ನಿನ್ನ ಗುರುತ ಕೇಳುವವರಿಗೆ ಏನ ಹೇಳಲಿ?
ನೀರಿನಲ್ಲಿ ಮೂಡಿದ ನಿನ್ನ ಹೆಜ್ಜೆ ಗುರುತ ತೋರಲೇ?/
ಗಾಳಿಯಲಿ ಬೆರೆತ ನಿನ್ನ ಮೈಗಂಧವ ಬೀರಲೇ?
ಮರಳಲಿ ಕಿರು ಬೆರಳಲಿ ನಾ ಬರೆದ ನಿನ್ನ ಹೆಸರ ಉಸುರಲೆ?//
ನಿನ್ನ ಪರಿಚಯದ ದಾರಿ ಕೇಳಿದವರಿಗೆ ಏನ ಹೇಳಲಿ?
ಚಂದ್ರನ ಮೊಗದಲಿ ಮೂಡಿದ ಕೆನ್ನೆ ಗುಳಿಯ ತೋರಲೇ?/
ಮೋಡದ ಮರೆಯಲಿ ಮಿನುಗಿ ಮರೆಯಾದ ತಾರೆಗಳ ಹೊಳಪೆಂದು ತಿಳಿಸಲೇ?
ಮಲೆನಾಡಿಗೆ ಹಸಿರ ಸಾಲ ಕೊಟ್ಟ ನಿನ್ನೆದೆಯ ಕಂಪನ್ನ ಅವರತ್ತ ತೂರಲೇ?//
No comments:
Post a Comment