ಮಿಡಿದ ಮೋಡ...

ಬಾನ ಅಶ್ರುಬಿಂದುಗಳಿಗೆ ಜರಡಿ ಹಿಡಿದ ಮೋಡ,
ದುಃಖ ಕವಿದ ಹನಿಗಳ ಶೋಧಿಸಿ ಸುಖದ ಸ್ವೇದ ಬಿಂದುಗಳನೆ ನೆಲಕೆ ಹರಿಸಿತು/
ಜೊತೆಗೆ ಬೀಸಿದ ಮೆಲುಗಾಳಿ.
ಆಗಸದ ಕೆನ್ನೆ ಮೇಲೆ ಇಳಿದ ನೋವಿನ ಕಣ್ನೀರನೆಲ್ಲ ಒರೆಸಿತು/


ಸುರಿದ ಎರಡೇ ಎರಡು ಹನಿಗಳಿಗೆ ಎದೆಯೊಳಗೆ ಅಡಗಿಸಿಟ್ಟಿದ್ದ ಒಲವ ಬೀಜಗಳು ಮೊಳಕೆಯೊಡೆದವು,
ಮಡುಗಟ್ಟಿ ಹೋಗಿದ್ದ ನೆಲದ ಮನದಂಗಳವೂ ಮತ್ತೆ ಹಸಿರಾದವು/
ಪ್ರೀತಿಯ ಪಿಸುನುಡಿಗೆ ಅದೆಂಥಾ ಮೋಹಕ ನಶೆ,
ಉಷೆ ನಕ್ಕ ಮೋಡಿಗೆ ನಾಚಿ ಕೆಂಪಾಯ್ತು ಮೂಡಣ ದಿಶೆ//