ನೋಡುವ ಕಣ್ಣಿಗೆ ಮುತ್ತಿಡೋ ಚಂದ....

ನನ್ನೆದೆ ಬಡಿತ...ನಿನ್ನೆದೆ ಮಿಡಿತಕ್ಕೆ

ಹೇಳ ಬಯಸಿದ ಗುಟ್ಟನ್ನು/

ಮೋಡಗಳ ಮೂಲಕ ರವಾನಿಸಿದ್ದೇನೆ

ಸುರಿಯುವ ಮಳೆ ಸದ್ದಲ್ಲಿ ಕಿವಿಗೊಟ್ಟು ಕೇಳಿಸಿಕೋ//

ನೋಡುವವರ ಕಣ್ಣಿಗೆ ಮುತ್ತಿಡುವಂತಹ

ಧರೆಯೆಂದರೆ ಬಾನಿಗೂ ಬಲು ಅಕ್ಕರೆ/

ಸಂಜೆ ಸುರಿಸಿ ಮಳೆ....ನಸುಕು ಹರಿಸಿ ಬೆಳಕ ಹೊಳೆ

ಪರಿಪರಿಯಾಗಿ ಒಲವನ್ನು ಸುರಿಸಿದೆ//

ಹಗಲ ಹುನ್ನಾರ ಅರಿಯದೇ...

ಅಮಾಯಕ ಇರುಳು/

ಮರಾ ಮೋಸದ ಬೆಳಕಿನ ಕಿರಣಗಳ ಇರಿತಕ್ಕೆ ಬಲಿಯಾಗಿ...

ಅಸುನೀಗಿದೆ//

ಹೊಳೆವ ತಾರೆಗಳ ಸಾಕ್ಷಿಯಲಿ

ಹೊರಟ ಬೆಳದಿಂಗಳ ದಿಬ್ಬಣಕ್ಕೆ/

ಮೋಡದ ಬಾಸಿಂಗವಿರದ

ಮುಕುಟದ್ದೆ ದೊಡ್ಡ ಕೊರತೆ//

ಇರುಳ ಮಬ್ಬಲ್ಲಿ

ಬದುಕಿನೆಡೆಗೆ ಮೂಡಿದ್ದ ಕೌತುಕ/

ಹಗಲಿನ ಬೆಳಕಲಿ

ಅದೇಕೋ...ಕಳೆದೆ ಹೋಗಿದೆ//