ಪ್ರೇಮ ಪತ್ರ

ವಯಸ್ಸು ಇಪ್ಪತೈದಾಯ್ತು,ಹೊಸತಾಗಿ ಪ್ರೇಮ ಪತ್ರ ಬರೆಯೋ ವಯಸ್ಸೇನು ಅಲ್ಲ.ಈ ವಯಸ್ಸಿನಲ್ಲಿ ಪ್ರೀತಿಯ ಅನ್ವೇಷಣೆ,ಭಾಂದವ್ಯದ ಹುಡುಕಾಟ.ನೋಡುವವರ ಕಣ್ಣಿಗೆ ಅಲ್ಲದಿದ್ದರೂ ನನ್ನ ಕಂಗಳಿಗೆ ಅವಳ ಸೌಂದರ್ಯ ಕಾಣಿಸುತ್ತೆ.ಅದಕ್ಕೆ...ಏಳು ಸಮುದ್ರದಾಚೆ ಇದ್ದರೂ ನನ್ನ ಕನಸಿನ ರಾಜಕುಮಾರಿನ ಹುಡುಕುತ್ತ ಹೊರಟಿದ್ದೇನೆ.ಇದು ನನ್ನ ಸುಂದರ ಸ್ವಪ್ನದ ಕಥೆ..ಕೇಳಿದ್ರೆ ನಿಂಗೂ ಇಷ್ಟವಾಗುತ್ತೆ.ನನ್ನ ಎದೆಯಾಳಧ ಭಾವಗೀತೆ ನಿನಗೂ ಆಪ್ತವಾಗುತ್ತೆ.ಯಾರಿಗ್ ಗೊತ್ತು? ನನ್ನ ಮಾತುಗಳಲ್ಲಿ ಪ್ರಾಮಾಣಿಕತೆ ಧ್ವನಿಸಿದರೆ ನನ್ನ ರಾಜಕುಮಾರಿ ನನ್ನವಳಾಗಬಹುದು.ನೀನೂ ಅವಳಾಗ ಬಹುದು! ಹುಚ್ಚು ಪ್ರೀತಿಯ ಹತ್ತು ಮುಖಗಳನ್ನು ಗುರುತಿಸಿದರೂ ಗುರುತಿಸಬಹುದು.ಕೇಳ್ತೀಯ ಅಲ್ವ?