ನೆನೆಪ ನಾವೆ....

ಹೂವಿನ ಎಸಳಿನ ನವಿರು,

ಜಿಂಕೆಯ ಕಣ್ಣಿನ ಚಲುವು....ಗಾಳಿಯಲಿ ದೂರದಿಂದ ತೇಲಿಬರುವ ಹಾಡು//

ಕನಸಲಿ ಸುಮ್ಮನೆ ಬಂದು,

ನೋಡುತ ನಿಂತು ನಿ ಚಿನ್ನ....ಎಡೆಬಿಡದೆ ಹೀಗೆ ನನ್ನ ಕಾಡು/

ಅದೇನೋ ಮೋಡಿ ನಿನ್ನ ನೆನಪಲೆ,ಅದ್ಯಾವ ಮಾಯೆ ಎಂದು ನಾ ಹಾಡಲಿ?

ಅದೆಲ್ಲೇ ಹೇಗೆ ನೀನಿದ್ದರೂ,

ನನ್ನ ಮನಸಲಿ ನೀನೆ...ನೀನೆ ಅದು ನೀನೆ ತಾನೆ?//

ಕಿರುಬೆರಳ ಮೊನೆಯಲ್ಲಂದು,

ತೋಳಿನ ಮೇಲೆ ನೀ ಗೀಚಿ...ಬರೆದಂತ ಚುಕ್ಕಿಯಿರದ ರಂಗೋಲಿ/

ಇಂದ್ಯಾಕೋ ಮನಸಲಿ ಮೂಡಿ,

ಮತ್ತೊಮ್ಮೆ ಮಾಡಿದೆ ಮೋಡಿ,

ನಿನ್ನ ನೆನಪ ಹೊತ್ತ ನಾವೆ ಹೀಗೆ ಸಾಗುತುರಲಿ//