ನೀ ಬಾಡದಿರು ನಿನ್ನ ನೆನಪುಗಳಂತೆ...

ನನ್ನ ಮನದ ಗೂಡಲ್ಲಿ ನೀನು ಬಂದು ನಿಂತಾಗ,
ಮನದ ಮನೆಯ ಹೊಸ್ತಿಲಲಿ ನಿನ್ನ ನೆರಳು ಬಿದ್ದಾಗ/
ಎದೆಯ ಚಿಪ್ಪಲಿ ಬಿದ್ದ ಹನಿಗಳೆಲ್ಲ ಮುತ್ತಾಯ್ತು,
ಮುತ್ತೆ ಮತ್ತಲಿ ಹೊಳೆವ ನೆನಪುಗಳ ನತ್ತಾಯ್ತು//

ಎದೆ ಗೂಡಲ್ಲಿ ಮಂಕು ದೀಪ.....

ಸುಳಿದಾಡದೆ ಸದ್ಧಾದ ಹಾಗೆ,

ಮರೆತೆಲ್ಲೋ ಕಳೆದೆ ಹೋದ ಹಾಗೆ/

ಮನಸಿನ ಗಣಿಯಾಳದಲ್ಲಿ,

ಮುಕ್ಕಾಗದೆ ಉಳಿದದ್ಧನ್ನು

ನೆನಪೆನ್ನಲೇ.....ಬರಿದೆ ನಿರೀಕ್ಷೆಯೆನ್ನಲೆ?//

ನೆನಪಾಗಿ ಕಾಡಿದೆ....

ಮರಳಿ ಬಾರದ ಹಾಗೆ,
ಭಾವನೆಗಳ ಒದ್ದು ಹೀಗೆ/
ಹೋದಮೇಲೂ....
ನೋವಿನ ಸೆಳಕಾಗಿ ಕಾಡುತಿದೆ
ನಿನ್ನದೇ ನೆನಪು//

ಏಕಾಂತದ ನಿಟ್ಟುಸಿರು...

ಆಗತಾನೆ ಅರಳಿದ ಪಾರಿಜಾತದ ಮೇಲೆ,
ಇರುಳು ಹನಿದ ಹನಿ ಇಬ್ಬನಿ/
ಹೂವ ಮೋಹಕೆ ಸೆರೆಯಾಗಿ...
ಅದರಲೇ ಕರಗಿ ಲೀನವಾಯ್ತು//



ಇಬ್ಬನಿಯ ಹೊದಿಕೆ ಕಸಿಯಲು ಬಾನಿಗೂ ಭೂಮಿಗೂ ನಡುವೆ ,
ಹುಸಿ ಗುದ್ದಾಟ/
ನೋಡಿ ಕಲಿಯ ಬಾರದೆ ವಿವೇಕ?...
ಬೆಚ್ಚಗೆ ನಿನ್ನನೇ ಹೊದ್ದ ನನ್ನ...ಇಬ್ಬರಿಗೂ ಸಮಪಾಲು//



ಸ್ಪರ್ಶಕ್ಕೊಂದು ಅರ್ಥ,
ಸಿಕ್ಕಾಗಲೆಲ್ಲ ಜಗಳವನ್ನೇ ಅಭಿನಯಿಸಿದರೂ...ಚೂರೂ ಕುಂದಿಲ್ಲ ನಿನ್ನೆಡೆಗಿನ ಪ್ರೀತಿ/
ಹೇಳೋಕೆ ಬರೋದಿಲ್ಲ ಆದರೇನು?
ನೀನಾದರೂ ಒದಬಾರದಿತ್ತೆ ನನ್ನ ಕಣ್ಣಿನ ಭಾಷೆ?//




ಜೀವಿಸೋಕೆ ಇರುವ ಏಕೈಕ ಕಾರಣ ನೀನೆ,
ನನ್ನ ಬದುಕ ಗುರಿಯ ಕೊನೆ/
ಒಂಟಿಯಾಗೆ ಕೊನೆಯುಸಿರೆಳೆವಾಗ ಮುಗುಳ್ನಗಲು ,
ನಿನ್ನವೆರಡು ಕಂಗಳಿದ ಜಾರೋ ಬಿಸಿ ಹನಿಗಳು...ನನ್ನ ಕೆನ್ನೆಗಳ ತೋಯಿಸಲಿ ಸಾಕು//



ನಡುವೆ ತುಸು ಗಾಳಿಯೂ ಸುಳಿಯದಂತೆ,
ತಬ್ಬಿಕೊಳ್ಳುವ ಆಸೆ/
ಅದ ನೆರವೇರಿಸಲಾದರೂ ನೀ ಬಂದೆ ಬರುವೆ,
ನನಗಿದೆ ಆ ಭರವಸೆ//



ಬೀಸುವ ಗಾಳಿಯ ಬಿಸಿಯುಸಿರು,
ಹದ ಬಿದ್ದ ಮಳೆಗೆ ಚಿಮ್ಮಿ ಚಿಗುರೊಡೆದ ಹಸಿರು/
ನೇಗಿಲು ಸೀಳಿ ನೋಯಿಸಿದರೂ...
ಒಡಲು ತುಂಬಿ ಮುಗುಳ್ನಗುವ ಇಳೆಯ ಬಸಿರು,
ನನ್ನ ಒಂಟಿ ಬಾಳಲಿ...ನನಗೆ ನೀನು ,ನಿನ್ನ ನೆನಪು//


ಕಣ್ಣನ್ಚಿಂದ ಸುರಿದ ಸೋನೆ,
ನಿಶ್ಚಲ ಮೌನದ ಕೊಳವ ಕಲಕಿ...ಉಮ್ಮಳಿಸಿ ಬಂದ ಬಿಕ್ಕಳಿಕೆ/
ಒಬ್ಬಂಟಿತನದ ನೋವ ಮರೆಸೋ,
ಆಪ್ತ ಸಂಗಾತಿಗಳಾದವು//

ಸಂಜೆಗತ್ತಲು...

ತೇಲಿ ಬಿಟ್ಟ ಹಣತೆ,

ತುಂಗೆ ಒಡಲಲಿ ಹಬ್ಬಿ ಹೊಳೆವ ಹಾಗೆ/

ನನ್ನೆದೆಯ ತೊರೆಯಲಿ ತೇಲಿಬಿಟ್ಟ...ನಿನ್ನೊಲವಿನ ಹಣತೆ,

ಸಾಲು ಸಂಭ್ರಮಕ್ಕೆ ಸಾಕ್ಷಿಯಾಯ್ತು//

ಮುಗುಳ್ನಗುವ ಮುಖದ ಹಿಂದೆ ಮಡುಗಟ್ಟಿರುವ ನೋವೆ,

ನಿನ್ನ ಮೇಲೆ ಸದಾ ಇರಿಸಿ ಪರದೆ/

ಹಾಕಿ ಸಂತಸದ ಮುಸುಕು...ಬಚ್ಚಿಡಲಾಗದೆ?

ಸಂಕಟದಲ್ಲೇ ಅದ್ದಿದ ಅಸಲು ಇರಾದೆ//

ಹುಸಿ ಮಾತುಗಳ ಹಂಗೇಕೆ?

ಮಿಡಿವ ಮನದ ಮೂಲೆಯಲ್ಲೇ ಪ್ರೀತಿ ಇರಲಿ ಬಿಡಿ/

ಹೂವು ಅರಳಿದ ಸಂಭ್ರಮಕೆ ಚಿಟ್ಟೆ ಹೇಳುವುದೇ?

ಅಭಿನಂದನೆಯ ನುಡಿ//

ಕಿರಣ ಭುವಿಯ ಒಡಲಿಗೆ ಇತ್ತು,

ಭ್ರಮರ ಹೂವ ನೆತ್ತಿಗೆ ಸುರಿಸಿದ ಮುತ್ತು/

ಪಡುವಣವ ಮತ್ತಷ್ಟು ನಾಚಿಸಿ...ಕೆಂಪಾಗಿಸಿದೆ//

ಇರುಳೆಲ್ಲ ಹಾಡಿ,

ವಿರಹದ ನೆತ್ತರನೆ...ಎದೆಗೆ ಹೊಕ್ಕ ಮುಳ್ಳಿಗೆ ಉಣಿಸಿ/

ಅರಳಿದ ಕೆಂಗುಲಾಬಿಗೆ ರಂಗು ತುಂಬಿದ ಕೋಗಿಲೆ,

ಬೆಳಕು ಮೂಡುವಾಗ....ಅದೇ ಗಿಡದಡಿ ಬಿದ್ದು ಅಸುನೀಗಿದೆ//

ಅಕಾಲ ಯವ್ವನ..

ಹೂ ತೋಟದಲ್ಲಿ ಹಾರೊ ಉನ್ಮತ್ತ ದುಂಬಿ.

ತನ್ನ ತುಟಿಯನೆ ಮೊದಲು ಚುಂಬಿಸಲಿ ಎಂಬ ಕಾತರ...ಆಗಷ್ಟೆ ಅರಳಿದ ಸುಮಗಳ ಕಣ್ಣಲ್ಲಿ/

ಲಜ್ಜೆಯ ಪರದೆ ಸರಿಸಿ,

ಮೋಹದ ಬಿಂಬವ ಮೂಡಿಸಿವೆ//

ಜನ್ಮದಿನ ಸಂತಸ ತರಲಿ...

ಮತ್ತೊಂದು ವರ್ಷ ಕಳೆದಿರಿ,

ಇನ್ನಷ್ಟು ಎತ್ತರ ಬೆಳೆದಿರಿ/

ಸದಾ ಗೆಲುವ ಬಾಚುತ್ತಿರಿ,

ಎಲ್ಲರೆದೆಯ ಹೀಗೆ ದೋಚುತ್ತಿರಿ//

ಪರವಾಗಿಲ್ಲ...

ಅನುಕಂಪದ ಆರಾಧನೆಯಲ್ಲ,

ಬೇಕಾಗಿತ್ತು ಒಂದೇ ಒಂದು ಮುಷ್ಠಿ....ಹಿಡಿ ಪ್ರೀತಿ/

ಸಿಗದೆ ನೀನು ಕೈಜಾರಿ ಕಾಯಿಸು ಪರವಾಗಿಲ್ಲ,

ಕಾಯುತಲೆ ಸಾಯೋಕೂ ಸಿದ್ಧ....ತಪ್ಪಿದರೇನು ಒಲವ ಮಧುರ ಶ್ರುತಿ//

कुछ लम्हे..

कोई पुरानी आदत तो नही थी,

फ़िर बी पीने लगाहू/

जिंदा रहेने की कुईश तक नही थी,

जुदाई का गम सहते फ़िर बी जीने लगाहू//

पता होता अगर हाल-ऐ-दिल बयान करना है इतना मुश्किल,

थो हम कभी प्यार न करते/

मालूम होता शायाधर पल गुट गुट मरने का दर्द,

थो हरगिस यारा...हम जनम न लेते//

क्या इस रिश्ते का एहसास और एक मोव्का नही देगा?

क्या अपनी गमंद की कीमत हमारे जस्बाथों को चुकाने पड़ेंगे?/

दर्द-ऐ-बेकरार....क्या फ़िर कभी

हम मिल न पायेंगे?//

कुईश थी जिस पान्हा की,

वो पूरी होगई/

मंजिल भी पायी मैंने...मकसद बी हवी हासिल,

मेरे सूनी ज़िंदगी के सफर में आप जो मिले//

अगर आप के जुदाई का गम नही ,

थो फ़िर बी हम पीते जरूर/

मगर इस बार,

हासिल हवी आपके मोहब्बत की....कुशी के कातिर//

कुछ इस थार मुज में समा जावो,

किसी और को पता तक न चले/

तनहा प्यार को बी बजा जावो,

आगे कभी पीने को कुइस ही ना किले//

ಸೂತಕ..

ಕಾಡಿಗೆ ತೀಡಿದ ಕಣ್ಣಂಚಿನಿಂದ ಕಂಬನಿ ಕೆಳಗುದುರಿದಾಗ,

ನೆಲದ ಮೇಲೆ ಕಲೆಯಾಯ್ತು ಎಂದರು/

ನಿನ್ನನಗಲಿ...ಇನ್ಯಾವ ಆಸರೆಯೂ ಇರದೇ,

ಆಗಿರುವ ನನ್ನ ಕನಸಿನ ಕೊಲೆಯ ಸೂತಕ...ಯಾರೂ ಗುರುತಿಸಲೇ ಇಲ್ಲ//

ವ್ಯಾಕುಲ ಒಲವು..

ಸಾವೊಂದೇ ಪರಿಹಾರ,

ವ್ಯಾಕುಲವಾಗಿಸಿ ಹಿಂಸೆ ಕೊಡುವ ಒಂಟಿತನಕ್ಕೆ/

ಎಲ್ಲವೂ ಹೆಸರಿಗೆ ಮಾತ್ರ ಇರುವ,

ಸಂತೃಸ್ತ ಮನಕ್ಕೆ//

ಇರುಳ ಜೋಳಿಗೆಯಿಂದ

ಹಗಲು ಪಡೆದ ಕೈಸಾಲ/

ಮೋಹಕ ಚಲುವ ಖನಿ...ಮಾರ್ದವ ಮುಂಜಾವು//

ಅವನಿ....ಮತ್ತವನು.....

ಅವನಿಗೆ ಅವನಿಯೆಂದರೆ

ಅದೇನೋ ಒಂಥರಾ...ಹುಚ್ಚು ಪ್ರೀತಿ/

ಅದಕ್ಕೆ ಕೊಂಚ ಮಳೆಯ ಮುತ್ತ ಹನಿವ,

ಆಗಾಗ ಒತ್ತರಿಸಿ ಬಂದಾಗ ಮೀರಿ ಅದರ ಮಿತಿ//

ವಸುಂಧರೆಯ ಒಡಲಲ್ಲಿ,

ವಸಂತ ಬಿತ್ತಿದ ಒಲವಿನ ಬೀಜ/

ಕಾತರ ತುಂಬಿದ ಮೊಳಕೆಯೊಡೆದು,

ಮುಗುಳ್ನಗುತಿದೆ..ನಿನ್ನಂತೆ...ನನ್ನೊಲವಂತೆ//

ಅಕಾರಣ...

ಹೇಳಲೇ ಬೇಕೆನ್ನುವ ಮಾತನ್ನು ಒಳಗೆ ಅದುಮಿಟ್ಟುಕೊಳ್ಳೋ ಹಠ,
ಒಲವ ಮರೆಯಲಾಗದೆ ನೆನಪ ನಾವೆಯಲ್ಲೇ ತೇಲೋ ಚಟ/
ಮುನಿಸಿಗೇನೋ ಇದೆ ಕಾರಣ,
ಆದರೆ...ಹೊಸೆಯದೆಯೂ ಇರಲಾರೆ ವಿರಹ ತುಂಬಿದ ಕವನ//

ಹಾಲು ಸುಟ್ಟಿದೆ....

ಒಲೆಯ ಮೇಲಿಟ್ಟ ಹಾಲು ಮರೆಯಲು ಕಾರಣ,
ಮತ್ತೆ ನೆನಪಾದ ಹಳೆ ಹಾಡೊಂದರ ಸಾಲು/
ಉಕ್ಕದಿದ್ದರೇನು ಕಡಿಮೆ ಉರಿಗೆ....ಸುಟ್ಟು ಅದು ಕರಟ ಬಾರದೇನು?
ಬೇಡವೆಂದರೂ ಮತ್ತೆ ಮತ್ತೆ ನೆನಪಾಗಿ ನನ್ನ ಕಾಡುವಂತೆ ನೀನು//

ಒಲವಿದೆ ನಿನ್ನೆಡೆಗೆ...

ಪ್ರೀತಿಸುವವರನ್ನು ದ್ವೇಶಿಸಬಹುದೇ?
ಪ್ರೀತಿಯನ್ನು ದ್ವೇಶಿಸಬಹುದೇ?
ಅದರಲ್ಲೂ ನನ್ನಂತೆ ಉನ್ಮತ್ತನಾಗಿ ಪ್ರೀತಿಸುವವನನ್ನು?//



ಬೀಸುವ ಗಾಳಿಯ ಬಿಸಿಯುಸಿರು,
ಹದವಾಗಿ ಬಿದ್ದ ಮಳೆಗೆ ಚಿಗುರೊಡೆದ ಹಸಿರು/
ನೇಗಿಲ ಮೊನೆ ಸೀಳಿ ನೋಯಿಸಿದರೂ....ಒಡಲ ತುಂಬಿ
ಮುಗುಳ್ನಗುವ ಇಳೆಯ ಬಸಿರು,
ನನ್ನ ಒಂಟಿ ಬಾಳಲಿ ನೀನು...ನಿನ್ನ ನೆನಪು//

ಸಮಯ ಅಮೂಲ್ಯ...

ಕಳೆದು ಹೋಗಿದೆ....

ಸೂರ್ಯೋದಯ ಸೂರ್ಯಾಸ್ತಕ್ಕೂ ನಡುವೆ,

ಅರವತ್ತು ವಜ್ರ ಖಚಿತ ನಿಮಿಷಗಳನ್ನು ಕೂಡಿಸಿದ್ದ ಒಂದು ಬಂಗಾರದ ಘಂಟೆ/

ಬಹುಮಾನ ಘೋಷಿಸಿಲ್ಲ ಅದನು ಹುಡುಕಿ ಕೊಟ್ಟವರಿಗೆ,

ಏಕೆಂದರೆ ಸಿಗಲಾರದಂತೆ...

ಅದು ಕಳೆದೆ ಹೋಗಿದೆ//

-ಲಾರ ಇಂಗಲ್ಸ್ ವೈಲ್ದೆರ್

( ಭಾವಾನುವಾದ)

ನಿಲ್ಲದಿರಲಿ ಒಲುಮೆಯ ಮಳೆ.....

ನಿಲ್ಲದ ಮಳೆಹನಿಯ ಆತುರ,

ಮೋಡದ ಎದೆಯೊಳಗೆ ಅಡಗಿದ ಕಾತರ/

ಮುತ್ತಿನ ಮಣಿಗಳಾಗಿ......ಭೂರಮೆಯ ಅಂಗುಲ ಅಂಗುಲವನ್ನೂ,

ಬಿಡದೆ ಚುಮ್ಬಿಸಿವೆ

ಇಬ್ಬನಿಯಲಿ ಮೀಯುವ ತವಕ,

ಮೋಡದಲ್ಲಿ ತೇಲುವ ಕನಸೇ ಮೋಹಕ/

ಈ ಮುಂಜಾನೆಯ ಮೊಗ್ಗು ಮೂಡದಿದ್ದರೆ,

ಸವಿ ಸ್ವಪ್ನದ ಇರುಳು ಜಾರದಿದ್ದರೆ.....ಸೊಗಸಿತ್ತು//

ಗುಟ್ಟು ಹೇಳಿತು...

ಎಲೆ ಬಿಸಿಲ ಕೊಳದಲ್ಲಿ,

ನಿಂತಿದ್ದ ಬೆಳಕ ತಿಳಿನೀರು/

ಚಲುವೆ ಧರೆಯ ಕುಡಿ ನೋಟಕೆ,

ಕಲಕಿ...ರಾಡಿಯೆದ್ದಿದೆ//

ಬೆಚ್ಚಗೆ ಮುದುಡಿ ಮಲಗಿದ್ದ ಭೂಮಿಗೆ/

ಬಾನು ಬಾಗಿ,

ಕಿವಿಯಲ್ಲಿ ಉಸುರಿದ ಗುಟ್ಟು....

ಈ ಮುಂಜಾವು//

ಎದೆ ಗಾಯ...

ಒಲವಿನ ಅಗಾಧ ಸಾಗರದಲ್ಲಿ,
ನಾನು ತಹತಹಿಸುವ ಕಿರು ಮೀನು/
ನಿರೀಕ್ಷೆಯ ಉಪ್ಪು ನೀರು ತಾಗಿ...
ಉರಿವ ಎದೆಗಾದ ಗಾಯದ ನೋವ,
ನಿವಾರಿಸುವ ಕೃಪೆ ತೋರಬಾರದೆ ನೀನು//

ಸುಮ್ಮನೆ ಒಂದಷ್ಟು ಹರಟೆ...

ಆತ್ಮೀಯರೇ

ನಾಳೆ ಅಂದರೆ ದಿ ೯/೦೫/೦೯ ರಂದು ದೂರದರ್ಶನದ ಕನ್ನಡ ವಾಹಿನಿ ಚಂದನದಲ್ಲಿ ನಾನು

ಸಾಹಿತಿ ನಾ ಡಿ'ಸೊಜರೊಂದಿಗೆ ನಡೆಸಿಕೊಟ್ಟ ಅರ್ಧಘಂಟೆ ಅವಧಿಯ ಸಂದರ್ಶನ ಪ್ರಸಾರವಾಗುತ್ತದೆ ಸಾಧ್ಯವಾದರೆ ವೀಕ್ಷಿಸಿ.

ಸಮಯ-ಭಾರತದಲ್ಲಿ: ಮಧ್ಯಾಹ್ನ ೨;೦೦ ಘಂಟೆಗೆ.

[ಮರುಪ್ರಸಾರ : ಡಿ ೧೦/೦೬/೦೯

ಆದಿತ್ಯವಾರ ರಾತ್ರಿ ೧೦:೦೦ ಘಂಟೆಗೆ]

ಸಂಯುಕ್ತ ರಾಷ್ಟ್ರಗಳಲ್ಲಿ; ನಡುರಾತ್ರಿ ೧:೩೦ಕ್ಕೆ ಪಶ್ಚಿಮ ತೀರ ಹಾಗು ನಡುರಾತ್ರಿ ೨:೩೦ಕ್ಕೆ ಪೂರ್ವ ತೀರ

[ಮರುಪ್ರಸಾರ: ದಿ ೧೦/೦೫/೦೯ ರಂದು ಬೆಳಿಗ್ಯೆ ೯:೩೦ಕ್ಕೆ ಪಶ್ಚಿಮತೀರ ಹಾಗು ಬೆಳಿಗ್ಯೆ ೧೦:೩೦ಕ್ಕೆ ಪೂರ್ವತೀರ]

-ನಿಮ್ಮವ -

ಶ್ರೀಹರ್ಷ ಹೆಗಡೆ

ಅರಳಲಿ ಕನಸ ಹೂವು....

ಉರಿ ಮೊಗದಲಿ ನಗುವ ನೇಸರನೆ.....
ಪುಣ್ಯ ಸಿಕ್ಕೀತು,
ಮಾಡುತೀಯ ದಯವಿಟ್ಟು ನನಗೊಂದು ಉಪಕಾರ/
ಧರೆಯ ಇನ್ನೊಂದು ಅಂಚಿನಲ್ಲಿದೆ...
ನನ್ನೊಲವಿನ ಜೀವ,
ಅಲ್ಲೀಗ ಇರುಳು...
ಕಳೆದ ರಾತ್ರಿ ನಾ ಕಂಡ ಅಪೂರ್ಣ ಕನಸ ಆ ಮನಸಿಗೂ ದಾಟಿಸಿಬಿಡು......
ಅದಲ್ಲಿ ಮತ್ತೆ ಅರಳಲಿ//

ಅಭಿಲಾಷೆ...

ಮನಸೊಳಗೆ ಅದುಮಿಟ್ಟುಕೊಳ್ಳಲಾರೆ,
ಕನಸ ಆಕಾಶದ ವಿಸ್ತಾರ...
ನಿನಗೂ ತೋರಿಸುವ ಆಸೆಯಿದೆ/
ಹೇಳಲೇ ಬೇಕು...
ಎಂಬ ಹಂಬಲವಿದೆ ಎದೆಯೊಳಗೆ ಕಾವಿಗೆ ಕೂತ ಭಾವಗಳ ಬಿಡಿಸಿ,
ಮನಸಿಟ್ಟು ನೀನು ಕೇಳದೆ ಇದ್ದರೂನು!//

ಹುಟ್ಟದೆ ಬೇಸರ?

ಗುಳಿ ಬಿದ್ದ ಕೆನ್ನೆ ಕಣಿವೆ...ಕಾಮನಬಿಲ್ಲು,

ಕಳೆದೆ ಹೋಗಿದೆ ಮನಸು ಅದರಲ್ಲೆಲ್ಲೋ/

ಹುಡುಕಿ ತರುವ ಹಠ ನನಗಂತೂ ಇಲ್ಲ,

ಅದಲ್ಲೇ ದಿಕ್ಕೆತು ಅಲೆಯಲಿ ...

ಎಂಬ ಆಸೆ ಅದಮ್ಯ ಹಂಬಲ//

ನಿತ್ಯ ಹುಟ್ಟಿ,

ಮತ್ತೆ ಕರಗಿ...

ಮರಳಿ ನಗುವ ನೇಸರ/

ಹಾಡಿದ ಅರುಣ ರಾಗವನ್ನೇ...

ಪದೇಪದೇ ಗುನುಗಲು,

ಹುಟ್ಟದೆ ನಿನಗೆ ಬೇಸರ?//

ನಶೆಯ ಹನಿ..

ಅದೆಲ್ಲೋ ಅಡಗಿದ್ದ ಅಕ್ಷಾ೦ಕ್ಷೆ ಅರಳಿಸಿದ ನಿನ್ನ ಸಾಮಿಪ್ಯ,

ಕನವರಿಸುತ್ತಿದ್ದ ಕನಸುಗಳ ಕೆರಳಿಸಿದ ನಿನ್ನ ಸಾನಿಧ್ಯ/

ಹನಿ ಮಧುವನ್ನೂ ಮುಟ್ಟದ,

ನನ್ನನ್ನೂ ಚಿತ್ತಾಗಿಸಿ...ಉನ್ಮತ್ತನಾಗಿಸಿದೆ////

ಪಡೆವೆನೆ?

ಜಾರಿ ಬೀಳಲೋ?

ಬೇಡವೋ ಎಂಬ ಬಿನ್ನಾಣ ಹೊತ್ತು,

ನೇಸರನ ಪ್ರಭೆಗೆ ಮಿಂಚಿ ಹೊಳೆವ ಇಬ್ಬನಿ ನತ್ತು/

ಇನ್ನೇನು ಕ್ಷಣದಲಿ...

ಕರಗಿ ಕಥೆಯಾಗಲಿದೆ//

ಸುತ್ತಿಬಳಸಿ ಹೇಳಲು ಬರೋಲ್ಲ,

ಸುಳ್ಳೇ ಹಾಡಿ ಹೊಗಳಲು ಕವಿಯೂ ನಾನಲ್ಲ/

ನನ್ನದೇನಿದ್ದರೂ....ನಿನ್ನೆದೆಯ ಗೆಲ್ಲೋ ಹಂಬಲ,

ನಿನ್ನೊಲವ ಪಡೆದೇ ತೀರುವ...ತ್ರಿವಿಕ್ರಮ ಛಲ//

ನೋಡುವ ಕಣ್ಣಿಗೆ ಮುತ್ತಿಡೋ ಚಂದ....

ನನ್ನೆದೆ ಬಡಿತ...ನಿನ್ನೆದೆ ಮಿಡಿತಕ್ಕೆ

ಹೇಳ ಬಯಸಿದ ಗುಟ್ಟನ್ನು/

ಮೋಡಗಳ ಮೂಲಕ ರವಾನಿಸಿದ್ದೇನೆ

ಸುರಿಯುವ ಮಳೆ ಸದ್ದಲ್ಲಿ ಕಿವಿಗೊಟ್ಟು ಕೇಳಿಸಿಕೋ//

ನೋಡುವವರ ಕಣ್ಣಿಗೆ ಮುತ್ತಿಡುವಂತಹ

ಧರೆಯೆಂದರೆ ಬಾನಿಗೂ ಬಲು ಅಕ್ಕರೆ/

ಸಂಜೆ ಸುರಿಸಿ ಮಳೆ....ನಸುಕು ಹರಿಸಿ ಬೆಳಕ ಹೊಳೆ

ಪರಿಪರಿಯಾಗಿ ಒಲವನ್ನು ಸುರಿಸಿದೆ//

ಹಗಲ ಹುನ್ನಾರ ಅರಿಯದೇ...

ಅಮಾಯಕ ಇರುಳು/

ಮರಾ ಮೋಸದ ಬೆಳಕಿನ ಕಿರಣಗಳ ಇರಿತಕ್ಕೆ ಬಲಿಯಾಗಿ...

ಅಸುನೀಗಿದೆ//

ಹೊಳೆವ ತಾರೆಗಳ ಸಾಕ್ಷಿಯಲಿ

ಹೊರಟ ಬೆಳದಿಂಗಳ ದಿಬ್ಬಣಕ್ಕೆ/

ಮೋಡದ ಬಾಸಿಂಗವಿರದ

ಮುಕುಟದ್ದೆ ದೊಡ್ಡ ಕೊರತೆ//

ಇರುಳ ಮಬ್ಬಲ್ಲಿ

ಬದುಕಿನೆಡೆಗೆ ಮೂಡಿದ್ದ ಕೌತುಕ/

ಹಗಲಿನ ಬೆಳಕಲಿ

ಅದೇಕೋ...ಕಳೆದೆ ಹೋಗಿದೆ//

ಸೂತಕ...

ಮುದುಡುವ ಮನಸ...ಕಮರುವ ಕನಸ,

ಅರಳಿಸೋ ಮಂತ್ರ ನಿನ್ನಲ್ಲೇ ಸೇರಿ/

ಕೆಣಕುತ ನನ್ನ....ಕೆರಳಿಸೋ ಮುನ್ನ,

ನೋಡಿದರೊಮ್ಮೆ ಅದೇನು ಧನ್ಯ//

ಬರಲೇ ಇಲ್ಲ ಬಯಸಿದ ಮಳೆ,

ಇಳೆ ಮೊಗದ ತುಂಬ ದಟ್ಟ ವಿಷಾದದ ಛಾಯೆ ಕಲೆ/

ಬೆಳಕು ಕಣ್ತೆರೆದರೂ,

ಬದುಕ ಮೊಗದಲಿ ಮಂದಹಾಸವಿಲ್ಲ//

ಮತ್ತೆ ಮಳೆ...

ಚುಮು ಚುಮು ಮುಂಜಾನೆಯಲ್ಲೇ

ಆಯಿತಲ್ಲ ಮೌನದ ಕೊಲೆ/

ಮೂಡಣದ ತುಂಬ

ಚಲ್ಲಿದ ನೆತ್ತರಿನದ?

ಕೆಂಪುಕಲೆ?//

ಮುಗಿಲ ಸಂಪತ್ತು ಸೂರೆಯಾಗಿ

ಉರಿ ಮಿಂಚಿನ ಸಂಚಿಗೆ/

ಕ್ಷಣದಲ್ಲೇ ಭಿಕಾರಿಯಾದ

ಬಾನಿನ ರೋಧನೆ ಈ ಮಳೆ//

ಮಳೆ ಹನಿ....

ಮಳೆಯ ಹನಿ ಹನಿಯೆಂದರೆ ನೆಲಕೂ ವಿಚಿತ್ರ ಮೋಹ,

ಸುರಿವ ಪ್ರತಿ ಮಣಿಯಲ್ಲೂ ಧರೆಯಷ್ಟೇ ಇದೆ ದಾಹ/

ಒಲವೆಂದರೆ ಇದೇನಾ?//

ಗೊಂದಲದ ಮಡು....

ಮತ್ತೆ ಬೇಕು ಸ್ವಲ್ಪ ಹೊಸದು
ಮತ್ತಿನ್ನೇನಾದರೂ ರೂಪಿಸೋ ಕನಸ ಹೊಸೆದು
ಕಾಣದುದರೆಡೆಗೆ ನುಗ್ಗುವ ತುಡಿತ
ಬೇಕಿದೆ ಕೊಂಚ ಬದಲಾವಣೆ


ಉರುಟುವ ಓಂಟೆಗೆ ಅದೆಷ್ಟೇ ತುರುಕಿ ನೇರ
ಮಾಡಿದರೂ ಮರಳಿ ಸೊಟ್ಟಗಾಗುವ ಈ ದರಿದ್ರ ಲೋಕಕ್ಕೆ



ಹಳತಾದ ಆಲದ ಮರಕ್ಕೆ ಜೋತುಬಿದ್ದ ಹಳೆಯ ಬಿಳಲುಗಳ
ಪುರಾತನ ನೇಣಿಗೆ ಕೊರಳೊಡ್ಡಲೇ ಬೇಕ?
ಕಣ್ಣೆದುರೇ ಕಾಣೋ ಇನ್ನೊಬ್ಬರು ಸವೆಸಿದ ಹಾದಿಯಲ್ಲಿ
ಅಡ್ಡ ಬಿದ್ದಿರುವ ಮಡ್ಡ ಕಲ್ಲಿಗೆ ತಿಳಿದೂ ತಿಳಿದೂ ಎಡವಿ ಬೀಳ ಬೇಕ?



ಇಲ್ಲಿಯವರೆಗೂ ಬದುಕಿದ್ದೇ ಸಾಧನೆ ಎಂಬ
ಹುಂಬ ಹೆಮ್ಮೆಯಲಿ
ಬಲಿತು ಓಲಾಡುವ ಹಿರಿಯ ಹೆಗ್ಗಣಗಳ ಹಲ್ಕಿರಿತಕ್ಕೆ
ಹಿಮ್ಮೇಳ ಕೂಡಿಸಿ ಹಲ್ಗಿಂಜುತ್ತಲೇ ಇರಬೇಕ?



ಗೊಂದಲದ ಮಡುವಾಗಿದೆ ಮನಸ್ಸೆಂಬ ಮರ್ಕಟ,
ಚಪ್ಪಲಿಗಳ ಸವೆದ ಅಚ್ಚಿನಲೆ ಸುಖವಾಗಿ ಪಾದ ಊರಬೇಕ?
ಇಲ್ಲಾ ಹೊಸ ಜೋಡಿನ ಜೋಡಿ ಗುದ್ದಾಡಿ
ಹೊಸದಾಗಿಯೇ ಕಾಲು ಕಚ್ಚಿಸಿ ಕೊಳ್ಳಬೇಕ?

ಅಕಾಲದ ಮಳೆಗೆ ನಾಲ್ಕು ಸಾಲು...

ಸಂಜೆ ಸುರಿವ ಮಳೆಗೆ....

ಅದನು ಹೊತ್ತ ಮುಗಿಲಿಗೆ/

ತೊಯ್ದ ಧರೆಯ ಕದ್ದು ನೋಡೋ ತವಕದ,

ಹಸಿದ ಕಂಗಳ ನೇಸರನದೆ ಕುಮ್ಮಕ್ಕು//

ಉತ್ಕಟ ಒಲವಿನಾಟದಲ್ಲಿ,

ಬಾನ ಕೊರಳಿನ ಸರ ಕಳಚಿ/

ಉದುರಿದ ಬಿಡಿ ಮುತ್ತ ರಾಶಿ,

ರಾತ್ರೆ ಬಿರುಮಳೆಗೆ ಸುರಿದ ಹನಿಗಳು//

ದುಃಖ ಒತ್ತರಿಸಿಬಂದು ಬಿಕ್ಕುವ ನಭ/

ಸುರಿಸಿದ ಕಂಬನಿಗಳೆಲ್ಲ...

ಧರೆಯು ಬತ್ತಲಾಗಿರುವಲೆಲ್ಲ,

ಸಂತಸದ ಮೊಳಕೆಯೊಡೆಸಿದೆ//

ಘಮ್ಮೆನ್ನುವ ನೆಲದ ಮೈ ಗಂಧಕ್ಕೆ/

ಮನ ಸೋತ ಮುಗಿಲಿನದೆ ಸಂಚು...

ಹುಚ್ಚು ಹನಿವ ಈ ಮಳೆ//

ಕಾಯಿಸಿ ಸತಾಯಿಸಿ,

ಇನ್ನು ತಡೆಯಲಾಗದೆಂದಾಗ ತುಸು ತೋಯಿಸಿ/

ಬಳಲಿ ಶರಣಾಗುವಂತೆ....

ಬಲವಂತಕ್ಕಿಳಿಯುವ ಮುಗಿಲಿನದೆ ಹಿತವಾದ ಪಿತೂರಿ,

ಬಿತ್ತು ಮಳೆ ಹನಿಯಾಗಿ ನೆಲದೆಡೆಗೆ ಜಾರಿ//

ಮಳೆ ನಾದ...

ಕರಿಮಾಯಿ ಕಗ್ಗತ್ತಲು/
ಮೋಹಕ ಮುಂಜಾವಿನಲ್ಲಿ.....
ಚೆಲುವ ರವಿಯನ್ನೇ ಹೆತ್ತಳು//



ಇರಚಲು ಮಳೆಗೆ ತೊಯ್ದ ಇಳೆಯದು/
ಈಗಷ್ಟೇ ಮೂರನೇ ನೀರೆರೆದುಕೊಂಡ,
ಸಂತೃಪ್ತ ಭಾವ//

ಸಾಕು ನನಗಷ್ಟೇ ಸಾಕು...

ಕನಸಿನಲ್ಲೂ ನೀ ನನ್ನ ಕಾಣ ಬರುವುದು ಬೇಡ,

ಕರುಣೆಯ ದನಿ ಇನ್ನೂ ನಿನ್ನಲಿದ್ದರೆ/

ಬಾಳಿನ ಪಲ್ಲಕಿಯಿಂದಂತೂ ನನ್ನ ಕೆಳಗುದುರಿಸಿದೆ......ಮತ್ತೆ ಮರಳಿ ನೆನಪಾಗಿ ನಾನೆಂದಾದರೂ ಕಾಡಿದರೆ,

ಎರಡೇ ಎರಡು ಹನಿ ಕಣ್ಣ ಹನಿ ಉದುರಿಸು....ನನಗಷ್ಟೇ ಸಾಕು//

ಸಂಕಟ...

ಬಿಸಿಲಿಗೆ ಬಳಲಿ ಬೆಂಡಾದ

ಹಗಲಿನ ಮೈ ನೋವಿಗೆ/

ಇರುಳು ಬಳಿಯಲು ತಯಾರು

ತಂಪು ನೋವಿನೆಣ್ಣೆ//

ಮುಂಜಾವು...

ಇರುಳು ಹೊದ್ದ ಮುಸುಕು ಮಂಪರಲ್ಲೇ ಜಾರಿ /
ನಸು ಬೆಳಕಿಗೆ....
ಹಗಲ ಮಾನ ಬಟಾಬಯಲಾಗಿದೆ//



ಕತ್ತಲಲ್ಲಿ ಕರಗಿದ್ದ ಮೌನವ/
ಬೆಳಕ ಕಿರಣದ ಕೋಲು ಕಲಕಿದೆ//

ಮೋಹ ಜಾಲ....

ಕವಿದ ಇಬ್ಬನಿ ತೆರೆ ಸರಿಸುವ ತವಕ,

ನೆಲ ಸೋಕಿ ಪಡೆವಾಸೆ ಇಳೆಯ ಮೃದು ಸ್ಪರ್ಶ ಸುಖ/

ಮೋಹದಲ್ಲಿ ರವಿ ಕಡು ಅಂಧ,

ಅದಕ್ಕೆ ಇಂದು...ಅವಸರದಲ್ಲಿ ಧರೆಗಿಳಿದು ಬಂದ//

ನಿನಗಾಗಿ...

ಸುಟ್ಟರೂ ನಾಶವಾಗದ್ದು,

ನಾನು ಸತ್ತರೂ ಈ ದೇಹಬಿಟ್ಟು ಹೋಗದ್ದು/

ಮಿಡಿತ ಮುಗಿದ ಎದೆಯೊಳಗೆ ಅವಿತ ಪ್ರೀತಿ,

ನಿನಗಷ್ಟೆ ಅರ್ಥವಾಗುವಂತೆ...ನಿನಗಾಗಿ ಮಾತ್ರ ನುಡಿವ ಅದರ ರೀತಿ//

ಉತ್ತರ ಖಂಡಿತ ಬೇಡವೇ ಬೇಡ...

ನಿನ್ನೊಂನ್ದಿಗೆ ಪ್ರೀತಿಯೂ ಉಳಿದಿಲ್ಲ,ದ್ವೇಷವೂ ನನಗಿಲ್ಲ.ಅದಕ್ಕಾಗಿಯೇ ಉತ್ತರದ ಯಾವೊಂದು ನಿರೀಕ್ಷೆಯೂ ಇಲ್ಲದಿದ್ದ ನನ್ನ ಕಡೆಯ ಪತ್ರಕ್ಕೆ ನೀ ಬರೆದ ಉತ್ತರಕ್ಕೆ ನನ್ನ ಪ್ರತಿಕ್ರಿಯೆ ಬರೆದಿರಲಿಲ್ಲ.

ಇನ್ನು ನಿನ್ನ ಮೇಲೆ ಏಕೆ ಕೋಪ ಎನ್ನುವ ನಿನ್ನ ಪ್ರಶ್ನೆಗೆ ನನಗಿಂತ ಚನ್ನಾಗಿ ನಿನಗೆ ಉತ್ತರ ಗೊತ್ತು,ನಾನದನ್ನು ವಿವರಿಸುವ ಅಗತ್ಯ ಉಳಿದಿಲ್ಲ.ನಮ್ಮ ತಿಕ್ಕಾಟಕ್ಕೆ ಗುರುಮಹಾರಾಜರ ಮಾತಿನ ಮುಲಾಮು ಹಚ್ಚ ಬೇಡ,ಗಾಯ ತುಂಬ ಆಳವಾಗಿ ಹೋಗಿದೆ ಹಾಗು ಕೊಳೆತಿದೆ ಕೂಡ.

ನಿನಗೆ ಇಲ್ಲದಿರುವಂತೆಯೇ ನನಗೂ ನಿನ್ನ ಜರೂರತ್ತಿಲ್ಲ.ಹಾಗೆಯೇ ಬಾಳುವುದನ್ನು ರೂಢಿಸಿಕೊಳ್ಳುತ್ತಿದ್ದೇನೆ."ನನಗೆ ನಿನ್ನ ಅವಶ್ಯಕತೆ ಇದೆ" ಅನ್ನೋ ಸವಕಲು ಮಾತನ್ನ ಮತ್ತೆ ಮತ್ತೆ ಹೇಳಬೇಡ...ಅದು ಇದ್ದದ್ದೇ ಆಗಿದ್ದರೆ ನೀನು ಆ ದೇಶಕ್ಕೆ ಕಾಲಿಡುತ್ತಲೇ ಇರಲಿಲ್ಲ.ಅದೇನೇ ಇರಲಿ ನಿನ್ನ ಬಾಳು ನಿನ್ನ ಆಯ್ಕೆ.ಮರಳಿ ಮತ್ತೆ ನನ್ನ ಚಿತ್ತ ಕಲಕ ಬೇಡ.ದಯೆ ನಿನ್ನಲ್ಲೂ ಇರಲಿ,ನಿನ್ನ ಗೆಳೆಯನಾಗಿದ್ದೆ ಅಂತಲ್ಲ ಒಬ್ಬ ಮನುಷ್ಯ ಅಂತ.ಎಲ್ಲಿದ್ದರೂ ನಿನಗೆ ಒಳ್ಳೆಯದೇ ಆಗಲಿ.

ನಿನ್ನದೇ ಪಿಸುದನಿ...

ಹೇಳದೆ ಕೇಳದೆ ಕಣ್ ತೊಯಿಸೋ ಕಂಬನಿ,

ಮನಸಿನ ಪುಟದಲಿ ಸಹಿ ಗೀಚಿದೆ ಇಬ್ಬನಿ/

ಯಾರಲೂ ತಿಳಿಸದ ವಿಸ್ಮಯ ಈ ವೇದನೆ...

ಹಿತವಿದೆ ನೋವಲು ನಿನ್ನೊಲವಿಗೆ ನಾ ಸೋತೆನೆ?

ಅದ್ಯಾತಕೋ ಕಾಣದ ಸಂಭ್ರಮ ಎದೆಯಲಿ,

ಮೋಹದ ಮೋಡಿಗೆ ಮರುಳಾದೆನೆ....ಹೇಳು ನೀನೆ//

ದುಂಬಿಯ ತುಟಿಯಂಚಲಿ ಅಂಟಿದ ಮಕರಂದಕೆ

ಹೂಗಳ ಪಿಸುಮಾತಲೂ ತುಸು ಪಾಲಿದೆ...

ಹಸುರಿನ ಮೋಹದ ಪರಿ ಹಕ್ಕಿಯ ಕೊರಳ ಸಿರಿ...ಹೆಚ್ಚಿಸಿ ಹುರಿದುಂಬಿಸಿ ಬಳಿ ಸೆಳೆದಿದೆ ಬಿಗಿದಪ್ಪಿದೆ/

ಹೇಳುವ ಆತುರ ಮನಸಲಿ ಕಾತರ

ತಿಳಿಯದು ಉಸುರುವ ಬಗೆ....ನಿನ್ನುಸಿರಲೇ ನನ್ನುಸಿರಿದೆ//

ಅದ್ಯಾತಕೋ ಕಾಣದ ಸಂಭ್ರಮ ಎದೆಯಲಿ,

ಮೋಹದ ಮೋಡಿಗೆ ಮರುಳಾದೆನೆ? ಹೇಳು ನೀನೆ//

ತೀರವ ಸೋಕುವ ತೆರೆ

ಉಕ್ಕಿಸಿ ಖುಷಿಯ ನೊರೆ

ಸ್ಪರ್ಶಕೆ ತುಸು ನಾಚುತ ಅನುಭವಿಸಿದೆ ರೋಮಾಂಚನ/

ಭೂಮಿಗೆ ಸಾಗರ ಮುತ್ತಿಡೋ ಸಡಗರ

ನನ್ನೆದೆ ಹಾಡಲು....ನಿನ್ನ ಸಾಲನ್ನೇ ತುಂಬಿದೆ//

ಅದ್ಯಾತಕೋ ಕಾಣದ ಸಂಭ್ರಮ ಎದೆಯಲಿ,
ಮೋಹದ ಮೋಡಿಗೆ ಮರುಳಾದೆನೆ? ಹೇಳು ನೀನೆ//

ಒಡಲು ತುಂಬಲಿ..

ಮೋಹವಿದೆ ಅನುರಾಗವಿದೆ ಅಭಿಲಾಷೆಯ ಸೆಳೆತ,

ತುಂಬಿರುವ ಮುಗಿಲಿಗೆ ನೆಲವ ತುಸು ತೊಯಿಸೋ ಮಿಡಿತ/

ಹನಿದರೂ ಇಬ್ಬನಿ ಸಾಲದು ತಂಪಿಗೆ,

ಹನಿ ಹನಿ ಧಾರೆಯ ಕಾತರ ಭೂಮಿಗೆ//

ಮುರಳಿ ಗಾನ..

ದೂರ ತೀರದಲ್ಲೆಲ್ಲೋ ಮೂಡಿ,
ತೇಲಿ ಬರುತಿರೋ....ಮಧುರ ಮುರಳಿ ನಾದ/
ಕೂಗಿ ಕರೆಯುತಿರೋದಾದರೂ ಯಾರನ್ನು?
ನಿನ್ನನೇ? ನಿನ್ನ ಚಲುವನೆ?//

ಮೋಹಕ ಪ್ರೀತಿಯ ಹಾಗೆ ತಾಕಿಸಿ,

ಕೇಳಿದೆ ಗಾಳಿಯು....ಇಳೆ ಮನವ ಸೋಕಿಸಿ/

ಇರುಳಲಿ ಏಕೋ ನಿದಿರೆ ಇಲ್ಲ...ಹಗಲಲೂ ಬೀಳೋ ಕನಸನೆಲ್ಲ,

ನಾ ಹೇಳಲೇ? ಉಲ್ಲಾಸ ತಂದ ನೆನಪುಗಳ//

ಸುಳಿವಿಲ್ಲ...

ಅದೆಂದೋ ಕುಂಡದಲ್ಲಿ ಹೂತು ಮರೆತಿದ್ದ ಗೆಡ್ಡೆ,
ಲಕ್ಷಣವಾಗಿ ಚಿಗುರಿ ಡೇರೆ ಹೂಗಳ ಅರಳಿಸಿ ನಗುತಿದೆ/
ಛಲ ಬಿಡದ ನನ್ನೀ ಪ್ರಯತ್ನ,
ಎಂದಾದರೊಮ್ಮೆ ನಿನ್ನ ಮನದ ಡೇರೆಯಲ್ಲೂ ಒಲವಿನ ಹೂಗಳ ಅರಳಿಸೀತ?//



ಮೋಡದ ಮರೆಯಿಂದ ಯಾವಾಗಲೂ ಹೊರಗಿಣುಕುತ್ತಿದ್ದ ಚಂದಿರ,
ಇಂದು ಅದೇಕೋ ಒಂಟಿಯಾಗಿದ್ದ/
ಮೋಡದ ಸುಳಿವಿಲ್ಲ,
ಬೆಳದಿಂಗಳ ಒಲವಿಲ್ಲ//

ಮೋಡಗಳಿಲ್ಲ

ಬೆತ್ತಲೆ ಬಾನಲ್ಲಿ ಇಂದು...ಅದೇಕೋ ಒಂದೂ ಮೋಡಗಳಿಲ್ಲ/
ಅಂಬರದ ಈ ಐಶ್ವರ್ಯ ದೋಚಿದವರಾದರೂ ಯಾರು?//



ಮುತ್ತಿನ ತೋರಣ ಸರಿಸಿ,
ನಗುವಿನ ನೆಲಹಾಸಿನ ಮೇಲೆ ಕಾಲಿರಿಸಿ/
ಅಂತರಂಗಕ್ಕೆ ಮಂದ ಮಾರುತದಂತೆ ನೀ ಅಡಿಯಿದುವಾಗ.
ವ್ಯಥಾ ಕಿರುಚಿದ ದುಷ್ಟ ಅಲಾರಂ...ಮುಂಜಾನೆ ನಾ ಕಂಡ
ಸವಿ ಕನಸನ್ನು ನಿರ್ದಯಿಯಾಗಿ ಕೊಂದಿತು//

ಇನ್ನು ಮರಳ ಬೇಡ...

ಮುಗಿಯದ ಮೌನ ಕಲಹ,
ದೂರ ಸುದೂರ ಸಾಗುತ್ತಿದ್ದರೂ ನಿನ್ನ ಪಯಣ/
ತಲೆ ತಪ್ಪಿಸಿ ಅಡಗಲು ನೆಲೆಯೇ ಇಲ್ಲ,
ಹೀಗೆ ಅನಾಥವಾಗಿಸಿದೆಯಲ್ಲ....ನಾನು ಮಾಡಿದ ತಪ್ಪಾದರೂ ಏನು?//


ಎಲ್ಲಿ ನಿನ್ನೊಳಗಿನ ನನ್ನ ತೋರಿಸು?
ಎಂದಾಗ ಮರು ಯೋಚಿಸದೆ...ತನ್ನೆದೆ ಬಗೆದು ತೋರಿಸಿತ್ತಂತೆ ಒಂದು ಕೋತಿ/
ಹೇಳು? ನಿನ್ನೆಡೆಗಿನ ಒಲವನ್ನು ಸಾಬೀತು ಪಡಿಸಲು...
ನಾನೂ ಮಾಡಲೇ ಬೇಕ ಇಂದು ಆ ರೀತಿ?//



ಯಾರೂ ಕರೆಯದೆ ಮೌನ ಕಿಂದರಿಯ ನಾದಕೆ ಮರುಳಾಗಿ,
ನೀನು ಸಾಗಿದ್ದಾದರೂ ಎಲ್ಲಿ?/
ನಿನ್ನೆದೆ ಹಾಡಿಗೆ ಧ್ವನಿಯಾಗುವ ಜೀವವೊಂದಿದ್ದರೂ ಇಲ್ಲೇ,
ಅದ ಕಾಣದೆ ಹೋದೆಯಲ್ಲ....ಅಲ್ಲೇ ಇರು ಇನ್ನೆಂದೂ ಮರಳ ಬೇಡ//

ನಿನಗೊಂದು ಕಡೆಯ ಪತ್ರ...

ಈ ಕ್ಷಣ ನೀನು ಬಾನಂಚಲೆಲ್ಲೋ ತೇಲುತಿರಬಹುದು.ವಿಮಾನದ ಕಿಟಕಿಯಂಚಿನಿಂದ ಹೊರಗಿನುಕಿ ದೂರದ ದಿಗಂತವನ್ನೇ ದಿಟ್ಟಿಸುತ್ತಿರಬಹುದು.ನಿನ್ನ ನೋಟ ತಲುಪುವಲ್ಲಿ ಅದೇನೋ ಸಾಧಿಸಿದ ಸಂಭ್ರಮ-ತೃಪ್ತಿ ಇರೋದು ಸಹಜ.ಆದರೆ ನನ್ನೊಳಗೆ ಹಾಡಾಗಿ ಉಳಿದ ನೀನು ನನಗೆ ಹೀಗೆ ಮಾಡಬಹುದಾ? ನಿನ್ನ ಜೊತೆಯೊಂದೆ ನನ್ನ ಶಕ್ತಿ ಎಂದುಕೊಂಡಿದ್ದೆನಲ್ಲ,ಹೀಗೆ ನನ್ನ ಬಿಟ್ಟು ಇನ್ನೆಲ್ಲೋ ಹೋಗಬಹುದ? ನನ್ನ ಯೋಚನೆಯ ಲಹರಿ,ಅದರ ವಿಚಾರಗಳೇನೆ ಇರಲಿ.ನಿನ್ನ ಜೊತೆಯಿಲ್ಲದೆ ಕಳೆದ ಒಂದು ವರ್ಷ ನಾನು ಅನುಭವಿಸಿದ ಹಿಂಸೆ ನಿನಗೇನಾದರೂ ಗೊತ್ತ? ನನ್ನ ಮಾತಿನಲ್ಲಿ ಬರೇ ಕೊಂಕನ್ನೇ ಹುಡುಕುವುದೇ ಆಯಿತಲ್ಲ,ಎಂದಾದರೂ ನಾನು ಹಾಗೇಕೆ ಮಾತನಾಡುತ್ತಿದ್ದೇನೆ ಅಂತ ಯೋಚಿಸಿದ್ದೆಯ? ಬಹುಶ ನೀನು ಗಳಿಕೆಯಲ್ಲಿ ಮುಂದಿದ್ದಿ...ನನ್ನ ಗಳಿಕೆಯ ತಳಪಾಯ ಈಗಷ್ಟೇ ಗಟ್ಟಿಯಾಗುತ್ತಿದೆ...ಅಲ್ಲಿಯವರೆಗೂ ನನ್ನ ಪರದಾಟ ಇದ್ದದ್ದೇ.ಇವೆಲ್ಲ ನಿನಗೆ ಜಿಗುಪ್ಸೆ ಹುಟ್ಟಿಸಿರಬಹುದು.ಒಂದು ವೇಳೆ ನನ್ನ ಸ್ಥಿತಿಯ ಬಗ್ಗೆ ನಿನಗೆ ಜಿಗುಪ್ಸೆ ಹುಟ್ಟಿರೋದೆ ನಿಜವಾದರೆ ನಿನ್ನದು ನಿಜವಾದ ಸ್ನೇಹ ಅಂತ ಕರೆಯೋದದರೂ ಹೇಗೆ?

ಕೆರಿಯರ್ ಮುಖ್ಯ ಅದರಲ್ಲಿ ಮುಂದೆ ಬರೋದು ನಿನ್ನ ಕನಸು ಅಂತ ನನಗೆ ಗೊತ್ತು.ಈ ಹಂತದಲ್ಲಿ ನಮ್ಮಿಬ್ಬರ ನಡುವೆ ಭಿನ್ನಾಭಿಪ್ರಾಯ ಬರಬಹುದು ಅಂತಾನೂ ಗೊತ್ತಿತ್ತು ನನಗೆ.ಅದಕ್ಕೆ ಕಳೆದೆರಡು ವರ್ಷದಿಂದ ಅತಿಯಾಗದಂತೆ ದೂರ ದೂರವೇ ಇರೋಣ ಅಂತ ನಾನು ಹೇಳುತ್ತಲೇ ಬಂದರೂ ನೀನು ನನ್ನ ಮಾತು ಕೇಳಲಿಲ್ಲ.ಸುಖಾ ಸುಮ್ಮನೆ ಇನ್ನಷ್ಟು ಹತ್ತಿರವಾದೆ,ಒಂದು ವೇಳೆ ಆಗಲೇ ನೀನು ಸಂಪರ್ಕ ಕಳೆದುಕೊಂಡಿದ್ದಾರೆ ನನಗೆ ಈಗಾಗುತ್ತಿರೋವಷ್ಟು ಸಂಕಟ ಖಂಡಿತ ಆಗುತ್ತಿರಲಿಲ್ಲ.ನಿನ್ನ ಪ್ಯಾಶನ್ಗಳನ್ನ ವಾಸ್ತವ ಎಂದೆ ಭಾವಿಸಿ ಮೂರ್ಖನಾದೆ ಎಂದೆನಿಸುತ್ತೆ ಕೆಲವೊಮ್ಮೆ.ನಾನೂ ಕಳೆದೆರಡು ವರ್ಷಗಳಿಂದ ಅಂದುಕೊಂಡಿದ್ದ-ಯೋಜಿಸಿದ್ದ ಯಾವುದೇ ವಿಷಯಗಳತ್ತ ಆಸಕ್ತಿವಹಿಸದೆ ಇರೋದಕ್ಕೆ ಕಾರಣ ಎನುಗೊತ್ತ? ನಿನ್ನ ಜೊತೆ ತಪ್ಪಿ ಹೋಗಿದ್ದು.ನೀನು ಯಾವಗಲೂ ಜೋತೆಯಾಗಿರುತ್ತಿ ಅನ್ನೋ ಭ್ರಮೆಯಲ್ಲಿ ನೀನು ಮರಳಿ ಬೆಂಗಳೂರಿಗೆ ಬರೋದನ್ನೇ ಕಾಯುತ್ತ ಕೂತಿದ್ದೆ ನಾನು,ಆದರೆ ಆ ಅವಧಿಯಲ್ಲಿ ನೀನು ಎಡಬಿಡಂಗಿಯಂತೆ ಒಂದು ಕಡೆ ನನ್ನ ನನ್ನ ಪಾಡಿಗೂ ಬಿಡದೆ,,,ಇನ್ನೊಂದು ಕಡೆ ಹೊರಳಿ ಬಂದು ಜೊತೆ ಕೈ ಸೇರಿಸದೆ ಅಕ್ಷರಶಃ ನನ್ನ ಕಾಡಿದೆ.

ಈಗ ಇನ್ನ್ಯಾವುದೋ ದೇಶ ಕಟ್ಟಲು ನಿನ್ನ ಅಳಿಲು ಸೇವೆ ಸಲ್ಲಿಸೋಕೆ ಹೋಗ್ತಿದೀಯ.ನಿನ್ನಗೆ ಅಲ್ಲಿಯೂ ಒಳ್ಳೆಯದಾಗಲಿ.ನಿನ್ನ ಕುರಿತು ನನಗೇನೂ ನಂಜಿಲ್ಲ.ಆದರೆ ದಯವಿಟ್ಟು ನನ್ನ ಬದುಕಲ್ಲಿ ಮರಳಿ ಬರಬೇಡ.ಚೂರಾದರೂ ನನ್ನ ಬಗ್ಗೆ ಕರುಣೆಯಿದ್ದರೆ ಇನ್ನೆಂದೂ ನನ್ನ ಬಾಳಿನ ಕೊಳಕ್ಕೆ ಕಲ್ಲನೆಸೆಯಬೇಡ.ನೀನಿಲ್ಲದೆ ಮಹತ್ತರವಾದ ಏನನ್ನೂ ಸಾಧಿಸುವ ಉಮೇದು ಉಳಿದಿಲ್ಲ.ಆಸಕ್ತಿ ಇಲ್ಲದೆ ಏನನ್ನೂ ಮಾಡೋದಾದರೂ ಹೇಗೆ,ಕಡೇ ಪಕ್ಷ ನೆಮ್ಮದಿಯಿಂದ ಬದುಕೋದು?

ಒಗರು ಒಲವು...

ಅಗೋಚರ ಚಹರೆ ನಿನ್ನದು,

ಅಪೂರ್ಣ ಕನಸ ಹೊಸೆಯೋ ಕರ್ಮ ನನ್ನದು/

ಅರವಳಿಕೆಯೇ ನೀಡದೆ ಎದೆಯ ಬಗೆಯೋ ಶಸ್ತ್ರಕ್ರಿಯೆ,

ಈ ಒಲವೆನ್ನುವ ಒಗರು ಭಾವ//

ನಿನ್ನರಮನೆಯ ಬೀದಿಯಲಿ,

ಒಲವ ಯಾಚಿಸಿ ಅಲೆವಾಗ/

ನನ್ನ ಹಣೆಯಿಂದ ಸುರಿದ ಸ್ವೇದ ಬಿಂದು,

ನೋಡು ಹದವಾಗಿ ಚಿಗುರಿ...ಪ್ರತಿ ಹನಿಯೂ ಸುಂದರ ಸುಮಗಳಾಗಿವೆ//

ಕೇವಲ ನಿರೀಕ್ಷೆಯ ನೇಣಿಗೆ ಏರಿಸಿ,

ಕ್ಷಣ ಕ್ಷಣವೂ ಒಲವ ಮುಳ್ಳಿನ ಮೊನೆಯಿಂದ ಚುಚ್ಚಿ ಇಂಚಿಂಚಾಗಿ ನನ್ನನು ಕೊಲ್ಲುವ ಜೀವವೇ/

ನನ್ನೆದೆಯ ಬೇಗೆ ನಿನ್ನ ಮನೆಯ ಬೆಚ್ಚಗಾಗಿಸೋದಾದರೆ,

ನಗು ಚಿಮ್ಮಿಸುತಲೇ ತುಟಿಯಂಚಿನಲಿ ಸುಟ್ಟು ಬೂದಿಯಾಗಲು ನಾನು ತಯಾರು//

ಕಚಗುಳಿಯನಿಟ್ಟಿತು...

ಮೌನ ಕಲಕೋ ವೀಣೆಯ ಮಾರ್ದನಿ,

ಉಲಿವ ಕೊಳಲಿನ ಇಂಪಾದ ಇನಿದನಿ/

ನೆಲಕೆ ಬೆಚ್ಚನೆ ಚಾದರ,

ಹೊದಿಸಿ ತಬ್ಬುವ ಇಬ್ಬನಿ...ಮುಗಿಲ ದಾಟಿ ಜಾರುವ ಮಳೆ ಹನಿಯೂ ನೀನು//

ಯಾವಾಗಲೂ ನೀ ನನ್ನ ಸೋಕಲು,

ಈ ಜೀವನ ನನ್ನೊಳಗೆ ಕಚಗುಳಿಯನಿಟ್ಟಿತು/

ನೆನಪಿನ ನಾವೆಯ ನಿನ್ನ ಜೊತೆಯಲೇ ಏರಲು,

ಸಂಭ್ರಮದ ತಂತಿಯೂ ಮೀಟಿತು//

ಪಲಕು...

ಕಂಗಳಲೆ ಒಲವನು ಸೂಸಿ,

ಎದೆಯೊಳಗೆ ಪ್ರೀತಿಯ ರಾಶಿ...ಹಾಕಿರುವ ನಿನ್ನ ಹೊಗಳಲೇ?/

ನಸು ನಗುವೇ ಹೇಳಿದೆ ಎಲ್ಲ,

ಗುಟ್ಟೇನೂ ಉಳಿದೆ ಇಲ್ಲ...ತೆರೆದ ಮನವ ನಾನು ಓದಲೇ?//

ನೆನಪು

ಜೇನಿನ ಕಂಗಳಲ್ಲಿ,

ಮನಸ ಸೆಳೆವ ಹಾಡಿನಲ್ಲಿ/

ಮತ್ತೆ ಸುಳಿವ ಗಾಳಿಯಲ್ಲಿ ಬೆರೆತು ನವಿರು ಕಂಪ ಚಲ್ಲಿ,

ಇಳಿದೆ ಕನಸ ಛಾಯೆಯಾಗಿ ನನ್ನೊಳಗೆ ನೀನು//

ಮುಗಿಲಿಗೆ ನೆಗೆಯೋ ಕನಸು,

ಕನಿಷ್ಠ ಬೆಟ್ಟವನ್ನಾದರೂ ಏರಿಸೀತು/

ನುಗ್ಗುವ ಛಲ ಮುಖ್ಯ

ಗೆಲುವಿನ ಛಾತಿ ಖಂಡಿತ ಕೈಸೇರೀತು//

ಮತ್ತೆ ಯುಗಾದಿ....

ಸೋತ ಮುಗಿಲಿಗೆ ಹನಿ ಸಾಂತ್ವಾನ...

ಅಕ್ಕರೆಯ ಜೊತೆ ಬಿರಿದ ನೆಲದ ಆಸರ/

ಹನಿದ ಬೆವರ ಒರೆಸೋ ಒಲವು,

ಇನ್ನಷ್ಟು ಸುರಿವ ಹಂಬಲ...ತುಸು ಕಾತರ//

ನೀನು ಮುಗಿಲು-

ನಾನು ನೆಲ ಇದೆಲ್ಲ ಹಳೆ ಕಥೆ/

ಮುಗಿಲು ಕರಗಿ ಸೇರಿ ನೆಲದ ಜೊತೆ,

ಅರಳಲಿ ಹೊಸತೊಂದು ಲತೆ...ಇಷ್ಟವಾಯ್ತಾ ನನ್ನ ಈ ಹೊಸ ಕವಿತೆ//

ಬೀಸುವ ಗಾಳಿಯ ಒಳ ಗುಟ್ಟು,

ಕಂಪಿಸುವ ಚಿಗುರೆಲೆಗಳ ಪಾಲು/

ಮತ್ತೆ ಬಂದ ಉಗಾದಿ ಒಂದು ನೆಪವಷ್ಟೇ,

ಸಂಭ್ರಮ ಹಂಚಿಕೊಳ್ಳಲು ಈ ನಾಲ್ಕು ಸಾಲು//

ಸ್ಮರಣೆ...

ಅಳಿದ ಮೇಲೂ ಹೆಜ್ಜೆ ಜಾಡನುಳಿಸಲು,
ಅಳಿಯದ ನೆನಪ ರಂಗೋಲಿ ಉಳಿಸಲು/
ಸಾಧ್ಯ....ಅನ್ನೋದ ತೋರಿಸಿಕೊಟ್ಟ,
ನಗುತಲೆ ನೇಣಿಗೆ ಕೊರಳೊಡ್ಡಿದ ಅವನೆದೆ ದಿಟ್ಟ//

ಭಗತ್,ರಾಜಗುರು,ಸುಖದೇವರನ್ನ ಕನಿಷ್ಠ ಇವತ್ತಾದರೂ ಸ್ಮರಿಸೋಣ...

ತೃಸ್ತ...

ಚೂರಾದರೂ ಒಲವ ಹನಿ ಹನಿಸಿದ್ದರೆ ಮೋಡ,

ಬಾಯಾರಿದ ನೆಲವೂ ತುಸು ನಗುತ್ತಿತ್ತು/

ಸಂತೃಪ್ತಿಯ ತೋರ್ಪಡಿಕೆಗೆ,

ಒದ್ದೆ ಮಣ್ಣೂ ಘಮಗುಡುತ್ತಿತ್ತು//

ಖಾಲಿ ಬಾನ ವಿಷಾದದ ಚಿತ್ರ,

ಮಳೆಯ ಸುಳಿವಿರದೆ ಕಾದ ನೆಲದ ಅಪೂರ್ಣ ನಿರಾಸೆಯ ಪತ್ರ/

ನನಗಾಪ್ತ,

ಏಕೆಂದರೆ... ಒಲವಿನ ಬರದಲ್ಲಿ ನಾನೂ ತೃಸ್ತ//

ಹೇಳು?

ಬಾನಲಿ ತೇಲಾಡುವ ಮೋಡವೆ ಹೇಳು,

ನೆಲದೆಡೆಗಿನ ಮೋಹದ ಸಾಲು/

ನಿನ್ನೆದೆಯ ಪುಟದಲ್ಲಿ,

ಎಂದೂ ಮೂಡಲಿಲ್ಲವೇ?//

ಮುತ್ತು ಪೋಣಿಸಿದಂತೆ ಹಣೆಯ ಮೇಲೆ ಹನಿ ಬೆವರು,

ಕತ್ತೂ ಕಾಣಿಸದಂತ ಕರಿ ಕುರುಳ ತಂಬೆಲರು/

ನೀನು ಅಂದಾಗ ನನ್ನ ಮನಸಲ್ಲಿ,

ಮೂಡೋದು ಕೇವಲ ಇದೇ ಚಿತ್ರ//

ನಿನ್ನಲ್ಲಿ-ನನ್ನಲ್ಲಿ...

ಪಿಸುಗುಡುವ ಮಾತುಗಳಲ್ಲಿ,
ನಸುನಗುವ ಭಾವಗಳಲ್ಲಿ/
ಮೆಲುಗುನುಗುವ ಹಾಡುಗಳಲ್ಲಿ,
ನಾ ಕಳೆದು ಕೊಂಡಿದ್ದೆ ನೆಮ್ಮದಿ...ಕೇವಲ ನಿನ್ನಲ್ಲಿ//



ಮೌನದ ಅಲೆಗಳ ಕಲಕಿ,
ಕನಸಿನ ನಿರೀಕ್ಷೆಗಳ ಹೊಸಕಿ/
ನೀ ಈಗ ಇರುವುದಾದರೂ ಎಲ್ಲಿ,
ನಿನ್ನ ನೆನಪುಗಳಷ್ಟೇ ಉಳಿದಿವೆ ನನ್ನಲ್ಲಿ//

ಸನಿಹ ಸದಾ...

ನೀ ಕನಸ ಕಾಡಿದಂತಿದೆ,

ನೀ ಮನಸ ಸೋಕಿದಂತಿದೆ/

ತನುವ ತಾಕಿದಂತಿದೆ,

ನನ್ನ....ಹೃದಯ ಮೀಟಿದಂತಿದೆ//

ಬಾನೊಡಲ ಮೇಘದ ಸಾಲು,

ಕಣ್ತುಂಬಿ ಕೆಳಗೆ ಸುರಿದ ಹಾಗೆ/

ಮನದೊಳಗೆ ಕಟ್ಟಿದ ಮನೆಗೆ,

ಸೋಕಿದೆ ಕಿಡಿ...ತಾಳೋದು ಹೇಗೆ?

ಬಿರು ಬೆಂಕಿಯ ಬೇಗೆ//

ಕನಸಿನ ಏಣಿ...

ಸವಾಲುಗಳಿರಲಿ ನನ್ನ ಬಾಳಲಿ,

ಆದರೆ ಬಾಳ್ವೆಯೆ ಒಂದು ಸವಾಲಾಗದಿರಲಿ/

ನಿನ್ನೆಡೆಗಿನ ಸೆಳೆತವೂ ಕೂಡ,

ಸೆಳೆತವಾಗಿಯೇ ಉಳಿಯದಿರಲಿ.....ಕೊನೆವರೆಗೂ//

ಇರುಳ ನಿದಿರೆಯಲಿ ಮಳೆ ಸುರಿದ ಕನಸುಗಳ,

ಮನದ ಬೊಗಸೆಯಲೆ ಹಿಡಿದು ಕುಡಿಯಲ?/

ಕನಿಷ್ಠ...ಅದರಲ್ಲಾದರೂ ಕಾಣುವ ಒಲವು ತುಂಬಿದ ನಿನ್ನ,

ಕೈ ಹಿಡಿದು ಮತ್ತದೇ ಮಳೆಯಲಿ ತೋಯ್ಯುತ....ಉನ್ಮತ್ತನಾಗಿ ಕುಣಿಯಲ?//

ಕಣ್ಣ ರೆಪ್ಪೆಯ ಕಪಾಟಿನ ಒಳಗೆ,

ನೀ ಬಚ್ಚಿಟ್ಟಿರುವ ಕೋಮಲ ಕನಸುಗಳ....

ಒಂದನ್ನೂ ಬಿಡದೆ ನಾ ದೋಚಲ?/

ಬೆಲೆಕಟ್ಟಲಾಗದ ಅವನ್ನೇ ಮಾಲೆಗಳಾಗಿ ಪೋಣಿಸಿ,

ನಿನಗೇ ಅದನ್ನು ತೊಡಿಸಿ ಸಂಭ್ರಮಿಸಲ?//

ಸಂತ್ರಸ್ತ ನಾನು....

ಖಾಲಿ ಪುಟದ ಹೇಳಲಾಗದ ವಿಷಾದ,
ಮಾಡಿರದ ತಪ್ಪಿಗೂ ಹೇಳುವ ತವಕ ಮಾನಿಷಾದ/
ಸುಮ್ಮನೆ ಸಿಡಿದರೂ ಸರಿ ಹಾಗೆ,ಕಾತರವಿದೆ....ತಣಿದೀತೆ?
ಈ ವಿರಹದ ಬೇಗೆ//




ಬೆಚ್ಚನೆ ಹಬೆಯಲ್ಲೂ ಮನದ ಒಣಭೂಮಿಗೆ ಹಿತವಾಗಲಿಲ್ಲ,
ಮಳೆಯ ಎರಡು ಹನಿಗಳ ಪ್ರೀತಿಸಲು ಬರಡು ಭಾವನೆಗಳಿಗೆ ಮನಸಿಲ್ಲ/
ಹಿಡಿ ಒಲವಿಗಾಗಿ ಸಂತ್ರಸ್ತ ನಾನು,
ಸಾಸಿವೆಯಷ್ಟು ಸಿಕ್ಕಿದರೂ ತ್ರಪ್ತ//

ಕನವರಿಕೆ...

ಪಡುವಣದ ಹಣೆಯಲ್ಲಿ ಸಿಂಧೂರ,
ಇಂದೇಕೋ ಬಲು ಗಾಢ/
ಏನೋ ರಹಸ್ಯ ಇರಲೇ ಬೇಕು,
ಭೂಮಿ-ಬಾನಿನ ನಡುವೆ//



ನೇಸರ ಇಳೆಯ ಸಂಬಂಧದ ನಡುವೆ,
ಮೋಹವಿದೆ.....ಅದೇನೋ ದಾಹವಿದೆ/
ಇದನೆಲ್ಲ ಪ್ರತಿನಿತ್ಯ ಕಾಣುವ ನಿನಗೆ,
ನಿಜ ಹೇಳು....ಎಂದೂ ಏನೊಂದೂ ಅನ್ನಿಸದೇ!//



ಅಲೆಮಾರಿ ಮನಸಿಗೆ,
ಇರುಳಲ್ಲಿ ತಂಗಲು ದೊರೆತೆ ಇಲ್ಲ ತಾವು/
ಆದರೂ ದೂರದ ನಿರೀಕ್ಷೆ...ದುರ್ಬಲ ಭರವಸೆ,
ಸಿಕ್ಕೀತೆ ನಿನ್ನೆದೆಯಲ್ಲಿ ಚೂರು ಜಾಗ...ಪ್ರೀತಿ ಅರೆಪಾವು//



ಕನಸೊಳಗಿನ ಕನವರಿಕೆ,
ಮನಸೊಳಗೆ ಮೂಡಿದ ಹಿತವಾದ ತುರಿಕೆ/
ಬರಿಯ ಮಾತಿನಲ್ಲೇ ವಿವರಿಸಲಾಗದ,
ನಿನ್ನೆಡೆಗಿನ ಒಲವು ನನಗೆ//

ಅದೇಕೋ ಹೀಗನಿಸುತ್ತೆ....

ಹೆಪ್ಪುಗಟ್ಟಿದ ನೆನಪಿನ ಮಾರ್ದವ ಇಬ್ಬನಿಹನಿಗಳ,

ನಿನ್ನ ಬೆಚ್ಚನೆಯ ಉಸಿರ ಬಿಸಿಗೆ ಕರಗಿಸುವ ಹಂಬಲ/

ನನ್ನ ಹುಂಬ ಹೃದಯಕ್ಕೆ,

ಅದೇನೋ ವಿವರಿಸಲಾಗದ ಖುಷಿ ತಂದುಕೊಟ್ಟಿದೆ//

ಮುಸುಕಲಿ ಬಿಡು ಮಬ್ಬು ಮುಸುಕು,

ನಿನ್ನ ಮನಗೆಲ್ಲುವ ಕಲ್ಪನೆಯ ಬದುಕು/

ಅದೇನೇ ಆಕ್ಷೇಪ ನಿನ್ನೆದೆಯಲ್ಲಿ ಕಾವು ಕೂತಿದ್ದರೂ,

ಒಪ್ಪಿಗೆಯ ಹೂಮರಿಗಳು ಹುಟ್ಟಿಯಾವು ಎಂಬ ದೂರದ ನಿರೀಕ್ಷೆ ನನಗಿದೆ//

ಮುಗಿಲ ಚುಂಬಿಸೋ ಮೋಡ,

ನೀಲಿಬಾನಿಗೆಲ್ಲ ಪರದೆ ಹಾಕಿ/

ತನ್ನ-ಮುಗಿಲ ನಡುವಿನ ಸಂಬಂಧವ,

ಇನ್ನಷ್ಟು ಗಾಢ...ನಿಗೂಢವಾಗಿಸಿದೆ ನೋಡು//

ಸುರಗಿಗಿಂತ ಸುವಾಸನೆ,

ಪಾರಿಜಾತಕ್ಕಿಂತ

ಪರಮಾಪ್ತ/

ಮಲ್ಲಿಗೆಗಿಂತ ಮೋಹಕ,

ನಿನ್ನ ಬೆವರ ಘಮ//

ನೀರವ...

ಹೊಸ ಹರೆಯ ಹಗಲಿಗೆ,

ರವಿ ರಂಗಾದ ಮೂಡು ಮುಗಿಲಿಗೆ/

ಸದ್ದು...ಇಲ್ಲಿ ಮೌನ ಮಾತಾಗುತ್ತಿದೆ,

ಪಿಸುದನಿಯೂ ದುಬಾರಿ ಮುತ್ತಾಗುತ್ತಿದೆ!//

ಕಾಣದ ಜಾಡಲಿ...

ಬೆಳಕಿನ ಸ್ಪೂರ್ತಿಯಿಂದ ಅರಳಿರೋದೆ,

ಬೆಳದಿಂಗಳ ರಂಗವಲ್ಲಿ/

ಕನಸ ಕುಸುಮಕೆ ಅರಳೋ ಅಣತಿಯಿತ್ತು,

ನೀ ನನ್ನಿಂದ ದೂರ.....ಹೊರಟಿದ್ದಾದರೂ ಎಲ್ಲಿ//

ಹಳೆಯ ಹಾಳೆ...

ಉಸಿರಿರೋವರೆಗೂ,

ಎದೆ ತುಂಬ ಒಲವಿರೋದು ಖಾತ್ರಿ/

ನೆನಪಿನ ರಾಜಬೀದಿಯುದ್ದಕೂ,

ನಿನ್ನದೆ ವಿರಹದ ಜಾತ್ರಿ//

ಬದುಕ ಪುಸ್ತಕದ ಪುಟಗಳಲ್ಲಿ ನವಿರು ವಾಸನೆ,

ನಿನ್ನ ಬೆವರ ಘಮವನ್ನೇ ನೆನಪಿಸುವ ಮಧುರ ಯಾತನೆ/

ಅಚಾನಕ್ ಯಾವುದೋ ಹಾಳೆಯ ನಡುವೆ ಸಿಗುವ ನವಿಲುಗರಿ ಮರಿ ಮಾಡಿದೆ,

ಥೇಟ್ ನನ್ನೆದೆಯಲ್ಲಿ ನೀ ಮಾಡಿದಂತೆ....ವಿಷಾದದ ಕಾವಿಗೆ//

ಉರಿಯಲ್ಲೂ ತಂಪಿದೆ...

ಕಣ್ಣ ಚೂರಿಯಿಂದ ಇರಿದು.

ಮೌನದ ಮೊನೆಯಿಂದಾನೂ ತಿವಿದು/

ವೇದನೆಯನ್ನೇ ಕೊಡುತ ಹೀಗೆ...ನೀನೆಷ್ಟೇ ಗೋಳು ಕೊಟ್ಟರೂ,

ಎದೆಮೇಲೆ ಕಿಚ್ಚನಿಟ್ಟರೂ...ಆ ಬೆಂಕೀಲೆ ಮನೆಯ ಬೆಳಗುವೆನು//

शायद तुम एहसास करपाते...

अगर मई कहूं के तुम मेरे जान हो,

थो शायद मई जूटा लागू/

पर हकीकत थो ये है,

की तुम्हारी काथिर ही....अपनी साँस बी है लागू//

ನಿರಂತರ ವಿಷಾದ..

ಭಾವ ಯಾನದಲ್ಲಿ...ತೂತು ತೆಪ್ಪ ನಂಬಿದ ಪಯಣ/

ಇದ್ದರೇನು ಹಾಡೋ ಹಂಬಲ?

ಮನಸು ತಂತಿ ಹರಿದ ಒಡಕು ವೀಣಾ/

ಮುರಿದ ಬಾಳೆ ಬಳುವಳಿ ನನಗೆ,

ನೋವ ಮರೆತು ನಗುವುದಾದರೂ ಹೇಗೆ?//

ಕನಸು...

ಮೋಹಜಾಲದಲ್ಲಿ ನನ್ನ...ಜೇಡನಂತೆ ಸಿಲುಕಿಸೊ ಮುನ್ನ,

ಹನಿ ದಯೆ ಬರಲಿಲ್ಲವೇ?/

ಒಪ್ಪಿ ಬಂದ ಬಂಧಿ ನಾನು...ಒಲವ ಫಾಶಿ ಹಾಕಿದರೂನು,

ನಗುತಲೆ ಸಹಿಸುವೆನು//

ಗುಟ್ಟಿನ್ನೇನೂ ಉಳಿಯದಾಗಿದೆ,

ನಿಜವೆಲ್ಲ ಬೆತ್ತಲಾಗಿದೆ/

ಹುಸಿ ಮೌನ ಇನ್ನು ಬೇಕೆಬೇಕ?,

ಇನ್ನೂ ನೀ ನನ್ನ ಕಾಡಬೇಕ?//

ಒಲವಿನ ಹಿನ್ನೀರಲ್ಲಿ ತೇಲುವ ಒಂಟಿ ದೋಣಿ ಹೊಯ್ದಾಟ,

ಕಿತ್ತ ನೋವಿದ್ದರೂ ನಗುತಲೆ ವಿಷಾದ ಮರೆವ ಮಲ್ಲಿಗೆಯ ಅರೆ ಬಿರಿತ/

ಗಿರಿ ನೆತ್ತಿಗೆ ಮುತ್ತಿಡೋ ಮೇಘದ ತುಡಿತ,

ಮಧುರವಾಗಿ ಉಲಿವ ಹಕ್ಕಿಯ ಹೃದಯದ ಮಿಡಿತ...ನನಗಿಷ್ಟ..ನಿನ್ನಷ್ಟೆ//

ಮಲಗು ನೀ ಮೋಹಕವಾಗಿ...ಪುಟ್ಟ ಹಸುಳೆಯಂತೆ,

ಅದರಲಿ ಬರುವ ಕನಸು ನನ್ನವೇ...ಕೇವಲ ನನ್ನವೇ ಆಗಿರಲಿ/

ಬಾಳ ದೀರ್ಘ ಪಯಣದ ಹಾದೀಲಿ ನಿನ್ನ ಆಯ್ಕೆ ಇನ್ಯಾರೇ ಆಗಿದ್ದರೂ,

ನನ್ನ ನೆನಪಾದಾಗೊಮ್ಮೆ....ತುಟಿಯಂಚಲಿ ಹಾಗೆ ಕಿರು ನಗೆ ಬರಲಿ////

ಗೀಚೋದು ಯಾರು...ಒಲವ ಹಣೆ ಬರಹ...

ಖಾಲಿ ಕಾಗದ ಮನಸು,

ಕಲೆಯಾದರೂ ಪರವಾಗಿಲ್ಲ...ಒಲವಿನ ಕೆಂಪು ಶಾಯಿ ಅದರ ಮೇಲೆ ಸಿಡಿಸು/

ನಿರುಪಯೋಗಿ ಅಂತ ಎಸೆದರೂ ಚಿಂತೆಯಿಲ್ಲ ನಂತರ,

ಬೇಕಿಲ್ಲ ಈ ಪಾವಿತ್ರ್ಯದ ಸೋಗು...ಹುಸಿ ಅಂತರ//

ಸುಳಿವಿರದ ಸಂಚಿಗೆ,

ಮುಗುಳ್ನಗು ಸೂಸೊ ತುಟಿಯಂಚಿಗೆ/

ನಾನು ಬಲಿಯಾದದ್ದು ಹೌದು,

ತುಂಟ ಕಳೆಯ...ನಿನ್ನ ಕಣ್ಣ ಮಿಂಚಿಗೆ//

ಹುಸಿ ನಿರೀಕ್ಷೆಯ ಬೋಳೆ ದಾಸ,

ಹಳೆ ನೆನಪುಗಳ ಭಾವದ ಜೊತೆ ನಿತ್ಯ ಸಹವಾಸ/

ಗೆದ್ದೇ ಗೆಲ್ಲುವ ಅದಮ್ಯ ಭರವಸೆ,

ನಿನ್ನೊಲವಲಿ ಸೆರೆಯಾಗೊ ಅದುಮಿಟ್ಟ ಆಸೆ....ನನಗೆ//

ಕೇಳದೆ?

ಚಿಮ್ಮುತಿದೆ ಹೊರ ಹೊಮ್ಮುತಿದೆ ಅನುರಾಗದ ಚಿಲುಮೆ,

ತಂಪೆರೆವ ಮಳೆ ಬಾರದಿರೋ ಎದೆ ಭಾವದ ಕುಲುಮೆ/

ಬೀಸುವ ಗಾಳಿಯ ಪಿಸುದನಿ ಕೇಳೆಯ?

ಮನದ ಹುನ್ನಾರದ ಕಾತರ ಕಾಣೆಯ?//

ವೇದನೆಯ ಅಲೆಗಳ ಮೇಲೆ ನಾ ತೇಲುವ ನಾವೆ,

ನೀನಿರದ ಪಯಣದ ಕೊನೆಗೆ ಗುರಿ ಕೇವಲ ಸಾವೆ/

ಮುಳುಗುವ ಮೋಹದ ಒಡಕಿನ ಭಯವಿದೆ,

ನಿನ್ನೆದೆ ಆಸರೆ ನೆರಳಿನ ಮೊರೆಯಿದೆ//

ನಿನ್ನ ಜೊತೆಯೇ ಬೇಕು ಬಾಳಿಗೆ/

ಮನದ ಮನೆಯ ಕೊಡುವೆಯ ಬಾಡಿಗೆ?//

ಒಲವು ವೇಳಾಪಟ್ಟಿಯಲ್ಲ...

ಭಾವದ ನಡು ಕಡಲಲ್ಲಿ,

ದಿಕ್ಕೆಟ್ಟು ದೆಸೆ ತಪ್ಪಿದ ಅನಾಥ ದೋಣಿ/

ಎಲ್ಲರಿಗೆ ನಾ ಬೇಡವಾಗಿದ್ದರೂ,

ನನಗೆಲ್ಲರೂ ಬೇಕೇಬೇಕು....ಒಲವ ಮಂಜಿನಹನಿಯಲ್ಲಿ ತೋಯಿಸಲು//

ಪಿಸು ಮಾತಲೇ ಮನೆ ಕಟ್ಟಲ?

ನಸುನಗುವಲ್ಲೇ ಅದ ಶೃಂಗರಿಸಲ?/

ಆ ಮನೆ ನಿನಗಿಷ್ಟವಾಗಿ ತುಸು ನಕ್ಕರೂ ಸಾಕು....

ನನ್ನ ಈ ಕನಸು ಧನ್ಯ//

ನಾಳೆ ಬರಲಿರುವ ದಾರಿ ಒಂದು ಕನಸು,

ಕಳೆದು ಹೋಗಿರೋ ನೆನ್ನೆಗಳಷ್ಟೇ ಸತ್ಯ ಹಾಗು ಬಾಳಿನ ಸೊಗಸು/

ನೆನಪಿನ ಕೊಂಬೆಗೆ ಕಟ್ಟಿದ ಉಯ್ಯಾಲೆ ನನ್ನ ಮನಸು,

ಅದ್ರ ಮೇಲೆ ತೂಗೋದು ಕೇವಲ ನೀನು....ನಿನ್ನ ಮನಸು//

ಮನ ಮುದಗೊಂಡಾಗ ನಗಬೇಕು,

ದುಃಖಒತ್ತರಿಸಿ ಬಂದಾಗ ಅಳಬೇಕು/

ಭಾವನೆಗಳಿಗೂ ವೇಳಾಪಟ್ಟಿ ಹಾಕೋ ಹರಕತ್ತು ಏಕೆ?

ಪ್ರೇಮ ನಿವೇದನೆಗೂ ಪ್ರತ್ಯೇಕ ದಿನದ ಹಂಗಾದರೂ ಏಕೆ?//

ಆದರೂ....ನಿಮ್ಮ ಪ್ರೀತಿ ನಿಮ್ಮ ಕೈಸೇರಲಿ

ಕನಸಿನಲ್ಲಿ ಕಾಡಬಾರದೆ? ನನಸಿನಲ್ಲಿ ಕಾಣಬಾರದೆ? ನನ್ನ ರೆಪ್ಪೆ ಬಡಿತವನ್ನು...ನನ್ನ ಎದೆಯ ಮಿಡಿತವನ್ನು...ಕೇಳಬಾರದೆ? ಏನನಾದರೂ ಹೇಳಬಾರದೇ?

ಉಸಿರಾಗುಳಿ ನನ್ನಲಿ...

ಮುಟ್ಟಿಗೊತ್ತಿಲ್ಲ,

ಮುತ್ತಿಡುವ ಮಾತೆ ಹುಟ್ಟಿಲ್ಲ/

ಎದುರಿಂದ ದೂರಾದರೂನು...ನಿನ್ನ ಕನಸ ಕಾಣೋದೆ ನನಗಿಷ್ಟ,

ನಿನ್ನುಸಿರ ಕಂಪಲ್ಲಿ ತೇಲೋದೆ ಮನದ ಅಭೀಷ್ಟ//

ಮುಗಿಲಿನಿಂದ ಉದುರೋ ಇಬ್ಬನಿಯ ಹನಿ,

ಕೇಳುತ ಬೆಳಕಿನೊಡೆಯನ ಪಿಸುದನಿ/

ಅವನದೇ ರಶ್ಮಿಗೆ,

ಮತ್ತಷ್ಟು ರಂಗಾಯಿತು//

ಕೂಡಿಟ್ಟ ಕನಸಿನ ಖಜಾನೆ,

ಲೂಟಿ ಆಗಿರೋದು ನಿಜಾನೆ/

ಒಲವು ನಿನ್ನೊಳಗೂ ಅಂತರ್ಗಾಮಿ ಎಂಬ ಅರಿವು ನನಗಿದೆ,

ಆದರೆ ನಿನ್ನ ಮನಸನರಿಯೋದಾದರೂ ಹೇಗೆ?//

ಮೌನ ಕದಡಿದ ಪಿಸುಮಾತು,

ಹೇಳೋದಿನ್ನೇನೂ ಉಳಿದಿಲ್ಲ/

ಉಸಿರಾಗುಳಿದರೆ ಸಾಕು,

ಇದಕ್ಕಿಂತ ಹೆಚ್ಚು ಬೇಡಿಕೆ....ಇಲ್ಲವೇ ಇಲ್ಲ//

ಹೂವಿನ ಮೋಡಿ....

ಆಗ ತಾನೆ ಅರಳಿದ ಮೋಹಕ ದಾಸವಾಳದ ಮುಂದೆ,

ಮತಿಗೆಟ್ಟು ಮೈಮರೆತು ಹಾರೋ ಪೆದ್ದು ದುಂಬಿಗಳ ಮಂದೆ/

ಮೀಸಲು ಇನ್ನೂ ಮುರಿಯುವ ಮೊದಲೇ,

ನೋಡಿದಿರಾ ವಯ್ಯಾರಿ ಹೂವಿನ ರಗಳೆ!

जालिम कयाल...

ये बी खूब रही,

हमारे आशिक..... कुद हमारी ही कातिल बने/

उफ़ इन जुल्मी तयार,

आँखोंकी तीर ही कुछ औरोंसे बारी पड़ी//

ಒಲವ ಅನ್ವೇಷಣೆ...

ಹನಿ ಹನಿಯಲ್ಲೂ ಒಲವ ಹೊತ್ತು ನಿರಂತರ ಸಾಗರಮುಖಿಯಾಗೋ ನದಿಗಿರದ ಬೇಸರ,

ನಿತ್ಯ ಮೂಡುತ ಗೋಗೆರೆದರೂ ಭೂಮಿ ಮನವ ಗೆಲ್ಲಲಾಗದ ನೇಸರ/

ಇವರಿಬ್ಬರೇ ಸ್ಫೂರ್ತಿ,

ನಿನ್ನ ಅಸಡ್ಡೆಯ ಮೌನಕ್ಕೂ ತಲೆ ಕೆಡಿಸಿಕೊಳ್ಳದ....ನನ್ನ ಛಲ ಬಿಡದ ಪ್ರಯತ್ನಕ್ಕೆ//

ಉದುರಿದ ಮಾತೆಲ್ಲ ಮುತ್ತಾಗುವಂತಿದ್ದರೆ?

ಮೂಡಿದ ಬೆವರ ಸಾಲೆ ಮೂಗ ನತ್ತಾಗುವಂತಿದ್ದರೆ?/

ಸಾಕೆ ಸಾಕು,

ಅದರಲ್ಲೇ ನಿನ್ನ ಚಲುವು ಪರಿಪೂರ್ಣ//

ಒಲವೆನ್ನೋದು ಒಂದು ಕಾಯಿಲೆ,

ನೀನೆ ಹೇಳು? ಇನ್ನೆಷ್ಟೂ ಅಂತ ನಾನಾದರೂ ಕಾಯಲಿ?/

ನರಳಿ ನರಳಿ ನನಗೂ ಸಾಕಾಗಿ ಹೋಗಿದೆ....

ಪ್ರೀತಿಯ ನೆರಳಿನಾಸರೆ ತುರ್ತಾಗಿ ಬೇಕಿದೆ//

ಬಚ್ಚಿಟ್ಟ ಮಾತು...

ಹೇಳಲಾಗದಂತಾ ಮಾತು...ಎದೆಯ ಚಿಪ್ಪೊಳಗೆ ಕುಲಿತಿಳಿದು,

ಆಗಲೀ ಮುತ್ತಾಗಲಿ ಎಂದೆಂದಿಗೂ/

ಉಸಿರು ತುಂಬುವ ತಂಗಾಳಿ,

ಮೆಲ್ಲನೆ ಅದನೂ ಸೋಕಿ..ಸಾಗಲಿ ಸುಳಿದಾಡಲಿ ನಿನ್ನ ತಾಕಲಿ//

ನಾನು ಸತ್ತರೆ ಏನು? ಆ ಮುತ್ತಿನ ಒಡೆತನ ನಿನ್ನದೇ ತಾನೆ?

ನೀ ಹುಡುಕಿ ತೆಗೆಯಿವಿಯೋ....ಇಲ್ಲ ಸುಮ್ಮನಿರುವೆಯೋ ನಾನಂತೂ ಕಾಣೆ!

ದೊಡ್ಡದಾಯಿತು ಹಗಲು,

ಇರುಳಿಗೆ ಅದೇಕೋ ಕಿರಿದಾಗುವ ತೆವಲು/

ನೋಡು...ಅದೂ ನಿನ್ನಂತೆ ಕಡು ಸ್ವಾರ್ಥಿ,

ಬಯಸಿದಾಗ ಬರದೆ ಓಡೋಡಿ.....ತನಗನಿಸಿದಾಗ ಬಂದಿದ್ದು ಕಾಡೋದೇ ಆದರೆ ರಿವಾಜು-ರೀತಿ//

ಚಳಿ ಮುಗಿಯುವುದರ ಸಂಕೇತ ,

ಸದಾ ನಳನಳಿಸೋ ಮರಗಳು ಎಲೆಯುದುರಿ ಬೋಳಾಗೋ ಅಕಾಲ ದುಃಖ/

ನನಗಂತೂ ಇದು ಹೊಸತೇನಲ್ಲ,

ಬಗಲಿನಲ್ಲೇ ಭದ್ರವಾಗಿದೆ...ನಿರಾಕರಣೆಯ ನೋವಿನ ತಂಬಾಕು ತುಂಬಿಟ್ಟುಕೊಂಡಿರುವ ವಿಷಾದದ ಹುಕ್ಕ//

ಚಿಟ್ಟೆ ಕಾಣುವಷ್ಟು ಪ್ರಪಂಚ,

ಕಣ್ತುಂಬಿಸಿಕೊಳ್ಳೋ ಭಾಗ್ಯ ನಸು ನಗುವ ಹೂವಿಗಿಲ್ಲ/

ಆದರೇನು?

ತನ್ನಲ್ಲೇ ಬ್ರಂಹಾನ್ಡ ತೋರಿಸುವ ಚಾತುರ್ಯ ಅದಕಿದೆಯಲ್ಲ...ಥೇಟು ನಿನ್ನಂತೆ!//

ಧ್ಯಾನಕ್ಕೂ ಇಲ್ಲಿ ಬೆಲೆ ಇದೆ...

ದುಂಬಿಯ ಧ್ಯಾನವ ಕಂಡು,

ಹೂವಿನ ಮನಸೂ ಕರಗಿ...ಸವಿಯಾದ ಮಕರಂದ ಸ್ಪುರಿಸಿ ಮುಗುಳ್ನಕ್ಕ ಹಾಗೆ/

ನೀನೂ ಅರೆ ಕ್ಷಣ ನನ್ನತ್ತ ತಿರುಗಿ,

ಕಿರುನಗೆಯನ್ನಾದರೂ ಹರಿಸದಿದ್ದರೆ ಹೇಗೆ?//

ನೆನೆಪ ನಾವೆ....

ಹೂವಿನ ಎಸಳಿನ ನವಿರು,

ಜಿಂಕೆಯ ಕಣ್ಣಿನ ಚಲುವು....ಗಾಳಿಯಲಿ ದೂರದಿಂದ ತೇಲಿಬರುವ ಹಾಡು//

ಕನಸಲಿ ಸುಮ್ಮನೆ ಬಂದು,

ನೋಡುತ ನಿಂತು ನಿ ಚಿನ್ನ....ಎಡೆಬಿಡದೆ ಹೀಗೆ ನನ್ನ ಕಾಡು/

ಅದೇನೋ ಮೋಡಿ ನಿನ್ನ ನೆನಪಲೆ,ಅದ್ಯಾವ ಮಾಯೆ ಎಂದು ನಾ ಹಾಡಲಿ?

ಅದೆಲ್ಲೇ ಹೇಗೆ ನೀನಿದ್ದರೂ,

ನನ್ನ ಮನಸಲಿ ನೀನೆ...ನೀನೆ ಅದು ನೀನೆ ತಾನೆ?//

ಕಿರುಬೆರಳ ಮೊನೆಯಲ್ಲಂದು,

ತೋಳಿನ ಮೇಲೆ ನೀ ಗೀಚಿ...ಬರೆದಂತ ಚುಕ್ಕಿಯಿರದ ರಂಗೋಲಿ/

ಇಂದ್ಯಾಕೋ ಮನಸಲಿ ಮೂಡಿ,

ಮತ್ತೊಮ್ಮೆ ಮಾಡಿದೆ ಮೋಡಿ,

ನಿನ್ನ ನೆನಪ ಹೊತ್ತ ನಾವೆ ಹೀಗೆ ಸಾಗುತುರಲಿ//

ನೀನೆ ಕೇಳದ ಮೇಲೆ...

ಅದೇ ರಾತ್ರಿ,
ಅದೇ ಹಗಲು/
ಮತ್ತದೇ ನಿನ್ನ...ಕೇವಲ ನಿನ್ನದೇ ನೆನಪು,
ಅದನ್ನೇ ಮತ್ತೆ ಮತ್ತೆ ಹಾಡೋ ಕಿಸಬಾಯಿದಾಸ ನಾನು//



ಎಲ್ಲೂ ಕಾಣದ ಹುಚ್ಚು ಪ್ರೀತಿಯೇನಲ್ಲ,
ಬೇರೆಲ್ಲರಿಗಿಂತ ಖಂಡಿತ ಹೆಚ್ಚು ಪ್ರೀತಿ ಅನ್ನೋದು ಮಾತ್ರ ನಿಜ/
ಇಷ್ಟೆಲ್ಲಾ ಪರಿ ಪರಿಯಾಗಿ ಮೊರೆಯಿಡುತ್ತಿದ್ದರೂ,
ಇನ್ನೂ ಮೌನವಾಗೆ ಇದ್ದು ನೀಡುತಲೇ ಇರಬೇಕೆ ನನಗೆ ಸಾಜಾ//



ಇತ್ತೀಚಿಗೆ ನಾನಿರೋ ಊರಲ್ಲಿ ನೂರಾರು ಕೀಚಕರು,
ಮುಂದೊಮ್ಮೆಯ ಅನಾಹುತಗಳ ಊಹಿಸದೇ ಸಾವಿರಾರು ಮರಗಳ ಕೊಂದರು/
ಈಗೀಗ ಮನಸೊಳಗೂ ಬರಡು ಜಾಲಿಯಂತೆ ಹಬ್ಬುತಿರುವಾಗ,
ಹೊರಗೂ ಹಸಿರು ಮಾಯವಾಗಿ ಬೆಂಗಾಡಾದರೆ ಸಹಿಸೋದು ಹೇಗೆ?//



ಕಣ್ಬಿಟ್ಟೆ ಕನಸ ಕಾಣೋ ಮರುಳು,
ನನ್ನ ನೆನಪಾಗಿ ಮನಸು ಆರ್ದ್ರಗೊಂಡರೆ....ಬಾಳ ಯಾವುದೇ ತಿರುವಿನಲ್ಲಾದರೂ ಒಮ್ಮೆ ಹಿಂದೆ ಹೊರಳು/
ನಾನು ಅಲ್ಲೇ ನಿಂತು ಕಾಯುತಿರುತೀನಿ,
ಒಂದೇ-ಒಂದು ನಗೆಹೂ ಚಲ್ಲಿದರೂ ಸಾಕು...ನೆಲಕ್ಕೆ ಸೋಕುವ ಮುನ್ನ ಬೆಚ್ಚಗೆ ಬೊಗಸೆಯಲ್ಲಿ ಹಿಡಿಯುತೀನಿ//

ಏಕಾಂತವೂ ಶಿಕ್ಷೆ ಕೆಲವೊಮ್ಮೆ...

ಬೆಳಗಾದರೆ ಸಾಕು,

ಮತ್ತದೇ ನಿನ್ನದೇ ನೆನಪು/

ಕನಸಲ್ಲಂತೂ ಎಡೆಬಿಡದೆ ಕಾಡಿರುತ್ತಿ,

ನನಸಲ್ಲೂ ಹೀಗೆ...ಹಿಂಸೆ ಕೊಡಲೇ ಬೇಕ?//

ಹೊತ್ತು ಸರಿಯುತ್ತಲೇ ಇತ್ತು,

ಹಗಲಿಗೂ ಮುಸ್ಸಂಜೆಗೆ ದಿನದ ಲೆಖ್ಖ ಕೊಡುವ ಬಾಬತ್ತು/

ಇಷ್ಟೊಂದು ನಿಬಿಡ ಜಗತ್ತಿನಲ್ಲಿ ನಾನೊಬ್ಬನೇ ಪಾಪಿ ಏಕಾಂಗಿ,

ನೀನೂ ಇಲ್ಲ ಜೊತೆಗೆ...ಸತ್ತಾದರೂ ಹೋಗಿದ್ದಾರೆ ನಾನು ಎಷ್ಟೋ ಚೆನ್ನಾಗಿತ್ತು//

कुछ बात अदूरी...

ज़ख्म बरते नही,

सिर्फ़ चुप जाते है/

मंजिल पाने की मोकाम पर,

होटोंतक बेवजा...अश्क बेहजाते है//

ಸತ್ತರೂ ವ್ಯಾಮೋಹಿ...

ಕರುಳು ತೂತಾಗುವಂತೆ ಕುಡಿಯೋಕೆ,
ಪಡಖಾನೆಗೆ ಹೋಗಬೇಕೆ?/
ಮನದ ಕಪಾಟಿನಲ್ಲಿ ಜತನವಾಗಿಟ್ಟಿರೋ ನೋವಿನ ಭರ್ತಿ ಶೀಷೆಯೇ ಇದೆಯಲ್ಲ....ಅದೇ ಸಾಲದೇ,
ಗುಟುಕು ಗುಟುಕಾಗಿ ಹೀರಿ ಅನುಕ್ಷಣ ಸಾಯೋಕೆ?//


ಕಳೆದುಕೊಳ್ಳಲಾದರೂ ಏನಿತ್ತು?,
ನಿನ್ನ ಕೈ ಬಡಿತ ನನ್ನ ಬಾಳ ಬಾಗಿಲ ಮೇಲೆ ಬೀಳೋತನಕ?/
ಗಳಿಸೋಕೆ ಇನ್ನೇನು ತಾನೆ ಉಳಿದಿದೆ,
ಸಂತೃಪ್ತ ನಾನು...ಜೊತೆಗೆ ನೀನಿರುವುದೇ ನಾಕ//


ಇನ್ನೇನೆ ನುಡಿದರೂ ಅದು ಕೃತಕ,
ಕಣ್ಣ ಭಾಷೆಯಲ್ಲಿ ಹೇಳಿದ ಒಂದೇ-ಒಂದು ಮಾತು ಸಾಕಿತ್ತು/
ಅರ್ಥ ಮಾಡಿಕೊಳ್ಳೋದು ಕಷ್ಟವೇನೂ ಆಗುತ್ತಿರಲಿಲ್ಲ,
ನಿನಗೂ ಇದ್ದಿದ್ದರೆ ನನ್ನಂತೆ ಒಲವ ಹಿಂದೋಡೊ ಹರಕತ್ತು//

अदूरी बात...अदूरी रात...

दुनिया चाहे जोबी कहे,

जस्बातों के गुलाम होना है हमें/

शायद एइत्राज हो आपको,

पर अदूरी बात पूरा सुनाना ही है हमें//

ಎದೆಯೊಳಗಿನ ಚಿತೆ....

ಒಲೆಯ ಮೇಲಿರಿಸಿದ ಹಾಲನ್ನು ಪದೇ ಪದೇ ಮರೆಯುತ್ತೇನೆ,
ಆದರೆ ಉರಿ ಕಿರಿದಾಗಿರೋದರಿಂದ ಅದು ಉಕ್ಕೋದಿಲ್ಲ/
ನಿನ್ನ ನಿರಾಕರಣೆಯ ನೆನಪ ಬೇಗುದಿಯೂ ಹೀಗೆ,
ದುಃಖ ಒತ್ತರಿಸಿ ಬಂದರೂ ನಾನು ಬಿಕ್ಕುವುದಿಲ್ಲ//


ಇರುಳು ಸತ್ತ ಸಂಕಟ,
ಹಗಲು ಹೆತ್ತ ಸಂತಸ/
ಇವುಗಳೆರಡರ ಸಮ ಭಾವ,
ಮೋಡದ ಮರೆಯಲಿ ಸಿಂಧೂರ ಉಡುಗಿ ಹೋದ ಮೂಡಣದ ವೈಧವ್ಯದ್ದು//

ಕಣ್ಣೀರ ತೆರೆಯಾಚೆ.....

ಕಣ್ಣ ಕನ್ನಡಿಯಲ್ಲಿ ಕಂಡ,

ಕಣ್ಣೀರ ಹನಿಯಲ್ಲಿ ಮಿಂದ/

ಪ್ರತಿಬಿಂಬ ನಿನ್ನದೇ,

ಹೀಗಿದ್ದರೂ... ಅದರಲ್ಲಿ ಅಡಗಿರುವ ಯಾಚನೆ ನಿನಗೆ ಕಾಣದೆ?//

ರೋಗಿ ನಾನು...

ಸುಮ್ಮನೆ ಕುಳಿತರೂ ಇರಲಾಗುತ್ತಿಲ್ಲ,

ನಿನ್ನನೇ ಎಲ್ಲೆಲ್ಲೂ ಕಾಣುವ ಮೋಡಿ ನನ್ನ ತಾಗಿದೆ/

ಪೂರ್ತಿ ಹುಚ್ಚೋ...ಅರೆ ಮರುಳೋ,

ನಿರ್ಧರಿಸಿ ಚಿಕಿತ್ಸೆ ನೀಡಬೇಕಿರುವುದು ನೀನೆ ತಾನೆ//

ಎಷ್ಟು ಹೇಳಿದರೂ ಕಡಿಮೆಯೇ....

ಕೇಳಿದ್ದಕ್ಕಿಂತ ಹೆಚ್ಚು ಸಂತಸ,

ಆಶಿಸಿದ್ದಕ್ಕೂ ಮಿಗಿಲು ಉಲ್ಲಾಸ/

ತುಂಬಿ ಕೊಟ್ಟಿರುವ,

ಬೆಂಗಳೂರು ಎಂಬ ಮಾಯೆಗೆ ನೂರು ನಮನ//

ನೆನಪ ಜಾತ್ರೆ...

ಮಿಡಿದ ಕಂಬನಿಗೆ ಪಶ್ಚಾತಾಪವಿಲ್ಲ,

ಮುಳ್ಳ ಮೊನೆಯಲ್ಲೇ ಇರಿದವರ ಬಗ್ಗೆ ನಂಜೇನಿಲ್ಲ/

ತಟ್ಟಿದ್ದು ಬೆನ್ನನ್ನೂ ಇಲ್ಲ ತಲೆಯನ್ನೂ...ಅದೆಲ್ಲ ಗೌಣ,

ಬೆಳೆಯೋ ಛಲ ಮೂಡಿಸಿದ ಎಲ್ಲರಿಗೂ ಕೃತಜ್ನ್ಯತೆಯ ಮುಗುಳ್ನಗೆ ಜೊತೆಗೆರಡು ಕ್ಷಣ ಮೌನ//

ಸವೆದರೂ ಸವಿಯಾಗಿಯೇ ಉಳಿಯೋದು,

ನೆನಪು ಮಾತ್ರ/

ಅಳಿಸಲಾಗದಂತೆ ಮನದ ಭಿತ್ತಿ ಮೇಲೆ ಮೂಡಿ ಕಾಡೋದು.... ಬರೇ ಅದರ ಮಾರ್ದವ ಚಿತ್ತಾರ//

ಕದ್ದರೂ ಕಳ್ಳನಲ್ಲ...

ಗೊತ್ತು ನನ್ನ ಅಗತ್ಯ ನಿನಗಿಲ್ಲ,
ಆದರೆ ನನಗೋ ಇದು ಬಿಟ್ಟು ಬೇರೇನೂ ಗೊತ್ತಿಲ್ಲ/
ಇನ್ನೆಲ್ಲೂ ಹರಿದಾಡದಲ್ಲ ಕಳ್ಳ ಮನಸು,
ಯಾವಾಗಲೂ ನಿನ್ನದೇ ಅಂತೆ ಅದಕ್ಕೆ ಕಳ್ಳ ಕನಸು//


ನಕ್ಕಾಗ ಇರುಳಲ್ಲಿ ನಕ್ಷತ್ರ,
ಹಗಲ ಹೊಸ್ತಿಲಲ್ಲಿ ಬೆಳಗಿ ಬಣ್ಣದ ಚಿತ್ತಾರ/
ಚಳಿಗೆ ಮುದುಡಿ ಚಡಪಡಿಸುವಾಗ ನಾನು,
ನೆನಪಾಗಿದ್ದು ಕೇವಲ ನೀನು//


ಪದಕ್ಕೆ ಪದ ಪೋಣಿಸಿ ಕವನ ಕಟ್ಟಿ ಗೆದ್ದೆ,
ಅಕ್ಷರದ ಖಜಾನೆಗೆ ಕನ್ನ ಹಾಕಿ ಚೂರಾದರೂ ಕದ್ದೆ/
ಆದರೆ...ನಿನ್ನೊಲವ ಗೆಲ್ಲಲಾಗಲಿಲ್ಲ,
ನಿನ್ನ ಮನದ ಭಂಡಾರ ದೋಚಲಾಗಲಿಲ್ಲ//

ಅಲ್ಪ ತೃಪ್ತ....

ಹೇಳೋಕೆ ನಾಚಿಕೆ ಎನಿಸಿದರೆ,

ಸಂಜ್ಞೆಯ ಇಶಾರೆ ತೋರಿ ನೀ ತಾಕು/

ಅದೂ ತುಟ್ಟಿ ಎಂದೆನಿಸಿದರೆ,

ತುಟಿಯಂಚಿಂದ ಒಂದೇ ಒಂದು ನಗುವನ್ನಾದರೂ ಬಿಸಾಕು...ನನಗಷ್ಟೇ ಸಾಕು//

ನಿರ್ಮಲ ಪ್ರೀತಿಯ ಗುರಿ ನಲಿವನು ಉಡುಗಿಸೋದಲ್ಲ,

ಮೆಚ್ಚಿದ ಜೀವದ ತುಟಿ ಮೇಲಿನ ನಗುವ ಒಣಗಿಸೋದಲ್ಲ/

ಅವರ ಸಂತಸದಲ್ಲೇ ಸಂಭ್ರಮಿಸುತ್ತ,

ನಿರಾಕರಣೆಯ ನೋವಲ್ಲೂ ನಗುವ ಯತ್ನವದರದು....ತನ್ನೊಲವನ್ನು ಸಂತೈಸುತ್ತ//

ಪ್ರೀತಿಯಲ್ಲಿ ಬಿದ್ದ ಜೀವ,

ಹತ್ತಿಯಂತೆ ಮೃದು ಸದಾ/

ದಕ್ಕಿದರೆ ಒಲವು ಸಂತಸದಲ್ಲಿ ಹಗೂರ,

ಕೈತಪ್ಪಿದರೆ ಅಶ್ರುಧರೆಗೆ ನೆನೆದು ಒದ್ದೆ...ಬಲು ಭಾರ//

हकीकत..

अश्कों के समंदर में,
डूबता टूटी नाव/
एक दम बेसहारेसे हुवे हम आज,
भरता नही इनकार ज़काम का गाव//

-एक बहुडा

ಮೌನ ಗಾನ..

ಮೌನ ವೀಣೆ ಮಿಡಿದರೆ ಯಾವ ರಾಗ ಹೊಮ್ಮೀತು?,
ಕಲ್ಲಿನ ಕೊಳಲ ಊದಿದರೆ ಅದ್ಯಾವ ನಾದ ಉಲಿದೀತು?/
ಎದೆ ತಾಳದ ಸದ್ದಿಗೆ ಮಾತ್ರ ಅದು ಗೊತ್ತು,
ಒಲವೆನ್ನೋದು ಕೂಡ ಹೀಗೇನೆ...ಅದೋ ಮುಸ್ಸಂಜೆ ಕಟ್ಟಿದ ಜೇಡನ ಬಲೆಯಲ್ಲಿ ಮುಂಜಾನೆ ಪೋಣಿಸಿದ ಹಿಮ ಮಣಿಯ ಮುತ್ತು//

ಲೆಕ್ಖಾಚಾರ ಬೇಕಿಲ್ಲ..ಅಲ್ಲಾ?

ಕಣ್ಣಂಚಲ್ಲಿ ಕಂಡಿದ್ದ ಆತಂಕದ ಛಾಯೆ,

ಹಣೆ ಮೇಲೆ ಸಾಲುಗಟ್ಟಿದ್ದ ಬೆವರ ಮಣಿ ಮಾಲೆ...ತುಟಿಗಳ ಅವ್ಯಕ್ತ ಕಂಪನ/

ಹೇಳಲಾಗದ-ಹೇಳಲೇ ಬೇಕಿದ್ದ ನಿನ್ನೊಳಗಿನ ತಲ್ಲಣ,

ನೆನಪಾಗಿದೆ ನನಗೆ.. ನಾವಿಬ್ಬರೂ ಮನದ ಮುಸುಕ ಕಳೆದ ಆ ದಿನ!//

ಲೆಕ್ಖವಿಡುವ ಖಯಾಲಿಯೇಕೆ?,

ದಿನ-ಘಂಟೆಗಳ ತಪಶೀಲು ಒಪ್ಪಿಸಬೇಕೆ?/

ಪ್ರೀತಿಸುವ ನಿರಂತರ ಅನುಭೂತಿಯ ಮಾಧುರ್ಯಕೆ,

ಎಣಿಕೆಯ ಬೇಲಿ ಹಾಕಲೇಬೇಕೆ...ನೀನೆ ಹೇಳು?//

ಮೋಹಕ ನೆನಪಾದ ಖುಷಿ

ಸುರಗಿಯ ಸುವಾಸನೆ,

ಮನೆ ಹಿಂದಿನ ಗುಡ್ಡದಲ್ಲಿ ಹಾಡೋ ನವಿಲ ಉಲಿ

ಬೇಲಿಯಾಚೆ ಕೊಂದರೂ ಮತ್ತರಳೋ ಕೇದಿಗೆಯ ನರುಗಂಪು,

ಸದಾ ಕಾಡುವಂತೆ...ನನ್ನ ನೆನಪಲ್ಲಿ ನೀನು//

ಕನಸಿನ ಕಡಲಲ್ಲಿ ಬೆಳ್ಳಿಮೀನಾಗಿ ಚಿಮ್ಮಿ,

ನನಸಿನ ಹೊಂಗೆ ಮರದ ನೆರಳಲ್ಲಿ ಹೊಮ್ಮಿ/

ಮುಂಜಾವಲ್ಲಿ ಮುಗುಳ್ನಗೋ ಪಾರಿಜಾತದ ಕಂಪಂತೆ,

ಹಾಗೆ ಸುಮ್ಮನೆ ನೀ ನೆನಪಾಗಿ ಕಾಡುತಿರು...ದೂರದಿಂದಲೇ ನನ್ನ ಹೀಗೆ ನೋಡುತಿರು//

ನಿನ್ನೊಲವಿನ ಬಿಂದು...

ಪರಿಧಿಯಾಗಿಯೇ ಉಳಿಯುತೀನಿ,

ಕೇಂದ್ರವಾಗೋ ಖಯಾಲಿಯಿಲ್ಲ/

ಗ್ರಹವಾಗಿಯೇ ಸುತ್ತುವೆ ನಿನ್ನ,

ನಕ್ಷತ್ರವಾಗಿ ನಿಯಂತ್ರಿಸೋ ಇರಾದೆ ನನಗಿಲ್ಲ//

ಸವಿ ನೆನಪು...

ಮತ್ತೇನಿಲ್ಲ ಬರೇ ನೆನಪಿನ ಸೆಳೆತ ಈ ಹೊತ್ತು,

ಮಾದಕ ವ್ಯಸನವಿಲ್ಲದೆಯೂ ಅದೊಂಥರಾ ನಿನ್ನದೇ ಮತ್ತು/

ಬೇಡ ಅನ್ನೋದಾದರೂ ಹೇಗೆ,

ನನಗೋ ಇದು ಹೊಸ ಬಗೆ...ಮತ್ತದೇ ಹಳೆ ನೆನಪು//

ಕನಸುಗಾರ....

ಕನಸಿದ್ದವು ಕಣ್ಣಲ್ಲಿ ಸಾವಿರ,

ಭ್ರಮೆಯ ಬೆನ್ನೇರಿ ಬಳಲಿದ ಧೀರ ಅವ ಸರದಾರ/

ಅದೇನೇ ಗೊಂದಲವಿದ್ದರೂ,

ಸುಭಾಷರ ಸಾಹಸಕ್ಕೆ ಸಾಟಿಯೇ ಇಲ್ಲ ಇನ್ನಾರೂ//

ನೇತಾಜಿ ಹುಟ್ಟಿ ಇಂದಿಗೆ ಭರ್ತಿ ೧೧೩ ವರ್ಷ ( ಜನವರಿ ೨೩,೧೨:೧೩ ಮಧ್ಯಾಹ್ನ )

ದುಸ್ವಪ್ನ....

ಮೌನ ಕಣಿವೆಯೊಳಗಿಂದ ನೋವಿನ ಚೀತ್ಕಾರ,

ಮನದ ಭಿತ್ತಿ ಮೇಲೆ ನೆತ್ತರ ಹನಿ ಚಿತ್ತಾರ/

ನಿನ್ನ ಕೈ ಜಾರಿ ತಳಕಾಣದ ಕತ್ತಲ ಕೂಪಕ್ಕೆ ಜಾರಿದ ಕೆಟ್ಟ ಕನಸು,

ಅದು ನಿಜವಾಗದಿರಲಿ...ಎಂದು ಹಂಬಲಿಸಿತು ಬೆದರಿ ಮನಸು//

ಭಾರದ ಇಳಿಕೆ...

ಎದೆಯೊಳಗೆ ಅದುಮಿಡಲಾಗದ ಕನಸ ರಾಶಿ,
ಬೀದೀಲಿ ಹರವಿ ಮಾರ ಹೊರಟೆ/
ನನಗೇನೋ ಇದು ನೋವ ಮನಭಾರ ಕಳೆವ ಮಾರ್ಗ,
ನಿನಗೋ ಕಾಣೋದು ಕೇವಲ ಹಾಳು ಕಾಡು ಹರಟೆ...ಅಲ್ಲವಾ?//

जूती दर्पण..

कहते है के आईना कभी जूट नही बोलता,
पर मेरे दर्पण का हालात ऐसा क्यों है बाला/
जब बी हु मई उस में जाक्था,
थो मेरे मनहूस चहरे के बदले में आपका सू रथ ही क्यों ये धिकाथा?//

सूका मन का रेगिस्थान...

मई बना दीवाना इस्तेफाक से,

अचानक जगा इश्क अन्हूनी भूक से/

ज़िंदगी के अनजान राहों में न आप हमें मिल थे,

हमारी सूकी मन की रेत में अरमान के फूल नही किलते//

ಗುರಿತಪ್ಪಿದ ಬಾಳು....

ಒಡೆದ ಕನ್ನಡಿಯ ಸಾವಿರ ಚೂರು,
ಭಗ್ನ ಮನಸ್ಸಿನ ಒಡಕು ಬಿಂಬ ನೂರಾರು/
ಒಲವಿನ ನಡು ಕಡಲಲ್ಲಿ ನಾನು ಅನಾಥ ನಾವೆ,
ನಲಿವಿನ ಮಾರುತದ ನಿರೀಕ್ಷೆಯಿದ್ದರೂ....ಹಾಯಿಯತ್ತ ಬೀಸಿದ್ದು ಬರಿಯ ನೋವೆ//

अस्सूवों का प्यासा...ಕಣ್ಣೀರಿನ ಕಾವಲುಗಾರ

चाहे चोर समजे हमें ये बेरहम दुनिया,
चुराना है मुझे आपके ओ सारे आंसू/
जो तद्पाते है आपको,
हेवाजा तन हायियोंमे//

(ಚಾಹೆ ಚೋರ್ ಸಮ್ಜೆ ಹಮೆ ಏ ಬೇರೆಹಂ ದುನಿಯಾ,
ಚುರಾನಾ ಹೈ ಹಮೆ ಆಪ್ಕೆ ಓ ಸಾರೆ ಆಸೂ/
ಜೋ ತಡ್ಪಾತೆ ಹೈ ಆಪ್ ಕೊ,
ಅಕ್ಸರ್ ತನಹಾಯಿಯೋಮೆ//)

ತಿರುಕನ ಕನಸು...

ಹಾಡುವ ಹಂಬಲವಿದ್ದರೂ ಒಲವಿನ ರಾಗ...ಪಾಪಿ ನಾನು ಮೂಕ,
ಕೊಡುವ ಇಂಗಿತವೂ ಇದೆ...ಆದರೆ ನಾನೇ ಪ್ರೀತೀಲಿ ತಿರುಕ/
ಇದರ ಅರಿವು ನಿನಗೂ ಇದೆ,
ಹೊಂದಬಾರದೆ?
ಸುಳ್ಳಾದರೂ ಒಂದು ವರಕೊಡುವ ಇರಾದೆ//

ಹಾಡುವ ಮೊದಲು..

ಪಿಸುಗುಟ್ಟಿದರೂ ಸಾಕು,

ಎದೆ ಮಿಡಿತವಾಗಿ ಉಳಿದು ಕೊಳ್ಳುತೀನಿ/

ಸುಮ್ಮನೆ ಕನವರಿಸಿ ಕನಸಲೆ ಕೈಗೆ ಕೈ ಸೋಕು,

ಗದ್ದಲ ಅದೆಷ್ಟೇ ಇದ್ದರೂ ಕೇಳಿಸಿಕೊಳ್ಳುತೀನಿ...ನೀ ಹಾಡದ ಆ ಮೌನದ ಹಾಡ//

ಒಲವ ಪಾರಿಜಾತ

ಪಾರಿಜಾತ ನನ್ನೊಲವಿನ ಹೂವು,
ಅದಕ್ಕೂ ನನಗೂ ಇವೆ ಸಾಮ್ಯತೆ ಹಲವು/
ಇಬ್ಬರೂ ಬೇಗ ಬಾಡುತ್ತೇವೆ,
ಅದೋ ಮಂಜಿನ ಹನಿ ಕಾಣದೆ...ನಾನೋ ನಿನ್ನೆದೆ ಧ್ವನಿ ಕೇಳದೆ//

हकीकत....

करता हु कुछ थो हु आदत से मजबूर,

धाम बी तोड़ ने तैयार हु जो आप के कातिर/

इंतनी बेशर्मी कबी न थी,

चाहत का बीक मांगते आया में अब तुम्हारी महफिल//

जिंदा लाश...

जिंदा हु में लेकिन,
जिंदगी कहा है?/
किल्तेहे होट आदत से...लेकिन मुस्कराहट मारी है,
सिर्फ़ तुम्हारे बिना//

ಪ್ರೀತಿಯ ಮರುಳ...

ಕೇಳದೆ ವರ ಕೊಡುವ ಕಾಮಧೇನು ಸಿಕ್ಕಿದ್ದರೆ,

ಕಲ್ಪವ್ರಕ್ಷ ಗರಿಚಾಚಿ ಮನದಾಸೆ ವಿಚಾರಿಸಿದ್ದರೆ/

ನಿನ್ನೊಂದೆ ಒಂದು ಸ್ಪರ್ಶಕ್ಕೆ ಹಪಾಹಪಿಸಿ ಬೇಡುತ್ತೀನಿ,

ನನ್ನೆದೆ ಮೇಲೆ ನೀ ಮೆಟ್ಟಿ ನಡೆದರೂ ಸರಿ...ನಿನ್ನ ಕಾಲಾದರೂ ಸೋಕಲಿ ಎಂದು ಕೇಳುತ್ತೀನಿ//

हां अमीर हु में...ನಾನೂ ಆದೆ ಶ್ರೀಮಂತ..

ना मिला इतनी मोव्लत,
जो आप के सामने कुल्लम कुल्ला बय्याँ कर सकू मेरी दिल की दोव्लाथ/
गरीब ही सही में दुनिया के नज़र में,
बना जरूर अमीर....पाकर न कोने वाली आप की मुस्कराहट//

(ನಾ ಮಿಲಾ ಇತನೀ ಮೊವ್ಲತ್,
ಜೋ ಆಪ್ ಕೆ ಸಾಮನೆ ಕುಲ್ಲಂ ಕುಲ್ಲಾ ಬಯಾನ್ ಕರ್ ಸಾಕೂ ಮೇರಿ ದಿಲ್ ಕಿ ದೊವ್ಲತ್/
ಗರೀಬ್ ಹೀ ಸಹಿ ಮೇ ದುನಿಯಾ ಕೆ ನಜರ ಮೇ,
ಬನಾ ಜರೂರ್ ಅಮೀರ್.... ಪಾಕರ್ ನ ಕೋನೆವಾಲಿ ಆಪ್ ಕಿ ಮುಸ್ಕುರಾಹತ)

हाल-ऐ-दिल.....ನನ್ನೆದೆ ಕಲಹ...

आकिर क्यों ये ख़याल मुझे अक्सर सताए,

जानते हुवे बी हमारी बीच की धुरी...नजदीक होना दिल चाहे/

शायद सच को सामना करने की हिम्मत मुज में ना रही,

या फ़िर पगला गया हु मै इन्तजार में तुम्हारे//

(ಆಕಿರ್ ಕ್ಯೂ ಏ ಖಯಾಲ್ ಮುಜ್ಹೆ ಅಕ್ಸರ್ ಸತಾಯೇ,

ಜಾನ್ ತೇ ಹೂವೆ ಬೀ ಹಮಾರಿ ಬೀಚ್ ಕೀ ದೂರಿ...ನಜ್ದೀಕ್ ಹೋನಾ ದಿಲ್ ಚಾಹೆ/

ಶಾಯದ್ ಸಚ್ಕೊ ಸಾಮ್ನಾ ಕರ್ನೆ ಕಿ ಹಿಮ್ಮತ್ ಮುಜ್ ಮೇ ನಾ ರಹಿ,

ಯಾ ಫಿರ್ ಪಗ್ಲಾಗಯಾ ಹು ಮೈ ಇನ್ಥಜಾರ್ ಮೇ ತುಮ್ಹಾರೆ//)

अरमान अपने अपने...ಒಂದು ಲಹರಿ...

गिरते पथ को बी है जड़ से बेपनाह मोहब्बत,

तरस न काये सावन...न मिला ज़िंदगी की बदोव्लाथ/

हमारी ही तरह वो बेबी है प्यासा,

बस धो ही धो भून्ध चाहत का//

(ಗಿರ್ತೆ ಪತ್ ಕೊ ಬೀ ಹೈ ಜಡ ಸೆ ಬೆಪನಾಹ ಮೊಹೊಬ್ಬತ್,

ತರಸ್ ನ ಕಾಯೇ ಸಾವನ್...ನ ಮಿಲಾ ಜಿನ್ದಗಿ ಕಿ ಬದೊವ್ಲತ್/

ಹಮಾರೀ ಹಿ ತರಹ ವೋ ಬೇಚಾರಾ ಬಿ ಹೈ ಪ್ಯಾಸ,

ಬಸ್ ದೋ ಹಿ ದೋ ಬೂಂದ್ ಚಾಹತ್ ಕ//)

ಹುಚ್ಚು ಮೋಹ..

ಗಾಯದ ಮೇಲೆಯೇ ಮತ್ತೊಂದು ಬರೆ,

ಬಿರಿದ ಪಾದಗಳಲ್ಲೇ ಕಾದ ಮರಳ ತೆರೆ ದಾಟಿದರೆ...ಧುತ್ತನೆ ಎದುರಾದ ಲವಣದ ತೊರೆ/

ನಿನ್ನೆಡೆಗಿನ ಸೆಳೆತಕ್ಕೆ ಬಲಿಯಾದ ಪತಂಗ ನಾನು,

ಉರಿಯ ಅರಿವಿದ್ದರೂ...ಇನ್ನೊಮ್ಮೆ ಹಾಗೆ ಸಾಯಲು ತಯಾರು//

है यही तमन्ना...ಮುಚ್ಚಿದಲಾಗದ ಕನಸು...

तमीज के दायरे पार कर निकलने पे तुला,

दिल का हाल एय्लान करने चला/

इश्क ने हमें इतनी बेशरम बनादी,

छुपे जस्बथों को...जुबान पर लाया में बाला//

( ತಮೀಜ್ ಕೆ ದಾಯರೇ ಪಾರ್ ಕರ್ ನಿಕಲ್ನೇ ಪೆ ತುಲಾ,

ದಿಲ್ ಕಾ ಹಾಲ್ ಎಯ್ಲಾನ್ ಕರ್ನೆ ಚಲಾ/

ಇಷ್ಕ್ ನೇ ಹಮೆ ಇತನೀ ಬೇಷರಂ ಬನಾದೀ,

ಚುಪೇ ಬಸ್ಬಾತೊನ್ ಕೋ.....ಜುಬಾನ್ ಪರ್ ಲಾಯಾ ಮೇ ಬಲಾ//)

ಕಣ್ಣೋಟದ ಚೂರಿಯಿಂದ ದಯವಿಟ್ಟು ನನ್ನನ್ನು ಇರಿ....

ಹೊರಬಿದ್ದ ನಿಟ್ಟುಸಿರಿಗೆ ಅನುಕಂಪ ಬೇಕಿಲ್ಲ,

ನನಸಾಗದ ಕನಸಿಗೂ ಕರುಣೆಯ ನಿರೀಕ್ಷೆಯಿಲ್ಲ/

ಮೊನಚು ನೋಟದಿಂದ ಒಂದೊಮ್ಮೆ ಇರಿದರೂ ಸರಿ,

ನನ್ನತ್ತ ನಿನ್ನ ಕಣ್ಣು ಹರಿದರೆ ಸಾಕು ಒಂದೇ ಒಂದುಸಾರಿ//

कुईश...ಒಂದೇ ಒಂದಾಸೆ

कुछ लम्हा परेशान,

कही जस्बात बेजुबान/

इसी में तड़प न है शायद अपनी नसीब,

हो सके तो बदल लू इसे...तुम्हें करलू बेहद करीब//

[ಕುಚ್ ಲಮ್ಹಾ ಪರೆಷಾನ್,

ಕಹೀ ಜಸ್ಬಾತ್ ಬೇ ಜುಬಾನ್/

ಇಸೀ ಮೇ ತಡಪ್ನಾ ಹೈ ಶಾಯದ್ ಅಪನೀ ನಸೀಬ್,

ಹೊಸಕೆ ತೋ ಬದಲಲೂ ಇಸೇ....ಕರ್ಲೂ ತುಮ್ಹೇ ಬೇಹದ್ ಕರೀಬ್//]

ಮರೆತೀಯ ಜೋಕೆ!

ಕಾಲಕ್ಕೆ ಕುದುರೆಯ ಗೊರಸುಗಳು,
ಅದೆಷ್ಟೇ ವೇಗವಾಗಿ ಓಡಿದರೂ/
ನನ್ನೊಲವು ಮುಪ್ಪಾಗದು,
ಒಂದೊಮ್ಮೆ ನೀನೆ ನನ್ನ ಮರೆತರೂ//

ಮಳೆಬಿಲ್ಲು...

ಮೋಡದ ತೆರೆಯಾಗಿಯಾದರೂ ಕಂಡು ಮರೆಯಾಗು,
ಎಳೆಬಿಸಿಲ ಹೊಂಗಿರಣವಾಗಿ ಒಮ್ಮೊಮ್ಮೆಯಾದರೂ ಸೋಕು/
ಜೀವಾನಿಲವಾಗಿ ಉಸಿರನೆ ತುಂಬಿರುವೆ,
ಅಪರೂಪಕೆ ಬರುವ ಮಳೆಯಂತೆ ನನ್ನ ನೆನಪ ತೋಯಿಸಿದರೂ ಸಾಕು//

ಮೂಕ ನಾನು....

ಹೇಳಲೇ ಬೇಕ ಪದಗಳಲ್ಲಿ,
ಮಾತಿನ ಮನೆ ಕಟ್ಟಲೇ ಬೇಕ?/
ನಿನ್ನ -ನನ್ನ ನಡುವಿನ ಭಾವಕೆ,
ಹೇಳು...ನುಡಿಗಳ ಗೋರಿ ತೋಡಲೇ ಬೇಕ?//