ಗೀಚೋದು ಯಾರು...ಒಲವ ಹಣೆ ಬರಹ...

ಖಾಲಿ ಕಾಗದ ಮನಸು,

ಕಲೆಯಾದರೂ ಪರವಾಗಿಲ್ಲ...ಒಲವಿನ ಕೆಂಪು ಶಾಯಿ ಅದರ ಮೇಲೆ ಸಿಡಿಸು/

ನಿರುಪಯೋಗಿ ಅಂತ ಎಸೆದರೂ ಚಿಂತೆಯಿಲ್ಲ ನಂತರ,

ಬೇಕಿಲ್ಲ ಈ ಪಾವಿತ್ರ್ಯದ ಸೋಗು...ಹುಸಿ ಅಂತರ//

ಸುಳಿವಿರದ ಸಂಚಿಗೆ,

ಮುಗುಳ್ನಗು ಸೂಸೊ ತುಟಿಯಂಚಿಗೆ/

ನಾನು ಬಲಿಯಾದದ್ದು ಹೌದು,

ತುಂಟ ಕಳೆಯ...ನಿನ್ನ ಕಣ್ಣ ಮಿಂಚಿಗೆ//

ಹುಸಿ ನಿರೀಕ್ಷೆಯ ಬೋಳೆ ದಾಸ,

ಹಳೆ ನೆನಪುಗಳ ಭಾವದ ಜೊತೆ ನಿತ್ಯ ಸಹವಾಸ/

ಗೆದ್ದೇ ಗೆಲ್ಲುವ ಅದಮ್ಯ ಭರವಸೆ,

ನಿನ್ನೊಲವಲಿ ಸೆರೆಯಾಗೊ ಅದುಮಿಟ್ಟ ಆಸೆ....ನನಗೆ//