ಇನ್ಯಾವ ಹರಕೆಯೂ ಇಲ್ಲ..ನೀ ಸದಾ ನಗುತಿರಬೇಕು,
ಮತ್ಯಾವ ಬಯಕೆಯೂ ಇಲ್ಲ...ನಿನ್ನ ಬಾಳಲಿ ಎಂದೂ ನಲಿವಿರಬೇಕು/
ಹನಿಗಳುಕ್ಕಬೇಕು ಕಣ್ಗಳಿಂದ ಸಂತೋಷದಲಿ...ನೋವಲಲ್ಲ,
ಇದಿಷ್ಟೇ...ಬೇರಿನ್ಯಾವ ಆಸೆಯೂ ನನಗಿಲ್ಲ//
ಮತ್ತೆ ಹುಟ್ಟಿದ ಮೋಹ ಮೊದಲಿನಷ್ಟು ಮುದವಿಲ್ಲ,
ಮರಳಿ ಬಂದ ನೀನು ನಿನ್ನ ನೆನಪಿನಷ್ಟು ಹಿತವಲ್ಲ/
ನಿತ್ಯ ನಿನ್ನ ಕಾಯುವುದರಲ್ಲಿದ್ದ ನೋವು ಬೇರೇನೆ ಇತ್ತು,
ನೀ ಬಾರದ ಹಾದಿ ಎವೆಯಿಕ್ಕದೆ ದಿಟ್ಟಿಸುವ ಸುಖ ಬೇರೇನೋ ಇತ್ತು//
No comments:
Post a Comment