ಮಿಡಿದ ಕಂಬನಿಗೆ ಪಶ್ಚಾತಾಪವಿಲ್ಲ,
ಮುಳ್ಳ ಮೊನೆಯಲ್ಲೇ ಇರಿದವರ ಬಗ್ಗೆ ನಂಜೇನಿಲ್ಲ/
ತಟ್ಟಿದ್ದು ಬೆನ್ನನ್ನೂ ಇಲ್ಲ ತಲೆಯನ್ನೂ...ಅದೆಲ್ಲ ಗೌಣ,
ಬೆಳೆಯೋ ಛಲ ಮೂಡಿಸಿದ ಎಲ್ಲರಿಗೂ ಕೃತಜ್ನ್ಯತೆಯ ಮುಗುಳ್ನಗೆ ಜೊತೆಗೆರಡು ಕ್ಷಣ ಮೌನ//
ಸವೆದರೂ ಸವಿಯಾಗಿಯೇ ಉಳಿಯೋದು,
ನೆನಪು ಮಾತ್ರ/
ಅಳಿಸಲಾಗದಂತೆ ಮನದ ಭಿತ್ತಿ ಮೇಲೆ ಮೂಡಿ ಕಾಡೋದು.... ಬರೇ ಅದರ ಮಾರ್ದವ ಚಿತ್ತಾರ//
ಹೇಳೋಕೆ ನಾಚಿಕೆ ಎನಿಸಿದರೆ,
ಸಂಜ್ಞೆಯ ಇಶಾರೆ ತೋರಿ ನೀ ತಾಕು/
ಅದೂ ತುಟ್ಟಿ ಎಂದೆನಿಸಿದರೆ,
ತುಟಿಯಂಚಿಂದ ಒಂದೇ ಒಂದು ನಗುವನ್ನಾದರೂ ಬಿಸಾಕು...ನನಗಷ್ಟೇ ಸಾಕು//
ನಿರ್ಮಲ ಪ್ರೀತಿಯ ಗುರಿ ನಲಿವನು ಉಡುಗಿಸೋದಲ್ಲ,
ಮೆಚ್ಚಿದ ಜೀವದ ತುಟಿ ಮೇಲಿನ ನಗುವ ಒಣಗಿಸೋದಲ್ಲ/
ಅವರ ಸಂತಸದಲ್ಲೇ ಸಂಭ್ರಮಿಸುತ್ತ,
ನಿರಾಕರಣೆಯ ನೋವಲ್ಲೂ ನಗುವ ಯತ್ನವದರದು....ತನ್ನೊಲವನ್ನು ಸಂತೈಸುತ್ತ//
ಪ್ರೀತಿಯಲ್ಲಿ ಬಿದ್ದ ಜೀವ,
ಹತ್ತಿಯಂತೆ ಮೃದು ಸದಾ/
ದಕ್ಕಿದರೆ ಒಲವು ಸಂತಸದಲ್ಲಿ ಹಗೂರ,
ಕೈತಪ್ಪಿದರೆ ಅಶ್ರುಧರೆಗೆ ನೆನೆದು ಒದ್ದೆ...ಬಲು ಭಾರ//
ಕಣ್ಣಂಚಲ್ಲಿ ಕಂಡಿದ್ದ ಆತಂಕದ ಛಾಯೆ,
ಹಣೆ ಮೇಲೆ ಸಾಲುಗಟ್ಟಿದ್ದ ಬೆವರ ಮಣಿ ಮಾಲೆ...ತುಟಿಗಳ ಅವ್ಯಕ್ತ ಕಂಪನ/
ಹೇಳಲಾಗದ-ಹೇಳಲೇ ಬೇಕಿದ್ದ ನಿನ್ನೊಳಗಿನ ತಲ್ಲಣ,
ನೆನಪಾಗಿದೆ ನನಗೆ.. ನಾವಿಬ್ಬರೂ ಮನದ ಮುಸುಕ ಕಳೆದ ಆ ದಿನ!//
ಲೆಕ್ಖವಿಡುವ ಖಯಾಲಿಯೇಕೆ?,
ದಿನ-ಘಂಟೆಗಳ ತಪಶೀಲು ಒಪ್ಪಿಸಬೇಕೆ?/
ಪ್ರೀತಿಸುವ ನಿರಂತರ ಅನುಭೂತಿಯ ಮಾಧುರ್ಯಕೆ,
ಎಣಿಕೆಯ ಬೇಲಿ ಹಾಕಲೇಬೇಕೆ...ನೀನೆ ಹೇಳು?//
ಸುರಗಿಯ ಸುವಾಸನೆ,
ಮನೆ ಹಿಂದಿನ ಗುಡ್ಡದಲ್ಲಿ ಹಾಡೋ ನವಿಲ ಉಲಿ
ಬೇಲಿಯಾಚೆ ಕೊಂದರೂ ಮತ್ತರಳೋ ಕೇದಿಗೆಯ ನರುಗಂಪು,
ಸದಾ ಕಾಡುವಂತೆ...ನನ್ನ ನೆನಪಲ್ಲಿ ನೀನು//
ಕನಸಿನ ಕಡಲಲ್ಲಿ ಬೆಳ್ಳಿಮೀನಾಗಿ ಚಿಮ್ಮಿ,
ನನಸಿನ ಹೊಂಗೆ ಮರದ ನೆರಳಲ್ಲಿ ಹೊಮ್ಮಿ/
ಮುಂಜಾವಲ್ಲಿ ಮುಗುಳ್ನಗೋ ಪಾರಿಜಾತದ ಕಂಪಂತೆ,
ಹಾಗೆ ಸುಮ್ಮನೆ ನೀ ನೆನಪಾಗಿ ಕಾಡುತಿರು...ದೂರದಿಂದಲೇ ನನ್ನ ಹೀಗೆ ನೋಡುತಿರು//
ಪರಿಧಿಯಾಗಿಯೇ ಉಳಿಯುತೀನಿ,
ಕೇಂದ್ರವಾಗೋ ಖಯಾಲಿಯಿಲ್ಲ/
ಗ್ರಹವಾಗಿಯೇ ಸುತ್ತುವೆ ನಿನ್ನ,
ನಕ್ಷತ್ರವಾಗಿ ನಿಯಂತ್ರಿಸೋ ಇರಾದೆ ನನಗಿಲ್ಲ//
ಮತ್ತೇನಿಲ್ಲ ಬರೇ ನೆನಪಿನ ಸೆಳೆತ ಈ ಹೊತ್ತು,
ಮಾದಕ ವ್ಯಸನವಿಲ್ಲದೆಯೂ ಅದೊಂಥರಾ ನಿನ್ನದೇ ಮತ್ತು/
ಬೇಡ ಅನ್ನೋದಾದರೂ ಹೇಗೆ,
ನನಗೋ ಇದು ಹೊಸ ಬಗೆ...ಮತ್ತದೇ ಹಳೆ ನೆನಪು//
ಕನಸಿದ್ದವು ಕಣ್ಣಲ್ಲಿ ಸಾವಿರ,
ಭ್ರಮೆಯ ಬೆನ್ನೇರಿ ಬಳಲಿದ ಧೀರ ಅವ ಸರದಾರ/
ಅದೇನೇ ಗೊಂದಲವಿದ್ದರೂ,
ಸುಭಾಷರ ಸಾಹಸಕ್ಕೆ ಸಾಟಿಯೇ ಇಲ್ಲ ಇನ್ನಾರೂ//
ನೇತಾಜಿ ಹುಟ್ಟಿ ಇಂದಿಗೆ ಭರ್ತಿ ೧೧೩ ವರ್ಷ ( ಜನವರಿ ೨೩,೧೨:೧೩ ಮಧ್ಯಾಹ್ನ )
ಮೌನ ಕಣಿವೆಯೊಳಗಿಂದ ನೋವಿನ ಚೀತ್ಕಾರ,
ಮನದ ಭಿತ್ತಿ ಮೇಲೆ ನೆತ್ತರ ಹನಿ ಚಿತ್ತಾರ/
ನಿನ್ನ ಕೈ ಜಾರಿ ತಳಕಾಣದ ಕತ್ತಲ ಕೂಪಕ್ಕೆ ಜಾರಿದ ಕೆಟ್ಟ ಕನಸು,
ಅದು ನಿಜವಾಗದಿರಲಿ...ಎಂದು ಹಂಬಲಿಸಿತು ಬೆದರಿ ಮನಸು//
मई बना दीवाना इस्तेफाक से,
अचानक जगा इश्क अन्हूनी भूक से/
ज़िंदगी के अनजान राहों में न आप हमें मिल थे,
हमारी सूकी मन की रेत में अरमान के फूल नही किलते//
ಪಿಸುಗುಟ್ಟಿದರೂ ಸಾಕು,
ಎದೆ ಮಿಡಿತವಾಗಿ ಉಳಿದು ಕೊಳ್ಳುತೀನಿ/
ಸುಮ್ಮನೆ ಕನವರಿಸಿ ಕನಸಲೆ ಕೈಗೆ ಕೈ ಸೋಕು,
ಗದ್ದಲ ಅದೆಷ್ಟೇ ಇದ್ದರೂ ಕೇಳಿಸಿಕೊಳ್ಳುತೀನಿ...ನೀ ಹಾಡದ ಆ ಮೌನದ ಹಾಡ//
करता हु कुछ थो हु आदत से मजबूर,
धाम बी तोड़ ने तैयार हु जो आप के कातिर/
इंतनी बेशर्मी कबी न थी,
चाहत का बीक मांगते आया में अब तुम्हारी महफिल//
ಕೇಳದೆ ವರ ಕೊಡುವ ಕಾಮಧೇನು ಸಿಕ್ಕಿದ್ದರೆ,
ಕಲ್ಪವ್ರಕ್ಷ ಗರಿಚಾಚಿ ಮನದಾಸೆ ವಿಚಾರಿಸಿದ್ದರೆ/
ನಿನ್ನೊಂದೆ ಒಂದು ಸ್ಪರ್ಶಕ್ಕೆ ಹಪಾಹಪಿಸಿ ಬೇಡುತ್ತೀನಿ,
ನನ್ನೆದೆ ಮೇಲೆ ನೀ ಮೆಟ್ಟಿ ನಡೆದರೂ ಸರಿ...ನಿನ್ನ ಕಾಲಾದರೂ ಸೋಕಲಿ ಎಂದು ಕೇಳುತ್ತೀನಿ//
आकिर क्यों ये ख़याल मुझे अक्सर सताए,
जानते हुवे बी हमारी बीच की धुरी...नजदीक होना दिल चाहे/
शायद सच को सामना करने की हिम्मत मुज में ना रही,
या फ़िर पगला गया हु मै इन्तजार में तुम्हारे//
(ಆಕಿರ್ ಕ್ಯೂ ಏ ಖಯಾಲ್ ಮುಜ್ಹೆ ಅಕ್ಸರ್ ಸತಾಯೇ,
ಜಾನ್ ತೇ ಹೂವೆ ಬೀ ಹಮಾರಿ ಬೀಚ್ ಕೀ ದೂರಿ...ನಜ್ದೀಕ್ ಹೋನಾ ದಿಲ್ ಚಾಹೆ/
ಶಾಯದ್ ಸಚ್ಕೊ ಸಾಮ್ನಾ ಕರ್ನೆ ಕಿ ಹಿಮ್ಮತ್ ಮುಜ್ ಮೇ ನಾ ರಹಿ,
ಯಾ ಫಿರ್ ಪಗ್ಲಾಗಯಾ ಹು ಮೈ ಇನ್ಥಜಾರ್ ಮೇ ತುಮ್ಹಾರೆ//)
गिरते पथ को बी है जड़ से बेपनाह मोहब्बत,
तरस न काये सावन...न मिला ज़िंदगी की बदोव्लाथ/
हमारी ही तरह वो बेबी है प्यासा,
बस धो ही धो भून्ध चाहत का//
(ಗಿರ್ತೆ ಪತ್ ಕೊ ಬೀ ಹೈ ಜಡ ಸೆ ಬೆಪನಾಹ ಮೊಹೊಬ್ಬತ್,
ತರಸ್ ನ ಕಾಯೇ ಸಾವನ್...ನ ಮಿಲಾ ಜಿನ್ದಗಿ ಕಿ ಬದೊವ್ಲತ್/
ಹಮಾರೀ ಹಿ ತರಹ ವೋ ಬೇಚಾರಾ ಬಿ ಹೈ ಪ್ಯಾಸ,
ಬಸ್ ದೋ ಹಿ ದೋ ಬೂಂದ್ ಚಾಹತ್ ಕ//)
ಗಾಯದ ಮೇಲೆಯೇ ಮತ್ತೊಂದು ಬರೆ,
ಬಿರಿದ ಪಾದಗಳಲ್ಲೇ ಕಾದ ಮರಳ ತೆರೆ ದಾಟಿದರೆ...ಧುತ್ತನೆ ಎದುರಾದ ಲವಣದ ತೊರೆ/
ನಿನ್ನೆಡೆಗಿನ ಸೆಳೆತಕ್ಕೆ ಬಲಿಯಾದ ಪತಂಗ ನಾನು,
ಉರಿಯ ಅರಿವಿದ್ದರೂ...ಇನ್ನೊಮ್ಮೆ ಹಾಗೆ ಸಾಯಲು ತಯಾರು//
तमीज के दायरे पार कर निकलने पे तुला,
दिल का हाल एय्लान करने चला/
इश्क ने हमें इतनी बेशरम बनादी,
छुपे जस्बथों को...जुबान पर लाया में बाला//
( ತಮೀಜ್ ಕೆ ದಾಯರೇ ಪಾರ್ ಕರ್ ನಿಕಲ್ನೇ ಪೆ ತುಲಾ,
ದಿಲ್ ಕಾ ಹಾಲ್ ಎಯ್ಲಾನ್ ಕರ್ನೆ ಚಲಾ/
ಇಷ್ಕ್ ನೇ ಹಮೆ ಇತನೀ ಬೇಷರಂ ಬನಾದೀ,
ಚುಪೇ ಬಸ್ಬಾತೊನ್ ಕೋ.....ಜುಬಾನ್ ಪರ್ ಲಾಯಾ ಮೇ ಬಲಾ//)
ಹೊರಬಿದ್ದ ನಿಟ್ಟುಸಿರಿಗೆ ಅನುಕಂಪ ಬೇಕಿಲ್ಲ,
ನನಸಾಗದ ಕನಸಿಗೂ ಕರುಣೆಯ ನಿರೀಕ್ಷೆಯಿಲ್ಲ/
ಮೊನಚು ನೋಟದಿಂದ ಒಂದೊಮ್ಮೆ ಇರಿದರೂ ಸರಿ,
ನನ್ನತ್ತ ನಿನ್ನ ಕಣ್ಣು ಹರಿದರೆ ಸಾಕು ಒಂದೇ ಒಂದುಸಾರಿ//
कुछ लम्हा परेशान,
कही जस्बात बेजुबान/
इसी में तड़प न है शायद अपनी नसीब,
हो सके तो बदल लू इसे...तुम्हें करलू बेहद करीब//
[ಕುಚ್ ಲಮ್ಹಾ ಪರೆಷಾನ್,
ಕಹೀ ಜಸ್ಬಾತ್ ಬೇ ಜುಬಾನ್/
ಇಸೀ ಮೇ ತಡಪ್ನಾ ಹೈ ಶಾಯದ್ ಅಪನೀ ನಸೀಬ್,
ಹೊಸಕೆ ತೋ ಬದಲಲೂ ಇಸೇ....ಕರ್ಲೂ ತುಮ್ಹೇ ಬೇಹದ್ ಕರೀಬ್//]
