11 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೭.👊

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೭.👊


ಅತ್ತ ಮಲಯಾಳಂ ವಾಸ್ತವವಾಗಿ ತುಳುವಿಗೆ ಸಲ್ಲಬೇಕಿರುವ ಸರಕಾರಿ ಕೃಪಾಪೋಷಿತ ಪಟ್ಟ ಪದವಿಗಳನ್ನ ಹಿತವಾಗಿ ಕಬಳಿಸಿಕೊಂಡು ಬಲಿಯುತ್ತಿದೆ. ಇತ್ತ ಈ ನಡುವೆ ಮಲಯಾಳಂ ಎನ್ನುವ ಪರಪುಟ್ಟನಿಗೆ ಕಾವು ನೀಡಿದ ಕಾಗೆಯಂತಾಗಿ ಕಂಗಾಲಾಗಿರುವ ತುಳು ಶಾಸ್ತ್ರೀಯ ಭಾಷಾ ಸ್ಥಾನಮಾನ ಅತ್ಲಾಗಿರಲಿˌ ಕನಿಷ್ಠ ತನ್ನ ಅಸ್ತಿತ್ವಕ್ಕೆ ಮನ್ನಣೆ ಕೊಟ್ಟುಕೊಂಡು ಜೀವಂತಿಕೆ ಸಾರುವ ಸಾಂವಿಧಾನಿಕ ಮಾನ್ಯತೆ ಪಡೆಯಲೆ ಇನ್ನೂ ಪರದಾಡುತ್ತಲಿದೆ! 


ಈ ನಡುವೆ ನಮ್ಮ ತುಳುನಾಡಿನ ಬಿಲಾಸು ಬಿಟ್ಟ ಆಳಲು ಕೊಬ್ಬಿಸಿ ಬಿಡಲಾಗಿರುವ ನಾಲಾಯಕರು ಮಾತ್ರ ಹೆದ್ದಾರಿ ದರೋಡೆಕೋರರಂತೆ ಕಳ್ಳ ಟೋಲುಗೇಟಿಟ್ಟು ಸುಲಿದು ದೋಚಿದ ಮಳ್ಳ ಕಾಂಚಣವನ್ನ ಸುಖವಾಗಿ ಎಣಿಸಿಕೊಂಡುˌ ಜೊತೆಜೊತೆಗೆ ಇದ್ದ - ಬದ್ದ ಯೋಜನೆಗಳಲ್ಲೆಲ್ಲಾ ೪೦% ಕಮೀಷನ್ ಹೊಡೆದುಕೊಂಡು ಹುಟ್ಟು ಕಿರಿದಂತಿರುವ ತಮ್ಮ ಉಬ್ಬುಹಲ್ಲು ಬಿಟ್ಟುಕೊಂಡು ಆರಾಮವಾಗಿದ್ದಾರೆ. ಅವರನ್ನ ಆರಿಸಿ ಕಳಿಸಿದ ಅತಿಬುದ್ಧಿವಂತ ಬ್ರಾಂಡಿನ ಕತ್ತೆ ಭಡವರು ಜಾತಿ ಮತ ಹಿಂದೂ ಮುಸ್ಲಿಂ ಅಂತ ಕೆಲಸಕ್ಕೆ ಬಾರದ ವಿಚಾರಗಳನ್ನ ಅನಗತ್ಯವಾಗಿ ಮೈಮೇಲೆ ಎಳೆದುಕೊಂಡುˌ ಪರಸ್ಪರ ರಕ್ತದಾಹದಿಂದ ಹೊಡೆದಾಡಿಕೊಂಡು ಮಾನಗೆಟ್ಟು ತುಳುನಾಡಿನ ರಕ್ತಕಣ್ಣೀರು ಇಳಿಸುತ್ತಿದ್ದಾರೆ. 


ಹಿಂದೆಂದೋ ಎಲ್ಲಾ ಬಗೆಯಲ್ಲೂ ಕೇರಳಕ್ಕೆ ಮಾದರಿಯಾಗಿದ್ದ ತುಳುನಾಡಿನ ಇಂದಿನ ದುಸ್ಥಿತಿ ಇದು. ಇದಕ್ಕೆ ಇಲ್ಲಿನ ಆಳುವ ಜನಪ್ರತಿನಿಧಿಗಳಷ್ಟೆ ಆ ಬಸ್ಟ್ಯಾಂಡಿನಲ್ಲಿ ಕಸ್ತೂರಿ ಮಾತ್ರೆ ನೀಲಗಿರಿ ಎಣ್ಣೆಯ ಕುಪ್ಪಿ ಮಾರಲೂ ನಾಲಾಯಕರಾಗಿರೋ ಅಡ್ಡಕಸುಬಿಗಳನ್ನ ನಾಯಕರನ್ನಾಗಿಸಿ ಆರಿಸಿ ಕಳಿಸಿರುವ ಜನರೂ ಸಹ ಸಮಾನ ಹೊಣೆ. ಕಳ್ಳ ಭಡವರು ಆಳುವ ಅಟ್ಟಣಿಗೆಯನ್ನೇರಿದರೆ ಏನಾಗಬೇಕಿತ್ತೋ ಅದೆ ಇಂದು ತುಳುನಾಡಿಗೂ ಆಗುತ್ತಿದೆ ಅಷ್ಟೆ.

ರಾಜಕೀಯವಾಗಿ ಜಾಗೃತವಾಗಿರುವ ಮಲಯಾಳಿಗಳು ಕೇಂದ್ರದಲ್ಲಿ ಆಳುವ ಅಧಿಕಾರದಲ್ಲಿರುವ ಸರಕಾರದಲ್ಲಿ ತಮ್ಮ ನಾಡಿನಿಂದ ಒಬ್ಬೆ ಒಬ್ಬ ಪ್ರತಿನಿಧಿಯನ್ನ ಗೆಲ್ಲಿಸಿ ಕಳಿಸದೆಯೂ ಸಹ ಒತ್ತಡ ಹಾಕಿ ತಮ್ಮ ನಾಡಿಗೆ ಆಗಲೆ ಬೇಕಾದ ಅಭಿವೃದ್ಧಿಯ ಕೆಲಸ ಮಾಡಿಸಿಕೊಳ್ಳುವಲ್ಲಿ ನಿಸ್ಸೀಮರು. ಹೀಗಿದ್ದರೂ ಅವರು ತೃಣಮಾತ್ರಕ್ಕೂ ಕೇಂದ್ರದಲ್ಲಿ ಆಳುವ ಉತ್ತರ ಭಾರತೀಯರ ಒಣ ಠೇಂಕಾರಕ್ಕೂ ಸೊಪ್ಪು ಹಾಕರು. ತಮ್ಮ ಬಗ್ಗೆ ವಿಶೇಷ ಕಾಳಜಿ ತೋರಿಸಿ ಸಹಕರಿಸಿದರೂ ಸಹ ಅವರ ಯಾವೊಂದು ಪೊಳ್ಳು ಬೆದರಿಕೆಗೂ ಇನಿತೂ ಬಗ್ಗರು.

ಇದರ ಹೋಲಿಕೆಯಲ್ಲಿ ಅದೆ ಆಳುವ ಸರಕಾರಕ್ಕೆ ನಮ್ಮ ನಾಡಿನಲ್ಲಿ ಇರೋ ಬರೋ ಸ್ಥಾನಗಳನ್ನೆಲ್ಲಾ ಗೆದ್ದು ಕೊಟ್ಟು ಸಂಪೂರ್ಣ ಶರಣಾಗತಿಯನ್ನ ಪ್ರದರ್ಶಿಸಿ ಹುಟ್ಟಾ ಬೆನ್ನುಮೂಳೆ ಇಲ್ಲದವರಂತೆ ವರ್ತಿಸುವ ನಮ್ಮ ಜನಪ್ರತಿನಿಧಿಗಳು ಮಾತ್ರ "ಜಿಯಾ ನಿಮ್ಮ ಹಸಾದ" ಅನ್ನುವಂತೆ ಅವರ ಉತ್ತರ ಭಾರತೀಯ ಮಹಾಪ್ರಭುಗಳ ಮುಂದೆ ಮುಜುರೆ ಮಾಡಿ ಕಪ್ಪ ಕಾಣಿಕೆ ಒಪ್ಪಿಸಿ ಅದೆ ಅರನಿಮೀಲಿತ ಕಣ್ಣುಗಳಿಂದ ಅವರ ಪಾದಗಳನ್ನೆ ದಿಟ್ಟಿಸುತ್ತಾ ಹಿಂದೆ ಹಿಂದೆ ಹಜ್ಜೆಯಿಡುತ್ತಾ ಮರಳಿ ಬಂದುˌ ಯಾವ ಮೂರುಕಾಸಿನ ಸಹಾಯ ಅವರಿಂದ ಆಗಿರದಿದ್ದರೂ "ಆ ಜೀಗೆ ಜೈ" "ಈ ಜೀಗೆ ಜೈ ಜೈ" ಅಂತ ತಾವೂ ಭೋಪರಾಕು ಹಾಕುವುದಲ್ಲದೆˌ ತಮ್ಮ ಹಿಂಬಾಲಕ ಅನುನಾಯಿಗಳಿಗೂ ಆ ಮಹಾ ನಾಲಾಯಕನ ಬಗ್ಗೆ ಇಲ್ಲಸಲ್ಲದ ಕಪೋಲಕಲ್ಪಿತ ಕಾಗಕ್ಕ ಗೂಬಕ್ಕನ ಕಥೆಗಳನ್ನ ವಾಟ್ಸಪ್ಪಿನಲ್ಲೆಲ್ಲಾ ರೋಗಾಣುವಿನಂತೆ ಹರಡಿ ಭಕ್ತರ ತಲೆ ತಿಕ್ಕಿ ತಿಕ್ಕಿ ತೊಳೆದು ಅವರೂ ಕಣ್ಮುಚ್ಚಿ ಆ ಆಶಾಢಭೂತಿಗೆ ಜಯಕಾರ ಹಾಕುವಂತೆ ಕುಮ್ಮಕ್ಕು ಕೊಡುತ್ತಿರುತ್ತಾರೆ.


ಉದಾಹರಣೆ ಸಹಿತ ಹೇಳುವುದಾದರೆˌ ಕೇರಳದಲ್ಲಿ ಮೇಘಸ್ಪೋಟವಾಗಿ ಭಾರಿ ಅನಾಹುತವಾಗಿತ್ತಲ್ಲ ಆ ಆಪತ್ತಿನ ದಿನಗಳನ್ನೆ ಕೊಂಚ ಮೆಲುಕು ಹಾಕಬಹುದು. ಸತತ ಎರಡು ವರ್ಷಗಳ ಕಾಲ ಮೇಲಿಂದ ಮೇಲೆ ಎರಗಿ ಬಂದ ಮಹಾಮಳೆ ಹಾಗೂ ಅದು ತಂದಿದ್ದ ಸರಣಿ ಭೂಕುಸಿತದಿಂದ ಕೇವಲ ಕೇರಳದ ಮಲಯಾಳಿಗಳಷ್ಟೇ ಅಲ್ಲˌ ಮಲಬಾರಿನ ಗಡಿಯೀಚೆಗಿರುವ ಕರುನಾಡ ಕೊಡಗಿನಿಂದ ಹಿಡಿದು ಶಿವಮೊಗ್ಗದ ತೀರ್ಥಹಳ್ಳಿಯವರೆಗೂ ಭೂಕುಸಿತದ ಸರಪಳಿ ಕಾಡಿತ್ತು. ಇಲ್ಲಿಯೂ ಜನ ನೊಂದು ಬೆಂದಿದ್ದರು. ವಾಸ್ತವದಲ್ಲಿ ಅಲ್ಲಿಗಿಂತ ಹೆಚ್ಚು ಜನ ಜಾನುವಾರು ಹಾಗೂ ಆಸ್ತಿಪಾಸ್ತಿಯ ನಷ್ಟ ಇಲ್ಲಾಗಿತ್ತು. ಭಾಗಮಂಡಲˌ ಸಕಲೇಶಪುರˌ ಮುಡಿಗೆರೆ ಹಾಗೂ ತೀರ್ಥಹಳ್ಳಿಗಳಂತಹ ಸ್ಥಳಗಳಲ್ಲಂತೂ ಹಳ್ಳಿಯ ಅನೇಕ ಒಂಟಿಮನೆಗಳು ತಮ್ಮ ತೋಟ ಗದ್ದೆಯ ಸಹಿತ ಹಿಮನದಿಯಂತೆ ಕುಸಿದು ಹರಿದು ಬಂದ ಪಶ್ಚಿಮಘಟ್ಟದ ಬೆಟ್ಟಗಳಡಿ ಸಮಾಧಿಯಾಗಿದ್ದವು. ಜರಿದು ಬಂದ ಗುಡ್ಡಗಳು ಕ್ಷಣಾರ್ಧದಲ್ಲಿ ಇಲ್ಲಿಯೂ ಸಹ ಜಾತಿ ಮತ ಅಂತಸ್ತುಗಳನ್ನ ಪರಿಗಣಿಸದೆ ಬಡವ ಬಲ್ಲಿದ ಇಬ್ಬರನ್ನೂ ಉಟ್ಟ ಬಟ್ಟೆಯಲ್ಲೆ ಬೀದಿಗೆ ತಂದು ಭಿಕಾರಿಯನ್ನಾಗಿಸಿ ನಿಲ್ಲಿಸಿದ್ದವು. 


ಇಂತಹ ವಿಪರೀತ ಪರಿಸ್ಥಿತಿಯಲ್ಲಿ ಕೇಂದ್ರದ ರಕ್ಷಣಾ ತಂಡ ಮೊದಲು ಕೇರಳಕ್ಕೆ ಧಾವಿಸಿ ಬಂದಿತೆ ವಿನಃ ಕರುನಾಡಿಗಲ್ಲ. ಕೂಡಲೆ ಅಲ್ಲಿಗೆ ಮೂರು ಸಾವಿರ ಕೋಟಿ ರೂಪಾಯಿಗಳ ಪರಿಹಾರ ಘೋಷಣೆಯೂ ಆಯಿತು. ಸಾಲದ್ದಕ್ಕೆ ಬಾಯಿ ಬಿಟ್ಟುಕೊಂಡು ತಮ್ಮ ಕಡೆಗೂ ಸರಕಾರದ ಪ್ರಭುಗಳು ತಿರುಗಿ ಕಿರುಗಣ್ಣಲ್ಲಾದರೂ ನೋಡಿಯಾರು ಎಂದು ಕಾಯ್ದುಕೊಂಡಿದ್ದ ಕರ್ನಾಟಕದ ಸಂತ್ರಸ್ತರ ಗಾಯದ ಮೇಲೆ ಬರೆ ಎಳೆಯುವಂತೆ ಅದರ ಬೆನ್ನಿಗೆ ಕೇರಳದ ಖಾತೆಗೆ ಹೆಚ್ಚುವರಿ ನೂರು ಕೋಟಿ ರೂಪಾಯಿಗಳನ್ನ ಧಾರೆ ಎರೆಯಲಾಯಿತು. 


ಇಷ್ಟೆ ಅವಮಾನ ಮಾಡಿದ್ದು ಸಾಲದು ಅಂತ ಅದನ್ನೆಲ್ಲಾ ಮುಗಿಸಿಯಾದ ಮೇಲೆ ಕರುನಾಡಿನತ್ತ ಕೃಪಾದೃಷ್ಟಿ ಹರಿಸಿದ ಕೇಂದ್ರ ಸರಕಾರ ಇಲ್ಲಿಯೂ ಪರಿಶೀಲನೆಯ ನಾಟಕ ಮಾಡಿ ಕೇವಲ ಇನ್ನೂರು ಕೋಟಿ ಪರಿಹಾರ ಕೊಟ್ಟು ಕೈ ತೊಳಕೊಂಡಿತು. ರಾಜ್ಯ ಸರಕಾರವೆ ಅನಿವಾರ್ಯವಾಗಿ ಅದಕ್ಕೆ ಸಾಲ ಎತ್ತಿ ತಂದ ಮುನ್ನೂರೈವತ್ತು ಕೋಟಿ ಸೇರಿಸಿ "ನೋಡಿ ಐನೂರೈವತ್ತು ಕೋಟಿ ಪರಿಹಾರ ಮತ್ತೆ! ಇನ್ನೂರಲ್ಲ!! ಜೈ ಜೈ ಮುದಿ ಛೀ" ಅಂತ ತನ್ನ ಅಂಡನ್ನ ತಾನೆ ಬಡಿದುಕೊಂಡು ತನಗೆ ತಾನೆ ಶಹಭಾಸ್ಗಿರಿ ಕೊಟ್ಟುಕೊಂಡಿತು! ಇದು ಇಚ್ಛಾಶಕ್ತಿಯಿರುವ ಕೇರಳದ ರಾಜಕಾರಣಿಗಳಿಗೂ ನರಸತ್ತ ಕರ್ನಾಟಕದ ನಾಯಕಮಣಿಗಳಿಗೂ ಇರುವ ಮೂಲಭೂತ ವ್ಯತ್ಯಾಸ.


********


ಕೇರಳದ ನಾಯಕರ ಆಕ್ರಮಣಕಾರಿ ರಾಜಕೀಯ ನಿಲುವುಗಳಿಗೆ ಮತ್ತೊಂದು ಉದಾಹರಣೆ ಕೊಡಬಹುದಂತಾದರೆˌ ಅದು ಅಲ್ಲಿನ ರೈಲ್ವೆ ಸಂಪರ್ಕ ಜಾಲದ ಬಗ್ಗೆ. ಮಂಗಳೂರಿನವರೆಗೆ ಬೆಂಗಳೂರಿನ ದಿಕ್ಕಿನಿಂದಲೋ - ಇಲ್ಲಾ ಬೊಂಬಾಯಿಯ ದೆಸೆಯಿಂದಲೋ ಮಂಜೂರಾಗುವ ಯಾವುದೆ ರೈಲನ್ನ ಅದೇನಾದರೂ ತಾರಾತಿಗಡಿ ಮಾಡಿಯಾದರೂ ಸರಿ ಮೊದಲಿಗೆ ಮೆಲ್ಲಗೆ ಕಣ್ಣೂರಿಗೆ ವಿಸ್ತರಿಸಿˌ ಅಲ್ಲಿಂದ ಹೊಸತೊಂದು ನೆಪ ಒಡ್ಡಿ ಶೊರನೂರಿಗೂˌ ಮತ್ತೊಂದು ಕಾರಣ ನೀಡಿ ಎರಣಾಕುಳಂಗೂˌ ಮತ್ಯಾವುದಾದರೂ ಸಾಬೂಬು ಹೇಳಿ ಕೊಟ್ಟಾಯಂಗೂˌ ಕಡೆಗೆ ಮುಂದೆ ಆ ಹೊಸ ರೈಲಿನ ಸಂಪೂರ್ಣ ಸೇವೆಯನ್ನ ತಿರುವನಂತಪುರದವರೆಗೂ ವಿಸ್ತರಿಸಿಕೊಳ್ಳುವತನಕ ನೆಮ್ಮದಿಯಿಂದ ನಿದ್ರಿಸರು! 


ಇಂದು ಕೊಂಕಣ ರೈಲ್ವೆಯ ಹಾದಿಯಲ್ಲಿ ಮಂಗಳೂರಿನವರೆಗೆ ಮಂಜೂರಾದ ರೈಲುಗಳಲ್ಲಿ ಒಂದನ್ನಷ್ಟೆ ಬಿಟ್ಟು ಬಾಕಿ ಎಲ್ಲವನ್ನೂ ಕೇರಳ ಇದೆ ತಂತ್ರ ಹೂಡಿ ಕಬಳಿಸಿ ಕೂತಿದೆ. ಅದೆ ನಮ್ಮ ಕೈಲಾಗದ ನಾಲಾಯಕರು ಮಾತ್ರ ತಿಪ್ಪರಲಾಗ ಹಾಕಿದರೂ ಸಹ ಕನಿಷ್ಠ ಮಂಗಳೂರು ರೈಲ್ವೆ ನಿಲ್ದಾಣವನ್ನ ದಕ್ಷಿಣ ರೈಲ್ವೆ ವಲಯದ ಪಾಲ್ಘಾಟ್ ವಿಭಾಗದಿಂದ ಬಿಡಿಸಿಕೊಂಡು ಬಂದು ಕರುನಾಡಿನ ಇತರ ರೈಲು ನಿಲ್ದಾಣಗಳ ಸೇರಿಸಿ ರಚಿಸಲಾಗಿರುವ ನೈರುತ್ಯ ರೈಲ್ವೆ ವಲಯಕ್ಕೆ ಸೇರಿಸಲಾಗದೆˌ ದಿನಕ್ಕೊಂದು ಕಥೆ ಹೇಳಿಕೊಂಡು ತುಳನಾಡಿಗರನ್ನು ಎಂದಿನಂತೆ ಏಮಾರಿಸುತ್ತಿದ್ದಾರೆ.


ಇನ್ನು ಇಲ್ಲಿನ ಸರಕಾರಗಳು ಅನುಗಾಲದಿಂದ ಮಾಡುತ್ತಿರುವ ಪ್ರಯತ್ನದಿಂದಾಗಿˌ ಇಂದು ಮಂಜೇಶ್ವರˌ ವಲಯಾರ್ˌ ಭಗವತಿಪುರಂ ಹಾಗೂ ಪಾರಶಾಲಾದ ಮೂಲಕ ಹೊರರಾಜ್ಯಗಳಿಗೆ ರೈಲ್ವೆ ಸಂಪರ್ಕವಿದೆ.


( ಇನ್ನೂ ಇದೆ.)


https://youtu.be/YafCr_qPJSs

10 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೬.👊಼

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೬.👊


ಕುಡಿತದ ಚಟದಲ್ಲಂತೂ ಈ ಚಟಗ್ರೇಸರ ಮಲಯಾಳಿಗಳನ್ನ ಬಿಟ್ಟರಿಲ್ಲ! ಹೆಂಡದಲ್ಲೆ ಮುಳುಗೆದ್ದು ಮಿಂದು ತೇಲುವ ಕು"ಖ್ಯಾತಿ"ಯ ಪಂಜಾಬಿಗಳ ನಂತರ ಈ ದೇಶದಲ್ಲೇ ದೊಡ್ಡ ಕುಡಿತದ ಪೀಪಾಯಿಗಳಿವರು. ಹೀಗಾಗಿ ಶೇಂದಿ - ಹೆಂಡ - ಕಳ್ಳಿನ ಜೊತೆಗೆ ಸರಕಾರಿ ಪಾಕೀಟು ಸರಾಯಿಯ ಸ್ವ ಉತ್ಪಾದನೆಯೂ ಸಹ ಸ್ವಲ್ಪವೂ ಸಾಲದೆ ಪರ ರಾಜ್ಯ - ಪರದೇಶಗಳಿಂದೆಲ್ಲಾ ತರಿಸಿಕೊಂಡು ಕಂಠಮಟ್ಟ ಕುಡಿಯುವಷ್ಟು ಚಪಲಚಿತ್ತರು. ಭಾರತದ ತೆರಿಗೆ ರಹಿತ ಏರುಪೋರ್ಟಿನ ಅಮದು ಸರಾಯಿಗಳ ದೊಡ್ಡ ವ್ಯಾಪಾರ ಇಲ್ಲಿನ ವಿಮಾನ ನಿಲ್ದಾಣಗಳಲ್ಲಾಗುವಷ್ಟು ಬೇರೆ ಇನ್ಯಾವ ರಾಜ್ಯಗಳಲ್ಲೂ ಆದ ದಾಖಲೆಯಿಲ್ಲ. ಖುಷಿಗೆ ಬೇಜಾರಿಗೆ ಸಂತೋಷಕೂಟಕ್ಕಷ್ಟೆ ಅಲ್ಲ ಸಾಮಾನ್ಯ ಮೀನೂಟಕ್ಕೂ ಮಲಯಾಳಿಗಳಿಗೆ ಕುಡಿಯಲೊಂದು ಕುಪ್ಪಿ ಇದ್ದರೇನೆ ತೃಪ್ತಿ ಅನಿಸುವಷ್ಟು ಇಲ್ಲಿನ ಬಹುಸಂಖ್ಯಾತರು ಮದ್ಯ ಪ್ರಿಯರು.


ನೈಸರ್ಗಿಕ ವಿಕೋಪಗಳಿಂದ ನೊಂದು ಬೆಂದಿದ್ದ ವರ್ಷಗಳಲ್ಲೂˌ ಕರೋನಾ ಮಾರಿಯಾಗಿ ಕಾಡಿ ಇಡಿ ದೇಶವೆ ಬೀಗ ಬಿಗಿಸಿಕೊಂಡು ಕಂಗಾಲಾಗಿ ಕೂತಿದ್ದ ಕ್ಷಣದಲ್ಲೂ ಸಹ ಈ ಸಣ್ಣ ರಾಜ್ಯದಲ್ಲಿ ಆರುನೂರರಿಂದ ಸಾವಿರ ಕೋಟಿ ರೂಪಾಯಿಗಳ ಮೌಲ್ಯದ ಮದ್ಯದ ಧಾರಾಳ ಸಮಾರಾಧನೆ ಇಲ್ಲಿ ನಡೆದು ( ಇದರಲ್ಲಿ ಸ್ಥಳಿಯ ಶೇಂದಿ ಹಾಗೂ ಕಳ್ಳು ಉತ್ಪಾದನೆಯ ವ್ಯಾಪಾರದ ಲೆಕ್ಖ ಸೇರಿಲ್ಲ ಮತ್ತೇ!)ˌ ಅಷ್ಟನ್ನೂ ಕುಡಿದು ಮಲಯಾಳಿಗಳು ಉಚ್ಛೆ ಹೊಯ್ಡಿದ್ದರು! ಇವರಿಗೆ ನೈಸರ್ಗಿಕ ವಿಕೋಪಕ್ಕೆ ಕೇಂದ್ರ ಸರಕಾರ ಅರೆಕಾಸಿನ ಮಜ್ಜಿಗೆಯಷ್ಟು ಪರಿಹಾರ ಕೊಟ್ಟಿದ್ದರೆˌ ಅದರ ಮೂರನೆ ಒಂದು ಭಾಗದಷ್ಟು ಅಗಾಧ ಮೊತ್ತ ಅನಂತರದ ವರ್ಷದ ಹಂಗಾಮಿನಲ್ಲೆ ಕೇರಳದಾದ್ಯಂತ ವ್ಯಾಪಾರವಾಗಿ ಈ ಮಲಯಾಳಿಗಳ ನಶಾಪ್ರೀತಿ ಗೇಲಿಗೊಳಗಾಗಿತ್ತು. 


ಇಲ್ಲಿ ಸಾಮಾನ್ಯ ಶೇಂದಿಯಂಗಡಿಗಳಿಗೆ ಹಾಗೂ ಕಳ್ಳಂಗಡಿಗಳಿಗೆ ಅಬಕಾರಿ ಕಾನೂನು ಮುಕ್ತ ಅವಕಾಶ ಬೇರೆ ನೀಡುತ್ತದೆ. ಆದ್ದರಿಂದ ಇವರ ಸ್ಥಾನಿಕ ಉತ್ಪಾದನೆಗಳಿಗೆ ಇವರೆ ಅತಿದೊಡ್ಡ ಗ್ರಾಹಕರು ಸಹ!
ಹೀಗಾಗಿ ಈ ಉತ್ಪಾದನೆಗಳೆಲ್ಲ ಆನೆಯ ಹೊಟ್ಟೆಗೆ ಅರೆಕಾಸಿನ ಮಜ್ಜಿಗೆ ಹೊಯ್ದಂತೆ. ಇವರ ಅಗತ್ಯಗಳೆಲ್ಲ ತೀರಿ ಉಳಿದ ಅಲ್ಪಸ್ವಲ್ಪಕ್ಕಷ್ಟೆ ರಫ್ತಾಗುವ ಭಾಗ್ಯ ಅಷ್ಟೆ. ಕಾಡುತ್ಪತ್ತಿˌ ಗೇರುಬೀಜ ಹಾಗೂ ಸಾಂಬಾರ ಪದಾರ್ಥಗಳಷ್ಟೆ ಸದ್ಯ ಹೇಳಿಕೊಳ್ಳುವಂತಹ ವ್ಯವಹಾರ ನಡೆಸುತ್ತಿರೋದು ಬಹುಶಃ.



*******


ಅದು ಬಿಟ್ಟರೆ ಇಲ್ಲಿಗೆ ದೊಡ್ಡ ಆದಾಯ ಬರೋದು ಪ್ರವಾಸೋದ್ಯಮದಿಂದ. ಈ ಪ್ರವಾಸೋದ್ಯಮದಲ್ಲೂ ಸ್ಥಳ ವೀಕ್ಷಣೆಗೆ ಬರುವವರು ಶೇಕಡಾ ಐವತ್ತರಷ್ಟಿದ್ದರೆ ಉಳಿದಂತೆ ಬರೋರೆಲ್ಲ ಇಲ್ಲಿ ನೆಲೆ ನಿಂತ ಥರೇವಾರಿ ದೇಗುಲಗಳಲ್ಲಿ ನೆಲೆಸಿರುವ ದೇವಾನುದೇವತೆಗಳ ಭಕ್ತಗಣವೆ. 


ಶಬರಿಮಲೆಯ ಅಯ್ಯಪ್ಪನ್ ದರ್ಶನಕ್ಕೆ ಬರುವವರೆ ಅತ್ಯಧಿಕ. ತಿರುವನಂತಪುರದ ಅನಂತಪದ್ಮನಾಭನ್ˌ ಗುರುವಾಯೂರಿನ ಗುರುವಾಯೂರಪ್ಪನ್ˌ ಚೊಟ್ಟನಿಕ್ಕಾರದ ಭಗವತಿˌ ಕಡಂಬುಳದ ಪಾರ್ವತಿˌ  ತಳಿಪರಂಬದ ರಾಜರಾಜೇಶ್ವರನ್, ಇರಿಙಾಲಕುಡದಲ್ಲಿರುವ ಕೂಡಲ ಮಾಣಿಕ್ಯಂನ ರಾಮಾಯಣದ ಭರತನ್ ಹಾಗೂ ತೃಶೂರಿನ ವಡಕ್ಕುನಾಥನ್ ಕ್ರಮವಾಗಿ ಅನಂತರದ ಬೇಡಿಕೆಯ ಸ್ಥಾನಗಳಲ್ಲಿದ್ದಾರೆ.


ˌಇಲ್ಲಿನ ಆಡಳಿತ ಸೂತ್ರ ಹಿಡಿದು ಸರಕಾರ ನಡೆಸುವವರು ಸ್ವತಃ ತಾವ್ಯಾರೂ ದೇವರನ್ನ ನಂಬದ ನಾಸ್ತಿಕ ಕಮ್ಯುನಿಸ್ಟರೆ ಆಗಿದ್ದರೂˌ ರಾಜ್ಯದ ಖಜಾನೆಗೆ ಅಪಾರ ಆದಾಯ ತರುವ ಆಸ್ತಿಕತೆಗೆ ಪೂರಕವಾಗುವ ಎಲ್ಲಾ ಆಟಗಳಿಗೂ ಬಹಿರಂಗ ಬೆಂಬಲ ಇವರಿಂದ ಸಲ್ಲುತ್ತದೆ. ಹೀಗಾಗಿಯೆ ಮಲಬಾರು ದೈವಸ್ವಂ ಬೋರ್ಡುˌ ಕೊಚ್ಚಿನ್ ದೈವಸ್ವಂ ಬೋರ್ಡು ಹಾಗೂ ಟ್ರಾವಂಕೂರು ದೈವಸ್ವಂ ಬೋರ್ಡುಗಳಿಗೆ ಸ್ಥಳಿಯ ವಲಯಗಳ ಎಲ್ಲಾ ದೇವಾಲಯಗಳ ಮೇಲೆ ಅಧಿಕಾರ ಕೊಟ್ಟಿದ್ದರೂˌ ಕೃಷ್ಣನ ನೆಲೆ ಗುರುವಾಯೂರು ದೈವಸ್ವಂ ಬೋರ್ಡು ಹಾಗೂ ವಿಷ್ಣುವಿನ ನೆಲೆ ಕೂಡಲಮಾಣಿಕ್ಯಂ ದೇವಸ್ಥಾನದ ಅಪಾರ ಆದಾಯವನ್ನು ಪರಿಗಣಿಸಿ ಈ ಎರಡು ದೇವಸ್ಥಾನಗಳಿಗೆ ಅವರವರವೆ ದೈವಸ್ವಂ ಬೋರ್ಡು ರಚಿಸಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ.


*******


ಇಷ್ಟೆಲ್ಲಾ ವೈರುಧ್ಯಗಳಿರುವ ಕೇರಳದ ಸಾಮಾಜಿಕ ಬದುಕಿನ ಕೊನೆ ಮೊದಲಿಲ್ಲದ ಸಿಕ್ಕುಗಳನ್ನ ಯೋಚಿಸಿದರೇನೆ ಅವನಿಗೆ ತಲೆ ಕೆಡುತ್ತದೆ. ಅಷ್ಟು ಗೋಜಲು ಗೋಜಲಾಗಿರುವ ಮಲಯಾಳಿಗಳಲ್ಲಿ ಅವನಿಗೆ ಇಷ್ಟವಾಗುವುದು ಅವರಲ್ಲಿನ ಕಲಾಭಿವ್ಯಕ್ತಿಯ ವಿಭಿನ್ನ ಪ್ರಕಾರಗಳು ಮಾತ್ರ. ಪಾರಂಪರಿಕ ಕಲೆಯಲ್ಲಿರಲಿˌ ಜಾನಪದ ಕಲೆಯಲ್ಲಾಗಿರಲಿ ಅಥವಾ ಸಮಕಾಲೀನ ಕಲಾ ಪ್ರದರ್ಶನಗಳಲ್ಲಿಯೇ ಆಗಿರಲಿ ಮಲಯಾಳಿಗಳು ಯಾವಾಗಲೂ ವಿಭಿನ್ನತೆಯನ್ನ ಕಾಯ್ದುಕೊಂಡು ಸದಾ ಉಳಿದವರಿಗಿಂತ ಒಂದೆರಡು ಹೆಜ್ಜೆ ಮಂದಿರುತ್ತಾರೆ. ಪಾರಂಪರಿಕ ಕಲೆಗಳಲ್ಲಿ ತುಳನಾಡ ಕಲಾ ವೈವಿಧ್ಯತೆಗಳ ನೇರ ಅನುಕರಣೆಯಿರೋದು ಸತ್ಯವಾದರೂ ಕೂಡˌ ಜನಪದ ಕಲೆಗಳಲ್ಲಿ ಸ್ಥಳಿಯ ಮಣ್ಣಿನ ವಾಸನೆ ದಟ್ಟವಾಗಿದೆ.


ತುಳುನಾಡಿನ ಯಕ್ಷಗಾನದಿಂದ ಸೃಜಿಸಿದ ಕಥಕ್ಕಳಿಯಲ್ಲಿ ಪಾತ್ರ ಭಾವಾಭಿನಯ ತೋರುತ್ತೆ ಬಿಟ್ಟರೆ ಆಟದ ವೇಷಧಾರಿಗಳಂತೆ ಮಾತಾಡದು. ಆದರೆ ಅದನ್ನೆ ಹೋಲುವ ಕಥಕ್ಕಳಿ ಪಾತ್ರಧಾರಿಗಳಿಗೂ ಸಂಭಾಷಣೆ ಕೊಟ್ಟಂತಿರುವ ಕೊಡಿಯಾಟ್ಟಂ. ತೌಳುವರ ಹುಲಿವೇಷದ ಪಡಿಯಚ್ಚು ಇಲ್ಲಿನ ಪುಲಿಕ್ಕಳಿˌ ತುಳು ಮಣ್ಣಿನ ಜಾನಪದ ಕಲೆ ಆಟಿಕಳಿಂಙನ ಅಪರಾವತಾರ ಓಣಪೊಟ್ಟಾನ್ ಓಣಂ ಹಬ್ಬದ ಹಿನ್ನೆಲೆಯಲ್ಲಿ ಇಲ್ಲಿನ ಗ್ರಾಮಾಂತರ ಪ್ರದೇಶದಲ್ಲಿ ಇಬ್ಬರು ಚಂಡೆ ವಾದ್ಯದವರನ್ನ ಕೂಡಿಕೊಂಡು ಮನೆ ಮನೆಗೂ ಭೇಟಿ ಕೊಡುತ್ತಾನೆ. ಮಲಬಾರಿನ ಥಯ್ಯಂ ಅಂತೂ ನೇರಾ ನೇರಾ ತುಳು ಮಣ್ಣಿನ ಭೂತದ ಕೋಲದ ಅನುಸರಣೆ. ಇದರಂತದ್ದೆ ಇನ್ನೊಂದು ಕಲಾಪ್ರಕಾರ ಭೂತದ ಕೋಲದ ಮತ್ತೊಂದು ಅನುಕರಣೆ ತಿರಯಾಟ್ಟಂ ಸಹ ಕೇರಳಕ್ಕೆ  ತುಳುನಾಡಿನ ಕಲಾ ಕೊಡುಗೆಯೆ. ಇನ್ನು ತುಳುನಾಡಿನ ಗೆರೋಡಿಗಳಿಂದ ಮಲೆಯಾಳಿಗಳು ಕಲಿತು ಹೋಗಿರುವ ಕಳರಿ ಪಯಟ್ಟು ಸಮರಕಲೆˌ ಅದರಲ್ಲಿಯೂ ಉರುವಿ ಅನ್ನುವ ಬಳುಕುವ ಅಸ್ತ್ರದ ತುಳುನಾಡಿನಿಂದಲೆ ಕದ್ದಿರುವ ತಂತ್ರದ ಬಗ್ಗೆ ಹೆಚ್ಚಿನದೇನನ್ನೂ ಹೇಳುವಂತದ್ದಿಲ್ಲವಲ್ಲ.


ಇವಿಷ್ಟನ್ನ ಬಿಟ್ಟರೆ ಓಟ್ಟನ್ - ಕೋಲಂ - ಸರ್ಪಂ ಹೀಗೆ ವಿಭಿನ್ನ ಬಗೆಯಲ್ಲಿ ಆಡಲಾಗುವ ತುಳ್ಳಾಲ್ ಆಗಲಿˌ ಶಾಸ್ತ್ರೀಯ ನೃತ್ಯ ಮೋಹಿನಿಯಾಟ್ಟಂ ಆಗಿರಲಿˌ ಕರಗ ಹೊರುವಂತಹ ಭಗವತಿ ದೇಗುಲಗಳ ಪದಯಾನಿಯಾಗಿರಲಿˌ ಏಕವ್ಯಕ್ತಿ ಪ್ರಸಂಗ ಪ್ರದರ್ಶನ ಚಾಕ್ಯಾರ್ ಕೂತ್ತು ಆಗಿರಲಿˌ ವಿಧ ವಿಧ ವೇಷದ ಮುಖವಾಡ ಹೊತ್ತ ಮಣ್ಣಿನ ಮಕ್ಕಳ ಪ್ರದರ್ಶನದಾಟ ಕುಮ್ಮಟ್ಟಿಕಳಿ ಆಗಲಿ ಇವೆಲ್ಲವೂ ಇಲ್ಲಿನವರ ಸ್ವಂತದ ಹೆಮ್ಮೆಯ ಕಲಾ ಪ್ರಕಾರಗಳು.


******


ಸಾರಸ್ವತ ಲೋಕದಲ್ಲಿ ದಕ್ಷಿಣ ಭಾರತೀಯ ದ್ರಾವಿಡ ಭಾಷಾ ಸಾಹಿತ್ಯ ಪರಂಪರೆಯಲ್ಲೊಂದಾಗಿ ಮಲಯಾಳಿಗಳ ಹೆಜ್ಜೆಗುರುತು ಸ್ಪಷ್ಟವಾಗಿ ಮೂಡಲಾರಂಭಿಸಿದ್ದು ತೀರಾ ತಡವಾಗಿ. ಸ್ವಂತಕ್ಕೊಂದು ಲಿಪಿ ಮಲಯಾಳಂ ಭಾಷೆ ಹೊಂದಿರದೆ ಇದ್ದದ್ದು ಹಾಗೂ ತುಳು ಲಿಪಿಯನ್ನ ಕಾಲಾಂತರದಲ್ಲಿ ಈ ಕೊರತೆ ತುಂಬಿಕೊಳ್ಳಲು ಬಳಸಲಾರಂಭಿಸಿದ್ದೆ ಬಹುಶಃ ಇದಕ್ಕೆ ನೇರ ಕಾರಣ. ಇದೆ ಕಾರಣದಿಂದ ಮೂಲತಃ ಮಲಯಾಳಿಯಾಗಿದ್ದರೂ ಸಹ ಶ್ರೀಶಂಕರಾಚಾರ್ಯರು ಸಹಜವಾಗಿ ತಾವು ಸುಲಭವಾಗಿ ಯೋಚಿಸ ಬಹುದಾಗಿದ್ದ ತಮ್ಮ ಮಾತೃಭಾಷೆಯಲ್ಲಿ ಒಂದೆ ಒಂದು ಕೃತಿ ಟೀಕೆ ಟಿಪ್ಪಣಿಗಳನ್ನ ರಚಿಸದೆ ಸಂಸ್ಕೃತಕ್ಕೆ ಮೊರೆ ಹೋದರು ಅನ್ನಿಸುತ್ತೆ. 


ವಾಸ್ತವ ಹೀಗಿದ್ದರೂ ಸಹ ನಮ್ಮ ಕೇಂದ್ರ ಸರಕಾರ ಲಿಪಿ ಹಾಗೂ ಸಮೃದ್ಧ ಪಾರಂಪಾರಿಕ ಲಿಖಿತ ಸಾಹಿತ್ಯವಿರುವ ತುಳುವಿಗೆ ಕೊಡಬೇಕಿದ್ದ ಶಾಸ್ತ್ರೀಯ ಭಾಷೆಯ ಪಟ್ಟವನ್ನ ಅದ್ಯಾವುದೂ ಹೊಂದಿರದ ಮಲಯಾಳಂಗೆ ಕಟ್ಟಿರುವುದು ಅಕ್ಷಮ್ಯ. ಜನಸಂಖ್ಯಾ ಬಾಹುಳ್ಯದ ಪ್ರಭಾವ ಹಾಗೂ ಸ್ಥಳಿಯ ರಾಜಕಾರಣಗಳ ಚಾಣಾಕ್ಷತೆಯ ಕರಾಮತ್ತಿಗೆ ಇದೊಂದು ಜೀವಂತ ಉದಾಹರಣೆ. ಬೇರೆ ಅದಿನ್ನೇನೆ ತಕರಾರುಗಳಿದ್ದರೂ ಸಹ ಅವನಿಗೆ ಈ ವಿಷಯದಲ್ಲಿ ಕೇರಳದ ಬಗ್ಗೆ ಅಭಿಮಾನವಿದೆ.




( ಇನ್ನೂ ಇದೆ.)


https://youtu.be/yvd2nsYbl6g

09 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೫.👊

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೫.👊


ಮಲಯಾಳಿಗಳ ಪರಿಸರಕ್ಕೆ ಹಾನಿಯೆಸಗಿ ಸ್ವಂತಕ್ಕೆ ಅಭಿವೃದ್ಧಿ ಹೊಂದುವ ಮಾನಸಿಕ ದಿವಾಳಿತನದ ಸ್ವಾರ್ಥದ ಸಾಧಾರ ಉದಾಹರಣೆ ಕಾಣಬೇಕೆಂದಿರುವವರು ಒಂದು ಸಲ ಕುಟ್ಟನಾಡಿಗೆ ಭೇಟಿ ಕೊಡಬೇಕು. ಸಂಪೂರ್ಣ ಹಿನ್ನೀರ ಹಿನ್ನೆಲೆಯಲ್ಲಿರುವ ದ್ವೀಪ ಸಮುಚ್ಛಯಗಳ ಜಿಲ್ಲೆ ಅಲಪ್ಪುಳದಲ್ಲಿ ಬಹುಭಾಗ ಹಾಗೂ ಅದಕ್ಕಂಟಿಕೊಂಡಿರುವ ಕೊಟ್ಟಾಯಂ ಕರಾವಳಿ ಹಾಗೂ ಎರಣಾಕುಳಂ ತೀರ ಪ್ರದೇಶದ ತುಸು ಭಾಗಗಳನ್ನ ಸೇರಿಸಿ ಕುಟ್ಟನಾಡು ಎಂದು ಕರೆಯಲಾಗುತ್ತದೆ. ಹಿನ್ನೀರ ಹಿನ್ನೆಲೆಯ ಸುಂದರ ಪರಿಸರ ಹೊಂದಿರುವ ಕುಟ್ಟನಾಡಿನಲ್ಲಿ ಸಿಹಿನೀರಿನ ಅಲಭ್ಯತೆಯ ಕಾರಣ ಕೃಷಿ ಚಟುವಟಿಕೆ ನಡೆಯೋದೆ ಅತ್ಯಲ್ಪ. 



ಹಾಗಂತ ಇಲ್ಲವೆ ಇಲ್ಲ ಅಂತೇನಿಲ್ಲ. ಆದರೂ ಎಲ್ಲೆಲ್ಲಿ ನದಿಮುಖಜ ಭೂಮಿ ಚೂರು ಒಳಭಾಗದಲ್ಲಿದೆಯೋ ಅಲ್ಲೆಲ್ಲಾ ಭತ್ತ ಬೆಳೆವ ಗದ್ದೆಗಳಿವೆ. ಇಡಿ ಕುಟ್ಟನಾಡಿನಾದ್ಯಂತ ವಿಫುಲವಾಗಿರುವ ತೆಂಗಿನ ಮರಗಳಿಂದ ಎಳನೀರುˌ ಕಾಯಿˌ ಕಳ್ಳು ಧಾರಾಳವಾಗಿ ದೊರೆಯುತ್ತಿದ್ದು ತೆಂಗಿನ ನಾರಿನ ಹಗ್ಗ ಹೊಸೆಯುವ ಉದ್ಯಮ ಇಲ್ಲಿ ಸಹಜವಾಗಿ ಬೆಳೆದು ನಿಂತಿದೆ. ಕೇರಳ ರಸ್ತೆ ಸಾರಿಗೆ ಸಂಸ್ಥೆ ಕುಟ್ಟನಾಡಿನ ಪರಿಸರದಲ್ಲಿ ದ್ವೀಪಗಳನ್ನ ಬೆಸೆಯುವ ಬೋಟು ಸೇವೆಯನ್ನ ಬಸ್ಸಿನಂತೆಯೆ ಒದಗಿಸುತ್ತಿದೆ. ಇತ್ತೀಚೆಗೆ ಆರಂಭವಾದ "ಕೊಚ್ಚಿನ್ ಮೆಟ್ರೋ" ಸಹ ತನ್ನ ಫೆರ್ರಿ ಸೇವೆಯ ಮೂಲಕ ತೇಲುವ ಮೆಟ್ರೋ ಸೇವೆಯನ್ನು ಎರಣಾಕುಳಂ ವಲಯದಲ್ಲಿ ಪರಿಚಯಿಸಿದೆ. ಕೃಷಿ ಹೊರತು ಪಡಿಸಿ ಕುಟ್ಟನಾಡಿನ ಕುಕ್ಕುಟೋದ್ಯಮ ಕೇರಳದಾದ್ಯಂತ ಜನಪ್ರಿಯವಾಗಿದ್ದ ಕಾಲವೂ ಒಂದಿತ್ತು. ಹಿನ್ನೀರಲ್ಲಿ ಬೆಳೆಸಲಾದ ಕುಟ್ಟನಾಡಿನ ಬಾತುಕೋಳಿಗಳ ಮಾಂಸದ ತನ್ನ ವಿಶಿಷ್ಟ ರುಚಿಯಿಂದ ಮಾಂಸಾಹಾರಿಗಳ ಮನಗೆದ್ದಿತ್ತು. ಇಲ್ಲಿನ ಮೊಟ್ಟೆಗಳಿಗೆ ಬಲು ಬೇಡಿಕೆಯಿದ್ದ ಕಾಲವೂ ಹಿಂದಿತ್ತು. ಒಟ್ಟಿನಲ್ಲಿ ಕುಟ್ಟನಾಡೊಂತರ ಸ್ವರ್ಗದ ಕಿರುಬಾಗಿಲ ಸಂದಿಯಿಂದ ಕಾಣುವ ನಯನ ಮನೋಹರ ದೃಶ್ಯದಂತಿದ್ದು ಅದ್ಯಾರೋ ಅದೃಶ್ಯ ಚಿತ್ರಕಾರ ಮನಸಾರೆ ಬರೆದ ಸುಂದರ ದೃಶ್ಯಕಾವ್ಯವನ್ನ ನೆನಪಿಸುವಂತಿತ್ತು.


ಹೀಗಿದ್ದ ಕುಟ್ಟನಾಡಿನ ಹಣೆಬರಹ ಕೆಡಲು ಮಲೆನಾಡಿನ ಜಿಲ್ಲೆಗಳಾದ ಪಟ್ಟಣಂತಿಟ್ಟˌ ಪಾಲ್ಘಾಟು ಹಾಗೂ ಇಡುಕ್ಕಿ ಜಿಲ್ಲೆಗಳ ಜೊತೆಜೊತೆಗೆ ಕೊಟ್ಟಾಯಂ - ಕೊಲ್ಲಂ - ಎರಣಾಕುಳಂ - ತೃಶೂರಿನ ಮಲೆನಾಡಿನ ಭಾಗಗಳಲ್ಲಿ ಆರಂಭವಾದ ಸಹಜ ಹಸಿರ ಸಿರಿ ಬೋಳಿಸಿ ಬೆಳೆಸಲಾದ ರಬ್ಬರ್ - ಏಲಕ್ಕಿ ಪ್ಲಾಂಟೇಷನ್ˌ ಚಹಾ ತೋಟಗಳು ಹಾಗೂ ಆಧುನಿಕ ಶುಂಠಿ ಕೃಷಿಯ ಅವಕೃಪೆಯಿಂದ ಆರಂಭವಾಯಿತು. ಇಲ್ಲೆಲ್ಲಾ ಬಂಪರ್ ಬೆಳೆ ತೆಗೆಯಲು ಅಪರಾ ತಪರಾ ರಾಸಾಯನಿಕ ಗೊಬ್ಬರ ತಂದು ಸುರಿಯಲಾಯಿತು. ಬೆಳೆದು ನಿಂತ ಬೆಳೆಯ ಬಹುಪಾಲು ದಕ್ಕಿಸಿಕೊಳ್ಳಲು ಎಂಡೋಸಲ್ಫಾನಿನಂತಹ ಕಾರ್ಕೋಟಕ ವಿಷಪೂರಿತ ಕೀಟನಾಶಕಗಳನ್ನ ಅನಗತ್ಯ ಪ್ರಮಾಣದಲ್ಲಿ ಸುರಿದು ನೆಲದ ಆರೋಗ್ಯವನ್ನ ಅದಾಗಲೆ ಹದಗೆಡಿಸಲಾಗಿತ್ತು. ಮಂಡೆಗೆ ಸುರಿದ ನೀರು ಪಾದವನ್ನ ಮುಟ್ಟಲೆಬೇಕಲ್ಲ?


ಸಹಜಾರಣ್ಯದ ಅವ್ಯಾಹತ ಕಡಿತದಿಂದ ಸಿಕ್ಕಾಪಟ್ಟೆ ಮಣ್ಣಿನ ಸವಕಳಿಯಾಗಿ ಮೊದಲಿಗೆ ಈ ಗುಡ್ಡ ಸಾಲಿನಲ್ಲಿ ನದಿಗಳಿಗೆ ಅಡ್ಡಲಾಗಿ ಕಟ್ಟಲಾಗಿರುವ ಎಂಟಕ್ಕೂ ಅಧಿಕ ಅಣೆಕಟ್ಟುಗಳ ಹೂಳು ಹೆಚ್ಚಿಸಿತು. ಮೊದಲೆ ಮುದಿಯಾಗಿರುವ ಈ ಅಣೆಕಟ್ಟೆಗಳು ಆಗಲೆ ಸರಿಯಾದ ನಿರ್ವಹಣೆಯಿಲ್ಲದೆ ಶಿಥಿಲವಾಗಿ ಅಪಾಯಕಾರಿ ಸ್ಥಿತಿಯಲ್ಲಿದ್ದುˌ ಒಂದೊಮ್ಮೆ ಭೂಕುಸಿತಗಳ ಸರಣಿ ಮುಂದುವರೆದು ದುರದೃಷ್ಟಕ್ಕೆ ಈ ಅಣೆಕಟ್ಟುಗಳ ಅಸ್ತಿಭಾರವೂ ಅಲಗಾಡಲಾಭಿಸಿದರೆ ಮಾತ್ರ ಕುಟ್ಟನಾಡಿನ ಮಂದಿ ಕೆಟ್ಟರು! ನುಗ್ಗಿ ಬರುವ ಜಲಪ್ರವಾಹದ ಪ್ರಳಯ ಸದೃಶ ಸ್ಥಿತಿಯಲ್ಲಿ ಸಂಪೂರ್ಣ ಜಲ ಸಮಾಧಿಯಾಗದೆ ವಿಧಿಯಿಲ್ಲ. 

ಸಾಲದ್ದಕ್ಕೆ ಇಲ್ಲಿನ ಹಿನ್ನೀರಿನ ತುಂಬಾ ಮೇಲಿನ ಜಿಲ್ಲೆಗಳ ಪ್ಲಾಂಟೇಷನ್ ಹಾಗೂ ಎಸ್ಟೇಟುಗಳಿಂದ ಹರಿದು ಬರುವ ನದಿಗಳಲ್ಲಿ ತುಂಬಿ ಬರುವ ವಿಷಕಾರಿ ಕೀಟನಾಶಕ ಹಾಗೂ ರಾಸಾಯನಿಕ ಗೊಬ್ಬರದ ಅವಶೇಷಗಳೆಲ್ಲ ಹಿನ್ನೀರಿನಲ್ಲಿ ಬೆರೆತು ನೀರೆಲ್ಲ ಕೆಂಪಾಗಿದೆ. ಈ ವಿಷಕಾರಿ ಜಲ ಅಳಿದುಳಿದ ಸಿಹಿನೀರಿನ ಬುಗ್ಗೆಗಳನ್ನೂ ಪೂತನಿಯ ಮೊಲೆಯಾಗಿಸಿದೆ. 

ಸುತ್ತಲೂ ನೀರಿದೆ ಸರಿ ಆದರೆ ಸತ್ತರೂ ಕುಡಿಯುವಂತಿಲ್ಲ! ಬದುಕಿದ್ದವರು ಕುಡಿದರಂತೂ ಸಾವು ಶತಃಸಿದ್ಧ ಅನ್ನುವಷ್ಟು ವಿಷಕಾರಿ ಅದು. ಇದೆ ಕಾರಣದಿಂದಲೆ ಅಲ್ಲಿನ ಬಾತುಕೋಳಿ ಸಾಕಣಿಕೆಯ ಗೃಹೋದ್ಯಮ ಬಹುತೇಕ ನೆಲಕಚ್ಚಿದೆ. ಅಳಿದುಳಿದ ಅಲ್ಲೊಂದು ಇಲ್ಲೊಂದು ಬಾತು ಸಾಕಣೆ ಕೇಂದ್ರಗಳೂ ಅಂತಿಮ ಶ್ವಾಸ ಎಳೆದುಕೊಳ್ಳಲು ಸಮಯ ಎಣಿಸುತ್ತಿದೆ. ಕುಟ್ಟನಾಡಿನ ಬಾತುಕೋಳಿಗಳೆಂದರೆ ಜನ "ಕಾಸು ಕೊಟ್ಟು ಕಾಯಿಲೆ ಕೊಂಡಂತೆ" ಎಂದು ಹೌಹಾರುವಂತಾಗಿದೆ. 


ಇಷ್ಟೆಲ್ಲಾ ಅನಾಹುತಗಳಾದ ಮೇಲೆ ಸರಕಾರ ಕೆಟ್ಟ ಮೇಲೆ ಬುದ್ಧಿ ಬಂದವರಂತೆ ಪರಿಹಾರೋಪಾಯಗಳನ್ನು ಹುಡುಕಲು ಏದುಸಿರು ಬಿಡುತ್ತಿದೆ. ಊನವಾಗಿರವ ಕುಟ್ಟನಾಡಿಗೆ ಕಾಲಕಾಲಕ್ಕೆ ಸರಕಾರ ಬಿಡುಗಡೆ ಮಾಡುವ ಯಾವ ಪರಿಹಾರದ ಹಣಕಾಸಿನ ಪ್ಯಾಕೇಜು ಸಹ ಸಹಾಯಕವಾಗಲಾರದು. ಏಕೆಂದರೆ ಆಗಿರುವ ಹಾನಿ ತಿರುಗಿ ಸರಿಪಡಿಸಲಾಗದಂತದ್ದು. ಆದರೆ ಮಾಡಬಾರದ್ದನ್ನ ಮಾಡಿದರೆ ಆಗಬೇಕಾದದ್ದು ಆಗಿಯೆ ತೀರುವಂತೆˌ ಕುಟ್ಟನಾಡು ಕೆಟ್ಟನಾಡಾಗಿರುವ ತನ್ನ ಕಮಂಗಿತನದ ಉದಾಹರಣೆ ಕಣ್ಮುಂದೆಯೆ ಇದ್ದರೂ ಮಲಯಾಳಿಗಳು ಮತ್ತೊಂದು ನಾಡಿನಲ್ಲೂ ಇದೆ ಕುಟ್ಟನಾಡಿನ ಕೃತ್ಯ ಎಸಗಲು ಜಾಗ ಹುಡುಕಿಕೊಂಡು ಗುಳೆ ಹೋಗುತ್ತಲೆ ಇದ್ದಾರೆ. ಪರಿಸರದ ಸಂತುಲಿತತೆಯನ್ನ ಬೇಕಾಬಿಟ್ಟಿ ಮೈಮೇಲೆ ಪ್ರಜ್ಞೆಯಿಲ್ಲದವರಂತೆ ಎಡಬಿಡದೆ ಕೆಡಿಸುತ್ತಲೆ ಇದ್ದಾರೆ.


*****


ಇನ್ನೊಂದು ದೊಡ್ದ ಕ್ಷೇತ್ರದಲ್ಲೇನಾದರೂ ಕೇರಳದ ಅತಿದೊಡ್ಡ ವೈಫಲ್ಯವೇನಾದರೂ ಇದ್ದರೆ ಬಹುಶಃ ಅದು ಹೈನೋದ್ಯಮದಲ್ಲಿ. ದನವನ್ನ ಓಡಾಡುವ ಆಹಾರದ ಬೆಟ್ಟದಂತೆ ಪರಿಗಣಿಸುವವರೆ ಬಹುಸಂಖ್ಯಾತರಾಗಿರುವ ಮಲಯಾಳಿಗಳಲ್ಲಿ ಸಹಕಾರಿ ತತ್ವದಡಿಯಲ್ಲಿ ಒಂದು ಬಲಿಷ್ಠ ಹಾಲುತ್ಪಾದಕ ಮಹಾಮಂಡಳವನ್ನ ಈತನಕ ಕಟ್ಟಲಾಗಿಲ್ಲ. 


ಮಿಲ್ಮಾ ಅನ್ನುವ ಸಹಕಾರಿ ತತ್ವದ ಹಾಲುತ್ಪಾದಕ ಸಂಘ ಇದೆಯಾದರೂˌ ಅದರದ್ದೆ ಸಹೋದರ ಸಂಘಟನೆಗಳಾಗಿರುವ ಕರ್ನಾಟಕದ ನಂದಿನಿ ಹಾಗೂ ತಮಿಳುನಾಡಿನ ಆವಿಲ್ ಹಾಲುತ್ಪಾದನೆಯ ಎದುರಿಗದು ಸಿಂಗನ ಮುಂದಿನ ಮಂಗನಂತದ್ದು. ಆಟಕ್ಕುಂಟು ಲೆಕ್ಖಕ್ಕಿಲ್ಲ ಅನ್ನುವಂತಾ ಪರಿಸ್ಥಿತಿ. ಲಾಭದಾಯಕವಾಗಿಲ್ಲದೆ ವರ್ಷವೂ ನಷ್ಟದ ಬಾಬ್ತಿನ ವ್ಯವಹಾರದ ಜೇಡರಬಲೆಯಲ್ಲೆ ಸಿಲುಕಿರುವ ಮಿಲ್ಮಾದ ಬಹುತೇಕ ಹಾಲುತ್ಪಾದನೆಯ ಮೂಲ ನೆರೆಯ ಕರ್ನಾಟಕ ಹಾಲುತ್ಪಾದಕ ಮಹಾಮಂಡಳ. ಅಲ್ಲಿಂದ ಟ್ಯಾಂಕರುಗಳಲ್ಲಿ ತರಿಸುವ ಹಾಲನ್ನ ಇಲ್ಲಿನ ಹೆಸರು ಹೊತ್ತ ಪೊಟ್ಟಣದಲ್ಲಿ ಕಟ್ಟಿ ಗ್ರಾಹಕರಿಗೆ ಪೂರೈಸಲಾಗುತ್ತದೆ ಅಂದರೆ ಅದರ ಶೋಚನೀಯ ಪರಿಸ್ಥಿತಿಯನ್ನ ಒಮ್ಮೆ ಊಹಿಸಿ.


ಚಿನ್ನವದೆಷ್ಟೆ ಇದ್ದರೂ ಹಸಿವಿಗೆ ಹೊಟ್ಟೆಗದನ್ನ ತಿನ್ನಲಾದೀತೆ? ಒಕ್ಕೂಟ ವ್ಯವಸ್ಥೆಯಲ್ಲಿರುವುದು ಸತ್ಯವಾದರೂ ಸಹ ತನಗೆ ಅಗತ್ಯವಿರುವಷ್ಟು ಆಹಾರದ ಉತ್ಪಾದನೆಯಲ್ಲಾದರೂ ಸ್ವಾವಲಂಬಿಯಾಗದಿದ್ದರೆ ಕೇರಳದ ಆಹಾರ ಭದ್ರತೆಯ ಭವಿಷ್ಯ ಕರಾಳವಾದರೂ ಅಚ್ಚರಿಯೇನಿಲ್ಲ. ಆಹಾರ ಧಾನ್ಯಗಳಿಗಾಗಿˌ ಹಾಲಿಗಾಗಿ ಹೀಗೆಯೆ ಪರರಾಜ್ಯಗಳ ಮೇಲೆ ಅವಲಂಬಿತರಾಗಿಯೆ ಮುಂದುವರೆಯುವುದು ರಾಜ್ಯದ ಆರ್ಥಿಕ ಆರೋಗ್ಯದ ದೃಷ್ಚಿಯಿಂದಲೂ ಸಹ ಹಿತಕಾರಿಯಲ್ಲ.


*****


ಬೀಡಿ - ಮೀನು - ತೆಂಗು ಹಾಗೂ ಕಳ್ಳಿನ ಉತ್ಪಾದನೆಯಲ್ಲಿ ಕೇರಳ ಇನ್ನುಳಿದ ರಾಜ್ಯಗಳಿಗಿಂತ ಮುಂದಿರುವುದೇನೋ ನಿಜ. ಆದರೆ ಅದರ ಬಹುಪಾಲು ಅಲ್ಲಿನ ಗ್ರಾಹಕರಿಗೆ ಸಾಕಾಗುವುದಿಲ್ಲ. ಧೂಮಪಾನಿಗಳ ಸಂಖ್ಯೆ ಇಲ್ಲಿ ಅಧಿಕˌ ಮೀನಿಲ್ಲದ ಊಟ ಮಾಡುವ ಶುದ್ಧ ಸಸ್ಯಾಹಾರಿಗಳು ಬಹುತೇಕ ಯಾರೂ ಇಲ್ಲಿಲ್ಲ. ಅಡುಗೆಗೆˌ ತಲೆಗೆ ಹಚ್ಚಲುˌ ಬಾಳೆ ಹಾಗೂ ಗೆಣಸಿನ ಚಿಪ್ಸುಗಳನ್ನ ಕರಿಯಲು ಮೈಗೆ ಮಾಲೀಸು ಮಾಡಲು ತೆಂಗಿನೆಣ್ಣೆಯೆ ಇವರ ಪ್ರಾಥಮಿಕ ಆಯ್ಕೆˌ 

( ಇನ್ನೂ ಇದೆ.)


https://youtu.be/fM0ps5v5Z7A

08 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೪.👊

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೪.👊


ಆದರೂ ಅವನ ಆ ದಿನದ ಸಂಬಳವನ್ನ ಉಳಿದ ಕೂಲಿಗಳೆಲ್ಲ ತಮ್ಮ ದುಡಿಮೆಯಿಂದ ತಲಾವಾರು ಚಂದಾ ಹಾಕಿ ಕೊಡುತ್ತಾರೆ! ಅವನ ವಾರ್ತಾಲಾಪ ಸೇವೆಗೆ ಹೀಗೆ ಸಂಬಳ ಸಂದಾಯವಾಗುತ್ತದೆ. ಒಂಥರಾ ಸಮಾಜವಾದಿ ನಡುವಳಿಕೆಯನ್ನ ಇದರಲ್ಲಿ ಕಾಣಬಹುದು. 


ಇನ್ನು "ಪತ್ರಂ"ಗಳೆಂದೆ ಮಲಯಾಳಿಗಳು ಕರೆಯುವ ದಿನಪತ್ರಿಕೆಗಳನ್ನ ಓದದ ಮಲಯಾಳಿಯೆ ಬಹುಶಃ ಇರಲಿಕ್ಕಿಲ್ಲ. ಇಷ್ಟು ಸಣ್ಣ ರಾಜ್ಯದಿಂದ ಮಲಯಾಳಂ ಭಾಷೆಯಲ್ಲಿ ಪ್ರಕಟವಾಗುತ್ತಿದ್ದ "ಮಲಯಾಳ ಮನೋರಮಾ"ದಂತಹ ಪತ್ರಿಕೆ ಒಂದು ಹಂತದಲ್ಲಿ ದಿನಕ್ಕೆ ಮೂವತ್ತಾರು ಲಕ್ಷದವರೆಗೂ ಪ್ರಸರಣ ಸಂಖ್ಯೆಯಲ್ಲಿ ಏರಿತ್ತು. ಇವತ್ತು ಅಷ್ಟಿಲ್ಲˌ ಅನಿಸುತ್ತೆ. ಇಪ್ಪತ್ತೈದು ಲಕ್ಷದ ಹತ್ತಿರಕ್ಕೆ ಕುಸಿದಿರಬಹುದು. ಆದರೂ ಆಂಗ್ಲದ "ಟೈಂಸ್ ಆಫ್ ಇಂಡಿಯಾ" ಹಿಂದಿಯ "ದೈನಿಕ ಜಾಗರಣ"ದ ನಂತರ ಭಾರತದ ಹೆಚ್ಚು ಓದುಗರಿರುವ ಪತ್ರಿಕೆ ಮಾತ್ರ ಅದೆ. ಅಂದರೆ ನೂರಕ್ಕೆ ಹತ್ತು ಶೇಕಡಾ ಮಲಯಾಳಿ ಪತ್ರಿಕೆ ಓದುತ್ತಾನೆˌ ಅದೂ "ಮಲಯಾಳ ಮನೋರಮ"ವನ್ನಂತೂ ತಪ್ಪದೆ ಓದುತ್ತಾನೆ ಅಂತಾಯಿತಲ್ಲ!


ಇನ್ನು ಇಲ್ಲಿಂದ ಪ್ರಕಟವಾಗುವ ಪತ್ರಿಕೆಗಳಿಗೂˌ ಇಲ್ಲಿನವರ ರಾಜಕೀಯ ಇಷ್ಟ ಅನಿಷ್ಟಗಳಿಗೂ ನೇರಾನೇರ ಸಂಬಂಧವಿದ್ದುˌ ಬಾಕಿ ಇನ್ನುಳಿದ ಭಾಷೆಗಳ ಪತ್ರಿಕೆಗಳ ರಾಜಕೀಯ ನಿಲುವುಗಳಿಗಿಂತ ಇಲ್ಲಿನ ಪತ್ರಿಕೆಗಳ ರಾಜಕೀಯ ನಿಲುವು ಪ್ರಖರ. ಎಡಪಕ್ಷಗಳ ಮುಖವಾಣಿ "ದೇಶಾಭಿಮಾನಿ"ˌ ಕಾಂಗ್ರೆಸ್ಸಿನ ಮುಖವಾಣಿ "ಮಾತೃಭೂಮಿ"ˌ ಸಂಘ ಪರಿವಾರದವರ ಕರಪತ್ರ "ಜನ್ಮಭೂಮಿ"ˌ ಅತ್ಲಾಗೋ ಇತ್ಲಾಗೋ ಅಂತ ಗೊಂದಲದಲ್ಲಿ ನಡುಪಂಥ ಅನುಸರಿಸುವ "ಕೇರಳ ಕೌಮುದಿ"ˌ ಕಾಸು ಕೊಟ್ಟವರಿಗೆ ಒಲಿಯಲು ತಯಾರಾಗಿ ಕೂತಿರುವ "ಮಲಯಾಳ ಮನೋರಮ" ಹೀಗೆ ಓದುಗರ ಭಾವಕ್ಕೆ ತಕ್ಕಂತೆ ಭಕ್ತಿಯ ಪ್ರದರ್ಶನ ಇಲ್ಲಿನ ದಿನಪತ್ರಿಕೆಗಳಲ್ಲಾಗುತ್ತೆ. ಒಟ್ಟಿನಲ್ಲಿ ಈ ಪತ್ರಂ ಹಾಗೂ ಕಟ್ಟಂಚಾಯಗಳಿಲ್ಲದೆ ಬಹುತೇಕ ಮಲಯಾಳಿಗಳ ಪಾಲಿಗೆ ದಿನದ ಬೆಳಕು ಹರಿಯದು.

*****


ಇದರಿಂದಲೆ ಇಬ್ಬರು ಮಲಯಾಳಿಗಳು ಸೇರಿದರೆ ಅಲ್ಲಿ ಟ್ರೇಡ್ ಯೂನಿಯನ್ ಶುರುವಾಗುತ್ತೆ. ಅಪ್ಪಿತಪ್ಪಿ ಮೂರನೆಯವನೇನಾದರೂ ಕೂಡಿಕೊಂಡರೆ ಪ್ರತಿಭಟನೆಯ ಮೆರವಣಿಗೆ ಹೊರಟು ಬಿಡುತ್ತಾರೆ! ಅನ್ನುವ ಜೋಕು ಮಲಯಾಳಿಗಳಲ್ಲಿಯೆ ಚಾಲ್ತಿಯಲ್ಲಿದೆ. 


ಇತ್ತೀಚೆಗೆ ಮೊದಲಿನಷ್ಟಿಲ್ಲದಿದ್ದರೂ ಸಹ "ಸಮರಂ" ಎಂದು ಮಲಯಾಳಿಗಳು ಕರೆಯುವ ಕೆಂಬಾವುಟ ಹೊತ್ತ ಕಮುನಿಸ್ಟರ ಮುಂದಾಳತ್ವದ ಹೋರಾಟದ ಆಂದೋಲನ ಆಗಾಗ ಅಲ್ಲಲ್ಲಿ ನಡೆಯುತ್ತಿರದಿದ್ದರೆ ಅದು ಕೇರಳವೆ ಅಲ್ಲ. ಅಷ್ಟರ ಮಟ್ಟಿಗೆ ಸಮರಂ ಮಲಯಾಳಿಗಳ ನಿತ್ಯದ ಬದುಕಿನಲ್ಲಿ ಹಾಸು ಹೊಕ್ಕಾಗಿದೆ. 


ಇಲ್ಲಿನ ಎಡಪಕ್ಷಗಳೂ ಸಹ ಒಂದೆರಡಲ್ಲˌ ಆಂತರಿಕ ಕಚ್ಚಾಟಗಳ ಫಲವಾಗಿ ಎಡಪಕ್ಷಗಳಲ್ಲೆ ಛಪ್ಪನ್ನರವತ್ತಾರು ಚೂರುಗಳಿಲ್ಲಿವೆ. ಒಂದೊಂದು ಬಣದ್ದು ಒಂದೊಂದು ದಿಕ್ಕಾಗಿದ್ದರೂ ಸಹ ಚುನಾವಣಾ ರಾಜಕೀಯದ ವಿಷಯ ಬಂದಾಗ ಮಾತ್ರ ತಮ್ಮೆಲ್ಲಾ ಆಂತರಿಕ ಭಿನ್ನಾಭಿಪ್ರಾಯ ಮರೆತು ಎಲ್ಲಾ ಎಡಪಕ್ಷಗಳು ಒಂದಾಗಿ ಚುನಾವಣೆ ಎದುರಿಸುತ್ತವೆ.


*****

ಇನ್ನು ಸಣ್ಣ ರಾಜ್ಯವಾಗಿರುವ ಕಾರಣ ಮಲಯಾಳಿಗಳಿಗೆ ಅಭಿವೃದ್ಧಿ ಪಥ ಹಾಗೂ ಪರಿಸರದ ನಡುವಿನ ಅನುಸಂಧಾನ ಯಾವತ್ತಿಗೂ ತೃಪ್ತಿಕರವಾಗಿ ಸಾಧಿಸಲು ಸಾಧ್ಯವಾಗಿಲ್ಲ. ಇಂದಿರಾ ಗಾಂಧಿ ಸರಕಾರದ ಕೃಪೆಯಿಂದ "ಮೌನ ಕಣಿವೆ"ಯಂತಹ ಪರಿಸರ ಸೂಕ್ಷ್ಮ ಪ್ರದೇಶ ಉಳಿದಿದೆ ಅನ್ನೋದನ್ನ ಬಿಟ್ಟರೆ ಉಳಿದಂತೆ ಇಲ್ಲಿ ಪರಿಸರ ಸಂಬಂಧಿ ವಿಷಯಗಳಲ್ಲಾದದ್ದೆಲ್ಲಾ ಎಡವಟ್ಟುಗಳೆ. 


ಕರ್ನಾಟಕದಿಂದ  ಕೊಳ್ಳೆ ಹೊಡೆದ ತುಳುನಾಡಿನ ತಾಲೂಕು ಕಾಸರಗೋಡಿನಲ್ಲಿ ಸಹಜ ಅರಣ್ಯ ಬೋಳಿಸಿ ಬೆಳೆಸಲಾಗಿರುವ ಸರಕಾರಿ ಗೇರು ಅಭಿವೃದ್ಧಿ ಪ್ರಾಧಿಕಾರದ ತೋಟಗಳ ಮೇಲೆ ಹೆಲಿಕ್ಯಾಪ್ಟರಿನಿಂದ ತಂದು ಸುರಿದ ಎಂಡೋಸಲ್ಫಾನಿನ ವಿಷ ಮಳೆಯೆ ಇರಲಿˌ ವಯನಾಡಿನಂತಹ ಮಲೆನಾಡಿನ ಜಿಲ್ಲೆಯಲ್ಲಿ ನಿರ್ಮಿಸಲಾಗಿರುವ ಬಾಣಾಸುರ ಅಣೆಕಟ್ಟು ಅಥವಾ  ಕರಪುಳ ಅಣೆಕಟ್ಟೆಯೆ ಆಗಿರಲಿˌ ಸಹಜ ಕಾಡಿದ್ದಲ್ಲಿ ಅಪರಾ ತಪರಾ ಹಬ್ಬಿಸಲಾಗಿರುವ ಪಾಲ್ಘಾಟಿನ ತೃಶೂರು ಕೊಟ್ಟಾಯಂನ ಚಹಾ ತೋಟಗಳ ವಿಸ್ತರಣೆಯಲ್ಲೆ ಆಗಿರಲಿ. ಇಡುಕ್ಕಿ - ಪಟ್ಟಣಂತಿಟ್ಟ ಜಿಲ್ಲೆಗಳ ಕಾಡಂಚು ಅತಿಕ್ರಮಿಸಿ ಎಬ್ಬಿಸಿರುವ ರಬ್ಬರು ಹಾಗೂ ಏಲಕ್ಕಿ ಎಸ್ಟೇಟುಗಳ ವಿಷಯದಲ್ಲೆ ಆಗಿರಲಿ ಒಟ್ರಾಶಿ ಸರಿಯಾಗಿ ನಡುವಿನ ನರದ ಜಾಗದಲ್ಲೆ ಹರಿದು ಇಬ್ಭಾಗವಾಗಿಸಿರುವ ಕೆಸುವಿನೆಲೆಯ ಎಡತುಂಡಿನಂತಹ ಆಕಾರದ ಈ ರಾಜ್ಯ ಕೇರಳ ಅವಿವೇಕಿ ಮಲಯಾಳಿಗಳ ಓತಪ್ರೋತ ಅಭಿವೃದ್ಧಿಯ ಹೊಡೆತ ತಾಳಲಾರದೆ ಕಂಗಾಲಾಗಿ ಹೋಗಿರುವುದಂತೂ ಸುಸ್ಪಷ್ಟ. 


ಸಾಲದ್ದಕ್ಖೆ ಕೇವಲ ಹದಿನಾಲ್ಕೆ ಜಿಲ್ಲೆಗಳಿರುವ ಕೇರಳಕ್ಕೆ ಈಗಾಗಲೆ ಕಾರ್ಯಾಚರಿಸುತ್ತಿದ್ಧ ಕೋಳಿಕ್ಕೋಡುˌ ಕೊಚ್ಚಿನ್ ನಡುಂಬಸ್ಸೇರಿ ಹಾಗೂ ತಿರುವನಂತಪುರಂ ವಿಮಾನ ನಿಲ್ದಾಣಗಳೆ ಧಾರಾಳವಾಗಿ ಸಾಲುತ್ತಿದ್ಧರೂˌ ಅತಿ ಹತ್ತಿರದ ತುಳುನಾಡ ಮಂಗಳೂರು ವಿಮಾನ ನಿಲ್ದಾಣದ ಆದಾಯ ಕಂಡು ಅತಿಯಾಸೆಯಿಂದ ಕುರುಬಿ ಅನಗತ್ಯವಾಗಿ ಪರಿಸರ ಸೂಕ್ಷ್ಮ ಕಣ್ಣೂರಿನ ಮಲೆನಾಡು ಭಾಗದ ಸಂಪೂರ್ಣ ಗುಡ್ಡ ಸಪಾಟು ಮಾಡಿ ನಿರ್ಮಿಸಲಾದ ಹೊಸ ವಿಮಾನ ನಿಲ್ದಾಣ ಲೋಲುಪ ಮಲಯಾಳಿಗಳಿಗಿರುವ ದೂರದೃಷ್ಟಿಯ ಕೊರತೆಗೊಂದು ಜ್ವಲಂತ ನಿದರ್ಶನ. ಅದೂ ಸಹ ಅನಿರೀಕ್ಷಿತ ಜಲಪ್ರವಾಹ ಮೇಲಿಂದ ಮೇಲೆ ಎರಡೆರಡು ಸಲ ಅಲ್ಪಾಂತರಗಳಲ್ಲೆ ರಾಜ್ಯವನ್ನು ಕಾಡಿ ಮಾನವನ ಅಭಿವೃದ್ಧಿ ಪೀಡೆಗಳಿಂದ ವಿಪರೀತವಾಗಿ ಬಳಲಿದ್ದ ಭೂಮಿಯ ಭಯಂಕರ ಭೂಕುಸಿತದ ಸರಣಿಗಳಿಗೆ ಇಲ್ಲಿನ ಮಲೆನಾಡಿನ ಬೆಟ್ಟಗಳ ಸಾಲು ಸಾಕ್ಷಿಯಾಗಿ ಅಪಾರ ಹಾನಿಯಾದ ನಂತರವೂ ಇಂತಹ ಅಪ್ರಯೋಜಕ ಅಭಿವೃದ್ಧಿ ಮಾಡಲು ಹವಣಿಸಿದ್ದು ಅಕ್ಷಮ್ಯ.

ಇಷ್ಟೆಲ್ಲ ಅನಾಹುತಗಳ ಸರಣಿ ಅತ್ಯಾಚಾರಗಳನ್ನೆಸಗಿ ನಿಸರ್ಗ ಕನ್ಯೆಯನ್ನ ಕಾಡಿದ್ದು ಸಾಲದು ಎನ್ನುವಂತೆ ಪ್ರಳಯಾಂತಕ ಯೋಜನೆಯೊಂದನ್ನ ಅನುಷ್ಠಾನಗೊಳಿಸಿ ಪ್ರಕೃತಿಯ ಮೇಲೆ ಇನ್ನಷ್ಟು ವಿಕೃತಿಯನ್ನೆಸಗಲು ಈಗಿನ ಎಡಪಕ್ಷಗಳ ಸರಕಾರ ಟೊಂಕಕಟ್ಟಿ ನಿಂತಿದೆ. 

ಈಗಾಗಲೆ ಅರ್ಧ ಡಝ಼ನ್ ರೈಲ್ವೆ ಜಂಕ್ಷನ್ಗಳಿರುವ ಕೇರಳದಲ್ಲಿ ರೈಲು ಸಾಮೂಹಿಕ ಸಾರಿಗೆಯ ವಿಷಯದಲ್ಲಿ ಮಲಯಾಳಿಗಳೆಲ್ಲರ ಪ್ರಾಥಮಿಕ  ಆಯ್ಕೆಯಾಗಿರಲು ಕಾರಣಗಳಿವೆ. ರಾಜ್ಯದ ಉದ್ದಗಲಕ್ಕೂ ಹರಡಿರುವ ವಿಸ್ಕೃತ ರೈಲು ರಸ್ತೆಗಳ ಜಾಲˌ ನಿರಂತರವಾಗಿ ಇವೆಲ್ಲಾ ನಿಲ್ದಾಣಗಳ ನಡುವೆ ಹೆಚ್ಚಿನ ಸಮಯಾಂತರ ತೋರದೆ ಓಡುವ ರೈಲುಗಳು ಕನಿಷ್ಠ ಖರ್ಚಿನಲ್ಲಿ ಸಂಪರ್ಕ ಸಾಧಿಸಲು ಮಲಯಾಳಿಗಳಿಗೆ ವರದಾನದಂತೆ ಒದಗಿ ಬಂದಿರುವುದು ದಿಟ. ದಕ್ಷಿಣದ ರಾಜಧಾನಿ ತಿರುವನಂತಪುರಂನಿಂದ ಪೂರ್ವದ ಪಾಲ್ಘಿಟಿಗೆ ಕಡಿಮೆ ವೇಗದ ರೈಲಿಗೇನೆ ಹೋಗಿ ತಲುಪಲು ಏಳು ತಾಸು ಸಾಕು. ಉತ್ತರದ ಕಾಸರಗೋಡು ಮುಟ್ಟಲು ಸರಿಸಮಾರು ಹನ್ನೆರಡು ತಾಸು ಬೇಕು. ಅಂತದ್ದರಲ್ಲಿ ಕಾಸರಗೋಡಿನಿಂದ ತಿರುವನಂತಪುರಂ ಸಂಪರ್ಕಿಸಲು ಕೇವಲ ನಾಲ್ಕೆ ನಾಲ್ಕು ತಾಸು ಸಾಕಾಗುವ ಹೊಸ "ಸಿಲ್ವರ್ ಲೈನ್" ಅನ್ನುವ ಅತಿವೇಗದ ರೈಲು ಯೋಜನೆಯನ್ನ ಜಾರಿಗೊಳಿಸಲಾಗಿದೆ. ಈಗಿರುವ ರೈಲ್ವೆ ಜಾಲದಿಂದ ಇದಕ್ಕೆ ಉಪಯೋಗವಿಲ್ಲ. ಹೊಸ ಹಳಿ ಹಾಸಲುˌ ಎತ್ತರಿಸಿದ ಮಾರ್ಗ ಹಾಗೂ ನೆಲಾಂತರ್ಗತ ಮಾರ್ಗ ನಿರ್ಮಿಸಲು ಮತ್ತಷ್ಟು ಪರಿಸರ ಪೀಡನೆ ಆಗಲಿಕ್ಕಿದೆ. ನಾಲ್ಕು ತಾಸಲ್ಲಿ ತಿರುವನಂತಪುರದಿಂದ ಕಾಸರಗೋಡಿಗೆ ಹೋಗಿ ಅಷ್ಟು ತುರ್ತಾಗಿ ಆಗಬೇಕಿರುವುದಾದರೂ ಏನು? ಎನ್ನುವ ಪ್ರಶ್ನೆಗಂತೂ ಇವನಿಗೆ ಉತ್ತರ ಸಿಕ್ಕಿಲ್ಲ. ಒಟ್ಟಿನಲ್ಲಿ ಈ ಮಲಯಾಳಿಗಳು ಅದಾಗಲೆ ಆಗಿರುವ ಅನಾಹುತಗಳಿಂದ ಪಾಠವನ್ನಂತೂ ಕಲಿತ ಯಾವುದೆ ಲಕ್ಷಣಗಳಿಲ್ಲ.

ಇಷ್ಟೆಲ್ಲ ಅವಾಂತರಗಳ ಸರಣಿಯೆ ಕಣ್ಣ ಮುಂದಿದ್ದರೂ ಅದರಿಂದ ಬುದ್ಧಿ ಕಲಿಯದ ಈ ಮಡ್ಡ ಮಲಯಾಳಿ ಅತಿಬುದ್ಧಿವಂತರಿಗೆ ಪರಿಸರ ಪ್ರಜ್ಞೆ ಮರೆತು ಗಬ್ಬೆಬ್ಬಿಸಲು ಪರರ ನಾಡೆ ಆಗಬೇಕಂತೇನೂ ಇಲ್ಲ. ಈ ನವ ಭಸ್ಮಾಸುರರಿಗೆ ಹುಟ್ಟೂರು ಕೇರಳವಾದರೂ ಆಗುತ್ತೆ.

( ಇನ್ನೂ ಇದೆ.)



https://youtu.be/RU57WDLiCWc

07 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೩ 👊

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೩ 👊
 

ಕುಗುರುತ್ತಾ ಅರೆನಿದ್ದೆ ಕಣ್ಣಲ್ಲಿ ತನ್ನೊಂದಿಗೆ ತನ್ನನ್ನ ನಂಬಿ ಹೆಜ್ಜೆ ಹಾಕುತ್ತಿದ್ದ ಸುಭಾಶನನ್ನ ಹೆಗಲ ಮೇಲೆ ಕೈ ಹಾಕಿಕೊಂಡು ಮುನ್ನಡೆಸುತ್ತಿದ್ದ ಅವನ ಮನದಲ್ಲಿ ಮಮತೆ ಉಕ್ಕಿ ಬಂತು. ಮಕ್ಕಳೆಂದರೆ ಅವನಿಗೆ ಮುದ್ದು. ಎಳೆಯರ ಮನ ಗೆಲ್ಲುವ ತಂತ್ರಗಳಲ್ಲಿ ನಿಪುಣನಾಗಿರುವ ಅವನು ಒಬ್ಬ ಒಳ್ಳೆಯ ರಡಿಮೇಡ್ ಫಾದರ್ ಮೆಟೀರಿಯಲ್. ಸಾರ್ವಜನಿಕ ಸ್ಥಳಗಳಲ್ಲಿ ತಮ್ಮ ತಮ್ಮ ಪುಟ್ಟ ಮಕ್ಕಳನ್ನ ನಡೆಸಿಕೊಂಡೋˌ ಇಲ್ಲಾ ಎತ್ತಿಕೊಂಡೋ ಸಾಗುವ ಅವನ ಸಮವಯಸ್ಕ ಅಪ್ಪಂದಿರು ಎದುರಾದಾಗಲೆಲ್ಲಾ ಅವ್ಯಕ್ತವಾದ ಅಸೂಯೆಯೊಂದು ಅವನ ಮನದಲ್ಲಿ ಮೂಡೋದಿದೆ. ತನಗೆ ಆ ಸುಖ ಇನ್ನೂ ಸಿಕ್ಕಿಲ್ಲವಲ್ಲ ಅನ್ನುವ ಕಳವಳ ಹುಟ್ಟಿಸುವ ಆ ಹತಾಶೆ ಜನ್ಯ ಹೊಟ್ಟೆಕಿಚ್ಚು ಕ್ಷಣಭಂಗುರವಷ್ಟೆ. ಈ ಒಂಟಿತನˌ ಒಬ್ಬಂಟಿ ಅವಿವಾಹಿತ ಬಾಳ್ವೆ ತನ್ನದೆ ಆಯ್ಕೆ ಅನ್ನುವ ಅರಿವು ಅವನನ್ನ ವಾಸ್ತವವಾದಿಯಾಗಿಸುತ್ತೆ. 

ಅಷ್ಟಲ್ಲದೆ ಸಾಂಸಾರಿಕ ಬಂಧನದ ಕಟ್ಟುಪಾಡಿಗೆ ಒಳಪಡದೆಯೂ ಒಂದು ಒಳ್ಳೆಯ ಉದ್ದೇಶ ಹೊತ್ತು ಜೈವಿಕವಾಗಿ ತಾನು ಅದಾಗಲೆ "ಅಪ್ಪ" ಆಗಿರುವುದರಿಂದ ಹುಟ್ಟುವ ಹೊಟ್ಟೆಯುರಿಗೆ ಆ ಆತ್ಮಸಂತೃಪ್ತಿ ಕೊಂಚ ತಣ್ಣೀರೆರಚುವುದೂ ಇದೆ. ಅದೊಂದು ಬೇರೆಯೆ ಕಥೆ. ಮುಂದೆಂದಾದರೂ ಅವನೆ ಅದನ್ನ ಬರೆದಾನು.

ಸುಭಾಶ ಇನ್ನೂ ಪುಟ್ಟ ಮಗುವಾಗಿದ್ದರೆ ತೋಳಿನಲ್ಲಿ ಎತ್ತಿಕೊಂಡೆ ಮನೆ ಮುಟ್ಟಿಸುತ್ತಿದ್ದ. ಆದರೆ ಎಳೆ ಹುಡುಗ ಬೆಳೆದು ನಿಂತಿದ್ದಾನೆ. ಎತ್ತಲಾಗದು. ಪಾಪˌ ಅಪ್ಪನಿಲ್ಲದ ಕೂಸು.ಇನ್ನೂ ವಾಸ್ತವ ಪ್ರಪಂಚದ ಕುಟಿಲ ವ್ಯಾವಹಾರಿಕತೆಗೆ ನೇರ ಮುಖಾಮುಖಿ ಆದ ಹಾಗಿಲ್ಲ. ಆದರೆ ಬದುಕಿನ ಅನಿವಾರ್ಯತೆಗಳು ಕುತ್ತಿಗೆ ಹಿಡಿದು ತಳ್ಳಿ ಕುಟಿಲ ಪ್ರಪಂಚದ ನೈಜ ದರ್ಶನ ಮಾಡಿಸುವಾಗ ಅವನ ಮಗು ಮನಸ್ಸು ಅದನ್ನ ಹೇಗೆ ಸ್ವೀಕರಿಸಬಹುದು? ಆಗ ಎದುರಾಗುವ ಕಠಿಣ ವಾಸ್ತವಗಳಿಗೆ ಹೇಗೆ ಪ್ರತಿಸ್ಪಂದಿಸಬಹುದು? ಎಂದು ಆಲೋಚಿಸುತ್ತಲೆ ಹೆಜ್ಜೆ ಮುಂದುವರೆಸಿದ. ಬಯಸಿಯೋ ಬಯಸದೆಯೋ ಅವನದನ್ನ ಎದುರಿಸಿ ಈಜುವುದು ಅನಿವಾರ್ಯ ಕರ್ಮ. ಕಾಲು ಶತಮಾನದ ಹಿಂದೆ ತನ್ನನ್ನೂ ಹೀಗೆ ಸೋರೆ ಬುರುಡೆಯನ್ನೂ ಬೆನ್ನಿಗೆ ಬಿಗಿಯದೆ ಬದುಕಿನ ಉಕ್ಕಿ ಹರಿಯುವ ಹೊಳೆಗೆ ಬಲವಂತವಾಗಿ ದೂಕಿ ಈಜಲು ಒತ್ತಾಯಿಸಲಾಗಿತ್ತು ಅನ್ನುವ ನೆನಪವನಿಗಾಯಿತು. ಇವನಿಗೂ ಎದುರಾಗಬಹುದಾದ ಸಂಭವನೀಯ ಸಂಭವಗಳು ಅವನೂ ಸಹ ಎದುರಿಸಿ ಬೆಳೆದುಬಂದಿದ್ದ.

*****

ಕೇರಳದ ಸಾಮಾಜಿಕ ಬದುಕಿನ ಕೆಲವು ಮನ ಸೆಳೆಯುವ ಅಂಶಗನ್ನ ಆತ ಗಮನಿಸಿ ಬೆರಗಾಗಿದ್ದಾನೆ. ಅಕ್ಷರ ಜ್ಞಾನವನ್ನ ಸಮಾಜದ ವೃದ್ಧಾತಿವೃದ್ಧ ಕಟ್ಟಕಡೆಯ ವ್ಯಕ್ತಿಗೂ ತಲುಪಿಸಿದ ಹೆಗ್ಗಳಿಕೆ ಅಲ್ಲಿನ ಆಳುವವರಿಗಿದೆ. ಸರ್ವರಿಗೂ ಆರೋಗ್ಯಭಾಗ್ಯˌ ಗುಣಮಟ್ಟದ ಶಿಕ್ಷಣ ಹಾಗೂ ನೆಮ್ಮದಿಯ ಸೂರು ಇವು ಮೂರನ್ನ ಒದಗಿಸೋದು ಸರಕಾರ ತೋರುವ ಔದಾರ್ಯವೇನಲ್ಲ. ಅದು ಪ್ರಜೆಗಳ ಜನ್ಮಜಾತ ಹಕ್ಕು ಅನ್ನುವ ನಂಬಿಕೆಯಿರುವ ಅನ್ನ ತಿನ್ನುವ ರಾಜಕಾರಣಿಗಳ ರಾಜ್ಯ ಅದು. ಹೀಗಾಗಿ ನಾನು ಪುಗಸಟ್ಟೆ ಪಡಿತರ ಕೊಟ್ಟೆ ಅಂತ ಪಡಿತರ ಸಾಮಗ್ರಿ ಸಂಗ್ರಹ ಮತ್ತು ವಿತರಣೆಯ ಒಟ್ಟು ಖರ್ಚಿನ ಬಾಬ್ತಿನಲ್ಲಿ ದುಪ್ಪಟ್ಟು ಸರಕಾರಿ ಖಜಾನೆಯಿಂದ ವ್ಯಯಿಸಿ ಪ್ರಚಾರ ಸಾಮಗ್ರಿಗಳ ಮೇಲೆ ಖರ್ಚು ಮಾಡುವ ಚಿಲ್ಲರೆ ಶೋಕಿ ಇಲ್ಲಿನ ಆಳುವ ವರ್ಗಕ್ಕಿಲ್ಲ.

ರಾಜಕೀಯವಾಗಿ ಈ ಮಲಯಾಳಿಗಳು ಅದೆಷ್ಟು ಪ್ರಜ್ಞಾವಂತರೋ ಅಷ್ಟೆ ತಿಕ್ಕಲು ಎಡವಟ್ಟರೂ ಸಹ. ಏಕಪಕ್ಷದ ಆಡಳಿತ ಅದೆಂದೋ ಕೊನೆಯಾಗಿರುವ ಈ ಕೇರಳದಲ್ಲೆ ಈ ದೇಶದಲ್ಲೆ ಮೊತ್ತಮೊದಲ ಸಲ ಸಮ್ಮಿಶ್ರ ಸರಕಾರದ ಪ್ರಯೋಗವಾಗಿದ್ದು ಹಾಗೂ ಯಾವುದೆ ಸಮಸ್ಯೆಯಿಲ್ಲದೆ ಈತನಕವೂ ಸರದಿ ಪ್ರಕಾರ ಕಾಂಗ್ರೆಸ್ ಪಕ್ಷದ ನೇತೃತ್ವವಿರೋ ಸಂಯುಕ್ತ ಪ್ರಜಾಸತ್ತಾತ್ಮಕ ರಂಗ ಹಾಗೂ ವಾಮಪಕ್ಷಗಳ ನೇತೃತ್ವದ ಎಡ ಪ್ರಜಾಸತ್ತಾತ್ಮಕ ರಂಗ ಅಧಿಕಾರ ಹಿಡಿಯುವ ಅದಲು ಬದಲಿನ ಸಂಪ್ರದಾಯವಿದ್ದರೂ ಅಪರೂಪಕ್ಕೆ ಕಳೆದ ಎರಡು ಅವಧಿಯಿಂದ ಎಡಪಕ್ಷಗಳ ಒಕ್ಕೂಟವೆ ಅಧಿಕಾರದಲ್ಲಿದೆ. ಭಾರತದ ಸಂವಿಧಾನದ ಅಡಿಯಲ್ಲಿ ಮೊತ್ತಮೊದಲ ಅಧಿಕಾರಕ್ಕೇರಿದ್ದ ಸರಕಾರ ಅನ್ನುವ ಕೊಂಬೂ ಸಹ ಇಲ್ಲಿನ ಎಡಪಕ್ಷಗಳ ಒಕ್ಕೂಟಕ್ಕೆ ಇದೆ.

ಆದರೆ ಅತಿಯಾದರೆ ಅಮೃತವೂ ವಿಷ ಅನ್ನುವಂತೆ ಇಲ್ಲಿನ ಜಮಿನ್ದಾರಿ ಹಾಗೂ ಪಾಳೆಗಾರಿಕೆ ವ್ಯವಸ್ಥೆಯ ವಿರುದ್ಧ ದುಡಿಯುವ ವರ್ಗದ ಹಿತ ಕಾಯಲು ಅಸ್ತಿತ್ವಕ್ಕೆ ಬಂದ ಎಡಪಂಥೀಯ ಹೋರಾಟ ತನ್ನ ವಿಚಾರಧಾರೆಯನ್ನ ಕಂಡ ಕಂಡಲ್ಲೆಲ್ಲಾ ತುಂಬಲು ಹೋಗಿ ಜನಸಾಮಾನ್ಯರ ಮಧ್ಯೆ ಹಾಸ್ಯಾಸ್ಪದವಾಗಿ ಹೋಗಿದೆ. ಉಭಯ ರಂಗಗಳ ಪರಸ್ಪರ ರಾಜಕೀಯ ವೈರತ್ವ ಮಾತು ಮಾತಿನಿಂದ ಆರಂಭವಾಗಿ ದೊಂಬಿ ಗಲಭೆ ಕೊಲೆಯಲ್ಲಿ ಕೊನೆಯಾದದ್ದೂ ಇದೆ. ಕೇವಲ ಕಟ್ಟಂಚಾಯ ಕುಡಿಯಲು ಬರುವ ಗಿರಾಕಿಗಳ ಮಧ್ಯೆ ಪರಸ್ಪರ ಚಿಕ್ಕಪುಟ್ಟ ಮಾತುಗಳ ತಿಕ್ಕಾಟದಿಂದ ಆರಂಭವಾಗಬಹುದಾದ ಸಂಭವನೀಯ ರಾಜಕೀಯ ಚರ್ಚೆಗಳು ವಿಕೋಪಕ್ಕೆ ತಿರುಗಿ ಭೀಕರ ಗಲಭೆ ಹೊಡೆದಾಟ ಕೊಲೆಯಲ್ಲಿ ಕೊನೆಯಾಗುವ ಅಪಾಯದ ಅರಿವಿರುವ ಅತಿ ಸಣ್ಣ ಊರಿನ ತಟ್ಟಿ ಹೊಟೆಲಿನವರೂ ಮುಂಜಾಗ್ರತಾ ಕ್ರಮವಾಗಿ "ರಾಷ್ಟ್ರೀಯಂ ಪಾಡಿಲ್ಲ" ಅಂದರೆ രാഷ്ട്രീയം പാടില്ല = ರಾಜಕೀಯ ಮಾತನಾಡಬಾರದು ಅಂತ ತಮ್ಮ ಗಿರಾಕಿಗಳಿಗೆ ತಾಕೀತು ಮಾಡಿರುವ ಸ್ಲೇಟಿನಲ್ಲಿ ಸೀಮೆಸುಣ್ಣದಿಂದ ಕೈ ಬರಹದಲ್ಲಿ ಬರೆದು ನೇತು ಹಾಕಿರುವುದರಿಂದ ಹಿಡಿದು ಡಿಜಿಟಲ್ ಪ್ರಿಂಟು ತೆಗೆದಂಟಿಸಿರುವ ಥೆರಾವರಿ ಬೋರ್ಡುಗಳನ್ನ ಅವನು ಕಂಡು ಬೆರಗಾಗಿದ್ದಾನೆ. ಈ ಮಟ್ಟಿಗಿನ ರಾಜಕೀಯ ಹುಚ್ಚಾಟಗಳು ಕೇರಳದಲ್ಲಿ ಮಾತ್ರ ನಡೆಯುತಹದ್ದು ಬಹುಶಃ.


*****

ರಸ್ತೆ ಗುಡಿಸುವ ಪೌರ ಕಾರ್ಮಿಕರುˌ ಹೊಟೆಲ್ ಕ್ಲೀನರುಗಳಿಂದ ಹಿಡಿದು ಅಧಿಕಾರಿ ವರ್ಗದವರೆಗೆ ಇಲ್ಲಿನ ಬಹುತೇಕ ಎಲ್ಲಾ ಸರಕಾರಿ ಹಾಗೂ ಖಾಸಗಿ ವಲಯಗಳಲ್ಲೂ "ಟ್ರೇಡ್ ಯೂನಿಯನ್" ಸಂಸ್ಕೃತಿ ನೆಲೆಯಾಗಿದೆ. ತನ್ನ ಪದನಾಮಕ್ಕೆ ತಾನು ದುಡಿಯಬೇಕಿರುವಷ್ಟು ಹೊತ್ತಿನ ನಂತರ ಯಾವ ಮಲಯಾಳಿಯೂ ದುಡಿಯಲಾರ. ಅದು ಎಡಪಕ್ಷಗಳ ಮುಂದಾಳತ್ವದಲ್ಲಿ ಹೋರಾಡಿ ರೂಪಿಸಲಾದ ಕಾರ್ಮಿಕ ಕಾಯ್ದೆಗಳು ಅವನಿಗೆ ಅರಿವು ಮೂಡಿಸಿರುವ ಅವನದೆ ಹಕ್ಕುಗಳ ಪರಿಣಾಮ.

ತನಗೆ ನಿಗದಿ ಪಡಿಸಷ್ಟು ಕೆಲಸದ ಹೊರತು ಮತ್ಯಾವ ಕೆಲಸವನ್ನೂ ಆತ ನಿರ್ವಹಿಸಲಾರ. ಉದಾಹರಣೆಗೆ  ಕಛೇರಿಯೊಂದರಲ್ಲಿ ನೆಲಗುಡಿಸುವ ಮಲಯಾಳಿಯೊಬ್ಬ ನೀವು "ಫ್ಯಾನು ಹಾಕಪ್ಪ" ಅಂದರೆ "ಆಗಲ್ಲ ಅದು ನನ್ನ ಕೆಲಸ ಅಲ್ಲ" ಅಂತೇನಾದರೂ ನಿಮ್ಮ ಮುಖಕ್ಕೆ ಹೊಡೆದಂತೆ ಹೇಳಿದರೆ ಆಶ್ಚರ್ಯವನ್ನೇನೂ ಪಡಬೇಡಿ. ನೀವು ಕೇರಳದಲ್ಲಿದ್ದೀರಿ ಅನ್ನುವುದನ್ನ ಅರಿತುಕೊಂಡು ತೆಪ್ಪಗಿರಿ ಹಾಗೂ ಬೇಕಿದ್ದರೆ ಎದ್ದು ನಾಲ್ಕು ಹೆಜ್ಜೆ ನಡೆದು ಹೋಗಿ ನೀವೆ ಪಂಖದ ಗುಂಡಿ ಅದುಮಿ ಬನ್ನಿ ಅಷ್ಟೆ!

ಇನ್ನು ಅಕ್ಷರ ಕಲಿತ ಮಲಯಾಳಿಗಳ ಓದುವ ಹವ್ಯಾಸ ಸಹ ವರ್ಣಿಸಲಸದಳ. ಸಾಮಾನ್ಯವಾಗಿ ತುಳುನಾಡಿನಲ್ಲಿ ಹಾಗೂ ಕರುನಾಡ ಮಲೆನಾಡಿನಲ್ಲಿ ಹೆಂಗಸರ ಗೃಹಕೃತ್ಯಗಳಲ್ಲೊಂದು ಅಂತನ್ನುವ ಭ್ರಮೆ ಮೂಡಿಸಿರುವ ಬೀಡಿ ಕಟ್ಟುವ ಕೆಲಸ ಇಲ್ಲಿ ಮುಖ್ಯವಾಗಿ ಪುರುಷರ ಕೆಲಸ. ಕರ್ನಾಟಕದಂತೆ ಮನೆಗೆ ತಂದು ಕಟ್ಟಿಕೊಡುವವರಿಗಿಂತ ಕಾರ್ಖಾನೆಗಳಿಗೆ ತೆರಳಿ ಅಲ್ಲೆ ಕಟ್ಟಿಕೊಟ್ಟು ಮನೆಗೆ ಬರುವ ಉದ್ಯೋಗಗಳ ಸಾಲಿನಲ್ಲಿ ಅಲ್ಲದಿದೆ. 

ಬೀಡಿ ಕಟ್ಟುವಲ್ಲೆ ಇರಲಿˌ ಗೋಡಂಬಿ ಕಾರ್ಖಾನೆಯಲ್ಲೆ ಇರಲಿˌ ತೆಂಗಿನನಾರು ಹೊಸೆದು ಹಗ್ಗ ಮಾಡುವಲ್ಲೆ ಆಗಿರಲಿ ಒಬ್ಬ ಮಾತ್ರ ಗಟ್ಟಿಧ್ವನಿಯಲ್ಲಿ ಆ ದಿನದ ಪತ್ರಿಕೆಯ ತಾರೀಕಿನಿಂದ ಹಿಡಿದು ಷೇರುಪೇಟೆ ಸಮಾಚಾರದವರೆಗೆ ಒಂದಕ್ಷರವನ್ನೂ ಬಿಡದೆ ಓದುತ್ತಾ ಇರೋದುˌ ತಮ್ಮ ತಮ್ಮ ಕೆಲಸದಲ್ಲಿ ಯಾಂತ್ರಿಕವಾಗಿ ಮಗ್ನರಾಗಿರುವ ಇತರರು ಮೌನವಾಗಿ ಇದನ್ನ ಆಕಾಶವಾಣಿ ಸಮಾಚಾರದಂತೆ ಕೇಳಿಸಿಕೊಳ್ಳುತ್ತಿರೋದು ಸಾಮಾನ್ಯವಾಗಿ ಕಾಣಬರುವ ದೃಶ್ಯ. ಹಾಗೆ ಪತ್ರಿಕೆ ಓದುವ ಸರದಿ ದಿನಕ್ಕೊಬ್ಬರದು ಹಾಗೂ ಅಂದವರಿಗೆ ಕೆಲಸದಿಂದ ರಜೆ. 

(ಇನ್ನೂ ಇದೆ.)



https://youtu.be/RUvEaWCnwsU

05 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೨ 👊

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೨ 👊

When we remember the past, often it maks us to feel regret that we lost track of some friends or did not grasp an opportunity that opened up for us. thus, nostalgia always haunts remain very painful.


ಹೀಗಂತ ಅವತ್ತು ಕೋಲ ಮುಗಿಸಿ ಇನ್ನೇನು ಹೊಸ ಹಗಲು  ಹುಟ್ಟುವ ಘಳಿಗೆ ಹತ್ತಿರವಾಗುತ್ತಿರುವ ಹೊತ್ತಿನಲ್ಲಿ ಕೋಣೆಗೆ ಹಿಂದಿರುಗಿದವ ತನ್ನ ಅನಿಯಮಿತ ದಿನಚರಿ ಪುಸ್ತಕದಲ್ಲಿ ಬರೆದಿಟ್ಟ. 


ರಾತ್ರಿ ವಿಷ್ಣುಮೂರ್ತಿ ಭೂತದ ಕೋಲ ಮುಗಿಯುವಾಗ ಸರಿಸುಮಾರು ಬೆಳಕು ಹರಿಯುವ ಸಮಯವಾಗಿತ್ತು. ಆರಂಭದಲ್ಲಿ ಅತಿ ಉತ್ಸಾಹದಿಂದ ಅದೂ ಇದೂ ಕಿರಿಕಿರಿ ಮಾಡುತ್ತಾ ಕೋಲದ ಪ್ರತಿ ಹಂತದ ವೀಕ್ಷಕ ವಿವರಣೆ ಕೊಡುತ್ತಿದ್ದ ಸುಭಾಶ ಹೊತ್ತು ಏರುತ್ತಿದ್ದ ಹಾಗೆ ನಿದ್ರೆಯ ಸೆಳೆತ ತಾಳಲಾರದೆ ನಿಂತ ನಿಂತಲ್ಲೆ ತೂಕಡಿಸುತ್ತಾ ನಡುವಿನಲ್ಲಿ ಚಂಡೆ ನಾದಸ್ವರಗಳು ಉಚ್ಛ ಧ್ವನಿಯಲ್ಲಿ ಮೊಳಗಿದಾಗ ಬೆಚ್ಚಿ ಬಿದ್ದು ನಿದ್ರೆ ಕಳೆದೆದ್ದು ಅದೇನೋ ಮಹಾಪರಾಧ ಮಾಡಿದ ಮುಖಭಾವ ಹೊತ್ತು ಒಂದರೆಕ್ಷಣ ಸುತ್ತಮುತ್ತ ಕತ್ತು ಹೊರಳಿಸಿ ದೃಷ್ಟಿ ಹರಿಸುತ್ತಿದ್ದ. ಯಾರೂ ತನ್ನ ಕೋಳಿ ನಿದ್ರೆ ಗಮನಿಸಲಿಲ್ಲ ಎನ್ನುವುದು ಖಚಿತ ಪಡಿಸಿಕೊಂಡು ಮತ್ತೆ ನಿಧಾನವಾಗಿ ಅದೆ ಭಂಗಿಯಲ್ಲಿ ಬೆಲ್ಲ ತೂಗಲು ಆರಂಭಿಸುವುದು ಒಂಥರಾ ತಮಾಷೆಯಾಗಿತ್ತು. 

ಸಣ್ಣದರಲ್ಲಿ ರಾತ್ರಿ ಓದಲು ಕೂತುಕೊಳ್ಳುವಾಗ ಅದರಲ್ಲೂ ಊಟ ಮುಗಿಸಿದ ನಂತರ ಪುಸ್ತಕಗಳೆದುರು ಕೂತುಕೊಳ್ಳುತ್ತಿದ್ದ ತನ್ನ ಪರಿಸ್ಥಿತಿಯೂ ಹೆಚ್ಚು-ಕಡಿಮೆ ಹೀಗೆ ಇರುತ್ತಿತ್ತಲ್ಲ ಅಂತನಿಸಿ ಆ ಕ್ಷಣವನ್ನ ಎಂಜಾಯ್ ಮಾಡುವವನಂತೆ ಸ್ವಲ್ಪ ಜೋರಾಗಿಯೆ ನಕ್ಕ. ಆ ಗೌಜಿ ಗದ್ದಲದ ನಡುವೆ ಅಗದು ಹುದುಗಿ ಮರೆಯಾಗಿ ಹೋಯ್ತು.

ಭೂತದ ವೇಷಗಾರಿಕೆˌ ಅದರ ಪ್ರಭಾವಳಿ ಭವ್ಯವಾಗಿತ್ತು. ಭೂತ ಕಟ್ಟಿದವನೊಬ್ಬನಿಂದ ಅವನ್ನೆಲ್ಲ ಭರಿಸಿ ತೂಕವನ್ನ ಸಂಭಾಳಿಸಲಾಗದೆ ಹಿಂದಿನಿಂದ ನಾಲ್ವರು ತಮ್ಮ ಕೈಯಾಸರೆ ಕೊಟ್ಟು ಭೂತ ಕುಣಿಯತ್ತಿರುವಂತೆˌ ಸುತ್ತಿ ಸುತ್ತಿ ಹೆಜ್ಜೆ ಹಾಕಿ ನಲಿಯುತ್ತಿರುವಾಗ ತಾವೂ ಹಿಂದಿನಿಂದ ಅಷ್ಟೆ ರಭಸವಾಗಿ ಸುತ್ತುತ್ತಿದ್ದರು. ವಿಷ್ಣುಮೂರ್ತಿಯಲ್ಲೂ ಬಗೆಬಗೆಯ ವಿಷ್ಣುಮೂರ್ತಿಗಳಿವೆಯಂತೆ. ಕೆಲವು ಸೌಮ್ಯ ಪ್ರಕೃತಿಯವಾದರೆ ಇನ್ನು ಕೆಲವು ಚೂರು ಉಗ್ರವಾದುವೂ ಇದಾವಂತೆ. ಕೆಲವು ವಿಷ್ಣುಮೂರ್ತಿಗಳಂತೂ ಗುಳಿಗನ ಉಗ್ರಾವತಾರಕ್ಕೆ ಪೈಪೋಟಿ ಕೊಡುವಂತೆ ಕೆಂಡದಲ್ಲಿ ಮಿಂದೆ ಕೋಲ ಮುಗಿಸುವ ಜಾಯಮಾನದವುಗಳಂತೆ. 


ಈ ಕೆಳಬೆಟ್ಟು ತರವಾಡು ಬಂಟರದ್ದು. ಕಾಸರಗೋಡು ತಾಲೂಕಿನ ಉತ್ತರಕ್ಕೆ ಬೀಡು ಬರ್ಕೆ ಗುತ್ತು ಮನೆಗಳೆಂದು ಕರೆಸಿಕೊಳ್ಳುವ ಅಧಿಕಾರದ ಸಂಕೇತದ ಇಂತಹ ಮಹಾಮನೆಗಳು ಕಾಸರಗೋಡು ದಾಟಿ ದಕ್ಷಿಣದ ಕೇರಳದ ಗಡಿ ಹತ್ತಿರವಾಗುತ್ತಿದ್ದಂತೆ ತರವಾಡು ಅಂತ ಕರೆಸಿಕೊಳ್ಳುತ್ತದೆ. ಕುಂಬಳೆ ಅರಸರ ಸಾಮಂತ ಮನೆತನವಾಗಿದ್ದ ಕೆಳಬೆಟ್ಟು ಚೌಟರ ಕುಟುಂಬ ಹಳೆಯ ಅರಸೊತ್ತಿಗೆಯ ಅಧಿಕಾರಗಳಿಗೆಲ್ಲ ಕತ್ತರಿ ಬಿದ್ದಿರುವ ಈ ಕಾಲಕ್ಕೂ ಸಹ ಹಿಂದಿನ ಖದರನ್ನ ಕಾಪಿಟ್ಟುಕೊಂಡೆ ಮುಂದುವರೆದಿದೆ. ಸ್ಥಳಿಯರು ಅವರ ಮನೆಯ ಇಂತಹ ಆಚರಣೆಗಳಲ್ಲಿ ಮೊದಲಿನಂತೆಯೆ ಶ್ರದ್ಧಾ ಭಕ್ತಿಯಿಂದ ಭಾಗವಹಿಸುವ ಕ್ರಮ ಹೀಗಾಗಿಯೆ ಇಂದಿಗೂ ಅನೂಚಾನವಾಗಿ ಮುಂದುವರೆದಿದೆ.


ಇತ್ತ ಕೋಲ ತನ್ನ ಉಚ್ಛಘಟ್ಟ ಮುಟ್ಟಿ ತರುವಾಡಿನಾರ್ ಕೈಗೆ ಕೇಪುಳದ ಹೂವು ಹಿಂಗಾರ ವೀಳ್ಯದೆಲೆ ಸಹಿತ ಇಡಿ ಗೋಡಿಕೆಯ ಪ್ರಸಾದ ನೀಡಿದ ಭೂತ ಅವರ ಕಷ್ಟನಷ್ಟ ವಿಚಾರಿಸುತ್ತಾ ದೊಡ್ಡ ಧ್ವನಿಯಲ್ಲಿ ಅಭಯ ಪರಿಹಾರ ನೀಡುತ್ತಿತ್ತು. ಗುತ್ತಿನಾರ್ ಅಹವಾಲು ಮುಗಿದ ಅನಂತರ ಅವರ ಒಕ್ಕಲುಗಳ ಸರದಿ ಆರಂಭವಾಗಿ ಅನಂತರ ಆ ಪರಿಸರದ ಶ್ರೀಸಾಮಾನ್ಯರವರೆಗೂ ಜನರು ಭೂತದ ಮುಂದೆ ತಮ್ಮ ತಮ್ಮ ಅಳಲು ತೋಡಿಕೊಳ್ಳುತ್ತಿದ್ದಾಗˌ ಇತ್ತ ಅಂಗಳದ ಅಂಚಿನಲ್ಲಿ ಒಂದು ಚಿತೆಗೆ ಸಾಕಾಗುವಷ್ಟು ಕಟ್ಟಿಗೆ ತೆಂಗಿನ ಮಡಿಲು ಕಾಯಿ ಚಿಪ್ಪುಗಳನ್ನ ಒಟ್ಟಿದ್ದ ರಾಶಿಗೆ ಬೆಂಕಿ ಕೊಟ್ಟು ದೊಡ್ಡ ಉರಿ ಎಬ್ಬಿಸಲಾಗಿತ್ತು.

ಭೂತದ ನುಡಿˌ ಅಭಯ ಡೆನ್ನಾನದ ಮಧ್ಯ ಮಧ್ಯದಲ್ಲಿ ಅಷ್ಟಿಷ್ಟು ಕಿವಿಗೆ ಬೀಳುತ್ತಿದ್ದ ಪಾಡ್ದನಗಳೆಲ್ಲ ಸ್ಥಳಿಯರ ತಾಯ್ನುಡಿ ತುಳುವಿನಲ್ಲೆ ಇತ್ತು. ಈ ಎಲ್ಲಾ ಪ್ರಹಸನ ಮುಗಿವ ಹೊತ್ತಿಗೆ ಕೋಲ ಕಟ್ಟಿದವನ ಆವೇಶ ಮತ್ತೆ ಮೇಲೇರಿ ಮೈ ಮರೆತು ಆತ ಕಂಪಿಸತೊಡಗಿದ. ಮಾತುಗಳು ಅಸ್ಪಷ್ಟವಾಗ ಹತ್ತಿತ್ತು. ಆರೇಳು ಬೊಂಡದ ಬಾರಣೆ ಮಾಡಿಸಿˌ ನೆನೆಸಿದ ಕುಚ್ಚಲಕ್ಕಿ ಬೇಯಿಸಿ ಕುಟ್ಟಿ ಮಾಡಿಸಿದ ಕುಡು ಬೆಲ್ಲ ನುಂಗಿಸಿದ ನಂತರವೂ ಆವೇಶ ಒಂದಿನಿತೂ ಕಡಿಮೆಯಾಗುವ ಲಕ್ಷಣಗಳು ಕಂಡು ಬರಲಿಲ್ಲ. 

ಈ ವಿಷ್ಣುಮೂರ್ತಿ ತರವಾಡಿನವರ ಮನೆಯೊಳಗಿನ ದೈವ. ಹೀಗಾಗಿ ಅವರು ಮತ್ತವರ ಒಕ್ಕಲುಗಳ ಹೊರತು ಹೊರಗಿನವರು ಹರಕೆ ಕಟ್ಟಿ ಅವನಿಗೆ ಕೋಳಿ ಕೊಡುವಂತಿರಲಿಲ್ಲ. ನಾಲ್ಕೈದು ಕೋಳಿಗಳ ಕುತ್ತಿಗೆಯನ್ನ ಭೂತವೆ ಲಟ ಲಟ  ಮುರಿದು ಅವುಗಳ ನೆತ್ತರು ಪ್ರೋಕ್ಷಿಸಿದ ಅನ್ನವನ್ನ ಮುಕ್ಕಿಮುಕ್ಕಿ ತಿಂದ ನಂತರ ಆ ತನಕ ಹಳದಿಯಾಗಿದ್ದ ಭೂತದ ಮುಖವರ್ಣಿಕೆಗೆ ಈಗ ರಕ್ತದ ಕೆಂಪುˌ ಅರಳುˌ ಅನ್ನದಗಳಿನ ಅಲಂಕಾರಗಳೆಲ್ಲ ಸೇರಿ ವಿಚಿತ್ರ ಭೀಭತ್ಸತೆಯ ದರ್ಶನ ಅವನಿಗಾದಂತಾಯಿತು. ಎಡೆಬಿಡದೆ ಕ್ಯಾಮೆರಾದ ಪ್ರತಿಯೊಂದು ಫ್ರೇಮಿನಲ್ಲೂ ಈ ಅತಿಮಾನುಷ ಪ್ರದರ್ಶನದ ಘಟನಾವಳಿಗಳನ್ನ ಶ್ರದ್ಧೆಯಿಂದ ಸೆರೆ ಹಿಡಿದ. ಬಾರಣೆ ಮುಗಿದರೂ ತಣಿಯದ ಭೂತದ ಬವಣೆ ಇನ್ನೇನು ಬೆಂಕಿಯುರಿದು ನಿಗಿ ನಿಗಿ ಕೆಂಡದ ರಾಶಿಯಾಗಿದ್ದ ಅಂಗಳದಂಚಿನಲ್ಲಿ ಅಂತ್ಯವಾಗಲಿತ್ತು. 


*****

ಇದ್ದಕ್ಕಿದ್ದಂತೆ ಒಮ್ಮೆಲೆ ಮಿಂಚಿನ ವೇಗದಲ್ಲಿ ಎದ್ದು ನಿಂತು ಕೂಗು ಹಾಕಿದ ಪ್ರಭಾವಳಿ ಕಳಚಿದ್ದ ಭೂತ ಎಲ್ಲರ ನಡುವಿನಿಂದ ಓಡಿ ಹೋಗಿ ಆ ಕೆಂಡದ ರಾಶಿಯಲ್ಲಿ ಬಿದ್ದು ಹೊಡಕಾಡ ತೊಡಗಿತು. ಅಲ್ಲಿಯೆ ಅಕ್ಕಪಕ್ಕದಲ್ಲಿ ಇದರ ಸುಳಿವರಿತು ತಯಾರಾಗಿ ನಿಂತಿದ್ದ ನಾಲ್ಕಾರು ಕಟ್ಟುಮಸ್ತಾಗಿದ್ದ ಜವಾನರು ಭೂತದ ಕುಚ್ಚುಗಳನ್ನ ಎಳದೆಳೆದು ಅದನ್ನ ಬೆಂಕಿಯ ಮಡಿಲಿನಿಂದ ಆಚೆಗೆ ಅಳೆಯಲು ಶ್ರಮಿಸುತ್ತಿದ್ದರು. ಅವರು ಹೊರಗೆಳೆದ ಮರುಕ್ಷಣ ಭೂತ ಮರಳಿ ಕೆಂಡದ ಹಾಸಿಗೆ ಮೇಲೆ ಮಲಗಿ ಮತ್ತೆ ಮತ್ತೊಂದಷ್ಟು ಆವೇಶದಿಂದ ಹೊರಳಾಡಲು ಆರಂಭಿಸುತ್ತಿತ್ತು. ಇವರು ಎಳೆಯೋದು ಅದು ಹೋಗಿ ಮತ್ತೆ ಕೆಂಡ ಮೀಯೋದು ಇದೆ ನಾಟಕ ಸ್ವಲ್ಪ  ಕಾಲ ಮುಂದುವರೆದು ಕಡೆಗೂ ಭೂತ ಕಟ್ಟಿದ್ದ ನಲಿಕೆಯವನ ಆವೇಶ ಪೂರ್ತಿ ಇಳಿದು ಭೂತ ಅವನ ದೇಹದಿಂದ ಹೊರಟ ನಂತರ ಸಂಪೂರ್ಣ ಸೋತ ಅವನು ಇವರ ಒತ್ತಾಯಕ್ಕೆ ಸೆರೆಯಾದ. 

ಹತ್ತಿರದಲ್ಲೆ ಕುರ್ಚಿಯೊಂದನ್ನ ಹಾಕಿ ದಣಿದು ಧಾರಾಕಾರ ಬೆವರು ಹರಿಸುತ್ತಿದ್ದ ಅವನನ್ನ ಬಲವಂತವಾಗಿ ಕೂರಿಸಿ ಬೀಸಣಿಗೆಯಿಂದ ಗಾಳಿ ಬೀಸಿˌ ಮುಖಕ್ಕೆ ನೀರು ಚುಮುಕಿಸಿˌ ಬೊಂಡ ತರಿಸಿ ಒತ್ತಾಯ ಮಾಡಿ ಕುಡಿಸಿ ಸಹಜ ಸ್ಥಿತಿಗೆ ತರಲು ಬಂಟರು ಶ್ರಮಿಸಿದರು. ಈ ಬೆಂಕಿಯಾಟದ ಪ್ರಹಸನದಲ್ಲಿ ಭೂತ ಕಟ್ಟಿದ್ದ ನಲಿಕೆಯವನಿಗೂ ಅವನನ್ನ ಹೊರಗೆಳೆಯುತ್ತಿದ್ದ ಜವಾನರಿಗೂ ಅಷ್ಟಿಷ್ಟು ಮೈ ಸುಟ್ಟಿರಬಹುದು ಅನ್ನಿಸಿತು. ಅಂತೂ ಕೋಲ ಸುಸಂಪನ್ನವಾಗಿತ್ತು. ಈಗ ಸುಭಾಶ ಎಲ್ಲಿದ್ದಾನೆ ಅಂತ ಹುಡುಕಿದರೆ ತೀ ಪತ್ತುನು ನೋಡು ನೋಡುತ್ತಲೆ ಜೊತೆಜೊತೆಗೆ ತೂಕಡಿಕೆಯನ್ನೂ ತಾಳಲಾರದೆ ಅಂಗಳದ ಚಪ್ಪರದಂಚಿನ ಅಡಿಕೆ ಕಂಭವನ್ನ ಆಶ್ರಯಿಸಿ ಹಿಡಿದು ಒಂದೂವರೆ ಕಾಲಿನ ಬಲದಲ್ಲಿ ನಿಂತು ಅಲ್ಲೆ ಕುಗುರುತ್ತಾ ಇದ್ದದ್ದು ಕಣ್ಣಿಗೆ ಬಿತ್ತು. ಹೆಗಲಿನಲ್ಲಿ ಹರಕೆ ಕೋಳಿಯಿದ್ದ ಚೀಲ ನೇತು ಬಿದ್ದಿತ್ತು.


*****

ಕೋಲಕ್ಕೆ ಬರುವಾಗಲೇನೋ ಅವನೆ ಕರೆದುಕೊಂಡು ಬಂದದ್ದು ನಿಜ. ಈಗ ಮರಳಿ ಮನೆಯ ಹಾದಿ ಹಿಡಿವಾಗ ನಿದ್ದೆ ಕಣ್ಣಿನಲ್ಲಿದ್ದ ಅವನನ್ನು ಹಾಗೆಲ್ಲಾ ನಡುದಾರಿಯಲ್ಲೆ ಬಿಟ್ಟು ಹೋಗುವಂತಿರಲಿಲ್ಲ. ಮನೆಗೆ ಮಟ್ಟಿಸಿ ಬರುವ ಅನಿವಾರ್ಯತೆ ಎದುರಾಗಿತ್ತು.


( ಇನ್ನೂ ಇದೆ.)



https://youtu.be/j-Ey742mJ3k

04 December 2022

"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೧ 👊


"ಕಥೆಯೊಂದು ಶುರುವಾಗಿದೆ"❤️ ಸಂಜೆಗತ್ತಲ ಹಿನ್ನೋಟ - ೧೧ 👊


ಒಂದು ಕಟ್ಟು ಬೀಡಿˌ ಹಾಲು ಹಾಕದ ನಾಲ್ಕು ಲೋಟ ಕಟ್ಟಂಚಾಯ, ರಾತ್ರಿಗೆ ಕುಪ್ಪಿ ಕಳ್ಳು ಇಷ್ಟಿದ್ದರೆ ಸಾಕು. ಸುಟ್ಟ ಒಣಮೀನು ನಂಚಿಕೊಂಡ ಕುಚ್ಚಲಕ್ಕಿ ಗಂಜಿಯುಂಡು ಆ ನರಪೇತಲ ಸಮೃದ್ಧವಾಗಿರುವ ಇಡಿ ಕಾಡನ್ನೆ ತಿಂಗಳೊಪ್ಪತ್ತಿನಲ್ಲಿ ಹೆರೆದು ಬೋಳಿಸಿ ಹುಡಿ ಹಾರಿಸಬಲ್ಲ!

ಒಂದು ಇಬ್ಬಾಯಿಯ ಗರಗಸ ಹೊತ್ತು ಇಬ್ಬರು ಮಲಯಾಳಿಗಳು ಆನೆಯೊಂದನ್ನ ಕಟ್ಟಿಕೊಂಡು ಕಾಡೊಂದಕ್ಕೆ ನುಗ್ಗಿದರೆಂದರೆ ಆ ಕಾಡಿನ ಹಣೆಬರಹ ಪೂರ್ತಿ ಕೆಟ್ಟು ಕೆರ ಹಿಡಿಯೋದನ್ನ ತಪ್ಪಿಸಲು ಸಾಕ್ಷಾತ್ ಆ ಸೃಷ್ಟಿಕರ್ತ ಬ್ರಹ್ಮನಿಂದಲೂ ಸಾಧ್ಯವಿಲ್ಲ ಅನ್ನೋದು ಅತಿಶಯೋಕ್ತಿಯಂತೂ ಅಲ್ಲ.

ಕೇವಲ ಕಾಡನ್ನಷ್ಟೆ ಅಲ್ಲ ನಾಡಲ್ಲೂ ಸಹ ಮಲಯಾಳಿಗಳು ಕಾಲಿಟ್ಟಲ್ಲಿ ಶನಿ ಹೆಜ್ಜೆಯಿಟ್ಟಂತೆ. ಕರ್ನಾಟಕ ಹಾಗೂ ತಮಿಳುನಾಡಿನ ಮಲೆನಾಡುˌ ಕರಾವಳಿ ಹಾಗೂ ಅರೆ ಮಲೆನಾಡಿನಲ್ಲಿ ರಬ್ಬರುˌ ಗೋಡಂಬಿˌ ಹೊಗೆಸೊಪ್ಪುˌ ಶುಂಠಿˌ ಏಲಕ್ಕಿ ಹಾಗೂ ಮಜ್ಜಿಗೆ ಸೊಪ್ಪು ಬೆಳೆಯಲು ರೈತರ ಹಡಲು ಜಮೀನನ್ನ ಮಾರುಕಟ್ಟೆ ದರಕ್ಕಿಂತ ಅತಿಹೆಚ್ಚು ಬೆಲೆಗೆ ಗುತ್ತಿಗೆ ಹಿಡಿದ ಮಲಯಾಳಿಗಳು ಶೀಘ್ರ ಲಾಭ ಕಾಣಲು ಅನುಸರಿಸಿದ ವಾಮಮಾರ್ಗಗಳು ಒಂದೆರಡಲ್ಲ. 


ಅವರು ತಂದು ಸುರಿದ ರಾಸಾಯನಿಕ ಗೊಬ್ಬರ ಹಾಗೂ ಕೀಟನಾಶಕಗಳ ಹೊಡೆತ ಹೇಗಿತ್ತೆಂದರೆ ಸಾರ ಕಳೆದುಕೊಂಡು ಸುಟ್ಟು ಬರಬಾದಾಗಿ ಹೋಗಿರುವ ಇಲ್ಲಿನ ಜಮೀನುಗಳು ಈಗ ಪೂರ್ತಿ ಕೃಷಿಗೆ ಅನರ್ಹವಾಗಿ ಹೋಗಿವೆ. ಹಾಗೂ ಅದೆ ಮಲಯಾಳಿಗಳು ಹಾಕಿದ್ದ ಬೆಳೆಗಳನ್ನೆ ಬೆಳೆಯಬೇಕಂತ ಹೊರಟ ಆ ಜಮೀನಿನ ನೈಜ ಮಾಲಕರಾದ ರೈತರು ಅವವೆ ವಿಷಕಾರಿ ರಸಾಯನಿಕಗಳನ್ನ ತಂದು ಸುರಿದೆ ಪೂತನಿಯ ಎದೆ ಹಾಲಂತ ಆ "ಆಕರ್ಷಕ" ಬೆಳೆಗಳನ್ನ ಬೆಳೆಯುವ ಅನಿವಾರ್ಯತೆ ಸೃಷ್ಟಿಯಾಗಿದೆ. ಇನ್ನು ಯಾರಿಗೂ ಬೇಡದಂತಾಗಿರುವ ಮಜ್ಜಿಗೆ ಹುಲ್ಲಿನಂತ ಬೆಳೆಯಿಂದ ಸ್ಥಳಿಯ ನಾಡು ಕಾಡು ಎರಡರ ಪರಿಸ್ಥಿತಿಯೂ ನಾಯಿಪಾಡಾಗಿ ಹೋಗಿದೆ. ಬೀಜ ಪ್ರಸರಣವಾಗಿ ಸಿಕ್ಕಸಿಕ್ಕಲ್ಲಿ ಹರಡಿ ಪೀಡೆಯಾಗಿರುವ ಈ ಮೂಲಿಕೆಯಂತಹ ಬೆಳೆ ಅತ್ತ ಜಾನುವಾರುಗಳಿಗೆ ಮೇವೂ ಅಲ್ಲ. ಇತ್ತ ಜನರಿಗೂ ಸಹ ಬೆಳೆಯಾಗಿಯೂ ಬೇಕಿಲ್ಲ.


*****


ಎಂಬತ್ತರ ದಶಕದ ಉತ್ತರಾರ್ಧದಲ್ಲಿ ಅಮೇರಿಕಾದ ಚಿತಾವಣೆಯಿಂದ ಇರಾನ್ ಹಾಗೂ ಇರಾಕ್ ಮಧ್ಯೆ ನಡೆದಿದ್ದ ಯುದ್ಧ ಮತ್ತದರ ಬೆನ್ನ ಹಿಂದೆಯೆ ಅಮೇರಿಕಾದ ಪುಸಲಾವಣೆಯಿಂದ ಅದಾಗಲೆ ಹಾದಿ ತಪ್ಪಿ ಭ್ರಮೆಯೊಂದರ ಬಂಧಿಯಾಗಿದ್ದ ಸದ್ದಾಂ ಹುಸೈನ್ ಕುವೈಟನ್ನ ಅತಿಕ್ರಮಿಸಿ ಅಟ್ಟಹಾಸದಿಂದ ಆರಂಭಿಸಿದ್ದ ಗಲ್ಫ್ ಯುದ್ಧದ ದೆಸೆಯಿಂದ ಅನೇಕ ಮಲಯಾಳಿಗಳ ಬದುಕಿನ ದಿಕ್ಕು ದೆಸೆ ಏಕಾಏಕಿ ಬದಲಾಗಿ ಹೋಯಿತು. ಇರಾಕ್ ಎಡವಟ್ಟಿನ ನಡೆ ಕೇರಳದ ದುಡಿಯುವ ವರ್ಗಗಳಿಗೆ ಗಲ್ಫ್ ರಾಷ್ಟ್ರಗಳ ಬದಲಾದ ರಾಜಕೀಯ ಸಮೀಕರಣದಲ್ಲಿ ವೃತ್ತಿಯನ್ನಾರಂಭಿಸುವ ಅವಕಾಶ ಕಲ್ಪಿಸಿಕೊಟ್ಟಿತು. ಹಾಗೆ ನೋಡಿದರೆ ಭಾರತೀಯ ಉಪಖಂಡದ ಐದೂ ರಾಷ್ಟ್ರಗಳ ದುಡಿಯುವ ವರ್ಗದ ಮಂದಿ ಇದರ ಫಲಾನುಭವಿಗಳೆ. ಆದರೆˌ ಭಾರತೀಯ ರಾಜ್ಯಗಳಲ್ಲಿ ಇದರ ಗರಿಷ್ಠ ಪ್ರಯೋಜನ ಪಡೆದದ್ದು ಮಾತ್ರ ಕೇರಳದ ಮಲಯಾಳಿಗಳು. 


ಇರಾಕಿನ ಪೂರ್ವದ ಗಡಿಯಲ್ಲಿ ಆರಂಭವಾಗಿದ್ದ ಮೊದಲ ಗಲ್ಫ್ ಬಿಕ್ಕಟ್ಟಿನಲ್ಲಿ ಸದಾವಕಾಶ ಕಂಡುಕೊಂಡಿದ್ದವರಲ್ಲಿ ಮಲಯಾಳಿ ಮುಸಲ್ಮಾನರೆ ಅಧಿಕವಾಗಿದ್ದರು. ಆದರೆ ಅದೆ ಇರಾಕಿನ ಪಶ್ಚಿಮದ ಗಡಿತಂಟೆ ಮಾತ್ರ ಮತಾತೀತವಾಗಿ ಬಹಳಷ್ಟು ಮಲಯಾಳಿಗಳ ಭಾಗ್ಯದ ಬಾಗಿಲು ತೆರೆಯಿತು. ಗಲ್ಫ್ ವಲಯದ ಇರಾಕ್ˌ ಸಿರಿಯಾˌ ಕುವೈಟ್ˌ ಸೌದಿ ಅರೇಬಿಯಾˌ ಜೋರ್ಡನ್ˌ ಲೆಬೆನನ್ˌ ಯಮನ್ˌ ಒಮನ್ˌ ಯುಎಇˌ ಕತರ್ˌ ಬಹಿರೈನ್ ಇಲ್ಲೆಲ್ಲಾ ಹಂತಹಂತವಾಗಿ ಮಲಯಾಳಿ ದುಡಿಯುವ ವರ್ಗ ತುಂಬಿ ಹೋಯಿತು. ಕುಶಲಕರ್ಮಿಗಳುˌ ಅರೆ ಕುಶಲಕರ್ಮಿಗಳುˌ ಆಡಳಿತ ವಿಭಾಗ ನಿಪುಣರು ಹೀಗೆ ಇದೆ ಮಾದರಿಯ ದುಡಿಮೆ ಭಾರತದಲ್ಲಿ ಮಾಡಿದ್ದರೆ ಗಳಿಸುವುದಕ್ಕಿಂತ ಹದಿನೈದರಿಂದ ಇಪ್ಪತ್ತೈದು ಪಟ್ಟು ಪಗಾರ ತರುತ್ತಿದ್ದ ಮಧ್ಯಪ್ರಾಚ್ಯದ ಮರಳುಗಾಡಿನ ಉದ್ಯೋಗವಕಾಶಗಳು ಮಲಯಾಳಿಗಳನ್ನ ಅಯಸ್ಕಾಂತದಂತೆ ಸೆಳೆದವು. ಹೀಗೆ ಕೇರಳದತ್ತ ಸಿರಿತನದ ಹೊಳೆ ಹರಿಸಿದ ತೈಲ ಸಂಪನ್ನ ರಾಷ್ಟ್ರಗಳತ್ತ ಆದ ವಲಸೆ ಒಂದು ದೃಷ್ಟಿಯಿಂದ ಲಾಭದಾಯಕವಾಗಿಯೆ ಕಂಡರೂ ಸಹˌ ಅದರ ಮತ್ತೊಂದು ಮಗ್ಗುಲು ಮಾತ್ರ ಬಹಳ ಭೀಕರ ಗಾಯ ಕೇರಳದ ಸಾಮಾಜಿಕ ಬದುಕಿನ ಮೇಲೆ ಮಾಡಿಬಿಟ್ಟಿದೆ. ಬಹುಶಃ ಈ ಗಾಯ ಏಂದೆಂದೂ ಮಾಯಲಾರದು. ಮಾಡುವವರು ಇಲ್ಲದೆ ಅನೇಕ ಪಿತ್ರಾರ್ಜಿತ ಕೃಷಿಭೂಮಿ ಹಡಲು ಬಿದ್ದು ಇಲ್ಲಿನ ವ್ಯವಸಾಯ ಹಾಗೂ ಪಾರಂಪಾರಿಕ ಹೈನುಗಾರಿಕೆ ನೆಲ ಕಚ್ಚಿದೆ. ಇಂದು ತರಕಾರಿ ಅಕ್ಕಿಗೆ ತಮಿಳುನಾಡು ಕೇರಳದ ಪ್ರಮುಖ ಸರಬರಾಜುದಾರ ಅಂತಾಗಿದ್ದರೆˌ ಹಾಲು ಮೊಸರು ಮಾಂಸಕ್ಕೆ ಮಲಯಾಳಿಗಳು ಬಹುತೇಕ ಕರ್ನಾಟಕದ ಮೇಲೆ ಆಶ್ರಿತರು. ಅವರು ಹೊರನಾಡಿಗೆ ಸರಬರಾಜು ಮಾಡುತ್ತಿರೋದು ಬಹುಶಃ ಮೂರೆ ಮೂರು ಉತ್ಪನ್ನಗಳನ್ನ! ಮೊದಲನೆಯದು ತಾವು ತಿಂದು ತೇಗಿ ಉಳಿದ ಮೀನುˌ ಎರಡನೆಯದು ಅಡವಿರಿಸಿಕೊಂಡು ಸಾಲ ಕೊಡಲು ಹಣˌ ಮೂರನೆಯದು ಮಲಯಾಳಂ ಸಿನೆಮಾಗಳು ಇವಷ್ಟೆ. 


ತಮಗೆ ಅಗತ್ಯವಿರುವಷ್ಟು ಅನ್ನ ಬೆಳೆದುಕೊಳ್ಳಲಾಗದ ಮಲಯಾಳಿಗಳು ಚಿನ್ನದ ವಿಚಾರದಲ್ಲಿ ಮಾತ್ರ ಸಂಪನ್ನರು. ಗಲ್ಫ್ ಹಣದಲ್ಲಿ ಬಡ್ಡಿ ವ್ಯವಹಾರ ಇಲ್ಲಿ ಗರಿಗೆದರಿ ಪರ ರಾಜ್ಯಗಳಿಗೂ ಹರಡಿದೆ. ಭಾರತದಾದ್ಯಂತ ಇರುವ ಪ್ರತಿ ಎರಡನೆ ಅಡವಿನಂಗಡಿ ಕೇರಳ ಮೂಲದ್ದು. ಇಲ್ಲಿ ಅಡವಿಗೆ ಬರುವ ಚಿನ್ನ, ತೆರಿಗೆ ರಹಿತ ಮಧ್ಯಪ್ರಾಚ್ಯದ ದೇಶಗಳಿಂದ ಕಳ್ಳಸಾಗಣೆಯಾಗುವ ಬಂಗಾರವೂ ಸೇರಿ ಮಲಯಾಳಿಗಳಷ್ಟು ತಲಾವಾರು ಬಂಗಾರ ಖರೀದಿದಾರರು ಭಾರತದ ಇನ್ಯಾವ ರಾಜ್ಯದಲ್ಲೂ ಇಲ್ಲ. ಬಹುತೇಕ ದುಡಿಯುವ ಪ್ರಾಯದ ಮಲಯಾಳಿಗಳು ಪರದೇಶದ ಪಾಲಾಗಿ ಅವರ ನಾಡಿನಲ್ಲಿ ಅದೆ ವೃತ್ತಿ ಮಾಡಲು ಅಸ್ಸಾಮಿˌ ಬಂಗಾಳಿ ಹಾಗೂ ಒಡಿಯಾದ ನಿರುದ್ಯೋಗಿ ಯುವ ಜನತೆ ಇಲ್ಲಿಗೆ ವಲಸೆ ಬರುವಂತಾಗಿದೆ. ಯುವ ರಕ್ತವೆಲ್ಲ ಮರಳುಗಾಡಿನ ದೇಶಗಳಲ್ಲಿ ಬೆವರು ಹರಿಸುತ್ತಿದ್ದು ಕೇರಳದ ಮನೆಗಳಲ್ಲಿ ಪ್ರಾಯ ಸಂದವರಷ್ಟೆ ಉಳಿದು ಒಟ್ಟಿನಲ್ಲಿ ಪೂರ್ತಿ ಕೇರಳವೆ ಒಂದು ಬಯಲು ವೃದ್ಧಾಶ್ರಮದಂತಾಗಿ ಹೋಗಿದೆ. ಪ್ರಾಯಶಃ ಇಲ್ಲಿ ಸಾವಿಲ್ಲದವರ ಮನೆಯಿಂದ ಹುಡುಕಿ ಸಾಸಿವೆ ತಂದರೂ ತರಬಹುದೇನೋ! ಆದರೆˌ ಗಲ್ಫ್ ದೇಶಗಳಲ್ಲಿಲ್ಲದವರ ಮನೆ ಹುಡುಕಿ ಗ್ಲಾಸು ನೀರು ಕೇಳಿ ಕುಡಿಯೋದು ಕಷ್ಟ ಕಷ್ಟ!

*****


ನೆನಪಿನ ಪಥ ಯಾವಾಗಲೂ ದುಃಖವನ್ನೆ ಹೊತ್ತು ತರುತ್ತೆ ಅನಿಸೋಕೆ ಅವನಿಗೆ ಅವನದ್ದೆ ಆದ ಕಾರಣಗಳಿವೆ. ಅಂತಃರ್ಮುಖಿ ಅವನಾಗಿರೋದು ಅವನ ಪ್ರಭಾವಿಸಿದ್ದ ಬಾಲ್ಯದ ಕೆಲವು ಘಟನೆಗಳಿಂದ. ಸ್ವತಃ ತಾನು ಎದುರಿಸಿದ ಕಹಿ ಅನುಭವಗಳನ್ನ ಇನ್ನಿತರರಿಗೆ ದಾಟಿಸುವುದರಲ್ಲಿ ಯಾವ ಪುರುಷಾರ್ಥವೂ ಇಲ್ಲ. ಹೀಗಾಗಿ ಅವನು ತನ್ನ ನೋವಿನ ಅನುಭವಗಳನ್ನ ಆದಷ್ಟು ಅವನೊಳಗೆ ಇಟ್ಟುಕೊಂಡಿರಲು ಬಯಸುತ್ತಾನೆ. 


ನಮ್ಮ ನೋವುಗಳಿಗೆ ಜಗತ್ತಿನ ಯಾವ ಮೂಲೆಯಲ್ಲಿಯೂ ಮಾರುಕಟ್ಟೆ ಇರೋದಿಲ್ಲ. ಹಾಗಂತˌ ಬೇರೆಯವರ ಸಂಕಟಗಳ ಬಗ್ಗೆ ಜನರಿಗೆ ಕುತೂಹಲ ಇರೋದಿಲ್ಲ ಅಂತೇನಿಲ್ಲ. ಆದರೆ ನೋವುಗಳನ್ನ ಬಿಕರಿಗಿಟ್ಟು ಲಾಭ ಮಾಡಿಕೊಳ್ಳುವುದು ನಮ್ಮನ್ನ ನಾವೇನಾಗಿದ್ದೇವೆಯೋ ಅದರಂತೆ ರೂಪಿಸಿದ ನೋವಿನ ಅನುಭವಗಳಿಗೆ ಸ್ವತಃ ನಾವೆ ಮಾಡಿಕೊಳ್ಳುವ ಅವಮಾನ. ಅನುಭವಗಳು ನೋವಿನದ್ದೋ ಇಲ್ಲಾ ನಲಿವಿನದ್ದೋˌ ಅದಕ್ಕೆ ಅದರದ್ದೆ ಆದ ಘನತೆಯಿದ್ದೆ ಇರುತ್ತೆ. ಯಾವಾಗಲೂ ಅದನ್ನ ಮುಕ್ಕಾಗಿ ಅದು ಮಣ್ಣು ಪಾಲಾಗಲು ಬಿಡಕೂಡದು ಅನ್ನುವ ನಿಲುವು ಆತನದ್ದು.


Perhaps, Nostalgia always does hurts! it reminds us that we could have made different choices in a path of journey of our life we concluded so far. also nonetheless, nostalgia hurts because we may wish that we had made different choices in life. 


( ಇನ್ನೂ ಇದೆ.)



https://youtu.be/2OtxmddxNMo