ಮೋಹಕ ನಶೆ ನಿನ್ನದು...

ನಿನ್ನ ನೋಡೋದು ನಾನು ಸ್ಪರ್ಶದಿಂದ,
ಮನದ ಒಳಗಣ್ಣಿಂದ/
ನೀನು ನನ್ನ ಆವರಿಸೋದು ನೀ ಬರುವ ಮುನ್ಸೂಚನೆ ಕೊಡುವ ನಿನ್ನ ಸ್ವೇದಗಂಧದಿಂದ,
ನನ್ನುಸಿರ ತುಂಬೋ ನಿನ್ನ ಸುಗಂಧದಿಂದ//


ಮರುಳ ನಾನು,
ಕೊಂಚ ಕುರುಡನೂ ಹೌದು ನೀನಂದಂತೆ/
ನಿನ್ನ ಪ್ರೀತೀಯಲಿ ಮಹಾ ಮರುಳ,
ನಿನ್ನ ಮೋಹದಲಿ ಕಡು ಕುರುಡ//


ಅಂಗಳದಲ್ಲಿ ಹಾಸಿದೆ ಪಾರಿಜಾತ ಹೂಗಂಬಳಿ,
ನಗುವ ದಾಸವಾಳಕೂ ಬೇಕಿದೆ ನಿನ್ನ ಮೈಗಂಧದ ಉಂಬಳಿ/
ರತ್ನಗಂಧಿಗೋ ನಿನ್ನ ಆಹ್ಲಾದ ಕಂಡು ಮತ್ಸರ,
ಮುಳ್ಳ ಚುಚ್ಚಿ ಸೇಡು ತೀರಿಸೀತು ಸುಳಿಯ ಬೇಡ ...ಅದೆಷ್ಟೇ ಕರೆದರೂ ಅರಳಿರೋ ಗುಲಾಬಿಯ ಹತ್ತಿರ//