Perpetual.....

Yonder; yet it's best between the both miles and miles may made apart each other,

souls are still quite attached

the wide blue is as same as here; aswell there indeed./

methinks; physical presence is just left mere formality in this relationship,

perhaps what is vessel? what are whale! in halfway sea deep.

I disguise my own self happiest at gloomy,

reminiscence which haunt till grave turns on my face ever bloomy./

It seems never ever possible for me to unleash those lovley past,

no matter what yours truly will not hesitate to pay hefty cost.//

-🙂

Sense and Sensitivity.

Flash of thought.....

The grandeur my soul hold on you my dear,

made me to stifle morer it gave breath.

But, you

know what? always i enjoyed it with giggle./

An alcove of my heart is filled with an aroma you left,

all my nights are insomniac as doze went theft.//

It makes even me too amaze, 

as you haven't lost pinch of coequal after such long gap.

though vent of my heart is parmanently get closed, 

as i turned perpetual foe to nap./

fierce my emotions show to rebel susceptible within seems not enough,

transgression went preposion on self thoughts swiveling life so tough.//

-🙂

https://youtu.be/ndSZvlgS2b4

ಮರುಕ ಹುಟ್ಟಿಸುವ ಮಲೆನಾಡಿನ ಮರುಳ ಮರಳ ಕಥೆ.

ಈ ವರ್ಷ ಮಲೆನಾಡಿನಲ್ಲಾಗಲಿ ಕರಾವಳಿಯಲ್ಲಾಗಲಿ ವಾಡಿಕೆ ಮಳೆಯಲ್ಲಿ ಶೇಕಡಾ ಮೂವತ್ತು ಅಂದರೆ ಮೂರರಲ್ಲೊಂದು ಭಾಗದಷ್ಟೂ ಮಳೆ ಹನಿದಿರದಿದ್ದರೂ ತುಂಗಾˌ ಭದ್ರಾˌ ಸೀತೆˌ ವಾರಾಹಿˌ ಕಾವೇರಿ ಹಾಗೂ ನೇತ್ರಾವತಿಯಲ್ಲಿ ಭರಪೂರ ನೀರು ಹರಿದು ಹೋಗಿದ್ದು ಅಣೆಕಟ್ಟೆಗಳೆಲ್ಲ ತಮ್ಮ ಗರಿಷ್ಠ ಮಟ್ಟಕ್ಕೆ ತಲುಪಿ ಕೆಲವೆಡೆ ಕ್ರೆಸ್ಟ್ ಗೇಟ್ ತೆಗೆದು ನೀರು ಹೊರ ಬಿಟ್ಟ ಪವಾಡಗಳೂ ನಡೆದು ಹೋಗಾಗಿದೆ!🤨

ಅದ್ಹೆಂಗೆ ಹೀಗಾಗಿದೆ? ಅನ್ನುವ ಪ್ರಶ್ನೆ ನಿಮಗಿದ್ದರೆˌ ಕ್ಷಮಿಸಿ ನಿಮ್ಮಷ್ಟು ಬೋಳುಬೆಪ್ಪರೋ ಅಥವಾ ಜಾಣಕುರುಡರೋ ಮತ್ತೊಬ್ಬರಿರಲಿಕ್ಕಿಲ್ಲ. ಅಲ್ರಿ ಮನಸೋ ಇಚ್ಛೆ ಇರೋ ಬರೋ ಹೊಳೆಗಳಂಚಿಂದ ಅಪರಾ ತಪರಾ ಮರಳು ದೋಚಿದರೆ ಇನ್ನೆಂತ ಆಗ್ತದೆ ಮತ್ತೆ?😬

ಮನುಷ್ಯನ ಮಿತಿ ಮೀರಿದ ದುರಾಸೆ ಹಾಗೂ ಧನ ದಾಹಕ್ಕೆ ಬಲಿಯಾದದ್ದು ಸಮೃದ್ಧ ಮರಳ ದಂಡೆ ಹೊಂದಿದ್ದ ಹೊಳೆಗಳಂಚಿನ ಹೊಯಿಗೆ ದಿಬ್ಬಗಳು. ಮೊದಲೆಲ್ಲ ಗಂಧ ಕಳ್ಳಸಾಗಣಿಕೆ ಮಾಡಿ ಊರು ಮನೆಯಲ್ಲಿ ಸಂಭಾವಿತರಂತೆ ಸೋಗು ಹಾಕಿಕೊಂಡು ಬದುಕುತ್ತಿದ್ದ ಬಸ್ಟ್ಯಾಂಡ್ ಮೂರು ಮಾರ್ಕಿನ ಬೀಡಿ - ಹಾಫ್ ಕ್ವಾಟ್ರು ರಮ್ಮಿನ ಗಿರಾಕಿಗಳೆಲ್ಲ ಈಗ ಸುಲಭವಾಗಿ ದೋಚಲು ಸಾಧ್ಯವಿರುವ ಮರಳನ್ನ ದೋಚಿ ಬೆಂಗಳೂರಿಗೆ ಸ್ಮಂಗ್ಲಿಂಗ್ ಮಾಡಿಕೊಂಡು ದುಂಡಗಾಗ್ತಿವೆ. ದಯವಿಟ್ಟು ಇನ್ಯಾರೂ ಮಲೆನಾಡಿಗರು ಮುಗ್ಧರು ಹಳ್ಳಿಗರು ವಿಶಾಲ ಹೃದಯದವರು ಅಂತೆಲ್ಲ ಬೊಗಳೆ ಹೊಡೆದು ತೇಪೆ ಹಾಕಬೇಡಿ. ಯಾವಾಗ ಹೋಂ ಸ್ಟೇಯಂತ ಆತಿಥ್ಯವನ್ನೆ ಹಣ ಗಬರುವ ಮಾರ್ಗವಾಗಿಸುವತ್ತ ಮಲೆನಾಡಿಗ ಹೊರಳಿದರೋ ಅವತ್ತೆ ಅವರ ಮುಗ್ಧತೆಯಲ್ಲಿ ಮಲೆ ಹತ್ತಿ ಹೋಗ್ಯಾಗಿದೆ.🤧

ಉದಾಹರಣೆಗೆ ತೀರ್ಥಹಳ್ಳಿಯಿಂದ ಶಿವಮೊಗ್ಗದ ತನಕ ಹರಿವ ತುಂಗಾ ತಟವನ್ನೆ ತಗೊಳ್ಳಿˌ ಹೆಚ್ಚಂದ್ರೆ ಎಪ್ಪತ್ತು ಕಿಲೋಮೀಟರ್ ಹರಿವಿನ ಪಾತ್ರವಿರೋ ಅಲ್ಲೀಗ ಹದಿನಾಲ್ಕು ಲೀಗಲ್ ಹಾಗೂ ಅದರ ದುಪ್ಪಟ್ಟು ಅಕ್ರಮ ಮರಳು ಕ್ವಾರಿಗಳು ತಲೆಯೆತ್ತಿ ಲೂಟಿ ನಿರಂತರವಾಗಿದೆ. ಅಧಿಕಾರಿ ವರ್ಗ ಹಾಗೂ ರಾಜಕಾರಣಿಗಳ ದುಷ್ಟಕೂಟದ ಮಿಲಾಖತ್ ಇರೋ ಈ ದಂಧೆ ಕೋಟ್ಯಾಂತರ ರೂಪಾಯಿ ವಾಹಿವಾಟಿನದಾಗಿದ್ದುˌ ಹತ್ತು ಹನ್ನೆರಡು ಸಾವಿರಕ್ಕೆ ಸ್ಥಳಿಯವಾಗಿ ತೆಗೆಯಲಾಗುವ ಲೋಡು ಮರಳಿಗೆ ಬೆಂಗಳೂರಲ್ಲಿ ಅದರ ಎಂಟು ಪಟ್ಟು ಬೆಲೆ ಕಟ್ಟಲಾಗ್ತಿದೆ ಅಂದ್ರೆ ಕೊಳ್ಳೆ ಹೊಡೆಯಲಾಗುತ್ತಿರೋ ಮರಳಿನ ಹಾಗೂ ಹಡಬೆ ದುಡ್ಡಿನ ಪ್ರಮಾಣ ಊಹಿಸಿ ಒಂದು ಕ್ಷಣ.😉

ಇದಕ್ಕೆ ಆಳುವ ಅಧಿಕಾರಿ ಹಾಗೂ ರಾಜಕೀಯ ನಾಲಾಯಕರನ್ನ ದೂರಿ ಪ್ರಯೋಜನವಿಲ್ಲ. ಊರಿನ ದೇವಸ್ಥಾನˌ ಜಾತ್ರೆˌ ಕ್ರಿಕೆಟ್ ಪಂದ್ಯಾವಳಿˌ ಮಾರಿ ಜಾತ್ರೆˌ ಯುವಕ ಸಂಘದ ಕ್ರೀಡಾಕೂಟˌ ಗಣಪತಿ ಕೂರ್ಸದುˌ ಕಬಡಿ ಪಂದ್ಯಾವಳಿ ಮುಂತಾದ ತರತರದ ಹೆಸರಿನ ಚಂದಾ ಪುಸ್ತಕಗಳಿಗೆ ಕಣ್ಣುಮುಚ್ಚಿ ಸಾವಿರಾರು ರೂಪಾಯಿಯ ಮೂಳೆ ಎಸೆದು ಸ್ಥಳಿಯ ಆಶಾಢಭೂತಿ ಯುವಕರನ್ನ ಬುಕ್ ಮಾಡಿಕೊಂಡಿರೋ ಅವರ ತಪ್ಪೇನಿದೆ ಇದರಲ್ಲಿ? ಅವರ ಎಂಜಲು ದುಡ್ಡಿಗೆ ಸ್ಥಳಿಯರೆ ತಮ್ಮನ್ನ ತಾವು ಮಾರಿಕೊಳ್ಳಕ್ಕೆ ತಯಾರಾಗಿರೋವಾಗ? ಜೊತೆಗೆ ಇವಕ್ಕೂ ಅಷ್ಟಿಷ್ಟು ಪುಗ್ಸಟ್ಟೆ ಮರಳು ದೋಚಲು ಮುಕ್ತ ಅವಕಾಶ ಬೇರೆ ಇರ್ತದಲ್ಲ. ಕೋಟಿ ಕೊಳ್ಳೆ ಹೊಡೆಯುವವರಿಗೆ ಸಾವಿರಾರು ರೂಪಾಯಿಯ ಚಂದಾ ಕೊಡೋದೇನೂ ದೊಡ್ ವಿಷ್ಯ ಅಲ್ಲ ಬಿಡಿ.🤪

ಹೀಗಾಗೆˌ ಅಂತರ್ಜಲ ವೃದ್ಧಿಸುವ ನೈಸರ್ಗಿಕ ಫಿಲ್ಟರ್ ಆಗಿದ್ದˌ ಮೀನುˌ ಆಮೆˌ ಮೊಸಳೆ ಹಾಗೂ ಹಾವುಗಳ ಹೆರಿಗೆ ಮನೆಯಾಗಿದ್ದ ಮರಳ ದಂಡೆಗಳು ರಾತ್ರೋರಾತ್ರಿ ಮಾಯವಾಗ್ತಿವೆ. ಹೀಗಾಗಿ ಇಂಗಲಾರದ ಅಲ್ಪ ಮಳೆಯ ನೀರೂ ಸಹ ಇಕ್ಕೆಲ ದಡಗಳ ಮೆಕ್ಕಲು ಮಣ್ಣನ್ನ ಕೊರೆಯುತ್ತಾ ಅಣೆಕಟ್ಟುಗಳ ಕೆಸರಿನ ಸಿಲ್ಟು ಹೆಚ್ಚಿಸ್ತಾ ತುಂಬಿದ ಹಾಗೆ ಕಾಣೋ ಅಣೆಕಟ್ಟೆಗಳಿಂದ ತುಂಬಿ ತುಳುಕಿ ಸಮುದ್ರಮುಖಿಯಾಗ್ತಿವೆ. ನಿಧಾನವಾಗಿ ಮಲೆನಾಡು ಬರಿದಾಗಿ ಬಯಲು ಸೀಮೆಯಾಗ್ತಿದೆ.😖

ಮೊದಲು ನೂರಿನ್ನೂರು ಅಡಿಗೆ ನೀರು ಸಿಗ್ತಿದ್ದ ಹೊಳೆ ಬದಿ ಬಾವಿಗಳಲ್ಲೂ ಈಗ ಸಾವಿರ ಅಡಿ ಕೊರೆದರೆ ಮಾತ್ರ ನೀರು ಅನ್ನೋ ದುರಾವಸ್ಥೆಗೆ ಬಂದಾಗಿದೆ. ಹಣದ ದುರಾಸೆ ಮಲೆನಾಡಿಗರ ಮನಸು ಕೆಡಿಸಿದೆ. ನಿಸರ್ಗದ ಸ್ಥಿರತೆ ಯಾರಿಗೂ ಬೇಕಾಗೆ ಇಲ್ಲ ಅನ್ನೋ ಹಂಗಾಗಿದೆ.😎

ಸುಗಂಧ.....

ಸುಗಂಧ....

ಅಳಿಸಿ ಹೋಗದ ಬಣ್ಣದ ಶಾಯಿಯಲ್ಲಿ ಬರೆದ ಅಕ್ಷರಗಳೆಲ್ಲ
ಅರಿವಿಗೆ ಸಹ ಬಾರದಂತೆ ಮಾಸಿ ಹೋದ ಹಾಗೆˌ
ಆಗಿದ್ದರೂ ಇದು ಮೌನದ ಹಾಯಿದೋಣಿಯ ಮೇಲಿನ ಏಕಾಂಗಿ ಪಯಣ
ತೆಪ್ಪದ ಮೂಲೆಯಲ್ಲಿ ಹೋದವಳಂದಿರಿಸಿದ ನೆನಪಿನ ಹಲಸು ಅಂಟಿಸುವ ಸೌಗಂಧದ ಮೇಣದ ಕಥೆಯೆ ಹೀಗೆ./
ದಟ್ಟ ಅನುಭವದ ಬಾಳೂ ಸಹ ಕೆಲವೊಮ್ಮೆ ದಟ್ಟದರಿದ್ರವನ್ನಿಸುತ ಹೋಗಿˌ
ನೆನ್ನೆಯ ನೆನಪುಗಳ ಕೂಸನ್ನ ಮಲಗಿಸಿದ ತೊಟ್ಟಿಲ ಜೋಲಿಯನ್ನೆ ಅಪ್ಯಾಯಮಾನವಾಗಿ ಇಂದಿನ ಕೈಗಳು ಸಹ ತೂಗಿ ತೂಗಿ.//

ನೀರ ಮೇಲೆ ಅವಳ ಹೆಜ್ಜೆ
ಉಳಿಸದೆ ಹೋದ ಗುರುತುಗಳೆಲ್ಲ ಮನಸಲಿ ಗಾಢವಾಗಿ ಉಳಿದು ಭಾವಲೋಕ ತುಂಬಾ ವಜ್ಜೆˌ
ನೀಲಿ ಜಲದ ಮೇಲೆ ತೇಲಿ ಕನಸುಗಳೆಲ್ಲ ಕರಗಿದಂತೆ
ಕಲ್ಲಾಗಿ ಕ್ಷಣ ನಾನು ನಾವಿಬ್ಬರೂ ಅಂದು ಕೂಡಿದ್ದ ಸ್ಥಳದಲ್ಲೆ ಮೌನವಾಗಿ ನಿಂತೆ./
ಹರಿವ ನದಿಯ ಜಲದ ಕನ್ನಡಿ
ಪ್ರತಿಬಿಂಬಿಸಿತೆ ಸೋತ ಮನದೊಳಗೆ ಮೂಡಿದ ಶೋಕದ ಮುನ್ನುಡಿˌ
ಕಣ್ಣ ಭಿತ್ತಿಯ ಮೇಲೆ ತೂಗಿದ ಕನಸುಗಳ ಬಿಂಬ
ನೋವನೆ ಬಡಿದೆಬ್ಬಿಸಿದ್ದು ಸುಳ್ಳಲ್ಲ ವಿಷಾದದೆದೆಯ ತುಂಬಾ.//

ಹುಣ್ಣಿಮೆ ಹುಟ್ಟಿಸುತ್ತಿದ್ದ ಖುಷಿಗಳೆಲ್ಲ ಈಗ ಕನಸು
ಕಾರ್ಗತ್ತಲ ಅಮಾವಾಸ್ಯೆ ನಿತ್ಯಸತ್ಯ ನನಸುˌ
ವಯಸ್ಸು ಮೀರಿ ಪ್ರೌಢವಾದ ಮಗು ಮನ
ಏಕಾಂತದಲ್ಲಿ ದೈನ್ಯತೆ ಉಕ್ಕಿಬಂದಾಗ ಅನಾಥ ಭಾವದಲ್ಲಿ ಆಗುತ್ತಿರುತ್ತದೆ ವಿಪರೀತ ದೀನ./
ಮಹಲ ಕೊಳದಲ್ಲಿ ನಳನಳಿಸಿ ತೇಲುವ ಕಮಲದ ಪತ್ರೆಯ ಮೇಲಷ್ಟೇ ಅಲ್ಲ
ಗುಡಿಸಲ ಹಿತ್ತಲ ನಿಶ್ಪಾಪಿ ಕೆಸುವಿನ ಎಲೆಯ ಮೇಲೂ ಮಳೆಯ ಹನಿ ನಿಂತಾಗ ಹೊಳೆವ ಮುತ್ತಾಗುತ್ತದೆˌ
ಹೊರ ಸಿರಿಯ ಹೊತ್ತವರ ಹೆಗಲ ಮೇಲೆ ತಲೆ ಆನಿಸಿ ಕಳೆವ ಕ್ಷಣಗಳಷ್ಟೆ ಅಲ್ಲವಲ್ಲ
ಮಾನಸ ಶ್ರೀಮಂತಿಕೆಯ ಮಡಿಲನ್ನ ನೆಮ್ಮದಿಯ ತಲೆದಿಂಬಾಗಿಸಿ ಮಾಡುವ ನಿದ್ದೆಯಲ್ಲೂ ಸಹ ನಿರಾಳತೆಯ ಸ್ಪಪ್ನ ಹೊಳೆವ ನತ್ತಾಗುತ್ತದೆ.//

- 😇

ಕಳ್ಳ ಖದೀಮರಿದ್ದಾರೆ ಎಚ್ಚರ.

ಪಶ್ಟಿಮಘಟ್ಟದ ಸೆರಗು ಕರಾವಳಿ ಹಾಗೂ ನೆರಿಗೆ ಮಲೆನಾಡಿನ ಪ್ರಾಕೃತಿಕ ಸಿರಿಯನ್ನ ದರೋಡೆ ಮಾಡಿರುವ ಕುಕೃತ್ಯಕ್ಕೆ ವಿವಿಧ ಸ್ತರಗಳ ಸರಕಾರಗಳನ್ನ ದೂರುವುದು ಹಾಗೂ ಅದರ ಕುರಿತು ಆಗಿರುವ - ಆಗುತ್ತಿರುವ - ಮುಂದಾಗಲಿರುವ ದೌರ್ಜನ್ಯಗಳನ್ನ ಪಟ್ಟಿ ಮಾಡಿಕೊಂಡು ಆಳುವ ಅಧಮರನ್ನ ಬೈದಾಡುವುದು ತಪ್ಪೇನಲ್ಲ.

ಹಾಗಂತˌ ಒಮ್ಮೆ ಎದೆ ಮುಟ್ಟಿಕೊಂಡು ನಮ್ಮ ನಮ್ಮ ಆತ್ಮಸಾಕ್ಷಿಗೆ ಅನುಗುಣವಾಗಿ ಬಾಕಿ ಇನ್ಯಾರಿಗಲ್ಲದಿದ್ದರೂ ನಿಮಗಷ್ಟೆ ಕೇಳಿಸುವಂತೆ ನೀವು ನೀವೆ ನಿಮ್ಮ ನಿಮಗೆ ಒಂದುಕ್ಷಣ ನಿಜವಾದ ಪ್ರಾಮಾಣಿಕತೆಯಿಂದ ಹೇಳಿ.

ಅರ್ಧ ಎಕರೆ ಅಡಿಕೆ ತೋಟದಂಚಿಗೆ ಆರೆಕರೆ ಕಾಡಿಗೆ ಬೇಲಿ ಸುತ್ತಿ ಅಲ್ಲೂ ಸಸಿ ನೆಟ್ಟು ತೋಟ ವಿಸ್ತರಿಸಿದˌ ಕಾಲೆಕರೆ ಕಾಫಿ ಎಸ್ಟೇಟಿನ ಪಕ್ಕದ ಕೆಲವಾರು ಎಕರೆ ಕಾಡನ್ನ ಕಬಳಿಸಿ ಅಲ್ಲೂ ಕಾಫಿ - ಏಲಕ್ಕಿ ಹಾಕಿ ತಮ್ಮ ತಮ್ಮ ಸಾಮ್ರಾಜ್ಯ ವಿಸ್ತರಿಸಿಕೊಂಡˌ ಮೂರೆಕರೆ ಗದ್ದೆಯ ಸುತ್ತಮುತ್ತಲ ನೂರೆಕರೆ ಕಾನು ಗುಡ್ಡಕ್ಕೆ ಲಗ್ಗೆಯಿಟ್ಟು ಅದನ್ನೂ ತನ್ನ ಬೇಲಿಯೊಳಗೆ ಎಳೆದುಕೊಂಡ ಮಲೆನಾಡು - ಕರಾವಳಿಯ "ಮುಗ್ಧ"(?) ರೈತಾಪಿ ಬೆಳೆಗಾರರ ತಪ್ಪೇನಿಲ್ವ?!

ವಸಾಹತುಶಾಹಿ ಮನಸ್ಥಿತಿˌ ವ್ಯಕ್ತಿ ಪೂಜಕ ವ್ಯಕ್ತಿತ್ವ ಹಾಗೂ ಗುಲಾಮಗಿರಿಗೆ ಸುಶುಪ್ತ ಸಮ್ಮತಿ ನಮ್ಮ "ಭಾರತೀಯ ತಳಿ"ಯ ಹೋಮೋಸೇಪಿಯನ್ ವರ್ಗದ ಪ್ರಮುಖ ಹಾಗೂ ಅನುವಂಶೀಯ ಸಮಸ್ಯೆ.

ಹೀಗಾಗಿಯೆˌ ಆಗುವ ನ್ಯಾಯ - ಅನ್ಯಾಯಗಳನ್ನ ಈ ಮಾನದಂಡಗಳನುಸಾರವೆ ಅಳೆದು ನಮ್ಮ ಮೇಲೆ ನಾವು ನಾವೆ ಹೇರಿಕೊಳ್ಳುತ್ತಿರುತ್ತೇವೆ. ಅದರ ಅಡ್ಡˌ ನೇರˌ ಬಳಸು ಹೀಗೆ ಥರಾವರಿ ಪರಿಣಾಮಗಳಿಂದ ಬಯಸಿ ಬಯಸಿ ಎನ್ನುವಂತೆ ನಿರಂತರ ನರಳುತ್ತಲೂ ಇರುತ್ತೇವೆ. ಈ ಸ್ವಯಂ ಬಂಧನದ ಸ್ವ ಲಿಖಿತ ಲಕ್ಷ್ಮಣ ರೇಖೆಗಳನ್ನ ದಾಟದೆ ಜನ್ಮಜನ್ಮಾಂತರಕ್ಕೂ ನಮಗೆ ಮುಕ್ತಿ ಮರೀಚಿಕೆ.

ಬಿಳಿಯರು ಸಾಹೇಬರುಗಳೆಲ್ಲ ಭಾರತ ತೊರೆದರು ನಿಜ. ಆದರೆˌ ಈ ನಕಲಿ ತಳಿಯ ಕರಿಯ ಸಾಹೇಬರುಗಳೆಲ್ಲ ಸೇರಿ ದೇಶ ದೋಚುವಲ್ಲಿ ತೋರುತ್ತಿರುವ ಅಟ್ಟಹಾಸದ ಮುಂದೆ ಹೋಲಿಸಿದರೆ ಪಾಪˌ ೧೯೦ವರ್ಷಗಳ ಕಾಲ ಯುರೋಪಿಯನ್ನರು ಇಲ್ಲಿ ಆಡಿದ್ದ ಆಟ ತೃಣಕ್ಕೂ ಸಮನಲ್ಲ!

ವಿವೇಕದ ನುಡಿ. ಯಾವಾಗ ಒಬ್ಬ ದುರುಳ ಹಾಗೂ ಧೂರ್ತ ಆಡಳಿತಗಾರ ತನ್ನ ಪ್ರಜೆಗಳ ಅಭಿವೃದ್ಧಿ ಸಾಧಿಸುವುದಲ್ಲಿ ವಿಫಲನಾಗುತ್ತಾನೋˌ ಆಗಾಗ ಅಂತಹ ಅಧಮ ಅಧಿಕಾರಸ್ಥ ದೇಶದ ಐತಿಹಾಸಿಕ ಉನ್ನತಿಯ ಹರುಕು ಬಾವುಟವನ್ನ ಎತ್ತೆತ್ತಿ ಬೀಸುತ್ತಾ ಜನರ ಗಮನವನ್ನ "ಬೋಳು ಮಂಡೆ ಮುಂಡೆಯ ಹಳೆ ತುರುಬಿನತ್ತ" ಸೆಳೆದುˌ ತನ್ನ ಆಡಳಿತ ವೈಫಲ್ಯವನ್ನು ಮುಚ್ಚಿಕೊಳ್ಳಲು ನಿರಂತರವಾಗಿ ಪ್ರಯತ್ನಿಸುತ್ತಾನೆ. ಸಾಲದ್ದಕ್ಕೆˌ ಧರ್ಮ - ಜಾತಿ - ಭಾಷೆ ಹಾಗೂ ಪ್ರಾದೇಶಿಕತೆಯ ಈಟಿ ಭರ್ಜಿ ಖಡ್ಗ ಹಾಗೂ ಗದೆಗಳನ್ನ ತನ್ನ ಮೂರ್ಖ ಪ್ರಜೆಗಳ ಕೈಗಳಿಗೆ ತಲುಪಿಸಿ ಪರಸ್ಪರ ಕಚ್ಚಾಡುತ್ತಾ ಅದರಲ್ಲೆ ಮಗ್ನರಾಗಿರಲು ಮೇಲಿಂದ ಮೇಲೆ ಮಾತಿನ ಪ್ರಚೋದನೆ ಕೊಟ್ಟು ಬಹಿರಂಗವಾಗಿ ಪರಸ್ಪರರ ಮೇಲೆ ಛೂ ಬಿಟ್ಟುˌ ಅವರ ಜಗಳದ ಲಾಭ ಪಡೆದು ಪ್ರಾಕೃತಿಕ ಸಿರಿಯನ್ನ ಕಾನೂನುಬದ್ಧವಾಗಿಯೆ ಸೂರೆ ಮಾಡುತ್ತಾ ದರೋಡೆ ಮಾಡುವವರಿಗೆ ಅನುಕೂಲ ಮಾಡಿಕೊಡುವಂತೆ ಕಾಯಿದೆಗಳನ್ನ ತಿದ್ದಿಸುತ್ತಾ ಇಡಿ ದೇಶವನ್ನˌ ಅದರ ಸಮಸ್ತ ಜನಸಂಖ್ಯೆಯ ಸಮೇತ ಹಾಳು ಗುಂಡಿಗೆ ನೂಕಲು ಹವಣಿಸುತ್ತಲೆ ಇರುತ್ತಾನೆ.

ಟರ್ಕಿ ಚೀನಾ ಮಾತ್ರವಲ್ಲ ಇವತ್ತಿನ ದಿನಮಾನಗಳಲ್ಲಿ ಭಾರತದಲ್ಲೂ ಇದನ್ನೆ ಮಾಡ್ತಾ ಇದ್ದಾರೆ. ಅವರನ್ನ ಹಾಡಿ ಹೊಗಳಿ ಸುಳ್ಳು ಪಳ್ಳು ಕಥೆಗಳನ್ನ ಕಟ್ಟಿ ನಿರಂತರ ಬಹುಪರಾಕ್ ಹಾಕುತ್ತಾ ಅವರ ವೈಫಲ್ಯದ ತೂತುಗಳಿಗೆ ತೇಪೆ ಹಾಕಲು ಅವರವರ ಆಸ್ಥಾನ ಭಟ್ಟಂಗಿಗಳಂತೂ ಸದಾ ಸಿದ್ಧವಾಗಿ

ಇದ್ದೆ ಇರ್ತಾರೆ.

ಗಣಪತಿ ಬಪ್ಪದೆ ಹೋಗಯ್ಯ, ಈಗ ಆದ ಅನಾಹುತವೇ ನಮಗೆ ಸಾಕಯ್ಯಾ........

ಪಾಪ, ಉದಾತ್ತ ಮನಸ್ಸಿನ ಮಹಾನುಭಾವರಾಗಿದ್ದ ಅಮರ ಹೋರಾಟಗಾರ ಬಾಲಗಂಗಾಧರ ತಿಲಕರ ಆಶಯವೇ ಅಸಲಿಗೆ ಬೇರೆ ಇತ್ತೇನೋ! ಆದರೆ ಈಗಿನ ಬಹುತೇಕ ಹುಟ್ಟಾ 'ಚಂದಾ'ಮಾಮಂದಿರಾದ ಭಂಡಮುಂಡೆಗಂಡರು ಅದನ್ನ ಸಂಪೂರ್ಣ ಹಳ್ಳ ಹಿಡಿಸಿ ಬಿಟ್ಟು, "ಗಣಪತಿ ಹಬ್ಬ"ವನ್ನ ಸಾರ್ವಜನಿಕವಾಗಿ ಆಚರಿಸೋದು ಎಂದರೆ ಸಾರ್ವತ್ರಿಕವಾಗಿ ಗಲಭೆ ಮಾಡೋದು ಹಾಗೂ ಮಾಡಿಸೋದು ಅಂತಲೇ ತೀರ್ಮಾನಿಸಿಬಿಟ್ಟ ಹಾಗಿದೆ. ಈತನಕ 'ಗಣಪತಿ'ಯ ಪ್ರತಿಷ್ಠಾಪನೆ ಹಾಗೂ ವಿಸರ್ಜನೆಯ ವಿಷಯ ಹಿಂದೂ ಹಾಗೂ ಮುಸಲ್ಮಾನರ ನಡುವಿನ ಕೋಮು ಗಲಭೆಗೆ ಮಾತ್ರ ಸೀಮಿತವಾಗಿತ್ತು. ಆದರೆ ಇದೀಗ ಜಾತಿ ಹಾಗೂ ಸ್ಪರ್ಶ್ಯತೆ - ಅಸ್ಪರ್ಶ್ಯತೆಗೂ ಅದನ್ನ ಯಶಸ್ವಿಯಾಗಿ ನಾಚಿಕೆ ಬಿಟ್ಟು ತಳುಕಿಸಲಾಗಿದೆ.

ಬರುಬರುತ್ತಾ, ಈ ಸಾರ್ವಜನಿಕ ಆಚರಣೆಯ 'ಗಣಪತಿ ಹಬ್ಬ' ಸಹ 'ಕಾಂಗ್ರೆಸ್ ಸಂಸ್ಥೆ'ಯಂತೆ ಆಗಿಹೋಗಿದೆ. ದೇಶಕ್ಕೆ ಸ್ವಾತಂತ್ರ್ಯ ಸಿಗುತ್ತಿದ್ದಂತೆ ಈ ಸಾರ್ವಜನಿಕ ಗಣಪತಿ ಉತ್ಸವದಂತೆ ಆ ಕಾಂಗ್ರೆಸ್ ಕೂಡಾ ಅಪ್ರಸ್ತುತವಾಗಿ ಹೋಗಿಯಾಗಿದೆ. ಅವೆರಡರ ಸ್ಥಾಪನೆಯ ಉದ್ದೇಶವೂ ಸ್ವಾತಂತ್ರ್ಯ ಸಾಧನೆಯ ಮೂಲಕ ತೀರಿದ ಮೇಲೆ ಅವೆರಡನ್ನೂ ಮುಚ್ಚಿಕೊಂಡು ವಿಸರ್ಜಿಸೋದು ಬಿಟ್ಟು ನಮ್ಮ ಜನ ಇಲ್ಲಸಲ್ಲದ ಜಾತಿ - ಕೋಮುಗಳ ಪುಕಾರು ಹಬ್ಬಿಸಿಕೊಂಡು ಇವೆರಡು ಸ್ಥಾಪಿತ ಹಿತಾಸಕ್ತಿಗಳನ್ನೂ ಪ್ರಬಲವಾಗಿ ಪೋಷಿಸಿಕೊಂಡು ಎಂತೆಂತದೋ ಚಿತಾವಣೆ ಮಾಡಲು ಜೀವಂತವಾಗಿಟ್ಟುಕೊಂಡೇ ಬರುತ್ತಿದ್ದಾರೆ. ನನ್ನ ಅನುಭದ ಮಟ್ಟಿಗಂತೂ ಹಿಂದೂ ಮುಸ್ಲಿಮ್ ನಡುವಿನ ಅಸಹನೆಗೆ ಇನ್ನಷ್ಟು ಸೀಮೆ ಎಣ್ಣೆ ಸುರಿದು ಫಕ್ಕನೆ ಬೆಂಕಿ ಹಚ್ಚಲಿಕ್ಕೆ ಸಾರ್ವಜನಿಕ ಗಣಪತಿ ಉತ್ಸವಗಳಷ್ಟು ಪ್ರಶಸ್ತವಾದ ಅವಕಾಶ ಸದ್ಯಕ್ಕೆ ಮತ್ತೊಂದು ಇರಲಿಕ್ಕಿಲ್ಲ.

ನಿಮ್ಮೆಲ್ಲರಿಗೆ ಶಿವಮೊಗ್ಗದ ಶ್ರೀರಾಮಣ್ಣ ಶ್ರೇಷ್ಠಿ ಪಾರ್ಕಿನ ಗಣಪತಿ ಉತ್ಸವದ ಭಯಾನಕ ಚರಿತ್ರೆ ನೆನಪಿರಬಹುದು. ಮಹಾವೀರ ಸರ್ಕಲ್ಲಿನಲ್ಲಿ ಹಿಂದೊಮ್ಮೆ ಆತನ ವಿಸರ್ಜನಾ ಮೆರವಣಿಗೆಯ ಕಾಲದಲ್ಲಿ ನಡೆದ ಮಾರಾಮಾರಿಯಲ್ಲಿ ಶಿವಮೂರ್ತಿ ಎಂಬ ಯುವಕನಿಗೆ ಯಾರೋ ಚೂರಿ ಹಾಕಿ, ಮೆರವಣಿಗೆಯ ಹುಮ್ಮಸ್ಸಿನಲ್ಲಿದ್ದ ಗಣಪತಿ ನಡು ನಡುಬೀದಿಯಲ್ಲಿಯೇ ಅನಾಥನಾಗಿ ಉಳಿದು. ಬೇಡ ಕಥೆ! ಈಗ ಅದರ ಪಕ್ಕದ ಸರ್ಕಲ್ಲಿಗೆ ಅದೇ ಸತ್ತ ಶಿವಮೂರ್ತಿಯ ಹೆಸರನ್ನಿಟ್ಟು ಆ ಗಲಭೆಯ ನೆನಪನ್ನ ಸದಾಕಾಲಕ್ಕೂ ಜೀವಂತವಾಗಿರಿಸಲಾಗಿದೆ?!

ಇವತ್ತಿಗೂ ಪ್ರತಿವರ್ಷ ರಾಮಣ್ಣ ಸೆಟ್ಟರ ಈ ಜನರ ದುಡ್ಡಿನ ದೊಡ್ದ ಗಾತ್ರದ ಗಣಪ ಹಾಗೂ ಹಿಂದೂ ಮಹಾಸಭಾ ಗಣಪತಿಯ ಹೊಳೆ ಸೇರಲು ಸಾಗುವ ಹಾದಿಯಲ್ಲಿ ಸಿಗುವ ಅಮೀರ್ ಅಹಮದ್ ಸರ್ಕಲ್ಲಿನ ಬಳಿ ಬರುತ್ತಿದ್ದಂತೆ, ಸದಾ ಸಜ್ಜಾಗಿಯೇ ಬರುವ 'ಕೆಲವರು' ಪಕ್ಕದಲ್ಲಿರುವ ಮಸೀದಿಗೆ ಸಂಪ್ರದಾಯದಂತೆ ಒಂದಷ್ಟು ಕಲ್ಲನ್ನ ಮುಲಾಜಿಲ್ಲದೆ ಎಸೆದು ಮುಂದೆ ಹೋಗುತ್ತಾರೆ! ಇನ್ನೇನು ಮುಳುಗಿ ಮರೆಯಾಗಲಿರುವ ಗಣಪತಿಗೆ ಜಯಕಾರ ಕೂಗಲಾದರೂ ಈ ಗಡವರು ಮರೆತಾರು, ಆದರೆ ಮಸೀದಿಗೆ ಕಲ್ಲೆಸೆಯುವುದನ್ನ ಮಾತ್ರ ಯಾವತ್ತಿಗೂ ಮರೆಯರು. ಆಮೇಲೆ ಕರೆದು ಕೇಳಿದರೆ, "ಮಸೀದಿಯಿಂದಲೇ ಕಲ್ಲುಗಳು ಬಂದು ಮೆರವಣಿಗೆಯ ಮೇಲೆ ಬಿದ್ದವು!" ಅನ್ನುವ ಅನುಗಾಲದ ಅದೇ ಹಸೀ ಸುಳ್ಳೊಂದನ್ನ ಕೇಳಿದವರ ಮುಖಕ್ಕೆ ಎಸೆದು ಮಿಣ್ಣಗೆ ಮರೆಯಾಗಿ ಹೋಗುವುದರಲ್ಲಿ, ಈ ಸೆಟ್ಟರ ಗಣಪಣ್ಣನ ಕಳ್ಳ ಭಕ್ತ ಕೋತಿಗಳು ಬಲು ನಿಸ್ಸೀಮರು.

ಹಿರಿಯ ಗೆಳೆಯರೊಬ್ಬರ ಮಧ್ಯ ಕರ್ನಾಟಕದ ಹುಟ್ಟೂರೊಂದರಲ್ಲಿ ಈ ಸಾರಿ ಜಾತಿ ಜಗಳ ತೆಗೆದು ಗಣಪತಿ ಕೂರಿಸಲು ಅನುಮತಿ ಸಿಗದೆ ಹೋಗುವಂತಾಯಿತಂತೆ. ಲಿಂಗಾಯತರು ಹಾಗೂ ಗೊಲ್ಲರು ಸಲ್ಲದ ಸಂಪ್ರದಾಯದ ಜಾತಿ ಜಗಳ ತೆಗೆದು ಗಣಪಣ್ಣನಿಗೆ ಸಾರ್ವಜನಿಕ ಬೈಠಕ್ ಜಸ್ಟ್‍ಮಿಸ್ ಮಾಡಿಸಿಬಿಟ್ಟರಂತೆ!. ಇದನ್ನ ಕೇಳಿದಾಗ ಮೇಲಿನದೆಲ್ಲಾ ನೆನಪಿಗೆ ಬಂತು. ಒಟ್ಟಿನಲ್ಲಿ ಊರೊಗ್ಗಟ್ಟಿಗೆ ಕಾರಣವಾಗಬೇಕಿದ್ದ ಉತ್ಸವವೊಂದು ಊರೊಟ್ಟಿನ ಒಡುಕಿಗೆ ನೇರ ಕಾರಣವಾಗುತ್ತಿರೋದು ಮಾತ್ರ ನಾಚಿಗೆಗೇಡು.

ಕಾಲ ಕಳೆದ ಹಾಗೆ ತಂತ್ರಜ್ಞಾನ, ಸವಲತ್ತು ಹಾಗೂ ಸಂವಹನ ಕೇವಲ ವಿಶ್ವವನ್ನಷ್ಟೆ ಕುಗ್ರಾಮವನ್ನಾಗಿಸುತ್ತಿಲ್ಲ. ಜನರೂ ಸಹ ಮಾನಸಿಕವಾಗಿ ದಿನದಿಂದ ದಿನಕ್ಕೆ ಕುಬ್ಜರಾಗುತ್ತಾ ತಮ್ಮ 'ಸಣ್ಣತನಗಳಿಂದ' ಮರಳಿ ಶಿಲಾಯುಗದ ಹಾದಿಗೆ ಹೊರಳುತ್ತಿದ್ದಾರೆ ಅನ್ನಿಸುತಿದೆ.

ವಲಿ - ೩೮

ಅಲ್ ತೈಫ್ ಕೋಟೆಯ ಮೇಲೆ ಸತತವಾಗಿ ಲಗ್ಗೆ ಇಟ್ಟರೂ ಸಹ ಅವರನ್ನ ಅಲುಗಾಡಿಸಲಾಗದೆ ಮಹಮದನ ಪಡೆ ಮೆಕ್ಕಾ ಯಾತ್ರೆ ಮುಗಿಸಿ ಮದೀನಾವನ್ನು ಬಂದು ಮುಟ್ಟಿ ಆಗಲೆ ಹತ್ತು ತಿಂಗಳು ಕಳೆದಿತ್ತು. ಆ ಅತೃಪ್ತಿ ಆತನ ಒಳಮನಸಿನಲ್ಲಿ ಆಗಾಗ ಮುಳ್ಳಿನಂತೆ ಚುಚ್ಚುತ್ತಲೆ ಉಳಿದಿತ್ತು. 'ನರಿಯನ್ನು ನರಿಯ ಬಿಲದಲ್ಲಿಯೆ ಇರಲು ಬಿಟ್ಟರೆ ಅದು ಯಾರಿಗೂ ತೊಂದರೆ ಕೊಡಲಾರದು!' ಅನ್ನುವ ಯುದ್ಧನೀತಿಯ ವಿವೇಕವನ್ನು ಮಹಮದ್ ಒಲ್ಲದ ಮನಸ್ಸಿನಿಂದಲೆ ಆಗ ಅಂಗೀಕರಿಸಿ ತುಸು ಕಾಲ ಸುಮ್ಮನಾಗಲು ಒಪ್ಪಿದ್ದ. ಆದರೆ ಆತ ಅವರನ್ನು ಸುಮ್ಮನೆ ಇರಗೊಟ್ಟಿದ್ದರೂ ಸಹ ಅಲ್ ತೈಫಿನ ಸುತ್ತಮುತ್ತಲಿನ ಆತನ ಮತಾವಲಂಭಿ ಮುಸಲ್ಮಾನರು ಆ ನೀತಿಯನ್ನ ಪಾಲಿಸಿರಲಿಲ್ಲ. ಹವಾಜಿನರಂತೂ ಅನಗತ್ಯವಾಗಿ ಅವಕಾಶ ಸಿಕ್ಕಾಗಲೆಲ್ಲ ಅಲ್ ತೈಫಿನವರನ್ನ ಕಾಡಿಸಿ ಪೀಡಿಸಿ ವಿಕೃತ ಆನಂದ ಅನುಭವಿಸುತ್ತಿದ್ದರು. ಅವರ ತೋಟ, ಜಮೀನು ಹಾಗೂ ಇನ್ನಿತರ ಆಸ್ತಿ ಪಾಸ್ತಿಗಳನ್ನ ಬೇಕಂತಲೆ ಹಾಳುಗೆಡವಿ ಉಪದ್ರ ನೀಡುತ್ತಿದ್ದರು.


ಈ ಮಧ್ಯೆ ಎಮನ್ ದೇಶಕ್ಕೆ ಯುದ್ಧ ತಂತ್ರಗಳ ಕಲಿಕೆಗಾಗಿ ಹೋಗಿದ್ದ ಅಲ್ ತೈಫಿನ ಮುಖಂಡರಲೊಬ್ಬನಾಗಿದ್ದ ಓರ್ವಾ ಇಬ್ನ್ ಮಸೂದ್ ಎಂಬಾತ ಅಲ್ಲಿಂದ ತನ್ನ ಮನೆಗೆ ಮರಳುವ ದಾರಿಯಲ್ಲಿ ಮದೀನಕ್ಕೆ ಭೇಟಿ ಕೊಟ್ಟು ಅಲ್ಲಿ ಮಹಮದನನ್ನು ಮುಖತಃ ಭೇಟಿಯಾದ. ಅಲ್ ಹೊಬೈಡಿಯಾದಲ್ಲಿ ಆತ ಈಗಾಗಲೆ ಮುಸಲ್ಮಾನರ ಸಂಪರ್ಕಕ್ಕೆ ಬಂದಿದ್ದ. ಅಲ್ಲಿ ಆತ ಅವರ ಮತಾಚರಣೆಯ ಶಿಸ್ತು, ಧಾರ್ಮಿಕ ನಡುವಳಿಕೆ ಹಾಗೂ ಆಚರಣೆಗಳಿಂದ ಪ್ರಭಾವಿತನೂ ಆಗಿದ್ದ. ಹೀಗಾಗಿ ಮಹಮದನನ್ನು ಭೇಟಿಯಾದ ಆತ ಇಸ್ಲಾಮಿಗೆ ಮತಾಂತರಿತನಾದ. ತಾನು ಅನಂತರ ಅಲ್ ತೈಫಿಗೆ ಹಿಂದಿರುಗಿ ಅಲ್ಲಿನವರನ್ನ ಇಸ್ಲಾಮಿನತ್ತ ಒಲಿಸಿ ಮತಾಂತರ ಮಾಡುವ ಪ್ರಯತ್ನಕ್ಕಿಳಿಯುತ್ತೇನೆ ಎಂದು ತನ್ನ ಮನದಾಸೆಯನ್ನ ಅರುಹಿದ.



ಮಹಮದನಿಗೆ ಅಲ್ ತೈಫ್ ಜನರ ಅನಾಗರೀಕ ನಡುವಳಿಕೆಯ ಸ್ಪಷ್ಟ ಪರಿಚಯವಿತ್ತು. ಆವರು ಯಾವುದೆ ಕಾರಣಕ್ಕೂ ಅವರು ಮತಾಂತರವಾಗಲಿಕ್ಕೆ ಒಪ್ಪದೆ ಅಜ್ಞಾನದಿಂದ ಅವನ ಮೇಲೆ ಎಗರಿ ಬೀಳಬಹುದು ಎಂದು ತರ್ಕಿಸಿ ಮಸೂದನಿಗೆ ಮರಳಿ ಮನೆಗೆ ಹೋಗದಂತೆ ಸೂಚಿಸಿದ. ಆದರೆ ತನ್ನವರ ಮೇಲೆ ಅಪಾರವಾದ ಭರವಸೆಯನ್ನು ಇರಿಸಿಕೊಂಡಿದ್ದ ಮಸೂದ್ ಮಾತ್ರ ಇದರಿಂದ ವಿಚಲಿತನಾಗದೆ ಅಲ್ ತೈಫಿನತ್ತ ಪಾದ ಬೆಳೆಸಿದ. ಮನೆಯನ್ನ ಮುಟ್ಟಿದವನೆ ತನ್ನ ಬಂಧು ಬಾಂಧವರಲ್ಲಿ ಆತ ತಾನು ಇಸ್ಲಾಮಿನ ಅನುಯಾಯಿಯಾಗಿ ಬದಲಾದ ವಿಷಯವನ್ನ ಹೇಳಿಕೊಂಡ. ಅವರೆಲ್ಲರೂ ಸಹ ತನ್ನನ್ನು ಅನುಸರಿಸಬೇಕೆಂದು ಆತ ಕರೆ ನೀಡಿದ. ಈ ಘೋಷಣೆಯ ನಂತರ ಬಂಧುಗಳೆಲ್ಲಾ ಚದುರಿ ತಮ್ಮ ತಮ್ಮ ಮನೆಯನ್ನ ಸೇರಿಕೊಂಡರು. ಅವರೆಲ್ಲಾ ತಮ್ಮ ತಮ್ಮೊಳಗೆ ಆಪ್ತ ಸಮಾಲೋಚನೆ ನಡೆಸಿಕೊಂಡರು.



ಮರು ಬೆಳಗ್ಯೆ ಉತ್ಸಾಹದಿಂದ ತನ್ನ ಮನೆಯ ಛಾವಣಿಯನ್ನೇರಿದ ಮಸೂದ್ ಅಲ್ಲಾಹೋ ಅಕ್ಬರ್ ಎಂದು ಪ್ರಾರ್ಥನೆಯ ಕರೆಕೊಟ್ಟು ಅವರೆಲ್ಲರನ್ನ ಪ್ರಾರ್ಥನೆಗೆ ಆಹ್ವಾನಿಸಲು ಯತ್ನಿಸುತ್ತಿರುವಾಗ ಎಲ್ಲಾ ದಿಕ್ಕುಗಳಿಂದ ಬಿರು ಬಾಣಗಳ ಪ್ರತಿಕ್ರಿಯೆ ಅವನಿಗೆ ಸಿಕ್ಕಿತು! ಹೀಗೆ ಸಿಕ್ಕ ಪ್ರತ್ಯುತ್ತರದಿಂದ ಘಾಸಿಯಾದ ಆತ ನೆತ್ತರು ಸುರಿಸುತ್ತಾ ನೆಲಕ್ಕುರುಳಿ ಅಸು ನೀಗಿದ. ಆತನ ಮಿತ್ರರು ಪ್ರಾಥಮಿಕ ಉಪಚಾರ ಮಾಡಿದ್ದೂ ಸಹ ಉಪಯೋಗಕ್ಕೆ ಬರಲಿಲ್ಲ. ಆದರೆ ಸಾಯುವ ಮುನ್ನ ಆತ ಹೊನೈನ್'ನ ಯುದ್ಧದಲ್ಲಿ ಮಡಿದ ಮುಸಲ್ಮಾನರ ಗೋರಿಗಳ ಪಕ್ಕದಲ್ಲಿ ತನ್ನನ್ನೂ ಸಹ ಹೂಳಬೇಕೆಂದು ಕೋರಿಕೊಂಡ. ಈ ಸುದ್ದಿ ಮಹಮದನ ಕಿವಿಗೆ ಬೀಳುತ್ತಲೆ ಆತ ಕ್ಷುದ್ರನಾದ, ಮಸೂದನನ್ನು ಆತ ಹುತಾತ್ಮನೆಂದು ಕೊಂಡಾಡಿದ.


ಮಸೂದನ ಬಲಿದಾನ ಮಹಮದನನ್ನು ಅಲ್ ತೈಫರ ಮೇಲೆ ಇನ್ನಷ್ಟು ಕಠಿಣನಾಗಿ ವರ್ತಿಸುವಂತೆ ಮಾಡಿತು. ಅಲ್ ತೈಫರೂ ಸಹ ಇದನ್ನೆಲ್ಲಾ ಪರಿಗಣನೆಗೆ ಆರಂಭದಲ್ಲಿ ತೆಗೆದುಕೊಳ್ಳದಿದ್ದರೂ ಸಹ ಮುಸಲ್ಮಾನರ ನಿರಂತರ ಪೀಡೆ ಅವರನ್ನ ಕಂಗಾಲು ಮಾಡತೊಡಗಿತು. ಬೇರೆ ಉಪಾಯ ಕಾಣದೆ ಅವರು ಒಂದು ಸಂಧಾನ ಸೂತ್ರಕ್ಕೆ ಒಳಪಡುವ ಉದ್ದೇಶದಿಂದ ತಮ್ಮ ಪ್ರಮುಖ ಆರು ಮುಖಂಡರ ನೇತೃತ್ವದಲ್ಲಿ ಪ್ರತ್ಯೇಕ ಇಪ್ಪತ್ತು ಪ್ರತಿನಿಧಿಗಳ ಸಂಧಾನದ ಸಮಾಲೋಚಕ ತಂಡವನ್ನು ಮಹಮದನ ಬಳಿ ಕಳುಹಿಸಿಕೊಟ್ಟರು. ಮಹಮದ್ ಅವರನ್ನ ಆದರದಿಂದಲೆ ಬರ ಮಾಡಿಕೊಂಡು ತನ್ನ ಮಸೀದಿಯ ಪಕ್ಕದಲ್ಲಿಯೆ ಅವರಿಗೆ ಬಿಡಾರ ಕಲ್ಪಿಸಿ ಉಳಿಯುವ ವ್ಯವಸ್ಥೆ ಮಾಡಿದ.



ದಿನವಿಡಿ ಅವರೆಲ್ಲರಿಗೆ ತನ್ನ ಧರ್ಮೋಪದೇಶ ನೀಡಿದ. ಪ್ರಮುಖವಾಗಿ ಅದರಲ್ಲಿ ಮೂರ್ತಿ ಪೂಜೆಗೆ ನಿಷೇಧವಿತ್ತು. ಆದರೆ ಅಲ್ ತೈಫ್ ಜನರು ಯಾವುದೆ ಕಾರಣಕ್ಕೂ ಈ ಹಿಂದಿನ ತಮ್ಮ ದೇವತೆಯನ್ನ ಬಿಟ್ಟುಕೊಡಲು ರಾಜಿಯಾಗಲಿಲ್ಲ. ತಮ್ಮ ಆರಾಧನೆಯ ಶಕ್ತಿ ದೇವತೆ ಸನಾತನರ ಕಾಳಿಯನ್ನ ಹೋಲುವ ಅಲ್ ಲಾಟಳ ವಿಗ್ರಹವನ್ನ ನಾಶ ಪಡಿಸಲಿಕ್ಕೆ ಸುತರಂ ಒಪ್ಪಲಿಲ್ಲ. ಇಸ್ಲಾಮನ್ನ ಸ್ವೀಕರಿಸಿದರೂ ಸಹ ಅಲ್ ಲಾಟಳನ್ನ ಒಡೆದು ವಿಛಿದ್ರ ಗೊಳಿಸುವುದು ಅಸಾಧ್ಯ ಎಂದವರು ಸ್ಪಷ್ಟ ಪಡಿಸಿದರು. ಇದರಿಂದ ವಿಚಲಿತನಾದ ಮಹಮದ್ ತನಗೆ ವಿಗ್ರಹಾರಾಧನೆಯ ಬಗೆಗಿರುವ ಅಸಹನೆ, ಅಪನಂಬಿಕೆ ಹಾಗೂ ಅಸಮಾಧಾನವನ್ನು ಅವರಿಗೆ ಮನದಟ್ಟು ಮಾಡಿಕೊಡಲು ಹೆಣಗಿದ. ಏಕ ದೈವದ ಆರಾಧನೆಗೆ ಒತ್ತು ಕೊಡುವ ಇಸ್ಲಾಮಿನಲ್ಲಿ ಮೂರ್ತಿ ಪೂಜೆಯನ್ನ ಪ್ರೋತ್ಸಾಹಿಸಲಾಗದು ಎಂದಾತ ನುಡಿದ.




ತಾನು ಸಾರುವ ತತ್ವಗಳು ವಿಗ್ರಹಾರಾಧನೆಗೆ ಪೂರಕವಾಗಿಲ್ಲ ಎಂದಾತ ಅವರೆಲ್ಲರಿಗೆ ತಿಳಿಯ ಪಡಿಸಿದ. ಇಸ್ಲಾಮ್ ಹಾಗೂ ವಿಗ್ರಹಾರಾಧನೆ ಒಟ್ಟೊಟ್ಟಿಗೆ ಸಾಗಲಾರದು ಎಂದೂ ಸಹ ಆತ ಹೇಳಿಕೆ ನೀಡಿದ. ಕಾಲಾನುಕ್ರಮದಲ್ಲಿ ಅದನ್ನ ಪರಗಣಿಸುವ ಹಾಗೂ ವಿಗ್ರಹ ನಾಶಕ್ಕೆ ಸೂಕ್ತ ಸಮಯಾವಕಾಶ ಕೋರುವ ಅವರ ಮನವಿಗಳನ್ನೆಲ್ಲಾ ಆತ ತಿರಸ್ಕಾರ ಸೂಚಿಸಿ ಈ ಕೂಡಲೆ ಅದನ್ನ ಒಡೆದು ಹಾಕಲೇಬೇಕೆಂದು ಪಟ್ಟು ಹಿಡಿದ.


ಆ ಕಾರ್ಯ ಮುಗಿದ ನಂತರ ಇಸ್ಲಾಮಿಗೆ ಒಳಪಟ್ಟ ಎಲ್ಲರೂ ನಿತ್ಯ ಅಲ್ಲಾನನ್ನು ಪ್ರಾರ್ಥಿಸಬೇಕು. ಪ್ರಾರ್ಥನೆಯ ಆಚರಣೆ ಇಲ್ಲದ ಇಸ್ಲಾಮಿಗೆ ಬೆಲೆ ಇಲ್ಲ ಎಂದಾತ ನುಡಿದ. ವಿಧಿ ಇಲ್ಲದೆ ನೆಮ್ಮದಿಗೆ ಕಾದಿದ್ದ ಅಲ್ ತೈಫಿನ ಮಂದಿ ಸಹ ಇದಕ್ಕೆ ಅನಿವಾರ್ಯವಾಗಿ ಸಮ್ಮತಿ ಸೂಚಿಸಿದರು. ಆದರೆ ಅವರೂ ಕೂಡ ಒಂದು ನಿಬಂಧನೆಯನ್ನ ಒಡ್ದಿದರು. ಅಲ್ ತೈಫ್ ಕಾಡಿನ ಪರಿಸರದಲ್ಲಿನ ಮೃಗಗಳನ್ನ ಮುಂದೆ ಬೇಟೆಯಾಡುವಂತಿಲ್ಲ ಎಂದವರು ಮನವಿ ಮಾಡಿಕೊಂಡದ್ದಕ್ಕೆ ಮಹಮದ್ ಸಮ್ಮತಿಸಿದ. ಆ ಬಗ್ಗೆ ಒಂದು ಸಾರ್ವಜನಿಕ ಶಾಸನ ಪತ್ರವನ್ನಾತ ಹೊರಡಿಸಿದ. ಅದರಲ್ಲಿ ಅಲ್ ತೈಫ್ ಕಾಡನ್ನ ಸುರಕ್ಷಿತಾರಣ್ಯವೆಂದು ಘೋಷಿಸಿ ಯಾರಾದರೂ ಅಲ್ಲಿನ ಮೃಗ ಖಗ ಹಾಗೂ ವೃಕ್ಷಗಳನ್ನ ನಾಶ ಪಡಿಸಿದ್ದು ಕಂಡು ಬಂದರೆ ಅಂತವರನ್ನ ಮುಲಾಜಿಲ್ಲದೆ ಹಿಡಿದು ಹಿಂಸಿಸಿ ಅವರ ಬಟ್ಟೆ ಕಳಚಿ ಬಿಡಲಾಗುವುದು ಎಂದೆನ್ನಲಾಗಿತ್ತು. ಅದಕ್ಕೂ ಮೀರಿ ಮತ್ತೆಯೂ ಮುಂದುವರೆದರೆ ಅಂತವರನ್ನ ಮಹಮದನ ಮುಂದೆ ಹಿಡಿದೆಳೆತಂದು ಆತ ಸೂಚಿಸುವ ಶಿಕ್ಷೆಗಳಿಗೆ ಒಳಪಡಿಸಲಾಗುವುದು ಎಂದು ಎಚ್ಚರಿಸಲಾಗಿತ್ತು ಎನ್ನುತ್ತಾರೆ ಇತಿಹಾಸಕಾರ ಸರ್ ವಿಲಿಯಂ ಮ್ಯೂರ್ ತಮ್ಮ ಕೃತಿ 'ಲೈಫ್ ಆಫ್ ಮಹಮದ್'ನ ಪುಟ ಸಂಖ್ಯೆ ೪೫೧ರಲ್ಲಿ.



ಅಬು ಸಫ್ಯಾನ್ ಹಾಗೂ ಅಲ್ ಮೊಘಿರಾರನ್ನು ಪ್ರತ್ಯೇಕವಾಗಿ ಅಲ್ ಲಾಟಳ ವಿಗ್ರಹವನ್ನ ಹಾಳುಗೆಡವಲೆಂದೆ ಅವರೊಂದಿಗೆ ಕಳುಹಿಸಿಕೊಡಲಾಯಿತು. ಗುಡಿಯಲ್ಲಿ ಪ್ರಾರ್ಥಿಸುತ್ತಿದ್ದವರ ಹತಾಶ ರಕ್ಷಣಾ ಪ್ರಯತ್ನ ಹಾಗೂ ಕಡು ವಿರೋಧವನ್ನ ಬರ್ಬರವಾಗಿ ಹತ್ತಿಕ್ಕಿ ಅವರಿಬ್ಬರೂ ಮಚ್ಚು, ಗುದ್ದಲಿ ಹಿಡಿದು ಅಲ್ಲಿನ ಮೂರ್ತಿಯನ್ನ ಬುಡಸಹಿತ ಛಿದ್ರಗೊಳಿಸಿ ಒಡೆದು ಹಾಕಿದರು. ಈ ಗುಡಿಯ ನಾಶದೊಂದಿಗೆ ಮಹಮದನ ವಿರುದ್ಧ ಸೆಣೆಸುತ್ತಿದ್ದ ಅ ಕೊನೆಯ ಸಂಸ್ಥಾನ ಅಲ್ ತೈಫ್ ಕೂಡಾ ತನ್ನ ಸ್ವಾತಂತ್ರ್ಯವನ್ನ ಕಳೆದುಕೊಂಡು ಮಹಮದನ ಕಪಿಮುಷ್ಠಿಯಲ್ಲಿ ಚಿರಬಂಧಿಯಾಯಿತು.


ಕ್ರಿಸ್ತ ಶಕ ೬೩೧ರಲ್ಲಿ ವಾರ್ಷಿಕ ಮೆಕ್ಕಾ ಯಾತ್ರೆಗೆ ತಾನು ತೆರಳದೆ ಮಾವ ಅಬು ಬಕರನ್ನು ಮೂರು ಸಾವಿರ ಯಾತ್ರಿಕರೊಂದಿಗೆ ಮಹಮದ್ ಕಳುಹಿಸಿಕೊಟ್ಟ. ಅದಕ್ಕಾತ ಕೊಟ್ಟ ಕಾರಣ ಕುತೂಹಲಕರವಾಗಿತ್ತು. ಈಗಲೂ ಅಲ್ಲಿ ವಿಧರ್ಮೀಯರು ಬಂದು ಹರಕೆ ತೀರಿಸುತ್ತಿದ್ದಾರೆ. ಯಾವತ್ತು ಕೇವಲ ಮುಸಲ್ಮಾನರು ಮಾತ್ರ ಅಲ್ಲಿಗೆ ಬರುವಂತಾಗಿ ಉಳಿದವರನ್ನೆಲ್ಲಾ ದೂರ ತಳ್ಳಲಾಗುತ್ತದೆಯೋ ಅಂದು ತಾನು ಆ ಸ್ಥಳದ ಪಾವಿತ್ರ್ಯವನ್ನು ಒಪ್ಪಿಕೊಳ್ಳುತ್ತೇನೆ ಎಂದಾತ ಹೇಳಿಕೊಂಡ. ಅದರ ಸಂಬಂಧ ಅಲಿಯ ಕೈಗೆ ಒಂದು ಆಜ್ಞಾಪತ್ರವನ್ನ ದಾಟಿಸಿ ಅದನ್ನ ಯಾತ್ರೆಯ ಮಧ್ಯದಲ್ಲಿದ್ದ ಮಾವ ಅಬು ಬಕರನಿಗೆ ಮುಟ್ಟಿಸುವಂತೆ ಹೆಳಿದ. ಆ ಬಿಡುಗಡೆ ಪತ್ರ ಆತನಿಗೆ ಸಿಕ್ಕಿದ ಖುರ್ಹಾನಿನ ಸುರಾ ೯/೧೨೯ರ ಸಾರಾಂಶವಾಗಿದೆ. ಆಸಕ್ತರು ಸುರಾ ಸಂಖ್ಯೆ ೫/೨೮ - ೯/೧ನ್ನು ಸಹ ಈ ನಿಟ್ಟಿನಲ್ಲಿ ಗಮನಿಸಬಹುದು.


ಅದರನುಸಾರ ವಿಧರ್ಮೀಯರ ಮೇಲಿನ ಯಾವುದೆ ರಕ್ಷಣೆಯ ಹೊಣೆಗಾರಿಕೆಯಿಂದ ಆತನನ್ನು ಹಾಗೂ ಆತನ ಸ್ವ ಘೋಷಿತ ಪ್ರವಾದಿತ್ವವನ್ನು ಮುಕ್ತ ಮಾಡಲಾಗಿತ್ತು! ಅಂದರೆ ಸರಳ ಮಾತುಗಳಲ್ಲಿ ಮುಸಲ್ಮಾನನಾದವನು ಮೆಕ್ಕಾದಲ್ಲಿ ಮುಸಲ್ಮಾನನಲ್ಲದವನ ಕೊಲೆಯನ್ನ ಮಾಡಲು ಪರೋಕ್ಷವಾಗಿ ಮಹಮದ್ ಕುಮ್ಮಕ್ಕಿನ ಕರೆಕೊಟ್ಟಿದ್ದ. ಯಾತ್ರೆಯ ದಿನದಂದು ವಿಧರ್ಮೀಯರು ಪಶ್ಚಾತಾಪ ಪಟ್ಟರೆ ಅವರಿಗೆ ಒಳಿತಾಗುತ್ತದೆ. ಇಲ್ಲದೆ ಹೋದರೆ ಅವರಿಗೆಲ್ಲಾ ಘೋರ ಶಿಕ್ಷೆ ಕಾದಿದೆ. ಅಂತವರನ್ನೆಲ್ಲ ಮುಂದಿನ ನಾಲ್ಕು ತಿಂಗಳು ಸಮಯಾವಕಾಶ ನೀಡಿ ಹಾಗೆಯೆ ಬಿಡಲಾಗುವುದು. ಅಷ್ಟರೊಳಗೆ ಅವರು ಇಸ್ಲಾಮನ್ನು ಒಪ್ಪಿಕೊಂಡು ಮುಸಲ್ಮಾನರಾಗಬೇಕು.



ಅನಂತರವೂ ಅವರು ಅವಿಶ್ವಾಸಿಗಳಾಗಿಯೆ ಉಳಿದರೆ ಅವರ ವಿರುದ್ಧ ಹೋರಾಡಿ ಅಂತಹ ಅಧರ್ಮಿಗಳನ್ನ ಸೆರೆ ಹಿಡಿಯಲಾಗುವುದು. ಆ ಮೇಲೆ ಕಪ್ಪ ಪಡೆದು ಬಿಡುಗಡೆ ಮಾಡುವುದೋ, ಇಲ್ಲವೆ ಕೊಂದು ಕೊನೆಗಾಣಿಸುವುದೋ ಎಂಬುದನ್ನ ಸಂದರ್ಭಾನುಸಾರ ನಿರ್ಧರಿಸಲಾಗುತ್ತದೆ. ಅಲ್ಲದೆ ವಿಧರ್ಮೀಯರು ಸ್ವಚ್ಛರಲ್ಲದ ಕಾರಣ ಅವರು ಮೆಕ್ಕಾವನ್ನು ಪ್ರವೇಶಿಸಿ ಅಲ್ಲಿನ ಪರಿಸರವನ್ನ ಕಲುಷಿತಗೊಳಿಸುವಂತಿಲ್ಲ ಎಂದಾತ ಸಾರಿದ. ಈ ಅಸಂಬದ್ಧ ಹೇಳಿಕೆ ಮುಸಲ್ಮಾನರನ್ನೂ ಸಹ ಇನ್ನಿತರರಿಗಿಂತ ಅತಿ ಅತಿ ಕೊಳಕರೆಂದೆ ತೀರ್ಮಾನಿಸಿರುವ ಇನ್ನಿತರ ಬುಡಕಟ್ಟಿನವರ ವಿನೋದದ ನಡುವೆ ಹಾಸ್ಯಾಸ್ಪದ ಪ್ರಹಸನವಾಗಿ ಚಾಲ್ತಿಗೂ ಬಂದಿತು.



ಅಲಿ ಇದನ್ನ ಮೀನಾದಲ್ಲಿ ಯಾತ್ರೆಯ ಅಂತಿಮದಿನ ಸೈತಾನನಿಗೆ ಕಲ್ಲೆಸೆಯುವ ಸ್ಥಳದಲ್ಲಿ ನೆರೆದಿದ್ದ ಯಾತ್ರಿಕರನ್ನ ಉದ್ದೇಶಿಸಿ ದೊಡ್ದ ಗಂಟಲಿನಲ್ಲಿ ಓದಿ ಹೇಳಿದ. ಹಾಗೆ ಆತ ಉದುರಿಸಿದ ಅಣಿಮುತ್ತುಗಳನ್ನ ಶಾಂತವಾಗಿ ಆಲೈಸಿದ ಯಾತ್ರಿಕರು ಅದನ್ನ ತಮ್ಮ ತಮ್ಮ ಊರುಗಳಿಗೆ ಹಿಂದಿರುಗಿದ ನಂತ ಅರೇಬಿಯಾದ ಉದ್ದಗಲಕ್ಕೂ ಪಸರಿಸಿದರು ಎನ್ನುತ್ತಾನೆ ಇತಿಹಾಸಕಾರ ಅಲ್ ಮುಬಾರಖಿ ತನ್ನ ಕೃತಿ 'ದ ಸೀಲ್ಡ್ ನೆಕ್ಟರ್'ನ ಪುಟ ಸಂಖ್ಯೆ ೮೬೦ರಲ್ಲಿ.



ಇದರ ಫಲಿತಾಂಶ ಮುಂದೆ ನಿರೀಕ್ಷೆಯಂತೆಯೆ ಹಿಂಸಾತ್ಮಕವಾಗಿದ್ದಿತು. ಎಲ್ಲೆಲ್ಲಿ ಆ ತನಕ ಇಸ್ಲಾಮನ್ನ ವಿರೋಧಿಸಲಾಗುತ್ತಿತ್ತೋ ಅಲ್ಲಿಗೆಲ್ಲಾ ಮಹಮದನ ಮತೋನ್ಮತ್ತ ಮುಸಲ್ಮಾನರ ರಕ್ಕಸ ಪಡೆ ನುಗ್ಗಿ ಅವರನ್ನೆಲ್ಲಾ ಸದೆ ಬಡಿಯಿತು. ಅಂತಹ ಸಂಸ್ಥಾನಗಳ ವಿರುದ್ಧ ಕೇವಲ ಧಾರ್ಮಿಕ ಕಾರಣಕ್ಕೆ ಕ್ರೂರವಾದ ಯುದ್ಧಾಚರಣೆಯನ್ನ ನಡೆಸಿ ಹಿಂಸೆಯ ಉತ್ತುಂಗದಲ್ಲಿ ವಿರೋಧಿಸಿ ತಮ್ಮ ಮಾತೃಧರ್ಮ ಉಳಿಸಿಕೊಳ್ಳಲು ಹೆಣಗಾಡಿದ ನಿಶ್ಪಾಪಿಗಳನ್ನ ಮಣಿಸಲಾಯಿತು. ಈ ಮೂಲಕ ಅರೇಬಿಯಾದ ಪ್ರತಿಯೊಂದು ಕ್ಷೇತ್ರ, ಸಂಸ್ಥಾನ ಹಾಗೂ ಪ್ರಾಂತ್ಯದಲ್ಲಿ ಇಸ್ಲಾಮ್ ಒತ್ತಾಯಪೂರ್ವಕವಾಗಿ ಲಗ್ಗೆ ಇಟ್ಟು ಪಸರಿಸಿತು ಹಾಗೂ ಬಲವಾಗಿ ಆರಂಭದ ದಿನಗಳಲ್ಲಿಯೆ ಬೇರೂರಿ ಮರಳುಗಾಡಿನ ಜಾಲಿಯಂತೆ ವಿಫುಲವಾಗಿ ಚಿಗುರಿ ಬೆಳೆದು ನಿಂತಿತು.



( ಇನ್ನೂ ಇದೆ.)