿಗಳಂತೆ ಕಾದು ಕುಳಿತುಕೊಂಡರೆ ಇಡಿ ಅರೇಬಿಯಾವೆ ತಮ್ಮನ್ನ ಹೀಯ್ಯಾಳಿಸಿಕೊಂಡು ಗಹಗಹಿಸುತ್ತದೆ ಎಂದವರು ಮಹಮದನಿಗೆ ಎಚ್ಚರಿಸಿದರು. ಜೊತೆಗೆ ಇದರಿಂದ ವೈರಿಗಳ ಹುಮ್ಮಸ್ಸು ಗರಿಗೆದರಿ ತಮ್ಮ ಮೇಲೆ ಇನ್ನೂ ಹೆಚ್ಚಿನ ಶೌರ್ಯದಿಂದ ಎರಗಿ ಆಕ್ರಮಿಸಿ ಅಪರಿಮಿತ ಹಿಂಸೆಗೆ ಗುರಿ ಮಾಡಬಹುದು ಎಂದವರು ಅಭಿಪ್ರಾಯ ಪಟ್ಟರು. ಅವರ ಅಭಿಪ್ರಾಯವನ್ನು ಮನ್ನಿಸಿದ ಮಹಮದ್ ಸ್ವತಃ ತಾನೆ ಶಸ್ತ್ರಾಸ್ತ್ರ ಹಿಡಿದು ಪಡೆಯನ್ನ ಹುರಿದುಂಬಿಸುತ್ತಾ ಓಹೋದ್'ನ ಹಾದಿ ಹಿಡಿದ.




ಬದಲಾದ ತನ್ನ ನಿಲುವಿನ ಅನುಸಾರ ಆತ ಅಬ್ದುಲ್ಲಾನ ಯಹೂದಿ ಪಡೆಯ ಸಹಕಾರವನ್ನು ನಿರಾಕರಿಸಿದ. ಯಾರು ತನ್ನ ಮತ ಸ್ವೀಕರಿಸಲಿಲ್ಲವೋ, ನನ್ನ ಮತಭಾಂಧವರಾಗಿಲ್ಲವೋ ಅಂತವರ ಸಹಾಯದಿಂದ ಅವಿಶ್ವಾಸಿಗಳ ಮೇಲೆ ಹೋರಾಡುವುದು ಬೇಕಾಗಿಲ್ಲ ಎಂದಾತ ಸ್ಪಷ್ಟವಾಗಿ ತಿಳಿಸಿದ. ಇತ್ತ ಯುದ್ಧರಂಗದಲ್ಲಿ ಮುಸಲ್ಮಾನರ ಹಾಗೂ ಖುರೈಷಿಗಳ ಪಡೆಗಳು ಬೀಡು ಬಿಟ್ಟ ಸ್ಥಳದ ಮಧ್ಯೆ ಇದ್ದ ಒಂದು ಬೆಟ್ಟ ಅವೆರಡನ್ನೂ ನೈಸರ್ಗಿಕವಾಗಿ ಬೇರ್ಪಡಿಸಿದ್ದವು. ಮಾರನೆ ದಿನ ಖುರೈಷಿ ಪಡೆ ಬೆಟ್ಟಗುಡ್ದಗಳಿಂದ ಆವರಿಸಿದ್ದ ನಡುವಿನ ಕಣಿವೆಗಳಲ್ಲಿ ಸಾಗಿತು. ಓಹೋದ್ ಹಾಗೂ ಮದೀನಾದ ನಡುವಿನ ಅಂತರ ಕೇವಲ ಮೂರು ಮೈಲಿಯದ್ದಾಗಿತ್ತು. ಅದು ಇಳಿಜಾರಾಗಿದ್ದ ಒಂದು ಬೆಟ್ಟ ಆವೃತ್ತ ಪ್ರದೇಶವಾಗಿತ್ತು. ಮಳೆಗಾಲದಲ್ಲಿ ಮಾತ್ರ ತುಂಬಿ ಹರಿಯುವ ಆದರೆ ಇನ್ನಿತರ ಕಾಲದಲ್ಲಿ ಕೇವಲ ಕಲ್ಲು ತುಂಬಿ ಬರಡಾಗಿರುವ ಒಂದು ನದಿ ಪಾತ್ರದಲ್ಲಿ ಮಹಮದನ ಪಡೆ ಬೀಡು ಬಿಟ್ಟದ್ದನ್ನವರು ಕಂಡರು.



( ಇನ್ನೂ ಇದೆ.)

26 October 2015

ವಲಿ - ೧೭








ಬದರ್ ವಿಜಯದ ನಂತರ ಮುಸಲ್ಮಾನರಲ್ಲಿನ ನಡುವಳಿಕೆಯಲ್ಲಿ ಬರ್ಬರತೆ ಕ್ರಮೇಣ ಹೆಚ್ಚಿತು. ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ಇದಕ್ಕೆ ಅಸ್ಮಾ ಎಂಬ ಮಹಿಳೆಯ ಉದಾಹರಣೆ ಕೊಟ್ಟು ವಿವರಿಸಿದ್ದಾನೆ. ಅಸ್ಮಾ ಮದೀನಾದ ಸ್ಥಳಿಯ ಔಸ್ ಬುಡಕಟ್ಟಿಗೆ ಸೇರಿದ್ದ ಒಬ್ಬ ಸುಂದರ ಹಾಗೂ ಶಿಕ್ಷಿತ ಮಹಿಳೆಯಾಗಿದ್ದಳು. ಕವಿತ್ವ ಅವಳಿಗೆ ಒಲಿದಿತ್ತು. ಆಕೆ ಇಸ್ಲಾಮಿನ ಹೆಸರಿನ ಡಂಭಾಚಾರವನ್ನ ನೇರಾನೇರ ವಿರೋಧಿಸುತ್ತಿದ್ದಳಲ್ಲದೆ ಸಾರ್ವಜನಿಕವಾಗಿಯೂ ಅದರ ಹುಳುಕುಗಳನ್ನ ಸತರ್ಕವಾಗಿ ಖಂಡಿಸಲು ಎಂದಿಗೂ ಹೆದರುತ್ತಿರಲಿಲ್ಲ. ಬದರ್ ಯುದ್ಧದ ನಂತರ ಆಕೆಯೂ ಸಂಬಂಧಿಗಳನ್ನ ಕಳೆದುಕೊಂಡು ಸಂತೃಸ್ತಳಾಗಿದ್ದಳು. ತಮ್ಮದಲ್ಲದ ಈ ಕಾಳಗದಲ್ಲಿ ಮಹಮದನೆಂಬ ಅನಾಮಧೇಯನ ಪಡೆ ಸೇರಿ ವಿನಾಕಾರಣ ಸತ್ತು ಹೋದ ತನ್ನ ಬಂಢುವಿನ ಮೂರ್ಖತನವನ್ನ ನೆನೆದು ಆಕೆ ಒಂದು ಕವನ ರಚಿಸಿದಳು.



ಅದರಲ್ಲಿ ಸಹಜವಾಗಿ ಮಹಮದನನ್ನು ಕಟುವಾಗಿ ಖಂಡಿಸಲಾಗಿತ್ತು. ಈ ಕವನ ಬಾಯಿಂದ ಬಾಯಿಗೆ ಹರಡಿ ನವ ಧಾರ್ಮಿಕರಾದ ಮುಸಲ್ಮಾನರ ಕಿವಿಯನ್ನೂ ಸಹ ಹೋಗಿ ಮುಟ್ಟಿತು. ವಿಷಯ ವಾಸ್ತವವೆ ಆಗಿದ್ದರೂ ಅದನ್ನ ಜೀರ್ಣಿಸಿಕೊಳ್ಳಲಾಗದ ಮತಿಗೆಟ್ಟ ಮುಸಲ್ಮಾನರು ತಮ್ಮ ಪ್ರವಾದಿಯನ್ನ ಹೀಯ್ಯಾಳಿಸಿದ ಆಸ್ಮಾಳ ಬಗ್ಗೆ ವಿಪರೀತ ರೋಷಗೊಂಡರು. ಅವರ ಪಿತೂರಿಗಳು ಅಸ್ಮಾಳ ವಿರುದ್ಧ ಶುರುವಾಗಲು ಹೆಚ್ಚು ಸಮಯ ಹಿಡಿಯಲಿಲ್ಲ.


ಆ ಪಿತೂರಿಕೋರರ ಪಡೆಯಲ್ಲಿ ಓಮೈರ್ ಎಂಬ ಹುಟ್ಟು ಕುರುಡನೂ ಒಬ್ಬನಿದ್ದ. ತಮಾಷೆಯೆಂದರೆ ಅಸ್ಮಾ ರಚಿಸಿದ ಅನೇಕ ಕವನಗಳನ್ನ ಹಾಡಿಕೊಂಡೆ ಆತ ಭಿಕ್ಷಾಟನೆ ಮಾಡಿ ತನ್ನ ಹೊಟ್ಟೆ ಹೊರೆದುಕೊಳ್ಳುತ್ತಿದ್ದ. ಆತ ತಾನು ಅವಳ ಹುಟ್ಟಡಗಿಸುವುದಾಗಿ ಧರ್ಮೋನ್ಮಾದದಲ್ಲಿ ಪಣ ತೊಟ್ಟ. ಮಧ್ಯರಾತ್ರಿಯಲ್ಲಿ ಅಸ್ಮಾಳ ಮನೆಗೆ ಕಳ್ಳನಂತೆ ನುಸುಳಿ ಆಕೆ ತನ್ನ ಪುಟ್ಟ ಬಾಲೆಯ ಜೊತೆ ಗಾಢ ನಿದ್ದೆಯಲ್ಲಿದ್ದಾಗ ಎದೆಗೆ ಇರಿದು ಕೊಂದನಲ್ಲದೆ ಎಳೆಯ ಮಗುವನ್ನೂ ಕತ್ತರಿಸಿ ಹಾಕಿದ ಓಮೈರ್. ಮಾರನೆ ದಿನ ಮಸೀದಿಯಲ್ಲಿ ಶುಕ್ರವಾರದ ಪ್ರಾರ್ಥನೆ ಇತ್ತು. ಅಸ್ಮಾಳ ಕೊಲೆ ಅದಾಗಲೆ ಸುದ್ದಿಯೂ ಆಗಿತ್ತು. ತನ್ನ ಪ್ರವಚನ ಮುಗಿದ ನಂತರ ಮಹಮದ್ ಓಮೈರ್'ನನ್ನು ಉದ್ದೇಶಿಸಿ "ನೀನು ಅಸ್ಮಾಳನ್ನು ಕೊಲೆಗೈದೆ ಅಲ್ಲವೆ?" ಎಂದು ಪ್ರಶ್ನಿಸಿದ. ಅದಕ್ಕೆ ಆತ " ಹೌದು, ಇದಕ್ಕೆ ಭಯ ಪಡಬೇಕೆ?" ಎಂದು ಕೇಳಿದ. ಆಗ ಮಹಮದ್ ತೀರಾ ಉಡಾಫೆಯಿಂದ "ಹಾಗೇನೂ ಇಲ್ಲ! ಕೇವಲ ಕೆಲವು ಮೇಕೆಗಳು ಒಂದಕ್ಕೊಂದು ಹೊಡೆದಾಡಿಕೊಳ್ಳಬಹುದು ಅಷ್ಟೆ!!" ಎಂದು ಮಾರುತ್ತರ ನೀಡಿದ. "ದೇವರಿಗೆ ಹಾಗೂ ಅವನ ಪ್ರವಾದಿಗೆ ಸಹಾಯ ಮಾಡಿದ ವ್ಯಕ್ತಿಯನ್ನ ನೀವು ನೋಡಬೇಕೆ? ನೋಡಿ ಅವನಿಲ್ಲೆ ಇದ್ದಾನೆ!" ಎಂದು ನೆರೆದಿದ್ದವರನ್ನು ಉದ್ದೇಶಿಸಿ ಅವನು ಉದ್ಘರಿಸಿದ. ಎಲ್ಲರೂ "ಈ ಕುರುಡನೆ!" ಎಂದು ಗುಸುಗುಸು ನಡೆಸಿದರು. ಆಗ "ಕುರುಡನೆನ್ನದಿರಿ! ಓಮೈರ್ ಎಂದು ಕರೆಯಿರಿ" ಎಂದ ಮಹಮದ್.


ಅಸ್ಮಾಳನ್ನು ಸಮಾಧಿ ಮಾಡಿ ಹಿಂದಿರುಗುತ್ತಿದ್ದ ಅವಳ ಮಕ್ಕಳು ದಾರಿಯಲ್ಲಿ ಸಿಕ್ಕ ಓಮೈರ್'ನನ್ನು ಕಂಡು ತಮ್ಮ ತಾಯಿಯ ಕೃಪೆಯಿಂದಲೆ ಬದುಕುತ್ತಿದ್ದ ನೀನು ಈಗ ಅವಳನ್ನೆ ಕೊಂದದ್ದು ನ್ಯಾಯವೆ? ಎಂದು ಪ್ರಶ್ನಿಸಿದರು. ಅವರ ಬಹಿರಂಗದ ಆಪಾದನೆಯಿಂದ ವಿಚಲಿತನಾದ ಓಮೈರ್ "ಅಸ್ಮಾ ಮಾಡಿದ ತಪ್ಪನ್ನೆ ನಿಮ್ಮಲ್ಲಿ ಇನ್ಯಾರು ಮಾಡಿದರೂ ನಾನು ಅವರಿಗೂ ಅದೆ ಗತಿ ಕಾಣಿಸುತ್ತೇನೆ! ಇಡಿ ಕುಟುಂಬವನ್ನೆ ಹತ್ಯೆ ಮಾಡುತ್ತೇನೆ" ಎಂದು ಭಿಡೆಯಿಲ್ಲದೆ ಹೆದರಿಸಿದ. ಅಲ್ಲಿ ನೆರೆದಿದ್ದವರಲ್ಲಿ ಯಾರೂ ತಮ್ಮ ಸಹಾಯಕ್ಕೆ ಬಾರದ್ದನ್ನು ಕಂಡು ಅವರೆಲ್ಲಾ ತೆಪ್ಪಗಾದರು. ಮಹಮದ್ ಹಾಗೂ ಅವನ ಅಲ್ಪಾನುಯಾಯಿಗಳ ಮಿತಿಮೀರಿದ ಧರ್ಮೋತ್ಸಾಹ ಕಂಡು ಅವರು ಅದುರಿ ಹೋದರು. ಅವರ ವ್ಯಾಪಾರ ವಹಿವಾಟುಗಳೆಲ್ಲಾ ಮುಸಲ್ಮಾನರ ಪ್ರದೇಶದಿಂದ ಸುತ್ತುವರೆದಿತ್ತು. ಹೀಗಾಗಿ ತಮ್ಮ ಅಳಿವು ಉಳಿವಿನ ಪ್ರಶ್ನೆಯಾಗಿದ್ದ ಧರ್ಮಾಂತ್ರವನ್ನು ಅವರು ಆಯ್ದುಕೊಂಡರು. ವ್ಯಥಾ ರಕ್ತಪಾತವಾಗಿ ಸಾಯುವುದಕ್ಕಿಂತ ಮುಸಲ್ಮಾನರಾಗಿ ಬದುಕುವ ನಿರ್ಧಾರವನ್ನ ಕೈಗೊಂಡರು. ಹೀಗೆ ಅಸ್ಮಾಳೆಂಬ ಬಂಡುಕೋರ ಕವಯತ್ರಿಯ ಇಡಿ ಕುಟುಂಬ ಆಕೆ ವಿರೋಧಿಸುತ್ತಿದ್ದ ಅದೆ ಇಸ್ಲಾಮಿನ ಅಡಿಯಾಳಾಯಿತು.


ಇದೆ ರೀತಿಯ ಇನ್ನೊಂದು ಪ್ರಕರಣವನ್ನ ಸರ್ ಮ್ಯೂರ್ ಒದಗಿಸಿದ್ದಾರೆ. ಅದು ವೃದ್ಧ ಯಹೂದಿ ಅಫಾಕನದು. ಬೆನ್ ಅಮರ್ ಎನ್ನುವ ಯಹೂದಿ ಬುಡಕಟ್ಟಿಗೆ ಸೇರಿದ್ದ ಅಫಾಕ್ ವಯೋವೃದ್ಧನಾಗಿದ್ದ. ಆತ ತನ್ನ ಅನುಭದ ಆಧಾರದಲ್ಲಿ ಮಹಮದ್ ಹಾಗೂ ಅವನ ಅನುಯಾಯಿಗಳ ಕಾಪಠ್ಯವನ್ನೆಲ್ಲಾ ತರ್ಕಬದ್ಧವಾಗಿ ಜನರಿಗೆ ತಿಳಿಸಿ ಕೊಡತೊಡಗಿದ. ಅವನ ಟೀಕಾ ಪ್ರಹಾರದಿಂದ ಮಹಮದ್ ನಿಜವಾಗಲೂ ಕೆಂಗೆಟ್ಟ. ಹೀಗೆ ಇದು ಮುಂದುವರೆದರೆ ತನ್ನ ಧರ್ಮ ಅರಳುವ ಮುನ್ನವೆ ಬಾಡಿ ಹೋಗುವ ಅಪಾಯದ ಮುನ್ಸೂಚನೆ ಅವನಿಗೆ ಸಿಕ್ಕಿತು. ಆಗ ಅತ ಶುಕ್ರವಾರದ ಪ್ರಾರ್ಥನೆಯ ಪ್ರವಚನದ ನಂತರ ಇದನ್ನ ಪ್ರಸ್ತಾಪಿಸಿ ಆರ್ದ್ರನಾಗಿ "ನನ್ನನ್ನು ಅಫಾಕನ ಉಪದ್ರದಿಂದ ಪಾರು ಮಾಡುವವರು ಯಾರೂ ಇಲ್ಲವೆ?" ಎಂದು ಬಹಿರಂಗವಾಗಿ ಗೋಳಿಟ್ಟ. ಅವನ ಈ ಕರೆಯಿಂ<ದ ಕೆರಳಿದ ಅಲಿ ಹೊಂಚು ಹಾಕಿ ಆ ಮುದುಕ ಮನೆಯ ಪಡಸಾಲೆಯಲ್ಲಿ ಒಬ್ಬನೆ ಮಲಗಿರುವ ಹೊತ್ತನ್ನ ಸಾಧಿಸಿ ಏಕಾಏಕಿ ಒಳನುಗ್ಗಿ ಅವನ ತಲೆಯನ್ನ ಕಡಿದು ಹಾಕಿದ! ಅಲ್ಲಿಗೆ ಮಹಮದ್ ನಿಟ್ಟುಸಿರು ಬಿಡುವಂತಾಯ್ತು.



ಮುಸಲ್ಮಾನರ ಇಂತಹ ಅನ್ಯಾಯದ ಹಾಗೂ ದೌರ್ಜನ್ಯಪೂರಿತ ನಡುವಳಿಕೆ ಹಾಗೂ ರಕ್ತ ಪಿಪಾಸುತನವನ್ನ ಕಂಡ ಯಹೂದಿಗಳ ಸಮೂಹದಲ್ಲಿ ಭಯ ಆವರಿಸಿತು. ಎಲ್ಲಕ್ಕಿಂತ ಮಿಗಿಲಾಗಿ ನಿರಾಶ್ರಿತರಾಗಿ ಇಲ್ಲಿಗೆ ಬಂದು ಈಗ ಗುಡಾರ ಹೊಕ್ಕ ಒಂಟೆಯಂತೆ ತಮ್ಮ ಬುಡಕ್ಕೆ ಬಿಸಿ ನೀರು ಕಾಯಿಸುತ್ತಿರುವ ಇವರ ಉಪಟಳ ಆತಂಕವನ್ನೂ ಸಹ ತಂದಿತು. ಅಲ್ಲದೆ ಈ ಆತಂಕಕ್ಕೆ ಸಕಾರಣಗಳೂ ಸಹ ಇದ್ದವು.


ಬದರ್ ಯುದ್ಧ ಮುಗಿದು ಇನ್ನೂ ಒಂದು ತಿಂಗಳೂ ಸಹ ಸರಿಯಾಗಿ ಮುಗಿದಿರಲಿಲ್ಲ, ಆಗಲೆ ಮದೀನಾದ ಬೆನ್ ಕುನೈಖ್ ಯಹೂದಿ ಬುಡಕಟ್ಟಿನವರೊಂದಿಗೆ ಮಹಮದನ ನಡುವೆ ವಿವಾದವೊಂದು ಉದ್ಭವಿಸಿತು. ಆಗಿನ್ನೂ ಮಹಮದನ ಮಗಳನ್ನ ಮದುವೆಯಾಗದೆ ಇನ್ನೂ ದೊಡ್ಡಪ್ಪನ ಮಗ ಮಾತ್ರನಾಗಿದ್ದ ಅಲಿ ಬದರ್ ಯುದ್ಧದ ಗೆಲುವಿನ ನಂತರ ದೊರೆತ ಯುದ್ಧ ಕೊಳ್ಳೆಯಲ್ಲಿ ಎರಡು ಒಂಟೆಗಳ ಪಾಲನ್ನು ಗಿಟ್ಟಿಸಿದ್ದ. ಆತ ಈ ಕೈನುಖ್ ಬುಡಕಟ್ಟಿನವರ ಜೊತೆ ವ್ಯಾಪಾರ ವ್ಯವಹಾರ ಆರಂಭಿಸಿ ಅವರಿಂದ ಸರಕನ್ನು ಖರೀದಿಸಿ ಅವನ್ನ ಈ ಒಂಟೆಗಳ ಮೇಲೆ ಹೇರಿಕೊಂಡು ಪರ ಊರುಗಳಿಗೆ ಸಾಗಿಸಿ ಮಾರಾಟ ಮಾಡುವ ಹಂಚಿಕೆ ಹಾಕಿದ್ದ.



ಹುಟ್ಟಾ ವ್ಯಾಪಾರಿಗಳಾಗಿದ್ದ ಯಹೂದಿಗಳೂ ಸಹ ಇದನ್ನ ತಿರಸ್ಕರಿಸಲಿಲ್ಲ. ಅಲಿ ತನ್ನ ಒಂಟೆಯನ್ನ ಮದೀನಾದ ಸಂತೆ ಬಯಲಿನಲ್ಲಿ ಅಡ್ಡಾಡಲು ಬಿಟ್ಟಿದ್ದ. ಇದನ್ನ ನೋಡಿದ ಬದರ್ ಯುದ್ಧದ ಇನ್ನೊಬ್ಬ ಅಪ್ರತಿಮ ವೀರನೆಂದು ಹೆಸರುವಾಸಿಯಾಗಿದ್ದ ಹಂಝಾ ಅವನ್ನ ಹಿಡಿದು ತನ್ನ ಮನೆಗೆ ಅಕ್ರಮವಾಗಿ ಓಡಿಸಿಕೊಂಡು ಹೋದ! ಅಲ್ಲಿ ಅವನ್ನ ಅಂದೆ ಕಡಿಸಿ ತನ್ನ ಇಷ್ಟ ಮಿತ್ರರಿಗೂ ಹಾಗೂ ಕೆಲವು ಯಹೂದಿಗಳಿಗೂ ಭರ್ಜರಿ ಮಾಂಸದ ಔತಣವನ್ನ ಹಾಕಿಸಿದ. ಹೆಂಡ ಹೊಳೆಯಾಗಿ ಹರಿಯಿತು.



ಇತ್ತ ಅಲಿ ತನ್ನ ಒಂಟೆಗಳನ್ನ ಅರಸುತ್ತಾ ಬಂದಾಗ ಅಲ್ಲಿ ಅವನ್ನ ಕಾಣದೆ ಅಚ್ಚರಿ ಪಟ್ಟ. ಅಲ್ಲಿನವರಿಂದ ನೈಜ ವಿಷಯ ಅಲಿಗೆ ಸ್ಪಷ್ಟವಾಯಿತು. ಆತ ಕೂಡಲೆ ಮಹಮದನಿಗೆ ದೂರಿತ್ತ. ವಿಚಾರಣೆಗಾಗಿ ಸ್ವತಃ ಮಹಮದ್ ಅಲಿಯೊಂದಿಗೆ ಹಂಝಾನ ಮನೆಗೆ ಬಂದರೆ ಅಲ್ಲಿ ಕಂಡ ದೃಶ್ಯ ಹೇಸಿಗೆ ಹುಟ್ಟಿಸುವಂತಿತ್ತು. ಕಂಠ ಪೂರ್ತಿ ಮದ್ಯ ಕುಡಿದು ಮತ್ತಾಗಿದ್ದ ಹಂಝಾ ತನ್ನದೆ ವಾಂತಿಯಲ್ಲಿ ಬಿದ್ದು ಹೊರಳಾಡುತ್ತಿದ್ದ. ಸಾಲದ್ದಕೆ ಮೈಮೇಲೆ ಕಿಂಚಿತ್ತೂ ಪ್ರಜ್ಞೆ ಇಲ್ಲದ ಆತ ಮಹಮದನಿಗೆ ಕೊಡಬೇಕಾದ ಕನಿಷ್ಠ ಗೌರವವನ್ನೂ ಕೊಡದೆ ಅಸಭ್ಯವಾಗಿ ನಡೆದುಕೊಂಡ. "ನೀನು ನನ್ನ ಅಪ್ಪನ ಗುಲಾಮನಾಗಿದ್ದವನಲ್ಲವೆ?" ಎಂದು ಎಲ್ಲರೆದುರು ಹೀಯ್ಯಾಳಿಸಿದ. ಈ ಸುದ್ದಿ ಎಲ್ಲೆಡೆ ಹರಡಿ ಬೆನ್ ಕೈನುಖ್ ಗುಂಪಿಗೂ ಮುಟ್ಟಿತು. ಸಹಜವಾಗಿ ಅವರೆಲ್ಲಾ ಅದನ್ನ ಆಡಿಕೊಂಡು ಹಾಸ್ಯ ಮಾಡಿಕೊಂಡು ಮಹಮದನ ಟೊಳ್ಳು ಪ್ರವಾದಿತನವನ್ನ ಗೇಲಿ ಮಾಡಿದರು. ಅವರ ಗುಂಪಿನಲ್ಲಿ ಇದೊಂದು ಹಾಸ್ಯ ಚಟಾಕಿಯಾಗಿ ಚಾಲನೆಗೂ ಸಹ ಬಂತು.


ಈ ಘಟನೆ ಹಾಗೂ ಹಂಝಾನ ದುರ್ನಡತೆ ಮಹಮದನಿಗೆ ಕುಡಿತದ ದುಶ್ಪರಿಣಾಮಗಳನ್ನ ಸ್ಪಷ್ಟವಾಗಿ ಅರಿಯುವಂತೆ ಮಾಡಿದವು. ಈ ಕಾರಣದಿಂದಲೆ ಇಸ್ಲಾಮಿನಲ್ಲಿ ಮದ್ಯ ವಿರೋಧಿ ಭಾವನೆಯನ್ನ ಆತ ಬಿತ್ತಿದ. ಮದ್ಯಪಾನ ನಿಷೇಧ ಕುರಿತ ಸುರಾಗಳು ಅವನಿಂದ ಹೊರಬಂದವು. ದೈವವಾಣಿಯ ಮೂಲಕ ಪಾನ ನಿಷೇಧಕ್ಕೆ ಆತ ಒಂದು ಅಧಿಕೃತತೆಯನ್ನ ನೀಡಿದ ಎನ್ನುತ್ತಾರೆ ಇತಿಹಾಸಕಾರ ಮಾರ್ಗೋಲಿಯತ್.


ಕ್ರಮೇಣ ಮಹಮದನ ಉರಿಗಣ್ಣಿಗೆ ತನ್ನನ್ನ ಗೇಲಿ ಮಾಡಿ ತಮ್ಮ ಮನರಂಜನೆಯ ಸಂಜೆಗಳಲ್ಲಿ ಹಾಡಿಕೊಂಡ ಬೆನ್ ಕೈನುಖ್ ಯಹೂದಿಗಳು ಬಿದ್ದರು. ಅವರ ಕುಲಕಸುಬು ಚಿನ್ನ ಬೆಳ್ಳಿಯ ಆಭರಣ ತಯಾರಿಕೆಯ ಸೊನೆಗಾರಿಕೆ ಆಗಿತ್ತು. ಖುದ್ದಾಗಿ ಮಹಮದ್ ಅವರ ಬಿಡಾರಗಳತ್ತ ಸಾಗಿ ತನ್ನ ಇಸ್ಲಾಮಿನತ್ತ ಸಾಗಿ ಬರುವಂತೆ ಅವರನ್ನ ಮೆದುವಾಗಿ ಆಗ್ರಹಿಸಿದ." ತಾನು ದೇವರ ಪ್ರವಾದಿ ಎಂದು ಈಗಾಗಲೆ ಸಾಬೀತಾಗಿಯಾಗಿದೆ. ನೀವೆಲ್ಲರೂ ನನ್ನ ಧರ್ಮಕ್ಕೆ ಸೇರುವುದು ಅನಿವಾರ್ಯ. ಇಲ್ಲದೆ ಹೋದ ಪಕ್ಷದಲ್ಲಿ ಬದರ್ ಯುದ್ಧದಲ್ಲಿ ಖುರೈಷಿಗಳಾದ ಪಾಡನ್ನ ಸ್ವಲ್ಪ ನೆನಪಿಸಿಕೊಳ್ಳಿ! ಅದು ಯಾವಾಗಲಾದರೂ ನಿಮ್ಮನ್ನೂ ಸಹ ಆವರಿಸಿಕೊಳ್ಳಬಹುದು?!" ಎಂದು ನೇರವಾಗಿಯೆ ಎಚ್ಚರಿಸಿದ. ಇದಕ್ಕೆಲ್ಲ ಮೂರುಕಾಸಿನ ಬೆಲೆಯನ್ನೂ ನೀಡದ ಆ ಯಹೂದಿಗಳು ಅವನ ಆದೇಶವನ್ನು ಧಿಕ್ಕರಿಸಿದರು. ಆದರೆ ಅದೆ ಅವರಿಗೆ ಮುಳುವಾಯಿತು.


ಸಕಾರಣವೊಂದು ಸಿಗದೆ ಅವರ ಮೇಲೆ ಎರಗಲು ಮಹಮದ್ ಹಾಗೂ ಅವನ ಗುಂಪಿಗೆ ಸಾಧ್ಯವಂತೂ ಇರಲಿಲ್ಲ. ಆದರೆ ಅತಿ ಶೀಘ್ರವಾಗಿ ಅಂತಹ ಸಕಾರಣವೊಂದು ಒದಗಿ ಬಂತು. ಮುಸಲ್ಮಾನ ಮಹಿಳೆಯೊಬ್ಬಳು ಆಭರಣ ಮಾಡಿಸಲು ಬೆನ್ ಕೈನುಕ್'ರ ಬೀದಿಗೆ ಹೋಗಿದ್ದಳು. ಆಗ ಅಲ್ಲಿದ್ದ ಕುಚೇಷ್ಟೆಯ ಯಹೂದಿ ಯುವಕನೊಬ್ಬ ಆಕೆಗೂ ಅರಿವಾಗದಂತೆ ಸೂಜಿಯೊಂದಕ್ಕೆ ದಾರ ಪೋಣಿಸಿಕೊಂಡು ಮೆಲ್ಲಗೆ ಅವಳ ಮೇಲು ಹೊದಿಕೆಯನ್ನ ಅವಳ ಲಂಗದ ತುದಿಯ ಜೊತೆ ಸೇರಿಸಿ ಹೊಲೆದು ಬಿಟ್ಟ. ಅಮಾಯಕಳಾದ ಆಕೆ ಇದನ್ನರಿಯದೆ ಕೂತಲ್ಲಿಂದ ಮೇಲೆದ್ದಾಗ ಅವಳ ಲಂಗವೂ ಅವಳೊಂದಿಗೆ ಮೇಲೆದ್ದಿತು. ಪುಕ್ಕಟೆ ಮನರಂಜನೆ ಕಂಡವರಂತೆ ಅಲ್ಲಿದ್ದ ಕೆಲವರು ಇದನ್ನ ಕಂಡು ನಗ ತೊಡಗಿದರು. ಆಕೆ ಅವಮಾನದಿಂದ ಕುಸಿದು ಹೋದಳು.


ನಾಚಿಕೆಯಿಂದ ನರಳಿದ ಆಕೆ ಮರಳಿ ಬಂದು ತನ್ನ ಗಂಡನಿಗೆ ಆ ವಿಷಯ ಅರುಹಿದಾಗ ಆತ ಕ್ರೋಧಗೊಂಡು ಆ ಯಹೂದಿಯನ್ನ ಹುಡುಕಿಕೊಂಡು ಹೋಗಿ ಕತ್ತರಿಸಿ ಬಂದ. ಇದರಿಂದ ರೋಷಗೊಂಡ ಸತ್ತ ಯುವ ಯಹೂದಿಯ ಸಹೋದರರು ಈ ಮುಸಲ್ಮಾನನನ್ನು ಹಿಡಿದು ಕೊಂದರು. ಈ ಸಂಗತಿ ಮದೀನಾದ ಇತರ ಮುಸಲ್ಮಾನರ ಕಿವಿಗೆ ಬಿದ್ದೊಡನೆ ಅವರು ಅದನ್ನು ಮಹಮದನ ಕಿವಿಗೆ ಹಾಕಿದರು. ಆತ ತಡ ಮಾಡದೆ ಬೆನ್ ಕೈನುಖ್ ವಸತಿಗೆ ತನ್ನ ಪಡೆಯೊಂದಿಗೆ ಮುತ್ತಿಗೆ ಹಾಕಿದ. ಅವರೊಂದಿಗೆ ಬದರ್ ಯುದ್ಧ ಕಾಲದಲ್ಲಿ ಮಾಡಿಕೊಂಡಿದ್ದ ಶಾಂತಿ ಒಪ್ಪಂದಗಳಿಗೆಲ್ಲಾ ಆಗ ಬೆಲೆ ಬರಲಿಲ್ಲ. ಅವರು ಕೋಟೆ ಬಾಗಿಲನ್ನ ಭದ್ರ ಪಡಿಸಿಕೊಂಡರಾದರೂ ಆಹಾರ, ನೀರು ಹಾಗೂ ಮತ್ತಿತರ ಅಗತ್ಯ ವಸ್ತುಗಳ ಅಭಾವ ಕ್ರಮೇಣ ಎದುರಾದಂತೆ ಕೆಂಗೆಟ್ಟರು. ಮುಸಲ್ಮಾನರ ಪಡೆ ಅವರಿಗೆ ತಕ್ಕ ಶಾಸ್ತಿ ಹಗಲಿರುಳು ಮಾಡಲು ಅವರ ಕೋಟೆಯ ಹೊರಗೆ ಮುತ್ತಿಗೆ ಹಾಕಿಯೆ ಕುಳಿತಿತ್ತು.


ಪರಿಸ್ಥಿತಿ ಹೀಗಿದ್ದರೂ ಇನ್ಯಾವ ಬುಡಕಟ್ಟಿನ್ಹ ಯಹೂದಿಗಳೂ ಸಹ ಅವರ ಸಹಾಯಕ್ಕೆ ಧಾವಿಸಿರಲಿಲ್ಲ. ಹೊರಗಿನಿಂದ ಇಂತಹ ಯಾವುದೆ ಸಹಾಯ ಬಾರದೆ ಅವರು ಕೆಂಗೆಟ್ಟರು. ಅದರ ಜೊತೆಗೆ ಅಲ್ಲಿಯತನಕ ಅವರೊಂದಿಗೆ ಶಾಂತಿ ಹಾಗೂ ಸಹಬಾಳ್ವೆಯಲ್ಲಿದ್ದ ಖಜರಝ್ ಬುಡಕಟ್ಟಿನ ಅರಬ್ಬರು ಹಾಗೂ ಅವರ ಮುಖಂಡ ಮದೀನಾದ ಗಣ್ಯ ವ್ಯಕ್ತಿ ಅಬ್ದುಲ್ ಇಬ್ನ್ ಒಬೈ ಕೂಡಾ ಈ ಹಂತದಲ್ಲಿ ಅವರ ಕೈ ಬಿಟ್ಟದ್ದು ಅವರನ್ನ ಕೆಂಗೆಡಿಸಿತ್ತು. ಮುತ್ತಿಗೆ ಎರಡು ವಾರಗಳಿಗೆ ವಿಸ್ತರಿಸಿದ ನಂತರ ಅವರು ತೀರಾ ನಿತ್ರಾಣರಾಗ ತೊಡಗಿದರು. ಇಂತಹ ಚಿಂತಾಜನಕ ಸ್ಥಿತಿಯಲ್ಲಿ ಮುಸಲ್ಮಾನರಿಗೆ ಶರಣಾಗುವುದರ ಹೊರತು ಅವರಿಗೆ ಇನ್ಯಾವ ಮಾರ್ಗೋಪಾಯಗಳೂ ಸಹ ಉಳಿಯಲಿಲ್ಲ. ಹಾಗೆ ಕೋಟೆಯಿಂದ ಬೇಷರತ್ತಾಗಿ ಹೊರ ಬಂದ ಅವರನ್ನೆಲ್ಲ ಬೆನ್ನ ಹಿಂದೆ ಕೈ ಬಿಗಿದು ಪ್ರಾಣಿಗಳಂತೆ ಮದೀನಾ ಮಾರುಕಟ್ಟೆಯ ಬಳಿಯಿದ್ದ ಸಾರ್ವಜನಿಕ ವಧಾಸ್ಥಾನಕ್ಕೆ ಎಳೆದೊಯ್ಯಲಾಯಿತು. ಅರಬಿಯನ್ ಸಾಮಾಜಿಕ ಕಟ್ಟಳೆಗಳಂತೆ ಈ ರೀತಿ ಸಾರ್ವಜನಿಕ ವಧೆಯನ್ನ ಕಳ್ಳ - ಕಾಕರಿಗೆ ಹಾಗೂ ದರೋಡೆಕೋರರಿಗೆ ವಿಧಿಸುವ ಪದ್ಧತಿ ಇತ್ತು. ಆದರೆ ಇವರ್ಯಾರೂ ಅಂತಹ ಯಾವುದೆ ಅಪರಾಧವನ್ನ ಎಸಗಿರಲಿಲ್ಲ.



ಆ ಹಂತದಲ್ಲಿ ಅವರ ಕರುಣಾಜನಕ ಸ್ಥಿತಿ ನೋಡಲಾಗದೆ ಅಬ್ದುಲ್ ಇಬ್ನ್ ಒಬೈ ಅಲ್ಲಿಗೆ ಬಂದು ಮಹಮದನಲ್ಲಿ ಅವರೆಲ್ಲರ ಪರವಾಗಿ ಕ್ಷಮಾಯಾಚನೆಯ ಪ್ರಸ್ತಾವನೆಯನ್ನ ಮುಂದಿಟ್ಟ. ಅವರನ್ನ ಕ್ಷಮಿಸುವುದು ಪುಣ್ಯಕಾರ್ಯ ಅದಕ್ಕಾಗಿ ನಾನು ಒತ್ತೆ ಹಣ ಕೊಡಲು ತಯ್ಯಾರಿದ್ದೇನೆ ಎಂದಾತ ಹೇಳಿದ. ಯಹೂದಿಗಳೊಂದಿಗೆ ತಲೆಮಾರುಗಳಿಂದ ತಾವು ಮದೀನಾ ವಾಸಿಗಳು ಹೊಂದಿದ್ದ ಸ್ನೇಹ ಸಂಬಂಧ ಹೀಗೆ ಕೊನೆಯಾಗುವುದು ಅವನ ಪಾಲಿಗೆ ಸಹಿಸಲಸಾಧ್ಯವಾಗಿತ್ತು. ಅಬ್ದುಲ್ಲಾ ಹೀಗಾಗಿಯೆ ಹಟ ಬಿಡದೆ ಮಹಮದನ ಕೈಹಿಡಿದು ಬೇಡಿ ಅಂಗಲಾಚಿದ. ಯುದ್ಧದ ಹೊತ್ತಲ್ಲಿ ಅವನ ಪಡೆ ಸೇರಿ ಅವನಿಗೆ ಸಯಾಯ ಮಾಡಿದ ಯಹೂದಿಗಳ ನಡೆಯನ್ನವನಿಗೆ ನೆನಪಿಸಿದ. ಅವರು ಕ್ಷಮಾರ್ಹರು ಎಂದು ಪರಿಪರಿಯಾಗಿ ಅಂಗಲಾಚಿ ವಿನಂತಿಸಿದ. ಇದೀಗ ಕೊನೆಯದಾಗಿ ನುಡಿದ ಮಾತಿಗೆ ಮಹಮದ್ ಮಣಿಯಬೇಕಾಯಿತು. ಆಗವನು ಅಬ್ದುಲ್ಲಾನ ಮಾತಿಗೆ ಒಲಿದ.


ಆದರೆ ಯಹೂದಿಗಳಿಗೆ ಪ್ರಾಣ ಭಿಕ್ಷೆ ನೀಡಿ ಬಿಡುಗಡೆ ಮಾಡಿದರೂ ಅವರೆಲ್ಲರನ್ನೂ ಮುಲಾಜಿಲ್ಲದೆ ಮದೀನಾ ನಗರದಿಂದ ಗಡಿಪಾರು ಮಾಡಲಾಯಿತು. ಹಾಗೆ ಮನೆ ಮಠ ಕಳೆದುಕೊಂಡ ಯಹೂದಿಗಳು ಅಲ್ಲಿಂದ ಠಿಕಾಣಿ ಕಿತ್ತು ತಮ್ಮ ಅನಾದಿ ಕಾಲದ ಆಸ್ತಿ ಪಾಸ್ತಿಗಳನ್ನೆಲ್ಲ ಇದ್ದಂತೆಯೆ ಬಿಟ್ಟು ಸಿರಿಯಾದ ಗಡಿಯತ್ತ ನಿರಾಶ್ರಿತರಾಗಿ ಸಾಗಿ ಹೋದರು. ಪ್ರಾಣವೊಂದನ್ನ ಬಿಟ್ಟು ಇನ್ನೇನನ್ನೂ ಅಲ್ಲಿಂದ ಕೊಂಡೊಯ್ಯಲು ಅವರಿಗೆ ಅನುಮತಿ ನೀಡಲಿಲ್ಲ ಮಹಮದ್. ಆದರೆ ಅವರೆಲ್ಲರೂ ಸೊನೆಗಾರರಾಗಿದ್ದರಿಂದ ಕೇವಲ ವಾಸವಿದ್ದ ಮನೆ ಹಾಗೂ ಸ್ವಲ್ಪಮಟ್ಟಿನ ಚಿನ್ನ ಬೆಳ್ಳಿ, ಅದನ್ನ ಅಭರಣ ಮಾಡುವ ಸಲಕರಣೆಗಳು ಮಾತ್ರ ಮುಸಲ್ಮಾನರ ಕೈವಶವಾಯಿತು. ಅವರ್ಯಾರೂ ರೈತಾಪಿಗಳಲ್ಲದೆ ಇದ್ದುದ್ದರಿಂದ ಭೂಮಿಯ ಒಡೆತನವನ್ನವರು ಹೊಂದಿರಲಿಲ್ಲ. ಹೀಗಾಗಿ ಹೊಲ, ತೋಟ ಹಾಗೂ ಜಾನುವಾರುಗಳು ಸಿಗುವ ಸಾಧ್ಯತೆಗಳಿರಲಿಲ್ಲ.


ಹೀಗಾದ ನಂತರ ಯಹೂದಿ ಸಮುದಾಯದೊಳಗೆ ಮಹಮದನ ಯೋಜನೆಗಳ ಬಗ್ಗೆ ಶಂಕೆ ಹಾಗೂ ಭಯ ಮೂಡ ತೊಡಗಿತು. ಅವರೆಲ್ಲಾ ಈ ನೂತನ ಧರ್ಮ ಇಸ್ಲಾಮಿನ ಅಟ್ಟಹಾಸ ಕಂಡು ಅದುರಿ ಹೋದರು. ಕೇವಲ ನಿರಾಶ್ರಿತನಾಗಿ ಆಶ್ರಯ ಅರಸಿಕೊಂಡು ಬಂದು ಈಗ ತಮ್ಮ ಸಮಾಜವನ್ನೆ ನಿಯಂತ್ರಿಸುವ ಮಟ್ಟಿಗೆ ಪ್ರಭಾವಿಯಾದ ಮಹಮದನ ಬಗ್ಗೆ ಸ್ವತಃ ಮದೀನಾದ ಗಣ್ಯರು ಆತಂಕಿತರಾದರು. ಸಾಲದ್ದಕ್ಕೆ ಬದರ್ ಯುದ್ಧದ ಸಂದರ್ಭದಲ್ಲಿ ಯಹೂದಿಗಳೊಂದಿಗೆ ಮಾಡಿಕೊಂಡಿದ್ದ ಒಪ್ಪಂದವನ್ನ ಈ ಘಟನೆಯ ನಂತರ ಏಕಪಕ್ಷೀಯವಾಗಿ ಅಳಿಸಿಹಾಕಲಾಗಿದೆ ಎನ್ನುವ ಮಹಮದನ ಬಂಟ ಓಬೈದನ ಬಹಿರಂಗ ಹೇಳಿಕೆ ಯಹೂದಿ ಸಮುದಾಯದಲ್ಲಿ ದುಗುಡವನ್ನು ಹೆಚ್ಚಿಸಿದವು.


ಇತ್ತ ದಾಂಪತ್ಯ ಸುಖ ತೊರೆವ ಪ್ರತಿಜ್ಞೆ ಮಾಡಿಯೂ ಏನೂ ಮಾಡದೆ ಕೆಂಗೆಟ್ಟಿದ್ದ ಮೆಕ್ಕಾದ ಖುರೈಷಿ ನಾಯಕ ಅಬು ಸಫ್ಯಾನ್ ಇನ್ನಷ್ಟು ಕಾಲ ಈ ಸ್ವಯಂ ಹೇರಿಕೆಯ ಒತ್ತಾಯದ ಬ್ರಹ್ಮಚರ್ಯ ಸಹಿಸಿಕೊಳ್ಳುವ ಸ್ಥಿತಿಯಲ್ಲಿ ಇರಲಿಲ್ಲ! ಹೀಗಾಗಿ ಕ್ರಿಸ್ತಶಕ ೬೨೪ರ ಏಪ್ರಿಲ್ ತಿಂಗಳಿನಲ್ಲಿ ತನಗೂ, ತಮ್ಮವರಿಗೂ ಆದ ಸೋಲು ಹಾಗೂ ಅವಮಾನದ ಸೇಡು ತೀರಿಸಿಕೊಳ್ಳಲು ಇನ್ನೂರು ಯೋಧರ ಸೇನಾ ತುಕುಡಿಯೊಂದನ್ನ ತೆಗೆದುಕೊಂಡು ಆತ ಮದೀನಾದತ್ತ ಚಲಿಸಿದ. ಮದೀನ ಬಳಿಯ ಬೆನ್ ಅನ್ ಅದಿರ್ ಎನ್ನುವ ಯಹೂದಿ ಬುಡಕಟ್ಟಿನವರಿಗೆ ಸೇರಿದ ಜಾಗದಲ್ಲಾತ ಠಿಕಾಣಿ ಹೂಡಿದ. ಆದರೆ ಮಹಮದನ ಹೆದರಿಕೆ ಇದ್ದ ಅವರ ಮುಖಂಡ ಅಲ್ಲಿ ತಂಗಲು ಈ ಸೈನ್ಯಕ್ಕೆ ಸಮ್ಮತಿ ನೀಡಲಿಲ್ಲ. ಇದರಿಂದ ಬೇಸತ್ತ ಸಫ್ಯಾನ್ ಅಲ್ಲಿಯೂ ನಿಲ್ಲಲಾಗದೆ ಹೊರಟು ಹತಾಶೆಯಿಂದ ಮದೀನಾದ ಹೊರವಲಯದಲ್ಲಿದ್ದ ಕೆಲವು ಖರ್ಜೂರದ ತೋಟಗಳ ಹಾಗೂ ಮನೆಗಳ ಮೇಲೆ ಧಾಳಿ ನಡೆಸಿದ. ಅವನ ಈ ಧಾಳಿಯಲ್ಲಿ ಬದರ್ ಯುದ್ಧದಲ್ಲಿ ಪಾಲ್ಗೊಂಡಿದ್ದ ಕೆಲವು ಮುಸಲ್ಮಾನ ಯೋಧರು ಸಿಕ್ಕಿ ಸತ್ತರು. ಹೀಗಾದರೂ ತನ್ನ ಸೇಡು ತೀರಿ ಪ್ರತಿಜ್ಞೆ ಪೂರೈಸಿದೆ ಎಂದು ಹೇಳಿಕೊಳ್ಳುತ್ತಾ ಆತ ಮೆಕ್ಕಾದ ಹಾದಿ ಹಿಡಿದ. ಇತ್ತ ಮದೀನ ನಗರ ಮಧ್ಯದಲ್ಲಿದ್ದ ಮಹಮದನಿಗೆ ಈ ಏಕಾಏಕಿ ಧಾಳಿಯ ಸುದ್ದಿ ತಿಳಿಯುತ್ತಲೆ ಆತ ಅವರ ಖುರೈಷಿ ಪಡೆಯನ್ನ ಬೆನ್ನಟ್ಟಿದ. ಆದರೆ ಆ ವೇಳೆಗಾಗಲೆ ಅದು ಬಹಳ ದೂರ ಸಾಗಿ ಹೋಗಿತ್ತು. ಇನ್ನೂ ಅವರನ್ನ ಬೆನ್ನಟ್ಟಿ ಸಾಗುವುದು ಸಲ್ಲದ ಅಪಾಯವನ್ನ ಮೈಮೇಲೆ ಎಳೆದುಕೊಂಡಂತಾಗುವ ಸಂಭವವಿತ್ತು. ಹೀಗಾಗಿ ಮಹಮದ್ ಬರಿಗೈಯಲ್ಲಿ ಮದೀನಾಕ್ಕೆ ಹಿಂದಿರುಗಬೇಕಾಯಿತು.



( ಇನ್ನೂ ಇದೆ.)

25 October 2015

ವಲಿ - ೧೬







ಈ ಯುದ್ಧದಲ್ಲಿ ಮೆಕ್ಕಾದ ಪ್ರಮುಖ ಖುರೈಷಿ ಮುಖಂಡರು ಹಾಗೂ ಯೋಧರು ಹತರಾದರು. ಅಬು ಝಹಲ್ ಅಂತವರಲ್ಲೊಬ್ಬನಾಗಿದ್ದ. ಆತ ಗಾಯಗೊಂಡು ಬಿದ್ದಿದ್ದಾಗ ಆತನ ತಲೆಯನ್ನು ಏಕಾಏಕಿ ಕಡಿದು ಅದನ್ನ ತಂದು ಮಹಮದನ ಕಾಲ ಬುಡದಲ್ಲಿ ಎಸೆಯಲಾಯಿತು. ತನ್ನನ್ನ ಮೆಕ್ಕಾದಿಂದ ಓಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಝಾಹಲ್'ನ ರುಂಡವನ್ನ ಕಾಣುತ್ತಲೆ ಮಹಮತ್ ಉನ್ಮತ್ತನಾದ. "ದೇವರ ಶತ್ರುವಿನ ತಲೆ! ದೇವರೆ! ನೀನಿಲ್ಲದೆ ಬೇರೆ ದೇವರಿಲ್ಲ! ಇಲ್ಲಾ ಇಲ್ಲಾ! ಬೇರೆ ಇನ್ಯಾರೂ ಇಲ್ಲ?!" ಎಂದು ಕಿರುಚಿ ಹೇಳುತ್ತಾ ಆತ ಸಂಭ್ರಮಿಸಿದ. ಆ ತಲೆಯನ್ನು ಕಡಿದು ತಂದಿದ್ದ ಮುಸಲ್ಮಾನ ಯೋಧ ಅಬ್ದುಲ್ಲಾನನ್ನ ತಬ್ಬಿ ಮುತ್ತಿಟ್ಟು "ಈ ತಲೆ ಅರೇಬಿಯಾದ ಯಾವುದೆ ಉತ್ತಮ ತಳಿಯ ಒಂಟೆಯ ತಲೆಗಿಂತ ಹೆಚ್ಚು ಉತ್ಕೃಷ್ಟವೂ ಸಮ್ಮತವೂ ನನ್ನ ಪಾಲಿಗೆ!" ಎಂದು ಅವನನ್ನು ಅಭಿನಂದಿಸಿಸಿದ.


ಇತ್ತ ಖುರೈಷಿ ಪಡೆಯ ಸ್ಥಿತಿ ಚಿಂತಾಜನಕವಾಗಿತ್ತು. ಸತ್ತವರ ಸಂಖ್ಯೆ ಮುಸಲ್ಮಾನರ ಸಾವಿನ ಹೋಲಿಕೆಯಲ್ಲಿ ಹೆಚ್ಚಾಗಿತ್ತು. ಅಬ್ದುಲ್ ಬುಖಾರಿ ಎಂಬ ಬಾಲ್ಯದಿಂದಲೂ ಅನಾಥನಾಗಿದ್ದ ಮಹಮದನ ಬಗ್ಗೆ ಕರುಣೆ ತೋರಿದ್ದ ಆರ್ದ್ರ ಹೃದಯದವನೂ ಸತ್ತು ಬಿದ್ದಿದ್ದ. ತನ್ನ ಕಷ್ಟದ ದಿನಗಳಲ್ಲಿ ತನ್ನತ್ತ ಕರುಣೆಯ ಮಳೆ ಸುರಿಸಿದ್ದ ಆತನನ್ನ ಕೊಲ್ಲ ಕೂಡದು ಎನ್ನುವ ನಿರ್ದೇಶನವನ್ನೇನೋ ಮಹಮದ್ ಮುಸಲ್ಮಾನ ಯೋಧರಿಗೆ ಮೊದಲೆ ಕೊಟ್ಟಿದ್ದ. ಆದರೆ ರಣಾಂಗಣದ ಪರಿಸ್ಥಿತಿ ಅವನ ನಿರೀಕ್ಷೆಗೆ ವಿರುದ್ಧವಾಗಿತ್ತು. ಒಂಟೆಯೊಂದರ ಮೇಲೆ ಕೂತು ಹೋರಾಡುತ್ತಿದ್ದ ಅವನನ್ನು ಹಾಗೂ ಅವನ ಸಂಗಾತಿಯನ್ನ ಮೊದಲಿಗೆ ಹೊಡೆದುರುಳಿಸಲು ಮುಸಲ್ಮಾನನೊಬ್ಬ ಹಿಂಜರಿದ. ಆದರೆ ಮಹಮದನ ಅಪ್ಪಣೆ ಕೇವಲ ಬುಖಾರಿಗೆ ಮಾತ್ರ ಅನ್ವಯವಾಗುತ್ತಿದ್ದುದರಿಂದ ಅವನ ಸಂಗಾತಿಯನ್ನ ಕೊಲ್ಲಲೇನೂ ಅಡ್ಡಿಯಿರಲಿಲ್ಲ. ಅದಕ್ಕಂತ ಆತ ಮುನ್ನುಗಿದಾಗ ಬುಖಾರಿ ಅವನನ್ನು ತಡೆದು 'ಅವನ ತಲೆ ತೆಗೆಯುವುದೆ ಆದರೆ ಅದಕ್ಕೂ ಮೊದಲು ನನ್ನನ್ನ ಕೊಲ್ಲಬೇಕು!' ಎಂದು ಹೇಳಿದ. ಆಗ ಬೇರೆ ಉಪಾಯ ಕಾಣದೆ ಇಬ್ಬರನ್ನೂ ಕಡಿದುರುಳಿಸಲಾಯಿತು.


ಯುದ್ಧ ಮುಗಿದಾದ ಮೇಲೂ ಸೆರೆ ಸಿಕ್ಕವರನ್ನ ಹಿಂಸಿಸಿ ಕೊಂದರು ಮುಸಲ್ಮಾನರು. ಇದು ಯುದ್ಧ ನೀತಿಗೆ ಸಂಪೂರ್ಣ ವಿರುದ್ಧವಾಗಿತ್ತು. ಆದರೆ ಖುರೈಷಿಗಳಿಂದ ತಮಗಾಗಿದ್ದ ಅವಮಾನ ಹಾಗೂ ತೊಂದರೆಗೆ ಹಳೆಯ ವೈರತ್ವವನ್ನ ಮನದೊಳಗೆ ಕಾದಿರಿಸಿಕೊಂಡಿದ್ದ ಮಹಮದನ ಬಂಟರು, ಅದೊಂದಕ್ಕೂ ಬೆಲೆ ಕೊಡದೆ ಅತಿ ಕ್ರೂರವಾಗಿ ಸೆರೆಯಾಳುಗಳ ಅಂಗ ಛೇದ ಮಾಡಿ ಅವರೆಲ್ಲರನ್ನೂ ವಿಕೃತವಾಗಿ ಹಿಂಸಿಸಿ ಕೊನೆಗಾಣಿಸಿದರು. ಹೀಗೆ ಕ್ರೂರವಾಗಿ ಕೊಂದ ಎಲ್ಲರನ್ನೂ ಒಂದೆ ಹಳ್ಳ ತೋಡಿ ಸಾಮೂಹಿಕವಾಗಿ ಹೆಣಗಳನ್ನು ಅದರಲ್ಲಿ ಅಡ್ಡಾದಿಡ್ದಿಯಾಗಿ ಎಸೆದು ದಫನ್ ಮಾಡಲಾಯಿತು. ಅಂತಹ ಹೆಣದ ರಾಶಿಯಲ್ಲಿ ಮಹಮದನ ಪಕ್ಷ ಸೇರಿದ್ದ ಅಬು ಹಥೈಫ್'ನ ತಂದೆ ಓತ್ಬಾನದ್ದೂ ಸಹ ಶವವಿತ್ತು. ತನ್ನ ತಂದೆ ಇಸ್ಲಾಂ ಸ್ವೀಕರಿಸದೆ ಸತ್ತದ್ದಕ್ಕಾಗಿ ಹಥೈಫ್ ವಿಪರೀತ ದುಃಖ ಪಟ್ಟ. ಆಗ ಅವನ್ನನ್ನ ಸಂತೈಸಿದ ಮಹಮದ್ ಅವನ ಇಂದಿನ ದುಸ್ಥಿತಿಗೆ ಅವನನ್ನೆ ಹೊಣೆ ಮಾಡಿ ಇದರಲ್ಲಿ ನಿನ್ನ ತಪ್ಪೇನೂ ಇಲ್ಲ ಎಂದು ಹಥೈಫ್'ನನ್ನು ಸಂತೈಸಿದ.


'ದೇವರನ್ನೂ ಹಾಗೂ ದೇವದೂತನಾದ ನನ್ನನ್ನು ನಂಬಿದ್ದರೆ ನಿಮಗೆ ಇಂತಹ ಹೀನಾಯ ಸಾವು ಬರುತ್ತಿರಲಿಲ್ಲ" ಎಂದು ಪ್ರತಿ ಕಳೆಬರವನ್ನು ಹೊಂಡಕ್ಕೆ ಎಸೆಯುವಾಗಲೂ ಮಹಮದ್ ಉಧ್ಘರಿಸ ಹತ್ತಿದ. ಇದನ್ನು ಕೇಳಿದ ಮುಸಲ್ಮಾನನೊಬ್ಬ 'ಸತ್ತವರ ಬಗ್ಗೆ ಹೀಗೆ ಬಿರು ನುಡಿಯಬಹುದೆ?' ಎಂದು ಪ್ರಶ್ನಿಸಿದ್ದಕ್ಕೆ "ಹೌದು ಖಂಡಿತವಾಗಿಯೂ. ಏಕೆಂದರೆ ಅವರಿಗೆ ಅವರ ಸುಳ್ಳು ದೇವರು ನೀಡಿದ ಆಶ್ವಾಸನೆಗಳೆಲ್ಲಾ ಇಂದು ಸುಳ್ಳಾಗಿವೆ!" ಎಂದು ಮಹಮದ್ ಅಧಿಕಾರಯುತವಾಗಿ ನುಡಿದ.


ಯುದ್ಧ ಮುಗಿದ ಮಾರನೆಯ ದಿನ ಯುದ್ಧದ ಸರಕಿನ ಲೂಟಿಯನ್ನ ಎಲ್ಲರಿಗೂ ಹಂಚಲಾಯಿತು. ನೂರಾ ಹದಿನೈದು ಒಂಟೆಗಳು ಹದಿನಾಲ್ಕು ಕುದುರೆಗಳು, ಅಸಂಖ್ಯ ಬಟ್ಟೆ ಬರೆ ಹಾಗೂ ಶಸ್ತ್ರಾಸ್ತ್ರಗಳು ಈ ಲೂಟಿಯಲ್ಲಿ ಒಳಗೊಂಡಿದ್ದವು. ಹಂಚಿಕೆಯಲ್ಲಿ ವಾದ ವಿವಾದಗಳು ತಲೆದೋರಿ ಭಿನ್ನಾಭಿಪ್ರಾಯ ಹುಟ್ಟಿತು. ಆಗ ಮಹಮದ್ ಮಧ್ಯೆ ಪ್ರವೇಶಿಸಿ ತಾನು ದೇವರ ಮೊರೆ ಹೋಗಿದ್ದು ಈ ಬಗ್ಗೆ ತನಗೆ ದೈವವಾಣಿ ಆಗಿದೆ ಎಂದು ಘೋಷಿಸಿದ. ಆಗ ಅವನಿಗೆ ಸಿಕ್ಕಿದ ಖುರ್ಹಾನಿನ ಸುರಾ ೮/೧, ೮/೪೨ರ ಪ್ರಕಾರ ಅವನು "ಲೂಟಿಯಾದ ಎಲ್ಲಾ ವಸ್ತುಗಳೂ ಸಹ ದೇವರಿಗೆ ಸಂದ ಜಯವಾಗಿದೆ. ಹಾಗೂ ಅವನಿಗೆ ಸಿಕ್ಕಿದ ವಿಜಯದಿಂದಾಗಿದೆ. ಆದ್ದರಿಂದ ಸಕಲವೂ ಈಗ ದೇವರದ್ದೆ. ಅದರಲ್ಲಿ ಐದನೆ ಒಂದು ಭಾಗವನ್ನು ದೇವರಿಗೂ ಅವನ ಪ್ರವಾದಿಗೂ ಕೊಡತಕ್ಕಡ್ಡು. ಉಳಿದದ್ದು ಅದು ಏನೆ ಇದ್ದರೂ ಎಲ್ಲರೂ ಸರಿಸಮವಾಗಿ ಹಂಚಿಕೊಳ್ಳತಕ್ಕದ್ದು" ಎಂದು ಸಾರಿದ.


ಮಹಮದನ ದಂಡಯಾತ್ರೆ ಕೊನೆಗೊಂಡು ಆತ ತನ್ನ ಸೈನ್ಯದೊಡನೆ ಮದೀನದತ್ತ ಚಲಿಸಿದ. ಸೆರೆಯಾಳುಗಳಲ್ಲಿ ಕೆಲವರನ್ನ ಕೈಕಾಲು ಕಟ್ಟಿ ಸುಡು ಬಿಸಿಲಿನಲ್ಲಿಯೆ ಬರಿಗಾಲಿನಲ್ಲಿ ನಡೆಸಿಕೊಂಡು ಒಂಟೆಗಳ ಕಾಲಡಿ ಎಳೆದೊಯ್ಯಲಾಯಿತು. ಹಾದಿ ಮಧ್ಯ ಅಲ್ ಬದಿಲ್ ಎಂಬಲ್ಲಿ ವಿಶ್ರಾಂತಿಗಾಗಿ ತಂಗಲಾಯಿತು. ಇರುಳು ಕಳೆದ ನಂತರ ಮರು ಬೆಳಗ್ಯೆ ಯುದ್ಧಾಪರಾಧಿಗಳ ವಿಚಾರಣೆಗಾಗಿ ಸೆರೆ ಸಿಕ್ಕ ಖುರೈಷಿಗಳನ್ನ ಸಾಲಾಗಿ ಮಹಮದನ ಮುಂದೆ ತಂದು ಮಂಡಿಯ ಮೇಲೆ ನಿಲ್ಲಿಸಲಾಯಿತು. ತನ್ನ ಮುಂದೆ ಕೆಡವಿದ ಪ್ರತಿಯೊಬ್ಬ ಖುರೈಷಿಯ ಮುಖವನ್ನೂ ಮಹ್ಮದ್ ದಿಟ್ಟಿಸಿದ. ಅವನ ತೀಕ್ಷ್ಣ ಕಣ್ಣುಗಳು ಆನ್ ನದರ್ ಎಂಬ ಯುವಕನ ಮೇಲೆ ಬಿತ್ತು. ವಿಕ್ ದಾದ್ ಎನ್ನುವ ಅವನ ಬಂಧುವೆ ರಣಾಂಗಣದಲ್ಲಿ ಕೊಲ್ಲದೆ ಅವನನ್ನ ಸೆರೆ ಹಿಡಿದಿದ್ದ. ಅವನ ಸಾವನ್ನ ಬಯಸದೆ ಮಹಮದನ ಮುಂದೆ 'ನೆದರ್ ನನ್ನ ಸೆರೆಯಾಳು' ಎಂದು ನುಡಿಯುವ ಕ್ಷಣದಲ್ಲಿಯೆ 'ಇವನ ತಲೆ ಕಡಿಯಿರಿ!' ಎಂದು ಮಹಮದ್ ಘರ್ಜಿಸಿದ. ಕತ್ತಿ ಹಿಡಿದು ಇಂತಹ ಆಜ್ಞೆಗಾಗಿಯೆ ಕಾದು ನಿಂತಿದ್ದ ಅಲಿ ಕೂಡಲೆ ಈ ದೈವವಾಣಿಯನ್ನು ನಿಯತ್ತಾಗಿ ನೆರವೇರಿಸಿದ!



ಎರಡು ದಿನ ಇನ್ನೂ ಪಯಣ ಮಾಡ ಬೇಕಿತ್ತವರು. ಆ ನಡುವೆ ಒಕ್ಬಾ ಎನ್ನುವ ಇನ್ನೊರ್ವ ಸೆರೆಯಾಳಿಗೂ ಮಹಮದ ವಾಣಿ ಅದೆ ಅವಸ್ಥೆಯನ್ನ ದಯಪಾಲಿಸಿತು. ಅವನ ಏಕೈಕ ತಪ್ಪು ಇಷ್ಟಾದರೂ ಮಹಮದನ ಏಕ ದೈವವನ್ನೂ - ಅವನ ಪ್ರವಾದಿತ್ವವನ್ನು ಧಿಕ್ಕರಿಸಿದ್ದು ಮಾತ್ರ ಆಗಿತ್ತು! ಆತ ಸಾಯುವ ಮುನ್ನ ಮೆಕ್ಕಾದಲ್ಲಿಯೆ ಉಳಿದಿರುವ ತನ್ನ ಮಗಳ ಗತಿ ಏನು? ಎಂದು ಮಹಮದನ ಮುಂದೆ ಅಂಗಲಾಚಿದ. ಮಹಮದ್ ಅದಕ್ಕೆ ತೀಕ್ಷ್ಣವಾಗಿ "ನರಕದ ಬೆಂಕಿಯ ಜ್ವಾಲೆಗೆ ಆಕೆಯನ್ನ ದೂಡಲಾಗುವುದು!" ಎನ್ನುವುದನ್ನ ಖಚಿತಪಡಿಸಿದ ಎನ್ನುತ್ತಾನೆ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್.


ಎಲ್ಲಾ ಐವತ್ತು ಸೆರೆಯಾಳುಗಳಿಗೂ ಸಹ ಒಬ್ಬೊಬರಾಗಿ ಸರದಿಯಂತೆ ಇದೆ ಗತಿ ಕಾಣಿಸಲು ಮಹಮದ್ ಮೊದಲು ನಿರ್ಧರಿಸಿದ್ದ ಎನ್ನುತ್ತಾರೆ ಸರ್ ಮ್ಯೂರ್. ಆದರೆ ಮೆಕ್ಕಾದಿಂದ ತನ್ನ ಮಾವ ಅಬು ಲೆಹಾಬನ ಸಂದೇಶವೊಂದು ಬಂದು ಮುಟ್ಟಿದ್ದು, ಮಿತ್ರ ಹಾಗೂ ಮಾವ ಅಬು ಬಕರನ ಔದಾರ್ಯದ ಮಾತಿಗೆ ಒಪ್ಪಿಕೊಂಡದ್ದು ಹಾಗೂ ಅದೆ ಸಮಯದಲ್ಲಿ ತನಗೆ ಬೇಕಾದಂತೆ ಒಂದು ದೈವವಾಣಿಯನ್ನ ಆತ ಬರಿಸಿಕೊಂಡಿದ್ದು ಇವೆಲ್ಲಾ ಸೇರಿ ಆತ ಈ ಮರಣ ದಂಡನೆಯ ಕಠಿಣ ನಿರ್ಧಾರವನ್ನು ಹಿಂತೆಗೆದುಕೊಂಡು ಒತ್ತೆ ಹಣವನ್ನು ಸುಲಿದು ಅವರನ್ನೆಲ್ಲಾ ಹುಡುಕಿಕೊಂಡು ಬರುವ ಮೆಕ್ಕಾದ ದೂತರಿಗೆ ಜೀವಂತವಾಗಿ ಒಪ್ಪಿಸಲು ತಯ್ಯಾರಾದ. ತನಗೆ ಒದಗಿದ ದೈವವಾಣಿಯಂತೆ ತಾನು ಇವರೆಲ್ಲರ ಪ್ರಾಣದಾನ ಮಾಡಲು ನಿರ್ಧರಿಸುತ್ತಿರುವುದಾಗಿ ಆತ ಘೋಷಿಸಿದ. ತನ್ನ ವಿಜಯಿ ಸೈನ್ಯದೊಂದಿಗೆ ಮದೀನಾ ನಗರವನ್ನ ತಲುಪಿದಾಗ ಅವನಿಗಲ್ಲಿನ ನಾಗರೀಕರು ವೀರೋಚಿತ ಸ್ವಾಗತವನ್ನ ಕೋರಿದರು. ಆದರೆ ಆತನಿಗೆ ಆ ಗೆಲುವಿನಲ್ಲೂ ಒಂದು ದುಃಖ ಕಾದಿತ್ತು. ಬಹುಕಾಲದ ಅನಾರೋಗ್ಯದಿಂದ ನರಳುತ್ತಿದ್ದ ಮಗಳು ರೊಕೈಯ್ಯಾ ರೋಗ ಉಲ್ಬಣಗೊಂಡು ತನ್ನ ಪ್ರಾಣವನ್ನ ತ್ಯಜಿಸಿದ್ದಳು.



ಹೊಸ ನಿರ್ಧಾರ ತೆಳೆದಾದ ಮೇಲೆ ಮಹಮದ್ ಹಾಗೂ ಅವನ ಅನುಯಾಯಿಗಳು ಸೆರೆಯಾಳುಗಳನ್ನ ಪ್ರೀತ್ಯಾದರದಿಂದಲೆ ಕಂಡರು. ಅಕ್ಕರೆಯ ಮೂಲಕ ಅವರನ್ನ ಮತಾಂತರಿಸುವ ಒಳ ಉದ್ದೇಶ ಮಹಮದನಿಗಿತ್ತು. ಈ ಉದ್ದೇಶ ಅಂದು ಕೊಂಡಷ್ಟು ಸಫಲವಾಗದಿದ್ದರೂ ಸಹ ಅವರಲ್ಲಿ ಕೆಲವರು ಇಸ್ಲಾಮಿನತ್ತ ವಾಲಲು ನಿರ್ಧರಿಸಿದರು. ಅಂತವರಿಗೆ ಕೂಡಲೆ ಬಿಡುಗಡೆಯ ಭಾಗ್ಯ ಸಿಕ್ಕಿತು. ಆದರೆ ಉಳಿದವರನ್ನ ಮಾತ್ರ ಖುರೈಷಿ ಬಂಧು ಮಿತ್ರರು ಸೂಕ್ತ ಒತ್ತೆ ಹಣ ಪಾವತಿಸಿ ಬಿಡಿಸಿಕೊಂಡು ಹೋಗ ಬೇಕಾಯಿತು!


ಹೀಗಾಗಿ ಬದರ್ ಯುದ್ಧ ಮುಸಲ್ಮಾನ ಚರಿತ್ರೆಯಲ್ಲಿಯೆ ಒಂದು ಅಭೂತಪೂರ್ವವೂ ಹಾಗೂ ಹೆಸರುವಾಸಿಯೂ ಆಗುಳಿಯಿತು.  ಅಲ್ ಮುಬಾರಖಿ ಅದರಲ್ಲಿ ಭಾಗವಹಿಸಿ ಬದುಕುಳಿದು ಬಂದ ಎಲ್ಲಾ ಮುನ್ನೂರು ಮಂದಿಯ ಹೆಸರುಗಳನ್ನ ಜತನದಿಂದ ದಾಖಲಿಸಿರಿಸಿದ. ಪ್ರೊಫೆಸರ್ ಮಾರ್ಗೋಲಿಯತ್ ತಮ್ಮ 'ಮಹಮದ್' ಗ್ರಂಥದಲ್ಲಿ ಬದರ್ ಯುದ್ಧದಲ್ಲಿನ ಮಹಮದನ ಗೆಲುವನ್ನ ಹೀಗೆ ವಿಶ್ಲೇಷಿಸಿದ್ದಾರೆ:


"ಶಿಸ್ತು ಮತ್ತು ದೃಢತೆಗಳೆ ಯುದ್ಧಗಳ ಗೆಲುವಿಗೆ ಮೂಲ ಕಾರಣ. ಅವು ಮಹಮದನ ನೇತೃತ್ವದ ಮುಸಲ್ಮಾನ ಸೈನಿಕರಲ್ಲಿತ್ತು. ಮೆಕ್ಕಾದ ಖುರೈಷಿಗಳಲ್ಲಿ ಅದು ಕಾಣಲಿಲ್ಲ. ದೇವರಿಗಾಗಿ ಹೋರಾಡಿ ಅವನ ಪಥದಲ್ಲಿ ಅವನಿಗೋಸ್ಕರ ಒಂದೊಮ್ಮೆ ಸಾವನ್ನಪ್ಪಿದರೆ ಸ್ವರ್ಗದ ಬಾಗಿಲು ಕಾದುಕೊಂಡು ತೆರೆದಿರುತ್ತದೆ. ಸುಡು ಬಿಸಿಲ ಮರಳುಗಾಡಿನ ಈ ಮರುಭೂಮಿಯ ಕಡು ಬಡತನದ ದುಸ್ತರ ಜೀವನವನ್ನ ನಡೆಸುವುದಕ್ಕಿಂತ, ಆ ಸ್ವರ್ಗದಲ್ಲಿ ಆನಂದವಾಗಿ ಸುಖ ಪಡುವುದೆ ಎಷ್ಟೋ ಮೇಲು! ಎಂದು ಮರುಳ ಮುಸಲ್ಮಾನರು ಭಾವಿಸಿದರು. ಅಲ್ಲಿನ ಅತ್ಯಾಕರ್ಷಕ ಹೂ ತೋಟದಲ್ಲಿ ಅಡ್ಡಾದುತ್ತಾ ಸುಂದರಿಯರ ಸಾಂಗತ್ಯ ಸವಿಯುವ ಪರಮ ಸುಖ ಈ ಬರಡು ಭೂಮಿಯ ಮೇಲೆ ಎಂದಾದರೂ ದೊರಕಲು ಸಾಧ್ಯವೆ?" ಎಂದು ಅವರೆಲ್ಲಾ ತರ್ಕಿಸಿದರು. ಸಾಲದ್ದಕ್ಕೆ ಜೀವದ ಹಂಗು ತೊರೆದು ಯಾರು ಈ ನಿರ್ಣಾಯಕ ಯುದ್ಧದಲ್ಲಿ ಹೋರಾಡುವುದಿಲ್ಲವೋ ಅವರೆಲ್ಲಾ ನರಕದ ತಾಮ್ರವರ್ಣದ ಬಿರು ಬೆಂಕಿಗೆ ಬಿದ್ದು ಸಾಯುವರು ಎಂದು ಬೇರೆ ದೈವವಾಣಿಯನ್ನುದುರಿಸಿ ಮಹಮದ್ ಅವರನ್ನ ಹಿತವಾಗಿ ಮಾನಸಿಕವಾಗಿ ಬೆದರಿಸಿದ್ದ!"



ತನ್ನ ಅಳಿವು ಉಳಿವಿನ ಪ್ರಶ್ನೆಗೆ ಉತ್ತರವಾಗಲಿದ್ದ ಈ ಯುದ್ಧ ಮಹಮದನ ಜೀವನದಲ್ಲಿಯೆ ಅತ್ಯಂತ ಮಹತ್ವ ಪೂರ್ಣ ಹಾಗೂ ಪರಿಣಾಮಕಾರಿಯಾಗಿತ್ತು ಎನ್ನುತ್ತಾರೆ ಮಾರ್ಗೋಲಿಯತ್. ಅವನು ಸಾರುತ್ತಿದ್ದ ತತ್ವಗಳಿಗೆ, ಏಕ ದೈವ ವಾದಕ್ಕೆ, ಸ್ವಯಂ ಘೋಷಿತ ಪ್ರವಾದಿತ್ವಕ್ಕೆ ಸಿಕ್ಕಿದ ಅಧಿಕೃತ ದೈವಿಕ ಮನ್ನಣೆ ಇದೆಂದು ಮಹಮದ್ ಸಾರಿದ. ತಾನು ದೇವರಲ್ಲಿ ಇಟ್ಟ ವಿಶ್ವಾಸ ತನಗೆ ಈ ಬೃಹತ್ ಗೆಲುವಿನ ರೂಪದಲ್ಲಿ ದೊರಕಿದೆ ಎಂದುಾತ ಅಲ್ಲಾಹನ ಮಹಿಮೆಯನ್ನ ಕೊಂಡಾಡಿದ. ಅವನ ಈ ಉಪಕಾರ ಸ್ಮರಣೆಯ ದ್ಯೋತಕವಾಗಿ ಓತಪ್ರೋತವಾಗಿ ಅವನ ಬಾಯಿಯಿಂದ ಸುರಾಗಳ ಮಳೆ ಸುರಿಯಿತು. ಸುರಾ ೮/೪೭, ೮/೪೨, ೫/೨೪, ೮/೫-೮, ೮/೧೨, ೮/೯, ೫೪/೪೫, ೨೨/೧೯, ೮/೪೯, ೮/೧೭ ಇವೆಲ್ಲವೂ ಆ ಸಂದರ್ಭದ ಅಮೂಲ್ಯ ಕೊಡುಗೆಗಳು ಎನ್ನುತ್ತಾನೆ ತನ್ನ 'ಸೀಲ್ಡ್ ನೆಕ್ಟರ್' ಕೃತಿಯಲ್ಲಿ ಇತಿಹಾಸಕಾರ ಅಲ್ ಮುಬಾರಖಿ.



ಇತ್ತ ಮೆಕ್ಕದಲ್ಲಿ ಮಾತ್ರ ಖುರೈಷಿಗಳ ಪರಿಸ್ಥಿತಿ ಹೀನಾಯವಾಗಿತ್ತು. ಅವರ ಸೈನ್ಯದ ಸೋಲು ಸಮುದಾಯದ ಪಾಲಿಗೆ ಅತ್ಯಂತ ಶೋಚನೀಯ ಹಾಗೂ ನಾಚಿಕೆಗೇಡಿನ ಸಂಗತಿಯಾಗಿತ್ತು. ನಾಚಿಕೆಯಿಂದ ಅವರ ಒಳ ಮನ ಹಿಂಡಿ ಹೋಗಿದ್ದರೆ ಸೇಡಿನ ಜ್ವಾಲೆ ಅವರ ಹೃದಯವನ್ನ ಬೇಯುವಂತೆ ಮಾಡಿತ್ತು. ಅವರೆಲ್ಲರ ಎದೆ ಬೆಂಕಿಯ ಬೀಡಾಗಿತ್ತು. ಅವರ ಮುಖಂಡ ಹಾಗೂ ಇದಕ್ಕೆಲ್ಲಾ ಮೂಲ ಕಾರಣನಾಗಿದ್ದ ಅಬು ಸಫ್ಯಾನ ಈ ವೇಳೆ ಒಂದು ಘೋರ ಪ್ರತಿಜ್ಞೆಯನ್ನೆ ಮಾಡಿದ. ತಾನು ಮಹಮದನ ಹುಟ್ಟಡಗಿಸುವವರೆಗೂ ತನ್ನ ದಾಂಪತ್ಯ ಸುಖವನ್ನೆ ತ್ಯಜಿಸುತ್ತಿರುವುದಾಗಿ ಶೋಕ ಸಭೆಯಲ್ಲಿ ಆತ ಘೋಷಿಸಿದ!



ಸರಿಸುಮಾರು ಒಂದು ತಿಂಗಳವರೆಗೆ ಅವರೆಲ್ಲರ ಶೋಕದ ಪರ್ವ ನಿರಂತರವಾಗಿ ಮುಂದುವರೆಯಿತು. ಪ್ರತಿಯೊಂದು ಮನೆಯಲ್ಲೂ ಕಣ್ಣೀರ ಕೋಡಿ ಹರಿಯದ ದಿನವಿರಲಿಲ್ಲ. ಎಲ್ಲೆಡೆ ದುಃಖ ಮಡುಗಟ್ಟಿತ್ತು. ಕಾಲ ಕಳೆದಂತೆ ಅವರ ಸಂಯಮದ ಕಟ್ಟೆ ಒಡೆಯುವ ಹಂತಕ್ಕೆ ಬಂದು ಮುಟ್ಟಿತ್ತು. ಆದರೆ ಈ ಶೋಕದ ಗಾಳಿ ಅಧಿಕೃತವಾಗಿ ಅಬು ಸಫ್ಯಾನನ ಮಎಯನ್ನ ಮಾತ್ರ ಹೊಕ್ಕಿರಲಿಲ್ಲ! ಆತ ತನ್ನ ಹೆಂಡತಿ ಹಿಂದ್'ಳನ್ನ 'ಅಲ್ಲವೆ ಅದ್ಯಾಕೆ ರೋಧಿಸುತ್ತಿಲ್ಲ ನೀನು! ನಿನ್ನ ನಿನ್ನ ತಂದೆ ಓತ್ಬಾ ಹಾಗೂ ಸಹೋದರನ ಹತ್ಯೆಗೆ ಶೋಕ ಆಚರಿಸುವುದಿಲ್ಲವೆ?' ಎಂದು ಆತ ಪ್ರಶ್ನಿಸಲು, ಅವಳು ಇವನ ಪೌರುಷ ಕೆಣಕುವಂತೆ "ಹೆಣ್ಣಾಗಿ ಹಿಂದೆ ಕಣ್ಣೀರು ಮಿಡಿಯುತ್ತಿದ್ದೆ ನಿಜ! ಆದರೆ ಈಗ ಈ ಹಿಂದ್'ಳ ಘನತೆಗೆ ಅದು ಶೋಭಿಸುವುದಿಲ್ಲ. ನೀವೆಲ್ಲರೂ ಒಂದಾಗಿ ಸೇರಿ ಆ ಮಹಮದನ ನಡು ಮುರಿಯುವವರೆಗೂ ನಾನು ಒಂದು ತೊಟ್ಟು ಕಂಬನಿಯನ್ನೂ ಸುರಿಸುವುದಿಲ್ಲ!" ಎಂದು ಬಿಟ್ಟಳು.



ಇತ್ತ ಮೆಕ್ಕಾದ ಶೊಚನೀಯ ಶೊಕಗ್ರಸ್ಥ ಪರಿಸ್ಥಿತಿ ಹೀಗೆ ಸಾಗುತ್ತಿದ್ದರೆ ಅತ್ತ ಮದೀನಾದಲ್ಲಿ ಖುಷಿ ಕಾಲು ಮುರಿದುಕೊಂಡು ಬಿದ್ದಿತ್ತು. ತನ್ನ ವಿಜಯವನ್ನ ಸಹಜವಾಗಿ ತನ್ನ ಬೋಧನೆಯ ಧರ್ಮದ ವಿಜಯವೆಂದು ಮಹಮದ್ ಸಾರಲು ಆರಂಭಿಸಿದ್ದ. ಅದು ಸ್ವಾಭಾವಿಕವೂ ಆಗಿತ್ತು. ಇದರಿಂದ ಆಂತರಿಕವಾಗಿ ಮಹಮದನ ಶಕ್ತಿ ಇಮ್ಮಡಿಸಿತು. ಆದರೆ ಅವನ ಧರ್ಮವನ್ನ ಒಪ್ಪದೆ ಅದರೆಡೆಗೆ ಆರ್ಷಿತರಾಗದಿರುವವರ ಮನದಲ್ಲಿ ಮಾತ್ರ ಇದರಿಂದ ಆತಂಕದ ಕಾರ್ಮೋಡಗಳು ಕವಿದವು. ಅಲ್ಲಾಹನಲ್ಲಿ ಅವಿಶ್ವಾಸ ಇಟ್ಟುಕೊಂಡ ಕಾರಣಕ್ಕೇನೆ ಖುರೈಷಿಗಳು ಅವನ ಪಡೆಯಿಂದ ಸೋತು ಸುಣ್ಣವಾದರು ಎನ್ನುವ ಗಾಳಿಸುದ್ದಿಗೆ ಅವರೆಲ್ಲಾ ತಲ್ಲಣಗೊಂಡರು.



ಅಂತವರಲ್ಲಿ ಮದೀನಾದ ಮುಖಂಡ ಅಬ್ದುಲ್ ಇಬ್ನ್ ಒಬೈ ಕೂಡಾ ಒಬ್ಬನಾಗಿದ್ದ. ಪ್ರಭಾವಿಯಾಗಿದ್ದ ಆತ ಇನ್ನೂ ಇಸ್ಲಾಮಿನತ್ತ ಆಸಕ್ತಿ ಬೆಳೆಸಿಕೊಂಡಿರಲಿಲ್ಲ. ಅವನಂತೆಯೆ ತಟಸ್ಥರಾಗಿದ್ದ ಅದೆಷ್ಟೋ ಮದೀನಾ ನಿವಾಸಿಗಳಿದ್ದರು. ಅವರು ಅತ್ತಲಾಗೆ ತಮ್ಮ ಮೂರ್ತಿ ಪೂಜೆಯ ಅರೆ ವೈದಿಕ ವಿಧಿಗಳನ್ನ ಬಿಡಲೂ ಇಲ್ಲ ಹಾಗಂತ ಮಹಮದನ ಹೊಚ್ಚ ಹೊಸ ಬೋಧನೆಗಳನ್ನ ವಿರೋಧಿಸಲೂ ಇಲ್ಲ. ಆದರೆ ಈ ಬದರ್ ಯುದ್ಧದ ಮುಸಲ್ಮಾನರ ವಿಜಯ ಅವರಲ್ಲಿ ಹೊಸ ಧರ್ಮದ ಬಗ್ಗೆ ಗಮನ ಸೆಳೆಯುವಂತೆ ಮಾಡಿತು.


ಮದೀನಾ ಹಾಗೂ ಅದರ ಆಸುಪಾಸಿನ ಯಹೂದಿಗಳು ಈ ಯುದ್ಧದ ಬಳಿಕ ಮಹಮದನ ಶಕ್ತಿಯನ್ನ ಗೌರವಿಸಲಾರಂಭಿಸಿದರು. ಆದರೆ ಅವನ ಮತಕ್ಕೆ ಸೇರುವ ಮನಸೊಂದನ್ನ ಮಾತ್ರ ಅವರ್ಯಾರೂ ಮಾಡಲಿಲ್ಲ. ಜೊತೆಗೆ ಅವನ ಬೆನ್ನ ಹಿಂದೆ ಹಾಗೂ ಪರೋಕ್ಷವಾಗಿ ಅವನನ್ನೂ ಅವನ ಧರ್ಮವನ್ನೂ ಟೀಕಿಸುವುದನ್ನೂ ಸಹ ನಿಲ್ಲಿಸಲಿಲ್ಲ.  ಮಹಮದನಿಗೂ ಇದರ ಅರಿವಿತ್ತು. ತನ್ನ ಕಾರ್ಯ ಸಾಧನೆಗೆ ಈ ಯಹೂದಿಗಳು ಮಗ್ಗುಲ ಮುಳ್ಳಾಗಿದ್ದಾರೆ ಎಂದೆ ಆತ ಭಾವಿಸಿದ್ದ. ಆದರೆ ತನ್ನ ತೋಳ್ಬಲವನ್ನ ಸಾಬೀತು ಪಡಿಸಿದ ಬದರ್ ಯುದ್ಧದ ನಂತರ ಅವರಲ್ಲಿ ಅನೇಕರು ಮೇಲ್ನೋಟಕ್ಕಾದರೂ ಅವನ ಭಕ್ತರಾಗಿ ಪರಿವರ್ತಿತರಾಗಿದ್ದರು.



ಹೀಗಾಗಿ ಈ ಶರಣಾಗತಿಯ ಆ ಹೊತ್ತಿನ ಉಪಯೋಗವನ್ನ ಸಶಕ್ತವಾಗಿ ಪಡೆದುಕೊಳ್ಳಲು ಅವನು ಮುಂದಾದ. ಅಂತಹ ಕೆಲವರನ್ನ ಆತ ತನ್ನ ಗೂಢಚಾರರಾಗಿ ನೇಮಿಸಿಕೊಂಡ. ಯಹೂದಿ ಸಮಾಜ ಹಾಗೂ ಇನ್ನಿತರ ಅವಿಶ್ವಾಸಿ ಸಮುದಾಯದಲ್ಲಿ ಆಗಾಗ ನುಸುಳಿ ಅವರ ಅಭಿಪ್ರಾಯಗಳನ್ನ ಸಂಗ್ರಹಿಸಿ, ಇಸ್ಲಾಮಿನ ವಿರುದ್ಧ ಅವರೇನಾದರೂ ಪಿತೂರಿ ಹೂಡಿದರೆ ಅದನ್ನ ತಿಳಿಸುವ ಹೊಣೆಗಾರಿಕೆಯನ್ನವರಿಗೆ ವಹಿಸಲಾಯಿತು. ಕೈತುಂಬ ಕಾಸು ತರುವ ಆ ಸುಲಭದ ಚಾಡಿಕೋರತನಕ್ಕೆ ಅವರೂ ಸಹ ಬಲಿ ಬಿದ್ದರು. ಅವರ ಗುಪ್ತ ಮಾಹಿತಿ ಹಾಗೂ ನಿಖರವಾದ ಬಾತ್ಮಿಗಳ ದೆಸೆಯಿಂದ ಮಹಮದನಿಗೆ ಅವಿಶ್ವಾಸಿಗಳ ವಿರುದ್ಧ ಮುಂದಿನ ದಿನಗಳಲ್ಲಿ ಸಹಜವಾಗಿ ಸೂಕ್ತವಾದ ಪರಿಣಾಮಕಾರಿ ಕ್ರಮಗಳನ್ನು ಕೈಗೊಳ್ಳಲು ಸಾಧ್ಯವಾಯಿತು.


( ಇನ್ನೂ ಇದೆ.)

24 October 2015

ವಲಿ - ೧೫







ಕ್ಯಾರವಾನ್ ಲೂಟಿಯನ್ನೆ ಮೂಲಮಂತ್ರ ಮಾಡಿಕೊಂಡ ಮಹಮದನ ದಂಡಯಾತ್ರೆಗಳು ಕ್ರಮೇಣ ಹೆಚ್ಚಿದವು. ಇಂತಹ ಚುರುಕಿನ ಕೊಳ್ಳೆ ಸಂಗ್ರಹದ ಸಂದರ್ಭದಲ್ಲಿಯೆ ಮೆಕ್ಕಾದ ಖುರೈಷಿ ಮುಖಂಡ ಅಬು ಸಫ್ಯಾನನ ಭರ್ಜರಿ ಕ್ಯಾರವಾನ್ ಒಂದು ದೂರದ ಸಿರಿಯಾದವರೆಗೆ ಸಾಗಿ ಲಾಭದಾಯಕವಾದ ವ್ಯಾಪಾರ ಮಾಡಿಕೊಂಡು, ಬೆಲೆಬಾಳುವ ಸ್ವತ್ತುಗಳೊಡನೆ ಮೆಕ್ಕಾಕ್ಕೆ ಮರಳಿ ಬರುತ್ತಿರುವ ಸಂಗತಿ ತನ್ನ ಗೂಡಚರರಿಂದ ಮಹಮದನಿಗೆ ತಿಳಿಯಿತು. ಕ್ಷಣವೂ ತಡ ಮಾಡದೆ ಆತ ಕಾರ್ಯಪ್ರವರ್ತನಾದ. ಕೂಡಲೆ ಸಿರಿಯಾದಿಂದ ಮೆಕ್ಕಾ ನಡುವಿನ ಹೆದ್ದಾರಿಯ ಎಲ್ಲಾ ಇನ್ನಿತರ ಬುಡಕಟ್ಟಿನ ಮುಖಂಡರೊಂದಿಗೆ ಸಂಧಿ ಮಾಡಿಕೊಂಡ. ಅದರ ಪ್ರಕಾರ ಅವರು ಈ ಇಬ್ಬರ ನಡುವಿನ ಹೋರಾಟದಲ್ಲಿ ತಟಸ್ಥರಾಗಿ ಉಳಿಯುವ ನಿರ್ಧಾರ ತಳೆಯಬೇಕಿತ್ತು. ಈ ನಡುವೆ ಈ ಸಂಧಿ, ಕುತಂತ್ರ ಹಾಗೂ ಆಕ್ರಮಣದ ಸುದ್ದಿ ತನ್ನ ಗೂಢಚರರ ಮೂಲಕ ಅಬು ಸಫ್ಯಾನನಿಗೂ ತಿಳಿಯಿತು. ಆತ ತಕ್ಷಣ ಮೆಕ್ಕಾದ ತನ್ನ ಬಂಧುಗಳಿಗೆ ಸುದ್ದಿ ರವಾನಿಸಿ ತನ್ನ ಹಾಗೂ ಕ್ಯಾರವಾನಿನ ರಕ್ಷಣೆಗೆ ಒಂದು ಸೈನಿಕ ಪಡೆಯನ್ನ ರವಾನಿಸುವಂತೆ ಕೋರಿಕೆ ಸಲ್ಲಿಸಿದ.


ಇತ್ತ ಮಹಮದ ತನ್ನ ಅನುಯಾಯಿಗಳ ಸಭೆ ಕರೆದು. ತನಗೆ ಅಬು ಸಫ್ಯಾನನ ಕ್ಯಾರವಾನ್ ಕೊಳ್ಳೆ ಹೊಡೆಯಲು ದೈವಾನುಮತಿ ಸಿಕ್ಕಿದೆ ಎಂದು ಸಾರಿದ. ಅವನ ಉತ್ತೇಜನದ ಹುರಿದುಂಬಿಸುವ ಮಾತುಗಳು ಅವರೆಲ್ಲರ ರಣೋತ್ಸಾಹವನ್ನು ಹೆಚ್ಚಿಸಿದವು. ಅರಬ್ಬರ ರಕ್ತದಲ್ಲಿಯೆ ಕೊಳ್ಳೆ ಹೊಡೆಯುವ ಹಾಗೂ ಹೋರಾಡುವ ಗುಣವಿದ್ದು ಅದು ಸಹಜವಾಗಿ ಮದೀನದ ವಾಸಿಗಳಿಗೂ ಇದ್ದೇ ಇತ್ತು. ಅವರೆಲ್ಲಾ ತಮ್ಮ ಬುಡಕಟ್ಟಿನ ರೀತಿ ರಿವಾಜಿನಂತೆ ಹೋರಾಟಕ್ಕೆ ಜಾತಕ ಪಕ್ಷಿಗಳಂತೆ ಕಾಯ ತೊಡಗಿದರು. ಹೀಗಾಗಿ ಆತನ ಪಡೆಯಲ್ಲಿ ನವ ಮುಸಲ್ಮಾನರಾಗದಿದ್ದವರೂ ಸಹ ಸೇರಲು ಅತೀವ ಆಸೆ ಪಟ್ಟರು. ಆದರೆ ಮಹಮದ್ ಹುಷಾರಾಗಿ ಕೇವಲ ತನ್ನ ಕುಲ ಬಾಂಧವರಿಗಷ್ಟೆ ತನ್ನ ಪಡೆಯಲ್ಲಿ ಜಾಗ ನೀಡಿದ. ತನ್ನ ನೂತನ ಮತಾಅವಲಂಭಿಗಳಿಗೆ ಮಾತ್ರ ಈ ದೈವವಾಣಿ ಅನ್ವಯಿಸುತ್ತದೆ ಎಂದು ಘೋಷಿಸಿದ. ಆ ದೈವವಾಣಿ ೮/೧-೭೩ರ ಮೂಲಕ ಮಹಮದನಿಗೆ ಅಲ್ಲಾಹನ ಲೂಟಿಯ ಆಜ್ಞೆಯಾಗಿ ಸಿಕ್ಕಿತು.


ಕ್ರಿಸ್ತಶಕ ೬೩೨ರ ಜನವರಿ ೮ ರಂದು ಮಹಮದನ ಪಡೆ ಮದೀನಾದಿಂದ ಯುದ್ಧ ರಂಗಕ್ಕೆ ಹೊರಟಿತು. ಇತಿಹಾಸಕಾರ ವಿಲಿಯಂ ಮ್ಯೂರನ ಪ್ರಕಾರ ಆದರಲ್ಲಿ ಮುನ್ನೂರ ಐದು ಮಂದಿ ಯೋಧರಿದ್ದರು. ಎರಡು ದಿನಗಳ ನಿರಂತರ ನಡುಗೆಯ ನಂತರ ಬದರ್ ಎನ್ನುವ ಸ್ಥಳದಲ್ಲಿ ಈ ಪಡೆ ತಂಗಿತು. ಇತ್ತ ಅಬು ಸಫ್ಯಾನನೂ ಅದೆ ಹಾದಿಯಾಗಿ ಬದರ್ ಮೂಲಕ ಬರುವಾಗ ಅವನಿಗೆ ಮಹಮದನ ಪಡೆ ತನ್ನ ಕ್ಯಾರವಾನನ್ನೆ ನಿರೀಕ್ಷಿಸುತ್ತಾ ಠಿಕಾಣಿ ಹೂಡಿರುವ ವಿಷಯ ತಿಳಿಯಿತು. ಅವನು ಚಾಣಾಕ್ಷತೆಯಿಂದ ಹೆದ್ದಾರಿ ಮಾರ್ಗವಾಗಿ ಸಾಗದೆ ಬದರ್ ಸುತ್ತುವರೆದು ಇನ್ನೊಂದು ಅಡ್ಡ ದಾರಿಯ ಮೂಲಕ ಮೆಕ್ಕಾದತ್ತ ಚಲಿಸಿದ. ಈ ನಡುವೆ ಆತನ ಬೇಹುಗಾರ ಮೊದಲೆ ಮೆಕ್ಕಾ ಮುಟ್ಟಿ ಮಹಮದನ ಆಕ್ರಮಣದ ಸುದ್ದಿಯನ್ನ ಅಲ್ಲಿನವರಿಗೆ ಅರುಹಿದ್ದರಿಂದ ಅಲ್ಲಿನವರು ಯುದ್ಧ ಸನ್ನದ್ಧರಾಗಿ ನಿಂತರು.



ತಾವು ರಕ್ತ ಬಸಿದು ಬೆವರಾಗಿ ಹರಿಸಿ ಕಷ್ಟದಲ್ಲಿ ಸಂಪಾದಿಸಿ ತಂದ ಸೊತ್ತನ್ನ ಹೀಗೆ ಕ್ಷಣಾರ್ಧದಲ್ಲಿ ಹದ್ದಿನಂತೆ ಮೇಲೆರಗಿ ಬಂದು ಕಿಂಚಿತ್ತೂ ದ್ರವ್ಯ ಸಾಮಗ್ರಿಗಳನ್ನ ಬಿಡದೆ ಮಹಮದ್ ಲೂಟಿ ಮಾಡಿಕೊಂಡು ಹೋಗುವುದು ಅವರ ಪಾಲಿಗೆ ಸಹಿಸಲಿಕ್ಕೆ ಅಸಾಧ್ಯವಾಗಿತ್ತು. ಹೀಗಾಗಿ ಈ ಸಾರಿ ನಿರ್ಣಾಯಕವಾಗಿ ಅವನ ಉಪಟಳಕ್ಕೊಂದು ಅಂತ್ಯ ಕಾಣಿಸಲು ಅವರೆಲ್ಲಾ ನಿರ್ಧರಿಸಿದರು. ಊರಿನ ಪ್ರತಿಯೊಬ್ಬ ಖುರೈಷಿ ಯುವಕನೂ ಶಸ್ತ್ರ ಸನ್ನದ್ಧನಾಗಿ ಹೊರಟ. ಯಾರು ವಯೋವೃದ್ಧರಾಗಿ ಅಸಹಾಯಕರಾಗಿದ್ದರೋ ಅವರು ತಮ್ಮ ಪರವಾಗಿ ಇನ್ನೊಬ್ಬರನ್ನ ನೇಮಿಸಿದರು. ಹೀಗೆ ಮೆಕ್ಕಾದಲ್ಲೆ ಉಳಿದರೂ ಸಹ ತನ್ನ ಪರವಾಗಿ ಯೋಧನನ್ನ ನೇಮಿಸಿ ಕಳಿಸಿದ್ದವರಲ್ಲಿ ಮಹಮದನ ದೊಡ್ಡಪ್ಪ ಅಬು ಲೆಹಾಬ್ ಸಹಿತ ಸೇರಿದ್ದ.



ಆದರೆ ತಾವು ಇನ್ನೂ ಹೊರಡುವ ಮೊದಲೆ ಆಬು ಸಫ್ಯಾನ ಅಡ್ಡ ದಾರಿಯ ಮೂಲಕ ಮೆಕ್ಕಾದತ್ತ ಚಲಿಸುತ್ತಿರುವ ಇನ್ನೊಂದು ಸುದ್ದಿ ಅವರಿಗೆ ಬಂದು ಮುಟ್ಟಿತು. ಹೀಗಾಗಿ ತಾವು ವ್ಯಥಾ ಮಹಮದನ ಮುಂದೆ ಹೋಗಿ ಕಾಳಗ ಜರುಗಿಸಬೇಕೆ? ಅಥವಾ ಅರ್ಧ ದಾರಿಯಿಂದ ಹಿಂದುರುಗಿ ಹೋಗೋಣವೆ? ಎನ್ನುವ ಜಿಜ್ಞಾಸೆಯಲ್ಲವರು ತೊಡಗಿದರು. ಅವರಲ್ಲಿ ಹಿರಿಯರು ಮಹಮದ್ ಹಾಗೂ ಅವನ ಜೊತೆಯಲ್ಲಿರುವ ಎಲ್ಲರೂ ತಮ್ಮ ಖುರೈಷಿ ಬುಡಕಟ್ಟಿನವರೆ ತಾನೆ? ನಾವೇ ನಮ್ಮವರನ್ನ ಅದೇಕೆ ಹಿಂಸಿಸಿ ಸಂತೋಷ ಪಡೋದು! ಎನ್ನುವ ವಾದ ಹೂಡಿದರು. ಆದರೆ ಬಿಸಿರಕ್ತದ ಯುವಕರಿಗೆ ಈ ವಿತಂಡವಾದ ಸಮ್ಮತವಾಗಿರಲಿಲ್ಲ. ಕಾರಣವಿಲ್ಲದೆ ಕಾಲು ಕೆರೆದುಕೊಂಡು ಬರುವುದನ್ನೆ ಪ್ರವೃತ್ತಿ ಮಾಡಿಕೊಂಡಿರುವ ಮಹಮದನ ಹುಟ್ಟಡಗಿಸಬೇಕೆಂದು ಅವರೆಲ್ಲಾ ವಾದಿಸಿದರು. ಅವನು ಹೀಗೆಲ್ಲ ಸಿರಿವಂತಿಕೆಯನ್ನ ಅಕ್ರಮವಾಗಿ ಗಳಿಸಿ ಬಲವಂತನಾಗುವ ಮುನ್ನವೆ ಮಟ್ಟ ಹಾಕುವುದೆ ಸರಿ ಎನ್ನುವ ನಿರ್ಧಾರಕ್ಕೆ ಬರಲಾಯಿತು. ಹೀಗಾಗಿ ಪಡೆ ಯುದ್ಧಾಗಂಣಕ್ಕೆ ಮುನ್ನಡೆಯಿತು. ಇತ್ತ ಅಬು ಸಫ್ಯಾನ್ ಸುರಕ್ಷಿತವಾಗಿ ಮೆಕ್ಕಾ ಮುಟ್ಟಿ ಆಗಿತ್ತು!



ಮಹಮದ್ ಬದರ್ ಬಂದ ದಿನದಲ್ಲಿಯೆ ಆತನಿಗೆ ತನ್ನ ಗುರಿ ತಪ್ಪಿರುವುದು ಅರಿವಿಗೆ ಬಂತು. ಸಾಲದ್ದಕ್ಕೆ ಖುರೈಷಿಗಳ ಪಡೆಯನ್ನ ಎದುರಿಸುವ ಅನಿವಾರ್ಯತೆ ಬೇರೆ ಸೃಷ್ಟಿಯಾಗಿತ್ತು. ಈ ಆಪತ್ತಿನ ಕ್ಷಣದಲ್ಲಿಯೂ ಆತ ಧೃತಿ ಗೆಡಲಿಲ್ಲ. ತನ್ನ ಹಿತೈಷಿಗಳೂ ಹಾಗೂ ಅತ್ಯಾಪ್ತರೂ ಆಗಿದ್ದ ಅಬು ಬಕರ್ ಹಾಗೂ ಉಮರ್'ನೊಡನೆ ಖಾಸಗಿಯಾಗಿ ಚರ್ಚಿಸಿದನಾತ. ಯುದ್ಧ ಬೇಕೆ? ಬೇಡವೆ? ಅನ್ನುವ ಅವನ ಅಂತರಂಗದ ಪ್ರಶ್ನೆಗೆ ಅವರಿಬ್ಬರೂ ಸಮ್ಮತಿ ಸೂಚಕವಾಗಿಯೆ ತಲೆ ಆಡಿಸಿದರು. ಖುರೈಷಿಗಳಿಂದ ಧರ್ಮಾಂತರವಾದ ಕಾರಣಕ್ಕೆ ತಮಗಾದ ಅವಮಾನ ಹಾಗೂ ಗಡಿಪಾರಿನ ಕುರಿತು ಅವರೊಳಗೂ ದ್ವೇಷಾಸೂಯೆ ಹೊಗೆಯಾಡುತ್ತಿದ್ದು ಸೂಕ್ತ ಪ್ರತಿಕಾರ ಜರುಗಿಸುವ ಆಸೆ ಅವರಿಗೂ ಸಹ ಇತ್ತು.


ಹೀಗಾಗಿ ಮಹಮದ್ ಯುದ್ಧದತ್ತ ಚಿತ್ತ ನೆಟ್ಟ. ಅದನ್ನ ದೇವರ ಹೆಸರಿನಲ್ಲಿ ಅಧಿಕೃತಗೊಳಿಸಲು ಉತ್ತೇಜನದ ನುಡಿಗಳೊಂದಿಗೆ ಯುದ್ಧವನ್ನ ತನ್ನ ಪಡೆಯ ಮುಂದೆ ಸಾರಿದ. 'ದೇವರ ದಯದಿಂದ ಮುನ್ನುಗ್ಗಿರಿ. ದೇವರು ಎರಡರಲ್ಲಿ ಒಂದನ್ನು ನಿಮಗೆ ನೀಡಲು ಆಶ್ವಾಸನೆ ನೀಡಿರುತ್ತಾನೆ. ಆತ ಸೈನ್ಯ ಅಥವಾ ಕ್ಯಾರವಾನನ್ನು ನನ್ನ ಕೈಗೆ ನೀಡುವನು!. ಓ ದೇವರೆ! ರಣರಂಗದಲ್ಲಿ ಹರಡಿರುವ ಹೆಣಗಳ ದೃಶ್ಯವನ್ನು ನಾನು ನೋಡುತ್ತಿರುವ ಹಾಗೆ ಕಾಣುತ್ತಿದೆ!' ಎಂದು ಉತ್ಸಾಹ ಹೆಚ್ಚಿಸುವ ನುಡಿಗಳನ್ನೆ ಆತ ನುಡಿದ. ಮಹಮದ್ ತನ್ನ ಶತ್ರು ಸೈನ್ಯದ ಸಂಖ್ಯಾಬಲ, ಅವರ ಶಸ್ತ್ರ ಶಕ್ತಿಯ ಮಾಹಿತಿ ಹಾಗೂ ಇನ್ನಿತರ ಸರಂಜಾಮಿನ ವಿವರಗಳನ್ನ ಬೇಹುಗಾರರಿಂದ ಕೇಳಿ ಅರಿತ. ತನ್ನ ಸೈನ್ಯದ ಸುರಕ್ಷಿತ ಠಿಕಾಣಿಗೆ ಸೂಕ್ತ ಸ್ಥಳವನ್ನ ಅರಸಲು ಅಲಿಯನ್ನ ಕಳುಹಿಸಿದ.


ಇತಿಹಾಸಕಾರ ರೊನಾಲ್ಡ್ ಬ್ರಾಡ್'ಹಾರ್ಸ್ಟ್ ತನ್ನ ಕೃತಿ 'ದ ಟ್ರಾವೆಲ್ಸ್ ಆಫ್ ಇಬ್ನ್'ನಲ್ಲಿ ಹೇಳುವಂತೆ ಬದರ್ ಒಂದು ಬಯಲು ಪ್ರದೇಶವಾಗಿತ್ತು. ಸುತ್ತಲೂ ಬೆಟ್ಟಗುಡ್ಡಗಳು ಆವರಿಸಿದ್ದವು. ಪುಟ್ಟ ನೀರಿನ ಝರಿಯೊಂದು ಪೂರ್ವ ದಿಕ್ಕಿನ ಕಡೆಯಿಂದ ಇಳಿದು ಬಯಲಿನತ್ತ ಹರಿದು ಸಾಗುತ್ತಿತ್ತು. ಸಾಗುವ ಹಾದಿಯಲ್ಲಿ ಅದು ಅನೇಕ ನೀರಿನ ಬುಗ್ಗೆ ಹಾಗೂ ಹೊಂಡಗಳನ್ನ ಅಲ್ಲಲ್ಲಿ ಉಂಟು ಮಾಡುತ್ತಲಿತ್ತು. ಮೊದಲಿಗೆ ಮಹಮದ್ ಅಂತಹ ಒಂದು ನೀರಿನ ಬುಗ್ಗೆಯ ಬಳಿಯೆ ತನ್ನ ಸೈನ್ಯದೊಂದಿಗೆ ಬೀಡು ಬಿಟ್ಟಿದ್ದ. ಆದರೆ ಆ ಪ್ರದೇಶದ ಸಂಪೂರ್ಣ ಪರಿಚಯವಿದ್ದ ಮಹಮದನ ಅನುಚರ ಅಲ್ ಹೊಬಾಬ್ ಈ ಝರಿಯ ಮುಖವನ್ನು ಹಿಡಿದು ಬೆಟ್ಟದಾಚೆ ಹೊರಟರೆ ಅಲ್ಲಿ ಸಮೃದ್ಧವಾದ ನೀರಿನ ಆಸರೆ ಇದೆಯೆಂದೂ, ಅಲ್ಲಿಗೆ ಹೋದರೆ ಸೈನ್ಯದ ಸಕಲ ಅಗತ್ಯಗಳಿಗೂ ಅಗತ್ಯವಾದಷ್ಟು ನೀರು ಸಿಕ್ಕಬಹುದೆಂದು ಮಾಹಿತಿ ನೀಡಿದ. ಅವನ ಅ ಸಲಹೆಯಂತೆ ಮುಂದೆ ಸಾಗಲು ಸಮ್ಮತಿಸಿದ ಮಹಮದ್. ಈ ಕೆಳಗಿನ ಬುಗ್ಗೆಗಳು ಹಾಗೂ ನೀರಿನ ಹೊಂಡಗಳು ಖುರೈಷಿಗಳ ಉಪಯೋಗಕ್ಕೆ ಸಿಗದಿರಲಿ ಎನ್ನುವ ಉದ್ದೇಶದಿಂದ ಅವುಗಳನ್ನೆಲ್ಲಾ ಮರಳು ತುಂಬಿಸಿ ಮುಚ್ಚಿಸಿದ. ಅನಂತರ ಸೈನ್ಯ ಮುಂದೆ ಎತ್ತರಕ್ಕೆ ಪ್ರಯಾಣ ಬೆಳಸಿತು.



ಅಲ್ಲಿ ಬಂಟ ತಿಳಿಸಿದ ಹಾಗೆ ಅಪಾರ ನೀರಿನ ಖಜಾನೆಯಿದ್ದ ಝರಿಯ ಮೂಲ ಸಿಕ್ಕಿತು. ಸಂಪ್ರೀತನಾದ ಮಹಮದ್ ಅಲ್ಲಿಯೆ ಠಿಕಾಣಿ ಹೂಡಿದ. ಅವನಿಗೋಸ್ಕರ ಖರ್ಜೂರದ ಗರಿಗಳಿಂದ ಅನುಯಾಯಿಗಳು ತತ್ಕಾಲಿಕವಾದ ಗುಡಿಸಲೊಂದನ್ನ ನಿರ್ಮಿಸಿದರು. ರಾತ್ರಿಯಾಗುತ್ತಿದ್ದಂತೆ ಬಲವಾದ ಕಾವಲನ್ನೂ ಸಹ ಒದಗಿಸಿದರು. ಎರಡು ದಿನಗಳ ನಿರಂತರ ನಡುಗೆಯ ಆಯಾಸ ಬೇರೆ ಆಗಿತ್ತು, ಆ ರಾತ್ರಿ ಬಾನು ಕಪ್ಪಾಗಿ ಒಳ್ಳೆಯ ಮಳೆ ಸುರಿಯಿತು ಈ ತಂಪಿನ ನಡುವೆಯೂ ದೇಹಾಯಾಸದ ದೆಸೆಯಿಂದ ಅವರೆಲ್ಲ ಗಾಢವಾಗಿ ಮಲಗಿ ನಿದ್ರಿಸಿ ವಿಶ್ರಾಂತಿ ತೆಗೆದುಕೊಂಡರು.


ಇತ್ತ ಮೊದಲಿನ ಜಿಜ್ಞಾಸೆಯ ಮೇಲೆ ಯುದ್ಧ ಬೇಕೋ? ಬೇಡವೋ? ಎನ್ನುವ ಒಡಕು ನಾದ ಖುರೈಷಿಗಳ ಪಡೆಯಲ್ಲಿಯೂ ಸಹ ಆ ಒಡಕನ್ನ ವಿಸ್ತರಿಸಿತ್ತು. ಹಿರಿಯರು ಕೆಲವರು ಎಷ್ಟಾದರೂ ಆತ ನಮ್ಮ ಬುಡಕಟ್ಟಿನವನೆ, ವ್ಯಥಾ ರಕ್ತಪಾತವೇಕೆ? ನಾವು ಮರಳಿ ಮೆಕ್ಕಾ ಸೇರಿಕೊಳ್ಳೋಣ ಎನ್ನುವ ವಾದವನ್ನ ಹೂಡಿದರು. ಅವರ ಈ ವಾದಕ್ಕೆ ಸಮ್ಮತಿ ಸೂಚಿಸಿದವ ತರುಣ ಓಮೈರ್ ಮಾತ್ರ. ಅಪ್ರತಿಮ ಬಿಲ್ಲುಗಾರನಾಗಿದ್ದ ಆತ ಮಾರುವೇಷದಲ್ಲಿ ಮಹಮದನ ಠಿಕಾಣಿಯನ್ನ ಒಂದು ಸುತ್ತು ಹಾಕಿ ಬಂದಿದ್ದ! ಅವರ ಯುದ್ಧ ಪಿಪಾಸುತನ ಹಾಗೂ ಕೆಚ್ಚೆದೆಯಿಂದ ಕಾದಾಡುವ ರಣೋತ್ಸಾಹದ ನುಡಿಗಳು ಅವನನ್ನ ಆತಂಕಿತನಾಗಿಸಿದ್ದವು. ಕೊನೆ ಉಸಿರಿರುವ ತನಕ ಹೋರಾಡುವ ಮಹಮದನ ಪಡೆಯ ಕೆಚ್ಚೆದೆಯ ನಿರ್ಧಾರವನ್ನು ಕಂಡು ಬೆಚ್ಚಿಬಿದ್ದಿದ್ದನಾತ. ಅದನ್ನ ಇದ್ದ ಹಾಗೆಯೆ ಇಲ್ಲಿ ಬಂದು ಆತ ಅರುಹಿದ. ಅವನ ಮಾತುಗಳನ್ನ ಕೇಳುತ್ತಲೆ ಅನೇಕ ಖುರೈಷಿಗಳ ಜಂಘಾಬಲವೆ ಉಡುಗಿತು. ವ್ಯಾಪಾರಿಗಳಾಗಿದ್ದ ಅವರಿಗೆ ಕಾದಾಟ ಅಷ್ಟು ಆಸಕ್ತಿಯ ವಿಚಾರ ಆಗಿರಲಿಲ್ಲ. ಆದರೆ ಹಿಂದೊಮ್ಮೆ ಒತ್ತೆಯಾಳುಗಳಾಗಿ ಸೆರೆ ಸಿಕ್ಕು ಪವಿತ್ರ ದಿನಗಳಲ್ಲಿ ಮಹಮದನ ಅನುಚರರಿಂದ ದೈಹಿಕ ಹಿಂಸೆಯನ್ನ ಅನುಭವಿಸಿದ್ದ ಅಬು ಝಹಾಲ್ ಹಾಗೂ ಅಮೀರ್ ಇಬ್ನ ಅಲ್ ಹದ್ರಾಮಿ ಮಾತ್ರ ಈ ಹೇಡಿತನದ ಮಾತುಗಳಿಂದ ಕೆರಳಿ ನಿಂತರು. ಇವರೆಲ್ಲರ ಹೇಡಿತನವನ್ನ ಮನಸೋ ಇಚ್ಛೆ ಜರಿದರು. ಆಗ ಮರಳಿ ಜಾಗ್ರತವಾಯಿತು ಮತ್ತೆ ಖುರೈಷಿಗಳ ಪೌರುಷ. ಯುದ್ಧ ಮಾಡುವ ಅಂತಿಮ ನಿರ್ಧಾರ ತೆಳೆಯಲಾಯಿತು. ಬದರ್'ನತ್ತ ಸೈನ್ಯವನ್ನ ಖುರೈಷಿಗಳು ಮುನ್ನಡೆಸಿದರು.


ಮಹಮದ್ ವಾಸ್ತವದಲ್ಲಿ ಸಣ್ಣ ಸೈನಿಕ ಪಡೆಯೊಂದಿಗೆ ಅಂದಾಜಿಲ್ಲದೆ ಖುರೈಷಿಗಳ ದೊಡ್ದದಾಗಿರಬಹುದಾದ ಸಾಧ್ಯತೆ ಇರುವ ಸೈನ್ಯವನ್ನ ಎದುರಿಸಲು ಬಂದಿದ್ದ. ಆತ ತಂಗಲು ಆಯ್ಕೆ ಮಾಡಿಕೊಂಡಿದ್ದ ಸ್ಥಳ ಅತ್ಯುತ್ತಮವಾಗಿತ್ತು. ಆದರೆ ಸಂಖ್ಯಾ ಬಲದ ಆಧಾರದ ಮೇಲೆ ಪರಿಗಣಿಸಿದಾಗ ಆಯಕಟ್ಟಿನ ಸ್ಥಳದಲ್ಲಿ ಬೀಡು ಬಿಟ್ಟಿದ್ದರೂ ಸಹ ಖುರೈಷಿಗಳ ಅಪಾರ ಪ್ರಮಾಣದ ಸೈನ್ಯವನ್ನು ವಾಸ್ತವವಾಗಿ ಎದುರಿಸುವುದು ಕಠಿಣ ಎನ್ನುವ ಅರಿವು ಅವನಿಗಿತ್ತು. ಹೀಗಾಗಿ ತನ್ನ ಕದನ ಕಲಿಗಳ ಮನೋಸ್ಥೈರ್ಯ ಹೆಚ್ಚಿಸಲು ಅವನು ದೈವವಾಣಿಯ ಮೊರೆ ಹೋದ. " ಓ ದೇವನೆ! ಈ ನಿನ್ನ ಸಣ್ಣ ಪಡೆ ಒಂದುವೇಳೆ ನಾಶವಾದರೆ ಮತ್ತೆ ವಿಗ್ರಹಾರಾಧನೆ ಗೆಲ್ಲುತ್ತದೆ. ನಿನ್ನ ಪವಿತ್ರ ಆರಾಧನೆ ಈ ಲೋಕದಿಂದ ಕಣ್ಮರೆಯಾಗುತ್ತದೆ" ಎಂದು ಕಳಕಳಿಯಿಂದ ಆತ ಪ್ರಾರ್ಥಿಸಿದ.


ಆತನ ಆರ್ತ ಮೊರೆಗೆ ಅತನ ಬಾಯಿಯಿಂದಲೆ ದೇವರು ಉತ್ತರವನ್ನೂ ಸಹ ಕೊಟ್ಟರು! ತನ್ನ ಸಂಪೂರ್ಣ ಬೆಂಬಲ ಹಾಗೂ ಭರವಸೆಗಳನ್ನ ಅಲ್ಲಾಹ ಮಹಮದನ ಮೂಲಕ ಮಹಮದನಿಗೇನೆ ಮುಟ್ಟಿಸಿದ!! ಅದು ಸುರಾ ೮/೧೨ ಹಾಗೂ ೮/೯ರಲ್ಲಿ ಸ್ಪಷ್ಟವಾಗಿ ವ್ಯಕ್ತವಾಗಿದೆ. ಸುರಾ ೫೪/೪೫, ೨೨/೧೯, ೮/೪೮ ಹಾಗೂ ೮/೪೯ರಲ್ಲಿ ಅದನ್ನ ಗಮನಿಸಬಹುದು. ಹೀಗಾಗಿ ಖುರೈಷಿ ಸೈನ್ಯವೆ ಮುಂದಾಗಿ ಯುದ್ಧಾಹ್ವಾನ ನೀಡಲಿ, ಅಲ್ಲಿಯವರೆಗೆ ನಾವು ಕಾದುಕೊಂಡಿರೋಣ ಎಂದು ಮುಸಲ್ಮಾನರೆಲ್ಲ ನಿರ್ಧರಿಸಿ ಕಾದು ಕುಳಿತರು.



ಈ ಎರಡೂ ಪಡೆಯ ಮುಖಾಮುಖಿಯ ಕಾದಾಟ ಇನ್ನೇನು ಕೆಲವೆ ಕ್ಷಣಗಳಲ್ಲಿ ಆರಂಭವಾಗುವ ಸಮಯ ಒದಗಿ ಬಂದಾಗ ಖುರೈಷಿಗಳ ಪಡೆಯಿಂದ ಮಿತಿಮೀರಿದ ಉತ್ಸಾಹದಲ್ಲಿ ಕೆಲವು ಶೂರರು ಮಹಮದನ ಪಡೆಗಳತ್ತ ರಣೋತ್ಸಾಹದಿಂದ ನುಗ್ಗಿ ಬಂದರು. ಹಾಗೆ ಮಹಮದನ ಪಾಳಯಕ್ಕೆ ನುಗ್ಗಿದವರಲ್ಲಿ ಅಲ್ ಅಸಾದ್ ಸಹ ಒಬ್ಬನಾಗಿದ್ದ. ಆ ಝರಿಯ ಮೂಲದ ನೀರನ್ನ ಕುಡಿದೆ ಬರುತ್ತೇನೆ ಎನ್ನುವ ಬಡಾಯಿ ಕೊಚ್ಚಿಕೊಳ್ಳುತ್ತಾ ಆತ ಮುನ್ನುಗಿದ. ಆದರೆ ಅಲ್ಲಿ ಅಡಗಿ ಕುಳಿತುಕೊಂಡಿದ್ದ ಹಂಝಾ ಅವನ ಕಾಲನ್ನ ಕತ್ತರಿಸಿ ಬೀಳಿಸಿದ. ಆದರೂ ಪಟ್ಟು ಬಿಡದ ಆತ ತೆವಳಿಕೊಂಡೆ ಹೋಗಿ ನೀರು ಕುಡಿದು ತನ್ನ ಮಾತನ್ನ ಸಾರ್ಥಕಗೊಳಿಸಿಕೊಂಡ. ಇದನ್ನ ಕಂಡು ಕೆರಳಿದ ಹಂಝಾ ಅವನ ರುಂಡವನ್ನ ಚಂಡಾಡಿ ತನ್ನ ಆಕ್ರೋಶವನ್ನ ಹೊರಹಾಕಿದ.


ಅರಬ್ಬರ ಯುದ್ಧನೀತಿಯಂತೆ ಒಬ್ಬೊಬ್ಬರು ಒಬ್ಬೊಬ್ಬ ಯೋಧರನ್ನ ಆಯ್ದುಕೊಂಡು ಅವರೊಂದಿಗೆ ಮಾತ್ರ ಕಾದಾಡಬಹುದಿತ್ತು. ಆ ವಯಕ್ತಿಕ ಕಾಳಗದ ಪರಿಪಾಠ ಇಲ್ಲಿಯೂ ಸಹ ಮುಂದುವರೆಯಿತು. ಖುರೈಷಿ ಪಡೆಯಿಂದ ಶೈಬಾ, ಓತ್ಬಾ ಹಾಗೂ ಒತ್ಬಾನ ಮಗ ಅಲ್ ವಲೀದ್ ಮುನ್ನುಗಿದರು. ಹಂಝಾ, ಒಬೈದ್ ಹಾಗೂ ಅಲಿ ಅವರನ್ನ ಕತ್ತರಿಸಿ ಹಾಕಿದರು. ದೇಹದಿಂದ ಬೇರ್ಪಟ್ಟ ಅವರ ತಲೆಗಳು ಭೀಕರವಾಗಿ ಚಲ್ಲಾಡಿಕೊಂಡು ಬಿದ್ದವು. ಖುರೈಷಿಗಳಿಗೆ ಇದು ನಡುಕ ಹುಟ್ಟಿಸಿತು. ತಮ್ಮ ಯೋಧರ ಸಾವು ಕಂಡ ಅವರು ಅಧೀರರಾದರೆ ,ಇತ್ತ ಖುರೈಷಿಗಳ ಸಾವಿನಿಂದ ಹೆಚ್ಚಿನ ಸ್ತೈರ್ಯ ಹಾಗೂ ಉತ್ಸಾಹ ದೊರೆತ ಮಹಮದನ ಯೋಧರು ಇನ್ನಷ್ಟು ವೀರಾವೇಶದಿಂದ ಕಾದಾಡಿದರು. ಅವರನ್ನೆಲ್ಲ ಹುರಿದುಂಬಿಸುತ್ತಾ ಹಿನ್ನೆಲೆಯಲ್ಲಿಯೆ ಇದ್ದ ಮಹಮದ್ ರಣಾಂಗಣದ ತುಂಬಾ ಓಡಾಡಿದ. ಕಡೆಗೆ ವಿಜಯ ಮಾಲೆ ಮುಸಲ್ಮಾನರ ಕೊರಳಿಗೆ ಬಿತ್ತು.



( ಇನ್ನೂ ಇದೆ.) 

23 October 2015

ವಲಿ - ೧೪







ಮದೀನಾದ ಬಾಳ್ವೆಯ ಬಡತನದ ಬೇಗೆ ವಿಸ್ತರಿದಷ್ಟು ಕಾಲವೂ ಮಹಮದನ ಮನದೊಳಗೆ ಖುರೈಷಿಗಳ ಮೇಲಿನ ಹಗೆತನದ ಜ್ವರ ಏರುತ್ತಲೆ ಹೋಯಿತು. ತಾನು ಮೇಲೆ ಬಿದ್ದು ಅವರ ಕ್ಯಾರವಾನ್'ಗಳ ಮೇಲೆ ಧಾಳಿ ಸಂಘಟಿಸಿ ಸೊತ್ತುಗಳನ್ನ ಲೂಟಿಗೈದಿದ್ದರೂ ಸಹ, ಖುರೈಷಿಗಳು ಯಾವುದೆ ಪ್ರತಿಕಾರವನ್ನ ಎಸಗದೆ ಅದನ್ನ ಮರೆತವರಂತೆ ವರ್ತಿಸುತ್ತಿದ್ದುದು ಅವನನ್ನ ರೊಚ್ಚಿಗೆಬ್ಬಿಸಿತ್ತು. ಸಾಲದ್ದಕ್ಕೆ ಅದೆ ಸಿಟ್ಟಿನಲ್ಲಿ ಅವರು ಮೆಕ್ಕಾದಲ್ಲಿಯೆ ಇನ್ನೂ ಉಳಿದಿರುವ ತನ್ನ ರಕ್ತ ಸಂಬಂಧಿಗಳ ಮೇಲೆ ಹಲ್ಲೆ ಮಾಡಬಹುದು. ಇದನ್ನೆ ನೆಪ ಮಾಡಿಕೊಂಡು ಅವರ ಮೇಲೆ ಯುದ್ಧ ಸಾರಲು ತಾನು ಪ್ರಯತ್ನಿಸಬಹುದು ಎನ್ನುವ ಅವನ ಹಂಚಿಕೆಯೂ ಸಹ ತಲೆಕೆಳಗಾಯಿತು. ಏಕೆಂದರೆ ಖುರೈಷಿಗಳು ಲೂಟಿಯ ಹಾಗೂ ಕೊಲೆಯ ಸಂಗತಿಯನ್ನ ಅಷ್ಟು ಗಂಭೀರವಾಗಿ ಪರಿಗಣಿಸಿಯೆ ಇರಲಿಲ್ಲ.

ಅದರೆ ಮದೀನಾದಲ್ಲಿ ತಂಗಿದ್ದ ಮಹಮದ್ ಮಾತ್ರ ವ್ಯಥಾ ದ್ವೇಷದ ಬೆಂಕಿಯಲ್ಲಿ ಬೇಯುತ್ತಾ ಸಾಗಿದ. ತನ್ನ ಹುಟ್ಟೂರಿನಿಂದ, ನೆಚ್ಚಿನ ತನ್ನ ಮೆಕ್ಕಾದಿಂದ ತನ್ನನ್ನ ಹೊರ ಹಾಕಿದ ಖುರೈಷಿಗಳ ವಿರುದ್ಧ ಹಗೆ ಸಾಧಿಸಲು ಸೂಕ್ತ ಕಾರಣ ಹಾಗೂ ಸಂದರ್ಭದ ತಲಾಷಿನಲ್ಲಿ ಅವನಿದ್ದ. ತನ್ನ ಎಂದಿನ ವ್ರವೃತ್ತಿಯಂತೆ ಇದಕ್ಕಾಗಿ ದೇವರ ಆದೇಶಕ್ಕಾಗಿ ಕಾದ. ದೇವರ ಆದೇಶವಿಲ್ಲದೆ ಪ್ರವಾದಿ ಎಂದು ಸಾರಿ ಕೊಂಡ ಮೇಲೆ ಅವನಿಗೆ ತಾನೆ ಸ್ವಂತವಾಗಿ ಏನನ್ನೂ ಮಾಡುವ ಅಧಿಕಾರ ಇದ್ದಿರಲಿಲ್ಲ. ಸ್ವಯಂ ಪ್ರೇರಿತನಾಗಿ ಖುರೈಷಿಗಳ ವಿರುದ್ಧ ಯುದ್ಧ ಜರುಗಿಸಿದರೆ ಎಲ್ಲರ ತಿರಸ್ಕಾರಕ್ಕೆ ಒಳಗಾಗಬೇಕಾದ ಅಪಾಯ ಎದುರಾಗುವ ಸಂಭವ ಇತ್ತು. ಅದರಂತೆ ಅವನ ಮನೋಭಿಲಾಶೆ ದೈವವಾಣಿಯಾಗಿ ಅತಿ ಶೀಘ್ರದಲ್ಲಿ ಹೊರಬಂದಿತು. ಸುರಾ ೨/೧೮೬. ೨೧೨ರ ಮೂಲಕ ಸರಾಗವಾಗಿ ದೇವರ ಅನುಮತಿ ದೊರೆತ ನಂತರ ಆತ ಯುದ್ಧ ತಯ್ಯಾರಿಯತ್ತ ಗಮನ ಹರಿಸಿದ. ಯುದ್ಧದಲ್ಲಿ ಪಾಲ್ಗೊಳ್ಳಲು ಹಿಂಜರಿಕೆ ತೋರಿದ ನವ ಮುಸಲ್ಮಾನರಿಗೆ ಸತ್ತ ನಂತರದ ಸ್ವರ್ಗದ ಬಣ್ಣನೆ ಮಾಡಿ ಒಂದೊಮ್ಮೆ ಹೋರಾಟದಲ್ಲಿ ಸತ್ತರೆ ಅದೆಲ್ಲಾ ಅಯಾಚಿತವಾಗಿ ನಿಮ್ಮ ಪಾಲಾಗುವುದು ಎನ್ನುವ ಅಮಿಷದ ಆಸೆ ಹುಟ್ಟಿಸಿದ. ಆ ಬಗ್ಗೆ ಪ್ರವಾದಿಯಾಗಿ ದೇವರ ಪರವಾಗಿ ಪ್ರಮಾಣವನ್ನೂ ಮಾಡಿದ್ದಲ್ಲದೆ ಮುಸಲ್ಮಾನರು ಯುದ್ಧಕ್ಕೆ ತಯ್ಯಾರಾಗುವ ಕರೆ ಹೊರಡಿಸಿದ. ಆ ಯುದ್ಧದ ಸಂಪೂರ್ಣ ಖರ್ಚು ವೆಚ್ಚವನ್ನೂ ಸಹ ನವ ಮುಸಲ್ಮಾನರೆ ವಹಿಸಬೇಕೆಂದು ಮಹಮದ್ ಆದೇಶಿಸಿದ. ಇದೆಲ್ಲವೂ ದೇವರಿಗಾಗಿ, ದೇವರಿಗೋಸ್ಕರ ಹಾಗೂ ದೈವ ಪ್ರೇರಣೆಯಿಂದಲೆ ಮಾಡ ಬೇಕಾದ ಪವಿತ್ರ ಕೆಲಸ ಎಂದು ಘೋಷಿಸಿ ತನಗೂ ಅದರ ಹುನ್ನಾರಕ್ಕೂ ನಡುವೆ ಯಾವುದೆ ಸಂಬಂಧ ಇಲ್ಲ ಎನ್ನುವುದನ್ನ ಸಾರಿದ. ಈ ಯುದ್ಧಾಚರಣೆಯ ಕರೆಗಳು ನಿರಾಶ್ರಿತರಾಗಿ ಮದೀನಾಕ್ಕೆ ಮಹಮದನ ಹಿಂದೆ ಸಾಗಿ ಬಂದಿದ್ದ ಮುಸಲ್ಮಾನರಿಗಷ್ಟೆ ಅಲ್ಲದೆ ಮದೀನದಲ್ಲಿ ಅವರನ್ನ ಆದರಿಸಿ ಆಶ್ರಯನೀಡಿದ್ದ ಅನ್ಸಾರಿಗಳೆಂಬ ನವ ಮುಸಲ್ಮಾನರಿಗೂ ಅನ್ವಯವಾಗುತ್ತಿದ್ದವು.


ಇತಿಹಾಸಕಾರ ಮೌಲಾನಾ ವಾಹಿದುದ್ದೀನ್ ಖಾನ್ ತನ್ನ "ಮಹಮದ್" ಎನ್ನುವ ಕೃತಿಯ ಪುಟ ಸಂಖ್ಯೆ ತೊಂಬತ್ತೇಳರಲ್ಲಿ ಹೀಗೆ ಇಸ್ಲಾಮಿನ ದಂಡಯಾತ್ರೆಗಳು ಆರಂಭವಾಯಿತು ಎನ್ನುತ್ತಾರೆ. "ಮಹಮದನ ಮುಂದಾಳತ್ವದಲ್ಲಿ ಇಸ್ಲಾಮಿನ ದಿಗ್ವಿಜಯ ಆರಂಭವಾದದ್ದು ಹೀಗೆ!" ಎಂದು ಬಣ್ಣಿಸುತ್ತಾರೆ ತಮ್ಮ "ಇಸ್ಲಾಂ ದ ಮೋಸ್ಟ್ ಮಿಸ್'ಉಂಡರ್'ಸ್ಟುಡ್ ರಿಲಿಜನ್" ಕ್ರತಿಯ ಇಪ್ಪತ್ತಮೂರನೆಯ ಪುಟದಲ್ಲಿ ಇನ್ನೊಬ್ಬ ಇತಿಹಾಸಕಾರ ಮಹಮದ್ ಖಾತುಬ್.


ಧರ್ಮದ ಸಲುವಾಗಿ, ಧರ್ಮದ ಪ್ರಚಾರಕ್ಕಾಗಿ ಹಾಗೂ ಧರ್ಮ ಸಲಹೆಗಾಗಿ ಹೋರಾಟ ಜರುಗಿಸುವುದು ನ್ಯಾಯವಾಗಿದೆ ಎಂದು ಸರಣಿ ಸುರಾಗಳ ಮೂಲಕ ಮಹಮದ್ ಬಹಿರಂಗವಾಗಿ ಯುದ್ಧದ ಸಮರ್ಥನೆಗೆ ಇಳಿದ.  ಉದಾಹರಣೆಗೆ ಸುರಾ ೨/೧೯೦,೨೧೬; ೩/೧೫-೧೮, ೨೮-೩೩ ೪/೭೪; ೨೨/೩೯,೪೧ ೮/೫೭-೬೫, ೪೭/೪,೫,೨೦,೨೧ಗಳನ್ನು ಅಲ್ ತಮೀಮಿ ನೀಡುತ್ತಾನೆ. ಮದೀನಾದಲ್ಲಿ ನಿರಾಶ್ರಿತ ಜೀವನವನ್ನ ಕಳೆಯುವ ಹೊತ್ತಿನಲ್ಲಿ ಮಹಮದ್ ಹೇಳಿದ ಸುರಾಗಳೆಲ್ಲ ಹೊಸತೆ ಆಯಾಮ ಹಾಗೂ ರೂಪಿನಿಂದ ಕೂಡಿದ್ದವು ಅನ್ನೋದು ತಮೀಮಿಯ ವಾದ. ಅವು ಮುಂದಿನ ದಿನಗಳ ಮುಸಲ್ಮಾನ ಪ್ರಪಂಚದ ಶಾಸನಗಳೆ ಆದವು. ಬಹುತೇಕ ತನಗೆ ಒದಗಿ ಬಂದ ದೈವವಾಣಿಗಳನ್ನ ಮಹಮದ್ ತನ್ನೊಳಗೆ ಇಟ್ಟುಕೊಂಡಿರುತ್ತಿದ್ದ. ಸೂಕ್ತ ಸಮಯ ಹಾಗೂ ಸಂದರ್ಭವನ್ನ ನೋಡಿಕೊಂದು ತನ್ನ ಅನುಯಾಯಿಗಳಲ್ಲಿ ಅದನ್ನ ಹರಿಬಿಡುತ್ತಿದ್ದ. ತನ್ನ ಬಾಯಿಯಿಂದ ಹೊರ ಬರುವ ಪ್ರತಿ ಪದಗಳೂ ಸಹ ದೈವವಾಣಿಯಷ್ಟೆ ಬಲಿಷ್ಠ ಎನ್ನುವ ಭ್ರಮೆಗೆ ಬಿದ್ದ ಮಹಮದ್ ಸ್ವತಃ ತಾನು ಅನಕ್ಷರಸ್ಥನಾಗಿದ್ದರಿಂದ ಅವನ್ನೆಲ್ಲ ಸಂಗ್ರಹಿಸಿ ದಾಖಲಿಸಲು ಹಲವಾರು ಲಿಪಿಕಾರರನ್ನ ನೇಮಿಸಿಕೊಂಡ.


"ಇಂತವರು ತಿಳಿದಿರಬೇಕು, ಪರಲೋಕದ ಜೀವನದ ಬದಲಿಗೆ ಇಹ ಜೀವನವನ್ನು ಮಾರಿದವರು ಅಲ್ಲಾಹನ ಮಾರ್ಗದಲ್ಲಿ ಹೋರಾಡಬೇಕು. ಅಲ್ಲಾಹನ ಮಾರ್ಗವನ್ನ ಹಿಡಿದು ಹೋರಾಡಿದವರು ವಧಿಸಲ್ಪಡಲಿ ಅಥವಾ ವಿಜಯದ ಮಾಲೆ ಧರಿಸಲಿ ಅವರಿಗೆ ನಾವು ಖಂಡಿತವಾಗಿಯೂ ಮಹತ್ತರವಾದ ಫಲವನ್ನ ನೀಡುವೆವು"


"ಓ ನಮ್ಮ ಪ್ರಭೂ, ಆಧರ್ಮಿಗಳು ವಾಸಿಸುವ ಈ ನಾಡಿನಿಂದ ನಮ್ಮನ್ನು ಹೊರ ತೆಗೆ. ನೀನು ನಿನ್ನ ಕಡೆಯಿಂದ ನಮಗೊಬ್ಬ ಮೇಲ್ವಿಚಾರಕನನ್ನು ಮತ್ತು ಒಬ್ಬ ಸಹಾಯಕನನ್ನು ನಿಯೋಜಿಸು" ಎಂದು ಮೊರೆಯಿಡುತ್ತಿರುವ ಮರ್ದನಕ್ಕೊಳಗಾದ ಪುರುಷರು, ಸ್ತ್ರೀಯರು ಮತ್ತು ಮಕ್ಕಳಿಗಾಗಿ, ನೀವು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡದಿರಲು ಕಾರಣವೇನು?"


"ಸತ್ಯವಿಶ್ವಾಸ ಕೈಗೊಂಡವರು ಅಲ್ಲಾಹನ ಮಾರ್ಗದಲ್ಲಿ ಯುದ್ಧ ಮಾಡುತ್ತಾರೆ ಮತ್ತು ಸತ್ಯನಿಷೇಧವನ್ನು ಕೈಗೊಂಡವರು ತಾಗೂತ್'ನ ಬಂಡುಕೋರ ಮಾರ್ಗದಲ್ಲಿ ಹೋರಾಡುತ್ತಾರೆ. ಆದುದರಿಂದ ನೀವು ಸೈತಾನನ ಸಂಗಡಿಗರ ವಿರುದ್ಧವಾಗಿ ಹೋರಾಡಿರಿ, ಸೈತಾನನ ಕುತಂತ್ರಗಳು ವಾಸ್ತವದಲ್ಲಿ ಬಹಳ ದುರ್ಬಲವೆಂದನ್ನು ಖಾತ್ರಿಯಾಗಿ ತಿಳಿದುಕೊಳ್ಳಿರಿ."



"ನಿಮ್ಮ ಕೈಗಳನ್ನು ತಡೆ ಹಿಡಿದುಕೊಳ್ಳಿರಿ. ನಮಾಝನ್ನು ಸಂಸ್ಥಾಪಿಸಿರಿ ಮತ್ತು ಝಕಾತ್ ಕೊಡಿರಿ" ಎಂದು ಆದೇಶಿಸಲ್ಪಟ್ಟವರನ್ನು ನೀವು ಕಂಡಿರಾ? ಈಗ ಅವರಿಗೆ ಯುದ್ಧದ ಆಜ್ಞೆ ಕೊಡಲ್ಪಟ್ಟಾಗ ಅವರಲ್ಲೊಂದು ಪಂಗಡವು ಅಲ್ಲಾಹನನ್ನು ಭಯ ಪಡಬೇಕಾದ ರೀತಿಯಲ್ಲಿ ಅಥವಾ ಅದಕ್ಕಿಂತಲೂ ತುಸು ಹೆಚ್ಚೆ ಜನರನ್ನು ಭಯ ಪಡುತ್ತದೆ, 'ಪ್ರಭೂ, ನಮ್ಮ ಮೇಲೆ ನೀನೇಕೆ ಯುದ್ಧವನ್ನು ನಿರ್ಬಂಧಗೊಳಿಸಿದೆ? ನಮಗೆ ಇನ್ನೂ ಸ್ವಲ್ಪ ಕಾಲಾವಕಾಶವನ್ನೇಕೆ ಕೊಡಲಿಲ್ಲ?' ಎಂದು ಅವರು ಕೇಳುತ್ತಾರೆ. ಆಗ ಅವರೊಡನೆ ಹೇಳಿರಿ 'ಐಹಿಕ ಜೀವನದಲ್ಲಿ ಬಂಡವಾಳವು ಅತ್ಯಲ್ಪವಾಗಿದೆ ಮತ್ತು ದೇವಭಯವುಳ್ಳವನಿಗೆ ಪರಲೋಕವು ಹೆಚ್ಚು ಉಪಯುಕ್ತವಾಗಿದೆ. ಮತ್ತು ನಿಮ್ಮ ಮುಂದೆ ಕಿಂಚಿತ್ತೂ ಅಕ್ರಮ ನಡೆಯದು."



" ಇನ್ನು ಮರಣವಂತೂ ನೀವೂ ಎಂತಹ ಭದ್ರ ಕೋಟೆಯೊಳಗಿದ್ದರೂ ಸಹ ಬಂದೇ ಬರುವುದು. ಅವರಿಗೇನಾದರೂ ಲಾಭ ಉಂಟಾದರೆ 'ಅದೆ ಅಲ್ಲಹನ ಕಡೆಯಿಂದ' ಎನ್ನುತ್ತಾರೆ. ನಷ್ಟ ಉಂಟಾದರೆ 'ಓ ಪೈಗಂಬರರೆ ಅದು ನಿಮ್ಮಿಂದಾಗಿ ಉಂಟಾಗಿರುತ್ತದೆ'" ( ಸುರಾ ೪/೧೪-೭೮. ಭಾವಾನುವಾದ.)


"ನಿಶ್ಚಯವಾಗಿಯೂ ಭೂಮಿ ಮೇಲೆ ಚಲಿಸುವ ಸೃಷ್ಟಿಗಳನ್ನು ಸತ್ಯವನ್ನು ನಿರಾಕರಿಸುವವರೆ ಅಲ್ಲಾಹನ ಬಳಿ ಅತ್ಯಂತ ನಿಷ್ಕೃಷ್ಟರು. ಅವರು ಎಷ್ಟು ಮಾತ್ರಕ್ಕೂ ವಿಶ್ವಾಸವಿರಿಸುವವರಲ್ಲ"


"ಮುಖ್ಯವಾಗಿ ಅವರ ಪೈಕಿ ನಿಮ್ಮೊಂದಿಗೆ ಒಪ್ಪಂದ ಮಾಡಿಕೊಂಡವರು. ಅವರು ಪ್ರತಿ ಸಲವೂ ಅದನ್ನು ಮುರಿಯುತ್ತಾರೆ ಹಾಗೂ ಸ್ವಲ್ಪವೂ ಅಲ್ಲಾಹನ ಬಗ್ಗೆ ಭಯವಿರಿಸುವುದಿಲ್ಲ. ಅಂತವರು ಯುದ್ಧದಲ್ಲಿ ನಿಮಗೆ ಸೆರೆ ಸಿಕ್ಕಿದರೆ ಮುಂದೆ ಅದೆ ನೀತಿಯನ್ನನುಸರಿಸುವ ಇತರರಿಗೆ ಒಂದು ಪಾಠವಾಗುವ ರೀತಿಯಲ್ಲಿ ತಕ್ಕ ಶಿಕ್ಷೆ ಕೊಡಿರಿ!"


"ನಿಮಗೆಂದಾದರೂ ಯಾವುದಾದರೊಂದು ಜನಾಂಗದಿಂದ ವಂಚನೆಯ ಅಶಂಕೆಯಿದ್ದರೆ ಅದರ ಕರಾರನ್ನು ಅವರ ಮುಂದೆ ಎಸೆದು ಬಿಡಿರಿ. ನಿಶ್ಚಯವಾಗಿಯೂ ಅಲ್ಲಾಹನು ವಂಚಕರನ್ನು ಒಪ್ಪುವುದಿಲ್ಲ ಹಾಗೂ ಮೆಚ್ಚುವುದಿಲ್ಲ"


"ಸತ್ಯನಿಷೇಧಿಗಳ್ಳು ತಾವು ಗೆದ್ದೆವೆಂಬ ಅಪಗ್ರಹಿಕೆಯಲ್ಲಿರುವುದು ಬೇಡ. ಖಂಡಿತವಾಗಿಯೂ ಅವರು ನಿಮ್ಮನ್ನು ಸೋಲಿಸಲಾರರು"



"ನೀವು ನಿಮ್ಮಿಂದ ಸಾಧ್ಯವಾದಷ್ಟು ಹೆಚ್ಚು ಶಕ್ತಿಯನ್ನು ಹಾಗೂ ಸಾಕಿ ಸಿದ್ಧಗೊಳಿಸಿದ ಕುದುರೆಗಳನ್ನು ಅವರೊಡನೆ ಹೋರಾಟ ನಡೆಸಲಿಕ್ಕಾಗಿ ಅಣಿಗೊಳಿಸಿಕೊಳ್ಳಿರಿ. ಅದರ ಮೂಲಕ ಅಲ್ಲಾಹನ ಶತ್ರು, ನಿಮ್ಮ ಶತ್ರು ಮತ್ತು ನಿಮಗೆ ಅರಿವಿಲ್ಲದ ಹಾಗೂ ಅಲ್ಲಾಹನಿಗೆ ಅರಿವಿರುವ ಇತರ ಶತ್ರುಗಳನ್ನು ಭೀತಿಗೊಳಿಸಲಿಕ್ಕಾಗಿ ಅಲ್ಲಾಹನ ಮಾರ್ಗದಲ್ಲಿ ನೀವು ಏನೆಲ್ಲಾ ಖರ್ಚು ಮಾಡುವಿರೋ ಅದರ ಸರ್ವ ಸಂಪೂರ್ಣ ಪ್ರತಿಫಲವನ್ನು ನಿಮಗೆ ಮರಳಿಸಲಾಗುವುದು. ಮತ್ತು ನಿಮ್ಮೊಂದಿಗೆ ಎಷ್ಟು ಮಾತ್ರಕ್ಕೂ ಅನ್ಯಾಯ ಮಾಡಲಾಗದು"


" ಓ ಪೈಗಂಬರರೆ, ಶತ್ರುವು ಶಾಂತಿ ಸಂಧಾನಗಳ ಕಡೆಗೆ ವಾಲಿದರೆ ನೀವೂ ಅದಕ್ಕೆ ಸಿದ್ಧರಾಗಿರಿ ಮತ್ತು ಅಲ್ಲಾಹನ ಮೇಲೆ ಭರವಸೆಯನ್ನಿರಿಸಿರಿ. ನಿಶ್ಚಯವಾಗಿಯೂ ಅವನೆ ಸರ್ವಶ್ರುತನೂ ಸರ್ವಜ್ಞನೂ ಆಗಿರುತ್ತಾನೆ"



"ಅವರು ವಂಚಿಸಬೇಕೆಂದೆಣೆಸಿದರೆ ನಿಮಗೆ ಅಲ್ಲಾಹ ಸಾಕು. ತನ್ನ ಸಹಾಯ ಹಸ್ತದಿಂದಲೂ, ಸತ್ಯವಿಶ್ವಾಸಿಗಳ ಮೂಲಕವೂ ನಿಮಗೆ ಅವನು ಸಹಕರಿಸಿದವನು, ಸತ್ಯ ವಿಶ್ವಾಸಿಗಳ ಹೃದಯಗಳನ್ನು ಪರಸ್ಪರ ಜೋಡಿಸಿದವನು ಅವನೆ ತಾನೆ?. ನೀವು ಭೂಮಿಯಲ್ಲಿರುವ ಸಕಲ ಸಂಪತ್ತನ್ನು ಖರ್ಚು ಮಾಡಿದರೂ ಅವರ ಹೃದಯಗಳನ್ನು ಜೋಡಿಸಲಾಗುತ್ತಿರಲಿಲ್ಲ. ಇವರ ಹೃದಯಗಳನ್ನು ಜೋಡಿಸಿದ ಆ ಅಲ್ಲಾಹನು ನಿಶ್ಚಯವಾಗಿಯೂ ಧೀಮಂತನೂ, ಪರಮ ಪ್ರತಾಪಿಯೂ ಆಗಿರುತ್ತಾನೆ"


"ಓ ಪೈಗಂಬರರೆ, ಸತ್ಯವಿಶ್ವಾಸಿಗಳನ್ನು ಯುದ್ಧಕ್ಕಾಗಿ ಪ್ರೇರೇಪಿಸಿರಿ. ನಿಮ್ಮಲ್ಲಿ ಇಪ್ಪತ್ತು ಮಂದಿ ಸಹನಶೀಲರಿದ್ದರೆ ಅವರು ಇನ್ನೂರು ಮಂದಿಯ ವಿರುದ್ಧ ಜಯಗಳಿಸುವರು. ಅಂತಹ ನೂರು ಮಂದಿ ಇದ್ದರೆ ಸಾವಿರ ಮಂದಿ ಸತ್ಯ ನಿಷೇಧಿಗಳನ್ನು ಮೀರಿಸಬಲ್ಲರು. ಏಕೆಂದರೆ ಸತ್ಯನಿಷೇಧಿಗಳು ತಿಳಿಗೇಡಿಗಳು"


"ಆಗ ಅಲ್ಲಾಹನು ನಿಮ್ಮ ಭಾರವನ್ನು ಇನ್ನಷ್ಟು ಹಗುರಗೊಳಿಸಿದನು ಹಾಗೂ ನಿಮ್ಮಲ್ಲಿ ಇನ್ನೂ ದೌರ್ಬಲ್ಯವಿರುವುದು ಎಂದು ಅವನಿಗೆ ತಿಳಿಯಿತು. ಆದುದರಿಂದ ನಿಮ್ಮಲ್ಲಿ ನೂರು ಮಂದಿ ಸಹನಶೀಲರಿದ್ದರೆ ಅವರು ಇನ್ನೂರರ ಮೇಲೂ, ಸಾವಿರ ಮಂದಿ ಇದ್ದರೆ ಅವರು ಎರಡು ಸಾವಿರದ ಮೇಲೂ ಅಲ್ಲಾಹನ ಆಜ್ಞೆಯಿಂದ ವಿಜಯಗಳಿಸುವರು" ( ಸುರಾ ೮/ ೫೫-೬೬. ಭಾವಾನುವಾದ.)


"ತಮ್ಮ ಶಪಥಗಳನ್ನು ಮುರಿಯುತ್ತಲೆ ಇದ್ದು ಸಂದೇಶವಾಹಕರನ್ನು ದೇಶದಿಂದ ಹೊರ ಹಾಕಬೇಕೆಂದು ನಿರ್ಧರಿಸಿದ ಮತ್ತು ಅತಿರೇಕವನ್ನಾರಂಭಿಸಿದವರೊಡನೆ ನೀವು ಯುದ್ಧ ಮಾಡುವುದಿಲ್ಲವೆ? ನೀವು ಅವರಿಗೆ ಹೆದರುತ್ತೀರಾ? ನೀವು ಸತ್ಯವಿಶ್ವಾಸಿಗಳಾಗಿದ್ದರೆ ನಿಮ್ಮ ಭಯಕ್ಕೆ ಅಲ್ಲಾಹನೆ ಹೆಚ್ಚು ಅರ್ಹನು ಇನ್ಯಾರೋ ಅಲ್ಲ"



ಅವರೊಡನೆ ಯ್ತುದ್ಧ ಮಾಡಿರಿ. ಅಲ್ಲಹನು ನಿಮ್ಮ ಕೈಗಳಿಂದ ಅವರಿಗೆ ಶಿಕ್ಷೆ ಕೊಡಿಸುವನು. ಅವರನ್ನು ಅವಮಾನಗೊಳಿಸುವನು. ಅವರ ವಿರುದ್ಧ ನಿಮಗೆ ಸಹಾಯ ಮಾಡುವನು. ಅನೇಕ ಸತ್ಯವಿಶ್ವಾಸಿಗಳ ಹೃದಯವನ್ನು ತಣಿಸುವನು"


"ಅವರ ಹೃದಯಗಳ ಬೇಗುದಿಯನ್ನು ಹೋಗಲಾಡಿಸುವನು ಮತ್ತು ತನಗಿಷ್ಟವಿಲ್ಲದವರಿಗೆ ಪಶ್ಚಾತಾಪದ ಅನುಗ್ರಹವನ್ನು ನೀಡುವನು ಅಲ್ಲಾಹ ಸಕಲವನ್ನು ಬಲ್ಲವನೂ ಧೀಮಂತನೂ ಆಗಿರುತ್ತಾನೆ"



"ಓ ಸತ್ಯವಿಶ್ವಾಸಿಗಳೆ, ಬಹುದೇವವಿಶ್ವಾಸಿಗಳು ಅಶುದ್ಧರಾಗಿರುತ್ತಾರೆ. ಆದುದರಿಂದ ಈ ವರ್ಷದ ಬಳಿಕ ಅವರು ಮಸ್ಝಿದ್ ಉಲ್ ಹರಾಮ್'ನ ಬಳಿ ಸುಳಿಯಬಾರದು! ನಿಮಗೆ ದಾರಿದ್ರ್ಯದ ಭಯವಿದ್ದರೆ ಅಲ್ಲಾಹನು ಇಚ್ಛಿಸಿದರೆ ನಿಮ್ಮನ್ನು ತನ್ನ ಅನುಗ್ರಹದಿಂದ ಸಂಪನ್ನಗೊಳಿಸಲೂಬಹುದು. ಅಲ್ಲಾಹ ಸರ್ವಜ್ಞನೂ ಯುಕ್ತಿಪೂರ್ಣನೂ ಆಗಿರುತ್ತಾನೆ."



"ಅಲ್ಲಾಹ ಹಾಗೂ ಅಂತಿಮ ದಿನದ ಮೇಲೆ ವಿಶ್ವಾಸವಿರಿಸದ, ಅಲ್ಲಾಹ ಹಾಗೂ ಅವನ ರಸೂಲರು ನಿಷಿದ್ಧವೆಂದು ಸಾರಿರುವುದನ್ನು ನಿಷೇಧಿಸದ ಮತ್ತು ಸತ್ಯಧರ್ಮವನ್ನು ತಮ್ಮ ಧರ್ಮವನ್ನಾಗಿ ಗ್ರಂಥದವರು ತಮ್ಮ ಕೈಯಿಂದಲೇ ಜಝಿಯಾ ಎಂಬ ರಕ್ಷಣಾ ಕರ ಕೊಟ್ಟು ಅಧೀನರಾಗುವವರೆಗೂ ಅವರೊಡನೆ ಹೋರಾಡಿರಿ" ( ಸುರಾ ೯/೧೩, ಸುರಾ ೨೨/೩೯; ಸುರಾ ೯/೨೮-೩೩ ಖುರ್ಹಾನ್ ಭಾವಾನುವಾದ.)



ಇದು ವಾಸ್ತವದ ಚಿತ್ರಣ. ತನ್ನ ಮನೋಭಿಲಾಷೆ ಹಾಗೂ ತನ್ನ ಆಂತಿರಿಕ ಅವಮಾನ ಹಾಗೂ ದ್ವೇಷದ ಸೇಡು ತೀರಿಕೆಗಾಗಿ ಮಹಮದ್ ಅಲ್ಲಾಹನ ಹೆಸರಿನಲ್ಲಿ ಮೇಲೆ ಉದಹರಿಸಿದ ದೈವವಾಣಿಗಳ ಮೂಲಕ ನವ ಮತಾಂತರಿತ ಮುಸಲ್ಮಾನರನ್ನು ಖುರೈಷಿಗಳ ವಿರುದ್ಧ ಎತ್ತಿಕಟ್ಟಿದ. ಹೀಗೆ ಹೋರಾಟದ ಕುಮ್ಮಕ್ಕಾಗಿ ಕೊಟ್ಟ ಯುದ್ಧದ ಕರೆಯಿಂದ ಅವೆಲ್ಲ ನೇರ ದೈವಿಕ ಆಜ್ಞೆಗಳೆ ಹೊರತು ಮಹಮದನ ಪ್ರಾಪಂಚಿಕ ಆಸೆಗಳ ಪಾತ್ರ ಅವುಗಳಲ್ಲಿ ಏನೇನೂ ಇಲ್ಲ ಎಂದು ನಂಬಿದ ಅವರೆಲ್ಲ ಮಾನಸಿಕವಾಗಿ ಉತ್ತೇಜಿತರಾದರು.



( ಇನ್ನೂ ಇದೆ.)

22 October 2015

ವಲಿ - ೧೩







ಮೆಕ್ಕಾ ನಗರ ಪ್ರಾಚೀನ ಕಾಲದಿಂದಲೂ ಒಂದು ಧಾರ್ಮಿಕ ಕೇಂದ್ರವಾಗಿತ್ತು. ಅಲ್ಲಿದ್ದ ಪ್ರಸಿದ್ಧ ಕಾಬಾ ಗುಡಿಗೆ ಯಹೂದಿಗಳು, ಕ್ರೈಸ್ತರು ಹಾಗೂ ಮೂರ್ತಿಪೂಜಕ ಸಮುದಾಯದವರು ಸಮಾನ ಶ್ರದ್ಧೆಯಿಂದ ನಡೆದುಕೊಳ್ಳುತ್ತಿದ್ದರು. ವಾರ್ಷಿಕವಾಗಿ ದೊಡ್ದ ಹಾಗೂ ಚಿಕ್ಕ ಯಾತ್ರೆಗಳು ನಡೆಯುವ ಕ್ರಮವಿದ್ದು, ಅಲ್ಲಿನ ಯಾತ್ರೆಗೆ ಹೋಗುವುದು ಪವಿತ್ರ ಕಾರ್ಯ ಎನ್ನುವ ಮನೋಭಾವನೆ ಪ್ರತಿಯೊಂದು ಸಮುದಾಯದಲ್ಲೂ ಇತ್ತು. ಧಾರ್ಮಿಕ ಕೇಂದ್ರವಾಗಿರುವುದರ ಜೊತೆಗೆ ಅದೊಂದು ಪ್ರಸಿದ್ಧ ವ್ಯಾಪಾರ ವಾಹಿವಾಟಿನ ಕೇಂದ್ರವೂ ಸಹ ಆಗಿತ್ತು. ಅಂದಿನ ವ್ಯಾಪಾರಗಳೆಲ್ಲ ಸಾರ್ಥ ಅಥವಾ ಕ್ಯಾರವಾನ್'ಗಳನ್ನ ಅವಲಂಬಿಸಿತ್ತು. ಒಂದು ಪ್ರದೇಶದಲ್ಲಿ ಕಡಿಮೆ ಬೆಲೆಗೆ ಸಿಗುವ ಉತ್ಕೃಷ್ಟ ವಸ್ತುಗಳನ್ನ, ಸಾಮಾನು ಸರಂಜಾಮುಗಳನ್ನ ಚಿನ್ನದ ಬೆಲೆಗೆ ಅಥವ ಬೆಳ್ಲಿಯ ಕ್ರಯಕ್ಕೆ ವಿಕ್ರಯಿಸಿ ಇನ್ನೊಂದು ಜಾಗದಲ್ಲಿ ಅದರ ಬೇಡಿಕೆಯನ್ನ ಪೂರೈಸಲು ಹೊತ್ತೊಯ್ದು ವ್ಯಾಪಾರ ಮಾಡುವುದನ್ನೆ ಕ್ಯಾರವಾನ್ ಎನ್ನಲಾಗುತ್ತದೆ.


ಅಂದಿನ, ಕಾಂಚಿ, ಮಿಥಿಲಾ, ಬಾದಾಮಿ, ಮುಲ್ತಾನ, ಸೋಮನಾಥ, ಅಮೃತಸರ, ಮಥುರಾ, ಟೆಹರಾನ, ಬಗ್ದಾದ್, ಕೈರೋ, ಮೆಕ್ಕಾ, ಬಸ್ರಾ ಇವೆಲ್ಲಾ ಪ್ರಸಿದ್ಧ ಕ್ಯಾರವಾನ್ ನಿಲ್ದಾಣಗಳೂ ಹಾಗೂ ವ್ಯಾಪಾರಿ ಕೇಂದ್ರಗಳೂ ಆಗಿದ್ದವು. ಮೆಕ್ಕಾದಿಂದ ಬೆಲೆ ಬಾಳುವ ಖನಿಜ ಸಂಪತ್ತು, ಸಾಂಬ್ರಾಣಿ - ಸೋಬಾನ ಹಾಗೂ ಇನ್ನಿತರ ಸುಗಂಧ ದ್ರವ್ಯಗಳು ಈ ಸಾರ್ಥಗಳ ಮೂಲಕ ಹೊರ ದೇಶಗಳಿಗೆ ರಫ್ತಾಗುತ್ತಿದ್ದವು. ಅದೇ ಬಗೆಯಲ್ಲಿ ಅಲ್ಲಿಗೆ ಹೋದ ಕ್ಯಾರವಾನುಗಳು ಮತ್ತೆ ಹಿಂದಿರುಗುವಾಗ ಅಲ್ಲಿಂದ ರೇಷ್ಮೆ ಬಟ್ಟೆಗಳು - ಸಿದ್ಧ ಉಡುಪುಗಳು, ಹಾಗೂ ಆಹಾರೋತ್ಪನ್ನಗಳು ಅಲ್ಲಿಂದ ಇಲ್ಲಿಗೆ ಬಂದು ಮುಟ್ಟಿಸುತ್ತಿದ್ದವು. ಸಿರಿಯಾ ಹಾಗೂ ಪರ್ಷಿಯಾದೊಂದಿಗೆ ಈ ವಾಣಿಜ್ಯ ವಹಿವಾಟನ್ನ ಮೆಕ್ಕಾದ ಖುರೈಷಿಗಳು ಅನಾದಿ ಕಾಲದಿಂದಲೂ ಇಟ್ಟುಕೊಂಡಿದ್ದರು. ಇಂತಹ ಕ್ಯಾರವಾನುಗಳಲ್ಲಿ ಸಾಮಾನ್ಯವಾಗಿ ಎರಡು ಅಥವಾ ಎರಡೂವರೆ ಸಾವಿರ ಒಂಟೆಗಳು ಹೇರನ್ನ ಹೊರಲು ಬಳಕೆಯಾಗುತ್ತಿದ್ದವು.




ಈ ವ್ಯಾಪಾರಗಳ ಲಾಭದಿಂದ ಮೆಕ್ಕಾದ ಖುರೈಷಿಗಳು ಸಹಜವಾಗಿ ಲಾಭ ಕಾಣುತ್ತಿದ್ದರು. ಆದರೆ ಅವರಿಗಿದ್ದ ದೊಡ್ಡ ತಲೆ ನೋವೆಂದರೆ ಒಂದು ಪ್ರದೇಶದಿಂದ ಇನ್ನೊಂದು ಪ್ರದೇಶಕ್ಕೆ ಸಾಗಿಸುವಾಗ ಈ ಕ್ಯಾರವಾನ್'ಗಳ ಸುರಕ್ಷತೆಯದ್ದು. ಅವುಗಳ ಸಂರಕ್ಷಣೆ ಹಾಗೂ ಸುರಕ್ಷತೆ ಬಹುತೇಕ ಕಠಿಣವಾಗಿತ್ತು. ದಾರಿ ಮಧ್ಯದಲ್ಲಿ ಕಳ್ಳಕಾಕರ ಭಯವಿತ್ತು. ದರೋಡೆಕೋರರು ಹಾದಿ ಮಧ್ಯದಲ್ಲಿಯೆ, ಅದರಲ್ಲೂ ವಿಶೇಷವಾಗಿ ರಾತ್ರಿಯ ಹೊತ್ತಿನಲ್ಲಿ ಹೊಂಚು ಹಾಕಿ ಕ್ಯಾರವಾನ್'ಗಳನ್ನ ಲೂಟಿ ಮಾಡುತ್ತಿದ್ದರು. ಅದರ ವಿರುದ್ಧ ಅನೇಕ ರಕ್ಷಣಾ ಕ್ರಮಗಳನ್ನ ವ್ಯಾಪಾರಿಗಳೆಲ್ಲ ರೂಢಿಸಿಕೊಂಡಿದ್ದರಾದರೂ ಸಹ ಅದು ಅಷ್ಟು ಪರಿಣಾಮಕಾರಿಯಾಗಿರಲಿಲ್ಲ. ರಕ್ಷಣೆಯ ಜೊತೆಗೆ ಗೂಢಚಾರರನ್ನ ನೇಮಿಸಿಕೊಂಡು ದರೋಡೆಕೋರರ ಕುರಿತು ಮೊದಲೆ ಮಾಹಿತಿ ಕಲೆ ಹಾಕುವ ಕ್ರಮವನ್ನೂ ಸಹ ಈ ಹಿನ್ನೆಲೆಯಲ್ಲಿ ರೂಢಿಗೆ ತರಲಾಯಿತು.



ಮಹಮದನಿಗೆ ಖತೀಜಾಳ ಕ್ಯಾರವಾನಿನೊಂದಿಗೆ ಈಗಾಗಲೆ ವ್ಯಾಪಾರಕ್ಕಾಗಿ ಸಿರಿಯಾ ಹಾಗೂ ಸುತ್ತ ಮುತ್ತಲಿನ ಪ್ರದೇಶಗಳಿಗೆ ಹೋಗಿ ಬಂದ ಗಾಢ ಅನುಭವವಿತ್ತು. ಹೀಗಾಗಿ ಈ ಬಡತನದ ಬೇಗೆಯಿಂದ ಹೀಗೆ ತಾನೂ ತನ್ನ ಸಮುದಾಯದವರೂ ಬಳಲಿ ಸಾಯುವುದಕ್ಕಿಂತ ಕ್ಯಾರವಾನ್'ಗಳ ಲೂಟಿ ಮಾಡುವ ಮೂಲಕ ಸಿರಿಯನ್ನ ಸುಲಭವಾಗಿ ಹೆಚ್ಚಿಸಿಕೊಳ್ಳಬಹುದು ಎನ್ನುವ ಹಂಚಿಕೆಯನ್ನ ಅವನು ಹಾಕಿದ. ಅದರ ಪ್ರಕಾರ ಹಂಝಾನ ನೇತೃತ್ವದಲ್ಲಿ ಒಂದು ದರೋಡೆಯ ಪಡೆಯನ್ನ ಮದೀನಾ ವಲಸೆಯ ನಂತರದ ಏಳನೆ ತಿಂಗಳಿನಲ್ಲಿ ರಚಿಸಲಾಯಿತು. ಅವನ ಮುಂದಾಳತ್ವದಲ್ಲಿ ಮೂವತ್ತು ಸದೃಢ ಯುವಕರ ಪಡೆಯನ್ನ ಸಿರಿಯಾದಿಂದ ಮದೀನಾ ಮಾರ್ಗವಾಗಿ ಮೆಕ್ಕಾದೆಡೆಗೆ ಸಾಗುತ್ತಿದ್ದ ಕ್ಯಾರವಾನ್ ಒಂದನ್ನ ಲೂಟಿ ಹೊಡೆಯಲು ಕಳಿಸಲಾಯಿತು. ಆದರೆ ಖುರೈಷಿಗಳು ಸಂಖ್ಯೆಯಲ್ಲಿ ಹತ್ತಿರ ಹತ್ತಿರ ಮೂರು ಸಾವಿರದ ಮೇಲಿದ್ದರು. ಅಲ್ಲದೆ ಅವರೆಲ್ಲಾ ಬಹುಪಾಲು ಮಹಮದನ ಬಂಧು ವರ್ಗದವರೆ ಆಗಿದ್ದರು. ಹೀಗಾಗಿ ಸೆರೆಯಾದ ಇವರ ತಂಡವನ್ನ ಶಿಕ್ಷಿಸಲು ಬಿಡದೆ ಸೆರೆ ಸಿಕ್ಕ ನಂತರ ರಾಜಿ ಪಂಚಾಯ್ತಿ ಮಾಡಿ ಸುರಕ್ಷಿತವಾಗಿ ಹಿಂದುರುಗಿ ಹೋಗಲು ಹಂಝಾನ ಪಡೆಗೆ ಅವಕಾಶ ಕೊಡಲಾಯಿತು ಎನ್ನುತ್ತಾನೆ ತನ್ನ 'ಮಹಮದ್' ಕೃತಿಯಲ್ಲಿ ಇತಿಹಾಸಕಾರ ಕ್ಯಾರನ್ ಅರ್ಮಸ್ಟ್ರಾಂಗ್.


ಹಂಝಾ ಬರಿಗೈಯಲ್ಲಿ ಹಿಂದಿರುಗಿದ್ದನ್ನ ನೋಡಿ ಮಹಮದ್ ಏನೂ ಸುಮ್ಮನೆ ಕುಳಿತುಕೊಳ್ಳಲಿಲ್ಲ. ಆತ ಪುನಃ ಒಂದು ತಿಂಗಳ ಬಳಿಕ ತನ್ನ ಸಮೀಪದ ಬಂಧುವಾಗಿದ್ದ ಒಬೈದ್'ನ ನೇತೃತ್ವದಲ್ಲಿ ಇನ್ನೊಂದು ದಾಳಿಕೋರರ ಪಡೆಯನ್ನ ಕ್ಯಾರವಾನ್ ದೋಚಲು ಮಾರ್ಗದರ್ಶಿಸಿ ಕಳಿಸಿದ. ಆಗಲೂ ಖುರೈಷಿಗಳ ಇನ್ನೂರು ಮಂದಿ ಕಾವಲು ಕಾಯುತ್ತಿದ್ದ ಆ ಸಾರ್ಥವನ್ನ ದೋಚುವುದಿರಲಿ ಹತ್ತಿರ ಸಹ ಸಾಗಲಾಗದ ಮುಸಲ್ಮಾನರ ಮೂವತ್ತು ಮಂದಿಯ ಪಡೆ ದೂರದಿಂದಲೆ ಬಾಣ ಬೀಸಿ ತೃಪ್ತಿ ಪಡಬೇಕಾಯಿತು. ಒಬೈದ್ ಆಗ ಹೊಡೆದಿದ್ದ ಬಾಣ 'ಇಸ್ಲಾಮಿನ ಮೊದಲ ಬಾಣ' ಎಂದು ಬಣ್ಣಿಸಿದ್ದಾನೆ ತನ್ನ 'ಪ್ರವಾದಿಯ ಜೀವನ ಚರಿತ್ರೆಯಲ್ಲಿ' ಇತಿಹಾಸಕಾರ ಅಲ್ ತಮೀಮಿ.


ಪುನಃ ಇನ್ನೊಂದು ತಿಂಗಳ ಅಂತರದ ನಂತರ ಅಬು ಬಖ್ವಾಸನ ನೇತೃತ್ವದಲ್ಲಿ ಇನ್ನೊಂದು ಲೂಟಿಕೋರರ ಪಡೆಯನ್ನ ಮಹಮದ್ ಕ್ಯಾರವಾನ್'ಗಳ ಮೇಲೆರಗಲು ಕಳುಹಿಸಿದ. ಆದರೆ ಈ ಪ್ರಯತ್ನವೂ ಸಹ ಹುಸಿ ಹೋಯಿತು. ಅವರು ನಿರ್ಧರಿಸಿದ ಸ್ಥಳವನ್ನ ತಲುಪುವ ಮೊದಲೆ ಕ್ಯಾರವಾನ್ ಅಲ್ಲಿಂದ ಬಹುದೂರ ಸಾಗಿ ಹೋಗಿದ್ದರಿಂದ ಆಗಬಹುದಾದ ಹಾನಿಯಿಂದ ಖುರೈಷಿಗಳು ತಪ್ಪಿಸಿಕೊಂಡರು ಹಾಗೂ ಮಹಮದನ ಹಂಚಿಕೆ ವಿಫಲಗೊಂಡಿತು. ಇದರೆಲ್ಲದರಿಂದ ಬೇಸತ್ತ ಮಹಮದ್ ಮುಂದಿನ ಬೇಸಿಗೆಯ ಕಾಲದಲ್ಲಿ ಸ್ವಲ್ಪ ವಿರಾಮದ ನಂತರ ತಾನೆ ಒಂದು ಪಡೆಯ ನೇತೃತ್ವ ವಹಿಸಿ ಧಾಳಿ ಸಂಘಟಿಸಲು ಖುದ್ದಾಗಿ ಹೊರಟನು.



ಮೆಕ್ಕಾದಿಂದ ಒಂದು ಖುರೈಷಿಗಳ ಕ್ಯಾರವಾನ್ ಸಿರಿಯಾದ ಬಸ್ರಾದ ದಿಕ್ಕಿಗೆ ಹೋಗುವ ಮಾಹಿತಿಯನ್ನ ಅನುಸರಿಸಿ ಅವರು ಧಾಳಿಯ ರೂಪುರೇಷೆಗಳನ್ನ ನಿರ್ಧರಿಸಿದ್ದರು. ಆದರೆ ಈಸಲವೂ ಹೋಗುವುದು ಕೊಂಚ ತಡವಾಗಿ ಖುರೈಷಿಗಳ ಸಾರ್ಥ ಅದಾಗಲೆ ಬಹುದೂರ ಸಾಗಿ ಹೋದ ಕಾರಣ ಎಲ್ಲಾ ಯೋಚನೆಗಳೂ ಯೋಜನೆಗಳಾಗುವ ಮುನ್ನವೆ ನೆಲ ಕಚ್ಚಿ ಹೋದವು. ಮಹಮದ್ ಅತೀವ ನಿರಾಸೆಗೊಂಡ. ಆದರೆ ಹಿಂದಿರುಗುವ ಹಾದಿಯಲ್ಲಿ ಮಹಮದ್ ಅಲ್ಲಿನ ಬಾನ್ ಮುಂಡ್ಲಿಜ್ ಬುಡಕಟ್ಟಿನ ನೇತಾರರನ್ನ ಸಂಧಿಸಿ ಅವರೊಂದಿಗೆ ಒಪ್ಪಂದಗಳನ್ನ ಮಾಡಿಕೊಂಡ. ಮಹಮದನ ನೇತೃತ್ವದಲ್ಲಿ ನಡೆದ ಮೊತ್ತಮೊದಲ ಈ ದಂಡಯಾತ್ರೆಯನ್ನ 'ಅಲ್ ಅದ್ವಾ ದಂಡಯಾತ್ರೆ' ಎಂದು ಕರೆಯಲಾಗಿದೆ. ಇದಾದ ಬಳಿಕ ಕ್ರಿಸ್ತಶಕೆ ೬೨೪ರಲ್ಲಿ ಮಹಮದ್ ತನ್ನ ಸಮುದಾಯದ ಸಮಗ್ರತೆಯ ದೃಷ್ಟಿಯಿಂದ ನವೆಂಬರ್ ಹಾಗೂ ಡಿಸೆಂಬರಿನ ಆಸುಪಾಸಿನಲ್ಲಿ ಏಳು ಜನರ ನಿರಾಶ್ರಿತರ ಪಡೆಯೊಂದನ್ನ ಅಬ್ದುಲ್ಲ ಇಬ್ನ ಜಹ್ವ್ ಎಂಬಾತನ ನೇತೃತ್ವದಲ್ಲಿ ರಚಿಸಿದ. ತನ್ನ 'ಸೀಲ್ಡ್ ನೆಕ್ಟರ್' ಕೃತಿಯಲ್ಲಿ ಇತಿಹಾಸಕಾರ ಅಲ್ ಮುಬಾರಖಿ ಈ ಅಬ್ದುಲ್ಲಾನನ್ನ 'ಇಸ್ಲಾಮಿನ ಮೊತ್ತಮೊದಲ ಸೇನಾಧಿಪತಿ' ಎಂದೆ ಕರೆದಿದ್ದಾನೆ.


ಇದಾಗಿ ತಿಂಗಳ ನಂತರ ಅವನ ಪಡೆಗೆ ಅದೇಶವೊಂದನ್ನ ನೀಡಿದ ಮಹಮದ್ ಒಂದು ಪತ್ರ ಬರೆಸಿ ಅದನ್ನ ಮುಚ್ಚಿದ ಲಕೋಟೆಯಲ್ಲಿರಿಸಿ ಅಬ್ದುಲ್ಲಾನ ಕೈಗಿತ್ತ. ಮೆಕ್ಕಾ ಸಮೀಪದ ಜಾಗವೊಂದರಲ್ಲಿ ಹೋಗಿ ಠಿಕಾಣಿ ಹೂಡಬೇಕೆಂದೂ, ಅಲ್ಲಿ ಹೋಗಿ ಮುಟ್ಟಿದ ನಂತರ ಈ ಪತ್ರವನ್ನ ಒಡೆದು ಓದಬೇಕೆಂದೂ ಮೌಖಿಕವಾದ ಆದೇಶವನ್ನವನಿಗೆ ನೀಡಲಾಯಿತು. ಅದರಂತೆಯೆ ಅಬ್ದುಲ್ಲಾ ಅಲ್ಲಿ ಹೋದ ನಂತರ ಅದನ್ನ ಒಡೆದು ಓದಿದಾಗ ಅದರಲ್ಲಿ 'ನಖ್ಲಾ' ಎನ್ನುವ ಸ್ಥಳದಲ್ಲಿ ಬೀಡು ಬಿಡಬೇಕೆಂದೂ ಅಲ್ಲಿನ ಹಾದಿಯಾಗಿ ಮರುದಿನ ಒಂದು ಕ್ಯಾರವಾನ್ ಖುರೈಷಿಗಳದ್ದು ಹೋಗಲಿದೆಯೆಂದೂ, ಅದನ್ನ ದೋಚ ಬೇಕೆಂದೂ ಸೂಚಿಸಲಾಗಿತ್ತು. ಅದರನುಸಾರ ಅಬ್ದುಲ್ಲ ನಖ್ಲಾದಲ್ಲಿ ಬೀಡು ಬಿಟ್ಟ.



ಅಲ್ಲಿ ಅವನ ಪಡೆ ಹೊಂಚು ಹಾಕಿ ಕಾಯುವಾಗ ಖುರೈಷಿಗಳ ಒಂದು ಕ್ಯಾರವಾನ್ ದ್ರಾಕ್ಷಿ, ಚರ್ಮದ ವಸ್ತುಗಳು ಹಾಗೂ ಆಹಾರ ಪದಾರ್ಥಗಳನ್ನ ಹೊತ್ತು ಸಾಗುತ್ತಾ ಬಂತು. ಅದರ ರಕ್ಷಣೆಯ ಹೊಣೆಯನ್ನ ಕೇವಲ ನಾಲ್ಕೆ ನಾಲ್ಕು ಖುರೈಷಿ ಯೋಧರು ಹೊತ್ತುಕೊಂಡಿದ್ದರು. ಖುರೈಷಿಗಳ ನಂಬಿಕೆಯ ಪ್ರಕಾರ ಅವು ಶಾಂತಿಯ ಮಾಸದ ದಿನಗಳಾಗಿದ್ದು ಯಾವುದೆ ಬುಡಕಟ್ಟಿನವರು ಪರಸ್ಪರ ಕಾದಾಡುವುದಾಗಲಿ, ಹೋರಾಡಿ ರಕ್ತಪಾತ ನಡೆಸುವುದಾಗಲಿ ಸಾಧ್ಯವಿರಲಿಲ್ಲ. ಪರಸ್ಪರರು ಸಂಪ್ರದಾಯದ ಪ್ರಕಾರ ಯುದ್ಧ ಮಾಡದೆ ಶಾಂತಿಯನ್ನ ಕಾಪಾಡಿಕೊಂಡು ಬರಬೇಕಾಗಿತ್ತು. ಹೀಗಾಗಿಯೆ ರಕ್ಷಣೆಗೆ ಹೆಚ್ಚು ಯೋಧರನ್ನ ಅಲ್ಲಿ ನಿಯೋಜಿಸಲಾಗಿರಲಿಲ್ಲ. ಇಂತಹ ಸದಾವಕಾಶವನ್ನ ಕಳೆದುಕೊಳ್ಳಲು ಅಬ್ದುಲ್ಲಾನಂತೂ ತಯ್ಯಾರಿರಲಿಲ್ಲ. ಹೀಗಾಗಿ ಖುರೈಷಿಗಳ ನಿರೀಕ್ಷೆಗೆ ವಿರುದ್ಧವಾಗಿ ಮುಸಲ್ಮಾನರು ಅವರ ಮೇಲೆ ಧಾಳಿ ಎಸಗಿದರು. ಖುರೈಷಿ ಯುವಕ ಅಲ್ ಹದ್ರಮಿ ಈ ಕಾದಾಟದಲ್ಲಿ ಹತನಾದ. ಅಲ್ ನೆಫಾಲ್ ಎಂಬಾತ ಮಾತ್ರ ಕುದುರೆ ಏರಿ ಅಲ್ಲಿಂದ ಪಾರಾಗಲು ಯಶಸ್ವಿಯಾದ ಬಾಕಿ ಇಬ್ಬರನ್ನ ಹೆಡೆಮುರಿ ಕಟ್ಟಿ ಸೆರೆ ಹಿಡಿಯಲಾಯಿತು.




ಅತ್ತ ನೆಫಾಲ್ ಮೆಕ್ಕಾಗೆ ಮರಳಿ ಆತಂಕಿತನಾಗಿ ತನ್ನ ಗುಂಪಿನವರಿಗೆ ದರೋಡೆಯ ಸುದ್ದಿ ಮುಟ್ಟಿಸುವ ಕಾಲಕ್ಕೆ ಇತ್ತ ಅಬ್ದುಲ್ಲಾ ದೋಚಿದ ಸರಕುಗಳೊಡನೆ ಸುರಕ್ಷಿತವಾಗಿ ಇಬ್ಬರು ಬಂಧಿಗಳೊಂದಿಗೆ ಮದೀನಾ ಬಂದು ಮುಟ್ಟಿ ಆಗಿತ್ತು. ತನ್ನ ಆಜ್ಞೆ ಕೇವಲ ಹೆದರಿಸಿ ದೋಚುವುದಕ್ಕೆ ಮಾತ್ರ ಸೀಮಿತವಾಗಿದ್ದರೂ ಸಹ ಅಬ್ದುಲ್ಲಾ ಕೊಲೆಯೊಂದನ್ನ ಮಾಡಿ ರಕ್ತ ಹರಿಸಿದ್ದು ಮಹಮದನಿಗೆ ಸರಿ ಕಾಣಲಿಲ್ಲ. ಸಾಲದ್ದಕ್ಕೆ ಸಮುದಾಯದ ಪ್ರತಿರೋಧವನ್ನೂ ಸಹ ತಾನು ಈ ಕಾರಣದಿಂದ ಎದುರಿಸಬೇಕಾಗಿ ಬಂದೀತು ಅನ್ನುವ ಅಪಾಯದ ಅರಿವು ಆತನಿಗಿದ್ದೇ ಇತ್ತು. ಅಬ್ದುಲ್ಲಾ ನನ್ನು ಮೇಲ್ನೋಟಕ್ಕೆ ಆತ ಈ ಬಗ್ಗೆ ಅಸಮ್ಮತಿಯಿಂದ ನಿಂದಿಸಿದ್ದು ಹೌದಾದರೂ, ಅಂತರಂಗದಲ್ಲಿ ಅವರ ಸ್ಥೈರ್ಯವನ್ನ ಉಡುಗಿಸಲು ಆತ ತಯ್ಯಾರಿರಲಿಲ್ಲ. ಅವರ ಆ ಕಾರ್ಯಕ್ಕೆ ಹೊಗಳಿಕೆಯಂತೆಯೆ ಮುಂದೆ ಖುರ್ಹಾನಿನ ೨/೨೧- ೧೭ ಹಾಗೂ ೯/೩-೬ರ ಸಾಲುಗಳು ಸರಾಗವಾಗಿ ದೈವವಾಣಿಯ ಹೆಸರಿನಲ್ಲಿ ಮಹಮದನ ಕಂಠದಿಂದ ಮೂಡಿ ಹೊರಬಂದವು.


ಅದರ ಪ್ರಕಾರ ದೇವರು "ಅಲ್ಲಾಹನು ಹಾಗೂ ಅವನ ಸಂದೇಶವಾಕರು ಬಹುದೇವವಿಶ್ವಾಸಿಗಳಿಂದ ಯಾವುದೆ ಹೊಣೆಯಿಂದ ವಿಮುಕ್ತರಾಗಿರುವವರೆಂದೂ, ಅಲ್ಲಾಹ ಮತ್ತವನ ರಸೂಲರ ಕಡೆಯಿಂದ 'ಹಝ್ ಉಲ್ ಅಕ್ಬರ' ಅಂದರೆ ಪವಿತ್ರ ಹಝ್ ಯಾತ್ರೆಯ ದಿನದಂದು ಮಾಡುತ್ತಿರುವ ಘೋಷಣೆಯ ಅನುಸಾರ ನೀವು ಪಶ್ಚಾತಾಪ ಪಟ್ಟರೆ ನಿಮಗೆ ಒಳಿತು! ಒಂದುವೇಳೆ ಅದರಿಂದ ನೀವು ವಿಮುಖರಾದರೆ ಯಾವುದೆ ರೀತಿಯಿಂದಲೂ ಅಲ್ಲಾಹನನ್ನು ನೀವು ಪರಾಜಿತಗೊಳಿಸಲಾರಿರಿ ಎಂದು ಚೆನ್ನಾಗಿ ತಿಳಿದುಕೊಳ್ಳಿರಿ, ಓ ಪೈಗಂಬರರೆ ಎಲ್ಲಾ ಸತ್ಯ ನಿಷೇಧಿಗಳಿಗೆ ವೇದನಾಯುಕ್ತವಾದ ಈ ಸುವಾರ್ತೆ(?)ಯನ್ನ ತಿಳಿಸಿಬಿಡಿರಿ?!"


"ನೀವು ಒಪ್ಪಂದ ಮಾಡಿಕೊಂಡಿದ್ದು, ತಮ್ಮ ಒಪ್ಪಂದದ ಪಾಲನೆಯಲ್ಲಿ ಅವರು ನಿಮ್ಮೊಂದಿಗೆ ಯಾವತ್ತಾದರೂ ಲೋಪವೆಸಗದಿದ್ದರೆ ಹಾಗೂ ನಿಮ್ಮ ವಿರುದ್ಧ ಇನ್ಯಾರಿಗೂ ಸಹಾಯ ಮಾಡದಿದ್ದರೆ, ಆ ಬಹುದೇವವಿಶ್ವಾಸಿಗಳು ಇದಕ್ಕೆ ಹೊರತಾಗಿದ್ದಾರೆ. ಇಂತವರೊಂದಿಗೆ ಆ ನಿರ್ದಿಷ್ಟ ಅವಧಿಯ ವರೆಗೆ ನೀವೂ ಒಪ್ಪಂದವನ್ನ ಪಾಲಿಸಿ. ಏಕೆಂದರೆ ಅಲ್ಲಾಹನು ಧರ್ಮನಿಷ್ಠರನ್ನೆ ಮೆಚ್ಚುತ್ತಾನೆ. ಆದರೆ ನಿಷೇಧಿತ ಮಾಸಗಳನ್ನ ಕಳೆದ ಬಳಿಕ ಈ ಕಪಟಿ ಬಹುದೇವವಿಶ್ವಾಸಿಗಳನ್ನ ಸಿಕ್ಕಲ್ಲಿ ವಧಿಸಿರಿ. ಅವರನ್ನ ಸೆರೆ ಹಿಡಿಯಿರಿ, ಮುತ್ತಿಗೆ ಹಾಕಿರಿ ಹಾಗೂ ಬೇಹು ನಡೆಸುವಲ್ಲೆಲ್ಲಾಅವರನ್ನ ಹೊಂಚು ಹಾಕುತ್ತಾ ಕುಳಿತುಕೊಳ್ಳಿರಿ. ಮುಂದೆ ಅವರು ಪಶ್ಚಾತಾಪ ಪಟ್ತು ನಮಾಝನ್ನ ಸಂಸ್ಥಾಪಿಸಿದರೆ ಹಾಗೂ ಝಕಾತ್ ಕೊಟ್ಟರೆ ಅವರನ್ನ ಬಿಟ್ಟು ಬಿಡಿರಿ. ಅಲ್ಲಹನು ಕ್ಷಮಾಶೀಲನೂ! ಕರುಣಾನಿಧಿಯೂ ಆಗಿರುತ್ತಾನೆ?!"



"ಬಹುದೇವವಿಶ್ವಾಸಿಗಳ ಪೈಕಿ ಯಾರಾದರೂ ( ಅಲ್ಲಾಹನ ವಾಣಿಯನ್ನಾಲಿಸಲಿಕ್ಕಾಗಿ.) ನಿಮ್ಮೊಡನೆ ಅಭಯ ಯಾಚಿಸಿ ನಿಮ್ಮ ಬಳಿಗೆ ಬರಲು ಇಚ್ಛಿಸಿದರೆ ಅಲ್ಲಾಹನ ವಚನವನ್ನು ಅವನು ಆಲಿಸಿಕೊಳ್ಳುವವರೆಗೆ ಅವನಿಗೆ ಅಭಯ ನೀಡಿರಿ. ಅನಂತರ ಅವನನ್ನು ಅವನ ಸ್ಥಾನಕ್ಕೆ ಸುರಕ್ಷಿತವಾಗಿ ತಲುಪಿಸಿಬಿಡಿರಿ. ಅವರು ತಿಳುವಳಿಕೆ ಇಲ್ಲದವರಾದುದರಿಂದ(?) ಹೀಗೆ ಮಾಡಬೇಕಿದೆ"


ಈ ಬಹುದೇವವಿಶ್ವಾಸಿಗಳಿಗೆ ಅಲ್ಲಾಹ ಮತ್ತು ಅವನ ರಸೂಲರ ಬಳಿ ಒಪ್ಪಂದ ಇರುವುದಾದರೆ ಅದು ಹೇಗೆ? ಮಸ್ಝಿದ್ ಉಲ್ ಹರಾಮ್ ಬಳಿ ಒಪ್ಪಂದ ಮಾಡಿಕೊಂಡವರೊಡನೆ ಹೊರತು ಅವರು ನಿಮ್ಮೊಡನೆ ನೇರವಾಗಿರುವವರೆಗೂ ನೀವೂ ಅವರೊಡನೆ ನೇರವಾಗಿ ವರ್ತಿಸಿ. ಏಕೆಂದರೆ ಅಲ್ಲಾಹನು ಧರ್ಮ ನಿಷ್ಠರನ್ನು ಮೆಚ್ಚುತ್ತಾನೆ"


"ಆದರೆ ಅವರ ಹೊರತು ಇತರ ಬಹುವಿಶ್ವಾಸಿಗಳೊಂದಿಗೆ ಒಪ್ಪಂದ ಇರುವುದಾದರೂ ಹೇಗೆ? ಅವರ ಅವಸ್ಥೆ ಏನೆಂದರೆ ಅವರು ನಿಮ್ಮ ಮೇಲೆ ಜಯ ಗಳಿಸಿದರೆ ನಿಮ್ಮ ವಿಷಯದಲ್ಲಿ ಬಾಂಧವ್ಯವನ್ನಾಗಲಿ, ಒಪ್ಪಂದದ ಹೊಣೆಗಾರಿಕೆಯನ್ನಾಗಲಿ ಪರಿಗಣಿಸುವುದಿಲ್ಲ. ಅವರ ಅಂತಃಕರಣಗಳು ನಿಷೇಧಿಸುತ್ತವೆ.ಅವರಲ್ಲಿ ಹೆಚ್ಚಿನವರು ಕರ್ಮಭ್ರಷ್ಟರು ಅವರು ಅಲ್ಲಾಹನ ಸೂಕ್ತಗಳ ಬದಲಿಗೆ ಅತ್ಯಲ್ಪ ಬೆಲೆಯನ್ನು ಸ್ವೀಕರಿಸಿಕೊಂಡಿರುವವರು. ಅನಂತರ ಅಲ್ಲಾಹನ ಮಾರ್ಗಕ್ಕೆ ತಡೆಯನ್ನು ತಂದರು. ಅವರು ಮಾಡುತ್ತಿದ್ದ ಕಾರ್ಯಗಳೆಲ್ಲಾ ಅತ್ಯಂತ ನಿಕೃಷ್ಟವಾಗಿದ್ದವು"


"ಒಬ್ಬ ಸತ್ಯ ವಿಶ್ವಾಸಿಯ ವಿಷಯದಲ್ಲಿ ಇವರು ಬಾಂಧವ್ಯಗಳನ್ನಾಗಲಿ ಅಥವಾ ಹೊಣೆಗಾರಿಕೆಯನ್ನಾಗಲಿ ಒಪ್ಪಂದವಿದ್ದರೂ ಪರಿಗಣಿಸುವುದಿಲ್ಲ. ಅತಿರೇಕವು ಯಾವಾಗಲೂ ಅವರ ಕಡೆಯಿಂದಲೆ ಆಗಿದೆ ಆದರೂ ಅವರು ಈ ಬಗ್ಗೆ ಪಶ್ಚಾತಾಪವನ್ನು ಪಟ್ಟರೆ ಹಾಗೂ ಜಮಾಝನ್ನ ಸಂಸ್ಥಾಪಿಸಿ ಝಕಾತನ್ನ ಕೊಟ್ಟರೆ ಆಗವರು ನಿಮ್ಮ ಧರ್ಮ ಬಾಂಧವರಾಗುತ್ತಾರೆ. ಆಗ ತಿಳುವಳಿಕೆ ಉಳ್ಳವರಾಗುವ(?) ಅವರಿಗೆ ನಾವು ನಮ್ಮ ಆದೇಶವನ್ನ ವಿಶದೀಕರಿಸುತ್ತೇವೆ?!"



"ಒಪ್ಪಂದದ ಅನಂತರ ಅವರು ಪುನಃ ತಮ್ಮ ಶಪಥಗಳನ್ನು ಮುರಿದು ನಿಮ್ಮ ಧರ್ಮದ ಮೇಲೆ ಆಕ್ರಮಣವನ್ನು ಎಸಗಲು ಆರಂಭಿಸಿದರೆ ಸತ್ಯ ನಿಷೇಧದ ಮುಂದಾಳುಗಳೊಂದಿಗೆ ಯುದ್ಧ ಮಾಡಿರಿ. ಏಕೆಂದರೆ, ಅವರ ಶಪಥಗಳನ್ನು ನಂಬಲಾಗದು. ಪ್ರಾಯಶಃ ಅವರು ಪುನಃ ಖಡ್ಗ ಬಲದ ಮೂಲಕವೆ ಹಿಂಜರಿಯಬಹುದು!" ( ಖುರ್ಹಾನ್ ಭಾವಾನುವಾದ ೯/೩-೧೨.)


ಈ ಸಂದೇಶದ ಪ್ರಕಾರ ಪವಿತ್ರ ದಿನಗಳಲ್ಲಿ ಕದನ ಜರುಗಿಸುವುದು ಸಲ್ಲದು. ಆದರೆ ಅದಕ್ಕಿಂತಲೂ ದೇವರ ಹಾದಿಯಲ್ಲಿ ಸಾಗುವುದು. ಮೆಕ್ಕಾದ ಪವಿತ್ರಗುಡಿಯನ್ನ ಪೂಜಿಸುವುದು ಹಾಗೂ ಅಲ್ಲಿ ಕಾಬಾದ ಆರಾಧನೆಗಾಗಿ ಬಂದ ಭಕ್ತರನ್ನ ಹಿಂಸಿಸಿ ಓಡಿಸುವುದು ಪ್ರಮಾದಕರವಾಗಿತ್ತು. ಮಹಮದನಿಗೆ ದೇವರ ಈ ಸಂದೇಶ ದೊರಕಿದ ಕೂಡಲೆ ಅವನು ಮುಂದಿನ ಕಾರ್ಯಪ್ರವರ್ತನಾದ. ಅರೇಬಿಯಾದ ಬುಡಕಟ್ಟುಗಳ ರೂಢಿಯ ಪ್ರಕಾರ ಆತನ ಅನುಚರರು ಸೆರೆ ಹಿಡಿದಿದ್ದ ಖುರೈಷಿ ಯುವಕರನ್ನ ಬಿಡಿಸಿಕೊಳ್ಳಲು ಬಂದ ಅವರ ಬಂಧುಗಳಿಂದ ಒತ್ತೆ ಹಣವನ್ನ ಪಡೆದ. ದೋಚಿದ್ದ ಸರಕಿನಲ್ಲಿ ತನ್ನ ಪಾಲಿನ ಐದನೆ ಒಂಧು ಭಾಗವನ್ನ ಪಡೆದುಕೊಂಡು ಉಳಿದಿದ್ದನ್ನ ಕೇವಲ ಮುಸಲ್ಮಾನ ಸಹಚರರಿಗೆ ಹಂಚಿದ.




ಸರ್ ವಿಲಿಯಂ ಮ್ಯೂರ್ ತನ್ನ ಐತಿಹಾಸಿಕ ಕೃತಿ 'ಲೈಫ್ ಆಫ್ ಮಹಮದ್'ನ ಪುಟ ಸಂಖ್ಯೆ ಇನ್ನೂರ ಹತ್ತರಲ್ಲಿ ಹೇಳುವ ಹಾಗೆ ಮುಸ್ಲಿಂ ಇತಿಹಾಸಕಾರರು ಈ ದಂಡಯಾತ್ರೆಗೆ ವಿಪರೀತ ಪ್ರಾಮುಖ್ಯತೆ ನೀಡುತ್ತಾರೆ. ಇಬ್ನ ಹಿಶಾಮ್ 'ಮಹಮದರು ಪಡೆದ ಪ್ರಥಮ ಲೂಟಿ, ವಶ ಪಡಿಸಿಕೊಂಡ ಪ್ರಪ್ರಥಮ ಒತ್ತೆಯಾಳುಗಳು ಹಾಗೂ ಪ್ರಪ್ರಥಮ ಜೀವ ಹತ್ಯೆ!" ಎಂದು ಹಾಡಿ ಹೊಗಳಿದ.


"ನಿಮಗೆ ಯುದ್ಧವನ್ನು ಶಾಸನಗೊಳಿಸಲಾಗಿದೆ ಅದು ನಿಮಗೆ ಅಪ್ರಿಯವಾಗಿದೆ. ಒಂದು ವಸ್ತುವು ನಿಮಗೆ ಅದೆಷ್ಟೇ ಅಪ್ರಿಯವಾಗಿದ್ದರೂ ಸಹ ಅದೆ ನಿಮಗೆ ಗುಣಕಾರಕವಾಗಿರಲು ಸಹ ಸಾಧ್ಯವಿದೆ. ಅಂತೆಯೆ ಒಂದು ವಸ್ತುವು ನಿಮಗೆ ಪರಮ ಪ್ರಿಯವಾಗಿದ್ದರೂ ಸಹ ಅದು ನಿಮ್ಮ ಪಾಲಿಗೆ ಹಾನಿಕಾರಕವಾಗಿರಲುಘ ಸಾಧ್ಯವಿದೆ. ಅಲ್ಲಹನು ಅದನ್ನು ಬಲ್ಲವನಾಗಿದ್ದಾನೆ ಹೊರತು ಮೂಢರಾದ ನೀವು ಬಲ್ಲವರಲ್ಲ. ಮಾನ್ಯ ಮಾಸದಲ್ಲಿ ಕಾದಾಡುವ ಬಗ್ಗೆ ಜನರು ನಿಮ್ಮಲ್ಲಿ ಕೇಳುತ್ತಾರೆ. ಹೇಳಿರಿ ಅದರಲ್ಲಿ ಕಾದಾಡುವುದು ಮಹಾಪರಾಧವೆ ಸರಿ. ಆದರೆ ಜನರನ್ನು ದೇವಮಾರ್ಗದಿಂದ ತಡೆಯುವುದು, ಅಲ್ಲಾಹನನ್ನು ನಿಷೇಧಿಸುವುದು,  ದೇವಾರಾಧಕರ ಪಾಲಿಗೆ ಮಸ್ಝಿದ್ ಉಲ್ ಹರಾಮ್'ನ ಹಾದಿಯನ್ನು ಮುಚ್ಚುವುದು, ಕಾಬಾದ ಒಳಗಿರುವವರನ್ನು ಅಲ್ಲಿಂದ ಹೊರಕ್ಕೆ ಅಟ್ಟುವುದು ಅಲ್ಲಾಹನ ದೃಷ್ಟಿಯಲ್ಲಿ ಅದಕ್ಕಿಂತ ಮಹತ್ತರ ಅಪರಾಧವಾಗುತ್ತದೆ. ಮತ್ತು ಕ್ಷೋಭೆ ಮತ್ತು ರಕ್ತಪಾತಕ್ಕಿಂತಲೂ ಸಹ ಗುರುತರ ಅಪರಾಧವಾಗಿರುತ್ತದೆ" ( ಸುರಾ ೨/೨೧೬-೧೭ ಖುರ್ಹಾನ್ ಭಾವಾನುವಾದ.)



( ಇನ್ನೂ ಇದೆ.....)