19 February 2011

ಸಾವಿರ ಹಣತೆಗಳ ಸಾಲು...

ಈ ಜಗದಲ್ಲಿ ಯಾರಿಗೆ ಯಾರೂ ಇಲ್ಲ,
ಸುಳ್ಳಿನ ಬುನಾದಿಯ ಮೇಲೆ ಸಂಬಂಧಗಳ ನೆಲೆಯಿದೆ....
ಉಸುಕಿನ ನೆಲಗಟ್ಟಿನ ಮೇಲೆ ಭಾವನೆಗಳ ಉಸಿರು ನಿಂತಿದೆ/
ಭ್ರಾಮಕ ತೋರಿಕೆಯ ಆತ್ಮೀಯತೆ ಆತ್ಮವಂಚನೆ ಎಂದು ತಿಳಿದೂ ಸಹ,
ನಟಿಸುವವರನ್ನು ಸಹಿಸಿಕೊಳ್ಳುವ ಮನಸ್ಸಿನ ಹುಚ್ಚು ಅಪೇಕ್ಷೆಯಾದರೂ ಏನು?
ಒಲವೆಂದರೆ ಪ್ರಾಮಾಣಿಕತೆ ಅಲ್ಲವೆ?
ಅಥವಾ ಪ್ರಾಮಾಣಿಕತೆಯ ಸೋಗನ್ನೆ ಒಲವೆನ್ನಬಹುದೆ?//

ಅಜ್ಞಾತ ಬಾಳು...
ಅಪರಿಚಿತ ಹಾದಿ,
ಅವ್ಯಕ್ತವೊಂದನ್ನು ಉಸಿರಾಗಿಸಿಕೊಂಡಾದ ಮೇಲೆ...
ಅಂಜಿಕೆ ಇನ್ನೆಲ್ಲಿ?/
ಪ್ರತಿಬಾರಿಯೂ ಒಂದು ಹೊಸ ಮುಖವಾಡ....
ಪ್ರತಿಯೊಂದು ಸಲ ಲಗ್ಗೆಯಿಟ್ಟರೂ ಹೊಸತೊಂದು ಕನಸಿನ ಘಡ,
ಎಲ್ಲಿ ಅದೇನೆ ಬದಲಾದರೂ ನಾನಂತೂ ಅದೇ ಹಚ್ಚ ಹಳಬ...
ಅದೆ ಹಳೆಯ ಗೋಳಿನ ನನ್ನ ಬಾಳಲ್ಲಿ ನಿನ್ನ ನೆನಪಾದಾಗ ಮಾತ್ರ ಬೆಳಕಿನ ಹಬ್ಬ//

No comments: