ಕಾರಣವೆ ಇಲ್ಲದೆ ಕವಿಯಾದೆ!

ಅರಿಯಲಾಗದೊಂದು ಕಾರಣಕೆ ಮನಸು ಅರಳುತಿದೆ.
ಹೇಳಲಾಗದೊಂದು ಭಾವ ಮನದೊಳಗೆ ಕೆರಳುತಿದೆ/
ಸುಮ್ಮನೆ ಬೀಸಿ ಮೈಯನ್ನೆಲ್ಲ ಚುಂಬಿಸಿದ ಗಾಳಿ ಕಿವಿಯಲಿ ಹೇಳಿದ್ದಾದರೂ ಏನು?.
ಈ ಗುಟ್ಟನು ಕೇಳಿ ಪುಳಕಗೊಳ್ಳೋಕೆ ಜೋತೆಗಿರಬಾರದಿತ್ತೆ ನೀನು!//


ಬಾನಿಗೆ ಭಾರವಾದ ಮೋಡ ಇಳೆಗೆ ಆಪ್ತ,
ಯಾರಿಗೂ ಬೇಡವಾದ ನಾನು ನಿನ್ನೊಲವ ಎಳೆಯೊಳಗೆ ಸುಪ್ತ/
ಬಿಸಿಲಿಗೆ ಬೆದರಿದ ಒಂಟಿ ಮಳೆಹನಿ ನಾನು,
ಎದೆಯ ಚಿಪ್ಪೊಳಗೆ ಬೆಚ್ಚಗೆ ಬಚ್ಚಿಡಲಾರೆಯ ನೀನು?//